TITUS
White Yajur-Veda: Brhad-Aranyaka-Upanisad
Part No. 14
Previous part

Paragraph: 2 
Verse: MK1 
Sentence: a    अ॒थ हैनं जारत्कारव आ॒र्तभागः पप्रच्छ.
   अ॒थ ह एनम् जारत्कारव॒स् आ॒र्तभागस् पप्रच्छ

Sentence: b    या॒ज्ञवल्क्ये॒ति होवाच,
   या॒ज्ञवल्क्य इ॒ति ह उवाच

Sentence: c          क॒ति ग्र॒हाः,
         क॒ति ग्र॒हास्

Sentence: d          क॒त्यतिग्रहा इ॒त्य्.
         क॒ति अतिग्रहा॒स् इ॒ति

Sentence: e    अष्टौ ग्र॒हा,
   अष्टौ ग्र॒हास्

Sentence: f          अष्टा॒वतिग्रहा इ॒ति.
         अष्टौ अतिग्रहा॒स् इ॒ति

Sentence: g    ये॒ ते ऽष्टौ ग्र॒हा,
   ये ते अष्टौ ग्र॒हास्

Sentence: h          अष्टा॒वतिग्रहाः,
         अष्टौ अतिग्रहा॒स्

Sentence: i          कतमे त इ॒ति.
         कतमे ते इ॒ति

Verse: MK2 
Sentence: a    प्राणो वै ग्र॒हः.
   प्राण॒स् वै ग्र॒हस्

Sentence: b    सो ऽपाने॒नातिग्रहे॒णK स गन्धेनातिग्रहेणगृही॒तो.
   स॒स् अपाने॒न अतिग्रहे॒ण K स गन्धेन अतिग्रहेन गृहीत॒स्

Sentence: c    ऽपाने॒नK प्राणेनहि॒ गन्धाञ्जि॒घ्रति.
   अपाने॒न K प्राणेन हि गन्धा॒न् जि॒घ्रति

Verse: M3/K4 
Sentence: a    जिह्वा वै ग्र॒हः.
   जिह्वा वै ग्र॒हस्

Sentence: b    स र॒सेनातिग्रहे॒ण गृहीतो;
   स र॒सेन अतिग्रहे॒ण गृहीत॒स्

Sentence: c       जिह्व॒या हि र॒सान्विजाना॒ति.
      जिह्व॒या हि र॒सान् विजाना॒ति

Verse: M4/K3 
Sentence: a    वाग्वै ग्र॒हः.
   वा॒क् वै ग्र॒हस्

Sentence: b    स ना॒म्नातिग्रहे॒ण गृहीतो;
   स ना॒म्ना अतिग्रहे॒ण गृहीत॒स्

Sentence: c       वाचा हि ना॒मान्यभिव॒दति.
      वाचा हि ना॒मानि अभिव॒दति

Verse: MK5 
Sentence: a    च॒क्षुर्वै ग्र॒हः.
   च॒क्षुस् वै ग्र॒हस्

Sentence: b    स॒ रूपे॒णातिग्रहे॒ण गृहीत॒श्;
   स रूपे॒ण अतिग्रहे॒ण गृहीत॒स्

Sentence: c       च॒क्षुषा हि॒ रूपा॒णि प॒श्यति.
      च॒क्षुषा हि रूपा॒णि प॒श्यति

Verse: MK6 
Sentence: a    श्रो॒त्रं वै ग्र॒हः.
   श्रो॒त्रम् वै ग्र॒हस्

Sentence: b    स श॒ब्देनातिग्रहे॒ण गृहीतः;
   स श॒ब्देन अतिग्रहे॒ण गृहीत॒स्

Sentence: c       श्रो॒त्रेण हि श॒ब्दाञ्छृणो॒ति.
      श्रो॒त्रेण हि श॒ब्दान् शृणो॒ति

Verse: MK7 
Sentence: a    म॒नो वै ग्र॒हः.
   म॒नस् वै ग्र॒हस्

Sentence: b    स का॒मेनातिग्रहे॒ण गृहीतो;
   स का॒मेन अतिग्रहे॒ण गृहीत॒स्

Sentence: c       म॒नसा हि का॒मान्काम॒यते.
      म॒नसा हि का॒मान् काम॒यते

Verse: MK8 
Sentence: a    ह॒स्तौ वै ग्र॒हः.
   ह॒स्तौ वै ग्र॒हस्

Sentence: b    स क॒र्मणातिग्रहे॒ण गृहीतो;
   स क॒र्मणा अतिग्रहे॒ण गृहीत॒स्

Sentence: c       ह॒स्ताभ्याँ हि क॒र्म करो॒ति.
      ह॒स्ताभ्याम् हि क॒र्म करो॒ति

Verse: MK9 
Sentence: a    त्वग्वै ग्र॒हः.
   त्व॒क् वै ग्र॒हस्

Sentence: b    स स्प॒र्शेनातिग्रहे॒ण गृहीत॒स्;
   स स्प॒र्शेन अतिग्रहे॒ण गृहीत॒स्

Sentence: c       त्वचा हि स्प॒र्शान्वेद॒यत.
      त्वचा हि स्प॒र्शान् वेद॒यते

Sentence: d    इ॒त्यष्टौ ग्र॒हा,
   इ॒ति अष्टौ ग्र॒हास्

Sentence: e          अष्टा॒वतिग्रहाः.
         अष्टौ अतिग्रहा॒स्

Verse: MK10 
Sentence: a    या॒ज्ञवल्क्ये॒ति होवाच,
   या॒ज्ञवल्क्य इ॒ति ह उवाच

Sentence: b          य॒दिदँ स॒र्वं मृत्योर॒न्नं,
         य॒द् इद॒म् स॒र्वम् मृत्यो॒स् अ॒न्नम्

Sentence: c          का॒ स्वित्सा॒ देव॒ता,
         का स्वित् सा देव॒ता

Sentence: d          य॒स्या मृत्युर॒न्नमि॒त्य्.
         य॒स्यास् मृत्यु॒स् अ॒न्नम् इ॒ति

Sentence: e    अग्निर्वै॒ मृत्युः,
   अग्नि॒स् वै मृत्यु॒स्

Sentence: f          सो ऽपाम॒न्नम्,
         स॒स् अपा॒म् अ॒न्नम्

Sentence: g          अ॒प पुनर्मृत्युं॒ जयति.
         अ॒प पुनर्मृत्यु॒म् जयति

Verse: M11/K12 
Sentence: a    या॒ज्ञवल्क्ये॒ति होवाच,
   या॒ज्ञवल्क्य इ॒ति ह उवाच

Sentence: b          य॒त्रायं पु॒रुषो म्रिय॒ते,
         य॒त्र अय॒म् पु॒रुषस् म्रिय॒ते

Sentence: c          कि॒मेनं न॒ जहाती॒ति.
         कि॒म् एनम् न जहाति इ॒ति

Sentence: d    नामे॒त्य्:
   ना॒म इ॒ति

Sentence: e       अनन्तं वै ना॒मानन्ता वि॒श्वे देवा;
      अनन्त॒म् वै ना॒म अनन्ता॒स् वि॒श्वे देवा॒स्

Sentence: f       अनन्त॒मेव स ते॒न लोकं॒ जयति.
      अनन्त॒म् एव स ते॒न लोक॒म् जयति

Verse: M12/K11 
Sentence: a    या॒ज्ञवल्क्ये॒ति होवाच,
   या॒ज्ञवल्क्य इ॒ति ह उवाच

Sentence: b          य॒त्रायं पु॒रुषो म्रिय॒त,
         य॒त्र अय॒म् पु॒रुषस् म्रिय॒ते

Sentence: c          उ॒दस्मा॒त्प्राणाः॒ क्रामन्त्य्,
         उ॒द् अस्मा॒द् प्राणा॒स् क्रामन्ति

Sentence: d          आ॒हो ने॒ति.
         आ॒हो न इ॒ति

Sentence: e    ने॒ति होवाच या॒ज्ञवल्क्यो,
   न इ॒ति ह उवाच या॒ज्ञवल्क्यस्

Sentence: f          ऽत्रैव॒ सम॒वनीयन्ते,
         अ॒त्र एव सम॒वनीयन्ते

Sentence: g          स उ॒च्छ्वयत्य्,
         स उ॒च्छ्वयति

Sentence: h          आ॒ध्मायत्य्;
         आ॒ध्मायति

Sentence: i       आ॒ध्मातो मृतः॒ शेते.
      आ॒ध्मातस् मृत॒स् शेते

Verse: MK13 
Sentence: a    या॒ज्ञवल्क्ये॒ति होवाच,
   या॒ज्ञवल्क्य इ॒ति ह उवाच

Sentence: b          य॒त्रास्य पु॒रुषस्य मृत॒स्याग्निं वा॒गप्ये॒ति,
         य॒त्र अस्य पु॒रुषस्य मृत॒स्य अग्नि॒म्

Sentence: c          वा॒तं प्राण॒श्,
         वा॒क् अप्ये॒ति वा॒तम् प्राण॒स्

Sentence: d          च॒क्षुरादित्यं,
         च॒क्षुस् आदित्य॒म्

Sentence: e          म॒नश्चन्द्रं,
         म॒नस् चन्द्र॒म्

Sentence: f          दि॒शः श्रो॒त्रं,
         दि॒शस् श्रो॒त्रम्

Sentence: g          पृथिवीँ श॒रीरम्,
         पृथिवी॒म् श॒रीरम्

Sentence: h          आकाश॒मात्मौ॒षधीर्लो॒मानि,
         आकाश॒म् आत्मा ओ॒षधीस् लो॒मानि

Sentence: i          व॒नस्प॒तीन्के॒शा,
         व॒नस्प॒तीन् के॒शास्

Sentence: j          अप्सु लो॒हितं च रे॒तश्च निधी॒यते,
         अप्सु लो॒हितम् च रे॒तस् च निधी॒यते

Sentence: k          क्वायं॒ तदा पु॒रुषो भवती॒त्य्.
         क्व अय॒म् तदा पु॒रुषस् भवति इ॒ति

Sentence: l    आ॒हर,
   आ॒हर

Sentence: m          सौम्य,
         सौम्य

Sentence: n          ह॒स्तम्.
         ह॒स्तम्

Verse: M14/K13 
Sentence: a    आ॒र्तभागे॒तिहोवाचावा॒म्K om. इति होवाचए॒वैत॒द्K एवैतस्यवेदिष्या॒वो;
   आ॒र्तभाग इ॒ति ह उवाच K om. इति ह उवाच आवा॒म् एव एत॒द् K एव एतस्य वेदिष्या॒वस्

Sentence: b       न॒ नावेत॒त्सजन इ॒ति.
      न नौ एत॒द् सजन इ॒ति

Sentence: c    तौ॒ होत्क्र॒म्य मन्त्रयां॒ चक्रतुस्[K चक्राते
   तौ ह उत्क्र॒म्य मन्त्रया॒म् चक्रतुस् [K चक्राते

Sentence: d    तौ॒ ह य॒दूच॒तुः,
   तौ ह य॒द् ऊच॒तुर्

Sentence: e          क॒र्म हैव त॒दूचतुर्;
         क॒र्म ह एव त॒द् ऊचतुर्

Sentence: f       अ॒थ ह य॒त्प्रशँस॒तुः,
      अ॒थ ह य॒द् प्रशँस॒तुर्

Sentence: g          क॒र्म हैव तत्प्र॒शँसतुः:
         क॒र्म ह एव त॒द् प्र॒शँसतुर्

Sentence: h       पु॒ण्यो वै पु॒ण्येन क॒र्मणा भवति,
      पु॒ण्यस् वै पु॒ण्येन क॒र्मणा भवति

Sentence: i          पा॒पः पा॒पेने॒ति.
         पा॒पस् पा॒पेन इ॒ति

Sentence: j    त॒तो ह जारत्कारव आ॒र्तभाग उ॒परराम.
   त॒तस् ह जारत्कारव॒स् आ॒र्तभागस् उ॒परराम

Next part


This text is part of the TITUS edition of White Yajur-Veda: Brhad-Aranyaka-Upanisad.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.