TITUS
Rg-Veda: Rg-Veda-Samhita
Part No. 931
Previous part

Hymn: 94_(920) 
Verse: 1 
Halfverse: a    प्रैते व॑दन्तु॒ प्र व॒यं व॑दाम॒ ग्राव॑भ्यो॒ वाचं॑ वदता॒ वद॑द्भ्यः ।
   प्रैते व॑दन्तु॒ प्र व॒यं व॑दाम
   प्र ए॒ते व॑दन्तु प्र व॒यम् वदाम
   प्रैते व॑दन्तु प्र व॒यं व॑दाम

Halfverse: b    ग्राव॑भ्यो॒ वाचं॑ वदता॒ वद॑द्भ्यः ।
   ग्राव॑भ्यः वाच॑म् वदत+ वद॑द्भ्यः ।
   ग्राव॑भ्यो वाचं वदता वद॑द्भ्यः ।

Halfverse: c    यद॑द्रयः पर्वताः सा॒कमा॒शवः॒ श्लोकं॒ घोष॒म्भर॒थेन्द्रा॑य सो॒मिनः॑ ।।
   यद॑द्रयः पर्वताः सा॒कमा॒शवः
   यत् अद्रयः पर्वताः सा॒कम् आ॒शवः
   यद् अद्रयः पर्वताः सा॒कम् आ॒शवः

Halfverse: d    श्लोकं॒ घोष॒म्भर॒थेन्द्रा॑य सो॒मिनः॑ ।।
   श्लोक॑म् घोष॑म् भर॑थ इन्द्रा॑य सो॒मिनः ।।
   श्लोकं घोष॑म् भर॒थेन्द्रा॑य सो॒मिनः ।।


Verse: 2 
Halfverse: a    ए॒ते व॑दन्ति श॒तव॑त्स॒हस्र॑वद॒भि क्र॑न्दन्ति॒ हरि॑तेभिरा॒सभिः॑ ।
   ए॒ते व॑दन्ति श॒तव॑त्स॒हस्र॑वद्
   ए॒ते व॑दन्ति श॒तव॑त् स॒हस्र॑वत्
   ए॒ते व॑दन्ति श॒तव॑त् स॒हस्र॑वद्

Halfverse: b    अ॒भि क्र॑न्दन्ति॒ हरि॑तेभिरा॒सभिः॑ ।
   अ॒भि क्र॑न्दन्ति हरि॑तेभिः आ॒सभिः ।
   अ॒भि क्र॑न्दन्ति हरि॑तेभिर् आ॒सभिः ।

Halfverse: c    वि॒ष्ट्वी ग्रावा॑णः सु॒कृतः॑ सुकृ॒त्यया॒ होतु॑श्चि॒त्पूर्वे॑ हवि॒रद्य॑माशत ।।
   वि॒ष्ट्वी ग्रावा॑णः सु॒कृतः॑ सुकृ॒त्यया
   वि॒ष्ट्वी ग्रावा॑णः सु॒कृतः सुकृ॒त्यया
   वि॒ष्ट्वी ग्रावा॑णः सु॒कृतः सुकृ॒त्यया

Halfverse: d    होतु॑श्चि॒त्पूर्वे॑ हवि॒रद्य॑माशत ।।
   होतुः चित् पूर्वे हवि॒रद्य॑म् आशत ।।
   होतु॑श् चित् पूर्वे हवि॒रद्य॑म् आशत ।।


Verse: 3 
Halfverse: a    ए॒ते व॑द॒न्त्यवि॑दन्न॒ना मधु॒ न्यू॑ङ्खयन्ते॒ अधि॑ प॒क्व आमि॑षि ।
   ए॒ते व॑द॒न्त्यवि॑दन्न॒ना मधु
   ए॒ते व॑दन्ति अवि॑दन् अ॒ना मधु
   ए॒ते व॑दन्ति अवि॑दन्न् अ॒ना मधु

Halfverse: b    न्यू॑ङ्खयन्ते॒ अधि॑ प॒क्व आमि॑षि ।
   नि ऊ॑ङ्खयन्ते अधि प॒क्वे आमि॑षि ।
   नि ऊ॑ङ्खयन्ते अधि प॒क्व आमि॑षि ।

Halfverse: c    वृ॒क्षस्य॒ शाखा॑मरु॒णस्य॒ बप्स॑त॒स्ते सूभ॑र्वा वृष॒भाः प्रेम॑राविषुः ।।
   वृ॒क्षस्य॒ शाखा॑मरु॒णस्य॒ बप्स॑तस्
   वृ॒क्षस्य शाखा॑म् अरु॒णस्य बप्स॑तः
   वृ॒क्षस्य शाखा॑म् अरु॒णस्य बप्स॑तस्

Halfverse: d    ते सूभ॑र्वा वृष॒भाः प्रेम॑राविषुः ।।
   ते सूभ॑र्वाः वृष॒भाः प्र ई॑म् अराविषुः ।।
   ते सूभ॑र्वा वृष॒भाः प्रेम् अराविषुः ।।


Verse: 4 
Halfverse: a    बृ॒हद्व॑दन्ति मदि॒रेण॑ म॒न्दिनेन्द्रं॒ क्रोश॑न्तो ऽविदन्न॒ना मधु॑ ।
   बृ॒हद्व॑दन्ति मदि॒रेण॑ म॒न्दिना
   बृ॒हत् वदन्ति मदि॒रेण म॒न्दिना
   बृ॒हद् वदन्ति मदि॒रेण म॒न्दिना

Halfverse: b     इन्द्रं॒ क्रोश॑न्तो ऽविदन्न॒ना मधु॑ ।
   इन्द्र॑म् क्रोश॑न्तः अविदन् अ॒ना मधु ।
   इन्द्रं क्रोश॑न्तो अविदन्न् अ॒ना मधु ।

Halfverse: c    सं॒रभ्या॒ धीराः॒ स्वसृ॑भिरनर्तिषुराघो॒षय॑न्तः पृथि॒वीमु॑प॒ब्दिभिः॑ ।।
   सं॒रभ्या॒ धीराः॒ स्वसृ॑भिरनर्तिषुर्
   सं॒रभ्य+ धीराः स्वसृ॑भिः अनर्तिषुः
   सं॒रभ्या धीराः स्वसृ॑भिर् अनर्तिषुर्

Halfverse: d    आघो॒षय॑न्तः पृथि॒वीमु॑प॒ब्दिभिः॑ ।।
   आ॑घो॒षय॑न्तः पृथि॒वीम् उप॒ब्दिभिः ।।
   आ॑घो॒षय॑न्तः पृथि॒वीम् उप॒ब्दिभिः ।।


Verse: 5 
Halfverse: a    सु॑प॒र्णा वाच॑मक्र॒तोप॒ द्यव्या॑ख॒रे कृष्णा॑ इषि॒रा अ॑नर्तिषुः ।
   सु॑प॒र्णा वाच॑मक्र॒तोप॒ द्यव्य्
   सुप॒र्णाः वाच॑म् अक्रत उप द्यवि
   सुप॒र्णा वाच॑म् अक्रत उप द्यवि

Halfverse: b    आख॒रे कृष्णा॑ इषि॒रा अ॑नर्तिषुः ।
   आ॑ख॒रे कृष्णाः इषि॒राः अ॑नर्तिषुः ।
   आ॑ख॒रे कृष्णा इषि॒रा अ॑नर्तिषुः ।

Halfverse: c    न्य॒ङ्नि य॒न्त्युप॑रस्य निष्कृ॒तम्पु॒रू रेतो॑ दधिरे सूर्य॒श्वितः॑ ।।
   न्य॒ङ्नि य॒न्त्युप॑रस्य निष्कृ॒तम्
   न्य॑क् नि य॑न्ति उप॑रस्य निष्कृ॒तम्
   निअङ् नि य॑न्ति उप॑रस्य निष्कृ॒तम्

Halfverse: d    पु॒रू रेतो॑ दधिरे सूर्य॒श्वितः॑ ।।
   पु॒रु+ रेतः दधिरे सूर्य॒श्वितः ।।
   पु॒रू रेतो दधिरे सूरिय॒श्वितः ।।


Verse: 6 
Halfverse: a    उ॒ग्रा इ॑व प्र॒वह॑न्तः स॒माय॑मुः सा॒कं यु॒क्ता वृष॑णो॒ बिभ्र॑तो॒ धुरः॑ ।
   उ॒ग्रा इ॑व प्र॒वह॑न्तः स॒माय॑मुः
   उ॒ग्राः इ॑व प्र॒वह॑न्तः स॒माय॑मुः
   उ॒ग्रा इ॑व प्र॒वह॑न्तः स॒माय॑मुः

Halfverse: b    सा॒कं यु॒क्ता वृष॑णो॒ बिभ्र॑तो॒ धुरः॑ ।
   सा॒कम् यु॒क्ताः वृष॑णः बिभ्र॑तः धुरः ।
   सा॒कं यु॒क्ता वृष॑णो बिभ्र॑तो धुरः ।

Halfverse: c    यच्छ्व॒सन्तो॑ जग्रसा॒ना अरा॑विषुः शृ॒ण्व ए॑षाम्प्रो॒थथो॒ अर्व॑तामिव ।।
   यच्छ्व॒सन्तो॑ जग्रसा॒ना अरा॑विषुः
   यत् श्व॒सन्तः जग्रसा॒नाः अरा॑विषुः
   यच् छ्व॒सन्तो जग्रसा॒ना अरा॑विषुः

Halfverse: d    शृ॒ण्व ए॑षाम्प्रो॒थथो॒ अर्व॑तामिव ।।
   शृ॒ण्वे ए॑षाम् प्रो॒थथः अर्व॑ताम् इव ।।
   शृ॒ण्व ए॑षाम् प्रो॒थथो अर्व॑ताम् इव ।।


Verse: 7 
Halfverse: a    दशा॑वनिभ्यो॒ दश॑कक्ष्येभ्यो॒ दश॑योक्त्रेभ्यो॒ दश॑योजनेभ्यः ।
   दशा॑वनिभ्यो॒ दश॑कक्ष्येभ्यो
   दशा॑वनिभ्यः दश॑कक्ष्येभ्यः
   दशा॑वनिभ्यो दश॑कक्षियेभियो

Halfverse: b    दश॑योक्त्रेभ्यो॒ दश॑योजनेभ्यः ।
   दश॑योक्त्रेभ्यः दश॑योजनेभ्यः ।
   दश॑योक्त्रेभ्यो दश॑योजनेभियः ।

Halfverse: c    दशा॑भीशुभ्यो अर्चता॒जरे॑भ्यो॒ दश॒ धुरो॒ दश॑ यु॒क्ता वह॑द्भ्यः ।।
   दशा॑भीशुभ्यो अर्चता॒जरे॑भ्यो
   दशा॑भीशुभ्यः अर्चत अ॒जरे॑भ्यः
   दशा॑भीशुभ्यो अर्चता॒जरे॑भियो

Halfverse: d    दश॒ धुरो॒ दश॑ यु॒क्ता वह॑द्भ्यः ।।
   दश धुरः दश यु॒क्ताः वह॑द्भ्यः ।।
   दश धुरो दश यु॒क्ता वह॑द्भियः ।।


Verse: 8 
Halfverse: a    ते अद्र॑यो॒ दश॑यन्त्रास आ॒शव॒स्तेषा॑मा॒धान॒म्पर्ये॑ति हर्य॒तम् ।
   ते अद्र॑यो॒ दश॑यन्त्रास आ॒शव॑स्
   ते अद्र॑यः दश॑यन्त्रासः आ॒शवः
   ते अद्र॑यो दश॑यन्त्रास आ॒शव॑स्

Halfverse: b    तेषा॑मा॒धान॒म्पर्ये॑ति हर्य॒तम् ।
   तेषा॑म् आ॒धान॑म् परि एति हर्य॒तम् ।
   तेषा॑म् आ॒धान॑म् परि एति हर्य॒तम् ।

Halfverse: c    त ऊ॑ सु॒तस्य॑ सो॒म्यस्यान्ध॑सो ऽं॒शोः पी॒यूष॑म्प्रथ॒मस्य॑ भेजिरे ।।
   त ऊ॑ सु॒तस्य॑ सो॒म्यस्यान्ध॑सो
   ते उ+ सु॒तस्य सो॒म्यस्य अन्ध॑सः
   त ऊ सु॒तस्य सोमि॒यस्य अन्ध॑सो

Halfverse: d    ऽं॒शोः पी॒यूष॑म्प्रथ॒मस्य॑ भेजिरे ।।
   अं॒शोः पी॒यूष॑म् प्रथ॒मस्य भेजिरे ।।
   अं॒शोः पी॒यूष॑म् प्रथ॒मस्य भेजिरे ।।


Verse: 9 
Halfverse: a    ते सो॒मादो॒ हरी॒ इन्द्र॑स्य निंसते ऽं॒शुं दु॒हन्तो॒ अध्या॑सते॒ गवि॑ ।
   ते सो॒मादो॒ हरी॒ इन्द्र॑स्य निंसते
   ते सो॒मादः हरी इन्द्र॑स्य निंसते
   ते सो॒मादो हरी इन्द्र॑स्य निंसते

Halfverse: b    ऽं॒शुं दु॒हन्तो॒ अध्या॑सते॒ गवि॑ ।
   अं॒शुम् दु॒हन्तः अधि आसते गवि ।
   अं॒शुं दु॒हन्तो अधि आसते गवि ।

Halfverse: c    तेभि॑र्दु॒ग्धम्प॑पि॒वान्सो॒म्यम्मध्विन्द्रो॑ वर्धते॒ प्रथ॑ते वृषा॒यते॑ ।।
   तेभि॑र्दु॒ग्धम्प॑पि॒वान्सो॒म्यम्मध्व्
   तेभिः दु॒ग्धम् पपि॒वान् सो॒म्यम् मधु
   तेभि॑र् दु॒ग्धम् पपि॒वान् सोमि॒यम् मधु

Halfverse: d    इन्द्रो॑ वर्धते॒ प्रथ॑ते वृषा॒यते॑ ।।
   इन्द्रः वर्धते प्रथ॑ते वृषा॒यते ।।
   इन्द्रो वर्धते प्रथ॑ते वृषा॒यते ।।


Verse: 10 
Halfverse: a    वृषा॑ वो अं॒शुर्न किला॑ रिषाथ॒नेळा॑वन्तः॒ सद॒मित्स्थ॒नाशि॑ताः ।
   वृषा॑ वो अं॒शुर्न किला॑ रिषाथन
   वृषा वः अं॒शुः न किल+ रिषाथन
   वृषा वो अं॒शुर् न किला रिषाथन

Halfverse: b     इळा॑वन्तः ।!। सद॒मित्स्थ॒नाशि॑ताः ।
   इळा॑वन्तः सद॑म् इत् स्थन आशि॑ताः ।
   इळा॑वन्तः सद॑म् इत् स्थन आशि॑ताः ।

Halfverse: c    रै॑व॒त्येव॒ मह॑सा॒ चार॑व स्थन॒ यस्य॑ ग्रावाणो॒ अजु॑षध्वमध्व॒रम् ।।
   रै॑व॒त्येव॒ मह॑सा॒ चार॑व स्थन
   रैव॒त्या इ॑व मह॑सा चार॑वः स्थन
   रैव॒त्येव मह॑सा चार॑व स्थन

Halfverse: d    यस्य॑ ग्रावाणो॒ अजु॑षध्वमध्व॒रम् ।।
   यस्य ग्रावाणः अजु॑षध्वम् अध्व॒रम् ।।
   यस्य ग्रावाणो अजु॑षध्वम् अध्व॒रम् ।।


Verse: 11 
Halfverse: a    तृ॑दि॒ला अतृ॑दिलासो॒ अद्र॑यो ऽश्रम॒णा अशृ॑थिता॒ अमृ॑त्यवः ।
   तृ॑दि॒ला अतृ॑दिलासो॒ अद्र॑यो
   तृदि॒लाः अतृ॑दिलासः अद्र॑यः
   तृदि॒ला ? अतृ॑दिलासो अद्र॑यो

Halfverse: b    ऽश्रम॒णा अशृ॑थिता॒ अमृ॑त्यवः ।
   अ॑श्रम॒णाः अशृ॑थिताः अमृ॑त्यवः ।
   अ॑श्रम॒णा अशृ॑थिता अमृ॑त्यवः ।

Halfverse: c    अ॑नातु॒रा अ॒जरा॒ स्थाम॑विष्णवः सुपी॒वसो॒ अतृ॑षिता॒ अतृ॑ष्णजः ।।
   अ॑नातु॒रा अ॒जरा॒ स्थाम॑विष्णवः
   अनातु॒राः अ॒जराः स्थ अम॑विष्णवः
   अनातु॒रा अ॒जरा स्थाम॑विष्णवः

Halfverse: d    सुपी॒वसो॒ अतृ॑षिता॒ अतृ॑ष्णजः ।।
   सु॑पी॒वसः अतृ॑षिताः अतृ॑ष्णजः ।।
   सु॑पी॒वसो अतृ॑षिता अतृ॑ष्णजः ।।


Verse: 12 
Halfverse: a    ध्रु॒वा ए॒व वः॑ पि॒तरो॑ यु॒गेयु॑गे॒ क्षेम॑कामासः॒ सद॑सो॒ न यु॑ञ्जते ।
   ध्रु॒वा ए॒व वः॑ पि॒तरो॑ यु॒गेयु॑गे
   ध्रु॒वाः ए॒व वः पि॒तरः यु॒गेयु॑गे
   ध्रु॒वा ए॒व वः पि॒तरो यु॒गेयु॑गे

Halfverse: b    क्षेम॑कामासः॒ सद॑सो॒ न यु॑ञ्जते ।
   क्षेम॑कामासः सद॑सः न यु॑ञ्जते ।
   क्षेम॑कामासः सद॑सो न यु॑ञ्जते ।

Halfverse: c    अ॑जु॒र्यासो॑ हरि॒षाचो॑ ह॒रिद्र॑व॒ आ द्यां रवे॑ण पृथि॒वीम॑शुश्रवुः ।।
   अ॑जु॒र्यासो॑ हरि॒षाचो॑ ह॒रिद्र॑व
   अजु॒र्यासः हरि॒षाचः ह॒रिद्र॑वः
   अजु॒र्यासो हरि॒षाचो ह॒रिद्र॑व

Halfverse: d    आ द्यां रवे॑ण पृथि॒वीम॑शुश्रवुः ।।
   आ द्याम् रवे॑ण पृथि॒वीम् अशुश्रवुः ।।
   आ द्यां रवे॑ण पृथि॒वीम् अशुश्रवुः ।।


Verse: 13 
Halfverse: a    तदिद्व॑द॒न्त्यद्र॑यो वि॒मोच॑ने॒ याम॑न्नञ्ज॒स्पा इ॑व॒ घेदु॑प॒ब्दिभिः॑ ।
   तदिद्व॑द॒न्त्यद्र॑यो वि॒मोच॑ने
   तत् इत् वदन्ति अद्र॑यः वि॒मोच॑ने
   तद् इद् वदन्ति अद्र॑यो वि॒मोच॑ने

Halfverse: b    याम॑न्नञ्ज॒स्पा इ॑व॒ घेदु॑प॒ब्दिभिः॑ ।
   याम॑न् अञ्ज॒स्पाः इ॑व घ इत् उप॒ब्दिभिः ।
   याम॑न्न् अञ्ज॒स्पा इ॑व घेद् उप॒ब्दिभिः ।

Halfverse: c    वप॑न्तो॒ बीज॑मिव धान्या॒कृतः॑ पृ॒ञ्चन्ति॒ सोमं॒ न मि॑नन्ति॒ बप्स॑तः ।।
   वप॑न्तो॒ बीज॑मिव धान्या॒कृतः
   वप॑न्तः बीज॑म् इव धान्या॒कृतः
   वप॑न्तो बीज॑म् इव धानिया॒कृतः

Halfverse: d    पृ॒ञ्चन्ति॒ सोमं॒ न मि॑नन्ति॒ बप्स॑तः ।।
   पृ॒ञ्चन्ति सोम॑म् न मि॑नन्ति बप्स॑तः ।।
   पृ॒ञ्चन्ति सोमं न मि॑नन्ति बप्स॑तः ।।


Verse: 14 
Halfverse: a    सु॒ते अ॑ध्व॒रे अधि॒ वाच॑मक्र॒ता क्री॒ळयो॒ न मा॒तरं॑ तु॒दन्तः॑ ।
   सु॒ते अ॑ध्व॒रे अधि॒ वाच॑मक्रत
   सु॒ते अ॑ध्व॒रे अधि वाच॑म् अक्रत
   सु॒ते अ॑ध्व॒रे अधि वाच॑म् अक्रत

Halfverse: b     आ क्री॒ळयो॒ न मा॒तरं॑ तु॒दन्तः॑ ।
   आ क्री॒ळयः न मा॒तर॑म् तु॒दन्तः ।
   आ क्री॒ळयो न मा॒तरं तु॒दन्तः ।

Halfverse: c    वि षू मु॑ञ्चा सुषु॒वुषो॑ मनी॒षां वि व॑र्तन्ता॒मद्र॑य॒श्चाय॑मानाः ।।
   वि षू मु॑ञ्चा सुषु॒वुषो॑ मनी॒षां
   वि सु+ मु॑ञ्च+ सुषु॒वुषः मनी॒षाम्
   वि षू मु॑ञ्चा सुषु॒वुषो मनी॒षां

Halfverse: d    वि व॑र्तन्ता॒मद्र॑य॒श्चाय॑मानाः ।।
   वि व॑र्तन्ताम् अद्र॑यः चाय॑मानाः ।।
   वि व॑र्तन्ताम् अद्र॑यश् चाय॑मानाः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.