TITUS
Flavius Iosephus, Antiquitates Iudaicae I-II
Part No. 124
Previous part

Section: 8  
Line: 27   თ. 8


Paragraph: 1  
Line: 28        1) ხოლო აზაილოს, სჳრთა მეფემან, მბრძოლმან ისრაილიტთა და მე\ფისა
Line: 29     მათისა იიუს, განხრწნა წიაღ ორდანისა სოფელნი რუვიმიტელთანი, აღმოსავლეთით
Line: 30     კერძო, და ღადიტელთანი და მანასიტთანი, ხოლო ამას თანა ღალაადიტიცა და
Line: 31     ვატანიაჲ. და დაწუა ყოველი და მიიტაცა და მისრულთა
Line: 32     ზედა ჴელად მისა იძულებასა შეამთხუევდა მათ, რომელნიცა წარავლინნის იიუს
Line: 33     ბოროტისმყოფელისა მიმართ სოფელსა მისსა. არამედ საღმრთოთა მიმართ აღზუავებული
Line: 34     და შეურაცხისმყოფელი ღირსებისაჲ და სჯულთაჲ, მოკუდა, მეფექმნილი ისრაჲლიტთა
Line: 35     ზედა წელთა შჳდთა და ოცთა. ხოლო დაეფლა
Line: 36     სამარიას შინა, დამტევებელი მონაცვალედ მთავრობისა მისისაჲ ძესა
Line: 37     იოახა/ზოსს.

Paragraph: 2  
Line: 38        2) ხოლო იოასოს, მეფე იეროსოლჳმათაჲ, წადიერებმან რომელმანმე
Line: 39     იპყრა განახლებად ტაძარსა ღმრთისასა. და მომწოდებელმან მღდელთმთავრი\სა
Page: II-80   Line: 1     იოდანისმან, უბრძანა ყოვლისა სოფლისა მიმართ წარვლინებაჲ ლევიტელ\თა
Line: 2     და მღდელთაჲ, თხოვად თითოეულისა თავისაგან ნახევარ სიკლოსა ვეცხ\ლისასა
Line: 3     ტაძრისა შემზადებისა და განახლებისათჳს, ვინაჲთგან დაიჴსნა იორა\მოჲს
Line: 4     მიმართ და ღოთოლიაჲს და ყრმათა მისთა. ხოლო მღდელთმთავარმან
Line: 5     ესე ვიდრემე არა ქმნა, გულისჴმისმყოფელმან, ვითარმედ არავინ მისცეს ვე\ცხლი.
Line: 6     და მესამესა უკუე და მეოცესა წელსა მეფობისასა მოუწოდა მას და
Line: 7     ლევიტელთა მეფემან და აბრალებდა, ვითარ ურჩქმნილთა ბრძანებულთასა და
Line: 8     ბრძანა, რაჲთა მიერითგან მოურნე იქმნენ შემზადებისათჳს ტაძრისა. ხოლო
Line: 9     მღდელთმთავარმან სიბრძნე იჴუმია შეკრებისათჳს საჴმართაჲსა ესევითარი,
Line: 10     რომელსა ზედა სიმრავლე მხიარულ იქმნა: შეშისაჲ შეჰმზადა საუნჯე და ყოვ\ლით
Line: 11     კერძო დაჰკრძალა და ჴურელი ერთი განაღო მას ზედა. ამისა შემდგომად
Line: 12     დამდგმელმან სამღდელოსა შინა, მახლობელად ვომონისა, უბრძანა თითოეულ\სა
Line: 13     შთაგდებაჲ მას შინა, რაოდენსა მნებებელ იყოს, ჴურელისა მიერ, შემზა\დებისათჳს
Line: 14     ტაძრისა. ამის ზედა ყოველი ერი მხიარულ იქმნა და ფრიადი
Line: 15     ოქროჲ და ვეცხლი, პატივისმოყუარეობით მომღებელთა, შეკრიბეს და წარმოა-ცალიერებდიან
Line: 16     საუნჯესა თანადგომითა მეფისაჲთა, აღმრიცხუველნი შეკრებულ\სა,
Line: 17     თანად მწიგნობარი და მთავარი ჭურჭელთ-სამცველოთაჲ და შემდგომად
Line: 18     მასვე ადგილსა დასდებდეს. და ამას იქმოდეს თითოეულსა დღესა. ხოლო
Line: 19     ვითარ კმასაყოფელად Page of ms.: 164r  საგონებელ იყო სიმრავლე საჴმართაჲ, წარავლინნეს
Line: 20     მღდელთმთავარმან იოდანის და მეფემან იოასოს, მომწოდებელნი სასყიდლით
Line: 21     დადგინებულთანი ქვისმთლელთა და მაშენებელთანი და მერმეცა ძელნი დიდ\ნი
Line: 22     და კეთილისა ნივთისანი მოიხუნეს. ხოლო შეიმზადა რაჲ ტაძარი, დაშთო\მილი
Line: 23     ოქროჲ და ვეცხლი, არა მცირედი იყო, საწდეველთა მიმართ და ღჳნის
Line: 24     სასმელთა და საბურველთა და ნეშტთა ჭურჭელთა მიმართ იჴუმიეს და
Line: 25     მსხუერპლთა მიერ მრავალსახეთა ვომონსა განასუქებდეს დღითი-დღე და ესენი
Line: 26     ვიდრემე ჯეროვანსა მიემთხჳნეს მოსწრაფებასა, რაოდენსა ჟამსა ცხორებდა
Line: 27     იოდანის.

Paragraph: 3  
Line: 28        3) ხოლო ვითარ აღსრულდა ესე წელთა ვიდრემე ცხორებული და ცხო\ვნებული
Line: 29     ასთა და ოცდაათთა, მართალ და კეთილქმნილი ყოველთა შინა, და\ეფლა
Line: 30     სამეფოთა ლარნაკთა შინა იეროსოლჳმას, რამეთუ მიაგო დავიდის ნათე\სავსა
Line: 31     მეფობაჲ, მოამდოვრა მეფემან იოასის მოურნეობაჲ ღმრთისა მიმართ.
Line: 32     ხოლო განიხრწნნეს მის თანა და პირველნიცა სიმრავლისანი, ვიდრეღა უსჯუ\ლო-იქმნნეს
Line: 33     მართალთა მიმართ და განწესებულნი სჯულნი მათ შორის შე\ურაცხ-იქმნნეს.
Line: 34     ხოლო ღმერთმან, განრისხებულმან გარდაქცევასა ზედა მე\ფისასა
Line: 35     და სხუათასა, წარავლინნა წინაწარმეტყუელნი, რაჲთა უწამონ მათ
Line: 36     მოქმედებულთათჳს და დააცხრვნენ სიბოროტისა მათისაგან. ხოლო მათ ძლი\ერი
Line: 37     ტრფიალებაჲ და ბოროტი გულისთქუმაჲ ამისი აქუნდა, ვიდრეღა არცა
Line: 38     მათსა, რომელნი პირველ მათსა შეურაცხისმყოფელნი სჯულიერთანი ყოვლით სახლითურთ
Line: 39     ტანჯულნი მვნებელ-იქმნნეს, არცა მათ მიერ, რომელთა წინაწარ-მეტყუელნი
Line: 40     ეტყოდეს, რწმუნებულთა შეინანეს და არცა გარდაიცვალნეს მათ\და
Line: 41     მიმართ, რომელთაგან უსჯულოქმნილნი მიდრკეს, არამედ და ზახარიაჲსიცა,
Line: 42     იოდაჲს მღდელთმთავრისა ძისაჲ, ქვათა მიერ დაკრებულისაჲ, ბრძანა მეფემან
Page: II-81   Line: 1     მოკუდინებაჲ სამღდელოსა შინა, არა მომჴსენებელმან მამისა მისისა კეთილ-მოქმედებათამან,
Line: 2     არამედ ღმერთმან ვინაჲთგან წინაწარმეტყუელად განაჩინა
Line: 3     იგი, დადგომილი საშუვალსა შინა სიმრავლისა განაზრახებდა მას და თანად
Line: 4     მეფესა ჯეროვანთა მოქმედებად და წინაწარ-ეტყოდა მათ, ვითარმედ სასჯელი
Line: 5     დიდი მისცენ, არა მრწმუნებელთა. ხოლო ზახარია, აღსრულებადი, მოწამე და
Line: 6     მსჯელ ჰყოფდა ღმერთსა მათთჳს, რომელნი ევნებოდის, ნაცვლად კეთილისა განზრახვისა
Line: 7     და ნაცვლად მათთჳს, რომელნი მამამან მისმან მიანიჭნა იოასოს,
Line: 8     მწარედ და იძულებით წარწყმედილმან.

Paragraph: 4  
Line: 9        4) მისცა ვიდრემე უკუე მეფემან არ მიმყოვრებულად მსჯავრი მათთჳს,
Line: 10     რომელნი იუსჯულოვნა, რამეთუ აზაილოს, სჳრთა მეფემან, მიწევნულმან ქუე\ყანასა
Line: 11     მისსა და გიტტისა დამამჴობელმან, განფხურა და აღიმჴედრა მის ზედა
Line: 12     იეროსოლჳმად. ხოლო იოაოს, შეშინებულმან, დამაცალიერებელმან ყოველ\თა
Line: 13     საუნჯეთა ღმრთისათა და მეფეთასა და შესაწირავთა შთამომღებელმან,
Line: 14     წარუვლინა სჳრთა, ამით მომვაჭრებელმან, რაჲთა არა მოიოჴროს, არცა და\ჭირვებულ
Line: 15     იქმნეს ყოეელთათჳს. ხოლო მან, რწმუნებულმან გარდამატებულე\ბისათჳს
Line: 16     საჴმართაჲსა, არა მიიყვანა მჴდრობაჲ იეროსოლჳმათა ზედა. სენსა
Line: 17     ვიდრე ბოროტსა შთავრდომილი იოასოს ზედადასხმითა მისდა მოყურეთაჲთა, რომელნი
Line: 18     მსჯელ იყვნეს სიკუდილსა ზახარიაჲს, იოდანის ყრმისასა, ზედ-განი\ზრახეს
Line: 19     მეფისა და განიხრწნა მათ მიერ. და დაეფლა ვიდრემე იეროსოლჳმათა
Line: 20     შინა, ხოლო არა ლარნაკსა შინა მშობელთასა, უსჯულოქმნილი. ცხონდა ვიდ\რემე
Line: 21     უკუე წელთა შჳდთა და ორმეოცთა და მეფობაჲ მისი მიითუალა ყრმა\მან
Line: 22     ამასია.

Paragraph: 5  
Line: 23        5) ხოლო მეოცესა და პირველსა წელსა იოასოჲს მეფობისასა მიითუალა მთავრობაჲ
Line: 24     ისრაილიტთაჲ იოაზას, იიუჲს ძემან, სამარიას შინა. და დაიპყრა
Line: 25     იგი წელთა შჳდთა და ათთა, მამისა ვიდრემე არცა ესე მიმსგავსებულ იქმნა,
Line: 26     უსჯულოქმნილი, ვითარ და პირველნიცა ღმრთისა შეურაცხისმყოფელნი.
Line: 27     ხოლო დაამდაბლა იგი და მოამდოვრა ესოდენისა ძალისაგან სჳრთა მფემან ბევრეულთა
Line: 28     მხოლოდ აღჭურვილთა და ორმეოცდაათთა მჴედართა. და აღმჴე-დრებულმან მის
Line: 29     ზედა ქალაქნი დიდნი და მრავალნი მიუხუნა მას და მჴედრო\ბაჲ
Line: 30     მისი განხრწნა. ხოლო ესე ევნო ისრაჲლი\\ტთა Page of ms.: 164v  მეფესა ელისსეოჲს
Line: 31     წინა-წარმტყუელებისაებრ, რაჟამს აზაილოს წინაწარ-უთხრა მეფობაჲ სჳრთა
Line: 32     და დამასკოელთა, მომაკუდინებელსა მეუფისასა.

Line: 33        ხოლო იყო რაჲ ამათ უღონოთა ბოროტთა შინა, იოაზის მიივლტოდა მოქენეობად
Line: 34     და ვედრებად ღმრთისა ჴსნად აზაილოჲს ჴელთაგან, მვედრე\ბელი
Line: 35     და რაჲთა არა უგულებელს-ყოს მის მიერ ქმნილი. ხოლო ღმერთმან, სი-ნანულსაცა
Line: 36     ვითარ სათნოებასა მიმთუალველმან და მნებებელმან განსწავლად უფროჲსღა
Line: 37     შემძლებელთა და არა სრულიად წარწყმედად, მისცა მას ბრძო\ლისა
Line: 38     და ჭირთაგან მოცალებაჲ. ხოლო მშჳდობაჲ რაჲ მიიღო სოფელმან, კუა\ლად
Line: 39     აღისრბო პირველისა წესიერებისა მიმართ და ნაყოფიერ იქმნა.
Page: II-82  
Paragraph: 6  
Line: 1        6) და შემდგომად უკუე იოაზაჲს აღსრულებისა მიითუალა მისგან მთავ\რობაჲ
Line: 2     იოას. აწღა მეშჳდესა და ოცდამეათესა წელსა იოასოჲს მეფობისასა იუ\დაჲს
Line: 3     ნათესავსა ზედა, მიიღო მთავრობაჲ ამან იოას ისრაჲლიტთაჲ სამარიას
Line: 4     შინა, და რამეთუ ამასცა იგივე სახელისდებაჲ აქუნდა იეროსოლჳმათა მეფისაჲ,
Line: 5     და იპყრა იგი წელთა შინა ათექუსმეტთა. ხოლო კეთილ იყო და არა მსგავსი
Line: 6     მამისაჲ ბუნებით.

Line: 7        და მას უკუე ჟამსა, ვინაჲთგან ელისსეოს წინაწარმეტყუელი, სიბერესა
Line: 8     შინა მყოფი, სენსა შთავარდა, მივიდა ისრაილიტთა მეფე მისა მიმართ მოხილ\ვად.
Line: 9     ხოლო მპოვნელმან მისმან უკუანაჲსკნელთა შინა მყოფად, ტირილად
Line: 10     იწყო, ხედვიდა რაჲ იგი და თანად ევედრებოდა და მამად უწოდდა და საჭურ\ველად,
Line: 11     რამეთუ მის ძლით არასადა საჴუმეველ იყვნეს საჭურველნი მტერთა
Line: 12     მიმართ, არამედ წინაწარმეტყუელებათა მიერ მისთა უბრძოლელად საძლე\ველ
Line: 13     იყვნიან მტერნი. "ხოლო აწ ვიდრემე წარხუალ ცხორებისაგან და დამი\ტევებ
Line: 14     აღჭურვილთა სჳრთა ზედა და მათ მიერთა ბრძოლათა. არცა ვიდრემე
Line: 15     ჩემთა ამიერითგან მტკიცე არს ცხორებაჲ", ეტყოდა, არამედ კეთილად სა\გონებელ
Line: 16     არს მის თანა განსლვაჲ ცხორებისაგან და წარსლვაჲ. ამათსა მგო\დებელსა
Line: 17     მეფესა ნუგეშინის-სცემდა ელისსეოს და მშჳლდსა მოღებულსა
Line: 18     უბრძანა მას მოზიდვაჲ. ესე რაჲ ქმნა მეფემან, მშჳლდსა მომღებელმან ჴელთა
Line: 19     მისთაგან უბრძანა განტევებაჲ. ხოლო სამნი რაჲ ისარნი განუტევნა, ამისა
Line: 20     შემდგომად განისუენებდა. "უკუეთუმცა, თქუა, უმრავლესნი განგეტევნეს,
Line: 21     ძი-რითურთმცა აღმოგეფხურა სჳრთა მეფობაჲ. ხოლო ვინაჲთგან სამნი მხოლოდ
Line: 22     კმა-იყვნენ, ესოდენთა ბრძოლათა შინა სძლო მბრძოლმან სჳრთამან, რაჲთა
Line: 23     ადგილი, რომელი მიიღეს მამისა შენისაგან, უკუ-მოიღო". და მეფე ვიდრემე,
Line: 24     ამათი მსმენელი, წარვიდა. ხოლო შემდგომად არა მრავლისა და წინაწარმე\ტყუელიცა
Line: 25     მოკუდა, მამაკაცი განთქუმული სიმართლესა შინა და ცხადად სასწ-რაფოქმნილი
Line: 26     ღმრთისა მიერ, რამეთუ საკჳრველნი და დიდებულნი საქმენი წინაწარმეტყუელისა
Line: 27     მიერ აჩუენნა და ჴსენებისა ბრწყინვალისა ევრაელთა
Line: 28     შორის ღირსქმნილნი. მიემთხჳა და დაფლვასაც დიდ-შუენიერსა და ვითარსა
Line: 29     შესამსგავს იყო მიმთხუევად ესევითარი ღმრთის-მოყუარე. ხოლო შეემთხჳა
Line: 30     მაშინ განცხოველებაჲ ავაზაკთა მიმართ შთაგდებულსა საფლავსა შინა ელის\სოჲსსა,
Line: 31     რომელსა მომაკუდინებელ იყვნეს.

Line: 32        და ელისსეოჲს ძლითნი ვიდრემე წინაწარმეტყუელისანი, რაოდენნი
Line: 33     ცოცხალმან წინაწარ-თქუნა და ვითარმედ შემდგომად აღსრულებისა მერმეცა
Line: 34     ძალი აქუნდა საღმრთოჲ, ცხად-ვყვენით.

Paragraph: 7  
Line: 35        7) ხოლო აღსრულდა რაჲ სჳრთა მეფე აზაილოს, ადააჲს მიერ, ძისა მი\სისა
Line: 36     მიიწია მეფობაჲ, რომლისა მიმართ შეაწყო ბრძოლაჲ იოას, ისრაილიტთა
Line: 37     მეფემან. და სამთა ბრძოლათა შინა მძლეველმან მისმან, მიუღო სოფელი ყო\ველი
Line: 38     და რაოდენნი მამამან მისმან აზაილოს ქალაქნი და დაბანი ისრაჲლიტთა
Line: 39     სამეფოჲსაგან მიიხუნა. ესე ვიდრემე ელისსეოს წინაწარმეტყუელებისაებრ
Line: 40     იქმნა. ხოლო ვინაჲთგან შეემთხჳა და იოასოსცა მოკუდინებაჲ, იგი ვიდრემე
Page: II-83   Line: 1     სამარიას შინა დაეფლა, ხოლო მთავრობაჲ შთავიდა ძისა მისისა
Line: 2     იერომოჲსად/მი.




Next part


This text is part of the TITUS edition of Flavius Iosephus, Antiquitates Iudaicae I-II.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.