TITUS
Rg-Veda: Rg-Veda-Samhita
Part No. 930
Previous part

Hymn: 93_(919) 
Verse: 1 
Halfverse: a    महि॑ द्यावापृथिवी भूतमु॒र्वी नारी॑ य॒ह्वी न रोद॑सी॒ सदं॑ नः ।
   महि॑ द्यावापृथिवी भूतमु॒र्वी
   महि द्यावापृथिवी भूतम् उ॒र्वी
   महि द्यावापृथिवी भूतम् उ॒र्वी

Halfverse: b    नारी॑ य॒ह्वी न रोद॑सी॒ सदं॑ नः ।
   नारी य॒ह्वी न रोद॑सी सद॑म् नः ।
   नारी य॒ह्वी न रोद॑सी सदं नः ।

Halfverse: c    तेभि॑र्नः पातं॒ सह्य॑स ए॒भिर्नः॑ पातं शू॒षणि॑ ।।
   तेभि॑र्नः पातं॒ सह्य॑स
   तेभिः नः पातम् सह्य॑सः
   तेभि॑र् नः पातं सह्य॑स

Halfverse: d    ए॒भिर्नः॑ पातं शू॒षणि॑ ।।
   ए॒भिः नः पातम् शू॒षणि ।।
   ए॒भिर् नः पातं शू॒षणि ।।


Verse: 2 
Halfverse: a    य॒ज्ञेय॑ज्ञे॒ स मर्त्यो॑ दे॒वान्स॑पर्यति ।
   य॒ज्ञेय॑ज्ञे॒ स मर्त्यो
   य॒ज्ञेय॑ज्ञे स मर्त्यः
   य॒ज्ञेय॑ज्ञे स मर्ति॑यो

Halfverse: b    दे॒वान्स॑पर्यति ।
   दे॒वान् सपर्यति ।
   दे॒वान् सपर्यति ।

Halfverse: c    यः सु॒म्नैर्दी॑र्घ॒श्रुत्त॑ मआ॒विवा॑सत्येनान् ।।
   यः सु॒म्नैर्दी॑र्घ॒श्रुत्त॑म
   यः सु॒म्नैः दी॑र्घ॒श्रुत्त॑मः
   यः सु॒म्नैर् दीर्घ॒श्रुत्त॑म

Halfverse: d    आ॒विवा॑सत्येनान् ।।
   आ॒विवा॑सति एनान् ।।
   आ॒विवा॑सति एनान् ।।


Verse: 3 
Halfverse: a    विश्वे॑षामिरज्यवो दे॒वानां॒ वार्म॒हः ।
   विश्वे॑षामिरज्यवो
   विश्वे॑षाम् इरज्यवः
   विश्वे॑षाम् इरज्यवो

Halfverse: b    दे॒वानां॒ वार्म॒हः ।
   दे॒वाना॑म् वार् म॒हः ।
   दे॒वानां वार् म॒हः ।

Halfverse: c    विश्वे॒ हि वि॒श्वम॑हसो॒ विश्वे॑ य॒ज्ञेषु॑ य॒ज्ञियाः॑ ।।
   विश्वे॒ हि वि॒श्वम॑हसो
   विश्वे हि वि॒श्वम॑हसः
   विश्वे हि वि॒श्वम॑हसो

Halfverse: d    विश्वे॑ य॒ज्ञेषु॑ य॒ज्ञियाः॑ ।।
   विश्वे य॒ज्ञेषु य॒ज्ञियाः ।।
   विश्वे य॒ज्ञेषु य॒ज्ञियाः ।।


Verse: 4 
Halfverse: a    ते घा॒ राजा॑नो अ॒मृत॑स्य म॒न्द्रा अ॑र्य॒मा मि॒त्रो वरु॑णः॒ परि॑ज्मा ।
   ते घा॒ राजा॑नो अ॒मृत॑स्य म॒न्द्रा
   ते घ+ राजा॑नः अ॒मृत॑स्य म॒न्द्राः
   ते घा राजा॑नो अ॒मृत॑स्य म॒न्द्रा

Halfverse: b    अ॑र्य॒मा मि॒त्रो वरु॑णः॒ परि॑ज्मा ।
   अ॑र्य॒मा मि॒त्रः वरु॑णः परि॑ज्मा ।
   अ॑र्य॒मा मि॒त्रो वरु॑णः परि॑ज्मा ।

Halfverse: c    कद्रु॒द्रो नृ॒णां स्तु॒तो म॒रुतः॑ पू॒षणो॒ भगः॑ ।।
   कद्रु॒द्रो नृ॒णां स्तु॒तो
   कत् रु॒द्रः नृ॒णाम् स्तु॒तः
   कद् रु॒द्रो नृ॒णाअं स्तु॒तो

Halfverse: d    म॒रुतः॑ पू॒षणो॒ भगः॑ ।।
   म॒रुतः पू॒षणः भगः ।।
   म॒रुतः पू॒षणो भगः ।।


Verse: 5 
Halfverse: a    उ॒त नो॒ नक्त॑म॒पां वृ॑षण्वसू॒ सूर्या॒मासा॒ सद॑नाय सध॒न्या॑ ।
   उ॒त नो॒ नक्त॑म॒पां वृ॑षण्वसू
   उ॒त नः नक्त॑म् अ॒पाम् वृषण्वसू
   उ॒त नो नक्त॑म् अ॒पाअं वृ॑षण्वसू

Halfverse: b    सूर्या॒मासा॒ सद॑नाय सध॒न्या॑ ।
   सूर्या॒मासा सद॑नाय सध॒न्या ।
   सूर्या॒मासा सद॑नाय सध॒निया ।

Halfverse: c    सचा॒ यत्साद्ये॑षा॒महि॑र्बु॒ध्नेषु॑ बु॒ध्न्यः॑ ।।
   सचा॒ यत्साद्ये॑षाम्
   सचा यत् सादि एषाम्
   सचा यत् सादि एषाअम्

Halfverse: d    अहि॑र्बु॒ध्नेषु॑ बु॒ध्न्यः॑ ।।
   अहिः बु॒ध्नेषु बु॒ध्न्यः ।।
   अहि॑र् बु॒ध्नेषु बु॒ध्नियः ।।


Verse: 6 
Halfverse: a    उ॒त नो॑ दे॒वाव॒श्विना॑ शु॒भस्पती॒ धाम॑भिर्मि॒त्रावरु॑णा उरुष्यताम् ।
   उ॒त नो॑ दे॒वाव॒श्विना॑ शु॒भस्पती
   उ॒त नः दे॒वौ अ॒श्विना शु॒भः पती
   उ॒त नो दे॒वाव् अ॒श्विना शु॒भस् पती

Halfverse: b    धाम॑भिर्मि॒त्रावरु॑णा उरुष्यताम् ।
   धाम॑भिः मि॒त्रावरु॑णौ उरुष्यताम् ।
   धाम॑भिर् मि॒त्रावरु॑णा उरुष्यताम् ।

Halfverse: c    म॒हः स रा॒य एष॒ते ऽति॒ धन्वे॑व दुरि॒ता ।।
   म॒हः स रा॒य एष॒ते
   म॒हः स रा॒यः आ ई॑षते
   म॒हः स रा॒य एष॑ते

Halfverse: d    ऽति॒ धन्वे॑व दुरि॒ता ।।
   अति धन्व इव दुरि॒ता ।।
   अति धन्वे॑व दुरि॒ता ।।


Verse: 7 
Halfverse: a    उ॒त नो॑ रु॒द्रा चि॑न्मृळताम॒श्विना॒ विश्वे॑ दे॒वासो॒ रथ॒स्पति॒र्भगः॑ ।
   उ॒त नो॑ रु॒द्रा चि॑न्मृळताम॒श्विना
   उ॒त नः रु॒द्रा चि॑त् मृळताम् अ॒श्विना
   उ॒त नो रु॒द्रा चि॑न् मृळताम् अ॒श्विना

Halfverse: b    विश्वे॑ दे॒वासो॒ रथ॒स्पति॒र्भगः॑ ।
   विश्वे दे॒वासः रथ॒स्पतिः भगः ।
   विश्वे दे॒वासो रथ॒स्पति॑र् भगः ।

Halfverse: c    ऋ॒भुर्वाज॑ ऋभुक्षणः॒ परि॑ज्मा विश्ववेदसः ।।
   ऋ॒भुर्वाज॑ ऋभुक्षणः
   ऋ॒भुः वाजः ऋभुक्षणः
   ऋ॒भुर् वाज ऋभुक्षणः

Halfverse: d    परि॑ज्मा विश्ववेदसः ।।
   परि॑ज्मा विश्ववेदसः ।।
   परि॑ज्मा विश्ववेदसः ।।


Verse: 8 
Halfverse: a    ऋ॒भुरृ॑भु॒क्षा ऋ॒भुर्वि॑ध॒तो मद॒ आ ते॒ हरी॑ जूजुवा॒नस्य॑ वा॒जिना॑ ।
   ऋ॒भुरृ॑भु॒क्षा ऋ॒भुर्वि॑ध॒तो मद
   ऋ॒भुः ऋ॑भु॒क्षाः ऋ॒भुः वि॑ध॒तः मदः
   ऋ॒भुर् ऋभु॒क्षा ऋ॒भुर् विध॒तो मद

Halfverse: b    आ ते॒ हरी॑ जूजुवा॒नस्य॑ वा॒जिना॑ ।
   आ ते हरी जूजुवा॒नस्य वा॒जिना ।
   आ ते हरी जूजुवा॒नस्य वा॒जिना ।

Halfverse: c    दु॒ष्टरं॒ यस्य॒ साम॑ चि॒दृध॑ग्य॒ज्ञो न मानु॑षः ।।
   दु॒ष्टरं॒ यस्य॒ साम॑ चिद्
   दु॒ष्टर॑म् यस्य साम चित्
   दु॒ष्टरं यस्य साम चिद्

Halfverse: d    ऋध॑ग्य॒ज्ञो न मानु॑षः ।।
   ऋध॑क् य॒ज्ञः न मानु॑षः ।।
   ऋध॑ग् य॒ज्ञो न मानु॑षः ।।


Verse: 9 
Halfverse: a    कृ॒धी नो॒ अह्र॑यो देव सवितः॒ स च॑ स्तुषे म॒घोना॑म् ।
   कृ॒धी नो॒ अह्र॑यो देव सवितः
   कृ॒धि+ नः अह्र॑यः देव सवितर्
   कृ॒धी नो ? अह्र॑यो देव सवितः

Halfverse: b    स च॑ स्तुषे म॒घोना॑म् ।
   स च स्तुषे म॒घोना॑म् ।
   स च स्तुषे म॒घोनाअ॑म् ।

Halfverse: c    स॒हो न॒ इन्द्रो॒ वह्नि॑भि॒र्न्ये॑षां चर्षणी॒नां च॒क्रं र॒श्मिं न यो॑युवे ।।
   स॒हो न॒ इन्द्रो॒ वह्नि॑भि॒र्न्ये॑षां
   स॒ह उ नः इन्द्रः वह्नि॑भिः नि ए॑षाम्
   स॒हो न इन्द्रो वह्नि॑भिर् नि ए॑षाअं

Halfverse: d    चर्षणी॒नां च॒क्रं र॒श्मिं न यो॑युवे ।।
   च॑र्षणी॒नाम् च॒क्रम् र॒श्मिम् न यो॑युवे ।।
   च॑र्षणी॒नां च॒क्रं र॒श्मिं न यो॑युवे ।।


Verse: 10 
Halfverse: a    अैषु॑ द्यावापृथिवी धातम्म॒हद॒स्मे वी॒रेषु॑ वि॒श्वच॑र्षणि॒ श्रवः॑ ।
   अैषु॑ द्यावापृथिवी धातम्म॒हद्
   आ ए॑षु द्यावापृथिवी धातम् म॒हत्
   अैषु द्यावापृथिवी धाअतम् म॒हद्

Halfverse: b    अ॒स्मे वी॒रेषु॑ वि॒श्वच॑र्षणि॒ श्रवः॑ ।
   अ॒स्मे वी॒रेषु वि॒श्वच॑र्षणि श्रवः ।
   अ॒स्मे वी॒रेषु वि॒श्वच॑र्षणि श्रवः ।

Halfverse: c    पृ॒क्षं वाज॑स्य सा॒तये॑ पृ॒क्षं रा॒योत तु॒र्वणे॑ ।।
   पृ॒क्षं वाज॑स्य सा॒तये
   पृ॒क्षम् वाज॑स्य सा॒तये
   पृ॒क्षं वाज॑स्य सा॒तये

Halfverse: d    पृ॒क्षं रा॒योत तु॒र्वणे॑ ।।
   पृ॒क्षम् रा॒या उ॒त तु॒र्वणे ।।
   पृ॒क्षं रा॒योत तु॒र्वणे ।।


Verse: 11 
Halfverse: a    ए॒तं शंस॑मिन्द्रास्म॒युष्ट्वं कूचि॒त्सन्तं॑ सहसावन्न॒भिष्ट॑ये ।
   ए॒तं शंस॑मिन्द्रास्म॒युष्ट्वं
   ए॒तम् शंस॑म् इन्द्र अस्म॒युः त्वम्
   ए॒तं शंस॑म् इन्दर अस्म॒युष् ट्वं

Halfverse: b    कूचि॒त्सन्तं॑ सहसावन्न॒भिष्ट॑ये
   कूचि॑त् सन्त॑म् सहसावन् अ॒भिष्ट॑ये
   कूचि॑त् सन्तं सहसावन्न् अ॒भिष्ट॑ये

Halfverse: c    सदा॑ पाह्य॒भिष्ट॑ये मे॒दतां॑ वे॒दता॑ वसो ।।
   सदा॑ पाह्य॒भिष्ट॑ये ।
   सदा पाहि अ॒भिष्ट॑ये ।
   सदा पाहि अ॒भिष्ट॑ये ।

Halfverse: d    मे॒दतां॑ वे॒दता॑ वसो ।।
   मे॒दता॑म् वे॒दता वसो ।।
   मे॒दतां वे॒दता वसो ।।


Verse: 12 
Halfverse: a    ए॒तम्मे॒ स्तोमं॑ त॒ना न सूर्ये॑ द्यु॒तद्या॑मानं वावृधन्त नृ॒णाम् ।
   ए॒तम्मे॒ स्तोमं॑ त॒ना न सूर्ये
   ए॒तम् मे स्तोम॑म् त॒ना न सूर्ये
   ए॒तम् मे स्तोमं त॒ना न सूर्ये

Halfverse: b    द्यु॒तद्या॑मानं वावृधन्त नृ॒णाम् ।
   द्यु॒तद्या॑मानम् वावृधन्त नृ॒णाम् ।
   द्यु॒तद्या॑मानं वावृधन्त नॄ॒णाअम् ।

Halfverse: c    सं॒वन॑नं॒ नाश्व्यं॒ तष्टे॒वान॑पच्युतम् ।।
   सं॒वन॑नं॒ नाश्व्यं
   सं॒वन॑नम् न अश्व्य॑म्
   सं॒वन॑नं न अश्वि॑यं

Halfverse: d    तष्टे॒वान॑पच्युतम् ।।
   तष्टा इव अन॑पच्युतम् ।।
   तष्टे॑व अन॑पच्युतम् ।।


Verse: 13 
Halfverse: a    वा॒वर्त॒ येषां॑ रा॒या यु॒क्तैषां॑ हिर॒ण्ययी॑ ।
   वा॒वर्त॒ येषां॑ रा॒या
   वा॒वर्त येषा॑म् रा॒या
   वा॒वर्त येषां राअ॒या

Halfverse: b    यु॒क्तैषां॑ हिर॒ण्ययी॑ ।
   यु॒क्ता ए॑षाम् हिर॒ण्ययी ।
   यु॒क्ता ए॑षां हिर॒ण्ययी ।

Halfverse: c    ने॒मधि॑ता॒ न पौंस्या॒ वृथे॑व वि॒ष्टान्ता॑ ।।
   ने॒मधि॑ता॒ न पौंस्या
   ने॒मधि॑ता न पौंस्या
   ने॒मधि॑ता न पौंसि॑या

Halfverse: d    वृथे॑व वि॒ष्टान्ता॑ ।।
   वृथा इव वि॒ष्टान्ता ।।
   वृथा इव वि॒ष्टाअन्ता ।।


Verse: 14 
Halfverse: a    प्र तद्दुः॒शीमे॒ पृथ॑वाने वे॒ने प्र रा॒मे वो॑च॒मसु॑रे म॒घव॑त्सु ।
   प्र तद्दुः॒शीमे॒ पृथ॑वाने वे॒ने
   प्र तत् दुः॒शीमे पृथ॑वाने वे॒ने
   प्र तद् दुः॒शीमे पृथ॑वाने वे॒ने

Halfverse: b    प्र रा॒मे वो॑च॒मसु॑रे म॒घव॑त्सु ।
   प्र रा॒मे वो॑चम् असु॑रे म॒घव॑त्सु ।
   प्र रा॒मे वो॑चम् असु॑रे म॒घव॑त्सु ।

Halfverse: c    ये यु॒क्त्वाय॒ पञ्च॑ श॒तास्म॒यु प॒था वि॒श्राव्ये॑षाम् ।।
   ये यु॒क्त्वाय॒ पञ्च॑ श॒तास्म॒यु
   ये यु॒क्त्वाय पञ्च श॒ता अ॑स्म॒यु
   ये यु॒क्त्वाय पञ्च श॒ता अ॑स्म॒यु

Halfverse: d    प॒था वि॒श्राव्ये॑षाम् ।।
   प॒था वि॒श्रावि एषाम् ।।
   प॒था वि॒श्रावि एषाअम् ।।


Verse: 15 
Halfverse: a    अधीन्न्वत्र॑ सप्त॒तिं च॑ स॒प्त च॑ ।
   अधीन्न्वत्र॑ सप्त॒तिं च॑ स॒प्त च॑ ।
   अधि इत् नु अत्र सप्त॒तिम् च स॒प्त च ।
   अधीन् नु अत्र सप्त॒तिं च स॒प्त च ।

Halfverse: b    स॒द्यो दि॑दिष्ट॒ तान्वः॑ स॒द्यो दि॑दिष्ट पा॒र्थ्यः स॒द्यो दि॑दिष्ट माय॒वः ।।
   स॒द्यो दि॑दिष्ट॒ तान्वः
   स॒द्यः दि॑दिष्ट तान्वः
   स॒द्यो दि॑दिष्ट तानु॑वः

Halfverse: c    स॒द्यो दि॑दिष्ट पा॒र्थ्यः
   स॒द्यः दि॑दिष्ट पा॒र्थ्यः
   स॒द्यो दि॑दिष्ट पार्थि॒यः

Halfverse: d    स॒द्यो दि॑दिष्ट माय॒वः ।।
   स॒द्यः दि॑दिष्ट माय॒वः ।।
   स॒द्यो दि॑दिष्ट माय॒वः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.