TITUS
Rg-Veda: Rg-Veda-Samhita
Part No. 936
Previous part

Hymn: 99_(925) 
Verse: 1 
Halfverse: a    कं न॑श्चि॒त्रमि॑षण्यसि चिकि॒त्वान्पृ॑थु॒ग्मानं॑ वा॒श्रं वा॑वृ॒धध्यै॑ ।
   कं न॑श्चि॒त्रमि॑षण्यसि चिकि॒त्वान्
   कम् नः चि॒त्रम् इषण्यसि चिकि॒त्वान्
   कं न॑श् चि॒त्रम् इषण्यसि चिकि॒त्वान्

Halfverse: b    पृथु॒ग्मानं॑ वा॒श्रं वा॑वृ॒धध्यै॑ ।
   पृ॑थु॒ग्मान॑म् वा॒श्रम् वावृ॒धध्यै ।
   पृ॑थु॒ग्मानं ? वा॒श्रं वा॑वृ॒धध्यै ।

Halfverse: c    कत्तस्य॒ दातु॒ शव॑सो॒ व्यु॑ष्टौ॒ तक्ष॒द्वज्रं॑ वृत्र॒तुर॒मपि॑न्वत् ।।
   कत्तस्य॒ दातु॒ शव॑सो॒ व्यु॑ष्टौ
   कत् तस्य दातु शव॑सः व्यु॑ष्टौ
   कत् तस्य दातु शव॑सो विउष्टौ

Halfverse: d    तक्ष॒द्वज्रं॑ वृत्र॒तुर॒मपि॑न्वत् ।।
   तक्ष॑त् वज्र॑म् वृत्र॒तुर॑म् अपि॑न्वत् ।।
   तक्ष॑द् वज्रं वृत्र॒तुर॑म् अपि॑न्वत् ।।


Verse: 2 
Halfverse: a    स हि द्यु॒ता वि॒द्युता॒ वेति॒ साम॑ पृ॒थुं योनि॑मसुर॒त्वा स॑साद ।
   स हि द्यु॒ता वि॒द्युता॒ वेति॒ साम
   स हि द्यु॒ता वि॒द्युता वेति साम
   स हि द्यु॒ता वि॒द्युता वेति साम

Halfverse: b    पृ॒थुं योनि॑मसुर॒त्वा स॑साद ।
   पृ॒थुम् योनि॑म् असुर॒त्वा आ स॑साद ।
   पृ॒थुं योनि॑म् असुर॒त्वा स॑साद ।

Halfverse: c    स सनी॑ळेभिः प्रसहा॒नो अ॑स्य॒ भ्रातु॒र्न ऋ॒ते स॒प्तथ॑स्य मा॒याः ।।
   स सनी॑ळेभिः प्रसहा॒नो अ॑स्य
   स सनी॑ळेभिः प्रसहा॒नः अ॑स्य
   स सनी॑ळेभिः प्रसहा॒नो अ॑स्य

Halfverse: d    भ्रातु॒र्न ऋ॒ते स॒प्तथ॑स्य मा॒याः ।।
   भ्रातुः न ऋ॒ते स॒प्तथ॑स्य मा॒याः ।।
   भ्रातु॑र् न ऋ॒ते स॒प्तथ॑स्य मा॒याः ।।


Verse: 3 
Halfverse: a    स वाजं॒ याताप॑दुष्पदा॒ यन्स्व॑र्षाता॒ परि॑ षदत्सनि॒ष्यन् ।
   स वाजं॒ याताप॑दुष्पदा॒ यन्
   स वाज॑म् याता अप॑दुष्पदा यन्
   स वाजं याता अप॑दुष्पदा यन्

Halfverse: b    स्व॑र्षाता॒ परि॑ षदत्सनि॒ष्यन् ।
   स्व॑र्षाता परि सदत् सनि॒ष्यन् ।
   सुव॑र्षाता परि षदत् सनि॒ष्यन् ।

Halfverse: c    अ॑न॒र्वा यच्छ॒तदु॑रस्य॒ वेदो॒ घ्नञ्छि॒श्नदे॑वाँ अ॒भि वर्प॑सा॒ भूत् ।।
   अ॑न॒र्वा यच्छ॒तदु॑रस्य॒ वेदो
   अन॒र्वा यत् श॒तदु॑रस्य वेदः
   अन॒र्वा यच् छ॒तदु॑रस्य वेदो

Halfverse: d    घ्नञ्छि॒श्नदे॑वाँ अ॒भि वर्प॑सा॒ भूत् ।।
   घ्नन् शि॒श्नदे॑वान् अ॒भि वर्प॑सा भूत् ।।
   घ्नञ् छि॒श्नदे॑वाँ अ॒भि वर्प॑सा भूत् ।।


Verse: 4 
Halfverse: a    स य॒ह्व्यो॒ ऽवनी॒र्गोष्वर्वा जु॑होति प्रध॒न्या॑सु॒ सस्रिः॑ ।
   स य॒ह्व्यो॒ ऽवनी॒र्गोष्वर्वा
   स य॒ह्व्यः अ॒वनीः गोषु अर्वा
   स य॒ह्वियो अ॒वनी॑र् गोषु अर्वा

Halfverse: b     आ जु॑होति प्रध॒न्या॑सु॒ सस्रिः॑ ।
   आ जु॑होति प्रध॒न्या॑सु सस्रिः ।
   आ जु॑होति प्रध॒निया॑सु सस्रिः ।

Halfverse: c    अ॒पादो॒ यत्र॒ युज्या॑सो ऽर॒था द्रो॒ण्य॑श्वास॒ ईर॑ते घृ॒तं वाः ।।
   अ॒पादो॒ यत्र॒ युज्या॑सो ऽर॒था
   अ॒पादः यत्र युज्या॑सः अर॒थाः
   अ॒पादो यत्र युज्या॑सो अर॒था

Halfverse: d    द्रो॒ण्य॑श्वास॒ ईर॑ते घृ॒तं वाः ।।
   द्रो॒ण्य॑श्वासः ईर॑ते घृ॒तम् वार् ।।
   द्रोणिअश्वास ईर॑ते घृ॒तं वाः ।।


Verse: 5 
Halfverse: a    स रु॒द्रेभि॒रश॑स्तवार॒ ऋभ्वा॑ हि॒त्वी गय॑मारेअवद्य॒ आगा॑त् ।
   स रु॒द्रेभि॒रश॑स्तवार॒ ऋभ्वा
   स रु॒द्रेभिः अश॑स्तवारः ऋभ्वा
   स रु॒द्रेभि॑र् अश॑स्तवार ऋभ्वा

Halfverse: b    हि॒त्वी गय॑मारेअवद्य॒ आगा॑त् ।
   हि॒त्वी गय॑म् आरेअवद्यः आ अ॑गात् ।
   हि॒त्वी गय॑म् आरेअवद्य आगा॑त् ।

Halfverse: c    व॒म्रस्य॑ मन्ये मिथु॒ना विव॑व्री॒ अन्न॑म॒भीत्या॑रोदयन्मुषा॒यन् ।।
   व॒म्रस्य॑ मन्ये मिथु॒ना विव॑व्री
   व॒म्रस्य मन्ये मिथु॒ना विव॑व्री
   व॒म्रस्य मन्ये मिथु॒ना विव॑व्री

Halfverse: d    अन्न॑म॒भीत्या॑रोदयन्मुषा॒यन् ।।
   अन्न॑म् अ॒भीत्य अरोदयत् मुषा॒यन् ।।
   अन्न॑म् अ॒भीत्या॑रोदयन् मुषा॒यन् ।।


Verse: 6 
Halfverse: a    स इद्दासं॑ तुवी॒रव॒म्पति॒र्दन्ष॑ळ॒क्षं त्रि॑शी॒र्षाणं॑ दमन्यत् ।
   स इद्दासं॑ तुवी॒रव॒म्पति॒र्दन्
   सः ।!। इत् दास॑म् तुवी॒रव॑म् पतिः दन्
   स इद् दासं तुवी॒रव॑म् पति॑र् दन्

Halfverse: b    षळ॒क्षं त्रि॑शी॒र्षाणं॑ दमन्यत् ।
   ष॑ळ॒क्षम् त्रिशी॒र्षाण॑म् दमन्यत् ।
   ष॑ळ॒क्षं ? त्रि॑शी॒र्षाणं दमन्यत् ।

Halfverse: c    अ॒स्य त्रि॒तो न्वोज॑सा वृधा॒नो वि॒पा व॑रा॒हमयोअ॑ग्रया हन् ।।
   अ॒स्य त्रि॒तो न्वोज॑सा वृधा॒नो
   अ॒स्य त्रि॒तः नु ओज॑सा वृधा॒नः
   अ॒स्य त्रि॒तो नु ओज॑सा वृधा॒नो

Halfverse: d    वि॒पा व॑रा॒हमयोअ॑ग्रया हन् ।।
   वि॒पा व॑रा॒हम् अयोअ॑ग्रया हन् ।।
   वि॒पा व॑रा॒हम् अयोअ॑ग्रया हन् ।।


Verse: 7 
Halfverse: a    स द्रुह्व॑णे॒ मनु॑ष ऊर्ध्वसा॒न आ सा॑विषदर्शसा॒नाय॒ शरु॑म् ।
   स द्रुह्व॑णे॒ मनु॑ष ऊर्ध्वसा॒न
   स द्रुह्व॑णे मनु॑षे ऊर्ध्वसा॒नः
   स द्रुह्व॑णे मनु॑ष ऊर्ध्वसा॒न

Halfverse: b    आ सा॑विषदर्शसा॒नाय॒ शरु॑म् ।
   आ सा॑विषत् अर्शसा॒नाय शरु॑म् ।
   आ सा॑विषद् अर्शसा॒नाय शरु॑म् ।

Halfverse: c    स नृत॑मो॒ नहु॑षो॒ ऽस्मत्सुजा॑तः॒ पुरो॑ ऽभिन॒दर्ह॑न्दस्यु॒हत्ये॑ ।।
   स नृत॑मो॒ नहु॑षो॒ ऽस्मत्सुजा॑तः
   स नृत॑मः नहु॑षः अ॒स्मत् सुजा॑तः
   स नृत॑मो नहु॑षो ऽस्मत् सुजा॑तः

Halfverse: d    पुरो॑ ऽभिन॒दर्ह॑न्दस्यु॒हत्ये॑ ।।
   पुरः अभिनत् अर्ह॑न् दस्यु॒हत्ये ।।
   पुरो अभिनद् अर्ह॑न् दस्यु॒हत्ये ।।


Verse: 8 
Halfverse: a    सो अ॒भ्रियो॒ न यव॑स उद॒न्यन्क्षया॑य गा॒तुं वि॒दन्नो॑ अ॒स्मे ।
   सो अ॒भ्रियो॒ न यव॑स उद॒न्यन्
   सः अ॒भ्रियः न यव॑से उद॒न्यन्
   सो अ॒भ्रियो न यव॑स उद॒न्यन्

Halfverse: b    क्षया॑य गा॒तुं वि॒दन्नो॑ अ॒स्मे ।
   क्षया॑य गा॒तुम् वि॒दत् नः अ॒स्मे ।
   क्षया॑य गा॒तुं वि॒दन् नो अ॒स्मे ।

Halfverse: c    उप॒ यत्सीद॒दिन्दुं॒ शरी॑रैः श्ये॒नो ऽयो॑पाष्टिर्हन्ति॒ दस्यू॑न् ।।
   उप॒ यत्सीद॒दिन्दुं॒ शरी॑रैः
   उप यत् सीद॑त् इन्दु॑म् शरी॑रैः
   उप यत् सीद॑द् इन्दुं शरी॑रैः

Halfverse: d    श्ये॒नो ऽयो॑पाष्टिर्हन्ति॒ दस्यू॑न् ।।
   श्ये॒नः अयो॑पाष्टिः हन्ति दस्यू॑न् ।।
   श्ये॒नो अयोअ॑पाष्टिर् हन्ति दस्यू॑न् ।।


Verse: 9 
Halfverse: a    स व्राध॑तः शवसा॒नेभि॑रस्य॒ कुत्सा॑य॒ शुष्णं॑ कृ॒पणे॒ परा॑दात् ।
   स व्राध॑तः शवसा॒नेभि॑रस्य
   स व्राध॑तः शवसा॒नेभिः अस्य
   स व्राध॑तः शवसा॒नेभि॑र् अस्य

Halfverse: b    कुत्सा॑य॒ शुष्णं॑ कृ॒पणे॒ परा॑दात् ।
   कुत्सा॑य शुष्ण॑म् कृ॒पणे परा अदात् ।
   कुत्सा॑य शुष्णं कृ॒पणे परा॑दात् ।

Halfverse: c    अ॒यं क॒विम॑नयच्छ॒स्यमा॑न॒मत्कं॒ यो अ॑स्य॒ सनि॑तो॒त नृ॒णाम् ।।
   अ॒यं क॒विम॑नयच्छ॒स्यमा॑नम्
   अ॒यम् क॒विम् अनयत् श॒स्यमा॑नम्
   अ॒यं क॒विम् अनयच् छ॒स्यमा॑नम्

Halfverse: d    अत्कं॒ यो अ॑स्य॒ सनि॑तो॒त नृ॒णाम् ।।
   अत्क॑म् यः अ॑स्य सनि॑ता उ॒त नृ॒णाम् ।।
   अत्कं यो अ॑स्य सनि॑तो॒त नॄ॒णाम् ।।


Verse: 10 
Halfverse: a    अ॒यं द॑श॒स्यन्नर्ये॑भिरस्य द॒स्मो दे॒वेभि॒र्वरु॑णो॒ न मा॒यी ।
   अ॒यं द॑श॒स्यन्नर्ये॑भिरस्य
   अ॒यम् दश॒स्यन् नर्ये॑भिः अस्य
   अ॒यं द॑श॒स्यन् नरि॑येभिर् अस्य

Halfverse: b    द॒स्मो दे॒वेभि॒र्वरु॑णो॒ न मा॒यी ।
   द॒स्मः दे॒वेभिः वरु॑णः न मा॒यी ।
   द॒स्मो दे॒वेभि॑र् वरु॑णो न मा॒यी ।

Halfverse: c    अ॒यं क॒नीन॑ ऋतु॒पा अ॑वे॒द्यमि॑मीता॒ररुं॒ यश्चतु॑ष्पात् ।।
   अ॒यं क॒नीन॑ ऋतु॒पा अ॑वेद्य्
   अ॒यम् क॒नीनः ऋतु॒पाः अ॑वेदि
   अ॒यं क॒नीन ऋतु॒पा अ॑वेदि

Halfverse: d    अमि॑मीता॒ररुं॒ यश्चतु॑ष्पात् ।।
   अमि॑मीत अ॒ररु॑म् यः चतु॑ष्पात् ।।
   अमि॑मीत अ॒ररुं यश् चतु॑ष्पात् ।।


Verse: 11 
Halfverse: a    अ॒स्य स्तोमे॑भिऔशि॒ज ऋ॒जिश्वा॑ व्र॒जं द॑रयद्वृष॒भेण॒ पिप्रोः॑ ।
   अ॒स्य स्तोमे॑भिऔशि॒ज ऋ॒जिश्वा
   अ॒स्य स्तोमे॑भिः औशि॒जः ऋ॒जिश्वा
   अ॒स्य स्तोमे॑भिर् औशि॒ज ऋ॒जिश्वा

Halfverse: b    व्र॒जं द॑रयद्वृष॒भेण॒ पिप्रोः॑ ।
   व्र॒जम् दरयत् वृष॒भेण पिप्रोः ।
   व्र॒जं द॑रयद् वृष॒भेण पिप्रोः ।

Halfverse: c    सुत्वा॒ यद्य॑ज॒तो दी॒दय॒द्गीः पुर॑ इया॒नो अ॒भि वर्प॑सा॒ भूत् ।।
   सुत्वा॒ यद्य॑ज॒तो दी॒दय॒द्गीः
   सुत्वा यत् यज॒तः दी॒दय॑त् गीः
   सुत्वा यद् ? यज॒तो दी॒दय॑द् गीः

Halfverse: d    पुर॑ इया॒नो अ॒भि वर्प॑सा॒ भूत् ।।
   पुरः इया॒नः अ॒भि वर्प॑सा भूत् ।।
   पुर इया॒नो अ॒भि वर्प॑सा भूत् ।।


Verse: 12 
Halfverse: a    ए॒वा म॒हो अ॑सुर व॒क्षथा॑य वम्र॒कः प॒ड्भिरुप॑ सर्प॒दिन्द्र॑म् ।
   ए॒वा म॒हो अ॑सुर व॒क्षथा॑य
   ए॒व+ म॒हः अ॑सुर व॒क्षथा॑य
   ए॒वा म॒हो अ॑सुर व॒क्षथा॑य

Halfverse: b    वम्र॒कः प॒ड्भिरुप॑ सर्प॒दिन्द्र॑म् ।
   व॑म्र॒कः प॒ड्भिः उप सर्पत् इन्द्र॑म् ।
   व॑म्र॒कः प॒ड्भिर् उप सर्पद् इन्द्र॑म् ।

Halfverse: c    स इ॑या॒नः क॑रति स्व॒स्तिम॑स्मा॒ इष॒मूर्जं॑ सुक्षि॒तिं विश्व॒माभाः॑ ।।
   स इ॑या॒नः क॑रति स्व॒स्तिम॑स्मा
   सः ।!। इ॑या॒नः क॑रति स्व॒स्तिम् अस्मै
   स इ॑या॒नः क॑रति स्व॒स्तिम् अस्मा

Halfverse: d    इष॒मूर्जं॑ सुक्षि॒तिं विश्व॒माभाः॑ ।।
   इष॑म् ऊर्ज॑म् सुक्षि॒तिम् विश्व॑म् आ अ॑भार् ।।
   इष॑म् ऊर्जं सुक्षि॒तिं विश्व॑म् आभाः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.