TITUS
Rg-Veda: Rg-Veda-Samhita
Part No. 933
Previous part

Hymn: 96_(922) 
Verse: 1 
Halfverse: a    प्र ते॑ म॒हे वि॒दथे॑ शंसिषं॒ हरी॒ प्र ते॑ वन्वे व॒नुषो॑ हर्य॒तम्मद॑म् ।
   प्र ते॑ म॒हे वि॒दथे॑ शंसिषं॒ हरी
   प्र ते म॒हे वि॒दथे शंसिषम् हरी
   प्र ते म॒हे वि॒दथे शंसिषं हरी

Halfverse: b    प्र ते॑ वन्वे व॒नुषो॑ हर्य॒तम्मद॑म् ।
   प्र ते वन्वे व॒नुषः हर्य॒तम् मद॑म् ।
   प्र ते वन्वे व॒नुषो हर्य॒तम् मद॑म् ।

Halfverse: c    घृ॒तं न यो हरि॑भि॒श्चारु॒ सेच॑त॒ आ त्वा॑ विशन्तु॒ हरि॑वर्पसं॒ गिरः॑ ।।
   घृ॒तं न यो हरि॑भि॒श्चारु॒ सेच॑त
   घृ॒तम् न यः हरि॑भिः चारु सेच॑ते
   घृ॒तं न यो हरि॑भिश् चारु सेच॑त

Halfverse: d    आ त्वा॑ विशन्तु॒ हरि॑वर्पसं॒ गिरः॑ ।।
   आ त्वा विशन्तु हरि॑वर्पसम् गिरः ।।
   आ त्वा विशन्तु हरि॑वर्पसं गिरः ।।


Verse: 2 
Halfverse: a    हरिं॒ हि योनि॑म॒भि ये स॒मस्व॑रन्हि॒न्वन्तो॒ हरी॑ दि॒व्यं यथा॒ सदः॑ ।
   हरिं॒ हि योनि॑म॒भि ये स॒मस्व॑रन्
   हरि॑म् हि योनि॑म् अ॒भि ये स॒मस्व॑रन्
   हरिं हि योनि॑म् अ॒भि ये स॒मस्व॑रन्

Halfverse: b    हि॒न्वन्तो॒ हरी॑ दि॒व्यं यथा॒ सदः॑ ।
   हि॒न्वन्तः हरी दि॒व्यम् यथा सदः ।
   हि॒न्वन्तो हरी दिवि॒यं यथा सदः ।

Halfverse: c    आ यम्पृ॒णन्ति॒ हरि॑भि॒र्न धे॒नव॒ इन्द्रा॑य शू॒षं हरि॑वन्तमर्चत ।।
   आ यम्पृ॒णन्ति॒ हरि॑भि॒र्न धे॒नव
   आ यम् पृ॒णन्ति हरि॑भिः न धे॒नवः
   आ यम् पृ॒णन्ति हरि॑भिर् न धे॒नव

Halfverse: d    इन्द्रा॑य शू॒षं हरि॑वन्तमर्चत ।।
   इन्द्रा॑य शू॒षम् हरि॑वन्तम् अर्चत ।।
   इन्द्रा॑य शू॒षं हरि॑वन्तम् अर्चत ।।


Verse: 3 
Halfverse: a    सो अ॑स्य॒ वज्रो॒ हरि॑तो॒ य आ॑य॒सो हरि॒र्निका॑मो॒ हरि॒रा गभ॑स्त्योः ।
   सो अ॑स्य॒ वज्रो॒ हरि॑तो॒ य आ॑य॒सो
   सः ।!। अ॑स्य वज्रः हरि॑तः यः आ॑य॒सः
   सो अ॑स्य वज्रो हरि॑तो य आ॑य॒सो

Halfverse: b    हरि॒र्निका॑मो॒ हरि॒रा गभ॑स्त्योः ।
   हरिः निका॑मः हरिः आ गभ॑स्त्योः ।
   हरि॑र् निका॑मो हरि॑र् आ गभ॑स्तियोः ।

Halfverse: c    द्यु॒म्नी सु॑शि॒प्रो हरि॑मन्युसायक॒ इन्द्रे॒ नि रू॒पा हरि॑ता मिमिक्षिरे ।।
   द्यु॒म्नी सु॑शि॒प्रो हरि॑मन्युसायक
   द्यु॒म्नी सु॑शि॒प्रः हरि॑मन्युसायकः
   द्यु॒म्नी सु॑शि॒प्रो हरि॑मन्युसायक

Halfverse: d    इन्द्रे॒ नि रू॒पा हरि॑ता मिमिक्षिरे ।।
   इन्द्रे नि रू॒पा हरि॑ता मिमिक्षिरे ।।
   इन्द्रे नि रू॒पा हरि॑ता मिमिक्षिरे ।।


Verse: 4 
Halfverse: a    दि॒वि न के॒तुरधि॑ धायि हर्य॒तो वि॒व्यच॒द्वज्रो॒ हरि॑तो॒ न रंह्या॑ ।
   दि॒वि न के॒तुरधि॑ धायि हर्य॒तो
   दि॒वि न के॒तुः अधि धायि हर्य॒तः
   दि॒वि न के॒तुर् अधि धायि हर्य॒तो

Halfverse: b    वि॒व्यच॒द्वज्रो॒ हरि॑तो॒ न रंह्या॑ ।
   वि॒व्यच॑त् वज्रः हरि॑तः न रंह्या ।
   वि॒व्यच॑द् वज्रो हरि॑तो न रंहि॑या ।

Halfverse: c    तु॒ददहिं॒ हरि॑शिप्रो॒ य आ॑य॒सः स॒हस्र॑शोका अभवद्धरिम्भ॒रः ।।
   तु॒ददहिं॒ हरि॑शिप्रो॒ य आ॑य॒सः
   तु॒दत् अहि॑म् हरि॑शिप्रः यः आ॑य॒सः
   तु॒दद् अहिं हरि॑शिप्रो य आ॑य॒सः

Halfverse: d    स॒हस्र॑शोका अभवद्धरिम्भ॒रः ।।
   स॒हस्र॑शोकाः अभवत् हरिम्भ॒रः ।।
   स॒हस्र॑शोका अभवद् धरिम्भ॒रः ।।


Verse: 5 
Halfverse: a    त्वंत्व॑महर्यथा॒ उप॑स्तुतः॒ पूर्वे॑भिरिन्द्र हरिकेश॒ यज्व॑भिः ।
   त्वंत्व॑महर्यथा॒ उप॑स्तुतः
   त्वंत्व॑म् अहर्यथाः उप॑स्तुतः
   तु॒वंतु॑वम् अहर्यथा उप॑स्तुतः

Halfverse: b    पूर्वे॑भिरिन्द्र हरिकेश॒ यज्व॑भिः ।
   पूर्वे॑भिः इन्द्र हरिकेश यज्व॑भिः ।
   पूर्वे॑भिर् इन्द्र हरिकेश यज्व॑भिः ।

Halfverse: c    त्वं ह॑र्यसि॒ तव॒ विश्व॑मु॒क्थ्य॒मसा॑मि॒ राधो॑ हरिजात हर्य॒तम् ।।
   त्वं ह॑र्यसि॒ तव॒ विश्व॑मु॒क्थ्य॑म्
   त्वम् हर्यसि तव विश्व॑म् उ॒क्थ्य॑म्
   तु॒वं ह॑र्यसि तव विश्व॑म् उ॒क्थिय॑म्

Halfverse: d    असा॑मि॒ राधो॑ हरिजात हर्य॒तम् ।।
   असा॑मि राधः हरिजात हर्य॒तम् ।।
   असा॑मि राधो हरिजात हर्य॒तम् ।।


Verse: 6 
Halfverse: a    ता व॒ज्रिण॑म्म॒न्दिनं॒ स्तोम्य॒म्मद॒ इन्द्रं॒ रथे॑ वहतो हर्य॒ता हरी॑ ।
   ता व॒ज्रिण॑म्म॒न्दिनं॒ स्तोम्य॒म्मद
   ता व॒ज्रिण॑म् म॒न्दिन॑म् स्तोम्य॑म् मदे
   ता व॒ज्रिण॑म् म॒न्दिनं स्तोमि॑यम् मद

Halfverse: b    इन्द्रं॒ रथे॑ वहतो हर्य॒ता हरी॑ ।
   इन्द्र॑म् रथे वहतः हर्य॒ता हरी ।
   इन्द्रं रथे वहतो हर्य॒ता हरी ।

Halfverse: c    पु॒रूण्य॑स्मै॒ सव॑नानि॒ हर्य॑त॒ इन्द्रा॑य॒ सोमा॒ हर॑यो दधन्विरे ।।
   पु॒रूण्य॑स्मै॒ सव॑नानि॒ हर्य॑त
   पु॒रूणि अस्मै सव॑नानि हर्य॑ते
   पु॒रूणि अस्मै सव॑नानि हर्य॑त

Halfverse: d    इन्द्रा॑य॒ सोमा॒ हर॑यो दधन्विरे ।।
   इन्द्रा॑य सोमाः हर॑यः दधन्विरे ।।
   इन्द्रा॑य सोमा हर॑यो दधन्विरे ।।


Verse: 7 
Halfverse: a    अरं॒ कामा॑य॒ हर॑यो दधन्विरे स्थि॒राय॑ हिन्व॒न्हर॑यो॒ हरी॑ तु॒रा ।
   अरं॒ कामा॑य॒ हर॑यो दधन्विरे
   अर॑म् कामा॑य हर॑यः दधन्विरे
   अरं कामा॑य हर॑यो दधन्विरे

Halfverse: b    स्थि॒राय॑ हिन्व॒न्हर॑यो॒ हरी॑ तु॒रा ।
   स्थि॒राय हिन्वन् हर॑यः हरी तु॒रा ।
   स्थि॒राय हिन्वन् हर॑यो हरी तु॒रा ।

Halfverse: c    अर्व॑द्भि॒र्यो हरि॑भि॒र्जोष॒मीय॑ते॒ सो अ॑स्य॒ कामं॒ हरि॑वन्तमानशे ।।
   अर्व॑द्भि॒र्यो हरि॑भि॒र्जोष॒मीय॑ते
   अर्व॑द्भिः यः हरि॑भिः जोष॑म् ईय॑ते
   अर्व॑द्भिर् यो हरि॑भिर् जोष॑म् ईय॑ते

Halfverse: d    सो अ॑स्य॒ कामं॒ हरि॑वन्तमानशे ।।
   सः ।!। अ॑स्य काम॑म् हरि॑वन्तम् आनशे ।।
   सो अ॑स्य कामं हरि॑वन्तम् आनशे ।।


Verse: 8 
Halfverse: a    हरि॑श्मशारु॒र्हरि॑केश आय॒सस्तु॑र॒स्पेये॒ यो ह॑रि॒पा अव॑र्धत ।
   हरि॑श्मशारु॒र्हरि॑केश आय॒सस्
   हरि॑श्मशारुः हरि॑केशः आय॒सः
   हरि॑श्मशारुर् हरि॑केश आय॒सस्

Halfverse: b    तुर॒स्पेये॒ यो ह॑रि॒पा अव॑र्धत ।
   तु॑र॒स्पेये यः ह॑रि॒पाः अव॑र्धत ।
   तु॑र॒स्पेये यो ह॑रि॒पा अव॑र्धत ।

Halfverse: c    अर्व॑द्भि॒र्यो हरि॑भिर्वा॒जिनी॑वसु॒रति॒ विश्वा॑ दुरि॒ता पारि॑ष॒द्धरी॑ ।।
   अर्व॑द्भि॒र्यो हरि॑भिर्वा॒जिनी॑वसुर्
   अर्व॑द्भिः यः हरि॑भिः वा॒जिनी॑वसुः
   अर्व॑द्भिर् यो हरि॑भिर् वा॒जिनी॑वसुर्

Halfverse: d    अति॒ विश्वा॑ दुरि॒ता पारि॑ष॒द्धरी॑ ।।
   अति विश्वा दुरि॒ता पारि॑षत् हरी ।।
   अति विश्वा दुरि॒ता पारि॑षद् धरी ।।


Verse: 9 
Halfverse: a    स्रुवे॑व॒ यस्य॒ हरि॑णी विपे॒ततुः॒ शिप्रे॒ वाजा॑य॒ हरि॑णी॒ दवि॑ध्वतः ।
   स्रुवे॑व॒ यस्य॒ हरि॑णी विपे॒ततुः
   स्रुवा इव यस्य हरि॑णी विपे॒ततुः
   स्रुवे॑व यस्य हरि॑णी विपे॒ततुः

Halfverse: b    शिप्रे॒ वाजा॑य॒ हरि॑णी॒ दवि॑ध्वतः ।
   शिप्रे वाजा॑य हरि॑णी दवि॑ध्वतः ।
   शिप्रे वाजा॑य हरि॑णी दवि॑ध्वतः ।

Halfverse: c    प्र यत्कृ॒ते च॑म॒से मर्मृ॑ज॒द्धरी॑ पी॒त्वा मद॑स्य हर्य॒तस्यान्ध॑सः ।।
   प्र यत्कृ॒ते च॑म॒से मर्मृ॑ज॒द्धरी
   प्र यत् कृ॒ते च॑म॒से मर्मृ॑जत् हरी
   प्र यत् कृ॒ते च॑म॒से मर्मृ॑जद् धरी

Halfverse: d    पी॒त्वा मद॑स्य हर्य॒तस्यान्ध॑सः ।।
   पी॒त्वा मद॑स्य हर्य॒तस्य अन्ध॑सः ।।
   पी॒त्वा मद॑स्य हर्य॒तस्य अन्ध॑सः ।।


Verse: 10 
Halfverse: a    उ॒त स्म॒ सद्म॑ हर्य॒तस्य॑ प॒स्त्यो॒रत्यो॒ न वाजं॒ हरि॑वाँ अचिक्रदत् ।
   उ॒त स्म॒ सद्म॑ हर्य॒तस्य॑ प॒स्त्यो॑र्
   उ॒त स्म सद्म हर्य॒तस्य प॒स्त्योः
   उ॒त स्म सद्म हर्य॒तस्य प॒स्तियो॑र्

Halfverse: b    अत्यो॒ न वाजं॒ हरि॑वाँ अचिक्रदत् ।
   अत्यः न वाज॑म् हरि॑वान् अचिक्रदत् ।
   अत्यो न वाजं हरि॑वाँ अचिक्रदत् ।

Halfverse: c    म॒ही चि॒द्धि धि॒षणाह॑र्य॒दोज॑सा बृ॒हद्वयो॑ दधिषे हर्य॒तश्चि॒दा ।।
   म॒ही चि॒द्धि धि॒षणाह॑र्य॒दोज॑सा
   म॒ही चि॑त् हि धि॒षणा अह॑र्यत् ओज॑सा
   म॒ही चि॑द् धि धि॒षणाह॑र्यद् ओज॑सा

Halfverse: d    बृ॒हद्वयो॑ दधिषे हर्य॒तश्चि॒दा ।।
   बृ॒हत् वयः दधिषे हर्य॒तः चि॑त् आ ।।
   बृ॒हद् वयो दधिषे हर्य॒तश् चिद् आ ।।


Verse: 11 
Halfverse: a    आ रोद॑सी॒ हर्य॑माणो महि॒त्वा नव्यं॑नव्यं हर्यसि॒ मन्म॒ नु प्रि॒यम् ।
   आ रोद॑सी॒ हर्य॑माणो महि॒त्वा
   आ रोद॑सी हर्य॑माणः महि॒त्वा
   आ रोद॑सी हर्य॑माणो महि॒त्वा

Halfverse: b    नव्यं॑नव्यं हर्यसि॒ मन्म॒ नु प्रि॒यम् ।
   नव्यं॑नव्यम् हर्यसि मन्म नु प्रि॒यम् ।
   नव्यं॑नव्यं हर्यसि मन्म नु प्रि॒यम् ।

Halfverse: c    प्र प॒स्त्य॑मसुर हर्य॒तं गोरा॒विष्कृ॑धि॒ हर॑ये॒ सूर्या॑य ।।
   प्र प॒स्त्य॑मसुर हर्य॒तं गोर्
   प्र प॒स्त्य॑म् असुर हर्य॒तम् गोः
   प्र प॒स्तिय॑म् असुर हर्य॒तं गोर्

Halfverse: d    आ॒विष्कृ॑धि॒ हर॑ये॒ सूर्या॑य ।।
   आ॒विः कृ॑धि हर॑ये सूर्या॑य ।।
   आ॒विष् कृधि हर॑ये सूरि॑याय ।।


Verse: 12 
Halfverse: a    आ त्वा॑ ह॒र्यन्त॑म्प्र॒युजो॒ जना॑नां॒ रथे॑ वहन्तु॒ हरि॑शिप्रमिन्द्र ।
   आ त्वा॑ ह॒र्यन्त॑म्प्र॒युजो॒ जना॑नां
   आ त्वा ह॒र्यन्त॑म् प्र॒युजः जना॑नाम्
   आ त्वा ह॒र्यन्त॑म् प्र॒युजो जना॑नां

Halfverse: b    रथे॑ वहन्तु॒ हरि॑शिप्रमिन्द्र ।
   रथे वहन्तु हरि॑शिप्रम् इन्द्र ।
   रथे वहन्तु हरि॑शिप्रम् इन्द्र ।

Halfverse: c    पिबा॒ यथा॒ प्रति॑भृतस्य॒ मध्वो॒ हर्य॑न्य॒ज्ञं स॑ध॒मादे॒ दशो॑णिम् ।।
   पिबा॒ यथा॒ प्रति॑भृतस्य॒ मध्वो
   पिब+ यथा प्रति॑भृतस्य मध्वः
   पिबा यथा प्रति॑भृतस्य मध्वो

Halfverse: d    हर्य॑न्य॒ज्ञं स॑ध॒मादे॒ दशो॑णिम् ।।
   हर्य॑न् य॒ज्ञम् सध॒मादे दशो॑णिम् ।।
   हर्य॑न् य॒ज्ञं स॑ध॒मादे दशो॑णिम् ।।


Verse: 13 
Halfverse: a    अपाः॒ पूर्वे॑षां हरिवः सु॒ताना॒मथो॑ इ॒दं सव॑नं॒ केव॑लं ते ।
   अपाः॒ पूर्वे॑षां हरिवः सु॒ताना॑म्
   अपाः पूर्वे॑षाम् हरिवः सु॒ताना॑म्
   अपाः पूर्वे॑षां हरिवः सु॒ताना॑म्

Halfverse: b    अथो॑ इ॒दं सव॑नं॒ केव॑लं ते ।
   अथ उ इ॒दम् सव॑नम् केव॑लम् ते ।
   अथो इ॒दं सव॑नं केव॑लं ते ।

Halfverse: c    म॑म॒द्धि सोम॒म्मधु॑मन्तमिन्द्र स॒त्रा वृ॑षञ्ज॒ठर॒ आ वृ॑षस्व ।।
   म॑म॒द्धि सोम॒म्मधु॑मन्तमिन्द्र
   मम॒द्धि सोम॑म् मधु॑मन्तम् इन्द्र
   मम॒द्धि सोम॑म् मधु॑मन्तम् इन्द्र

Halfverse: d    स॒त्रा वृ॑षञ्ज॒ठर॒ आ वृ॑षस्व ।।
   स॒त्रा वृ॑षन् ज॒ठरे आ वृ॑षस्व ।।
   स॒त्रा वृ॑षञ् ज॒ठर आ वृ॑षस्व ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.