TITUS Texts: Ephraem Syrus, Homilies

TITUS
Ephraem Syrus, Homilies
Part No. 10

Previous part

Edition: Imn.Sak.c.2

   Manuscripts:
   A -- Sin. 97
   D -- A-1109
   E -- A-19

Text: Paen.5
Page of ed.: 1
Ms. page: A_64v
Line of ed.: 1   თქმოჳლი ეფრემისი სინანოჳლისათჳს ე

Line of ed.: 2        Ms. page: A_65r მილხინე მე, ოჳფალო, და მელხინოს მე. მხოლოო ბრძენთა
Line of ed.: 3     მოწყალეო და მკოჳრნალო, ვევედრები შენსა მაგას სახიერებასა,
Line of ed.: 4     კოჳრნენ წყლოჳლებანი სოჳლთა ჩემთანი და განანათლენ თოჳალნი
Line of ed.: 5     გონებისა ჩემისანი, რაჲთა განვიცადნე კეთილნი შენნი ჩემდა
Line of ed.: 6     მომართ, რომელ ჰყავ მარადის, და რამეთოჳ განქარდა გონებაჲ
Line of ed.: 7     ჩემი. მადლმან მაგან შენმან, მარილმან ჭეშმარიტებისამან
Line of ed.: 8     შეამარილენ იგი.

Line of ed.: 9        და რაჲ-მე გრქოჳა შენ, გოჳლთა მეცნიერო, რომელი გამოიკითხავ
Line of ed.: 10     გოჳლთა და თირკოჳმელთა? შენ მხოლომან ოჳწყი, რამეთოჳ,
Line of ed.: 11     ვითარცა ქოჳეყანასა ოჳრწყოჳლსა, სწყოჳრის სოჳლსა ჩემსა და
Line of ed.: 12     ჰსოჳრის შენდა მიმართ გოჳლსა ჩემსა. რამეთოჳ მოყოჳარეთა
Line of ed.: 13     შენთა მარადის მადლი შენი განაძღებს. Ms. page: A_65v ვითარცა მარადის
Line of ed.: 14     ისმინე ჩემი და აწცა ნოჳ ოჳგოჳლებელს-ჰყოფ ვედრებასა ჩემსა,
Line of ed.: 15     რამეთოჳ ესერა, ვითარცა წარტყოჳენოჳლი, არს გონებაჲ
Line of ed.: 16     ჩემი და გეძიებს შენ მხოლოსა მაცხოვარსა ღმერთსა, და აწ
Line of ed.: 17     მოავლინე მადლი შენი ადრე ჩემ ზედა, რაჲთა განაძღოს სიმშილი
Line of ed.: 18     ჩემი და მასოჳას მე წყოჳრილსა ჩემსა, რამეთოჳ შენდა
Line of ed.: 19     მსოჳრის, განოჳძღებელისა ოჳფლისა.

Line of ed.: 20        ვინ-მე შემძლებელ იყოს განძღებად, რომელთა სწყოჳრიან
Line of ed.: 21     ჭეშმარიტად შენდა მიმართ, ოჳფალო, და რომელთა სწყოჳრიან
Line of ed.: 22     შენდა მიმართ, მომცემელო ნათლისაო? მომეც მე, ოჳფალო,
Line of ed.: 23     თხოვაჲ ჩემი და მომმადლე მე, ოჳფალო, ვედრებაჲ ჩემი;
Line of ed.: 24     დააწთვე გოჳლსა ჩემსა ნაწოჳეთი ერთი მადლისა შენისაჲ.
Line of ed.: 25     და-მცა-ეგზების გოჳლსა შინა ჩემსა ცეცხლი იგი სიყოჳაროჳლისა
Line of ed.: 26     შენისაჲ, ვითარცა მოტყინარჱ Ms. page: A_66r მაღნართა შინა, და შე-მცა-ჰჭამს
Line of ed.: 27     ეკალთა მათ და კოჳროჲსთავთა, ოჳკეთოჳრთა

Line of ed.: 28        მათ გოჳლის-სიტყოჳათა. მომეც მე, ოჳფალო, მდიდრად და
Line of ed.: 29     ოჳხოჳად წყალობაჲ შენი, ვითარცა ღმრთისა კაცსა, და მომმადლე
Line of ed.: 30     მე, მეოჳფეო, სასოჳფეველი შენი და განამრავლე ჩემ
Line of ed.: 31     თანა წყალობაჲ შენი.

Page of ed.: 2
Line of ed.: 1        ძეო სახიერისა მამისაო, დაღათოჳ ოჳრჩ ვიქმენ და ოჳრჩ
Line of ed.: 2     ვარ, ვითარცა მიწისაგანი და ძჱ მიწისაჲ, არამედ რომელმან
Line of ed.: 3     აღავსენ სარწყოჳლნი იგი კოჳრთხევითა შენითა⁽¹⁾, აღავსე წყოჳრილიცა
Line of ed.: 4     ესე ჩემი მადლითა შენითა; რომელმან განაძღენ ხოჳთ
Line of ed.: 5     ათასნი ხოჳთითა ქოჳელითა პოჳრითა⁽²⁾, განაძღე სიმშილიცა
Line of ed.: 6     ჩემი ესე გამოოჳთქოჳმელითა მით სიმდიდრითა სახიერებისა
Line of ed.: 7     შენისაჲთა, კაცთ-მოყოჳარეო¹ სახიერო ოჳფალო.

Line of ed.: 8        Ms. page: A_66v აჰა ესერა თივათა და ყოჳავილთა და მწოჳანეთა მრავალ-ფერთა
Line of ed.: 9     ქოჳეყანისათა მადლი შენი მიფენილ არს. ვითარ არა
Line of ed.: 10     ოჳფროჲს მომმადლო თხოვაჲ ესე ჩემი, რომელი შენ გევედრები?
Line of ed.: 11     აჰა ესერა აერნი გამობრწყინდებიან, და მფრინველთა შეიცვალეს
Line of ed.: 12     ჴმაჲ მათი დიდებისაგან დიდისა სიბრძნისა შენისაჲსა;
Line of ed.: 13     აჰა ესერა ყოველი ქოჳეყანაჲ შეიმოსს მრავალ-ფერთა მათ
Line of ed.: 14     ყოჳავილთა, რომელი იქსოვების თჳნიერ ჴელისა კაცთაჲსა.

Line of ed.: 15        მხიაროჳლ არს და იხარებს სიხაროჳლსა ორსა: ერთსა მას
Line of ed.: 16     სიხაროჳლსა იხარებს ძისათჳს მისისა პირმშოჲსა ადამისა,
Line of ed.: 17     რამეთოჳ განცოცხლდა, და ერთსა მას იხარებს ოჳფლისა თჳსისათჳს,
Line of ed.: 18     რამეთოჳ გარდამოჴდა და ვიდოდა მას ზედა. აჰა ესერა
Line of ed.: 19     ზღოჳაჲცა Ms. page: A_67r განმრავლდების და განამდიდრებს მათ, რომელნი
Line of ed.: 20     ვლენან ნავითა მას ზედა. მადლმან შენმან, ოჳფალო, მეცა
Line of ed.: 21     მომეცინ განცხადებოჳლად სიტყოჳაჲ შენდა მიმართ და სოჳრვილი,
Line of ed.: 22     რომელ მაქოჳს შენდამი, მაპკოლებს მე თქოჳმად.

Line of ed.: 23        ოჳკოჳეთოჳ გოჳელი იგი, დასაბამითგან კაცის-მკლველი, ამას
Line of ed.: 24     ჟამსა აღაღებს პირსა თჳსსა, ვითარ არა ოჳფროჲს აღაღო
Line of ed.: 25     პირი მონისა შენისაჲ, ოჳფალო, დიდებად და ქებად მადლისა შენისა?
Line of ed.: 26     რომელმან შეიწირენ და აქენ ორნი იგი დანგნი ქოჳრივისანი
Line of ed.: 27     მის⁽³⁾, შეიწირე ვედრებაჲცა მონისა შენისაჲ, ოჳფალო, და
Line of ed.: 28     აღაორძინენ ლოცვანი ჩემნი და მომმადლენ მე თხოვანი ჩემნი,
Line of ed.: 29     რაჲთა ტაძარ წმიდა ვიყო მადლისა შენისა, და დაიმკჳდროს
Line of ed.: 30     ჩემ თანა და მან მასწაოს მე, ვითარ სათნო-გეყო შენ, რაჲთა
Line of ed.: 31     დასცეს ებანსა² მას ჩემსა და ჴმა-ტკბილად სავსედ იტყოდის
Line of ed.: 32     Ms. page: A_67v სინანოჳლსა და მხიაროჳლებასა, რაჲთა აღაღოს გონებაჲ
Line of ed.: 33     ჩემი, ვითარცა აღჳრითა, რაჲთა არა შევსცთე და შეგცოდო
Line of ed.: 34     შენ და გამოვარდე ნათლისა მისგან დიდებისა შენისაჲსა.

Line of ed.: 35        ისმინე ჩემი, ოჳფალო, და მომეც მე, რაჲთა ვიწოდო სასოჳფეველსა
Line of ed.: 36     შენსა, შეცთომილი მოვიქცე, არაწმიდაჲ ესე განვწმიდნე,
Line of ed.: 37     ოჳგოჳნოჳრი ბრძენ ვიქმნე და ოჳჴმარი საჴმარ ვიქმნე,
Line of ed.: 38     სამწყსონი იგი შენნი მოციქოჳლნი რჩეოჳლნი და ყოველნი წმი\დანი,
Page of ed.: 3   Line of ed.: 1     რომელნი სათნო-გეყოჳნეს შენ, რომელნი სამოთხეს შინა
Line of ed.: 2     იხარებენ, იგინი მეოხ არიან ჩემთჳს და გევედრებიან შენ მხოლოსა
Line of ed.: 3     კაცთ-მოყოჳარესა ღმერთსა; შენ ისმინე ვედრებაჲ მათი,
Line of ed.: 4     ოჳფალო, და მაცხოვნე მე ოხითა მათითა, რაჲთა მათგან მე
Line of ed.: 5     დიდებაჲ შენდა შევწირო, რამეთოჳ ლოცვისა მათისაჲ ისმინე
Line of ed.: 6     და შემიწყალე მე Ms. page: A_68r და არა ოჳგოჳლებელს-ჰყავ ვედრებაჲ მათი
Line of ed.: 7     ცხორებისათჳს ჩოჳენისა.

Line of ed.: 8        შენ, ოჳფალო, წინაწარმეტყოჳელისა შენისა მიერ სთქოჳ: აღაღე
Line of ed.: 9     პირი შენი და აღვავსო იგი⁽¹⁾. აჰა ესერა აღებოჳლ არს გოჳლისა
Line of ed.: 10     თანა პირი მონისა შენისაჲ, აღავსე ეგე მადლითა შენითა. ვითარცა-იგი
Line of ed.: 11     ქოჳეყანამან დათესოჳლმან ვერ შეოჳძლის ზრდად
Line of ed.: 12     ნაყოფთა თჳსთა თჳნიერ მოხედვისა სახიერებისა შენისაჲსა,
Line of ed.: 13     ეგრეცა გოჳლი ჩემი ვერ შემძლებელ არს აღმოთქოჳმად სათნო-ყოფისა
Line of ed.: 14     შენისა თჳნიერ მადლისა შენისა.

Line of ed.: 15        აწ დაალტვე გოჳლი ჩემი ცოჳარითა მით შენითა, რაჲთა მარადის
Line of ed.: 16     გაკოჳრთხევდე შენ, ქრისტე, მაცხოვარო ჩოჳენო კაცთ-მოყოჳარეო
Line of ed.: 17     და სახიერო. აჰა ესერა¹ წჳმაჲ ზრდის ნაყოფთა, და
Line of ed.: 18     ხენი გჳრგჳნოსან იქმნებიან მრავალ-ფერითა ყოჳავილითა, და
Line of ed.: 19     ცოჳარმან მადლისა შენისამან Ms. page: A_68v განანათლენ გონებაჲ ესე ჩემი
Line of ed.: 20     და შეამკვენ იგი ყოჳავილითა მით სინანოჳლისაჲთა და სიმდაბლისაჲთა,
Line of ed.: 21     სიყოჳაროჳლისაჲთა და მოთმინებისაჲთა.

Line of ed.: 22        და რაჲ ვთქოჳა? ესერა ლოცვაჲ ჩემი ოჳძლოჳრ არს და
Line of ed.: 23     ოჳშჯოჳლოებანი ჩემნი დიდ არიან და ძლიერ, და ცოდვანი ჩემნი
Line of ed.: 24     მაჭირებენ მე, და ოჳშჯოჳლოებანი ჩემნი მაიძოჳლებენ მე. მადლმან
Line of ed.: 25     მაგან შენმან, ოჳფალო, ძლიერმან სძლენ მათ. ქრისტე, რომელმან
Line of ed.: 26     აღოჳხილენ თოჳალნი ბრმასა მას⁽²⁾, აღახოჳენ, ოჳფალო,
Line of ed.: 27     თოჳალნიცა გონებისა ჩემისანი, რაჲთა მარადის კეთილთა შენთა
Line of ed.: 28     ვხედვიდე; და რომელმან აღოჳღე პირი ვირსა მას⁽³⁾, აღაღე პირიცა
Line of ed.: 29     ესე ჩემი სადიდებელად და საქებელად მადლისა შენისა;
Line of ed.: 30     ოჳფალო, რომელმან დასდევ საზღვარი ზღოჳასა და სიტყოჳაჲ
Line of ed.: 31     ბრძანებისა შენისაჲ, Ms. page: A_69r დასდევ გოჳლსაცა ჩემსა საზღვარი, რაჲთა
Line of ed.: 32     არა მისდრკეს მარჯოჳენით, გინა მარცხენით კეთილთაგან
Line of ed.: 33     შენთა; რომელმან მოეც წყალი ოჳდაბნოსა ერსა მას ოჳრჩსა
Line of ed.: 34     და წინა-აღმდგომსა⁽⁴⁾, მომეც მეცა სინანოჳლი და თოჳალთა
Line of ed.: 35     ჩემთა ცრემლი, რაჲთა ვცრემლოოდი დღე და ღამე² ცხორებისათჳს
Line of ed.: 36     ჩემისა და დღისი სიმდაბლითა და სიყოჳაროჳლითა და წმიდითა
Line of ed.: 37     გოჳლითა.

Line of ed.: 38        შევედინ ლოცვაჲ ჩემი წინაშე შენსა, ოჳფალო, და მომმადლე
Line of ed.: 39     მე თესლისა მისგან შენისა წმიდისა, რაჲთა შევწირო შენდა მჭლე\ოჳლი
Page of ed.: 4   Line of ed.: 1     სავსჱ სინანოჳლითა და აღსაარებითა და ვთქოჳა: დიდებაჲ,
Line of ed.: 2     რომელმან მომცა მე, რაჲთა მისავე შევწირო და თაყოჳანის-ვსცე,
Line of ed.: 3     რომელმან მომმადლა მე, და მისავე შევწირო.

Line of ed.: 4        ისმინე, ოჳფალო, ლოცვაჲ მონისა შენისაჲ ოხითა ყოველთა
Line of ed.: 5     წმიდათა შენთაჲთა, რომელი ხარ კოჳრთხეოჳლ Ms. page: A_69v ყოველთაგან
Line of ed.: 6     ოჳკოჳნითი ოჳკოჳნისამდე. ამენ. ჰე მხოლოო შეოჳცოდებელო, ჰე
Line of ed.: 7     ოჳჴრწნელო და შეოჳგინებელო, ჰე სოჳლ-გრძელო და მრავალ-მოწყალეო,
Line of ed.: 8     მოავლინე ჩემ ზედა გამოოჳთქოჳმელი შენი კაცთ-მოყოჳარებაჲ
Line of ed.: 9     და მომეც მე, რაჲთა მე და ყოველთა რომელთა შეგიყოჳარეს
Line of ed.: 10     შენ, მკჳდრ ვიყოჳნეთ სასოჳფეველსა შენსა და ვიხილოთ
Line of ed.: 11     დიდებაჲ შენი, თაყოჳანის-ვსცეთ შენსა სახიერებასა და
Line of ed.: 12     ვთქოჳათ ერთბამად, ოდეს ღირს ვიქმნეთ ხილვად განოჳძღებელისა
Line of ed.: 13     შენისა კეთილისა: დიდებაჲ მამასა, რომელმან შეგოჳქმნნა
Line of ed.: 14     ჩოჳენ! დიდებაჲ ძესა, რომელმან გოჳაცხოვნნა ჩოჳენ! დიდებაჲ
Line of ed.: 15     სოჳლსა წმიდასა, რომელმან განგოჳაახლნა ჩოჳენ მიოჳკოჳნისამდე
Line of ed.: 16     ჟამთა, აწ და მარადის და ოჳკოჳნითი ოჳკოჳნისამდი. ამენ.

Next part

This text is part of the TITUS edition of Ephraem Syrus, Homilies.

Copyright TITUS Project, Frankfurt a/M, 26.11.2015. No parts of this document may be republished in any form without prior permission by the copyright holder.