TITUS
Flavius Iosephus, Antiquitates Iudaicae I-II
Part No. 105
Previous part

Section: 4  
Line: 6   თ. 4


Paragraph: 1  
Line: 7        1) და საქმენი ვიდრემე ესენი, სიდიდითა და შუენიერებითა ნაშენებთაჲ\თა
Line: 8     და ტაძრისა მიმართთა შესაწირავთაჲთა სალომონ მეფემან შჳდთა წელთა
Line: 9     შინა აღასრულნა და სიმდიდრისა და გულსმოდგინებისა საქმე აჩუენა: ვიდრე\ღა
Line: 10     მხილველმან ჰგონამცა ყოველსა ჟამსა შემზადებაჲ ესრეთ, მცირედსა შინა
Line: 11     სრულქმნილთაჲ სიდიდისა მიმართ ტაძრისა შესწორებულთაჲ. და მიმწერელმან
Line: 12     მთავართა მიმართ და მოხუცებულთა ევრაელთაჲსა, უბრძანა ყოვლისა ერისა
Line: 13     მიყვანებაჲ იეროსოლჳმად ხილვად ტაძრისა და რაჲთა მიიღონ კიდობანი
Line: 14     ღმრთისაჲ ტაძრად. და მიეთხრა რაჲ ყოველთა იეროსოლჳმად წარსლვაჲ მე\შჳდესა
Line: 15     თუესა ძნიად შეკრბეს, მსოფლიოთაგან ვიდრემე თჳრიად წოდებულსა,
Line: 16     ხოლო მაკედონთაგან -- ჳპერვერეტოდ. მოიწია უკუე ამასვე ჟამსა და კარვო\ბისაცა
Line: 17     ჟამი, რომელი იყო ევრაელთა შორის დღესასწაული ფრიად დიდი და
Line: 18     უზეშთაეს.

Line: 19        და მტჳრთველთა უკუე კიდობანსა და კარავსა, რომელი მოჳსის აღჰმარ\თა,
Line: 20     ყოველთა სამსახურებელთა სამსხუერპლოჲსა მიმართთა ჭურჭელთასა,
Line: 21     მიიწიეს ტაძრად. ხოლო წინამავალ იყვნეს მსხუერპლთა თანა თჳთ მეფე და
Line: 22     ყოველი ერი. და ლევიტელნი მსხუერპლთა მიერ და მრავალთა
Line: 23     სამსხუერპლოთა სისხლითა წარმრღუნელნი გზისანი და მკუმეველნი აურაცხ\ელსა
Line: 24     სიმრავლესა საკუმეველთასა, ვიდრეღა გარემოჲსი ყოველი აერი აღივსე\ბოდა
Line: 25     და შორს მყოფთაცა მიმართ მიიწეოდა სულნელებაჲ და ეუწყებოდა
Line: 26     მოსლვაჲ ღმრთისაჲ, დამკჳდრებაჲ, კაცობრივისა სიტყჳსაებრ, ახალ-შენებულსა
Line: 27     მისდა და განწმედილსა ადგილსა შინა. და რამეთუ არცა მაქებელნი და არცა
Line: 28     მძნობელნი დაშურეს, ვიდრე არა მიიწინეს ტაძრად. ამით ვიდრემე სახითა მი\იყვანეს
Line: 29     კიდობანი. ხოლო ვითარ შეუვალსა შინა ჯერ-იყო შეყვანებაჲ მისი,
Line: 30     სხუაჲ ვიდრემე სიმრავლე განეყენა, ხოლო მღდელთა, მარტოდ მტჳრთველთა,
Line: 31     საშუვალ ორთა ქეროვიმთაჲსა დადგეს. და იგინი უკუე, ფერჴთა თანშემაწყო\ბელნი,
Line: 32     და რამეთუ ესრეთ იყვნეს ჴელოვნისა მიერ შემზადებულ, კიდობანსა,
Line: 33     ვითარ კარავსა რასამე ქუეშე და კამარასა, მფარველ იყვნეს. ხოლო აქუნდეს
Line: 34     კიდობანსა არარაჲ სხუაჲ, გარნა თუ ორნი ქვისა ფიქალნი, რომელნი ათთა
Line: 35     სიტყუათა, ღმრთისა მიერ მოჳსის მიმართ თქუმულთა Page of ms.: 141v  სინეოჲსა მთასა ზედა
Line: 36     და წერილთა მათ შორის, ჰმარხვიდეს. და სასანთლე უკუე და ტრაპეზი და ვო\მონი
Line: 37     ოქროჲსაჲ დადგეს ტაძარსა შინა, წინა კერძო შეუვალისა, მათთავე ად\გილთა
Line: 38     ზედა, რომელნი და პირველცა აქუნდეს მდებარეთა კარავსა შინა და
Line: 39     თითოეულისა დღისა სამსხუერპლოთა მიიღებდეს. ხოლო სამსხვერპლოჲ რვა\ლისაჲ
Line: 40     აღჰმართა წინა კერძო ტაძრისა პირისპირ კარსა, რაჲთა განეღოს რაჲ,
Line: 41     პირის-პირ იყოს მისა და იხილვებოდიან მღდელმოქმედებანი და მსხუერპლთა
Page: II-18   Line: 1     მრავალსახეობანი. ხოლო ნეშტთა ყოველთა ჭურჭელთა შემკრებელმან შინაგან
Line: 2     ტაძრისა დადვა.

Paragraph: 2  
Line: 3        2) ხოლო ვინაჲთგან ყოველთავე კიდობნისა ძლითთა შემამკობელნი
Line: 4     მღდელნი გამოვიდეს, ანასდაჲთ სიზრქე ღრუბლისაჲ, არა მჭუმუნვარე, არცა
Line: 5     ვითარი ჟამსა ზამთრისასა აღსავსე წჳმითა შედგების, არამედ განფენილი
Line: 6     და შეზავებული, ტაძარსა შინა მიეფინა და თუალნი ვიდრე მღდელთანი ზედ-და\აბნელნა,
Line: 7     ვიდრე არცა ურთიერთარს ხედვადმდე. ხოლო გონებასა ყოველთასა
Line: 8     ოცნებაჲ და მეჭუელობაჲ მისცა ვითარ ღმრთისა სამღდელოდ შთამოსლვისაჲ
Line: 9     და დამკჳდრებისაჲ მას შინა შუებით. და იგინი ვიდრემე ამას გონებასა ზედა
Line: 10     მქონებელ იყვნეს თავთა თჳსთა, ხოლო მეფემან სალომონ, აღდგომილმან, რა\მეთუ
Line: 11     ემთხჳა მაშინ მჯდომარე, ყვნა სიტყუანი ღმრთისა მიმართ, რომელნი
Line: 12     ჰგონნა შესამსგავსნი საღმრთოჲსა ბუნებისანი და კეთილად თქუმასა მქონებელ
Line: 13     იყო მისა მიმართ. "რამეთუ შენ, თქუა, სახლი ვიდრემე საუკუნოჲ, ო მეუფეო,
Line: 14     და ღირსი თავისა თჳსისაჲ შეჰქმენ, ქმნილიცაჲ უწყით და აერიცა, ქუეყანაჲ
Line: 15     და ზღუაჲ, რომელთაცა მიერ ყოველთა, არცა ამათი კმამყოფელი, დატევნულ
Line: 16     ხარ. ხოლო ესე შევჰმზადე შენდა ტაძარი ზედმხედველობითა სახელი, რაჲთა
Line: 17     ამიერ შენდა ლოცვათა მმსხუერპლველნი და კეთილმემღდელენი აღვავლენდეთ
Line: 18     აერად და მრწმუნებელ ვიყვნეთ, ვითარმედ აქა ხარ და არა შორს განდგომილ
Line: 19     ხარ, არცა თავად თჳსად, რამეთუ ყოველთა ზედმხედველობითა და ყოველთა მსმენელობითა
Line: 20     არცა აწ, სადაცა შენდა ჯერ-იყოს დამჳდრებაჲ, დამტევებელ
Line: 21     ხარ ყოველთა მახლობელად-ყოფასა, არამედ თითოეულსა მგონებელსა თანა
Line: 22     ღამით და დღისით იმყოფები".

Line: 23        ამათმან მეტყუელმან ღმრთისა მიმართ, მიაქცინა სიტყუანი სიმრავლისა
Line: 24     მიმართ, მაჩუენებელმან მათდა ძალსა ღმრთისასა და წინმოურნეობასა, ვითარ\მედ
Line: 25     დავიდისს, მამასა, აუწყნა გულვებადთა ძლით ყოველნი, ვითარ მრავალნი
Line: 26     დასასრულადცა მიწევნილ არიან აწვე და იქმნენ დანეშტებულნი, და ვითარმედ
Line: 27     თჳთ იგი მწოდებელ იქმნეს სახელსა არღა ქმნილისად და რაჲ ეგულების სა-ხელისდებად,
Line: 28     აუწყოს და ვითარმედ ტაძარი ამან მეფემან ქმნილმან აღუშენოს
Line: 29     მას შემდგომად მამისა აღსრულებისა. რომელთაცა, ყოველთა წინაწარმეტყუ-ელებისაებრ
Line: 30     მისისა აღსრულებულად მხედველთა კურთხევად ღმრთისა ევედრე\ბოდა
Line: 31     და არცა ერთისათჳს უსასო-ქმნად მათგან, რომელნი აღუთქუნა, კეთილ-ბედნიერობისა
Line: 32     მიმართ, ვითარ არა ქმნადისა, არამედ რაჲთა ირწმუნონ აწ სახილველქმნილთაგან.

Paragraph: 3  
Line: 33        3) ამათმან მეტყუელმან ერისა მიმართ მეფემან კუალად მიიხილა ტაძ\რისა
Line: 34     მიმართ და მარჯუენისა ერისადმი აღმპყრობელმან -- "საქმეთა მიერ
Line: 35     ვიდრემე, თქუა, არა შესაძლებელ არს კაცთა მადლთა ნაცვლისგებაჲ ღმრთი\საჲ,
Line: 36     რომელთათვს კეთილ-ეყო მათ, რამეთუ უმოქენო არს ყოველთაგან საღმრ\თოჲ
Line: 37     და უმჯობეს ესევითარისა ნაცვლისგებისა. ხოლო ამისთჳს, რამეთუ სხუა\თა
Line: 38     ცხოველთასა შენ მიერ, მეუფეო, უმჯობეს ვიქმნენით, ამის ძლით კურთხ\ევაჲ
Line: 39     შენისა სიდიდისაჲ და მადლობის თქუმად შენდა ჩუენსა სახლსა ზედა
Page: II-19   Line: 1     ქმნილთათჳსცა და ევ\\რაელთა Page of ms.: 142r  ერსა. რამეთუ ვინ უმეტეს სხუაჲ სახიერ იქმნე\ბის
Line: 2     განრისხებული და დაადგრების მოწყალედ ჩუენდა, გინა ვის მიერ ჴმაჲ,
Line: 3     რომელი ერისაგან გაქუს და კუალად მის მიერ აღმომავლად უწყით? მად\ლობასა
Line: 4     უკუე ქონებად ამისთჳს აღგიარებ შენ, პირველად ვიდრემე მამისა\თჳს,
Line: 5     რომელი უჩინოჲსაგან ესევითარად დიად აღიყვანე, და ამისა შემდგო\მად
Line: 6     -- ჩემთჳს, ყოველთა ვიდრე ამად დღედმდე რომელნი წინაწარ-მითხრენ,
Line: 7     აღმასრულებელსა. გევედრები უკუე ამიერითგან მონიჭებად, რაოდენნი შე\საძლებელ
Line: 8     ღმრთისა კაცთა შორის მიერ პატივცემულთა და სახლსა ჩუენსა აღორძინებად
Line: 9     სამარადისოდ, ვითარცა აღუთქუ დავიდის, მამისა ჩემსა, ცო\ცხალსაცა
Line: 10     და აღსრულებადსა. ვითარმედ ჩუენ შორის დაადგრეს მეფობაჲ და
Line: 11     ნათესავმან მისმან მიიღოს ესე მონაცვალეობითა ბევრეულითა. ესენი უკუე კმა\ყვენ
Line: 12     ჩემდა და ყოველთა ჩემთა სათნოებაჲ, რომელსა ზედა შენ იხარებ, მია\ნიჭე.
Line: 13     და ამათ თანა გევედრები ნაწილსაცა რომელსამე სულისა შენისასა ტა\ძარსა
Line: 14     შინა დამჴვდრებად, რაჲთა და ქუეყანასაცა ზედა საგონებელ იყოს
Line: 15     ჩუენდა ყოფაჲ შენი. რამეთუ შენდა ვიდრემე მცირე სამკჳდრებელი და ყო\ველი
Line: 16     ცისაჲცა და სივრცე ამას შინა მყოფთაჲ, არა თუმცა დამთხუეული ესე
Line: 17     ტაძარი, არამედ დაიცევ განუფხურელად მბრძოლთაგან, ვითარ თჳსი სამარადისოდ
Line: 18     და წინმოურნეობად, ვითარ თჳსისა მონაგებისა, გე\ვედრები
Line: 19     და უკუეთუ ოდეს მცოდველი ერი იწყლას შენგან რომ\ლითამე
Line: 20     ბოროტითა ცოდვისათჳს, ქუეყანისა უნაყოფოებითა და სენითა გან-მხრწნელითა
Line: 21     ანუ რომლითამე ამათ ვნებათაგან, რომელთა მიერ შენცა, გარდა\მავალთა
Line: 22     ჯეროვანთასასა, სწორით, ამისა შემდგომად მოვიდოდის ყოველი შეკრებული
Line: 23     ტაძრად, გევედრები შენ, ცხოვნებად მოქენე, მსმენელქმნელმან
Line: 24     მისმან, ვითარ შენგან მყოფმან, შეიწყალე და განსაცდელთაგან იჴსენ. ხოლო
Line: 25     ამას შენ მიერსა შეწევნასა არა ევრაელთათჳს მხოლოდ, მცთომთა, მოქენე ვარ
Line: 26     ქმნასა, არამედ დაღაცათუ დასასრულთაგან ქუეყანისათა ვიეთნიმე მოიწინენ,
Line: 27     ანუ სადაჲთ ვინაჲვე, მოსწრაფენი და მიმთხუევად კეთილისა მვედრებელნი,
Line: 28     მიეც მათ, მორჩილქმნილმან, რამეთუ ესრეთ ისწაონ ყოველთა ვითარმედ შენ
Line: 29     ვიდრემე მნებებელ იქმენ ჩუენ მიერ სახლსა შემზადებად შენდა, ხოლო ჩუენ
Line: 30     არა გარეგან კაცნი ვართ ბუნებით, არცა უცხოებით მქონებელ ვართ თანმო\ნათესვეთა
Line: 31     მიმართ, არამედ ყოველთათჳს ზოგადყოფაჲ შენ მიერისა შეწევნი\საჲ
Line: 32     და კეთილთა მიმთხუევაჲ ვინებეთ".

Paragraph: 4  
Line: 33        4) მეტყუელმან ამათმან, დააგდო თავი თჳსი ქუეყანასა ზედა და მრა\ვალსა
Line: 34     ჟამსა თაყუანისმცემელმან და აღდგომილმან მიიხუნა მსხუერპლნი ვო\მონსა
Line: 35     ზედა. და აღმავსებელმან უნაკლულოთა სამსხუერპლოთაგან აგრძნა ჭეშ-მარიტებით
Line: 36     შეწირვაჲ ღმრთისაგან მსხუერპლთაჲ, რამეთუ ცეცხლმან, აერი\საგან
Line: 37     შთამომსრბულმან და სახედველად ყოველთა ვომონსა ზედა მოწევნულ\მან,
Line: 38     ყოველი მსხუერპლი აღიტაცა და დაწუა. ესევითარი რაჲ საჩინოებაჲ
Line: 39     იქმნა, ერი ვიდრემე, ამათ მიერ ტაძარსა შინა ღმრთისასა ყოფასა გულვებადსა
Line: 40     უწყებად შემრაცხელი და განმხიარულებული, თაყუანის-სცემდა დავრდომილი
Page: II-20   Line: 1     იატაკსა ზედა. ხოლო მეფემან კურთხევად იწყო და სიმრავლესაცა ამისივე
Line: 2     ქმნაჲ განაზრახა, სახის-მქონებელსა აწვე ღმრთისა მიერ მათდა მიმართისა
Line: 3     მოწყალე-ქმნისასა. ხოლო რაჲთა ილოცვიდენ ესევითართა მარადის მოწევნად
Line: 4     მათდა მის მიერ და გონებასა მათსა წმიდად ყოვლისა სიბოროტისაგან დაიც\ვიდენ
Line: 5     სიმრთელესა შინა და კეთილმსახურებასა და მცნებათა დაცვულებით დადგრომასა
Line: 6     შინა, რომელნი, მოჳსის მიერ მოსცნა მათ ღმერთმან, რამეთუ
Line: 7     ესრეთ კეთილბედნიერ იყოს ევრაელთა ნათესავი და ყოვლისა კაცთა ნათეს\ვისა
Line: 8     უსანატრელესი. ხოლო ევედრებოდა მოჴსენებად რაოდენთა მიერ მოეგ\ნეს
Line: 9     წარმოდგომილნი კეთილნი, დამტკიცებად ქონებად და მოჴსენებად მათდა,
Line: 10     რომელთა უმრავლესი და უზეშთაეს ყვნეს, რაჲთა არა მოღებაჲ ოდენ ამათი
Line: 11     მხოლოდ კეთილმსახურებისა და სიმართლისათჳს შესარაცხელ, არამედ და პყრობაჲცა
Line: 12     ამათ მიერვე სამართალ. ხოლო კაცთა მიერ არა ესოდენ დიდ მო\გებაჲ,
Line: 13     რომლისაჲვე არა მყოფთაგანისაჲ, ვითარმედ დაცვაჲ მოღონებულთაჲ
Line: 14     და არასა ვნებულად ჴუმევაჲ ამათი.

Paragraph: 5  
Line: 15        5) მეფემან ვიდრემე უკუე, ამათმან მეტყუელმან სიმრავლისა მიმართ, დაჰ\ჴხნა
Line: 16     შესაკრებელი, აღმასრულებელმან მსხუერპლთამან თავისა თჳისათჳს და
Line: 17     თანად ყოველთა ევრაელთათჳს: ჴბონი ვიდრემე ამსხუერპლნა ბევრნი და
Line: 18     ორ ათასნი, ხოლო ცხოვართა -- ბევრნი ათორმეტნი, რამეთუ ტაძარსა მაშინ
Line: 19     პირველად აგემა მღდელთმოქმედებულთაგან. და იშუებდეს მას შინა ყოველ\ნი
Line: 20     ევრაელნი ცოლთა თანა და შვილთა. და ამას თანა მეკარვეობაჲცა წოდე\ბული
Line: 21     დღესასწაული წინაშე ტაძრისა ბრწყინვალედ და დიდ-შუენიერებით
Line: 22     ორგზის შჳდთა დღეთა Page of ms.: 142v  შინა აღასრულა მეფემან, ყოვლისა ერისა თანა
Line: 23     მშუე/ბელმან.

Paragraph: 6  
Line: 24        6) ხოლო ვინაჲთგან კმასაყოფელად მათდა აქუნდეს ესენი და არცა ერ\თი
Line: 25     ღმრთისა მიმართისა კეთილმსახურებისაგან დაკლებულ იყო, თითოეულნი
Line: 26     თავად თჳსად, მეფისაგან განტევებულნი, წარვიდეს, მმადლობელნი მეფისანი
Line: 27     მათდა მიმართისა მოურნეობისათჳს და საქმეთათჳს, რომელი აჩუენნა და
Line: 28     ილოცვიდეს ღმრთისა მიმართ მინიჭებასა მათდა მრავალსა ჟამსა შინა სალო\მონ
Line: 29     მეფისასა. ხოლო სლვასა ჰყოფდეს სიხარულითა და განცხრომითა, ქება\თა
Line: 30     მეტყუელნი ღმრთისა მიმართ, ვიდრეღა მხიარულებისა მიერ ყოველთა უშრომელად
Line: 31     სრულ-ყვეს გზაჲ, თჳსთა მიმართ მიმყვანებელი. და იგინი ვიდრე\მე,
Line: 32     კიდობანსა ტაძრად მიმყვანებელნი, სიდიდესა და შუენიერებასა მისსა
Line: 33     მხილველნი და მსხუერპლთაგნ მას შინა და დღესასწაულთა მიმღებელნი,
Line: 34     თჳსთა მიმართ ქალაქთა თითოეულნი უკუნ-იქცეს.

Line: 35        ხოლო ჩინებულმან ძილთა შინა მეფისა გამოჩინებულმან, აუწყა მას
Line: 36     ლოცვისა მისისად მსმენელქმნილობაჲ ღმრთისაჲ და ვითარმედ დაიცვას ტა\ძარი
Line: 37     და მარადის მას შინა დაადგრეს, უკუეთუ შვილნი მისნი და ყოველი სი\მრავლე
Line: 38     სამართალთა იქმოდიან. ხოლო იგი თუ პირველად დაადგრეს მცნებათა
Line: 39     ზედა მამისათა, იტყოდა სიმართლედ და სიდიდედ აურაცხელად კეთილ-ბედნიე\რობისად
Line: 40     აღყვანებასა მისსა და მეფობასა მარადის სოფლისასა და იუდაჲს ნათესვისასა,
Line: 41     ნათესვისა მისისაგან მყოფთასა. ხოლო დამტევებელი ქცევათაჲ
Page: II-21   Line: 1     და უმეცრებისა მათისა მოქმედი და უცხოთა ღმერთთა მსახურებად გარდა-ცვალებული,
Line: 2     ძირითურთ მოჰკუეთოს და არცა ნათესვისა რაჲვე ნაწილი დაუ\ტეოს
Line: 3     მას და არცა ისრაჲლიტთა ერი უვნებელ ყოს, არამედ ბრძოლათა მიერ
Line: 4     და ბოროტთა ბევრეულთა უჩინო-ყოს და ქუეყანისაგან, რომელი მამათა მათთა
Line: 5     მისცა, განჴმდელმან, მიდმომავალნი უცხოსა ქუეყანასა შინა დაადგინნეს,
Line: 6     ხოლო ტაძარი აწ შენებული დასაწუველად და მისატაცებლად მტერთა მისცეს და
Line: 7     აღფხურას ქალაქიცა ჴელთა მიერ მბრძოლთაჲსა. და ყვნეს ღირს ზღაპრობათა
Line: 8     მათ შორისნი ბოროტნი, გაიგონე და მრავლისა ურწმუნოებისა, გარდამატებუ\ლებისათჳს
Line: 9     სიდიდისა, ვიდრეღა მახლობელ მკჳდარნი, მსმენელნი განსაცდელი\სანი,
Line: 10     განკჳრდებოდიან და მიზეზსა მრავლად განმხილველ იყვნენ, რომლისა\თჳს
Line: 11     ესრეთ საძულელ იქმნეს ევრაელნი ღმრთისა, პირველად დიდებისა მი\მართ
Line: 12     და სიდიდისა მის მიერ აღყვანებულნი. დანეშტებულთაგან აღმსაარე\ბელთა
Line: 13     ისწავებდენ ცოდვათა და მამულთა სჯულთაგან გარდას[ლვათა].

Line: 14        ესენი ვიდრემე უკუე, ღმრთისა მიერ თქუმულად მის მიმართ ძილთა შინა,
Line: 15     აღწერილ არიან.




Next part


This text is part of the TITUS edition of Flavius Iosephus, Antiquitates Iudaicae I-II.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.