TITUS
Flavius Iosephus, Antiquitates Iudaicae I-II
Part No. 100
Previous part

Section: 14  
Line: 1   თ. 14


Paragraph: 1  
Line: 26        1) ხოლო შემდგომად ამის წინაწარმეტყუელებისა ბრძანა მეფემან აღ\რიცხუვაჲ
Line: 27     ხარკის ქუეშეთაჲ. და ათრვამეტნი და რვანი ბევრნი და ათნი. და
Line: 28     ამათგან განაჩინნა ქვისმმკუეთელნი ვიდრემე რვანი ბევრნი, ხოლო სხუაჲ
Line: 29     სიმრავლე -- რაჲთა მოიღებდეს ქვათა. და სამ ათასნი უკუე და ხუთასნი მათ\განნი
Line: 30     მოქმედთა ზედა დაადგინნა. ხოლო შეჰმზადა და ფრიადიცა რკინაჲ და
Line: 31     სპილენძი საქმეთა მიმართ და ძელნი ნაძუთანი ფრიადნი და ყოვლად დიდნი.
Line: 32     და ტჳრელნი წარუდგინებდეს ამათ მას და სიდონელნი, რამეთუ წარევლინნეს
Line: 33     მათდა მიმართ ძელთა მოღებისათჳს თანად. და მოყუარეთა მიმართ იტყოდა
Line: 34     ამათსა შემზადებასა, აწ რაჲთა გულვებადსა ყრმასა შემდგომად მისა მეფობად
Line: 35     მზაჲ ნივთი ტაძრისა აღშენებისაჲ დაუტეოს და არა მაშინ მეღონეობდეს იგი,
Line: 36     ყრმად მყოფი და ესევითართაგან უმეცარი ჰასაკისა ძლით, არამედ, მქონე\ბელი
Line: 37     შეკრებულისაჲ, აღასრულებდეს საქმესა.

Paragraph: 2  
Line: 38        2) ხოლო მომწოდებელმან ყრმისა სალომონოჲსმან, უბრძანა მას ტაძრი\სა
Line: 39     შემზადებაჲ ღმრთისათჳს, მეფობისა მიმთუალველსა, მეტყუელმან, ვითარ\მედ
Line: 40     თჳთ, მნებებელი, დააყენა იგი ღმერთმან, სისხლისა და ბრძოლათა მიერ
Line: 41     შებღალული, და ვითარმედ წინაწარ-მიუთხრა, სალომონ აღაშენოს ტაძარი მის\და,
Line: 42     ყრმამან უჭაბუკესმან და ამას სახელსა წოდებადმან, რომლისა მოურნე\ობასა
Page: I-373   Line: 1     ვიდრემე ვითარ მამაჲ აღუთქუმიდა იგი და ევრაელთა სოფელი კეთილ\ბედნიერ
Line: 2     ყოს ამის ზე, თანად სხჳთა კეთილითა და უზეშთაესთა ყოველთაჲ\თა
Line: 3     -- მშჳდობითა და ბრძოლათაგან განთავისუფლებითა და თანად ჴდომათა\გან
Line: 4     თანმონათესვეთაჲსა იჴსნას. "შენ უკუე, ვინაჲთგან და პირველვე შობისა
Line: 5     განიჩინე მეფედ ღმრთისა მიერ, მოსწრაფეობად სხუათაცა შინა ღირს-ქმნად
Line: 6     ამისისა, მოსწრაფე მოურნეობისა კეთილმსახურად მყოფი და მართალი და
Line: 7     მჴნე და მცნებათა მისთა და სჯულთა, რომელნი მოჳსის მიერ მოგუცნა ჩუენ,
Line: 8     დამცველ იქმნე, სხუათა უბრძანებდი არა გარდსლვად. ხოლო ტაძარსა, რო\მელი
Line: 9     შენ მიერ მმეფობისა ინება ქმნად მისდა, მოსწრაფე იქმენ მიცემად
Line: 10     ღმრთისა, არა განკრთომილი სიდიდესა საქმისასა, არცა შეშინებული მისა
Line: 11     მიმართ, რამეთუ ყოველნი მზა ქმნენ შენდა პირველ აღსრულებისა ჩემისა.
Line: 12     ხოლო უწყოდე, ვითარმედ ოქროჲსა ვიდრემე ტალანტნი შეკრებილნი ბევრი
Line: 13     და ათნი ბევრნი ტალანტნი ვეცხლისანი. ხოლო სპილენძი და რკინაჲ უმე\ტესი
Line: 14     რიცხჳსაჲ დავდევ და ძელთა და ქვათა ნივთი -- უშურველი. და გაქუან
Line: 15     მრავალნი ბევრნი ქვისმკუეთელთა და მაშენებელთანი. ხოლო უკუეთუ რა\ჲმე
Line: 16     აკლდეს ამათგან, შენ დასძინე. იქმენ უკუე რჩეულ ღმრთისა, მისი მქო\ნებელი
Line: 17     წინამდგომელად".

Line: 18        ხოლო უბრძანა და მთავართაცა თანა ერისათა თანაშეწევნად ყრმისა
Line: 19     შენებასა შინა და რაჲთა უშიშად მყოფნი ყოველთა ბოროტთაგან მსახუ\რებისათჳს
Line: 20     ღმრთისა კეთილ-მოცალეობდენ, რამეთუ მოისთულონ Page of ms.: 132v  მათ ნაც\ვლად
Line: 21     ამათსა მშჳდობაჲ და კეთილსჯულიერობაჲ, რომელთა მიერ ემონაცვა\ლების
Line: 22     ღმერთი კეთილმსახურთა და მართალთა კაცთა. ხოლო აღიშენოს რაჲ
Line: 23     ტაძარი, კიდობნისა მას შინა დადგმაჲ ბრძანა და წმიდათა ჭურჭელთაჲ. "და
Line: 24     პირველ მრავლისა ტაძრისა ქონებაჲ თანამდებ იყო, უკუეთუმცა არა ურჩქ\მნილ
Line: 25     იყუვნეს მცნებათა ღმრთისა მამანი ჩუენნი, მცნებულნი შემდგომად
Line: 26     ამის ქუეყანისა დაპყრობასა შენებად მისდა ტაძარსა". ესენი ვიდრემე მთავარ\თა
Line: 27     მიმართ დავიდის და ძისა მისისათა მიმართ თქუნა.

Paragraph: 3  
Line: 28        3) ხოლო აწვე, მოხუცებულად მყოფი ჰასაკითა და ჟამისა ძლით სხეუ\ლისა
Line: 29     მისისა შეყინებითა, ფრიად განცივებულ იყო, ვიდრეღა არცაღა ზედდა\დებითა
Line: 30     მრავალთა სამოსელთაგან ქმნილთა განტფებოდა. ხოლო განაზრახეს
Line: 31     ვიეთმე მკურნალთა, რამეთუ მივიდეს ამის ძლით, რაჲთა ყოვლისა სოფლისა
Line: 32     კეთილსახე გამორჩეული ქალწული მწოლარე ყოს მეფისა თანა, რამეთუ ესე
Line: 33     შესაწევნელ იყოს მისა სიცივისა მიმართ განტფობითა მისითა ქალისაგან. და
Line: 34     იპოვა ქალაქსა შინა ერთი დედაკაცი, ყოველთა დედაკაცთა ურჩეულესი სახი\თა,
Line: 35     ავისაკი სახელით, რომელიცა მხოლოდ ოდენ, მწოლი მეფისა თანა, გა\ნატფობდა
Line: 36     მას, რამეთუ სიბერისა მიერ აფროდისიობათა მიმართ და დედა\კაცისა
Line: 37     თანა-ყოფისა უძლურ იყო. არამედ ამის ვიდრემე ქალწულისათჳს შემ\დგომად
Line: 38     მცირედისა ცხად-ვყოთ.

Paragraph: 4  
Line: 39        4) ხოლო მეოთხე ძე დავიდისი, ჭაბუკი შუენიერი და დიდი, ცოლისა
Line: 40     ეგისთისაგან ქმნილი მისდა და ადონიად სახელდებული, მსგავსი ავესსალო\მოჲსი
Line: 41     ბუნებითა, იგიცა, ვითარ მმეფობადი, აღზუავებულ იყო და მოყუარეთა
Line: 42     მიმართ იტყოდა, ვითარმედ მთავრობასა მის მიერ ჯერ-არს მიღებაჲ. და შეჰმ\ზადნა
Line: 43     ეტლნი მრავალნი და ცხენნი და ორმეოცდაათნი მამაკაცნი წინამს\რბოლნი.
Page: I-374   Line: 1     ამათი მხილველი მამაჲ არა განურისხნებოდა, არცა დააყენებდა
Line: 2     მას წინააღრჩევისაგან, არცა აიძულა კითხვად, თუ რაჲსათჳს ამათ მოქმე\დებს.
Line: 3     ხოლო თანაშემწედ აქუნდა ადონიასს მჴედართმთვარი იოავოს და
Line: 4     მღდელთმთავარი ავიათაროს. და მხოლონი უკუე წინააღმდგომ მოქმედებდეს
Line: 5     მღდელთმთავარი სადოკოს და წინაწარმეტყუელი ნათან და ვანეოს, სხეუ\ლისმცველთა
Line: 6     ზედაჲ, და სუმუსის, დავიდის მოყუარე, და ყოველნი მჴნენი.
Line: 7     ხოლო ადონას შეჰმზადა სერი გარეგან ქალაქისა, წყაროსა თანა სამეფოჲსა
Line: 8     სამოთხისა შინა მყოფსა. და ყოველთა ძმათა მიუწოდა, გარეშე სალომონო\ჲსსა.
Line: 9     და მიიყვანა მჴედართმყვანებელი იოავოსცა და ავითაროს და მთავარნი
Line: 10     იუდას ტომისანი. ესე ვიდრემე ყოველნი მიიწინეს, ხოლო სადოკოს მღდელ\მთავარსა
Line: 11     და ნათანს წინაწარმეტყუელსა და სხეულის-მცველსა ხედასა ვა\ნეოსს
Line: 12     და ყოველთა წინააღმდგომისა ნებისა კერძოთა არა მიუწოდა სერო\ბასა
Line: 13     ზედა. ესე სალომოჲს დედასა, ვირსავისს, მიუთხრა ნათან წინაწარმეტ\ყუელმან,
Line: 14     ვითარმედ ადონიას მეფობად მნებებელ არს და ამას უმეცარ არს
Line: 15     დავიდის. და განაზრახებდა ცხოვნებასა თავისსა და ყრმისა სალომონოჲსს და
Line: 16     მხოლოდ მისლვასა დავიდის თანა მიმართ და თქუმად, ვითარმედ იგი ვიდრე\მე
Line: 17     მფუცავი იქმნა შემდგომად მისა სალომონოჲს მეფობისათჳს, ხოლო სა\შუვალ
Line: 18     ადონიას აწვე მთავრობაჲ მიუღებიეს. ამათ რაჲ მეფესა ეტყოდის,
Line: 19     თჳთ ზედშესლვაჲ. წინაწარმეტყუელმანცა თქუა და სიტყუათა მისთა ზედ\დამტკიცებაჲ.
Line: 20     ხოლო ვირსავი, მრწმუნებელმან ნათანისმან, ყოველნივე მიუთ\ხრნა
Line: 21     მას, ვითარცა ემცნნეს, თანად აუწყა სერი ადონიაჲსი და მის მიერ წო\დებულნი
Line: 22     ავიათაროჲს მღდელთმთავარი და იოავოს მთავარი და ძენი მისნი,
Line: 23     გარეშე სალომონოჲსა და საკუთართა მისთა მოყუარეთა. თანად ეტყოდა,
Line: 24     ვითარმედ ყოველი ერი მხედველ არს, ვინ ჴელთდასხმულ ჰყო მეფედ და
Line: 25     ევედრებოდა გულვებად, Page of ms.: 133r  გულადღებად, ვითარმედ შემდგომად აღსრულებისა
Line: 26     მისისა განმეფებულმან იგი და სალომონ, ძე მისი, მოსრნეს.

Paragraph: 5  
Line: 27        5) ხოლო ზრახვიდა რაჲ მერმეცა დედაკაცი, მიუთხრეს წინამდგომთა სა\ხლისათა,
Line: 28     ვითარმედ მნებებელ არს ნათან ხილვასა მისსა. ხოლო მეფემან ვი\ნაჲთგან
Line: 29     შესლვაჲ ბრძანა, შესრული იკითხვიდა, უკუეთუ დღეს ადონნასს
Line: 30     განაჩინებს მეფედ და მისცემს მთავრობასა, რამეთუ ბრწყინვალისა სერისა
Line: 31     მოქმედმან უწოდნა ძენი მისნი ყოველნი გარეშე სალომონოჲსა და მჴე\დართმყვანებელი
Line: 32     იოავოსცა, ვიდრეღა ქებითა და განცხრომითა მრავლითა
Line: 33     მშუებელნი საუკუნოსა მთავრობასა ულოცვენ მას. "ხოლო მიწოდა არცა მე,
Line: 34     არცა მღდელთმთავარსა სადოკოს, არცა ვანეოსს, სხეულისმცველთა ზედასა.
Line: 35     და ჯერ-არს ამათი მეცნიერებაჲ ყოველთა მიერ, უკუეთუ განზრახვითა შენი\თა
Line: 36     იქმნა".

Line: 37        ესენი რაჲ თქუნა ნათან, ბრძანა მეფემან მიწოდებაჲ ვირსავისი მისა მი\მართ,
Line: 38     რამეთუ განვიდა სახლისაგან, მიიწია რაჲ წინაწარმეტყუელი. და ვინაჲთ\გან
Line: 39     მოვიდა დედაკაცი, "გეფუცები შენ, თქუა, დიდსა ღმერთსა, ძესა შენსა
Line: 40     სალომონს მეფეობად და ვითარ პირველ ვფუცე, და ამას დაჯდომად საყდარსა
Line: 41     ჩემსა ზედა, და ესე იქმნნეს დღეს". და დედაკაცმან რაჲ თაყუანის-სცა მას და
Line: 42     გრძელი ულოცა მას ცხორებაჲ, სადოკოსს მოუწოდა, მღდელთმთავარსა, და
Line: 43     ვანეოსს, სხეულისმცველთა ზედასა. და მოუწოდეს რაჲ, ბრძანა მიყვანებაჲ
Line: 44     ნათანის წინაწარმეტყუელისაჲ და ეზოჲს შინათა აღჭურვილთა ყოველთა. და
Line: 45     აღმსუმელთა ძის მისისა სალომონოჲსთაჲ სამეფოსა ჯორსა ზედა, მისსა გა\რეგან
Page: I-375   Line: 1     ქალაქისა მიყვანებაჲ წყაროსა ზედა, სახელდებულსა სიონად, და,
Line: 2     მცხებელთა წმიდისა ზეთისათა, მეფედ განჩენაჲ. რამეთუ ამისი ქმნაჲ უბრძა\ნა
Line: 3     სადოკოსს, მღდელთმთავარსა, და ნათანს, წინაწარმეტყუელსა. და უკუანა
Line: 4     შედგომაჲ უბრძანა საშუვალ ქალაქისა, რქათა მიერ და მნესტუველთა ჴმო\ბაჲ
Line: 5     საუკუნოდმი საყდარსა ზედა სამეფოსა დაჯდომაჲ სალომონ მეფისაჲ, რა\ჲთა
Line: 6     ცნას ყოველმან ერმან განჩენაჲ მისი მამისა მიერ მეფედ. ხოლო სალო\მონოჲსდა
Line: 7     -- მცნებად მთავრობისათჳს, რაჲთა კეთილმსახურებით და მართ\ლიად
Line: 8     წინამდგომ იყოს ევრაელთა ყოვლისა ნათესვისა და იუდაჲს ტომისა. და
Line: 9     ვანეოს რაჲ უკუე ლოცვიდა ღმრთისა მიმართ სახიერ-ქმნასა სალომონისდა,
Line: 10     არცა მცირედ დამყოვრებულთა აღსუეს სალომონ ჯორსა ზედა და განმყვანე\ბელთა
Line: 11     გარეგან ქალაქისა წყაროსა ზედა და ზეთითა მცხებელთა, შეიყვანეს
Line: 12     ქალაქად, მაქებელთა და მეფობისა მისისა მრავალჟამ ქმნად მლოცველთა. და
Line: 13     მიმყვანებელთა სამეფოდ სახლად დასუეს იგი საყდარსა ზედა და ყოველი
Line: 14     ერი მეყუსეულად შუებისა მიმართ და დღესასწაულობისა მიიქცა, მროკვე\ლი
Line: 15     და ძნობათა მიერ განმცხრომელი, ვიდრეღა სიმრავლისა მიერ ორღანო\თა
Line: 16     და სახიობათაჲსა ყოველი ქუეყნაჲ ჴმობდა და აერი.

Paragraph: 6  
Line: 17        6) ხოლო ვითარ აგრძნეს ჴმისაჲ ადონას და მის თანა მყოფთა სერობა\სა
Line: 18     ზედა, შეშფოთნეს. თანმჴედართმყვანებელი იოავოს იტყოდა არა სათნო\ჩენასა
Line: 19     ჴმათასა და არცა ნესტჳსასა. და ვითარ წინამდებარე იყო სერი და არა\ვინ
Line: 20     გემოჲს მხილველი იყო გონებასა შინა ქმნისათჳს ყოველთაჲსა, შერბიო\და
Line: 21     მათდა მიმართ ავიათაროს მღდელთმთავრისა ყრმაჲ, იონათის. ხოლო
Line: 22     ადონიას, მხილველი ჭაბუკისაჲ მხიარულებით, იტყოდა, ვითარმედ კეთილი
Line: 23     მიმთხრობელი. და მან უკუე ყოველნი აუწყნა მათ სალომონის ძლითნი და და\ვიდის
Line: 24     მეფისა განზრახვაჲ. ხოლო იგინი, აღვლდომილნი თანმოსუმურობისა\გან,
Line: 25     თანად ადონიას და ყოველნი წოდებულნი, ივლტოდეს თჳსთა მიმართ თი\თოეულნი,
Line: 26     და ადონიას უკუე, შეშინებული მეფისაგან ქმნილთა ძლით, იქმნა
Line: 27     მვედრებელ ღმრთისა და სამსხუერპლოჲსა რქათა Page of ms.: 133v  რო\მელნი
Line: 28     წინა-აქუნდეს. და ეუწყა ამისი მოქმედი სალომონს და მვედრებელი
Line: 29     მისგან სიმტკიცეთა მიღებისაჲ, რაჲთა არა ძჳრისმოჴსენეობდეს და არცა ბო\როტის-მოქმედ
Line: 30     იქმნეს მისა მიმართ არცა ერთისა. ხოლო მან, სიმშჳდით ფრი\ად
Line: 31     და ბრძნად, მაშინდელისა ვიდრემე ცოდვისაგან განუტევა იგი უბრალოჲ,
Line: 32     მეტყუელმან, ვითარმედ უკუეთუ იპყრეს კუალად მოქმედი ახალ რომლი\საჲვე,
Line: 33     თავსა თჳსსა მიზეზ-ექმნეს სასჯელისა. და წარმავლენელმან აღადგინა
Line: 34     იგი შევრდომისაგან. ხოლო მოსრულსა მისა მიმართ და თაყუანისმცემელსა,
Line: 35     თჳსად სახლად წარსლვაჲ უბრძანა, არარაჲს მეჭუელსა და მიერითგან მინი\ჭებასა
Line: 36     კეთილისასა ეტყოდა მას, ვითარ ჯერ-იყოს მისა.

Paragraph: 7  
Line: 37        7) ხოლო დავიდის, მნებებელმან ძისა მისისა მეფედ განჩენისამან, მოუ\წოდა
Line: 38     მთავართა იეროსოლჳმად და მღდელთა და ლევიტელთა. და პირველად
Line: 39     აღმრიცხუველმან ამათმან, პოვნა ოცდაათით წლითგან ვიდრე ორმეოცდაათ\თადმდე
Line: 40     სამნი ბევრნი და რვა ათასნი, რომელთა განაჩინნა ზედმოურნენი
Line: 41     ვიდრემე ტაძრისა შენებისანი სამ ათასნი, ხოლო მსაჯულნი ერისანი და
Line: 42     მწიგნობარნი მათნი -- ექუს ათასნი. და მეკარენი -- ოთხ ათასნი სახლისა
Line: 43     ღმრთისანი და ესოდენნი -- მგალობელნი ღმრთისანი, მაქებელნი ორღანოთა
Line: 44     მიერ, რომელნი შეჰმზადნა დავიდის, ვითარცა წინაწარ-ვთქჳთ. ხოლო განყვნა
Page: I-376   Line: 1     იგინი და მამულობითცა და განაჩინა ნათესვისგან მღდელნი და პოვნა ამათგან
Line: 2     ოცდაოთხნი მამულობითი და ელეაზაროჲს ვიდრემე სახლისაგან ექუს და ათნი,
Line: 3     ხოლო ითამაროჲსგან -- რვანი. და განაჩინა ერთმამულობითი მსახურებად
Line: 4     ღმრთისა დღეთა რვათა, სავატტოჲთგან ვიდრე სავატოდმდე.

Line: 5        და ესრეთ ნათესვობანი ყოველნი განინაწილნეს დავიდის მუნ ყოფასა
Line: 6     და სადოკოჲს და ავიათაროჲს მღდელთმთავართასა. და პირველად ვიდრემე
Line: 7     აღმოსრულნი ნათესავი აღიწერა პირველად, ხოლო მეორე -- შემდგომად,
Line: 8     ვიდრემე ოცთა და ოთხთადმდე. და დაადგრა ესე განნაწილებაჲ ვიდრე დღე\ნდელად
Line: 9     -- დღედმდე.

Line: 10        და ქმნა უკუე ლევიტიდოჲსცა ნათესვისაჲ ოთხ ნაწილი და ოთხი და,
Line: 11     განმანაწილებელნი ამითვე სახითა, მღდელობისა აღმოვიღოდეს მსახურებად
Line: 12     რვათა დღეთა შინა. ხოლო მოჳსის ნაშობთა პატივს-სცა, რამეთუ ყვნა იგი\ნი
Line: 13     მცველ საუნჯეთა ღმრთისათა და შესაწირავთა, რომელთა შეემთხჳ მეფე\თაგან
Line: 14     შეწირვაჲ. ხოლო განუწესა ყოველთა ლევიტიდოს ნათესვისაგანთა და
Line: 15     მღდელთა მსახურებაჲ ღმრთისაჲ ღამით და დღით, ვითარცა ამცნო მათ
Line: 16     მოჳ/სის.

Paragraph: 8  
Line: 17        8) და შედგომად ამათსა განყო ყოველი მჴედრობაჲ ათორმეტ ნაწი\ლად,
Line: 18     მთავართა მიმართ ასთ და ათასთმთავართა და წესთმთავართა. ხოლო
Line: 19     აქუნდეს თითოეულსა ნაწილსა ორ ათასნი და ოთხ ათასნი, რომელთაჲ
Line: 20     ბრძანა თანმსხდომობაჲ მეოცდაათეთა დღეთა შინა, პირველითგან ვიდრე
Line: 21     უკუანაჲსკნელადმდე სალომონის მეფისა, ათასთმთავართა თანა და ასთმთა\ვართა.
Line: 22     ხოლო დაადგინა მთავარნი თითოეულისა ნაწილისა ზედა, რომელიცა
Line: 23     უწოდა კეთილად და მართლად და, ზედმხედველნი უკუე საუნჯეთა და აგა\რაკთანი
Line: 24     და დაბათა და პირუტყუთანი, სხუანი, რომელთა სახელებისაჲ არა
Line: 25     საჭიროდ ვჰგონე მოჴსენებაჲ.

Paragraph: 9  
Line: 26        9) ხოლო ვინაჲთგან თითოეულნი ამათგან ესევითარითა პირველთქუ\მულთა
Line: 27     განაწესნა სახითა, შესაკრებელად მიმწოდებელმან მმთავრობთა ევ\რაელთამან
Line: 28     და ნათესავთმთავართამან და ნაწილისა მთავართამან და ყოველ\სა
Line: 29     საქმესა, გინა მონაგებსა ზედა დაწესებულთამან, დადრომილმან მაღალ\სა
Line: 30     ხარისხსა ზედა მეფემან თქუა სიმრავლისა მიმართ -- "ძმანო და თანამონა\თესვენო!
Line: 31     მნებავს უწყებად თქუენდა, ვითარმედ ტაძარსა ღმრთისასა აღშენე\ბად
Line: 32     მნებებელმან ოქროჲ ფრიადი შევჰმზადე და ვეცხლისა ათნი ბევრნი ტა\ლანტნი.
Line: 33     ხოლო ღმერთმან დამაყენა მე ნათანის მიერ წინაწარმეტყუელისა,
Line: 34     თანად თქუენ მიერთა ბრძოლათათჳს და შეგინებისათჳსცა მარჯუენისა კლვი\თა
Line: 35     მტერთაჲთა. ხოლო ძესა უბრძანა, მიმთუალველსა მეფობისასა, შემზადე\ბაჲ
Line: 36     მისდა ტაძრისაჲ. აწ უკუე, ვინაჲთგან უწყით პირმშოჲსა ჩუენისა იაკოვო\ჲს
Line: 37     მიერ ორთა და Page of ms.: 134r  ათთა ყრმათა ქმნაჲ და იუდაჲს მეფედ განჩენასა მეც\ნიერ
Line: 38     ხართ, და ჩემსა ძმათა ექუსთაგან გამორჩევასა და ღმრთისაგან მთავ\რობისა
Line: 39     მიღებასა და არცა ერთისა ამათგანისა შეწუხებასა, ესრეთ ვევედრე\ბი
Line: 40     მეცა ყრმათა ჩემთა არა ჴდომად ურთიერთას სალომონოჲს მეფობასა მი\ღებისათჳს,
Line: 41     არამედ, რაჲთა მეცნიერნი, ვითარმედ ღმერთმან გამოირჩია იგი,
Line: 42     მიითუალვიდენ მას მეუფედ სიტკბოებით. რამეთუ არა მძჳნვარე არს, რაჟამს
Page: I-377   Line: 1     ენებოს ღმერთსა, არცა უცხოჲსაცა მპყრობელისა მონებაჲ. ხოლო ღირს არს
Line: 2     მათდა მხიარულებაჲ ძმსა ზედა, ამის პატივისა მიმთხუეულსა, ვითარ
Line: 3     თანმოზიარეთა მისთა პატივისა, ცხად არს. ხოლო ვილოცავ დასასრულად მი\წევნასა
Line: 4     ღმრთისა აღთქმათასა და მას კეთილბედნიერობასა ყოველსა სო\ფელსა
Line: 5     შინა ქმნად და ყოვლისა ჟამისასა ამას შინა დადგრომად, რომელი
Line: 6     მან აღმითქუა სალომონოჲს ზე მეფისა მონიჭებაჲ. ხოლო იყვნენ ესენი მტკიცე\ნი
Line: 7     და კეთილი აქუნდეს დასასრული, უკუეთუ კეთილმსახურად და მართლიად
Line: 8     და მამულთა სჯულთა დამცველად მიანიჭო თავი თჳსი, ო შვილო, ხოლო უკუ\ეთუ
Line: 9     არა, გარდამავალი ამათი, უმძჳვარესთა მოელოდე".

Paragraph: 10  
Line: 10        10) და მეფე ვიდრემე უკუე, ამათ სიტყუათა მოქმედი, დასცხრა. ხოლო
Line: 11     აღწერა და განწესებაჲ ტაძრისა შენებისაჲ სახედველად ყოეელთა მისცა სა\ლომონს:
Line: 12     საძირკუელთაჲ და სამკჳდრებელთა მაღალთაჲ, რაოდენნი სიმრავ\ლითა
Line: 13     და ვითარნი სიმაღლითა და სივრცითა იქმნენ, და რაოდენნი ჭურჭელი
Line: 14     ოქროჲსა და ვეცხლისანი ამათი საწონი ბრძანა. ხოლო განამჴნო იგი და სიტ\ყუათაცა
Line: 15     მიერ ყოვლისა გულსმოდგინებისა ჴუმევად საქმისა მიმართ. და მთა\ვართაცა
Line: 16     და ნათესავთა ლევიტელთასა უბრძნა თანშეწევნაჲ ჰასაკისათჳსცა
Line: 17     და ვინაჲთგან იგი ღმერთმან გამოირჩია აღშენებად ტაძრისა და მეფობისა
Line: 18     წინადგომად. ხოლო კეთილი და არა ფრიად საჭიროჲ მათდა ტაძრისა შე\ნებაჲ
Line: 19     განაჩინა, მის მიერ აწვე შემზადებითა მრავალთა ვიდრემე ტალანტთა
Line: 20     ოქროჲსათა, ხოლო უმრავლესთა ვეცხლისათა და ძელთა და ხუროთა, ქვის\მკუეთელთა
Line: 21     სიმრავლესა, თანად სმარაღდოჲსა და ყოვლისა სახისა ქვათა,
Line: 22     მრავალფასთაჲსა. და აწ, მერმეცა თჳსისა სამსახურისა შესაწირავსა სხუათა
Line: 23     სამ ათასთა ტალანტთა ოქროსა წმიდისათა მინიჭებასა ეტყოდა შეუვალისათჳს
Line: 24     და ეტლისათჳს ღმრთისა ქეროვიმთაჲსა, რომელთა ჯერ-არს ზედმდგო\მარეობაჲ,
Line: 25     კიდობნისა დაფარველთაჲ.

Line: 26        ხოლო დადუმნა რაჲ დავიდის, მრავალი გულსმოდგინებაჲ მთავართა და
Line: 27     მღდელთაჲ იქმნა და ტომისა ლევიტელთაჲსაჲ, შემწეობასა და აღთქუმათა
Line: 28     ბრწყინვალეთა და შუენიერთა მოქმედთაჲ, რამეთუ მოითმინეს მოღებაჲ ოქ\როსა
Line: 29     ტალანტთა ხუთ ათასთაჲ და სტატირთა ბევრთა, ხოლო ვეცხლისა ტა\ლანტთა
Line: 30     ბევრთა და რკინისა ტალანტთა მრავალთა ბევრთაჲ. და უკუეთუ ვი\სამე
Line: 31     იყო ქვაჲ მრავალ-ფასისაჲ, მიიღეს და მისცეს საუნჯეთა, რომელთა ზე\დამდგომარე
Line: 32     იყო მოსეოჲსგან შთამომავალი ილაროს.

Paragraph: 11  
Line: 33        11) ამათ ზედა მხიარულ-იქმნა ყოველი ერი და დავიდის, მოსწრაფება\სა
Line: 34     და პატივისმოყუარებასა მთავართა და მღდელთა და სხუათა ყოველსა
Line: 35     მხედველმან, იწყო კურთხევად ღმრთისა მაღლითა ჴმითა, მამად და მშობელად
Line: 36     მწოდებელმან და შემოქმედად კაცობრივთა და საღმრთოთა, რომელთა მიერ
Line: 37     შეამკო იგი, და წინამდგომელ და მოურნედ ნათესვისა ევრაელთაჲსა და ამა\თისა
Line: 38     კეთილბედნიერობისა და მეფობისა, რომელი მისცა მას. ამათ ზედა
Line: 39     მლოცველმან კეთილთამან ყოვლისა ერისა და ყრმისა სალომონისა გონება\სა
Line: 40     მრთელსა, Page of ms.: 134v  მართალსა და ყოველთა კერძოთა მიერ სათნოებისათა მტკი\ცეთა,
Line: 41     უბრძანა სიმრავლესაცა კურთხევაჲ ღმრთისაჲ. და მათ ვიდრემე, დავ\რდომილთა
Line: 42     ქუეყანასა ზედა, თაყუანის-სცეს, ხოლო ემადლიერნეს და დავი\დისცა
Line: 43     ყოველთაგან, რომელთაგან იშუებდეს მეფობისა მისისა მიღებითა. და
Line: 44     მომავალსა უკუე დღესა მსხუერპლი წარუდგინეს ღმერთსა: ჴბონი ათასნი და
Page: I-378   Line: 1     ვერძნი ესოდენნივე და ათასნი ტარიგნი, რომელნი ყოვლად დაწუნეს. ხოლო
Line: 2     ამსხუერპლნეს და მშჳდობისა ძლითნიცა მსხუერპლნი, მრავალთა ბევრთა
Line: 3     სამსხუერპლოთასა დამკლველთა და დღესა ყოველსა დღესასწაულობდა მე\ფე
Line: 4     ყოვლისა ერისა თანა. და სალომონ მეორედ სცხო ზეთითა და განაჩინა
Line: 5     იგი მეფედ, ხოლო სადოკოს -- მღდელთმთავრად ყოვლისა სიმრავლისა. და
Line: 6     სამეფოდ მიმყვანებელნი სალომონისნი და დამსუმელნი მისნი საყდარსა ზე\და
Line: 7     მამულსა, მიერ დღითგან მორჩილ იყვნეს მისა.



Next part


This text is part of the TITUS edition of Flavius Iosephus, Antiquitates Iudaicae I-II.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.