TITUS
Rg-Veda: Rg-Veda-Samhita
Part No. 925
Previous part

Hymn: 88_(914) 
Verse: 1 
Halfverse: a    ह॒विष्पान्त॑म॒जरं॑ स्व॒र्विदि॑ दिवि॒स्पृश्याहु॑तं॒ जुष्ट॑म॒ग्नौ ।
   ह॒विष्पान्त॑म॒जरं॑ स्व॒र्विदि
   ह॒विः पान्त॑म् अ॒जर॑म् स्व॒र्विदि
   ह॒विष् पाअन्त॑म् अ॒जरं सुव॒र्विदि

Halfverse: b    दिवि॒स्पृश्याहु॑तं॒ जुष्ट॑म॒ग्नौ ।
   दि॑वि॒स्पृशि आहु॑तम् जुष्ट॑म् अ॒ग्नौ ।
   दि॑वि॒स्पृशि आहु॑तं जुष्ट॑म् अ॒ग्नौ ।

Halfverse: c    तस्य॒ भर्म॑णे॒ भुव॑नाय दे॒वा धर्म॑णे॒ कं स्व॒धया॑ पप्रथन्त ।।
   तस्य॒ भर्म॑णे॒ भुव॑नाय दे॒वा
   तस्य भर्म॑णे भुव॑नाय दे॒वाः
   तस्य भर्म॑णे भुव॑नाय दे॒वा

Halfverse: d    धर्म॑णे॒ कं स्व॒धया॑ पप्रथन्त ।।
   धर्म॑णे कम् स्व॒धया पप्रथन्त ।।
   धर्म॑णे कं स्व॒धया पप्रथन्त ।।


Verse: 2 
Halfverse: a    गी॒र्णम्भुव॑नं॒ तम॒साप॑गूऴमा॒विः स्व॑रभवज्जा॒ते अ॒ग्नौ ।
   गी॒र्णम्भुव॑नं॒ तम॒साप॑गूऴम्
   गी॒र्णम् भुव॑नम् तम॑सा अप॑गूऴम्
   गी॒र्णम् भुव॑नं तम॒साप॑गूऴम्

Halfverse: b    आ॒विः स्व॑रभवज्जा॒ते अ॒ग्नौ ।
   आ॒विः स्व॑र् अभवत् जा॒ते अ॒ग्नौ ।
   आ॒विः सुव॑र् अभवज् जा॒ते अ॒ग्नौ ।

Halfverse: c    तस्य॑ दे॒वाः पृ॑थि॒वी द्यौरु॒तापो ऽर॑णय॒न्नोष॑धीः स॒ख्ये अ॑स्य ।।
   तस्य॑ दे॒वाः पृ॑थि॒वी द्यौरु॒तापो
   तस्य दे॒वाः पृ॑थि॒वी द्यौः उ॒त आपः
   तस्य दे॒वाः पृ॑थि॒वी द्यौर् उ॒तापो

Halfverse: d    ऽरणय॒न्नोष॑धीः स॒ख्ये अ॑स्य ।।
   अर॑णयन् ओष॑धीः स॒ख्ये अ॑स्य ।।
   अर॑णयन्न् ओष॑धीः स॒ख्ये अ॑स्य ।।


Verse: 3 
Halfverse: a    दे॒वेभि॒र्न्वि॑षि॒तो य॒ज्ञिये॑भिर॒ग्निं स्तो॑षाण्य॒जर॑म्बृ॒हन्त॑म् ।
   दे॒वेभि॒र्न्वि॑षि॒तो य॒ज्ञिये॑भिर्
   दे॒वेभिः नु इ॑षि॒तः य॒ज्ञिये॑भिः
   दे॒वेभि॑र् नु इ॑षि॒तो य॒ज्ञिये॑भिर्

Halfverse: b    अ॒ग्निं स्तो॑षाण्य॒जर॑म्बृ॒हन्त॑म् ।
   अ॒ग्निम् स्तोषाणि अ॒जर॑म् बृ॒हन्त॑म् ।
   अ॒ग्निं स्तो॑षाणि अ॒जर॑म् बृ॒हन्त॑म् ।

Halfverse: c    यो भा॒नुना॑ पृथि॒वीं द्यामु॒तेमामा॑त॒तान॒ रोद॑सी अ॒न्तरि॑क्षम् ।।
   यो भा॒नुना॑ पृथि॒वीं द्यामु॒तेमाम्
   यः भा॒नुना पृथि॒वीम् द्याम् उ॒त इ॒माम्
   यो भा॒नुना पृथि॒वीं द्याम् उ॒तेमाम्

Halfverse: d    आत॒तान॒ रोद॑सी अ॒न्तरि॑क्षम् ।।
   आ॑त॒तान रोद॑सी अ॒न्तरि॑क्षम् ।।
   आ॑त॒तान रोद॑सी अ॒न्तरि॑क्षम् ।।


Verse: 4 
Halfverse: a    यो होतासी॑त्प्रथ॒मो दे॒वजु॑ष्टो॒ यं स॒माञ्ज॒न्नाज्ये॑ना वृणा॒नाः ।
   यो होतासी॑त्प्रथ॒मो दे॒वजु॑ष्टो
   यः होता आसी॑त् प्रथ॒मः दे॒वजु॑ष्टः
   यो होतासी॑त् प्रथ॒मो दे॒वजु॑ष्टो

Halfverse: b    यं स॒माञ्ज॒न्नाज्ये॑ना वृणा॒नाः ।
   यम् स॒माञ्ज॑न् आज्ये॑न+ वृणा॒नाः ।
   यं स॒माञ्ज॑न्न् आजि॑येना वृणा॒नाः ।

Halfverse: c    स प॑त॒त्री॑त्व॒रं स्था जग॒द्यच्छ्वा॒त्रम॒ग्निर॑कृणोज्जा॒तवे॑दाः ।।
   स प॑त॒त्री॑त्व॒रं स्था जग॒द्यच्
   स प॑त॒त्रि इ॑त्व॒रम् स्थाः जग॑त् यत्
   स प॑त॒त्रि इ॑त्व॒रं स्था जग॑द् यच्

Halfverse: d    छ्वा॒त्रम॒ग्निर॑कृणोज् ।!। जा॒तवे॑दाः ।।
   श्वा॒त्रम् अ॒ग्निः अ॑कृणोत् जा॒तवे॑दाः ।।
   छ्वा॒त्रम् अ॒ग्निर् अकृणोज् जा॒तवे॑दाः ।।


Verse: 5 
Halfverse: a    यज्जा॑तवेदो॒ भुव॑नस्य मू॒र्धन्नति॑ष्ठो अग्ने स॒ह रो॑च॒नेन॑ ।
   यज्जा॑तवेदो॒ भुव॑नस्य मू॒र्धन्न्
   यत् जातवेदः भुव॑नस्य मू॒र्धन्
   यज् जातवेदो भुव॑नस्य मू॒र्धन्न्

Halfverse: b    अति॑ष्ठो अग्ने स॒ह रो॑च॒नेन॑ ।
   अति॑ष्ठः अग्ने स॒ह रो॑च॒नेन ।
   अति॑ष्ठो अग्ने स॒ह रो॑च॒नेन ।

Halfverse: c    तं त्वा॑हेम म॒तिभि॑र्गी॒र्भिरु॒क्थैः स य॒ज्ञियो॑ अभवो रोदसि॒प्राः ।।
   तं त्वा॑हेम म॒तिभि॑र्गी॒र्भिरु॒क्थैः
   तम् त्वा अहेम म॒तिभिः गी॒र्भिः उ॒क्थैः
   तं त्वा॑हेम म॒तिभि॑र् गी॒र्भिर् उ॒क्थैः

Halfverse: d    स य॒ज्ञियो॑ अभवो रोदसि॒प्राः ।।
   स य॒ज्ञियः अभवः रोदसि॒प्राः ।।
   स य॒ज्ञियो अभवो रोदसि॒प्राः ।।


Verse: 6 
Halfverse: a    मू॒र्धा भु॒वो भ॑वति॒ नक्त॑म॒ग्निस्ततः॒ सूर्यो॑ जायते प्रा॒तरु॒द्यन् ।
   मू॒र्धा भु॒वो भ॑वति॒ नक्त॑म॒ग्निस्
   मू॒र्धा भु॒वः भ॑वति नक्त॑म् अ॒ग्निः
   मू॒र्धा भु॒वो भ॑वति नक्त॑म् अ॒ग्निस्

Halfverse: b    ततः॒ सूर्यो॑ जायते प्रा॒तरु॒द्यन् ।
   ततः सूर्यः जायते प्रा॒तर् उ॒द्यन् ।
   ततः सूर्यो जायते प्रा॒तर् उ॒द्यन् ।

Halfverse: c    मा॒यामू॒ तु य॒ज्ञिया॑नामे॒तामपो॒ यत्तूर्णि॒श्चर॑ति प्रजा॒नन् ।।
   मा॒यामू॒ तु य॒ज्ञिया॑नामे॒ताम्
   मा॒याम् उ+ तु य॒ज्ञिया॑नाम् ए॒ताम्
   मा॒याम् ऊ तु य॒ज्ञिया॑नाम् ए॒ताम्

Halfverse: d    अपो॒ यत्तूर्णि॒श्चर॑ति प्रजा॒नन् ।।
   अपः यत् तूर्णिः चर॑ति प्रजा॒नन् ।।
   अपो यत् तूर्णि॑श् चर॑ति प्रजा॒नन् ।।


Verse: 7 
Halfverse: a    दृ॒शेन्यो॒ यो म॑हि॒ना समि॒द्धो ऽरो॑चत दि॒वियो॑निर्वि॒भावा॑ ।
   दृ॒शेन्यो॒ यो म॑हि॒ना समि॒द्धो
   दृ॒शेन्यः यः म॑हि॒ना समि॑द्धः
   दृ॒शेनि॑यो यो म॑हि॒ना समि॑द्धो

Halfverse: b    ऽरोचत दि॒वियो॑निर्वि॒भावा॑ ।
   अरो॑चत दि॒वियो॑निः वि॒भावा ।
   अरो॑चत दि॒वियो॑निर् वि॒भावा ।

Halfverse: c    तस्मि॑न्न॒ग्नौ सू॑क्तवा॒केन॑ दे॒वा ह॒विर्विश्व॒ आजु॑हवुस्तनू॒पाः ।।
   तस्मि॑न्न॒ग्नौ सू॑क्तवा॒केन॑ दे॒वा
   तस्मि॑न् अ॒ग्नौ सू॑क्तवा॒केन दे॒वाः
   तस्मि॑न्न् अ॒ग्नौ सू॑क्तवा॒केन दे॒वा

Halfverse: d    ह॒विर्विश्व॒ आजु॑हवुस्तनू॒पाः ।।
   ह॒विः विश्वे आ अ॑जुहवुः तनू॒पाः ।।
   ह॒विर् विश्व आजु॑हवुस् तनू॒पाः ।।


Verse: 8 
Halfverse: a    सू॑क्तवा॒कम्प्र॑थ॒ममादिद॒ग्निमादिद्ध॒विर॑जनयन्त दे॒वाः ।
   सू॑क्तवा॒कम्प्र॑थ॒ममादिद॒ग्निम्
   सूक्तवा॒कम् प्रथ॒मम् आत् इत् अ॒ग्निम्
   सूक्तवा॒कम् प्रथ॒मम् आद् इद् अ॒ग्निम्

Halfverse: b    आदिद्ध॒विर॑जनयन्त दे॒वाः ।
   आत् इत् ह॒विः अ॑जनयन्त दे॒वाः ।
   आद् इद् ध॒विर् अजनयन्त दे॒वाः ।

Halfverse: c    स ए॑षां य॒ज्ञो अ॑भवत्तनू॒पास्तं द्यौर्वे॑द॒ तम्पृ॑थि॒वी तमापः॑ ।।
   स ए॑षां य॒ज्ञो अ॑भवत्तनू॒पास्
   सः ।!। ए॑षाम् य॒ज्ञः अ॑भवत् तनू॒पाः
   स ए॑षां य॒ज्ञो अ॑भवत् तनू॒पास्

Halfverse: d    तं द्यौर्वे॑द॒ तम्पृ॑थि॒वी तमापः॑ ।।
   तम् द्यौः वे॑द तम् पृथि॒वी ।!। तम् आपः ।।
   तं द्यौर् वेद तम् पृथि॒वी तम् आपः ।।


Verse: 9 
Halfverse: a    यं दे॒वासो ऽज॑नयन्ता॒ग्निं यस्मि॒न्नाजु॑हवु॒र्भुव॑नानि॒ विश्वा॑ ।
   यं दे॒वासो ऽज॑नयन्ता॒ग्निं
   यम् दे॒वासः अज॑नयन्त अ॒ग्निम्
   यं दे॒वासो अज॑नयन्त अ॒ग्निं

Halfverse: b    यस्मि॒न्नाजु॑हवु॒र्भुव॑नानि॒ विश्वा॑ ।
   यस्मि॑न् आ अजु॑हवुः भुव॑नानि विश्वा ।
   यस्मि॑न्न् आजु॑हवुर् भुव॑नानि विश्वा ।

Halfverse: c    सो अ॒र्चिषा॑ पृथि॒वीं द्यामु॒तेमामृ॑जू॒यमा॑नो अतपन्महि॒त्वा ।।
   सो अ॒र्चिषा॑ पृथि॒वीं द्यामु॒तेमाम्
   सः ।!। अ॒र्चिषा पृथि॒वीम् द्याम् उ॒त इ॒माम्
   सो अ॒र्चिषा पृथि॒वीं द्याम् उ॒तेमाम्

Halfverse: d    ऋजू॒यमा॑नो अतपन्महि॒त्वा ।।
   ऋ॑जू॒यमा॑नः अतपत् महि॒त्वा ।।
   ऋ॑जू॒यमा॑नो अतपन् महि॒त्वा ।।


Verse: 10 
Halfverse: a    स्तोमे॑न॒ हि दि॒वि दे॒वासो॑ अ॒ग्निमजी॑जन॒ञ्छक्ति॑भी रोदसि॒प्राम् ।
   स्तोमे॑न॒ हि दि॒वि दे॒वासो॑ अ॒ग्निम्
   स्तोमे॑न हि दि॒वि दे॒वासः अ॒ग्निम्
   स्तोमे॑न हि दि॒वि दे॒वासो अ॒ग्निम्

Halfverse: b    अजी॑जन॒ञ्छक्ति॑भी रोदसि॒प्राम् ।
   अजी॑जनन् शक्ति॑भिः रोदसि॒प्राम् ।
   अजी॑जनञ् छक्ति॑भी रोदसि॒प्राम् ।

Halfverse: c    तमू॑ अकृण्वन्त्रे॒धा भु॒वे कं स ओष॑धीः पचति वि॒श्वरू॑पाः ।।
   तमू॑ अकृण्वन्त्रे॒धा भु॒वे कं
   तम् उ+ अकृण्वन् त्रे॒धा भु॒वे कम्
   तम् ऊ अकृण्वन् त्रयि॒धा भु॒वे कं

Halfverse: d    स ओष॑धीः पचति वि॒श्वरू॑पाः ।।
   सः ।!। ओष॑धीः पचति वि॒श्वरू॑पाः ।।
   स ओष॑धीः पचति वि॒श्वरू॑पाः ।।


Verse: 11 
Halfverse: a    य॒देदे॑न॒मद॑धुर्य॒ज्ञिया॑सो दि॒वि दे॒वाः सूर्य॑मादिते॒यम् ।
   य॒देदे॑न॒मद॑धुर्य॒ज्ञिया॑सो
   य॒दा इत् एनम् अद॑धुः य॒ज्ञिया॑सः
   य॒देद् एनम् अद॑धुर् य॒ज्ञिया॑सो

Halfverse: b    दि॒वि दे॒वाः सूर्य॑मादिते॒यम् ।
   दि॒वि दे॒वाः सूर्य॑म् आदिते॒यम् ।
   दि॒वि दे॒वाः सूरि॑यम् आदिते॒यम् ।

Halfverse: c    य॒दा च॑रि॒ष्णू मि॑थु॒नावभू॑ता॒मादित्प्राप॑श्य॒न्भुव॑नानि॒ विश्वा॑ ।।
   य॒दा च॑रि॒ष्णू मि॑थु॒नावभू॑ताम्
   य॒दा च॑रि॒ष्णू मि॑थु॒नौ अभू॑ताम्
   य॒दा च॑रि॒ष्णू मि॑थु॒नाव् अभू॑ताम्

Halfverse: d    आदित्प्राप॑श्य॒न्भुव॑नानि॒ विश्वा॑ ।।
   आत् इत् प्र अ॑पश्यन् भुव॑नानि विश्वा ।।
   आद् इत् प्राप॑श्यन् भुव॑नानि विश्वा ।।


Verse: 12 
Halfverse: a    विश्व॑स्मा अ॒ग्निम्भुव॑नाय दे॒वा वै॑श्वान॒रं के॒तुमह्ना॑मकृण्वन् ।
   विश्व॑स्मा अ॒ग्निम्भुव॑नाय दे॒वा
   विश्व॑स्मै अ॒ग्निम् भुव॑नाय दे॒वाः
   विश्व॑स्मा अ॒ग्निम् भुव॑नाय दे॒वा

Halfverse: b    वै॑श्वान॒रं के॒तुमह्ना॑मकृण्वन् ।
   वै॑श्वान॒रम् के॒तुम् अह्ना॑म् अकृण्वन् ।
   वै॑श्वान॒रं के॒तुम् अह्ना॑म् अकृण्वन् ।

Halfverse: c    आ यस्त॒तानो॒षसो॑ विभा॒तीरपो॑ ऊर्णोति॒ तमो॑ अ॒र्चिषा॒ यन् ।।
   आ यस्त॒तानो॒षसो॑ विभा॒तीर्
   आ यः त॒तान उ॒षसः विभा॒तीः
   आ यस् त॒तान उ॒षसो विभा॒तीर्

Halfverse: d    अपो॑ ऊर्णोति॒ तमो॑ अ॒र्चिषा॒ यन् ।।
   अप उ ऊर्णोति तमः अ॒र्चिषा यन् ।।
   अपो ऊर्णोति तमो अ॒र्चिषा यन् ।।


Verse: 13 
Halfverse: a    वै॑श्वान॒रं क॒वयो॑ य॒ज्ञिया॑सो॒ ऽग्निं दे॒वा अ॑जनयन्नजु॒र्यम् ।
   वै॑श्वान॒रं क॒वयो॑ य॒ज्ञिया॑सो
   वैश्वान॒रम् क॒वयः य॒ज्ञिया॑सः
   वैश्वान॒रं क॒वयो य॒ज्ञिया॑सो

Halfverse: b    ऽग्निं दे॒वा अ॑जनयन्नजु॒र्यम् ।
   अ॒ग्निम् दे॒वाः अ॑जनयन् अजु॒र्यम् ।
   अ॒ग्निं दे॒वा अ॑जनयन्न् अजु॒र्यम् ।

Halfverse: c    नक्ष॑त्रम्प्र॒त्नममि॑नच्चरि॒ष्णु य॒क्षस्याध्य॑क्षं तवि॒षम्बृ॒हन्त॑म् ।।
   नक्ष॑त्रम्प्र॒त्नममि॑नच्चरि॒ष्णु
   नक्ष॑त्रम् प्र॒त्नम् अमि॑नत् चरि॒ष्णु
   नक्ष॑त्रम् प्र॒त्नम् अमि॑नच् चरि॒ष्णु

Halfverse: d    य॒क्षस्याध्य॑क्षं तवि॒षम्बृ॒हन्त॑म् ।।
   य॒क्षस्य अध्य॑क्षम् तवि॒षम् बृ॒हन्त॑म् ।।
   य॒क्षस्याध्य॑क्षं तवि॒षम् बृ॒हन्त॑म् ।।


Verse: 14 
Halfverse: a    वै॑श्वान॒रं वि॒श्वहा॑ दीदि॒वांस॒म्मन्त्रै॑र॒ग्निं क॒विमछा॑ वदामः ।
   वै॑श्वान॒रं वि॒श्वहा॑ दीदि॒वांस॑म्
   वैश्वान॒रम् वि॒श्वहा दीदि॒वांस॑म्
   वैश्वान॒रं वि॒श्वहा दीदि॒वांस॑म्

Halfverse: b    मन्त्रै॑र॒ग्निं क॒विमछा॑ वदामः ।
   मन्त्रैः अ॒ग्निम् क॒विम् अछ+ वदामः ।
   मन्त्रै॑र् अ॒ग्निं क॒विम् अछा वदामः ।

Halfverse: c    यो म॑हि॒म्ना प॑रिब॒भूवो॒र्वी उ॒तावस्ता॑दु॒त दे॒वः प॒रस्ता॑त् ।।
   यो म॑हि॒म्ना प॑रिब॒भूवो॒र्वी
   यः म॑हि॒म्ना प॑रिब॒भूव उ॒र्वी
   यो म॑हि॒म्ना प॑रिब॒भूव उ॒र्वी

Halfverse: d    उ॒तावस्ता॑दु॒त दे॒वः प॒रस्ता॑त् ।।
   उ॒त अ॒वस्ता॑त् उ॒त दे॒वः प॒रस्ता॑त् ।।
   उ॒तावस्ता॑द् उ॒त दे॒वः प॒रस्ता॑त् ।।


Verse: 15 
Halfverse: a    द्वे स्रु॒ती अ॑शृणवम्पितॄ॒णाम॒हं दे॒वाना॑मु॒त मर्त्या॑नाम् ।
   द्वे स्रु॒ती अ॑शृणवम्पितॄ॒णाम्
   द्वे स्रु॒ती अ॑शृणवम् पितॄ॒णाम्
   दु॒वे स्रु॒ती अ॑शृणवम् पितॄ॒णाम्

Halfverse: b    अ॒हं दे॒वाना॑मु॒त मर्त्या॑नाम् ।
   अ॒हम् दे॒वाना॑म् उ॒त मर्त्या॑नाम् ।
   अ॒हं दे॒वाना॑म् उ॒त मर्ति॑यानाम् ।

Halfverse: c    ताभ्या॑मि॒दं विश्व॒मेज॒त्समे॑ति॒ यद॑न्त॒रा पि॒तर॑म्मा॒तरं॑ च ।।
   ताभ्या॑मि॒दं विश्व॒मेज॒त्समे॑ति
   ताभ्या॑म् इ॒दम् विश्व॑म् एज॑त् सम् एति
   ताभ्या॑म् इ॒दं विश्व॑म् एज॑त् सम् एति

Halfverse: d    यद॑न्त॒रा पि॒तर॑म्मा॒तरं॑ च ।।
   यत् अन्त॒रा पि॒तर॑म् मा॒तर॑म् च ।।
   यद् अन्त॒रा पि॒तर॑म् मा॒तरं च ।।


Verse: 16 
Halfverse: a    द्वे स॑मी॒ची बि॑भृत॒श्चर॑न्तं शीर्ष॒तो जा॒तम्मन॑सा॒ विमृ॑ष्टम् ।
   द्वे स॑मी॒ची बि॑भृत॒श्चर॑न्तं
   द्वे स॑मी॒ची बि॑भृतः चर॑न्तम्
   दु॒वे स॑मी॒ची बि॑भृतश् चर॑न्तं

Halfverse: b    शीर्ष॒तो जा॒तम्मन॑सा॒ विमृ॑ष्टम् ।
   शी॑र्ष॒तः जा॒तम् मन॑सा विमृ॑ष्टम् ।
   शी॑र्ष॒तो जा॒तम् मन॑सा विमृ॑ष्टम् ।

Halfverse: c    स प्र॒त्यङ्विश्वा॒ भुव॑नानि तस्था॒वप्र॑युछन्त॒रणि॒र्भ्राज॑मानः ।।
   स प्र॒त्यङ्विश्वा॒ भुव॑नानि तस्थाव्
   स प्र॒त्यङ् विश्वा भुव॑नानि तस्थौ
   स प्र॒त्यङ् विश्वा भुव॑नानि तस्थाव्

Halfverse: d    अप्र॑युछन्त॒रणि॒र्भ्राज॑मानः ।।
   अप्र॑युछन् त॒रणिः भ्राज॑मानः ।।
   अप्र॑युछन् त॒रणि॑र् भ्राज॑मानः ।।


Verse: 17 
Halfverse: a    यत्रा॒ वदे॑ते॒ अव॑रः॒ पर॑श्च यज्ञ॒न्योः॑ कत॒रो नौ॒ वि वे॑द ।
   यत्रा॒ वदे॑ते॒ अव॑रः॒ पर॑श्च
   यत्र+ वदे॑ते अव॑रः परः च
   यत्रा वदे॑ते अव॑रः पर॑श् च

Halfverse: b    यज्ञ॒न्योः॑ कत॒रो नौ॒ वि वे॑द ।
   य॑ज्ञ॒न्योः कत॒रः नौ वि वे॑द ।
   य॑ज्ञ॒नियोः कत॒रो नौ वि वे॑द ।

Halfverse: c    आ शे॑कु॒रित्स॑ध॒मादं॒ सखा॑यो॒ नक्ष॑न्त य॒ज्ञं क इ॒दं वि वो॑चत् ।।
   आ शे॑कु॒रित्स॑ध॒मादं॒ सखा॑यो
   आ शे॑कुः इत् सध॒माद॑म् सखा॑यः
   आ शे॑कुर् इत् सध॒मादं सखा॑यो

Halfverse: d    नक्ष॑न्त य॒ज्ञं क इ॒दं वि वो॑चत् ।।
   नक्ष॑न्त य॒ज्ञम् कः इ॒दम् वि वो॑चत् ।।
   नक्ष॑न्त य॒ज्ञं क इ॒दं वि वो॑चत् ।।


Verse: 18 
Halfverse: a    कत्य॒ग्नयः॒ कति॒ सूर्या॑सः॒ कत्यु॒षासः॒ कत्यु॑ स्वि॒दापः॑ ।
   कत्य॒ग्नयः॒ कति॒ सूर्या॑सः
   कति अ॒ग्नयः कति सूर्या॑सः
   कति अ॒ग्नयः कति सूरि॑यासः

Halfverse: b    कत्यु॒षासः॒ कत्यु॑ स्वि॒दापः॑ ।
   कति उ॒षासः कति उ स्वित् आपः ।
   कति उ॒षासः कति उ स्विद् आपः ।

Halfverse: c    नोप॒स्पिजं॑ वः पितरो वदामि पृ॒छामि॑ वः कवयो वि॒द्मने॒ कम् ।।
   नोप॒स्पिजं॑ वः पितरो वदामि
   न उ॑प॒स्पिज॑म् वः पितरः वदामि
   नोप॒स्पिजं वः पितरो वदामि

Halfverse: d    पृ॒छामि॑ वः कवयो वि॒द्मने॒ कम् ।।
   पृ॒छामि वः कवयः वि॒द्मने कम् ।।
   पृ॒छामि वः कवयो वि॒द्मने कम् ।।


Verse: 19 
Halfverse: a    या॑वन्मा॒त्रमु॒षसो॒ न प्रती॑कं सुप॒र्ण्यो॒ वस॑ते मातरिश्वः ।
   या॑वन्मा॒त्रमु॒षसो॒ न प्रती॑कं
   यावन्मा॒त्रम् उ॒षसः न प्रती॑कम्
   यावन्मा॒त्रम् उ॒षसो न प्रती॑कं

Halfverse: b    सुप॒र्ण्यो॒ वस॑ते मातरिश्वः ।
   सु॑प॒र्ण्यः वस॑ते मातरिश्वः ।
   सु॑प॒र्णियो वस॑ते मातरिश्वः ।

Halfverse: c    ताव॑द्दधा॒त्युप॑ य॒ज्ञमा॒यन्ब्रा॑ह्म॒णो होतु॒रव॑रो नि॒षीद॑न् ।।
   ताव॑द्दधा॒त्युप॑ य॒ज्ञमा॒यन्
   ताव॑त् दधाति उप य॒ज्ञम् आ॒यन्
   ताव॑द् दधाति उप य॒ज्ञम् आ॒यन्

Halfverse: d    ब्राह्म॒णो होतु॒रव॑रो नि॒षीद॑न् ।।
   ब्रा॑ह्म॒णः होतुः अव॑रः नि॒षीद॑न् ।।
   ब्रा॑ह्म॒णो होतु॑र् अव॑रो नि॒षीद॑न् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.