TITUS
Rg-Veda: Rg-Veda-Samhita
Part No. 935
Previous part

Hymn: 98_(924) 
Verse: 1 
Halfverse: a    बृह॑स्पते॒ प्रति॑ मे दे॒वता॑मिहि मि॒त्रो वा॒ यद्वरु॑णो॒ वासि॑ पू॒षा ।
   बृह॑स्पते॒ प्रति॑ मे दे॒वता॑मिहि
   बृह॑स्पते प्रति मे दे॒वता॑म् इहि
   बृह॑स्पते प्रति मे दे॒वता॑म् इहि

Halfverse: b    मि॒त्रो वा॒ यद्वरु॑णो॒ वासि॑ पू॒षा ।
   मि॒त्रः वा यत् वरु॑णः वा असि पू॒षा ।
   मि॒त्रो वा यद् वरु॑णो वासि पू॒षा ।

Halfverse: c    आ॑दि॒त्यैर्वा॒ यद्वसु॑भिर्म॒रुत्वा॒न्स प॒र्जन्यं॒ शंत॑नवे वृषाय ।।
   आ॑दि॒त्यैर्वा॒ यद्वसु॑भिर्म॒रुत्वा॑न्
   आदि॒त्यैः वा यत् वसु॑भिः म॒रुत्वा॑न्
   आदि॒त्यैर् वा यद् वसु॑भिर् म॒रुत्वा॑न्

Halfverse: d    स प॒र्जन्यं॒ शंत॑नवे वृषाय ।।
   स प॒र्जन्य॑म् शंत॑नवे वृषाय ।।
   स प॒र्जन्यं शंत॑नवे वृषाय ।।


Verse: 2 
Halfverse: a    आ दे॒वो दू॒तो अ॑जि॒रश्चि॑कि॒त्वान्त्वद्दे॑वापे अ॒भि माम॑गछत् ।
   आ दे॒वो दू॒तो अ॑जि॒रश्चि॑कि॒त्वान्
   आ दे॒वः दू॒तः अ॑जि॒रः चि॑कि॒त्वान्
   आ दे॒वो दू॒तो अ॑जि॒रश् चिकि॒त्वान्

Halfverse: b    त्वद्दे॑वापे अ॒भि माम॑गछत् ।
   त्वत् देवापे अ॒भि माम् अगछत् ।
   तु॒वद् देवापे अ॒भि माम् अगछत् ।

Halfverse: c    प्र॑तीची॒नः प्रति॒ मामा व॑वृत्स्व॒ दधा॑मि ते द्यु॒मतीं॒ वाच॑मा॒सन् ।।
   प्र॑तीची॒नः प्रति॒ मामा व॑वृत्स्व
   प्रतीची॒नः प्रति माम् आ व॑वृत्स्व
   प्रतीची॒नः प्रति माम् आ व॑वृत्स्व

Halfverse: d    दधा॑मि ते द्यु॒मतीं॒ वाच॑मा॒सन् ।।
   दधा॑मि ते द्यु॒मती॑म् वाच॑म् आ॒सन् ।।
   दधा॑मि ते द्यु॒मतीं वाच॑म् आ॒सन् ।।


Verse: 3 
Halfverse: a    अ॒स्मे धे॑हि द्यु॒मतीं॒ वाच॑मा॒सन्बृह॑स्पते अनमी॒वामि॑षि॒राम् ।
   अ॒स्मे धे॑हि द्यु॒मतीं॒ वाच॑मा॒सन्
   अ॒स्मे धे॑हि द्यु॒मती॑म् वाच॑म् आ॒सन्
   अ॒स्मे धे॑हि द्यु॒मतीं वाच॑म् आ॒सन्

Halfverse: b    बृह॑स्पते अनमी॒वामि॑षि॒राम् ।
   बृह॑स्पते अनमी॒वाम् इषि॒राम् ।
   बृह॑स्पते अनमी॒वाम् इषि॒राम् ।

Halfverse: c    यया॑ वृ॒ष्टिं शंत॑नवे॒ वना॑व दि॒वो द्र॒प्सो मधु॑माँ॒ आ वि॑वेश ।।
   यया॑ वृ॒ष्टिं शंत॑नवे॒ वना॑व
   यया वृ॒ष्टिम् शंत॑नवे वना॑व
   यया वृ॒ष्टिं शंत॑नवे वना॑व

Halfverse: d    दि॒वो द्र॒प्सो मधु॑माँ॒ आ वि॑वेश ।।
   दि॒वः द्र॒प्सः मधु॑मान् आ वि॑वेश ।।
   दि॒वो द्र॒प्सो मधु॑माँ आ वि॑वेश ।।


Verse: 4 
Halfverse: a    आ नो॑ द्र॒प्सा मधु॑मन्तो विश॒न्त्विन्द्र॑ दे॒ह्यधि॑रथं स॒हस्र॑म् ।
   आ नो॑ द्र॒प्सा मधु॑मन्तो विशन्त्व्
   आ नः द्र॒प्साः मधु॑मन्तः विशन्तु
   आ नो द्र॒प्सा मधु॑मन्तो विशन्तु

Halfverse: b    इन्द्र॑ दे॒ह्यधि॑रथं स॒हस्र॑म् ।
   इन्द्र दे॒हि अधि॑रथम् स॒हस्र॑म् ।
   इन्द्र देहि अधि॑रथं स॒हस्र॑म् ।

Halfverse: c    नि षी॑द हो॒त्रमृ॑तु॒था य॑जस्व दे॒वान्दे॑वापे ह॒विषा॑ सपर्य ।।
   नि षी॑द हो॒त्रमृ॑तु॒था य॑जस्व
   नि सी॑द हो॒त्रम् ऋतु॒था य॑जस्व
   नि षी॑द हो॒त्रम् ऋतु॒था य॑जस्व

Halfverse: d    दे॒वान्दे॑वापे ह॒विषा॑ सपर्य ।।
   दे॒वान् देवापे ह॒विषा सपर्य ।।
   दे॒वान् देवापे ह॒विषा सपर्य ।।


Verse: 5 
Halfverse: a    आ॑र्ष्टिषे॒णो हो॒त्रमृषि॑र्नि॒षीद॑न्दे॒वापि॑र्देवसुम॒तिं चि॑कि॒त्वान् ।
   आ॑र्ष्टिषे॒णो हो॒त्रमृषि॑र्नि॒षीद॑न्
   आर्ष्टिषे॒णः हो॒त्रम् ऋषिः नि॒षीद॑न्
   आर्ष्टिषे॒णो हो॒त्रम् ऋषि॑र् नि॒षीद॑न्

Halfverse: b    दे॒वापि॑र्देवसुम॒तिं चि॑कि॒त्वान् ।
   दे॒वापिः देवसुम॒तिम् चिकि॒त्वान् ।
   दे॒वापि॑र् देवसुम॒तिं चि॑कि॒त्वान् ।

Halfverse: c    स उत्त॑रस्मा॒दध॑रं समु॒द्रम॒पो दि॒व्या अ॑सृजद्व॒र्ष्या॑ अ॒भि ।।
   स उत्त॑रस्मा॒दध॑रं समु॒द्रम्
   सः ।!। उत्त॑रस्मात् अध॑रम् समु॒द्रम्
   स उत्त॑रस्माद् अध॑रं समु॒द्रम्

Halfverse: d    अ॒पो दि॒व्या अ॑सृजद्व॒र्ष्या॑ अ॒भि ।।
   अ॒पः दि॒व्याः अ॑सृजत् व॒र्ष्याः अ॒भि ।।
   अ॒पो दि॒व्या अ॑सृजद् व॒र्षिया अ॒भि ।।


Verse: 6 
Halfverse: a    अ॒स्मिन्स॑मु॒द्रे अध्युत्त॑रस्मि॒न्नापो॑ दे॒वेभि॒र्निवृ॑ता अतिष्ठन् ।
   अ॒स्मिन्स॑मु॒द्रे अध्युत्त॑रस्मिन्न्
   अ॒स्मिन् समु॒द्रे अधि उत्त॑रस्मिन्
   अ॒स्मिन् समु॒द्रे अधि उत्त॑रस्मिन्न्

Halfverse: b    आपो॑ दे॒वेभि॒र्निवृ॑ता अतिष्ठन् ।
   आपः दे॒वेभिः निवृ॑ताः अतिष्ठन् ।
   आपो दे॒वेभि॑र् निवृ॑ता अतिष्ठन् ।

Halfverse: c    ता अ॑द्रवन्नार्ष्टिषे॒णेन॑ सृ॒ष्टा दे॒वापि॑ना॒ प्रेषि॑ता मृ॒क्षिणी॑षु ।।
   ता अ॑द्रवन्नार्ष्टिषे॒णेन॑ सृ॒ष्टा
   ताः अ॑द्रवन् आर्ष्टिषे॒णेन सृ॒ष्टाः
   ता अ॑द्रवन्न् आर्ष्टिषे॒णेन सृ॒ष्टा

Halfverse: d    दे॒वापि॑ना॒ प्रेषि॑ता मृ॒क्षिणी॑षु ।।
   दे॒वापि॑ना प्रेषि॑ताः मृ॒क्षिणी॑षु ।।
   दे॒वापि॑ना प्रेषि॑ता मृ॒क्षिणी॑षु ।।


Verse: 7 
Halfverse: a    यद्दे॒वापिः॒ शंत॑नवे पु॒रोहि॑तो हो॒त्राय॑ वृ॒तः कृ॒पय॒न्नदी॑धेत् ।
   यद्दे॒वापिः॒ शंत॑नवे पु॒रोहि॑तो
   यत् दे॒वापिः शंत॑नवे पु॒रोहि॑तः
   यद् दे॒वापिः शंत॑नवे पु॒रोहि॑तो

Halfverse: b    हो॒त्राय॑ वृ॒तः कृ॒पय॒न्नदी॑धेत् ।
   हो॒त्राय वृ॒तः कृ॒पय॑न् अदी॑धेत् ।
   हो॒त्राय वृ॒तः कृ॒पय॑न्न् अदी॑धेत् ।

Halfverse: c    दे॑व॒श्रुतं॑ वृष्टि॒वनिं॒ ररा॑णो॒ बृह॒स्पति॒र्वाच॑मस्मा अयछत् ।।
   दे॑व॒श्रुतं॑ वृष्टि॒वनिं॒ ररा॑णो
   देव॒श्रुत॑म् वृष्टि॒वनि॑म् ररा॑णः
   देव॒श्रुतं वृष्टि॒वनिं ररा॑णो

Halfverse: d    बृह॒स्पति॒र्वाच॑मस्मा अयछत् ।।
   बृह॒स्पतिः वाच॑म् अस्मै अयछत् ।।
   बृह॒स्पति॑र् वाच॑म् अस्मा अयछत् ।।


Verse: 8 
Halfverse: a    यं त्वा॑ दे॒वापिः॑ शुशुचा॒नो अ॑ग्न आर्ष्टिषे॒णो म॑नु॒ष्यः॑ समी॒धे ।
   यं त्वा॑ दे॒वापिः॑ शुशुचा॒नो अ॑ग्न
   यम् त्वा दे॒वापिः शुशुचा॒नः अ॑ग्ने
   यं त्वा दे॒वापिः शुशुचा॒नो अ॑ग्न

Halfverse: b    आर्ष्टिषे॒णो म॑नु॒ष्यः॑ समी॒धे ।
   आ॑र्ष्टिषे॒णः म॑नु॒ष्यः समी॒धे ।
   आ॑र्ष्टिषे॒णो म॑नु॒षियः समी॒धे ।

Halfverse: c    विश्वे॑भिर्दे॒वैर॑नुम॒द्यमा॑नः॒ प्र प॒र्जन्य॑मीरया वृष्टि॒मन्त॑म् ।।
   विश्वे॑भिर्दे॒वैर॑नुम॒द्यमा॑नः
   विश्वे॑भिः दे॒वैः अ॑नुम॒द्यमा॑नः
   विश्वे॑भिर् दे॒वैर् अनुम॒द्यमा॑नः

Halfverse: d    प्र प॒र्जन्य॑मीरया वृष्टि॒मन्त॑म् ।।
   प्र प॒र्जन्य॑म् ईरय+ वृष्टि॒मन्त॑म् ।।
   प्र प॒र्जन्य॑म् ईरया वृष्टि॒मन्त॑म् ।।


Verse: 9 
Halfverse: a    त्वाम्पूर्व॒ ऋष॑यो गी॒र्भिरा॑य॒न्त्वाम॑ध्व॒रेषु॑ पुरुहूत॒ विश्वे॑ ।
   त्वाम्पूर्व॒ ऋष॑यो गी॒र्भिरा॑यन्
   त्वाम् पूर्वे ऋष॑यः गी॒र्भिः आ॑यन्
   तु॒वाम् पूर्व ऋष॑यो गी॒र्भिर् आयन्

Halfverse: b    त्वाम॑ध्व॒रेषु॑ पुरुहूत॒ विश्वे॑ ।
   त्वाम् अध्व॒रेषु पुरुहूत विश्वे ।
   त्वाम् अध्व॒रेषु पुरुहूत विश्वे ।

Halfverse: c    स॒हस्रा॒ण्यधि॑रथान्य॒स्मे आ नो॑ य॒ज्ञं रो॑हिद॒श्वोप॑ याहि ।।
   स॒हस्रा॒ण्यधि॑रथान्य॒स्मे
   स॒हस्रा॑णि अधि॑रथानि अ॒स्मे
   स॒हस्रा॑णि अधि॑रथानि अ॒स्मे

Halfverse: d    आ नो॑ य॒ज्ञं रो॑हिद॒श्वोप॑ याहि ।।
   आ नः य॒ज्ञम् रोहिदश्व उप याहि ।।
   आ नो य॒ज्ञं रो॑हिद॒श्वोप याहि ।।


Verse: 10 
Halfverse: a    ए॒तान्य॑ग्ने नव॒तिर्नव॒ त्वे आहु॑ता॒न्यधि॑रथा स॒हस्रा॑ ।
   ए॒तान्य॑ग्ने नव॒तिर्नव॒ त्वे
   ए॒तानि अग्ने नव॒तिः नव त्वे
   ए॒तानि अग्ने नव॒तिर् नव त्वे

Halfverse: b    आहु॑ता॒न्यधि॑रथा स॒हस्रा॑ ।!। ।
   आहु॑तानि अधि॑रथा स॒हस्रा ।
   आहु॑तानि अधि॑रथा स॒हस्रा ।

Halfverse: c    तेभि॑र्वर्धस्व त॒न्वः॑ शूर पू॒र्वीर्दि॒वो नो॑ वृ॒ष्टिमि॑षि॒तो रि॑रीहि ।।
   तेभि॑र्वर्धस्व त॒न्वः॑ शूर पू॒र्वीर्
   तेभिः वर्धस्व त॒न्वः शूर पू॒र्वीः
   तेभि॑र् वर्धस्व त॒न्वः शूर पू॒र्वीर्

Halfverse: d    दि॒वो नो॑ वृ॒ष्टिमि॑षि॒तो रि॑रीहि ।।
   दि॒वः नः वृ॒ष्टिम् इषि॒तः रि॑रीहि ।।
   दि॒वो नो वृ॒ष्टिम् इषि॒तो रि॑रीहि ।।


Verse: 11 
Halfverse: a    ए॒तान्य॑ग्ने नव॒तिं स॒हस्रा॒ सम्प्र य॑छ॒ वृष्ण॒ इन्द्रा॑य भा॒गम् ।
   ए॒तान्य॑ग्ने नव॒तिं स॒हस्रा
   ए॒तानि अग्ने नव॒तिम् स॒हस्रा
   ए॒तानि अग्ने नव॒तिं स॒हस्रा

Halfverse: b    सम्प्र य॑छ॒ वृष्ण॒ इन्द्रा॑य भा॒गम् ।
   सम् प्र य॑छ वृष्णे इन्द्रा॑य भा॒गम् ।
   सम् प्र य॑छ वृष्ण इन्द्रा॑य भा॒गम् ।

Halfverse: c    वि॒द्वान्प॒थ ऋ॑तु॒शो दे॑व॒याना॒नप्औ॑ला॒नं दि॒वि दे॒वेषु॑ धेहि ।।
   वि॒द्वान्प॒थ ऋ॑तु॒शो दे॑व॒याना॑न्
   वि॒द्वान् प॒थः ऋ॑तु॒शः दे॑व॒याना॑न्
   वि॒द्वान् प॒थ ऋ॑तु॒शो दे॑व॒याना॑न्

Halfverse: d    अप्औ॑ला॒नं दि॒वि दे॒वेषु॑ धेहि ।।
   अपि औला॒नम् दि॒वि दे॒वेषु धेहि ।।
   अप्य् औला॒नं दि॒वि दे॒वेषु धेहि ।।


Verse: 12 
Halfverse: a    अग्ने॒ बाध॑स्व॒ वि मृधो॒ वि दु॒र्गहापामी॑वा॒मप॒ रक्षां॑सि सेध ।
   अग्ने॒ बाध॑स्व॒ वि मृधो॒ वि दु॒र्गहा
   अग्ने बाध॑स्व वि मृधः वि दु॒र्गहा
   अग्ने बाध॑स्व वि मृधो वि दु॒र्गहा

Halfverse: b     अपामी॑वा॒मप॒ रक्षां॑सि सेध ।
   अप अमी॑वाम् अप रक्षां॑सि सेध ।
   अपामी॑वाम् अप रक्षां॑सि सेध ।

Halfverse: c    अ॒स्मात्स॑मु॒द्राद्बृ॑ह॒तो दि॒वो नो॒ ऽपाम्भू॒मान॒मुप॑ नः सृजे॒ह ।।
   अ॒स्मात्स॑मु॒द्राद्बृ॑ह॒तो दि॒वो नो
   अ॒स्मात् समु॒द्रात् बृह॒तः दि॒वः नः
   अ॒स्मात् समु॒द्राद् बृह॒तो दि॒वो नो

Halfverse: d    ऽपाम्भू॒मान॒मुप॑ नः सृजे॒ह ।।
   अ॒पाम् भू॒मान॑म् उप नः सृज इ॒ह ।।
   अ॒पाम् भू॒मान॑म् उप नः सृजे॒ह ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.