TITUS
Flavius Iosephus, Antiquitates Iudaicae I-II
Part No. 7
Previous part

Section: 7  
Line: 1   თ. 7


Paragraph: 1  
Line: 31        1) და ავრამოს უკუე ლოტ, არანის, ძმისა თჳსისა ძე, ხოლო ცოლისა
Line: 32     მისისა, სარრაჲს, ძმაჲ, შვილად მიიყვანა, უღონომან საკუთრისა შვილისაგან
Line: 33     და დაუტევა ხალდეას, სამეოცდაათთა და ხუთთა წელთა ქმნილმან, უბრძანა
Line: 34     რაჲ ღმერთმან ხანანიად გარდასლვაჲ, რომელსა შინა დაემკჳდრა და მისგან
Line: 35     შობილთა დაუტევა, მყოფმან გონიერად გულისჴმის-ყოფისათჳს ყოველთაჲსა,
Line: 36     დამარწმუნებელი მსმენელთათჳს და რომელთა მეჭუელობდეს, არა განცრუ\ვებული,
Line: 37     ამისთჳსცა და გონიერებასა სათნოებასა თანა უმეტეს ყოველთა მოქ\მედმან
Line: 38     Page of ms.: 8v  და ღმრთისათჳს დიდებასა, რომელ ყოველთა შეემთხუეოდა, განახ\ლებაჲ
Line: 39     და გარდაცვალებაჲ ცნა. პირველად ამან შეჰკადრა ღმრთისა ერთისა
Line: 40     თქუმაჲ შემოქმედად ყოველთა, ხოლო სხუათაგანი, დადაცათუ კეთილბედნიე\რობისა
Line: 41     მიმართ მმარჯუეობს, ამისისა ბრძანებისაგან მინიჭებაჲ თითოეუ\ლისა
Line: 42     და არა თჳსისა ძალისაგან. ხოლო მეჭუელობდა ამათ ქუეყანისა და ზღჳსა
Page: I-107   Line: 1     ვნებათაგან და მზისა მიერთა და მთოვარისათა და ყოველთა ზეცისა შინათაჲსა
Line: 2     შემთხუეულთაგან: რამეთუ რომლისა ყოფასა განგებად მათ მიერსა წესიერე\ბასა,
Line: 3     ხოლო ამისგან დაკლებულთა ცხად-ქმნასა, არცა რაოდენნი საჴმარებისა
Line: 4     მიმართ თანაშემწე ჩუენდა ჴელმწიფებისა მათისაებრ, არამედ რომლისაგან
Line: 5     მბრძანებელისა მოქმედებად, რომლისა მხოლოჲსა მიმართ კეთილად აქუნდა
Line: 6     პატივისა და მადლობისა შეწირვად. რომელთა ძლით ხალდეველთა და სხუათა
Line: 7     შუამდინარელთა განდგომილობასა მისა მიმართ, გარდამკჳდრებად მეცადინსა
Line: 8     ნებისაებრ და შეწევნისა ღმრთისა ხანანაჲსა აქუნდა ქუეყანაჲ. ხოლო მუნ
Line: 9     დამკჳდრებულმან, ბომონი აღაშენა და მსხუერპლი შეწირა ღმრთისა.

Paragraph: 2  
Line: 10        2) მოიჴსენებს უკუე მამისა ჩუენისა ავრაჰამოჲსთჳს ვიროსოს, არა სახე\ლისმდებელი,
Line: 11     ხოლო მეტყუელი ესრეთ: "შემდგომად წყლითრღუნისა მეათესა
Line: 12     ნათესავსა შინა ხალდეველთა შორის იყო ვინმე, მართალი მამაკაცი და დიდი
Line: 13     და ზეცისათა მეცნიერი". ხოლო ეკატეოს და მოჴსენებისაცა უმეტესისა რაჲვე
Line: 14     ქმნა, რამეთუ წიგნი, შემაწყობელმან, დაუტევა მისთჳს. და ნიკოლაოს დამას\კინელი
Line: 15     მეოთხესა შინა მოთხრობათასა იტყჳს ესრეთ. "ავრამოს განმეფნა
Line: 16     დამასკოჲსა, უცხოჲთ მოსრული მჴედრობისათა ქუეყანისაგან ზენა კერძო
Line: 17     ვავულონისა მყოფისა, ხალდეად სახელდებულსა. ხოლო შემდგომად არა მრავ\ლისა
Line: 18     ჟამისა წარსრული და ამისცა სოფლისაგან თჳსისა ერისათა, მაშინ ვიდ\რემე
Line: 19     ხანანეად სახელდებულსა, ხოლო აწ -- იუდეად, გარდაემკჳდრა. და მის
Line: 20     მიერ განმრავლებულნი, რომლისათჳს სხუასა სიტყუასა შინა ვთქუნე მოთხრო\ბანი.
Line: 21     ხოლო ავრამოჲს სახელი მერმეცა დამასკოს შინა იდიდების და დაბაჲ
Line: 22     მის ამიერ იჩუენებვის, ავრამოჲს სამკჳდრებელად სახელდებული".



Next part


This text is part of the TITUS edition of Flavius Iosephus, Antiquitates Iudaicae I-II.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.