TITUS
Flavius Iosephus, Antiquitates Iudaicae I-II
Part No. 121
Previous part

Section: 5  
Line: 37   თ. 5


Paragraph: 1  
Line: 38        1) და იორამოს უკუე, იეროსოლჳმათა მეფემან, და რამეთუ ამისიცა
Line: 39     ესევითარი იყო სახელი, ვითარცა წინაწარ-ვთქუთ, მიმღებელმან მეფობისა\მან
Line: 40     მეყუსეულად მიიმართა კლვისა მიმართ ძმათა მისთაჲსა და მამეულთა
Line: 41     მოყუარეთაჲსა, რომელნი და მთავარნიცა იყვნეს, დასაბამსა და ჩუენებასა
Page: II-72   Line: 1     სიბოროტისასა ამიერ მოქმედმან. და არარაჲთ განეყოფვოდა ერისა მეფეთა,
Line: 2     რომელთა პირველად იუსჯულოეს მამულთა მიმართ წესთა ევრაელთაჲსა და
Line: 3     ღმრთისა მიმართისა მსახურებისა. ხოლო ასწავა მას, და სხუათაცა შინა ბო\როტად
Line: 4     მყოფსა, უცხოთაცა ღმერთთა თაყუანისცემაჲ ღოთოლია, ასულმან ახავოჲსმან,
Line: 5     მის თანამკჳდრმან. და ღმერთსა ვიდრემე დავიდის მიმართისა აღთქუმისათჳს
Line: 6     არა ენება ნათესავისა მისისა უჩინო-ქმნაჲ, ხოლო იორამოს
Line: 7     არა მოაკლებდა, თითოეულსა დღესა განმაახლებელი უღმრთოებისათჳს მი\მართ
Line: 8     და განხრწნისა მამულთა წესთაჲსა.

Line: 9        და მას უკუე ჟამსა Page of ms.: 161r  განუდგენ მას იდუმელნი და პირველი ვიდრემე
Line: 10     მეფე მოკაუდინეს, რომელი მორჩილ იყო მამისა მისისა და რომელი სათნო\უჩნდა
Line: 11     მათ, ესე დაადგინეს. ხოლო იორამოს გარემოჲსთა მისთა მჴედართა და
Line: 12     ეტლთა თანა იდუმეად მიიწია ღამე და გარემოჲსნი სამეფოჲსა მისისანი გან\ხრწნნა
Line: 13     და შორს არასადა წარვიდა. ხოლო სარგებელ ექმნა არცა ერთი ამისსა
Line: 14     მოქმედსა, რამეთუ ყოველნი განდგეს მისგან და დამკჳდრებულნიცა სოფელსა
Line: 15     შინა, ლავენნად წოდებულსა. ხოლო ესოდენ ბორგნეულ იყო, ვიდრეღა აი\ძულებდაცა
Line: 16     ერსა, მაღალთა მთათა ზედა აღსრულსა, თაყუანისცემად უცხოთა ღმერთთა.

Paragraph: 2  
Line: 17        2) ამათმან უკუე მოქმედმან და სრულიად განმდევნელმან გონებისაგან
Line: 18     მამულთა სჯულთამან, მიიღო ილიას მიერ, წინაწარმეტყუელისა, ეპისტოლე,
Line: 19     რომელსა შინა აუწყებდა დიდსა შურისგებასა მიგებასა მიღებად მისგან
Line: 20     ღმრთისა, რამეთუ თჳსთა ვიდრემე მამათა არა მსგავს იქმნა, არამედ უსჯუ\ლოებათა
Line: 21     ისრაჲლიტთა მეფეთასა შეუდგა და აიძულა იუდაჲსასა და მოქა\ლაქეთა
Line: 22     იეროსოლჳმათასა დატევებად მსახურებასა თჳსისა ღმრთისასა და კერპ\თა
Line: 23     პატივისცემად. და ახავოსცა აიძულა ისრაჲლიტთა, და თანად რამეთუ
Line: 24     ძმანი მოაკუდინნა და კეთილნი მამაკაცნი და მართალნი მოსრნა. შურისგე\ბისათჳს
Line: 25     ამათისა, რომელსა ეგულებოდა ნაცვლისგებაჲ, აუწყებდა წერილთა
Line: 26     შინა წინაწარმეტყუელი მოსრვასა ერისასა და წარწყმედასა თჳთ მის, მეფის,
Line: 27     ცოლთა და შვილთასა. და ვითარმედ მოკუდეს სნეულებითა მუცლისაჲთა
Line: 28     მრავლად ტანჯული და ნაწლევნი მისნი, გარდამატებულებათა შინაგანთა
Line: 29     ხრწნისაჲთა, განითხინენ, ვიდრეღა თჳთ ხედვიდეს განსაცდელსა მისსა და
Line: 30     არა შემძლებელი შეწევნად შემდგომად ესრეთ მოკუდეს. და ესე ვიდრემე
Line: 31     აუწყნა ეპისტოლისა მიერ ილია.

Paragraph: 3  
Line: 32        3) ხოლო შემდგომად არა მრავლისა მჴედრობაჲ არავთაჲ, მახლობე\ლად
Line: 33     ეთიოპიისა მკჳდრთაჲ და სხუათა ნათესავთაჲ იორამოჲს სამეფოსა ზედა
Line: 34     მოიწინეს და თანად სოფელი განფხურეს და სახლი მეფისაჲ და ამას თანა
Line: 35     ძენიცა მისნი მოსრნეს და ცოლნი. ხოლო ერთი ყრმათაგან დაშთა მისდა, გან-ვლტოლვილი
Line: 36     მბრძოლთაგან, ოხოზია სახელით. და შემდგომად უკუე ამის განსაცდელისა სნეულქმნილი
Line: 37     პირველთქუმულითა სენითა წინაწარმეტყუელისა
Line: 38     მიერ მრავალსა ჟამსა, რამეთუ მიავლინა ღმერთმან მუცლად მისასა რისხვაჲ,
Line: 39     საწყალობელად მოკუდა, ზედდამხედველი შინაგან განთხეულთაჲ. ხოლო შეუ\რაცხ-ყო
Line: 40     და მკუდარიცა მისი ერმან, ხოლო გულისმსიტყუველმან, ვითარ
Page: II-73   Line: 1     ვჰგონებ, ესრეთ მოკუდინებული რისხვისაგან ღმრთისა არა ღირს-ყოფად დაფ\ლვასა,
Line: 2     რომელი შეჰგავს მეფეთა მიმთხუევად, არცა მამულთა ლარნაკთა შინა
Line: 3     დაჰფლეს იგი, არცა სხუასა პატივსა აღირსეს იგი, არამედ ვითარ მსოფლიოჲ
Line: 4     დაჰფლეს, ცხოვნებული ვიდრემე წელთა ორმეოცთა, ხოლო მმეფობი -- რვათა.
Line: 5     და მთავრობაჲ უკუე მისცა სიმრავლემან იეროსოლჳმათამან ყრმასა მისსა
Line: 6     ოხო/ზიას.




Next part


This text is part of the TITUS edition of Flavius Iosephus, Antiquitates Iudaicae I-II.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.