მივიქეც მე და ვიხილე ყოვლისა \ შინა ცილის-წამებისა. ქმნილისა მზესა \ ქუეშე. და აჰა ცრემლნი ცილის-დამწა\მებელთანი. \ და არა არს ნუგეშინის\მცემელი \ მათი. და ჴელისა-გან ცილის-\მწამებელთა \ მათთაჲსა ძალი. და [არა] \ არს ნუგეშინის-მცემელი მათი:.
და ვაქენ მე თანად მკუდარნი \ აჰა ეგერა მომკუდარნი. უფროჲს ცოც\ხალთასა. \ რაჲოდენნი იგი ცოცხალ \ არიან ვ̃ე აქამომდე:.
და კეთილ უფროჲს ორთავე \ ამათსა რ̃ი არცაღა იქმნა. რ̃ნ არცა \ იხილა ქმნილისა თ̃ა ბოროტისა ქმნი\ლი \ მზესა ქუეშე:.
და ვიხილე მე ყოვლისა თანა \ შრომისა და ყოვლისა თანა სიმჴნისა \ ნაქმართაჲსა ვ̃დ თჳთ შური კაცისა მო\ყუსისა-გან \ თჳსისა. და ესეცა ამაო და \ აღრჩევა სულისა:.
უგუნურმან გარემოსხნა ჴელნი \ თჳსნი და შეჭამნა ჴორცნი თჳსნი:.
კეთილ არს სავსებაჲ მჭელითა \ განსუენებით. უფროჲს სავსებასა ორ\თავე \ მჭელთა შრომითა და აღრჩევითა \ სულისაჲთა:.
და მივიქეც მე და ვიხილე ამაო\ებაჲ \ მზესა ქუეშე.
არს ერთი და არა არს მეორე. \ და ძე და ძმაჲ არა არს მისსა. და არა \ არს დასრულებაჲ ყოველთა შრომათა \ მისთაჲ. და თუალი მისი არა განძღე\ბის \ სიმდიდრითა. და რაჲსათჳს ვშუ\რები \ მე და დავაკლებ სულსა ჩემსა \ კეთილყოფისა-გან. და ესეცა ამაოებაჲ \ და მიმოტაცებაჲ არს ბოროტი:.
უმჯობეს არიან ორნი უფროჲს \ ერთისა. რომელთაჲ არს სასყიდელი \ კეთილი შრომასა შინა მათსა.
რ̃ უკუეთუ დაეცეს ერთი. აღად\გინოს \ მოყუასმან მისმან. და ვაჲ ერ\თისა \ მის. რ̃ჟს დაეცეს. და არა იყოს \ მეორე აღმადგინებელ მისსა:.
და უკუეთუ დაწვენ ორნი. გატ\ფენცა \ იგინი. და ერთი ვ̃რ განტფეს:.
და უკუეთუ განმძლავრდეს ერ\თი. \ ორნი წინააღუდგენ მას. და საბე\ლი \ სამკეცი არა მყის განწყდის:.
კეთილ არს ყრმაჲ გლახაკი და \ ბრძენი უფროჲს მეფისა მოხუცებუ\ლისა \ და უგუნურისა. რომელმან ვერ \ ცნა მიხედვად მერმეცა.
ვ̃დ სახლისა-გან კრულთაჲსა \ გამოვალს მეფე. ვ̃დ მეფობასა მისსა \ შინა იქმნა გლახაკ:.
ვიხილენ ყოველნი ცოცხალნი \ მავალნი მზესა ქუეშე ჭაბუკისა თანა \ მეორისა. რ̃ი აღდგეს ნაცვალად მისსა.
არა არს დასასრული ყოვლისა \ ერისა. ყოველთაჲ რაჲოდენი იქმნეს \ წინაშე მათსა და უკუანაჲსკნელნი არა \ იხარებდენ მისდამი. რამეთუ ესეცა ამაო \ და აღრჩევა სულისა:.
დაიცევ ფერჴი შენი რომელსაცა \ შინა ხჳდოდი სახლსა ღმრთისასა. და \ მიეახლე სმენასა და უფროჲს საცემე\ლისა \ უგუნურთაჲსა მსხუერპლი შენი. \ რ̃ არა მეცნიერ არიან ქმნასა კეთილსასა:.
