TITUS
Flavius Iosephus, Antiquitates Iudaicae I-II
Part No. 87
Previous part

Chapter: 7  
Page: I-332  
Line: 1   ესენი არიან მეშჳდესა შინა იოსიპოჲს მოთხრობათასა
Line: 2   იუდაებრივისა სიტყუადასაბამობისასა


Line: 3        1) ვითარმედ დავიდის ვიდრემე ერთისა ნათვისაგან მეფე იქმნა ქევ\რონს
Line: 4     ქალაქსა შინა, ხოლო სხჳსა სიმრავლისა -- საულოჲს ყრმაჲ.

Line: 5        2) ვითარმედ ესე რაჲ მოიკლა გაზრახვითა მოყუარეთაჲთა, ყოველი მე\ფობაჲ
Line: 6     დავიდის მიითუალა.

Line: 7        3) ვითარმედ მბრძოლმან იეროსოლჳმთამან დავიდის და მიმღებელმან
Line: 8     ქალაქისამან, განასხნა ვიდრემე მისგან ხანანელნი, ხოლო დაამკჳდრნა მუნ ში\ნა
Line: 9     იუდელნი.

Line: 10        4) ვითარმედ ორგზის აღმჴედრებულნი მის ზედა პალესტინელნი იერო\სოლჳმად
Line: 11     იძლივნეს.

Line: 12        5) ქმნილი დირომოჲს მიმართ, ტჳრელთა მეფისა, და დავიდის
Line: 13     სიყუარ/ული.

Line: 14        6) ვითარმედ გარემოჲსთა ნათესავთა ზედა აღმჴერებულმან დავიდის
Line: 15     და მპყრობელმან, ხარკთა მიცემაჲ უბრძანა მისდა.

Line: 16        7) ქმნული Page of ms.: 113r  მიმართ დავიდის ბრძოლაჲ და ძლევაჲ.

Line: 17        8) ვითარმედ შუვამდინარელთა ზედა აღმჴედრებულმან სძლო მათ.

Line: 18        9) ვითარმედ სახლის შინანი რაჲ მისნი აღდგეს მის ზედა, ყრმისა მიერ
Line: 19     განიჴადა მთავრობისაგან წიაღ იორდანედ.

Line: 20        10) ვითარმედ აღმჴედრებული ავესალომოს მამასა თჳსსა დავიდის, წარ\წყმდა
Line: 21     მჴედრობისა თანა.

Line: 22        11) ვითარმედ კუალად მეფობასა ზედა დადგა და ცხოვნებულმან, კეთილ-ბედნიერად მერმეცა მყოფმან, სოლომონ, ძე თჳსი, მეფედ განაჩინა.

Line: 23        12) აღსრულებაჲ დავიდისი, დამტევებელი ყრმისადა მრავალსა ნივთსა
Line: 24     ვეცხლისა და ოქროჲსასა და ქვისასა აღშენებისათჳს ტაძრისა.

Line: 25        მოაქუს წიგნსა ჟამი წელთა ორმეოცთაჲ.

Line: 26        იოსიპოჲს სიტყუაჲ მეშჳდე.



Section: 1  
Line: 1   თ. 1


Paragraph: 1  
Line: 27        1) ხოლო შეემთხჳა ამის ბრძოლისა ქმნაჲ დღესა მას. რომელსა დავიდი\სცა,
Line: 28     ამალიკიტთა მძლეველი, სეკელლად უკუნ-იქცა. ხოლო აწვე, ორნი დღენი
Line: 29     რაჲ აქუნდეს სეკელლას შინა, მესამესა მოიწია ცხოვნებული ბრძოლისაგან
Line: 30     პალესტინელთა მიმართისა, საულოჲს მომაკუდინებელი, გარემომხეთქელი
Line: 31     სამოსლისაჲ. და თავსა ზედა ნაცარსა დამსხმელი და თაყუანისმცემელი მისი,
Line: 32     მკითხველსა, სადაჲთ მოვალს ესევითარი, ისრაილიტთა ბრძოლისაგან, ეტყო\და,
Line: 33     ხოლო უბედო-ქმნასა დასასრულისა მისისასა, ესე იგი არს ბრძოლისასა,
Page: I-333   Line: 1     აუწყებდა, ვინაჲთგან მრავალნი მოისრნეს ბევრეულნი ევრაელთაგან, ხოლო
Line: 2     დაეცა და მეფეცა მათი საულოს შვილთა თანა. და ამათსა დამტკიცებასა იტ\ყოდა
Line: 3     თჳთ თანადამთხუეული ძლევასა ევრაელთასა და მეფეესსა თანა მლტოლ\ველსა
Line: 4     მყოფი, რომელსა მოკუდინებად, ვედრებული, თჳთ აღიარებდა, გულ\ვებადსა
Line: 5     მბრძოლთა მიერ პყრობად, რამეთუ იგი მახჳლსა ზედდაცემული,
Line: 6     გარდამატებულებისათჳს წყლულებათაჲსა, უძლურ იყო მოკუდინებად თავ\სა
Line: 7     თჳსსა. და სასწაულთა მოკუდინებისათა აჩუენებდა თანად ოქროსა, მკლავ\თა
Line: 8     ზედა მეფისათა მყოფსა და გჳრგჳნსა, რომელთაცა, განმზარცუელმან საუ\ლოს
Line: 9     მკუდრისაგან, მიართუნა მას. ხოლო დავიდის, არღა მერმეცა ურწმუნოდ
Line: 10     მქონებელმან, ვითარმედ ცხადთა სასწაულთა საულოს სიკუდილისათა მხილ\ველმან,
Line: 11     დაიპო ვიდრემე სამოსელი, ხოლო დაადგრა მოყუარეთა თანა მტი\რალი
Line: 12     და მგლოველი ყოველსა დღესა. ხოლო მწუხარებაჲ უძჳნვარესი ქმნა
Line: 13     მისდა საულომს ყრმამან იონათის, სარწმუნოდ მოყუარედ მყოფმან მისდა და
Line: 14     ცხორებისა მიზეზქმნილმან. ხოლო ესოდენი აჩუენა სათნოებაჲ და საულოჲს
Line: 15     მიმართ სიყუარული, ვიდრე არა მხოლოდ მკუდართა ზედა მწარედ გლოვი\თა,
Line: 16     მრავალგზის მის მიერ დაჭირვებულმან მიღებად ცხორებასა, არამედ
Line: 17     მომაკუდინებელისაცა ტანჯვითა, რამეთუ თქუა მისა მიმართ, ვითარმედ "თჳთ
Line: 18     იქმენ შემასმენელი თავისა, მომაკუდენებლი მეფისაჲ". და ისწავა რაჲ ვი\თარმედ
Line: 19     არს მამისა ამალიკიტისაჲ ნათესვით, ბრძანა წარწყმედაჲ მისი. ხო\ლო
Line: 20     დაწერნა გოდებანიცა და საფლავსა ზედანიცა ქებანი საულოჲს და იონა\თისნი,
Line: 21     რომელნი ვიდრე და ჩემდადმდე დადგრომილ არიან.

Paragraph: 2  
Line: 22        2) ხოლო ვინაჲთგან ამით Page of ms.: 113v  პატივ-სცა მეფესა, დაცხრომილმან გლოვი\საგან
Line: 23     ჰკითხა ღმერთსა წინაწარმეტყუელისა მიერ, რომელსა მისცემს მას
Line: 24     ქალაქსა დამკჳდრებად. ხოლო მან იუდაჲს ნათესვისად წოდებულისაგან ჰრქუა
Line: 25     მიცემაჲ მისდა, ქევრონსა. და დამტევებელი სეკელლაჲსაჲ, მიიწია მისა მიმართ
Line: 26     ცოლთა მიმყვანებელი და მის თანათა აღჭურვილთაჲ. და მისრულმან მისა მი\მართ,
Line: 27     ყოველმან ერმან წინათქუმულისა ნათესვისამან მეფედ განაჩინა იგი. ხო\ლო
Line: 28     ვითარ ესმა, ვითარმედ საულოს და ძენი მისნი დაჰფლნეს იავისოს შინა
Line: 29     ღალაატიდოჲს დამკჳდრებულთა, წარავლინნა მათდა მიმართ, მაქებელმან და
Line: 30     მმადლობელმან საქმისა მათისამან და მადლსა მიცემად ნაცვალად მკუდართა
Line: 31     მიმართისა მოსწრაფებისთჳს აღუთქუმიდა. და თანად აუწყა მათ, ვითარმედ
Line: 32     იუდაჲს ნათესავმან ჴელდასხმულ-ყო იგი მეფედ.

Paragraph: 3  
Line: 33        3) ხოლო საულოჲს ვიდრემე მჴედართმყვანებელმან ავენნიროს, ნი\როჲს
Line: 34     ყრმამან, მამაკაცმან ბრძენმან და კეთილმან ბუნებით, ვითარ ცნა და\ცემაჲ
Line: 35     მეფისაჲ და იონათისი და ორთა სხუათა ყრმათა მისთაჲ, მოსწრაფე\მან
Line: 36     ბანაკისა მიმართ და დაშთომილისა ძისა მისისა აღმტაცებელმან, ხოლო
Line: 37     იევოსიოდ იწოდებოდა, განიყვანა წიაღ იორდანისა მყოფთა მიმართ და ყოვ\ლისა
Line: 38     სიმრავლისა მეფედ განაჩინა, გარეშე იუდაჲს ნათევისა, ხოლო სამე\ფოჲ
Line: 39     იქმნა მისდა მსოფლიოჲსა ვიდრემე ენისაებრ მანალი, ხოლო ელლინ\თა
Line: 40     ენისაებრ ბანაკად სახელდებული. და მიიმართა მიერ ავენიროს მჴედრო\ბისა
Line: 41     თანა რჩეულისა, მნებებელმან ბრძოლად იუდაჲს ნათესვისამან მიერ
Line: 42     მყოფთა მიმართ, რამეთუ განრისხებულ იყო მათდა, ვითარ ჴელთდამსხმელ\თათჳს
Page: I-334   Line: 1     დავიდისთა მეფედ. ხოლო შეემთხჳა მას დავიდის მიერ წარვლინებუ\ლი
Line: 2     სარუიაჲს ვიდრემე ყრმაჲ, ხოლო მამისა სჳრისაჲ, დისა უკუე მისისგან
Line: 3     ქმნილი მისდა, იოავოს, მთავარ მჴედართმყუანებელად მისდა მყოფი, ძმათა
Line: 4     თანა მისთა ავესსეოს და ასაილოსს და ყოველთა თანა აღჭურვილთა დავითი\სთა.
Line: 5     და შემთხუეული წყაროსა რომელთამე ზედა ღავაონთა ქალაქსა შინა, გა\ნეწყო
Line: 6     ბრძოლისა მიმართ. ხოლო ავენნიროს თქუა მისა მიმართ, სწავლად მნე\ბებელმან,
Line: 7     რომელსა მათგან უმჴნესნი მჴედარნი აქუან. და სათნო- უჩნდა მრჩო\ბლთავე
Line: 8     ორთა და ათთა მბრძოლთა ბრძოლაჲ. და მისრულნი უკუე საშუ\ვალ
Line: 9     განწყობილთა ბრძოლისა მიმართ გამორჩეულნი ორთავე მჴედართმყვა\ნებელთაგან,
Line: 10     განუტევებდეს ხეშტთა ურთიერთარსთა მიმართ. და შემდგომად
Line: 11     მიიხუნეს დაშნანი და მპყრობელნი თავთანი და მქონებელნი მათნი, სწყლვი\დეს
Line: 12     მახჳლითა ურთიერთას გუერდთა და მუცელსა, ვიდრემდის ყოველნი, ვი\თარ
Line: 13     აღთქუმასა დამდებელნი, წარწყმდეს. ხოლო დაეცნეს რაჲ ესენი, შებმა\უყო
Line: 14     და ნეშტმანცა მჴედრობამან. და ძლიერი რაჲ ბრძოლაჲ იქმნა, იძლინეს
Line: 15     ავენნიროჲსნი. და მიდრეკილთა არა უტევებდა მდევნელი იავოს, არამედ
Line: 16     თჳთ იგი ზედმდებარე იყო, განმამჴნობელი აღჭურვილთაჲ შედგომად კუალ\სა
Line: 17     მათსა და არაა დაშრომად მოსრვისაგან. და ძმანი მისნი გულსმოდგინებით
Line: 18     ჰბრძოდეს. და უმეტეს სხუათასა უფროჲსღა უჭაბუკესი ასალოს, ვინაჲთ\გან
Line: 19     ფერჴთა სიმალითა დიდებაჲ აქუნდა, რამეთუ არა კაცტა სძლევდა მხო\ლოდ,
Line: 20     არამედ და Page of ms.: 114r  ცხენთაცა თანამდგომარისასა იტყჳან თანაწარსრბოლვასა.
Line: 21     და ავენიროსს სდევნიდა სიმალისაგან და მართლიად სრბისა, არცა ერთისა
Line: 22     კერძოთაგანისა მიმართ მიდრეკილი. ხოლო ავენნიროს, უკუნქცეული, მეცა\დინობდა
Line: 23     დაყენებასა მისსა სრბისაგან. და ოდესმე ეტყოდა, რაჲტა დამტე\ვებელმან
Line: 24     დევნისა მისისამან, ერთსა მჴედართა მისთაგან მისძარცოს საჭურ\ველი.
Line: 25     ხოლო კუალად ვითარ არა ირწმუნებდა ამისსა ქმნასა, განმაზრახებელი\საგან
Line: 26     პყრობად თავსა თჳსსა და არა დევნად, ნუსადა მომაკუდინებელმან
Line: 27     მისმან წარწყმიდოს ძმისა მისისა მიმართ კადნიერებაჲ, ხოლო არა შემწყნა\რებელსა
Line: 28     სიტყუათასა, არამედ ზედდადგრომილსა დევნისასა, მლტოლველმან,
Line: 29     ვითარ აქუნდა ჰოროლ, უკუანა კერძო მწყლველმან ძლიერად, მეყუსეულად
Line: 30     მოაკუდინა. ხოლო მის თანა მდევნელნი ავენნიროჲსნი, ვითარ მოვიდეს ად\გილსა
Line: 31     ზედა, სადა მდებარე იყო ასაილოს, გარემოდგომილნი მკუდრისანი
Line: 32     არღა მერმეცა სდევნიდეს მბრძოლთა. ხოლო იოავოს და ძმაჲ მისი ავესსე\ოს,
Line: 33     წარმსრბოლველნი სხეულისანი დაუმრავლესისა ავენნიროჲს მიმართ
Line: 34     მოსწრაფებისა მიზეზსა რისხვასა აღსრულებულისა ძლით მიმღებელნი,
Line: 35     ურწმუნოჲსა სიმალისა და გულსმოდგინებისა მჴუმეველნი ვიდრე ადგი\ლადმდე,
Line: 36     რომელსა მატოდ უწოდიან, სდევნიდეს ავენნიროსს აწღა დასლვად
Line: 37     მისლვასა მზისასა. ხოლო აღსრული ბორცუსა რომელსამე, რომელ არს მას
Line: 38     ადგილსა ზედა ვენიამიტიდოჲს ნათესავთა თანა, უმზირდა მათდა თანად ავენ\ნიროსს.
Line: 39     ხოლო მან ჴმა-ყო და თქუა: "არა ჯერ-არს მამაკაცთა ერთნათესავთაჲ
Line: 40     ბრძოლისა მიმართ და ღუაწლისა მიწოდებაჲ, რამეთუ ცოდა და ძმამანცა მის\მან
Line: 41     ასაილოს, რომელმან, მვედრებელისაჲ არა დევნად, არა ირწმუნა და ამის\თჳს
Line: 42     წყლული მოკუდა". ხოლო იოავოს, თანდადებულმან და ნუგეშინისცე\მად
Line: 43     შემრაცხელმან სიტყუათა მისთამან, უკუნ-უწოდა მჴედართა, ნესტჳთა მა\უწყებელმან
Line: 44     და დევნისაგან დააყენნა. და ამას ვიდრემე ადგილსა ზედა დაიბა\ნაკა
Line: 45     ღამესა მას, ხოლო ავენნიროს, ყოველსა მას ღამესა მავალი და განმწია\ღებელი
Page: I-335   Line: 1     იორდანოჲსა მდინარისაჲ, მიიწია საულოჲს ყრმისა მიმართ, იევეს\თოჲსა,
Line: 2     ბანაკად. და შემდგომსა უკუე დღესა, აღმრიცხუველმან მკუდართა,
Line: 3     იოავოს დაჰფლნა ყოველნი. ხოლო დაეცნეს ავენნიროჲს ვიდრემე მჴედრობა\თაგან
Line: 4     ვითარ სამას სამეოცნი, ხოლო დავიდისთაგან -- ათნი ცხრათა თანა და
Line: 5     ასაილოს, რომლისა სხეულსა მიმღებელნი მიერ იოავოს და ავესსეოს ვით\ლეიმად
Line: 6     და დამფლველნი მამულსა საფლავსა შინა, დავიდის მიმართ ქევრონად
Line: 7     მიიწინეს.

Line: 8        იქმნა ვიდრემე უკუე მიერ ჟამითგან ევრაელთა ნათესვობითი ბრძოლაჲ
Line: 9     და დაადგრა ვიდრე მრავლადმდე. და დავიდის თანანი ვიდრემე მარადის უმჯო\ბეს
Line: 10     იქმნებოდეს და უზეშთაეს იყვნეს ბრძოლათა შინა, ხოლო საულოჲს
Line: 11     ყრმანი და მორჩილნი მათნი კნინღა დღე ყოველ შემცირდებოდეს.

Paragraph: 4  
Line: 12        4) და ამას უკუე ჟასა შინა იქმნეს დავიდის ყრმანიცა რიცხჳთ ექუს\ნი
Line: 13     ესეოდენთავე ცოლთაგან, რომელთაგან პირმშოჲ ვიდრემე, დედისა აქინა\ჲსგან
Line: 14     ქმნილი, ამნონ იწოდებოდა. ხოლო მეორე. ცოლისა ავიგეაჲსგან, და\ნიილოს.
Line: 15     და მესამისა უკუე, მახამისაგან შობილისა, თოლმეოჲს ასულისაგან,
Line: 16     გესირონთა მეფისა, Page of ms.: 114v  იყო სახელი. და მეოთხესა უკუე, ცო\ლისა
Line: 17     ანგითისაგან, ადონიად სახელ-სდვა, ხოლო მეხუთესა, ავიტალისაგან --
Line: 18     საფატიად. და მეექუსესა, ეღლაჲსგან, იეთრონად სახელ-სდვა.

Line: 19        და ნათესვობითი ბრძოლაჲ შედგომილ იყო. და შეემთხუეოდეს საქმენი
Line: 20     და ბრძოლანი ორთავე მეფეთა. ხოლო ავენნიროს, საულოჲს ყრმისა მჴე\დართმყვანებელი,
Line: 21     გონიერ იყო და ფრიად კეთილგონებად მქონებელ იყო
Line: 22     სიმრავლესა და ყოველთა შეჰმზადებდა თანადადგრომად იევოსთოჲსა და
Line: 23     დადგრომილ იყვნეს კმასაყოფელსა ჟამსა მისთჳსთა მნებებელნი. ხოლო უკუ\ანაჲსკნელ,
Line: 24     ბრალსა შთავრდომილმან ავენნიროს და მიზეზსა მიმღებელმან,
Line: 25     რამეთუ თანა-ეყო საულოჲს ხარჭსა, რესფას ვიდრემე სახელით, ხოლო სივა\ტოჲს
Line: 26     ასულსა, დაყუედრებულმან იევოსთოჲს მიერ, ტკივნეულმან და განრის\ხებულმან,
Line: 27     ვითარმედ არა ჯეროვანთა მის მიერ შეემთხუევის ყოვლისა მო\ურნეობისა
Line: 28     მისა მიმართ მჴუმეველი, აქადა ვიდრემე მეფობასა დავიდისთჳს
Line: 29     დადგინებად, ხოლო ჩინებად, ვითარმედ არა თჳსისა ძალისა მიერ და გონიე\რებისა
Line: 30     ჰმთავრობს წიაღ იორდანოჲსა მყოფთა, არმედ მჴედართმყვანებლო\ბისა
Line: 31     მისისაგან და სარწმუნოებისა. და წარმავლინებელი დავიდის მიმართ
Line: 32     ქევრონად, მიღებასა ფიცთასა და სიმტკიცესა ევედრებოდა და აქუნდეს იგი
Line: 33     მოყუარედ და საყუარლად, მარწმუნებელი ერისაჲ საულოჲს ვიდრემე ყრმი\საგან,
Line: 34     ხოლო მისი აღმაჩენელი მეფედ ყოვლისა სოფლისა. ხოლო დავიდის
Line: 35     ქმნნა ფიცნი, რამეთუ განიხარა მათ ზედა, რომელთათჳს ევედრა ავენნიროს.
Line: 36     და პირველსა სასწაულსა აღთქუმათასა მინიჭებად მისდა აღირსებდა, რაჲთა
Line: 37     მიიყვანოს მისა მიმართ ცოლი მისი მელხალი, დიდთა ჭირთაგან მოსყიდული
Line: 38     მის მიერ და პალესტინელთა თავთაგან ექუსასთა, რომელნი მის ძლით მიარ\თუნა
Line: 39     მამასა მისსა საულოსს. ხოლო მან წარავლინა მისა მიმართ, მიმტაცებელ\მან
Line: 40     ოფელტიოჲსაგან, მაშინ შეუღლებულისა მისდა. და ამის მიმართ იევოს\თოსცა
Line: 41     შეეწია, რამეთუ მიეწერა მისდა დავიდის ცოლისა უკუნქცევაჲ
Line: 42     მართ/ლიად.

Line: 43        ხოლო ავენნიროს, მომწოდებელმან მოხუცებულთამან სიმრავლისაგან და
Line: 44     წესთმთავართა და ათასთმთავართამან, სიტყუანი ყვნა მათდა მიმართ, შემძ\ლებელნი
Line: 45     მალიდ განყენებად ვიდრემე იევოსთოჲსგან, ხოლო დავიდის \თანდადებად.
Page: I-336   Line: 1     ოდესმე ამისგან განყენებად მნებებელი, აწ აწუევდა მიმართე\ბად,
Line: 2     სადაცა მნებებელ არიან, "და რამეთუ უწყი, ღმერთი სამმუილოჲს წი\ნაწარმეტყუელისა
Line: 3     მიერ ჴელთდამსხმელი დავიდის მეფედ ყოველთა ევრა\ელთა
Line: 4     და წინაწარმთქუმელად, ვითარმედ პალესტინელთაგან მან შურ-იგოს
Line: 5     და მძლეველმან ყვნეს იგინი ჴელისქუეშე". ამათნი მსმენელნი მოხუცებულ\ნი
Line: 6     და მთავარნი, ვითარ ავენნიროჲსცა ნებასა მიმღებელ იქმნეს, რომელი პირ\ველად
Line: 7     აქუნდა მათ საქმეთა შინა, ერთჴმად დავიდისთა ბრძნობად გარდაი\ცვალნეს.
Line: 8     ხოლო ირწმუნეს რაჲ ამათ, ავენნიროს მოუწოდა ვენიამიტიდოჲს
Line: 9     ნათესავსა, რამეთუ ამისგან მყოფნი ყოველნი იევოსთოჲს სხეულისმცველნი
Line: 10     იყვნეს. და ამათ ვიდრემე მათდა მიმართ მეტყუელი, ვინაჲთგან არა წინააღ\მდგომად
Line: 11     ხედვიდა მათ, არამედ თანდადებულთა, რომელთაცა მიმართ მნე\ბებელ
Line: 12     იყოს, მიმყვანებელი ვითარ ოცთა მოყუარეთაჲ, მივიდა იგი დავიდის
Line: 13     მიმართ Page of ms.: 115r  რამეთუ უსარწმუნოესად საგონებელ არიან სხჳსა
Line: 14     მიერ მოქმედებულთასა, რაოდენთა თავით თჳსით ვიქმთ თითოეულნი, და
Line: 15     ამას თანა მის მიერ სიტყუათა მთავართა მიმართ და ყოვლისა ნათესვისა მა\უწყებელი.
Line: 16     ხოლო ვინაჲთგან შეიწყნარა იგი სიყუარულით, ბრწყინვალითა
Line: 17     და მრავალ-წარსაგებელითა ტრაპეზითა ასერა მას მრავალთა დღეთა, ევედრა,
Line: 18     რაჲთა განტევებულმან მიიყვანოს მისდა სიმრავლე, რაჲთა მუნ მყოფსა და
Line: 19     მხედველსა მიათუალოს მთავრობაჲ.

Paragraph: 5  
Line: 20        5) ხოლო წარივლინა რაჲ დავიდისგან ავენნიროს, შემდგომად მცირედი\სა
Line: 21     მოვიდა გივრონად იოავოს, მჴედართმყვანებელი მისი. და ისწავა, ვითარ\მედ
Line: 22     იყო მუნ ავენნიროს და მცირედ უწინარეს წარვიდა. აღთქუმათა და აღ\საარებათა
Line: 23     მთავრობისათა მიმღებელი. და შეშინებულმან. ნუუკუე სადამე
Line: 24     ვიდრე პატივსა და პირველსა წესსა შინა ყოს თანაშემწედ მეფობისა ქმნადი
Line: 25     და სხუათაცა შინა მარჯუედ მყოფი განრჩევად საქმეთა და ჟამთა განხილვად,
Line: 26     ხოლო თჳთ შემცირდეს და მჴედართმყვანებლობისაგან დააკლდეს, მზაკუვარსა
Line: 27     და ბოროტსა გზასა წარვიდა. და პირველად ვიდრე ჴელ-ყო შესმენაჲ მისი მე\ფისა
Line: 28     მიმართ, დაცვად განმაზრახებელმან და არა რწმუნებად, რომელთა ავენ\ნიროს
Line: 29     აღუთქუამს, რამეთუ ამათ ყოველთა იქმს იგი თავისა მიერ თჳსისა
Line: 30     დამამტკიცებელი მთავრობისაჲ საულოჲს ყრმისათჳს და მაცთურებით და ზა\კუვით
Line: 31     მოსრული მისა მიმართ, წარსრულ არს აწ, ვითარ მნებებელ იყო სასოე\ბისა
Line: 32     თანა და განგებისა შემზადებულთაჲსა. ხოლო ვითარ არა ირწმუნებდა
Line: 33     ამათსა დავიდის და არცა განრისხებულად ხედვიდა, მიდრკა ამისგან სჳსა მი\მართ
Line: 34     უკადნიერესისა გზისა და, მსჯელმან ავენნიროჲს მოკუდინებისამან,
Line: 35     წარავლინნა მდევნელნი, რომელთაცა, წევნილთა, უბრძანა მიწოდებაჲ მისი
Line: 36     დავიდის სახლისა მიერ, ვითარმედ მნებებელ არს იგი თქუმად მისა მიმართ
Line: 37     რომელთამე საქმეთათჳს, რომელნი არა მოეჴსენნეს მუნ ყოფასა მისსა. ხოლო
Line: 38     ავენნიროსს ესე ვითარ ესმნეს მიმთხრობელთა მიერნი, რამეთუ ეწინეს მას
Line: 39     ადგილსა რომელსამე, ვისსირად წოდებულსა, განშორებულსა გივრონისაგან
Line: 40     სტადიონითა ოცითა, არარას მეჭუელი შემთხუევადთათჳს, უკუნ-იქცა. ხოლო
Line: 41     მიეგება მას ბჭესა თანა იოავოს და შეიწყნარა, ვითარ ფრიად კეთილგონება\მან
Line: 42     და მოყუარემან, რამეთუ იჩემებენ ფრიად მრავალგზის ჭეშმარიტად კე\თილთა
Line: 43     საქმეთა უშუერთა ჴელმყოფელნი უეჭუელობისათჳს მზაკუვარებისა.
Line: 44     განაყენა ვიდრემე იგი თჳსთაგან, ვითარ საიდუმლოდ სიტყჳსმყოფელმან და
Page: I-337   Line: 1     მიმყვანებელმან მიფარულსარე კერძოსა ბჭისასა, თჳთ მხოლოდ მყოფმან
Line: 2     ავესსეოჲს თანა, ძმისა, აღმომწუდელმან მახჳლისამან, სცა ქუეშე გუერდსა.
Line: 3     და აღსრულდა ვიდრემე ავენნიროს ამით სახითა, მონადირებული იოავოჲს
Line: 4     მიერ, ვითარ იგი ვიდრემე იტყოდა, ვითარმედ შურისგებისათჳს ასალოჲს ძმი\სა,
Line: 5     რომელიცა, მდევნელი, მპყრობელმან ავენნიროს მოაკუდინა გივრონისა
Line: 6     მიმართსა ბრძოლასა შინა, ხოლო ვითარ ჭეშმარიტსა აქუნდა, შეშინებულმან
Line: 7     მჴედართმყვანებლობისა და მეფისა მიერისა პატივისათჳს, ნუსადა ამათგან
Line: 8     ვიდრემე იგი დააკლდეს, ხოლო მიიღოს დავიდის მიერ პირველი მთავრობაჲ
Line: 9     ავენნიროს. ამათგან უკუე ვინმე გულისჴმა-ყოს, რაოდენთა და ვითართა მკად\რე
Line: 10     იქმნებიან კაცნი ანგაჰრებისა ძლით და მთავრობისა და ამათ არავისდა მი\ტევებისათჳს.
Line: 11     რამეთუ ამათისა მოგებისა მოსურნენი ბევრეულთა Page of ms.: 115v  ბოროტთა
Line: 12     მიერ მოიღებენ და შეშინებულნი განჴუებისანი, მრავლად უძჳრესთა მიერ
Line: 13     სიმტკიცესა ამათისა მათ თანა დადგრომისასა მოქმედებენ, ვითარმცა არა
Line: 14     მსგავსი ბოროტი იყო მოგებაჲ ესევითარსა სიდიდესა ჴელმწიფებისასა და
Line: 15     მერმეცა ჩუეულებით წარწყმედილქმნილი მის მიერთა კეთილთაგან. და ვი\ნაჲთგან
Line: 16     გარდამატებული განსაცდელი აქუს ამას, ამისთჳსცა და ბოროტთა
Line: 17     მეღონეობენ და იკადრებენ შიშით საქმეთა, ყოველნი ამის მიღებად მნებე\ბელნი.
Line: 18     არამედ ამათთჳს ვიდრემე მცირეთა მიერ კმა-არს ცხად-ყოფაჲ.

Paragraph: 6  
Line: 19        6) ხოლო დავიდის, ვითარ ესმა მოკლვაჲ ავენნიროჲსი, ტკივნეულ იქ\მნა
Line: 20     სულითა და უწამებდა ყოველთა, აღმპყრობელი მარჯუენისაჲ ღმრთისა
Line: 21     მიმართ და მჴმობელი, ვითარმედ არცა თანაზიარ არს კლვასა ავენნიროჲსსა,
Line: 22     არცა მცნებითა და განზრახვითა მისითა მომკუდარ არს. ხოლო წყევათა ბო\როტთა
Line: 23     მომკლველისა მისისათჳს დასდებდა და სახლი მისი ყოველი და თა\ნაშემწენი
Line: 24     თანამდებ პატიჟთა ყვნა აღსრულებულისათჳს, რამეთუ ჯერ-იყო
Line: 25     არა მოქმედებაჲ ამისი რწმენათათჳს და ფიცთა, რომელნი მისცნა ავენნიროს.
Line: 26     და უბრძანა ყოველსა ერსა ტირილი და გლოვაჲ მამაკაცისაჲ და შესამსგავს\თა
Line: 27     მიერ პატივისცემაჲ სხეულისა მისისაჲ, გარემომხეთქელთა შესამოსელთა\სა
Line: 28     და ძაძებისა შემმოსელთა, ხოლო ამათ ქმნად ცხედრისა წინა კერძო მავალ\თა.
Line: 29     ხოლო თჳთ შედგომილ იყო მოხუცებულთა თანა და მთავრობასა შინა
Line: 30     მყოფთა, მგლოველი და ცრემლთა მიერ მაჩუენებელი თანად სიყუარულსა
Line: 31     ცოცხლისა მიმართ და მკუდრისა ზედა მწუხარებასა და ვითარმედ არა მისი\თა
Line: 32     განზრახვითა მოიკლა. და დამფლველმან მისმან გივრონს შინა დიდშუე\ნიერებით
Line: 33     და საფლავის ზედათა გლოვათა აღმწერელმან, თჳთ საფლავსა ზე\და
Line: 34     მდგომარემან პირველად იტირნა და შემდგომად სხუათა მისცნა. ესრეთ
Line: 35     უკუე ავენნიროჲს სიკუდილმან შეაურვა იგი, ვიდრეღა არცა საზრდელი მი\იღო
Line: 36     მან, იძულებულმან მოყუარეთაგან, არამედ ფუცა არარაჲს გემებაჲ ვიდ\რე
Line: 37     მზისა დასლვადმდე. ამათ უკუე სიყუარული შვეს მისდა სიმრავლისა მიერ,
Line: 38     რამეთუ ავენნიროჲს მიმართ სიყუარულით დადებულთა ფრიად მისდა მი\მართი
Line: 39     პატივი მისი მომკუდრისა და დაცვაჲ სარწმუნოებისაჲ შეიყუარეს,
Line: 40     რამეთუ ყოველთა აღირსა იგი შესატყჳსთა, ვითარ ნათესავი და მოყუარე და
Line: 41     არა ვითარ მტერქმნილსა აგინა უშუერითა დაფლვითა და შეურაცხებითა. თა\ნად
Line: 42     სხუაჲ ყოველი ვითარ კეთილსა და მშჳდსა ზედა ბუნებით იხარებდა, მას\ვე
Line: 43     მოურნეობასა მისა მიმართ გულისმსტყუველობითა თითოეულისათა მე\ფისა
Line: 44     მიერ მსგავად მათსა, რომელთა შინა დამთხუეულად ხედვიდა ავენნი\როჲს
Page: I-338   Line: 1     მკუდრისა. ამათ თან უკუე უფროჲსღა დავიდისა მოურნეობასა მოქმე\დისა
Line: 2     იყო მოსურნეობაჲ კეთილისა დიდებისაჲ, ვითარ ჯერ-არს და არავინ მე\ჭუელ
Line: 3     იქმნა მის მიერ მოკლვასა ავენნიროჲსსა. ხოლო თქუა და სიმრავლისა\თჳსცა
Line: 4     მიმართ, ვითარმედ მისდა არა ვიდრემე დამთხუეული მწუხარებაჲ იქმ\ნა
Line: 5     მამაკაცისა კეთილისა აღსრულებისთჳს, ვინაჲთგან არა მცირედი ვნებაჲ
Line: 6     იქმნეს საქმეთა მიერ შინა ევრაელთასა მოკლებისა მისისაგან, პყრობასა მათ\სა
Line: 7     და ცხოვნებასა განზრახვათა მიერ რჩეულთა და ძლიერებითა ჴელთაჲთა სამ\ბრძოლოთა
Line: 8     საქმეთა შინა შემძლებელისაგან: "არამედ ღმერთმან ვიდრემე, თქუა,
Line: 9     რომელსა ჰგულავს ყოველთაჲ, არა უტეოს ესე ჩემდა Page of ms.: 116r  სასჯელისა.
Line: 10     ხოლო მე, უწყით, რამეთუ იოავოჲს და ავესსეოჲს, სარუიაჲს ყრმათა,
Line: 11     ქმნად რასავე არა შემძლებელ ვარ, უმეტეს ჩემსა შემძლებელთა მიმართ.
Line: 12     არამედ მიაგოს მათ კადრებულთათჳს ნაცვლისგებად საღმრთომან".

Line: 13        და ავენნიროს ვიდრემე ესევითარითა ცხორებითა დააქცია ცხორებაჲ და
Line: 14     აღსასრულითა.



Next part


This text is part of the TITUS edition of Flavius Iosephus, Antiquitates Iudaicae I-II.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.