TITUS
White Yajur-Veda: Brhad-Aranyaka-Upanisad
Part No. 13
Previous part

Chapter: 3 
Paragraph: 1    {= ŚBM 14.6.}    {= ŚBK 16.6.}
Verse: MK1 
Sentence: a    जनको॒ ह वै॒देहो बहुदक्षिणे॒न यज्ञे॒नेजे.
   
जनक॒स् वै॒देहस् बहुदक्षिणे॒न यज्ञे॒न ईजे

Sentence: b    
त॒त्र ह कुरुपञ्चाला॒नां ब्राह्मणा॒ अभिस॒मेता बभूवुस्.
   
त॒त्र कुरुपञ्चाला॒नाम् ब्राह्मणा॒स् अभिस॒मेतास् बभूवुस्

Sentence: c    
त॒स्य ह जनक॒स्य वै॒देहस्य विजिज्ञा॒साAi.Gr. II 2, Par. 142a alpha: +विजिज्ञासाबभूव:
   
त॒स्य जनक॒स्य वै॒देहस्य विजिज्ञा॒सा बभूव

Sentence: d       
कः॒ स्विदेषां॒ ब्राह्मणा॒नामनूचान॒तम इ॒ति.
      
क॒स् स्विद् एषा॒म् ब्राह्मणा॒नाम् अनूचान॒तमस् इ॒ति

Verse: M2/K1 
Sentence: a    
स॒ ह ग॒वाँ सह॒स्रम॒वरुरोध;
   
ग॒वाम् सह॒स्रम् अ॒वरुरोध

Sentence: b       
द॒शदश पा॒दा ए॒कैकस्याः शृ॒ङ्गयोरा॒बद्धा बभूवुस्.
      
द॒शदश पा॒दास् ए॒कैकस्यास् शृ॒ङ्गयोस् आ॒बद्धास् बभूवुस्

Verse: M2/K2 
Sentence: a    
ता॒न्होवाच:
   
ता॒न्ह उवाच

Sentence: b       
ब्रा॒ह्मणा भगवन्तो,
      
ब्रा॒ह्मणास् भगवन्तस्

Sentence: c          
यो॒ वो ब्र॒ह्मिष्ठः,
         
य॒स् वस् ब्र॒ह्मिष्ठस्

Sentence: d          
स॒ एता गा उ॒दजतामि॒ति.
         
स॒स् एता॒स् गा॒स् उ॒दजताम् इ॒ति

Sentence: e    
ते॒ ह ब्राह्मणा न॒ दधृषुः.
   
ते ब्राह्मणा॒स् दधृषुर्

Verse: M3/K2 
Sentence: a    
अ॒थ ह या॒ज्ञवल्क्यः स्व॒मेव॒ ब्रह्मचारि॒णमुवाचैताः,
   
अ॒थ या॒ज्ञवल्क्यस् स्व॒म् एव ब्रह्मचारि॒णम् उवाच एता॒स्

Sentence: b          
सौम्यो॒दज,
         
सौम्य उ॒दज

Sentence: c          
सामश्रवा३ इ॒ति.
         
सामश्रव इ॒ति

Sentence: d    
ता॒ होदा॒चकार.
   
ता॒स् उदा॒चकार

Sentence: e    
ते॒ ह ब्राह्मणा॒श्चुक्रुधुः:
   
ते ब्राह्मणा॒स् चुक्रुधुर्

Sentence: f       
कथं नु॒ नो ब्र॒ह्मिष्ठो ब्रुवीते॒ति.
      
कथ॒म् नु नस् ब्र॒ह्मिष्ठस् ब्रुवीत इ॒ति

Verse: M4/K2 
Sentence: a    
अ॒थ ह जनक॒स्य वै॒देहस्य हो॒ताश्वलो॒ बभूव.
   
अ॒थ जनक॒स्य वै॒देहस्य हो॒ता अश्वल॒स् बभूव

Sentence: b    
स॒ हैनं पप्रच्छ:
   
एनम् पप्रच्छ

Sentence: c       
त्वं नु ख॒लु नो,
      
त्व॒म् नु ख॒लु नस्

Sentence: d          
याज्ञवल्क्य,
         
याज्ञवल्क्य

Sentence: e          
ब्र॒ह्मिष्ठो ऽसी३ इ॒ति.
         
ब्र॒ह्मिष्ठस् असि इ॒ति

Sentence: f    
स॒ होवाच:
   
उवाच

Sentence: g       
न॒मो वयं ब्र॒ह्मिष्ठाय कुर्मो;
      
न॒मस् वय॒म् ब्र॒ह्मिष्ठाय कुर्मस्

Sentence: h       
गो॒कामा एव॒ वयँ॒ स्म इ॒ति.
      
गो॒कामास् एव वय॒म् स्मस् इ॒ति

Sentence: i    
तँ॒ ह त॒त एव प्र॒ष्टुं दध्रे हो॒ताश्वलः:
   
त॒म् त॒तस् एव प्र॒ष्टुम् दध्रे हो॒ता अश्वल॒स्

Verse: M5/K3 
Sentence: a    
या॒ज्ञवल्क्ये॒ति होवाच,
   
या॒ज्ञवल्क्य इ॒ति उवाच

Sentence: b          
य॒दिदँ स॒र्वं मृत्यु॒नाप्तँ,
         
य॒द् इद॒म् स॒र्वम् मृत्यु॒ना आप्त॒म्

Sentence: c          
स॒र्वं मृत्यु॒नाभि॒पन्नं,
         
स॒र्वम् मृत्यु॒ना अभि॒पन्नम्

Sentence: d          
के॒न य॒जमानो मृत्योरा॒प्तिम॒तिमुच्यत इ॒ति.
         
के॒न य॒जमानस् मृत्यो॒स् आ॒प्तिम् अ॒तिमुच्यते इ॒ति

Sentence: e    
हो॒त्रर्त्वि॒जाग्नि॒ना वाचा;
   
हो॒त्रा ऋत्वि॒जा अग्नि॒ना वाचा

Sentence: f       
वाग्वै॒ यज्ञ॒स्य हो॒ता.
      
वा॒क् वै यज्ञ॒स्य हो॒ता

Sentence: g    
त॒द्येयं वा॒क्सो ऽय॒मग्निः स हो॒ता सा मु॒क्तिः सा॒तिमुक्तिः.
   
त॒द् या इय॒म् वा॒क् स॒स् अय॒म् अग्नि॒स् हो॒ता सा मु॒क्तिस् सा अ॒तिमुक्तिस्

Verse: M6/K4 
Sentence: a    
या॒ज्ञवल्क्ये॒ति होवाच,
   
या॒ज्ञवल्क्य इ॒ति उवाच

Sentence: b          
य॒दिदँ स॒र्वमहोरात्रा॒भ्यामाप्तँ,
         
य॒द् इद॒म् स॒र्वम् अहोरात्रा॒भ्याम् आप्त॒म्

Sentence: c          
स॒र्वमहोरात्रा॒भ्यामभि॒पन्नं,
         
स॒र्वम् अहोरात्रा॒भ्याम् अभि॒पन्नम्

Sentence: d          
के॒न य॒जमानो ऽहोरात्र॒योरा॒प्तिम॒तिमुच्यत इ॒ति.
         
के॒न य॒जमानस् अहोरात्र॒योस् आ॒प्तिम् अ॒तिमुच्यते इ॒ति

Sentence: e    
अध्वर्यु॒णर्त्वि॒जा च॒क्षुषादित्ये॒न;
   
अध्वर्यु॒णा ऋत्वि॒जा च॒क्षुषा आदित्ये॒न

Sentence: f       
च॒क्षुर्वै॒ यज्ञ॒स्याध्वर्यु॒स्.
      
च॒क्षुस् वै यज्ञ॒स्य अध्वर्यु॒स्

Sentence: g    
तद्य॒दिदं च॒क्षुः,
   
त॒द् य॒द् इद॒म् च॒क्षुस्

Sentence: h          
सो ऽसा॒वादित्यः;
         
स॒स् असौ आदित्य॒स्

Sentence: i       
सो ऽध्वर्युः सा मु॒क्तिः सा॒तिमुक्तिः.
      
स॒स् अध्वर्यु॒स् सा मु॒क्तिस् सा अ॒तिमुक्तिस्

Verse: M7/K5 
Sentence: a    
या॒ज्ञवल्क्ये॒ति होवाच,
   
या॒ज्ञवल्क्य इ॒ति उवाच

Sentence: b          
य॒दिदँ स॒र्वं पूर्वपक्षापरपक्षा॒भ्यामाप्तँ,
         
य॒द् इद॒म् स॒र्वम् पूर्वपक्षापरपक्षा॒भ्याम् आप्त॒म्

Sentence: c          
स॒र्वं पूर्वपक्षापरपक्षा॒भ्यामभि॒पन्नं,
         
स॒र्वम् पूर्वपक्षापरपक्षा॒भ्याम् अभि॒पन्नम्

Sentence: d          
के॒न य॒जमानः पूर्वपक्षापरपक्ष॒योरा॒प्तिम॒तिमुच्यत इ॒ति.
         
के॒न य॒जमानस् पूर्वपक्षापरपक्ष॒योस् आ॒प्तिम् अ॒तिमुच्यते इ॒ति

Sentence: e    
ब्रह्म॒णर्त्वि॒जा म॒नसा चन्द्रे॒ण;
   
ब्रह्म॒णा ऋत्वि॒जा म॒नसा चन्द्रे॒ण

Sentence: f    
म॒नो वै॒ यज्ञ॒स्य ब्रह्मा.
   
म॒नस् वै यज्ञ॒स्य ब्रह्मा

Sentence: g    
तद्य॒दिदं म॒नः,
   
त॒द् य॒द् इद॒म् म॒नस्

Sentence: h          
सो ऽसौ॒ चन्द्रः स॒ ब्रह्मा सा मु॒क्तिः सा॒तिमुक्तिः.
         
स॒स् असौ चन्द्र॒स् ब्रह्मा सा मु॒क्तिस् सा अ॒तिमुक्तिस्

Verse: M8/K6 
Sentence: a    
या॒ज्ञवल्क्ये॒ति होवाच,
   
या॒ज्ञवल्क्य इ॒ति उवाच

Sentence: b          
य॒दिद॒मन्त॒रिक्षमनारम्बण॒मिव;
         
य॒द् इद॒म् अन्त॒रिक्षम् अनारम्बण॒म् इव

Sentence: c       
के॒नाक्रमे॒ण य॒जमानः स्वर्गं॒ लोकमा॒क्रमत इ॒त्य्.
      
के॒न आक्रमे॒ण य॒जमानस् स्वर्ग॒म् लोक॒म् आ॒क्रमते इ॒ति

Sentence: d    
उद्गा॒त्रर्त्वि॒जा वयु॒ना प्राणे॒न;
   
उद्गात्रा ऋत्वि॒जा वयु॒ना प्राणे॒न

Sentence: e       
प्राणो वै॒ यज्ञ॒स्योद्गाता.
      
प्राण॒स् वै यज्ञ॒स्य उद्गाता

Sentence: f    
त॒द्यो ऽयं॒ प्राणः स॒ वायुः स॒ उद्गाता सा मु॒क्तिः सा॒तिमुक्तिर्.
   
त॒द् य॒स् अय॒म् प्राण॒स् वायु॒स् स॒स् उद्गाता सा मु॒क्तिस् सा अ॒तिमुक्तिस्

Sentence: g    
इत्य॒तिमोक्षा,
   
इ॒ति अ॒तिमोक्षास्

Sentence: h          
अ॒थ संप॒दः.
         
अ॒थ संप॒दस्

Verse: M9/K7 
Sentence: a    
या॒ज्ञवल्क्ये॒ति होवाच,
   
या॒ज्ञवल्क्य इ॒ति उवाच

Sentence: b          
क॒तिभिरय॒म॒द्यर्ग्भिर्हो॒तास्मि॒न्यज्ञे॒ करिष्यती॒ति.
         
क॒तिभिस् अय॒म् अद्य ऋग्भि॒स् हो॒ता अस्मि॒न् यज्ञे करिष्यति इ॒ति

Sentence: c    
तिसृ॒भिरि॒ति.
   
तिसृ॒भिस् इ॒ति

Sentence: d    
कतमास्तास्ति॒स्र इ॒ति.
   
कतमा॒स् ता॒स् ति॒स्रस् इ॒ति

Sentence: e    
पुरोनुवा॒क्या च या॒ज्या च श॒स्यैव॒ तृती॒या.
   
पुरोनुवा॒क्या या॒ज्या श॒स्या एव तृती॒या

Sentence: f    
किं ता॒भिर्जयती॒ति.
   
कि॒म् ता॒भिस् जयति इ॒ति

Sentence: g    
पृथिवीलोक॒मेव॒ पुरोनुवा॒क्यया ज॒यत्य्,
   
पृथिवीलोक॒म् एव पुरोनुवा॒क्यया ज॒यति
   
यत्किञ्चेदं प्राणभृदिति;[cp. 12]
   
यद् किञ्च इदम् प्राणभृत् इति

Sentence: h          
अन्तरिक्षलोकं॒ या॒ज्यया,
         
अन्तरिक्षलोक॒म् या॒ज्यया

Sentence: i          
द्यौर्लोकँ श॒स्यया
         
द्युलोक॒म् श॒स्यया

Verse: M10/K8 
Sentence: a    
या॒ज्ञवल्क्ये॒ति होवाच,
   
या॒ज्ञवल्क्य इ॒ति उवाच

Sentence: b          
क॒त्यय॒म॒द्याध्वर्यु॒रस्मि॒न्यज्ञ आ॒हुतीर्होष्यती॒ति.
         
क॒ति अय॒म् अद्य अध्वर्यु॒स् अस्मि॒न् यज्ञ आ॒हुतीस् होष्यति इ॒ति

Sentence: c    
तिस्र इ॒ति.
   
तिस्र॒स् इ॒ति

Sentence: d    
कतमास्तास्ति॒स्र इ॒ति.
   
कतमा॒स् ता॒स् ति॒स्रस् इ॒ति

Sentence: e    
या॒ हुता॒ उज्ज्व॒लन्ति,
   
या॒स् हुता॒स् उज्ज्व॒लन्ति

Sentence: f          
या॒ हुता॒ अतिने॒दन्ति,
         
या॒स् हुता॒स् अतिने॒दन्ति

Sentence: g          
या॒ हुता॒ अधिशे॒रते.
         
या॒स् हुता॒स् अधिशे॒रते

Sentence: h    
किं ता॒भिर्जयती॒ति.
   
कि॒म् ता॒भिस् जयति इ॒ति

Sentence: i    
या॒ हुता॒ उज्ज्व॒लन्ति,
   
या॒स् हुता॒स् उज्ज्व॒लन्ति

Sentence: j          
देवलोक॒मेव ता॒भिर्जयति:
         
देवलोक॒म् एव ता॒भिस् जयति

Sentence: k       
दी॒प्यत इव हि॒ देवलोको.
      
दी॒प्यते इव हि देवलोक॒स्

Sentence: l    
या॒ हुता॒ अतिने॒दन्ति,
   
या॒स् हुता॒स् अतिने॒दन्ति

Sentence: m          
मनुष्यलोक॒म्K पितृलोकम्एव ता॒भिर्जयत्य्:
         
मनुष्यलोक॒म् K पितृलोकम् एव ता॒भिस् जयति

Sentence: n       
अ॒तीव हिमनुष्यलोकोK पितृलोको.
      
अ॒ति इव हि मनुष्यलोक॒स् K पितृलोकस्

Sentence: o    
या॒ हुता॒ अधिशे॒रते,
   
या॒स् हुता॒स् अधिशे॒रते

Sentence: p          
पितृलोक॒म्K मनुष्यलोकम्एव ता॒भिर्जयत्य्:
         
पितृलोक॒म् K मनुष्यलोकम् एव ता॒भिस् जयति

Sentence: q       
अध॒ इव हिपितृलोकःK मनुष्यलोकः.
      
अध॒स् इव हि पितृलोक॒स् K मनुष्यलोक॒स्

Verse: M11/K9 
Sentence: a    
या॒ज्ञवल्क्ये॒ति होवाच,
   
या॒ज्ञवल्क्य इ॒ति उवाच

Sentence: b          
क॒तिभिरय॒मद्य॒ ब्रह्मा॒ यज्ञं॒ दक्षिणतो॒ देव॒ताभिर्गोपायिष्यती॒त्य्K गोपायतीत्य्.
         
क॒तिभिस् अय॒म् अद्य ब्रह्मा यज्ञ॒म् दक्षिणत॒स् देव॒ताभिस् गोपायिष्य॒ति इ॒ति K गोपायति इति

Sentence: c    
ए॒कये॒ति.
   
ए॒कया इ॒ति

Sentence: d    
कतमा सैके॒ति.
   
कतमा सा ए॒का इ॒ति

Sentence: e    
म॒न एवे॒त्य्.
   
म॒नस् एव इ॒ति

Sentence: f    
अनन्तं वै म॒नो,
   
अनन्त॒म् वै म॒नस्

Sentence: g          
ऽनन्ता वि॒श्वे देवा.
         
अनन्ता॒स् वि॒श्वे देवा॒स्

Sentence: h    
अनन्त॒मेव स ते॒न लोकं॒ जयति.
   
अनन्त॒म् एव ते॒न लोक॒म् जयति

Verse: M12/K10 
Sentence: a    
या॒ज्ञवल्क्ये॒ति होवाच,
   
या॒ज्ञवल्क्य इ॒ति उवाच

Sentence: b          
क॒त्यय॒म॒द्योद्गा॒तास्मि॒न्यज्ञे॒ स्तोत्रि॒याः स्तोष्यती॒ति.
         
क॒ति अय॒म् अद्य उद्गाता अस्मि॒न् यज्ञे स्तोत्रि॒यास् स्तोष्यति इ॒ति

Sentence: c    
तिस्र इ॒ति.
   
तिस्र॒स् इ॒ति

Sentence: d    
कतमास्तास्ति॒स्र इ॒ति.
   
कतमा॒स् ता॒स् ति॒स्रस् इ॒ति

Sentence: e    
पुरोनुवा॒क्या च या॒ज्या च श॒स्यैवतृती॒याधिदेवत॒म्,
   
पुरोनुवा॒क्या या॒ज्या श॒स्या एव तृती॒या अधिदेवत॒म्

Sentence: f          
अ॒थाध्यत्मंK om. अधिदेवतम्....
         
अ॒थ अध्यत्म॒म् K om. अधिदेवतम् ...

Sentence: g    
कतमास्ता या॒ अध्यात्ममि॒ति.
   
कतमा॒स् ता॒स् या॒स् अध्यात्म॒म् इ॒ति

Sentence: h    
प्रा णएव॒ पुरोनुवा॒क्यापानो॒ या॒ज्या,
   
प्राण॒स् एव पुरोनुवा॒क्या अपान॒स् या॒ज्या

Sentence: i          
व्यानः श॒स्या.
         
व्यान॒स् श॒स्या

Sentence: j    
किं ता॒भिर्जयती॒ति.
   
कि॒म् ता॒भिस् जयति इ॒ति

Sentence: k    
यत्कि॒ञ्चेदं॒ प्राणभृदि॒तिK pro य॒त्...scribit पृथिवीलोकमेव पुरोनुवाक्यया जयत्य्,
   
य॒द् कि॒ञ्च इद॒म् प्राणभृ॒त् इ॒ति K पृथिवीलोकम् एव पुरोनुवाक्यया जयति
      
अन्तरिक्षलोकं याज्यया,
      
अन्तरिक्षलोकम् याज्यया
      
द्युलोकँ शस्यया;[cp. 9.]
      
द्युलोकम् शस्यया

Sentence: l    
त॒तो ह हो॒ताश्वल उ॒परराम.
   
त॒तस् हो॒ता अश्वल॒स् उ॒परराम

Next part



This text is part of the TITUS edition of White Yajur-Veda: Brhad-Aranyaka-Upanisad.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.