TITUS
Rg-Veda: Rg-Veda-Samhita
Part No. 924
Previous part

Hymn: 87_(913) 
Verse: 1 
Halfverse: a    र॑क्षो॒हणं॑ वा॒जिन॒मा जि॑घर्मि मि॒त्रम्प्रथि॑ष्ठ॒मुप॑ यामि॒ शर्म॑ ।
   र॑क्षो॒हणं॑ वा॒जिन॒मा जि॑घर्मि
   रक्षो॒हण॑म् वा॒जिन॑म् आ जि॑घर्मि
   रक्षो॒हणं वा॒जिन॑म् आ जि॑घर्मि

Halfverse: b    मि॒त्रम्प्रथि॑ष्ठ॒मुप॑ यामि॒ शर्म॑ ।
   मि॒त्रम् प्रथि॑ष्ठम् उप यामि शर्म ।
   मि॒त्रम् प्रथि॑ष्ठम् उप यामि शर्म ।

Halfverse: c    शिशा॑नो अ॒ग्निः क्रतु॑भिः॒ समि॑द्धः॒ स नो॒ दिवा॒ स रि॒षः पा॑तु॒ नक्त॑म् ।।
   शिशा॑नो अ॒ग्निः क्रतु॑भिः॒ समि॑द्धः
   शिशा॑नः अ॒ग्निः क्रतु॑भिः समि॑द्धः
   शिशा॑नो अ॒ग्निः क्रतु॑भिः समि॑द्धः

Halfverse: d    स नो॒ दिवा॒ स ।!। रि॒षः पा॑तु॒ नक्त॑म् ।।
   स नः दिवा स रि॒षः पा॑तु नक्त॑म् ।।
   स नो दिवा स रि॒षः पा॑तु नक्त॑म् ।।


Verse: 2 
Halfverse: a    अयो॑दंष्ट्रो अ॒र्चिषा॑ यातु॒धाना॒नुप॑ स्पृश जातवेदः॒ समि॑द्धः ।
   अयो॑दंष्ट्रो अ॒र्चिषा॑ यातु॒धाना॑न्
   अयो॑दंष्ट्रः अ॒र्चिषा यातु॒धाना॑न्
   अयो॑दंष्ट्रो अ॒र्चिषा यातु॒धाना॑न्

Halfverse: b    उप॑ स्पृश जातवेदः॒ समि॑द्धः ।
   उप स्पृश जातवेदः समि॑द्धः ।
   उप स्पृश जातवेदः समि॑द्धः ।

Halfverse: c    आ जि॒ह्वया॒ मूर॑देवान्रभस्व क्र॒व्यादो॑ वृ॒क्त्व्यपि॑ धत्स्वा॒सन् ।।
   आ जि॒ह्वया॒ मूर॑देवान्रभस्व
   आ जि॒ह्वया मूर॑देवान् रभस्व
   आ जि॒ह्वया मूर॑देवान् रभस्व

Halfverse: d    क्र॒व्यादो॑ वृ॒क्त्व्यपि॑ धत्स्वा॒सन् ।।
   क्र॒व्यादः वृ॒क्त्वी अपि धत्स्व आ॒सन् ।।
   क्र॒व्यादो वृ॒क्त्वी अपि धत्स्व आ॒सन् ।।


Verse: 3 
Halfverse: a    उ॒भोभ॑यावि॒न्नुप॑ धेहि॒ दंष्ट्रा॑ हिं॒स्रः शिशा॒नो ऽव॑र॒म्परं॑ च ।
   उ॒भोभ॑यावि॒न्नुप॑ धेहि॒ दंष्ट्रा
   उ॒भा उ॑भयाविन् उप धेहि दंष्ट्रा
   उ॒भोभ॑याविन्न् उप धेहि दंष्ट्रा

Halfverse: b    हिं॒स्रः शिशा॒नो ऽव॑र॒म्परं॑ च ।
   हिं॒स्रः शिशा॑नः अव॑रम् पर॑म् च ।
   हिं॒स्रः शिशा॑नो अव॑रम् परं च ।

Halfverse: c    उ॒तान्तरि॑क्षे॒ परि॑ याहि राज॒ञ्जम्भैः॒ सं धे॑ह्य॒भि या॑तु॒धाना॑न् ।।
   उ॒तान्तरि॑क्षे॒ परि॑ याहि राजञ्
   उ॒त अ॒न्तरि॑क्षे परि याहि राजन्
   उ॒तान्तरि॑क्षे परि याहि राजञ्

Halfverse: d    जम्भैः॒ सं धे॑ह्य॒भि या॑तु॒धाना॑न् ।।
   जम्भैः सम् धेहि अ॒भि या॑तु॒धाना॑न् ।।
   जम्भैः सं धे॑हि अ॒भि या॑तु॒धाना॑न् ।।


Verse: 4 
Halfverse: a    य॒ज्ञैरिषूः॑ सं॒नम॑मानो अग्ने वा॒चा श॒ल्याँ अ॒शनि॑भिर्दिहा॒नः ।
   य॒ज्ञैरिषूः॑ सं॒नम॑मानो अग्ने
   य॒ज्ञैः इषूः सं॒नम॑मानः अग्ने
   य॒ज्ञैर् इषूः सं॒नम॑मानो अग्ने

Halfverse: b    वा॒चा श॒ल्याँ अ॒शनि॑भिर्दिहा॒नः ।
   वा॒चा श॒ल्यान् अ॒शनि॑भिः दिहा॒नः ।
   वा॒चा श॒ल्याँ अ॒शनि॑भिर् दिहा॒नः ।

Halfverse: c    ताभि॑र्विध्य॒ हृद॑ये यातु॒धाना॑न्प्रती॒चो बा॒हून्प्रति॑ भङ्ध्येषाम् ।।
   ताभि॑र्विध्य॒ हृद॑ये यातु॒धाना॑न्
   ताभिः विध्य हृद॑ये यातु॒धाना॑न्
   ताभि॑र् विध्य हृद॑ये यातु॒धाना॑न्

Halfverse: d    प्रती॒चो बा॒हून्प्रति॑ भङ्ध्येषाम् ।।
   प्र॑ती॒चः बा॒हून् प्रति भङ्धि एषाम् ।।
   प्र॑ती॒चो बा॒हून् प्रति भङ्धि एषाम् ।।


Verse: 5 
Halfverse: a    अग्ने॒ त्वचं॑ यातु॒धान॑स्य भिन्धि हिं॒स्राशनि॒र्हर॑सा हन्त्वेनम् ।
   अग्ने॒ त्वचं॑ यातु॒धान॑स्य भिन्धि
   अग्ने त्वच॑म् यातु॒धान॑स्य भिन्धि
   अग्ने त्वचं यातु॒धान॑स्य भिन्धि

Halfverse: b    हिं॒स्राशनि॒र्हर॑सा हन्त्वेनम् ।
   हिं॒स्रा अ॒शनिः हर॑सा हन्तु एनम् ।
   हिं॒स्राशनि॑र् हर॑सा हन्तु एनम् ।

Halfverse: c    प्र पर्वा॑णि जातवेदः शृणीहि क्र॒व्यात्क्र॑वि॒ष्णुर्वि चि॑नोतु वृ॒क्णम् ।।
   प्र पर्वा॑णि जातवेदः शृणीहि
   प्र पर्वा॑णि जातवेदः शृणीहि
   प्र पर्वा॑णि जातवेदः शृणीहि

Halfverse: d    क्र॒व्यात्क्र॑वि॒ष्णुर्वि चि॑नोतु वृ॒क्णम् ।।
   क्र॒व्यात् क्रवि॒ष्णुः वि चि॑नोतु वृ॒क्णम् ।।
   क्र॒व्यात् क्रवि॒ष्णुर् वि चि॑नोतु वृ॒क्णम् ।।


Verse: 6 
Halfverse: a    यत्रे॒दानी॒म्पश्य॑सि जातवेद॒स्तिष्ठ॑न्तमग्न उ॒त वा॒ चर॑न्तम् ।
   यत्रे॒दानी॒म्पश्य॑सि जातवेदस्
   यत्र इ॒दानी॑म् पश्य॑सि जातवेदः
   यत्रे॒दानी॑म् पश्य॑सि जातवेदस्

Halfverse: b    तिष्ठ॑न्तमग्न उ॒त वा॒ चर॑न्तम् ।
   तिष्ठ॑न्तम् अग्ने उ॒त वा चर॑न्तम् ।
   तिष्ठ॑न्तम् अग्न उ॒त वा चर॑न्तम् ।

Halfverse: c    यद्वा॒न्तरि॑क्षे प॒थिभिः॒ पत॑न्तं॒ तमस्ता॑ विध्य॒ शर्वा॒ शिशा॑नः ।।
   यद्वा॒न्तरि॑क्षे प॒थिभिः॒ पत॑न्तं
   यत् वा अ॒न्तरि॑क्षे प॒थिभिः पत॑न्तम्
   यद् वा॒न्तरि॑क्षे प॒थिभिः पत॑न्तं

Halfverse: d    तमस्ता॑ विध्य॒ शर्वा॒ शिशा॑नः ।।
   तम् अस्ता विध्य शर्वा शिशा॑नः ।।
   तम् अस्ता विध्य शरु॑वा शिशा॑नः ।।


Verse: 7 
Halfverse: a    उ॒ताल॑ब्धं स्पृणुहि जातवेद आलेभा॒नादृ॒ष्टिभि॑र्यातु॒धाना॑त् ।
   उ॒ताल॑ब्धं स्पृणुहि जातवेद
   उ॒त आल॑ब्धम् स्पृणुहि जातवेदः
   उ॒ताल॑ब्धं स्पृणुहि जातवेद

Halfverse: b    आलेभा॒नादृ॒ष्टिभि॑र्यातु॒धाना॑त् ।
   आ॑लेभा॒नात् ऋ॒ष्टिभिः यातु॒धाना॑त् ।
   आ॑लेभा॒नाद् ऋ॒ष्टिभि॑र् यातु॒धाना॑त् ।

Halfverse: c    अग्ने॒ पूर्वो॒ नि ज॑हि॒ शोशु॑चान आ॒मादः॒ क्ष्विङ्का॒स्तम॑द॒न्त्वेनीः॑ ।।
   अग्ने॒ पूर्वो॒ नि ज॑हि॒ शोशु॑चान
   अग्ने पूर्वः नि ज॑हि शोशु॑चानः
   अग्ने पूर्वो नि ज॑हि शोशु॑चान

Halfverse: d    आ॒मादः॒ क्ष्विङ्का॒स्तम॑द॒न्त्वेनीः॑ ।।
   आ॒मादः क्ष्विङ्काः तम् अदन्तु एनीः ।।
   आ॒मादः क्ष्विङ्का॑स् तम् अदन्तु एनीः ।।


Verse: 8 
Halfverse: a    इ॒ह प्र ब्रू॑हि यत॒मः सो अ॑ग्ने॒ यो या॑तु॒धानो॒ य इ॒दं कृ॒णोति॑ ।
   इ॒ह प्र ब्रू॑हि यत॒मः सो अ॑ग्ने
   इ॒ह प्र ब्रू॑हि यत॒मः सः ।!। अ॑ग्ने
   इ॒ह प्र ब्रू॑हि यत॒मः सो अ॑ग्ने

Halfverse: b    यो या॑तु॒धानो॒ य इ॒दं कृ॒णोति॑ ।
   यः या॑तु॒धानः यः इ॒दम् कृ॒णोति ।
   यो या॑तु॒धानो य इ॒दं कृ॒णोति ।

Halfverse: c    तमा र॑भस्व स॒मिधा॑ यविष्ठ नृ॒चक्ष॑स॒श्चक्षु॑षे रन्धयैनम् ।।
   तमा र॑भस्व स॒मिधा॑ यविष्ठ
   तम् आ र॑भस्व स॒मिधा यविष्ठ
   तम् आ र॑भस्व स॒मिधा यविष्ठ

Halfverse: d    नृ॒चक्ष॑स॒श्चक्षु॑षे रन्धयैनम् ।।
   नृ॒चक्ष॑सः चक्षु॑षे रन्धय एनम् ।।
   नृ॒चक्ष॑सश् चक्षु॑षे रन्धयैनम् ।।


Verse: 9 
Halfverse: a    ती॒क्ष्णेना॑ग्ने॒ चक्षु॑षा रक्ष य॒ज्ञम्प्राञ्चं॒ वसु॑भ्यः॒ प्र ण॑य प्रचेतः ।
   ती॒क्ष्णेना॑ग्ने॒ चक्षु॑षा रक्ष य॒ज्ञम्
   ती॒क्ष्णेन अग्ने चक्षु॑षा रक्ष य॒ज्ञम्
   ती॒क्ष्णेना॑ग्ने चक्षु॑षा रक्ष य॒ज्ञम्

Halfverse: b    प्राञ्चं॒ वसु॑भ्यः॒ प्र ण॑य प्रचेतः ।
   प्राञ्च॑म् वसु॑भ्यः प्र न॑य प्रचेतः ।
   प्राञ्चं वसु॑भ्यः प्र ण॑य प्रचेतः ।

Halfverse: c    हिं॒स्रं रक्षां॑स्य॒भि शोशु॑चान॒म्मा त्वा॑ दभन्यातु॒धाना॑ नृचक्षः ।।
   हिं॒स्रं रक्षां॑स्य॒भि शोशु॑चानम्
   हिं॒स्रम् रक्षां॑सि अ॒भि शोशु॑चानम्
   हिं॒स्रं रक्षां॑सि अ॒भि शोशु॑चानम्

Halfverse: d    मा त्वा॑ दभन्यातु॒धाना॑ नृचक्षः ।।
   मा त्वा दभन् यातु॒धानाः नृचक्षः ।।
   मा त्वा दभन् यातु॒धाना नृचक्षः ।।


Verse: 10 
Halfverse: a    नृ॒चक्षा॒ रक्षः॒ परि॑ पश्य वि॒क्षु तस्य॒ त्रीणि॒ प्रति॑ शृणी॒ह्यग्रा॑ ।
   नृ॒चक्षा॒ रक्षः॒ परि॑ पश्य वि॒क्षु
   नृ॒चक्षाः रक्षः परि पश्य वि॒क्षु
   नृ॒चक्षा रक्षः परि पश्य वि॒क्षु

Halfverse: b    तस्य॒ त्रीणि॒ प्रति॑ शृणी॒ह्यग्रा॑ ।
   तस्य त्रीणि प्रति शृणीहि अग्रा ।
   तस्य त्रीणि प्रति शृणीहि अग्रा ।

Halfverse: c    तस्या॑ग्ने पृ॒ष्टीर्हर॑सा शृणीहि त्रे॒धा मूलं॑ यातु॒धान॑स्य वृश्च ।।
   तस्या॑ग्ने पृ॒ष्टीर्हर॑सा शृणीहि
   तस्य अग्ने पृ॒ष्टीः हर॑सा शृणीहि
   तस्या॑ग्ने पृ॒ष्टीर् हर॑सा शृणीहि

Halfverse: d    त्रे॒धा मूलं॑ यातु॒धान॑स्य वृश्च ।।
   त्रे॒धा मूल॑म् यातु॒धान॑स्य वृश्च ।।
   त्रे॒धा मूलं यातु॒धान॑स्य वृश्च ।।


Verse: 11 
Halfverse: a    त्रिर्या॑तु॒धानः॒ प्रसि॑तिं त एत्वृ॒तं यो अ॑ग्ने॒ अनृ॑तेन॒ हन्ति॑ ।
   त्रिर्या॑तु॒धानः॒ प्रसि॑तिं त एत्व्
   त्रिः या॑तु॒धानः प्रसि॑तिम् ते एतु
   त्रिर् यातु॒धानः प्रसि॑तिं त एतु

Halfverse: b    ऋ॒तं यो अ॑ग्ने॒ अनृ॑तेन॒ हन्ति॑ ।
   ऋ॒तम् यः अ॑ग्ने अनृ॑तेन हन्ति ।
   ऋ॒तं यो अ॑ग्ने अनृ॑तेन हन्ति ।

Halfverse: c    तम॒र्चिषा॑ स्पू॒र्जय॑ञ्जातवेदः सम॒क्षमे॑नं गृण॒ते नि वृ॑ङ्धि ।।
   तम॒र्चिषा॑ स्पू॒र्जय॑ञ्जातवेदः
   तम् अ॒र्चिषा स्पू॒र्जय॑न् जातवेदः
   तम् अ॒र्चिषा स्पू॒र्जय॑ञ् जातवेदः

Halfverse: d    सम॒क्षमे॑नं गृण॒ते नि वृ॑ङ्धि ।।
   स॑म॒क्षम् एनम् गृण॒ते नि वृ॑ङ्धि ।।
   स॑म॒क्षम् एनं गृण॒ते नि वृ॑ङ्धि ।।


Verse: 12 
Halfverse: a    तद॑ग्ने॒ चक्षुः॒ प्रति॑ धेहि रे॒भे श॑पा॒रुजं॒ येन॒ पश्य॑सि यातु॒धान॑म् ।
   तद॑ग्ने॒ चक्षुः॒ प्रति॑ धेहि रे॒भे
   तत् अग्ने चक्षुः प्रति धे॒हि रे॒भे
   तद् अग्ने चक्षुः प्रति धेहि रे॒भे

Halfverse: b    श॑पा॒रुजं॒ येन॒ पश्य॑सि यातु॒धान॑म् ।
   श॑पा॒रुज॑म् येन पश्य॑सि यातु॒धान॑म् ।
   श॑पा॒रुजं येन पश्य॑सि यातु॒धान॑म् ।

Halfverse: c    अ॑थर्व॒वज्ज्योति॑षा॒ दैव्ये॑न स॒त्यं धूर्व॑न्तम॒चितं॒ न्यो॑ष ।।
   अ॑थर्व॒वज्ज्योति॑षा॒ दैव्ये॑न
   अथर्व॒वत् ज्योति॑षा दैव्ये॑न
   अथर्व॒वज् ज्योति॑षा दैवि॑येन

Halfverse: d    स॒त्यं धूर्व॑न्तम॒चितं॒ न्यो॑ष ।।
   स॒त्यम् धूर्व॑न्तम् अ॒चित॑म् नि ओ॑ष ।।
   स॒त्यं धूर्व॑न्तम् अ॒चितं नि ओ॑ष ।।


Verse: 13 
Halfverse: a    यद॑ग्ने अ॒द्य मि॑थु॒ना शपा॑तो॒ यद्वा॒चस्तृ॒ष्टं ज॒नय॑न्त रे॒भाः ।
   यद॑ग्ने अ॒द्य मि॑थु॒ना शपा॑तो
   यत् अग्ने अ॒द्य मि॑थु॒ना शपा॑तः
   यद् अग्ने अ॒द्य मि॑थु॒ना शपा॑तो

Halfverse: b    यद्वा॒चस्तृ॒ष्टं ज॒नय॑न्त रे॒भाः ।
   यत् वा॒चः तृ॒ष्टम् ज॒नय॑न्त रे॒भाः ।
   यद् वा॒चस् तृ॒ष्टं ज॒नय॑न्त रे॒भाः ।

Halfverse: c    म॒न्योर्मन॑सः शर॒व्या॒ जाय॑ते॒ या तया॑ विध्य॒ हृद॑ये यातु॒धाना॑न् ।।
   म॒न्योर्मन॑सः शर॒व्या॒ जाय॑ते॒ या
   म॒न्योः मन॑सः शर॒व्या जाय॑ते या
   म॒न्योर् मन॑सः शर॒व्या जाय॑ते या

Halfverse: d    तया॑ विध्य॒ हृद॑ये यातु॒धाना॑न् ।।
   तया विध्य हृद॑ये यातु॒धाना॑न् ।।
   तया विध्य हृद॑ये यातु॒धाना॑न् ।।


Verse: 14 
Halfverse: a    परा॑ शृणीहि॒ तप॑सा यातु॒धाना॒न्परा॑ग्ने॒ रक्षो॒ हर॑सा शृणीहि ।
   परा॑ शृणीहि॒ तप॑सा यातु॒धाना॑न्
   परा शृणीहि तप॑सा यातु॒धाना॑न्
   परा शृणीहि तप॑सा यातु॒धाना॑न्

Halfverse: b    परा॑ग्ने॒ रक्षो॒ हर॑सा शृणीहि ।
   परा अग्ने रक्षः हर॑सा शृणीहि ।
   परा॑ग्ने रक्षो हर॑सा शृणीहि ।

Halfverse: c    परा॒र्चिषा॒ मूर॑देवाञ्छृणीहि॒ परा॑सु॒तृपो॑ अ॒भि शोशु॑चानः ।।
   परा॒र्चिषा॒ मूर॑देवाञ्छृणीहि
   परा अ॒र्चिषा मूर॑देवान् शृणीहि
   परा॒र्चिषा मूर॑देवाञ् छृणीहि

Halfverse: d    परा॑सु॒तृपो॑ अ॒भि शोशु॑चानः ।।
   परा असु॒तृपः अ॒भि शोशु॑चानः ।।
   परा॑सु॒तृपो अ॒भि शोशु॑चानः ।।


Verse: 15 
Halfverse: a    परा॒द्य दे॒वा वृ॑जि॒नं शृ॑णन्तु प्र॒त्यगे॑नं श॒पथा॑ यन्तु तृ॒ष्टाः ।
   परा॒द्य दे॒वा वृ॑जि॒नं शृ॑णन्तु
   परा अ॒द्य दे॒वाः वृ॑जि॒नम् शृणन्तु
   परा॒द्य दे॒वा वृ॑जि॒नं शृ॑णन्तु

Halfverse: b    प्र॒त्यगे॑नं श॒पथा॑ यन्तु तृ॒ष्टाः ।
   प्र॒त्यक् एनम् श॒पथाः यन्तु तृ॒ष्टाः ।
   प्र॒त्यग् एनं श॒पथा यन्तु तृ॒ष्टाः ।

Halfverse: c    वा॒चास्ते॑नं॒ शर॑व ऋछन्तु॒ मर्म॒न्विश्व॑स्यैतु॒ प्रसि॑तिं यातु॒धानः॑ ।।
   वा॒चास्ते॑नं॒ शर॑व ऋछन्तु॒ मर्म॑न्
   वा॒चास्ते॑नम् शर॑वः ऋछन्तु मर्म॑न्
   वा॒चास्ते॑नं शर॑व र्छन्तु मर्म॑न्

Halfverse: d    विश्व॑स्यैतु॒ प्रसि॑तिं यातु॒धानः॑ ।।
   विश्व॑स्य एतु प्रसि॑तिम् यातु॒धानः ।।
   विश्व॑स्यैतु प्रसि॑तिं यातु॒धानः ।।


Verse: 16 
Halfverse: a    यः पौरु॑षेयेण क्र॒विषा॑ सम॒ङ्क्ते यो अश्व्ये॑न प॒शुना॑ यातु॒धानः॑ ।
   यः पौरु॑षेयेण क्र॒विषा॑ सम॒ङ्क्ते
   यः पौरु॑षेयेण क्र॒विषा सम॒ङ्क्ते
   यः पौरु॑षेयेण क्र॒विषा सम॒ङ्क्ते

Halfverse: b    यो अश्व्ये॑न ।!। प॒शुना॑ यातु॒धानः॑ ।
   यः अश्व्ये॑न प॒शुना यातु॒धानः ।
   यो अश्व्ये॑न प॒शुना यातु॒धानः ।

Halfverse: c    यो अ॒घ्न्याया॒ भर॑ति क्षी॒रम॑ग्ने॒ तेषां॑ शी॒र्षाणि॒ हर॒सापि॑ वृश्च ।।
   यो अ॒घ्न्याया॒ भर॑ति क्षी॒रम॑ग्ने
   यः अ॒घ्न्यायाः भर॑ति क्षी॒रम् अग्ने
   यो अ॒घ्न्याया भर॑ति क्षी॒रम् अग्ने

Halfverse: d    तेषां॑ शी॒र्षाणि॒ हर॒सापि॑ वृश्च ।।
   तेषा॑म् शी॒र्षाणि हर॑सा अपि वृश्च ।।
   तेषां शी॒र्षाणि हर॒सापि वृश्च ।।


Verse: 17 
Halfverse: a    सं॑वत्स॒रीण॒म्पय॑ उ॒स्रिया॑या॒स्तस्य॒ माशी॑द्यातु॒धानो॑ नृचक्षः ।
   सं॑वत्स॒रीण॒म्पय॑ उ॒स्रिया॑यास्
   संवत्स॒रीण॑म् पयः उ॒स्रिया॑याः
   संवत्स॒रीण॑म् पय उ॒स्रिया॑यास्

Halfverse: b    तस्य॒ माशी॑द्यातु॒धानो॑ नृचक्षः ।
   तस्य मा अ॑शीत् यातु॒धानः नृचक्षः ।
   तस्य माशी॑द् यातु॒धानो नृचक्षः ।

Halfverse: c    पी॒यूष॑मग्ने यत॒मस्तितृ॑प्सा॒त्तम्प्र॒त्यञ्च॑म॒र्चिषा॑ विध्य॒ मर्म॑न् ।।
   पी॒यूष॑मग्ने यत॒मस्तितृ॑प्सात्
   पी॒यूष॑म् अग्ने यत॒मः तितृ॑प्सात्
   पी॒यूष॑म् अग्ने यत॒मस् तितृ॑प्सात्

Halfverse: d    तम्प्र॒त्यञ्च॑म॒र्चिषा॑ विध्य॒ मर्म॑न् ।।
   तम् प्र॒त्यञ्च॑म् अ॒र्चिषा विध्य मर्म॑न् ।।
   तम् प्र॒त्यञ्च॑म् अ॒र्चिषा विध्य मर्म॑न् ।।


Verse: 18 
Halfverse: a    वि॒षं गवां॑ यातु॒धानाः॑ पिब॒न्त्वा वृ॑श्च्यन्ता॒मदि॑तये दु॒रेवाः॑ ।
   वि॒षं गवां॑ यातु॒धानाः॑ पिबन्त्व्
   वि॒षम् गवा॑म् यातु॒धानाः पिबन्तु
   वि॒षं गवां यातु॒धानाः पिबन्तु

Halfverse: b    आ वृ॑श्च्यन्ता॒मदि॑तये दु॒रेवाः॑ ।
   आ वृ॑श्च्यन्ताम् अदि॑तये दु॒रेवाः ।
   आ वृ॑श्च्यन्ताम् अदि॑तये दु॒रेवाः ।

Halfverse: c    परै॑नान्दे॒वः स॑वि॒ता द॑दातु॒ परा॑ भा॒गमोष॑धीनां जयन्ताम् ।।
   परै॑नान्दे॒वः स॑वि॒ता द॑दातु
   परा एनान् दे॒वः स॑वि॒ता द॑दातु
   परै॑नान् दे॒वः स॑वि॒ता द॑दातु

Halfverse: d    परा॑ भा॒गमोष॑धीनां जयन्ताम् ।।
   परा भा॒गम् ओष॑धीनाम् जयन्ताम् ।।
   परा भा॒गम् ओष॑धीनां जयन्ताम् ।।


Verse: 19 
Halfverse: a    स॒नाद॑ग्ने मृणसि यातु॒धाना॒न्न त्वा॒ रक्षां॑सि॒ पृत॑नासु जिग्युः ।
   स॒नाद॑ग्ने मृणसि यातु॒धाना॑न्
   स॒नात् अग्ने मृणसि यातु॒धाना॑न्
   स॒नाद् अग्ने मृणसि यातु॒धाना॑न्

Halfverse: b    न त्वा॒ रक्षां॑सि॒ पृत॑नासु जिग्युः ।
   न त्वा रक्षां॑सि पृत॑नासु जिग्युः ।
   न त्वा रक्षां॑सि पृत॑नासु जिग्युः ।

Halfverse: c    अनु॑ दह स॒हमू॑रान्क्र॒व्यादो॒ मा ते॑ हे॒त्या मु॑क्षत॒ दैव्या॑याः ।।
   अनु॑ दह स॒हमू॑रान्क्र॒व्यादो
   अनु दह स॒हमू॑रान् क्र॒व्यादः
   अनु दह स॒हमू॑रान् क्र॒व्यादो

Halfverse: d    मा ते॑ हे॒त्या मु॑क्षत॒ दैव्या॑याः ।।
   मा ते हे॒त्याः मु॑क्षत दैव्या॑याः ।।
   मा ते हे॒त्या मु॑क्षत दैवि॑यायाः ।।


Verse: 20 
Halfverse: a    त्वं नो॑ अग्ने अध॒रादुद॑क्ता॒त्त्वम्प॒श्चादु॒त र॑क्षा पु॒रस्ता॑त् ।
   त्वं नो॑ अग्ने अध॒रादुद॑क्तात्
   त्वम् नः अग्ने अध॒रात् उद॑क्तात्
   तु॒वं नो अग्ने अध॒राद् उद॑क्तात्

Halfverse: b    त्वम्प॒श्चादु॒त र॑क्षा पु॒रस्ता॑त् ।
   त्वम् प॒श्चात् उ॒त र॑क्ष+ पु॒रस्ता॑त् ।
   तु॒वम् प॒श्चाद् उ॒त र॑क्षा पु॒रस्ता॑त् ।

Halfverse: c    प्रति॒ ते ते॑ अ॒जरा॑स॒स्तपि॑ष्ठा अ॒घशं॑सं॒ शोशु॑चतो दहन्तु ।।
   प्रति॒ ते ते॑ अ॒जरा॑स॒स्तपि॑ष्ठा
   प्रति ते ते अ॒जरा॑सः तपि॑ष्ठाः
   प्रति ते ते अ॒जरा॑सस् तपि॑ष्ठा

Halfverse: d    अ॒घशं॑सं॒ शोशु॑चतो दहन्तु ।।
   अ॒घशं॑सम् शोशु॑चतः दहन्तु ।।
   अ॒घशं॑सं शोशु॑चतो दहन्तु ।।


Verse: 21 
Halfverse: a    प॒श्चात्पु॒रस्ता॑दध॒रादुद॑क्तात्क॒विः काव्ये॑न॒ परि॑ पाहि राजन् ।
   प॒श्चात्पु॒रस्ता॑दध॒रादुद॑क्तात्
   प॒श्चात् पु॒रस्ता॑त् अध॒रात् उद॑क्तात्
   प॒श्चात् पु॒रस्ता॑द् अध॒राद् उद॑क्तात्

Halfverse: b    क॒विः काव्ये॑न॒ परि॑ पाहि राजन् ।
   क॒विः काव्ये॑न परि पाहि राजन् ।
   क॒विः काव्ये॑न परि पाहि राजन् ।

Halfverse: c    सखे॒ सखा॑यम॒जरो॑ जरि॒म्णे ऽग्ने॒ मर्ताँ॒ अम॑र्त्य॒स्त्वं नः॑ ।।
   सखे॒ सखा॑यम॒जरो॑ जरि॒म्णे
   सखे सखा॑यम् अ॒जरः जरि॒म्णे
   सखे सखा॑यम् अ॒जरो जरि॒म्णे

Halfverse: d    ऽग्ने॒ मर्ताँ॒ अम॑र्त्य॒स्त्वं नः॑ ।।
   अग्ने मर्ता॑न् अम॑र्त्यः त्वम् नः ।।
   अग्ने मर्ताँ अम॑र्तियस् तु॒वं नः ।।


Verse: 22 
Halfverse: a    परि॑ त्वाग्ने॒ पुरं॑ व॒यं विप्रं॑ सहस्य धीमहि ।
   परि॑ त्वाग्ने॒ पुरं॑ व॒यं
   परि त्वा अग्ने पुर॑म् व॒यम्
   परि त्वाग्ने पुरं व॒यं

Halfverse: b    विप्रं॑ सहस्य धीमहि ।
   विप्र॑म् सहस्य धीमहि ।
   विप्रं सहस्य धीमहि ।

Halfverse: c    धृ॒षद्व॑र्णं दि॒वेदि॑वे ह॒न्तार॑म्भङ्गु॒राव॑ताम् ।।
   धृ॒षद्व॑र्णं दि॒वेदि॑वे
   धृ॒षद्व॑र्णम् दि॒वेदि॑वे
   धृ॒षद्व॑र्णं दि॒वेदि॑वे

Halfverse: d    ह॒न्तार॑म्भङ्गु॒राव॑ताम् ।।
   ह॒न्तार॑म् भङ्गु॒राव॑ताम् ।।
   ह॒न्तार॑म् भङ्गु॒राव॑ताम् ।।


Verse: 23 
Halfverse: a    वि॒षेण॑ भङ्गु॒राव॑तः॒ प्रति॑ ष्म र॒क्षसो॑ दह ।
   वि॒षेण॑ भङ्गु॒राव॑तः
   वि॒षेण भङ्गु॒राव॑तः
   वि॒षेण भङ्गु॒राव॑तः

Halfverse: b    प्रति॑ ष्म र॒क्षसो॑ दह ।
   प्रति स्म र॒क्षसः दह ।
   प्रति ष्म र॒क्षसो दह ।

Halfverse: c    अग्ने॑ ति॒ग्मेन॑ शो॒चिषा॒ तपु॑रग्राभिरृ॒ष्टिभिः॑ ।।
   अग्ने॑ ति॒ग्मेन॑ शो॒चिषा
   अग्ने ति॒ग्मेन शो॒चिषा
   अग्ने ति॒ग्मेन शो॒चिषा

Halfverse: d    तपु॑रग्राभिरृ॒ष्टिभिः॑ ।।
   तपु॑रग्राभिः ऋ॒ष्टिभिः ।।
   तपु॑रग्राभिर् ऋ॒ष्टिभिः ।।


Verse: 24 
Halfverse: a    प्रत्य॑ग्ने मिथु॒ना द॑ह यातु॒धाना॑ किमी॒दिना॑ ।
   प्रत्य॑ग्ने मिथु॒ना द॑ह
   प्रति अग्ने मिथु॒ना द॑ह
   प्रत्य् अग्ने मिथु॒ना द॑ह

Halfverse: b    यातु॒धाना॑ किमी॒दिना॑ ।
   या॑तु॒धाना किमी॒दिना ।
   या॑तु॒धाना किमी॒दिना ।

Halfverse: c    सं त्वा॑ शिशामि जागृ॒ह्यद॑ब्धं विप्र॒ मन्म॑भिः ।।
   सं त्वा॑ शिशामि जागृह्य्
   सम् त्वा शिशामि जागृ॒हि
   सं त्वा शिशामि जागृहि

Halfverse: d    अद॑ब्धं विप्र॒ मन्म॑भिः ।।
   अद॑ब्धम् विप्र मन्म॑भिः ।।
   अद॑ब्धं विप्र मन्म॑भिः ।।


Verse: 25 
Halfverse: a    प्रत्य॑ग्ने॒ हर॑सा॒ हरः॑ शृणी॒हि वि॒श्वतः॒ प्रति॑ ।
   प्रत्य॑ग्ने॒ हर॑सा॒ हरः
   प्रति अग्ने हर॑सा हरः
   प्रत्य् अग्ने हर॑सा हरः

Halfverse: b    शृणी॒हि वि॒श्वतः॒ प्रति॑ ।
   शृ॑णी॒हि वि॒श्वतः प्रति ।
   शृ॑णी॒हि वि॒श्वतः प्रति ।

Halfverse: c    या॑तु॒धान॑स्य र॒क्षसो॒ बलं॒ वि रु॑ज वी॒र्य॑म् ।।
   या॑तु॒धान॑स्य र॒क्षसो
   यातु॒धान॑स्य र॒क्षसः
   यातु॒धान॑स्य र॒क्षसो

Halfverse: d    बलं॒ वि रु॑ज वी॒र्य॑म् ।।
   बल॑म् वि रु॑ज वी॒र्य॑म् ।।
   बलं वि रु॑ज वी॒रिय॑म् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.