TITUS
Ephraem Syrus, Homilies
Part No. 8
Previous part

Edition: Imn.Sak.c.1  


   Manuscripts:
   A - Sin. 97



Text: Commun.  
Page of ed.: 44  
Ms. page: A_72r 
Line of ed.: 2   თქმოჳლი წმიდისა ეფრემისი ზიარებისათჳს


Line of ed.: 3        მოვედით მოკუდავნი ეგე განმზადებულსა მას ტაბლასა უფლისასა და ჭამდით მისგან
Line of ed.: 4     ჴორცსა მხოლოდ-შობილისასა და სუემდით სისხლსა იესუჲსსა[1], რომლითა გამო\იჴსნენით
Line of ed.: 5     Ms. page: A_72v  სიკუდილისაგან. განვიშოროთ ყოველივე ზრუნვაჲ ამის სოფლისაჲ და შევიმოსოთ
Line of ed.: 6     სათნოებაჲ სულისა წმიდისაჲ, რამეთუ ცეცხლი არს საშინელი შემწველი ცოდვათაჲ,
Line of ed.: 7     რომელნი სიწმიდით მიიღებენ მას, და განლინის ცრუნი, რომელნი უღირსად მიიღებენ
Line of ed.: 8     მას, რამეთუ ესე ნიჭი ქრისტჱსი ღირსთათჳს სარგებელ არს, ხოლო რომელნი უღირსებით
Line of ed.: 9     მიიღებენ, მათ სტანჯავს.

Line of ed.: 10        მოვედით აწ, რომელნი-ეგე იყვენით2 ოდესმე მონა ცოდვისა, მიიღეთ უჴრწნელი
Line of ed.: 11     ესე ნიჭი ქრისტჱსი, რომლითა-იგი იჩინენით დიდებასა მას ქრისტჱსსა[3], გარნა
Line of ed.: 12     სარწმუნოებით ხოლო მიიღებდით თჳნიერ ყოვლისა ბიწისა და ნუ უღირსებით მიგაქუნ,
Line of ed.: 13     მიუტევებდით გულითად ურთიერთას შეცოდებათა, ვითარცა-იგი უფალმან
Line of ed.: 14     გუასწავა ჩუენ ლოცვასა შინა, რამეთუ ესე მსხუერპლი Ms. page: A_73r  სათნო-იყო ქრისტემან
Line of ed.: 15     და შეიყუარა ესე უფროჲს ყოვლისა სიმართლისა, რამეთუ დაკლული ქრისტჱ ზედა
Line of ed.: 16     ძეს საკურთხეველსა უფალი უფლებათაჲ, ანგელოზთაჲ და მთავარანგელოზთაჲ,
Line of ed.: 17     რაჲთა შენ საცთურისაგან მოგაქციოს, და შენ დადგრომილ ხარ სიბორგილსა მტერისასა
Line of ed.: 18     და არა გეშინის, ამისთჳს არა ჰპოო მისგან მოტევებაჲ ცოდვათაჲ, რამეთუ
Line of ed.: 19     შენ არა მიუტევე შეცოდებაჲ ძმასა შენსა.

Line of ed.: 20        შენთჳს ზეცით ქუეყანად გარდამოჴდა, რაჲთა შენ ზიარ გყოს მადლსა მას
Line of ed.: 21     ანგელოზთასა და გყოს შენ ზეცისა ნაშობ ქუეყანეული უცხო-თესლი, მსგავსად
Line of ed.: 22     ანგელოზთა მისთა უსხეულოთა. აწ ნუ იყოფი კუალად ქუეყანის, გამოიჴსენ წყევისაგან,
Line of ed.: 23     Ms. page: A_73v  ნუ იყოფი მეუღლის-მოყუარე, განიბანე წიდისაგან, ნუ იყოფი გულის-თქუმისა
Line of ed.: 24     აღმასრულებელ, განერი საფრჴისაგან ეშმაკისაჲსა, აღმოჴედ მღჳმისაგან,
Line of ed.: 25     იყავ მტკიცე სარწმუნოებითა, განეშორე ეშმაკთაგან, ნუღარა ეზიარები მათ,
Line of ed.: 26     განერი სიგლახაკისაგან და სხუაჲ4 პოვე სიმდიდრჱ, რომლისათჳს გული-უთქუმიდა
Line of ed.: 27     წინაწარმეტყუელთა და ყოველთა წმიდათა ხილვად და ვერ იხილეს სიმდიდრჱ იგი.

Page of ed.: 45  
Line of ed.: 1     ორბ ვიწოდენით, ძმანო, რაჲთა ვფრინვიდეთ სულმცირედ ზეცად ფრთითა მით
Line of ed.: 2     სულიერებისაჲთა, რაჲთა არა გუელისა წყევაჲ დავიმკჳდროთ, რომელ-იგი ერთვე
Line of ed.: 3     უფალმან წყევასა ქუეშე განწირა, არამედ ვისმინოთ პავ\ლჱსი, Ms. page: A_74r  რომელი
Line of ed.: 4     იტყჳს: ზეცისასა ეძიებდით, სადაცა აძს ქრისტჱ მარჯუენით მამისა მჯდომარჱ. მან
Line of ed.: 5     დაგუბადნა ჩუენ და გჳჴსნნა, რამეთუ მისა შეჰგვანდა ყოფად ორივე ესე. თავი
Line of ed.: 6     თჳსი შეწირა ღმრთისა ჩუენთჳს და შეჰმშჭუალნა ჯუარსა ყოველნი ჴელით დაწერილნი
Line of ed.: 7     ცოდვანი ჩუენნი.

Line of ed.: 8        ნუ გეშინინ, მტკიცედ დეგით, ძმანო, აზნაურებასა მაგას თქუენსა ზედა და
Line of ed.: 9     ნუ მიიქცევით პირველსავე მას მონებასა ცოდვისასა, რამეთუ ფრიად საშინელ
Line of ed.: 10     არს მეორედ მიქცევად მასვე ცოდვასა: პირველისათჳს ცოდვისა შენდობაჲ არს
Line of ed.: 11     სინანულითა და ნათლის-ღებითა, ხოლო ამისა შემდგომად შეცოდებისათჳს განმზადებული
Line of ed.: 12     სატანჯველი ელის. აწ დავიმარხნეთ გულნი წმიდად, რაჲთა დაიმკჳდროს
Line of ed.: 13     უფალმან ჩუენ თანა, რამეთუ ფრიად უყუარან უფალსა Ms. page: A_74v  წმიდანი, რამეთუ
Line of ed.: 14     იგი თავადი წმიდა არს.

Line of ed.: 15        ოჳწესს ცოდვილთა, რამეთუ კაცთ-მოყუარე არს; შეცთომილთა მოაქცევს,
Line of ed.: 16     რამეთუ სულთა მოწყალე არს; გლახაკთა განამდიდრებს, რამეთუ უხუ არს სიმდიდრითა;
Line of ed.: 17     განშორებულთა მისგან მოიახლებს და სწავლის, რამეთუ სწყალობს
Line of ed.: 18     ქმნულთა თჳსთა. ხოლო ჩუენ რაჲ-მე მივაგოთ ესოდენისა ამის კეთილისათჳს? ანუ
Line of ed.: 19     რაჲ ძალ-გჳც ჩუენ მიცემად, რომელი მოგუცა ჩუენ უფალმან, არამედ რაჲთა
Line of ed.: 20     ურთიერთას ერთითა გულითა ვიყუარობდეთ და სულითა წრფელითა დავიმარხნეთ
Line of ed.: 21     მცნებანი ქრისტჱსნი, რამეთუ მისი არს დიდებაჲ უკუნითი უკუნისამდე. ამენ.




Next part


This text is part of the TITUS edition of Ephraem Syrus, Homilies.

Copyright TITUS Project, Frankfurt a/M, 26.11.2015. No parts of this document may be republished in any form without prior permission by the copyright holder.