TITUS
Ephraem Syrus, Homilies
Part No. 14
Previous part

Text: Paen.4  
Page of ed.: 47  
Ms. page: A-62r 
Line of ed.: 2   სინანულისთჳს დ


Line of ed.: 3        გევედრები შენ, ქრისტე, მაცხოვარო სოფლისაო, მოიხილე ჩემდა და შემი\წყალე
Line of ed.: 4     მე და მიჴსენ მე მრავალთაგან უშჯულოებათა ჩემთა, რამეთუ ურჩ ვექმენ
Line of ed.: 5     ყოველთა მათ კეთილთა, რომელ ჰქმენ ჩემ თანა, რამეთუ მე, უცები და უგუ\ნური,
Line of ed.: 6     მყავ ჭურ სავსე მეცნიერების და სიბრძნის. განმრავლდა ჩემ ზედა მადლი
Line of ed.: 7     შენი და აღავსო შიმშილი ჩემი და წყურილისა ჩემისაგან განმისუენა მე და განა\ნათლა
Line of ed.: 8     დაბნელებული გონებაჲ ჩემი; შეკრიბნა შეცთომილნი გულის-სიტყუანი
Line of ed.: 9     ჩემნი და აღავსნა წიაღნი ჩემნი ყოვლითა სიმდიდრითა და კეთილითა.

Line of ed.: 10        და აწ Ms. page: A_62v  თაყუანის-გცემ და გლოცავ, შეგივრდები და გევედრები და აღ\გიარებ
Line of ed.: 11     ჩემსა მას უძლურებასა, შენსა მაგას მრავალსა კაცთ-მოყუარებასა, განმისუე\ნე
Line of ed.: 12     მე ღელვათაგან მადლისა შენისათა, მომმადლენ მე პატიოსანნი იგი მარგალიტ\ნი
Line of ed.: 13     და დამიმარხენ იგინი საფასეთა შინა შენთა და მერმე უკუმომცენ იგინი დღე\სა
Line of ed.: 14     მას დიდსა. აწ ნუ განჰრისხნები ჩემ ზედა, კაცთ-მოყუარეო, ნუუკუე ვერ
Line of ed.: 15     დაუთმო სიმძაფრეთა მათ ღელვისა შენისათა. ამისთჳს გევედრები შენ კადნიერად,
Line of ed.: 16     რამეთუ უფროჲს ზომისა ჩემ ზედა განმრავლდა, რამეთუ ენაჲ ჩემი მოუძლურდა
Line of ed.: 17     და ვერ მისწუდა გამოუთქუმელსა, და გონებაჲცა ჩემი განჰკრთა, რამეთუ ვერ
Line of ed.: 18     იტჳრთნა სიმრავლენი იგი ღელვა\\თა Ms. page: A_63r  მისთანი.

Line of ed.: 19        ხატ და ნათელ კურთხეულისა მამისაო, განმისუენე მე ღელვათაგან მისთა,
Line of ed.: 20     რამეთუ, ვითარცა ცეცხლი, შესწუავს თირკუმელთა ჩემთა, და მერმე მუნ მომეც
Line of ed.: 21     მე იგი, მაცხოვნე მე სასუფეველსა შენსა და ნუ მოიჴსენებ უშჯულოებათა ჩემთა,
Line of ed.: 22     და რამეთუ ვიკადრებ მე თხოვად შენგან, მომეც მე თხოვაჲ ჩემი და ყავ სადგუ\რი
Line of ed.: 23     ჩემ თანა კურთხეულითურთ მამით შენით დღესა მას გამოცხადებისა შენისასა.
Line of ed.: 24     მომმადლე მე, ქრისტე, ვედრებაჲ ჩემი, რამეთუ შენ მხოლოჲ ხარ მომცემელი
Line of ed.: 25     ცხორებისაჲ. დაფარენ უშჯულოებანი ჩემნი ყოველთაგან მეცნიერთა ჩემთა და
Line of ed.: 26     შეიწირენ ცრემლნი ჩემნი, და მიგეახლენ შენ ტირილი ჩემი. მოიჴსენენ ცრემლ\ნი
Line of ed.: 27     ჩემნი, ვითარ-იგი Ms. page: A_63v  ვცრემლოოდე წინაშე წმიდათა მარტჳლთა შენთა,
Line of ed.: 28     რაჲთა შევიწყალო მე ჟამსა მას ძწოლისასა და რაჲთა დავეფარო ფრთეთა ქუეშე
Line of ed.: 29     მადლისა შენისათა.

Line of ed.: 30        უკუეთუ გინდეს ყოფად ჩემდა უშჯულოებათა ჩემთაებრ, ვაჲ მე, უბადოსა
Line of ed.: 31     ამას, რაჲ შემემთხჳოს. კაცთ-მოყუარეო და სახიერო, ლეგეონმან თჳნიერ
Line of ed.: 32     ცრემლთა გამოითხოვა კოლტი იგი ღორთაჲ, და მიეც მას, ხოლო მე ცრემლით
Page of ed.: 48   Line of ed.: 1     და სულ-თქუმით ვევედრები კაცთ-მოყუარებასა შენსა, მიჴსენ მე უშჯულოებათა
Line of ed.: 2     ჩემთაგან და მომმადლე მე სასუფეველი შენი და გამოაჩინე ჩემ ზედა მიუწიფებელი
Line of ed.: 3     შენი კაცთ-მოყუარებაჲ, მყავ მე თანა-მკჳდრ ავაზაკისა მის, რომელ-იგი ერთითა
Line of ed.: 4     სიტყჳთა მკჳდრ იქმნა სამოთხისა, რომელ-იგი Ms. page: A_64r  სრულთა მათ მართალთა
Line of ed.: 5     შენთა აღუთქუ. მუნ მე შემიყვანე შენითა სახიერებითა, და დავემალო მე შორის
Line of ed.: 6     ხეთა მათ მისთა და ვიხილო ადგილი იგი, სადა-იგი ადამ დაემალა დიდებითა და
Line of ed.: 7     მხიარულებითა, სადა-იგი არქუ მას: ადამ, სადა ხარ, რაჲთა თაყუანის-ცემაჲ და
Line of ed.: 8     დიდებაჲ შევწირო. რამეთუ შენ ისმინენ ლოცვანი ჩემნი და უშჯულოებანი არა
Line of ed.: 9     იხილენ.

Page of ed.: 5  
Line of ed.: 1        აწ დასხენ, უფალო, ცრემლნი ჩემნი წინაშე შენსა, ვითარცა აღმითქუ შენ,
Line of ed.: 1     რაჲთა გარე-მიიქცეს მტერი ჩემი ჩემგან, შეშინდეს და შეძრწუნდეს, მიხილოს მე
Line of ed.: 2     ოდეს ადგილსა მას, რომელ განმიმზადეს წყალობათა შენთა, რამეთუ ჰგონებდა
Line of ed.: 3     იგი ხილვასა ჩემსა ადგილსა მას ბნელისასა. შეშინდეს და შეძრწუნდეს, რამეთუ
Line of ed.: 4     ნებაჲ მისი არა იქმნა, არცაღა გულის-თქუმაჲ მისი Ms. page: A_64v  შეგინებული აღესრულოს.

Line of ed.: 5        ჰე სახიერო, ჰე კაცთ-მოყუარეო, ჰე მხოლოო შეუცოდებელო, ჰე უჴრწნე\ლო
Line of ed.: 6     და შეუგინებელო, მოავლინე ჩემ ზედა მიუწდომელი იგი შენი კაცთ-მოყუარებაჲ
Line of ed.: 7     და მომეც მე, რაჲთა მე და ყოველთა რომელთა შეგიყუარეს შენ, მკჳდრ ვიყუნეთ
Line of ed.: 8     სასუფეველსა შენსა და ვიხილოთ დიდებაჲ შენი და თაყუანის-ვსცეთ სახიერებასა
Line of ed.: 9     შენსა და ვთქუათ ერთბამად, ოდეს ღირს ვიქმნეთ ხილვად განუძღომელსა მას
Line of ed.: 10     კეთილისა შენისასა: დიდებაჲ მამასა, რომელმან შეგუქმნნა ჩუენ, დიდებაჲ ძესა,
Line of ed.: 11     რომელმან გუაცხოვნნა ჩუენ, დიდებაჲ წმიდასა სულსა, რომელმან განგუაახლნა
Line of ed.: 12     ჩუენ აღსასრულადმდე ჟამთა უკუნითი უკუნისამდე. ამენ.



Next part


This text is part of the TITUS edition of Ephraem Syrus, Homilies.

Copyright TITUS Project, Frankfurt a/M, 26.11.2015. No parts of this document may be republished in any form without prior permission by the copyright holder.