TITUS
Rg-Veda: Rg-Veda-Samhita
Part No. 923
Previous part

Hymn: 86_(912) 
Verse: 1 
Halfverse: a    वि हि सोतो॒रसृ॑क्षत॒ नेन्द्रं॑ दे॒वम॑मंसत ।
   वि हि सोतो॒रसृ॑क्षत
   वि हि सोतोः असृ॑क्षत
   वि हि सोतो॑र् असृ॑क्षत

Halfverse: b    नेन्द्रं॑ दे॒वम॑मंसत ।
   न इन्द्र॑म् दे॒वम् अमंसत ।
   नेन्द्रं दे॒वम् अमंसत ।

Halfverse: c    यत्राम॑दद्वृ॒षाक॑पिर॒र्यः पु॒ष्टेषु॒ मत्स॑खा॒ विश्व॑स्मा॒दिन्द्र॒ उत्त॑रः ।।
   यत्राम॑दद्वृ॒षाक॑पिर्
   यत्र अम॑दत् वृ॒षाक॑पिः
   यत्राम॑दद् वृ॒षाक॑पिर्

Halfverse: d    अ॒र्यः पु॒ष्टेषु॒ मत्स॑खा
   अ॒र्यः पु॒ष्टेषु मत्स॑खा
   अ॒र्यः पु॒ष्टेषु मत्स॑खा

Halfverse: e    विश्व॑स्मा॒दिन्द्र॒ उत्त॑रः ।।
   विश्व॑स्मात् इन्द्रः उत्त॑रः ।।
   विश्व॑स्माद् इन्द्र उत्त॑रः ।।


Verse: 2 
Halfverse: a    परा॒ ही॑न्द्र॒ धाव॑सि वृ॒षाक॑पे॒रति॒ व्यथिः॑ ।
   परा॒ ही॑न्द्र॒ धाव॑सि
   परा हि इ॑न्द्र धाव॑सि
   परा हि इ॑न्द्र धाव॑सि

Halfverse: b    वृ॒षाक॑पे॒रति॒ व्यथिः॑ ।
   वृ॒षाक॑पेः अति व्यथिः ।
   वृ॒षाक॑पेर् अति व्यथिः ।

Halfverse: c    नो अह॒ प्र वि॑न्दस्य॒न्यत्र॒ सोम॑पीतये॒ विश्व॑स्मा॒दिन्द्र॒ उत्त॑रः ।।
   नो अह॒ प्र वि॑न्दस्य्
   न उ+ अह प्र वि॑न्दसि
   न ऊ अह प्र वि॑न्दसि

Halfverse: d    अ॒न्यत्र॒ सोम॑पीतये
   अ॒न्यत्र सोम॑पीतये
   अ॒न्यत्र सोम॑पीतये

Halfverse: e    विश्व॑स्मा॒दिन्द्र॒ उत्त॑रः ।।
   विश्व॑स्मात् इन्द्रः उत्त॑रः ।।
   विश्व॑स्माद् इन्द्र उत्त॑रः ।।


Verse: 3 
Halfverse: a    किम॒यं त्वां वृ॒षाक॑पिश्च॒कार॒ हरि॑तो मृ॒गः ।
   किम॒यं त्वां वृ॒षाक॑पिश्
   किम् अ॒यम् त्वाम् वृ॒षाक॑पिः
   किम् अ॒यं त्वां वृ॒षाक॑पिश्

Halfverse: b    च॒कार॒ हरि॑तो मृ॒गः ।
   च॒कार हरि॑तः मृ॒गः ।
   च॒कार हरि॑तो मृ॒गः ।

Halfverse: c    यस्मा॑ इर॒स्यसीदु॒ न्व॒र्यो वा॑ पुष्टि॒मद्वसु॒ विश्व॑स्मा॒दिन्द्र॒ उत्त॑रः ।।
   यस्मा॑ इर॒स्यसीदु॑ न्व्
   यस्मै इर॒स्यसि इत् उ नु
   यस्मा इर॒स्यसीद् उ नु

Halfverse: d    अ॒र्यो वा॑ पुष्टि॒मद्वसु
   अ॒र्यः वा पुष्टि॒मत् वसु
   अ॒र्यो वा पुष्टि॒मद् वसु

Halfverse: e    विश्व॑स्मा॒दिन्द्र॒ उत्त॑रः ।।
   विश्व॑स्मात् इन्द्रः उत्त॑रः ।।
   विश्व॑स्माद् इन्द्र उत्त॑रः ।।


Verse: 4 
Halfverse: a    यमि॒मं त्वं वृ॒षाक॑पिम्प्रि॒यमि॑न्द्राभि॒रक्ष॑सि ।
   यमि॒मं त्वं वृ॒षाक॑पिम्
   यम् इ॒मम् त्वम् वृ॒षाक॑पिम्
   यम् इ॒मं त्वं वृ॒षाक॑पिम्

Halfverse: b    प्रि॒यमि॑न्द्राभि॒रक्ष॑सि ।
   प्रि॒यम् इन्द्र अभि॒रक्ष॑सि ।
   प्रि॒यम् इन्द्राभि॒रक्ष॑सि ।

Halfverse: c    श्वा न्व॑स्य जम्भिष॒दपि॒ कर्णे॑ वराह॒युर्विश्व॑स्मा॒दिन्द्र॒ उत्त॑रः ।।
   श्वा न्व॑स्य जम्भिषद्
   श्वा नु अ॑स्य जम्भिषत्
   शु॒वा नु अ॑स्य जम्भिषद्

Halfverse: d    अपि॒ कर्णे॑ वराह॒युर्
   अपि कर्णे वराह॒युः
   अपि कर्णे वराह॒युर्

Halfverse: e    विश्व॑स्मा॒दिन्द्र॒ उत्त॑रः ।।
   विश्व॑स्मात् इन्द्रः उत्त॑रः ।।
   विश्व॑स्माद् इन्द्र उत्त॑रः ।।


Verse: 5 
Halfverse: a    प्रि॒या त॒ष्टानि॑ मे क॒पिर्व्य॑क्ता॒ व्य॑दूदुषत् ।
   प्रि॒या त॒ष्टानि॑ मे क॒पिर्
   प्रि॒या त॒ष्टानि मे क॒पिः
   प्रि॒या त॒ष्टानि मे क॒पिर्

Halfverse: b    व्य॑क्ता॒ व्य॑दूदुषत् ।
   व्य॑क्ता वि अ॑दूदुषत् ।
   विअ॑क्ता वि अ॑दूदुषत् ।

Halfverse: c    शिरो॒ न्व॑स्य राविषं॒ न सु॒गं दु॒ष्कृते॑ भुवं॒ विश्व॑स्मा॒दिन्द्र॒ उत्त॑रः ।।
   शिरो॒ न्व॑स्य राविषं
   शिरः नु अ॑स्य राविषम्
   शिरो नु अ॑स्य राविषं

Halfverse: d    न सु॒गं दु॒ष्कृते॑ भुवं
   न सु॒गम् दु॒ष्कृते भुवम्
   न सु॒गं दु॒ष्कृते भुवं

Halfverse: e    विश्व॑स्मा॒दिन्द्र॒ उत्त॑रः ।।
   विश्व॑स्मात् इन्द्रः उत्त॑रः ।।
   विश्व॑स्माद् इन्द्र उत्त॑रः ।।


Verse: 6 
Halfverse: a    न मत्स्त्री सु॑भ॒सत्त॑रा॒ न सु॒याशु॑तरा भुवत् ।
   न मत्स्त्री सु॑भ॒सत्त॑रा
   न मत् स्त्री सु॑भ॒सत्त॑रा
   न मत् स्त्री सु॑भ॒सत्त॑रा

Halfverse: b    न सु॒याशु॑तरा भुवत् ।
   न सु॒याशु॑तरा भुवत् ।
   न सु॒याशु॑तरा भुवत् ।

Halfverse: c    न मत्प्रति॑च्यवीयसी॒ न सक्थ्युद्य॑मीयसी॒ विश्व॑स्मा॒दिन्द्र॒ उत्त॑रः ।।
   न मत्प्रति॑च्यवीयसी
   न मत् प्रति॑च्यवीयसी
   न मत् प्रति॑च्यवीयसी

Halfverse: d    न सक्थ्युद्य॑मीयसी
   न सक्थि उद्य॑मीयसी
   न सक्थि उद्य॑मीयसी

Halfverse: e    विश्व॑स्मा॒दिन्द्र॒ उत्त॑रः ।।
   विश्व॑स्मात् इन्द्रः उत्त॑रः ।।
   विश्व॑स्माद् इन्द्र उत्त॑रः ।।


Verse: 7 
Halfverse: a    उ॒वे अ॑म्ब सुलाभिके॒ यथे॑वा॒ङ्ग भ॑वि॒ष्यति॑ ।
   उ॒वे अ॑म्ब सुलाभिके
   उ॒वे अ॑म्ब सुलाभिके
   उ॒वे अ॑म्ब सुलाभिके

Halfverse: b    यथे॑वा॒ङ्ग भ॑वि॒ष्यति॑ ।
   यथा इव अ॒ङ्ग भ॑वि॒ष्यति ।
   यथे॑वा॒ङ्ग भ॑वि॒ष्यति ।

Halfverse: c    भ॒सन्मे॑ अम्ब॒ सक्थि॑ मे॒ शिरो॑ मे॒ वी॑व हृष्यति॒ विश्व॑स्मा॒दिन्द्र॒ उत्त॑रः ।।
   भ॒सन्मे॑ अम्ब॒ सक्थि॑ मे
   भ॒सत् मे अम्ब सक्थि मे
   भ॒सन् मे अम्ब सक्थि मे

Halfverse: d    शिरो॑ मे॒ वी॑व हृष्यति
   शिरः मे वि इ॑व हृष्यति
   शिरो मे वी॑व हृष्यति

Halfverse: e    विश्व॑स्मा॒दिन्द्र॒ उत्त॑रः ।।
   विश्व॑स्मात् इन्द्रः उत्त॑रः ।।
   विश्व॑स्माद् इन्द्र उत्त॑रः ।।


Verse: 8 
Halfverse: a    किं सु॑बाहो स्वङ्गुरे॒ पृथु॑ष्टो॒ पृथु॑जाघने ।
   किं सु॑बाहो स्वङ्गुरे
   किम् सुबाहो स्वङ्गुरे
   किं सु॑बाहो सुअङ्गुरे

Halfverse: b    पृथु॑ष्टो॒ पृथु॑जाघने ।
   पृथु॑ष्टो पृथु॑जाघने ।
   पृथु॑ष्टो पृथु॑जाघने ।

Halfverse: c    किं शू॑रपत्नि न॒स्त्वम॒भ्य॑मीषि वृ॒षाक॑पिं॒ विश्व॑स्मा॒दिन्द्र॒ उत्त॑रः ।।
   किं शू॑रपत्नि न॒स्त्वम्
   किम् शूरपत्नि नः त्वम्
   किं शू॑रपत्नि नस् तु॒वम्

Halfverse: d    अ॒भ्य॑मीषि वृ॒षाक॑पिं
   अ॒भि अ॑मीषि वृ॒षाक॑पिम्
   अभ्य् अ॑मीषि वृ॒षाक॑पिं

Halfverse: e    विश्व॑स्मा॒दिन्द्र॒ उत्त॑रः ।।
   विश्व॑स्मात् इन्द्रः उत्त॑रः ।।
   विश्व॑स्माद् इन्द्र उत्त॑रः ।।


Verse: 9 
Halfverse: a    अ॒वीरा॑मिव॒ माम॒यं श॒रारु॑र॒भि म॑न्यते ।
   अ॒वीरा॑मिव॒ माम॒यं
   अ॒वीरा॑म् इव माम् अ॒यम्
   अ॒वीरा॑म् इव माम् अ॒यं

Halfverse: b    श॒रारु॑र॒भि म॑न्यते ।
   श॒रारुः अ॒भि म॑न्यते ।
   श॒रारु॑र् अ॒भि म॑न्यते ।

Halfverse: c    उ॒ताहम॑स्मि वी॒रिणीन्द्र॑पत्नी म॒रुत्स॑खा॒ विश्व॑स्मा॒दिन्द्र॒ उत्त॑रः ।।
   उ॒ताहम॑स्मि वी॒रिणी
   उ॒त अ॒हम् अस्मि वी॒रिणी
   उ॒ताहम् अस्मि वी॒रिणी

Halfverse: d     इन्द्र॑पत्नी म॒रुत्स॑खा
   इन्द्र॑पत्नी म॒रुत्स॑खा
   इन्द्र॑पत्नी म॒रुत्स॑खा

Halfverse: e    विश्व॑स्मा॒दिन्द्र॒ उत्त॑रः ।।
   विश्व॑स्मात् इन्द्रः उत्त॑रः ।।
   विश्व॑स्माद् इन्द्र उत्त॑रः ।।


Verse: 10 
Halfverse: a    सं॑हो॒त्रं स्म॑ पु॒रा नारी॒ सम॑नं॒ वाव॑ गछति ।
   सं॑हो॒त्रं स्म॑ पु॒रा नारी
   संहो॒त्रम् स्म पु॒रा नारी
   संहो॒त्रं स्म पु॒रा नारी

Halfverse: b    सम॑नं॒ वाव॑ गछति ।
   सम॑नम् वा अव गछति ।
   सम॑नं वाव गछति ।

Halfverse: c    वे॒धा ऋ॒तस्य॑ वी॒रिणीन्द्र॑पत्नी महीयते॒ विश्व॑स्मा॒दिन्द्र॒ उत्त॑रः ।।
   वे॒धा ऋ॒तस्य॑ वी॒रिणी
   वे॒धाः ऋ॒तस्य वी॒रिणी
   वे॒धा ऋ॒तस्य वी॒रिणी

Halfverse: d     इन्द्र॑पत्नी महीयते
   इन्द्र॑पत्नी महीयते
   इन्द्र॑पत्नी महीयते

Halfverse: e    विश्व॑स्मा॒दिन्द्र॒ उत्त॑रः ।।
   विश्व॑स्मात् इन्द्रः उत्त॑रः ।।
   विश्व॑स्माद् इन्द्र उत्त॑रः ।।


Verse: 11 
Halfverse: a    इ॑न्द्रा॒णीमा॒सु नारि॑षु सु॒भगा॑म॒हम॑श्रवम् ।
   इ॑न्द्रा॒णीमा॒सु नारि॑षु
   इन्द्रा॒णीम् आ॒सु नारि॑षु
   इन्द्रा॒णीम् आ॒सु नारि॑षु

Halfverse: b    सु॒भगा॑म॒हम॑श्रवम् ।
   सु॒भगा॑म् अ॒हम् अश्रवम् ।
   सु॒भगा॑म् अ॒हम् अश्रवम् ।

Halfverse: c    न॒ह्य॑स्या अप॒रं च॒न ज॒रसा॒ मर॑ते॒ पति॒र्विश्व॑स्मा॒दिन्द्र॒ उत्त॑रः ।।
   न॒ह्य॑स्या अप॒रं च॒न
   न॒हि अ॑स्याः अप॒रम् च॒न
   न॑ह्य् अ॑स्या अप॒रं च॒न

Halfverse: d    ज॒रसा॒ मर॑ते॒ पति॑र्
   ज॒रसा मर॑ते पतिः
   ज॒रसा मर॑ते पति॑र्

Halfverse: e    विश्व॑स्मा॒दिन्द्र॒ उत्त॑रः ।।
   विश्व॑स्मात् इन्द्रः उत्त॑रः ।।
   विश्व॑स्माद् इन्द्र उत्त॑रः ।।


Verse: 12 
Halfverse: a    नाहमि॑न्द्राणि रारण॒ सख्यु॑र्वृ॒षाक॑पेरृ॒ते ।
   नाहमि॑न्द्राणि रारण
   न अ॒हम् इन्द्राणि रारण
   नाहम् इन्द्राणि रारण

Halfverse: b    सख्यु॑र्वृ॒षाक॑पेरृ॒ते ।
   सख्युः वृ॒षाक॑पेः ऋ॒ते ।
   सख्यु॑र् वृ॒षाक॑पेर् ऋ॒ते ।

Halfverse: c    यस्ये॒दमप्यं॑ ह॒विः प्रि॒यं दे॒वेषु॒ गछ॑ति॒ विश्व॑स्मा॒दिन्द्र॒ उत्त॑रः ।।
   यस्ये॒दमप्यं॑ ह॒विः
   यस्य इ॒दम् अप्य॑म् ह॒विः
   यस्ये॒दम् अपि॑यं ह॒विः

Halfverse: d    प्रि॒यं दे॒वेषु॒ गछ॑ति
   प्रि॒यम् दे॒वेषु गछ॑ति
   प्रि॒यं दे॒वेषु गछ॑ति

Halfverse: e    विश्व॑स्मा॒दिन्द्र॒ उत्त॑रः ।।
   विश्व॑स्मात् इन्द्रः उत्त॑रः ।।
   विश्व॑स्माद् इन्द्र उत्त॑रः ।।


Verse: 13 
Halfverse: a    वृषा॑कपायि॒ रेव॑ति॒ सुपु॑त्र॒ आदु॒ सुस्नु॑षे ।
   वृषा॑कपायि॒ रेव॑ति
   वृषा॑कपायि रेव॑ति
   वृषा॑कपायि रेव॑ति

Halfverse: b    सुपु॑त्र॒ आदु॒ सुस्नु॑षे ।
   सुपु॑त्रे आत् उ सुस्नु॑षे ।
   सुपु॑त्र आद् उ सुस्नु॑षे ।

Halfverse: c    घस॑त्त॒ इन्द्र॑ उ॒क्षणः॑ प्रि॒यं का॑चित्क॒रं ह॒विर्विश्व॑स्मा॒दिन्द्र॒ उत्त॑रः ।।
   घस॑त्त॒ इन्द्र॑ उ॒क्षणः
   घस॑त् ते इन्द्रः उ॒क्षणः
   घस॑त् त इन्द्र उ॒क्षणः

Halfverse: d    प्रि॒यं का॑चित्क॒रं ह॒विर्
   प्रि॒यम् काचित्क॒रम् ह॒विः
   प्रि॒यं का॑चित्क॒रं ह॒विर्

Halfverse: e    विश्व॑स्मा॒दिन्द्र॒ उत्त॑रः ।।
   विश्व॑स्मात् इन्द्रः उत्त॑रः ।।
   विश्व॑स्माद् इन्द्र उत्त॑रः ।।


Verse: 14 
Halfverse: a    उ॒क्ष्णो हि मे॒ पञ्च॑दश सा॒कम्पच॑न्ति विंश॒तिम् ।
   उ॒क्ष्णो हि मे॒ पञ्च॑दश
   उ॒क्ष्णः हि मे पञ्च॑दश
   उ॒क्ष्णो हि मे पञ्च॑दश

Halfverse: b    सा॒कम्पच॑न्ति विंश॒तिम् ।
   सा॒कम् पच॑न्ति विंश॒तिम् ।
   सा॒कम् पच॑न्ति विंश॒तिम् ।

Halfverse: c    उ॒ताहम॑द्मि॒ पीव॒ इदु॒भा कु॒क्षी पृ॑णन्ति मे॒ विश्व॑स्मा॒दिन्द्र॒ उत्त॑रः ।।
   उ॒ताहम॑द्मि॒ पीव॒ इद्
   उ॒त अ॒हम् अद्मि पीवः इत्
   उ॒ताहम् अद्मि पीव इद्

Halfverse: d    उ॒भा कु॒क्षी पृ॑णन्ति मे
   उ॒भा कु॒क्षी पृ॑णन्ति मे
   उ॒भा कु॒क्षी पृ॑णन्ति मे

Halfverse: e    विश्व॑स्मा॒दिन्द्र॒ उत्त॑रः ।।
   विश्व॑स्मात् इन्द्रः उत्त॑रः ।।
   विश्व॑स्माद् इन्द्र उत्त॑रः ।।


Verse: 15 
Halfverse: a    वृ॑ष॒भो न ति॒ग्मशृ॑ङ्गो॒ ऽन्तर्यू॒थेषु॒ रोरु॑वत् ।
   वृ॑ष॒भो न ति॒ग्मशृ॑ङ्गो
   वृष॒भः न ति॒ग्मशृ॑ङ्गः
   वृष॒भो न ति॒ग्मशृ॑ङ्गो

Halfverse: b    ऽन्तर्यू॒थेषु॒ रोरु॑वत् ।
   अ॒न्तर् यू॒थेषु रोरु॑वत् ।
   अ॒न्तर् यू॒थेषु रोरु॑वत् ।

Halfverse: c    म॒न्थस्त॑ इन्द्र॒ शं हृ॒दे यं ते॑ सु॒नोति॑ भाव॒युर्विश्व॑स्मा॒दिन्द्र॒ उत्त॑रः ।।
   म॒न्थस्त॑ इन्द्र॒ शं हृ॒दे
   म॒न्थः ते इन्द्र शम् हृ॒दे
   म॒न्थस् त इन्द्र शं हृ॒दे

Halfverse: d    यं ते॑ सु॒नोति॑ भाव॒युर्
   यम् ते सु॒नोति भाव॒युः
   यं ते सु॒नोति भाव॒युर्

Halfverse: e    विश्व॑स्मा॒दिन्द्र॒ उत्त॑रः ।।
   विश्व॑स्मात् इन्द्रः उत्त॑रः ।।
   विश्व॑स्माद् इन्द्र उत्त॑रः ।।


Verse: 16 
Halfverse: a    न सेशे॒ यस्य॒ रम्ब॑ते ऽन्त॒रा स॒क्थ्या॒ कपृ॑त् ।
   न सेशे॒ यस्य॒ रम्ब॑ते
   न स ई॑शे यस्य रम्ब॑ते
   न सेशे यस्य रम्ब॑ते

Halfverse: b    ऽन्त॒रा स॒क्थ्या॒ कपृ॑त् ।
   अ॑न्त॒रा स॒क्थ्या कपृ॑त् ।
   अ॑न्त॒रा स॒क्थिया कपृ॑त् ।

Halfverse: c    सेदी॑शे॒ यस्य॑ रोम॒शं नि॑षे॒दुषो॑ वि॒जृम्भ॑ते॒ विश्व॑स्मा॒दिन्द्र॒ उत्त॑रः ।।
   सेदी॑शे॒ यस्य॑ रोम॒शं
   स इत् ईशे यस्य रोम॒शम्
   सेद् ईशे यस्य रोम॒शं

Halfverse: d    नि॑षे॒दुषो॑ वि॒जृम्भ॑ते
   निषे॒दुषः वि॒जृम्भ॑ते
   निषे॒दुषो वि॒जृम्भ॑ते

Halfverse: e    विश्व॑स्मा॒दिन्द्र॒ उत्त॑रः ।।
   विश्व॑स्मात् इन्द्रः उत्त॑रः ।।
   विश्व॑स्माद् इन्द्र उत्त॑रः ।।


Verse: 17 
Halfverse: a    न सेशे॒ यस्य॑ रोम॒शं नि॑षे॒दुषो॑ वि॒जृम्भ॑ते ।
   न सेशे॒ यस्य॑ रोम॒शं
   न स ई॑शे यस्य रोम॒शम्
   न सेशे यस्य रोम॒शं

Halfverse: b    नि॑षे॒दुषो॑ वि॒जृम्भ॑ते ।
   नि॑षे॒दुषः वि॒जृम्भ॑ते ।
   नि॑षे॒दुषो वि॒जृम्भ॑ते ।

Halfverse: c    सेदी॑शे॒ यस्य॒ रम्ब॑ते ऽन्त॒रा स॒क्थ्या॒ कपृ॒द्विश्व॑स्मा॒दिन्द्र॒ उत्त॑रः ।।
   सेदी॑शे॒ यस्य॒ रम्ब॑ते
   स इत् ईशे यस्य रम्ब॑ते
   सेद् ईशे यस्य रम्ब॑ते

Halfverse: d    ऽन्त॒रा स॒क्थ्या॒ कपृ॑द्
   अन्त॒रा स॒क्थ्या कपृ॑त्
   अन्त॒रा स॒क्थिया कपृ॑द्

Halfverse: e    विश्व॑स्मा॒दिन्द्र॒ उत्त॑रः ।।
   विश्व॑स्मात् इन्द्रः उत्त॑रः ।।
   विश्व॑स्माद् इन्द्र उत्त॑रः ।।


Verse: 18 
Halfverse: a    अ॒यमि॑न्द्र वृ॒षाक॑पिः॒ पर॑स्वन्तं ह॒तं वि॑दत् ।
   अ॒यमि॑न्द्र वृ॒षाक॑पिः
   अ॒यम् इन्द्र वृ॒षाक॑पिः
   अ॒यम् इन्द्र वृ॒षाक॑पिः

Halfverse: b    पर॑स्वन्तं ह॒तं वि॑दत् ।
   पर॑स्वन्तम् ह॒तम् विदत् ।
   पर॑स्वन्तं ह॒तं वि॑दत् ।

Halfverse: c    अ॒सिं सू॒नां नवं॑ च॒रुमादेध॒स्यान॒ आचि॑तं॒ विश्व॑स्मा॒दिन्द्र॒ उत्त॑रः ।।
   अ॒सिं सू॒नां नवं॑ च॒रुम्
   अ॒सिम् सू॒नाम् नव॑म् च॒रुम्
   अ॒सिं सू॒नां नवं च॒रुम्

Halfverse: d    आदेध॒स्यान॒ आचि॑तं
   आत् एध॑स्य अनः आचि॑तम्
   आद् एध॒स्यान आचि॑तं

Halfverse: e    विश्व॑स्मा॒दिन्द्र॒ उत्त॑रः ।।
   विश्व॑स्मात् इन्द्रः उत्त॑रः ।।
   विश्व॑स्माद् इन्द्र उत्त॑रः ।।


Verse: 19 
Halfverse: a    अ॒यमे॑मि वि॒चाक॑शद्विचि॒न्वन्दास॒मार्य॑म् ।
   अ॒यमे॑मि वि॒चाक॑शद्
   अ॒यम् एमि वि॒चाक॑शत्
   अ॒यम् एमि वि॒चाक॑शद्

Halfverse: b    विचि॒न्वन्दास॒मार्य॑म् ।
   वि॑चि॒न्वन् दास॑म् आर्य॑म् ।
   वि॑चि॒न्वन् दास॑म् आरि॑यम् ।

Halfverse: c    पिबा॑मि पाक॒सुत्व॑नो॒ ऽभि धीर॑मचाकशं॒ विश्व॑स्मा॒दिन्द्र॒ उत्त॑रः ।।
   पिबा॑मि पाक॒सुत्व॑नो
   पिबा॑मि पाक॒सुत्व॑नः
   पिबा॑मि पाक॒सुत्व॑नो

Halfverse: d    ऽभि धीर॑मचाकशं
   अ॒भि धीर॑म् अचाकशम्
   अ॒भि धीर॑म् अचाकशं

Halfverse: e    विश्व॑स्मा॒दिन्द्र॒ उत्त॑रः ।।
   विश्व॑स्मात् इन्द्रः उत्त॑रः ।।
   विश्व॑स्माद् इन्द्र उत्त॑रः ।।


Verse: 20 
Halfverse: a    धन्व॑ च॒ यत्कृ॒न्तत्रं॑ च॒ कति॑ स्वि॒त्ता वि योज॑ना ।
   धन्व॑ च॒ यत्कृ॒न्तत्रं॑ च
   धन्व च यत् कृ॒न्तत्र॑म् च
   धन्व च यत् कृ॒न्तत्रं च

Halfverse: b    कति॑ स्वि॒त्ता वि योज॑ना ।
   कति स्वित् ता वि योज॑ना ।
   कति स्वित् ता वि योज॑ना ।

Halfverse: c    नेदी॑यसो वृषाक॒पे ऽस्त॒मेहि॑ गृ॒हाँ उप॒ विश्व॑स्मा॒दिन्द्र॒ उत्त॑रः ।।
   नेदी॑यसो वृषाक॒पे
   नेदी॑यसः वृषाकपे
   नेदी॑यसो वृषाकपे

Halfverse: d    ऽस्त॒मेहि॑ गृ॒हाँ उप
   अस्त॑म् आ इ॑हि गृ॒हान् उप
   अस्त॑म् एहि गृ॒हाँ उप

Halfverse: e    विश्व॑स्मा॒दिन्द्र॒ उत्त॑रः ।।
   विश्व॑स्मात् इन्द्रः उत्त॑रः ।।
   विश्व॑स्माद् इन्द्र उत्त॑रः ।।


Verse: 21 
Halfverse: a    पुन॒रेहि॑ वृषाकपे सुवि॒ता क॑ल्पयावहै ।
   पुन॒रेहि॑ वृषाकपे
   पुन॑र् आ इ॑हि वृषाकपे
   पुन॑र् एहि वृषाकपे

Halfverse: b    सुवि॒ता क॑ल्पयावहै ।
   सु॑वि॒ता क॑ल्पयावहै ।
   सु॑वि॒ता क॑ल्पयावहै ।

Halfverse: c    य ए॒ष स्व॑प्न॒नंश॒नो ऽस्त॒मेषि॑ प॒था पुन॒र्विश्व॑स्मा॒दिन्द्र॒ उत्त॑रः ।।
   य ए॒ष स्व॑प्न॒नंश॒नो
   यः ए॒ष स्व॑प्न॒नंश॑नः
   य ए॒ष स्व॑प्न॒नंश॑नो

Halfverse: d    ऽस्त॒मेषि॑ प॒था पुन॑र्
   अस्त॑म् एषि प॒था पुन॑र्
   अस्त॑म् एषि प॒था पुन॑र्

Halfverse: e    विश्व॑स्मा॒दिन्द्र॒ उत्त॑रः ।।
   विश्व॑स्मात् इन्द्रः उत्त॑रः ।।
   विश्व॑स्माद् इन्द्र उत्त॑रः ।।


Verse: 22 
Halfverse: a    यदुद॑ञ्चो वृषाकपे गृ॒हमि॒न्द्राज॑गन्तन ।
   यदुद॑ञ्चो वृषाकपे
   यत् उद॑ञ्चः वृषाकपे
   यद् उद॑ञ्चो वृषाकपे

Halfverse: b    गृ॒हमि॒न्द्राज॑गन्तन ।
   गृ॒हम् इन्द्र अज॑गन्तन ।
   गृ॒हम् इ॒न्द्राज॑गन्तन ।

Halfverse: c    क्व॒ स्य पु॑ल्व॒घो मृ॒गः कम॑गञ्जन॒योप॑नो॒ विश्व॑स्मा॒दिन्द्र॒ उत्त॑रः ।।
   क्व॒ स्य पु॑ल्व॒घो मृ॒गः
   क्व स्य पु॑ल्व॒घः मृ॒गः
   कुव स्य पु॑ल्व॒घो मृ॒गः

Halfverse: d    कम॑गञ्जन॒योप॑नो
   कम् अगन् जन॒योप॑नः
   कम् अगञ् जन॒योप॑नो

Halfverse: e    विश्व॑स्मा॒दिन्द्र॒ उत्त॑रः ।।
   विश्व॑स्मात् इन्द्रः उत्त॑रः ।।
   विश्व॑स्माद् इन्द्र उत्त॑रः ।।


Verse: 23 
Halfverse: a    पर्शु॑र्ह॒ नाम॑ मान॒वी सा॒कं स॑सूव विंश॒तिम् ।
   पर्शु॑र्ह॒ नाम॑ मान॒वी
   पर्शुः ह नाम मान॒वी
   पर्शु॑र् ह नाम मान॒वी

Halfverse: b    सा॒कं स॑सूव विंश॒तिम् ।
   सा॒कम् ससूव विंश॒तिम् ।
   सा॒कं स॑सूव विंश॒तिम् ।

Halfverse: c    भ॒द्रम्भ॑ल॒ त्यस्या॑ अभू॒द्यस्या॑ उ॒दर॒माम॑य॒द्विश्व॑स्मा॒दिन्द्र॒ उत्त॑रः ।।
   भ॒द्रम्भ॑ल॒ त्यस्या॑ अभूद्
   भ॒द्रम् भल त्यस्यै अभूत्
   भ॒द्रम् भल त्यस्या अभूद्

Halfverse: d    यस्या॑ उ॒दर॒माम॑यद्
   यस्याः उ॒दर॑म् आम॑यत्
   यस्या उ॒दर॑म् आम॑यद्

Halfverse: e    विश्व॑स्मा॒दिन्द्र॒ उत्त॑रः ।।
   विश्व॑स्मात् इन्द्रः उत्त॑रः ।।
   विश्व॑स्माद् इन्द्र उत्त॑रः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.