TITUS
Flavius Iosephus, Antiquitates Iudaicae I-II
Part No. 126
Previous part

Section: 10  
Line: 13   თ. 10


Paragraph: 1  
Line: 14        1) ხოლო მეხუთესა და მეათესა წელსა ამასიაჲს მეფობისასა მეფე იქმნა
Line: 15     ისრაჲლიტთა ზედა ძე იოასოჲსი, იეროვოამოს, სამარიას შინა წელთა ორმეოც\თა.
Line: 16     ესე მეფე ღმრთისა მიმართ ვიდრემე მაგინებელ და უსჯულო იქმნა ფრიად,
Line: 17     ხოლო კერპთა პატივისმცემელი და მრავალთა უშუერთა და უცხოთა საქმეთა ჴელმყოფელი,
Line: 18     ბევრეულთა ბოროტთა მიზეზ ექმნა ისრაჲლიტთა.

Line: 19        ამას უწინაწარმეტყუელა იონას ვინმე, ვითარმედ ჯერ-არს მისა, სჳრთა მბრძოლისა,
Line: 20     დაპყრობაჲ ძალისა მათისაჲ და ვრცელ-ყოფაჲ მეფობისა მისისაჲ არკტოჲსა
Line: 21     კერძოთაჲთ ვიდრემე ამათოჲსა ქალაქადმდე, ხოლო სამხრითგან
Line: 22     ვიდრე ასფალტიდისა ტბადმდე, რამეთუ დასაბამად საზღვარნი ხანანეაჲსნი
Line: 23     იყვნეს ესენი, ვითარცა მჴედართმთავარმან იისუ გარე-შესაზღვრა. აღმჴედ\რებულმან
Line: 24     უკუე სჳრთა ზედა იეროვოამოს დაამჴუა ყოველი ქუეყანაჲ მათი,
Line: 25     ვითარცა იწინაწარმეტყუელა იონას.

Paragraph: 2  
Line: 26        2) ხოლო საჭიროდ შევჰრაცხე წარმოთქუმაჲ, ჭეშმარიტებასა საქმეთასა გარდამოცემად
Line: 27     აღმთქუმელმან, რაოდენნი და ამის წინაწარმეტყუელისათჳს
Line: 28     ვპოვენ ევრაელებრთა წიგნთა შინა აღწერილნი.

Line: 29        რამეთუ ესე ბრძანებული ღმრთისა მიერ წარსლვად სამეფოჲსა ნინეოჲსა\სა
Line: 30     და ქადაგებად, მიიწიოს რაჲ ქალაქსა მას შინა, ვითრმედ წარწყმიდოს
Line: 31     მთავრობაჲ, შეშინებული არა წარვიდა, არამედ განევლტო ღმერთსა იოპპი
Line: 32     ქალაქად და ნავსა მპოვნელი და შთასრული, ტარსოდ კილიკიისა აღცურვიდა.
Line: 33     ხოლო ვინაჲთგან მოიწია ზამთარი ფიცხელი და ჭირვეულობდა დანთქმასა
Line: 34     ნავი, მონავენი ვინმე და მმართებელი და თჳთ უფალი ნავისაჲ ლოცვათა
Line: 35     ჰყოფდეს სამადლობელთა, უკუეთუ განელტვნენ ზღუასა. ხოლო იონას, დამ\ფარველი
Line: 36     თავისა თჳსისაჲ, მდებარე იყო, არცა ერთითა მიმსგავსებული სხუა\თაჲ,
Line: 37     რომელთა მოქმედად ხედვიდა. ხოლო ვინაჲთგან მერმეცა უფროჲს\\ღა [ Page of ms.: 166r  ]
Line: 38     აღორძინდებოდა ღელვაჲ და უმძჳნვარეს იქმნებოდა ქართა მიერ ზღუაჲ, გულისჴმისმყოფელთა,
Line: 39     ვითარმედ ჯერ-არს რომლისამე მათ თანა მყოფთაგა\ნისაჲ
Page: II-86   Line: 1     მიზეზ მათდა ზამთრის-ყოფაჲ, განიზრახეს წილის გდებით ამისი სწა\ვლაჲ,
Line: 2     რომელიცა სადაო იყოს. წილ-იგდეს რაჲ უკუე, ხუდა წინაწარმეტყუ\ელსა.
Line: 3     ხოლო იგინი ჰკითხვიდეს რაჲ, ვითარმედ სადაჲთ არს და რათსა მოქმედ
Line: 4     არს, ნათესავით ვიდრემე ევრაელთად ყოფასა იტყოდა, ხოლო წინაწარმეტყუე\ლად
Line: 5     დიდისა ღმრთისა. განაზრახებდა უკუე მათ, უკუეთუ მნებებელ არიან განლტოლვად
Line: 6     წარმოდგომილისა ჭირისაგან, შთაგდებასა მისსა სიღრმესა შინა,
Line: 7     რამეთუ მიზეზ ზამთრისა არს მათდა. ხოლო იგინი პირველად ვიდრემე არა
Line: 8     მკადრე იყვნეს, უსჯულოებად მსჯელნი უცხოჲსა კაცისა და ცხორებასა მათდა
Line: 9     მრწმუნებელისასა ესრეთ ცხად წარსაწყმედელად შთაგდებასა მითსა მიერ.
Line: 10     ხოლო დასასრულად, ზესთ მაიძულებელობითა ბოროტისაჲთა და ვითარ ესრეთ\ცა
Line: 11     მგულებელობითა ნავისაჲთა დანთქუმად და თანად წინაწარმეტყუელისა
Line: 12     მიერ აღძრულთა და შიშისა მიერ ცხორებისა მათისათჳს, შთააგდეს იგი ზღუად
Line: 13     და ზამთარი ვიდრემე დაწყნარებულ იქმნა. ხოლო ამისთჳს სიტყუაჲ არს ვე\შაპისა
Line: 14     მიერ შთაანთქუმაჲ სამთა დღეთა და ესოდენთავე ღამეთა და ევქსინოჲს
Line: 15     პონტოდმი განდუღებაჲ ცეცხლისაჲ და არცა ერთსა სხეულისაგან ვნებული\საჲ,
Line: 16     სადა, მვედრებელი ღმრთისაჲ შენდობასა მინიჭებად მისდა ნაცოდვებ\თათჳს,
Line: 17     წარვიდა ნინეოჲ ქალაქად და მდგომარემან სასმენელად ქადაგა, ვი\თარ
Line: 18     ფრიად შემდგომად მცირედისა ჟამისა დაუტეონ მთავრობაჲ. და ამათი მაუწყებელი
Line: 19     უკუნ-იქცა. ხოლო წარმოვთქჳ მოთხრობისა მისისა ძლით, ვითარ
Line: 20     ვპოვე აღწერილად.

Paragraph: 3  
Line: 21        3) ხოლო იეროვოამოს მეფე, ყოვლისა თანა კეთილბედნიერობისა მქცე\ვი
Line: 22     ცხორებასა შინა და მმთავრობი წელთა ორმეოცთა, აღსრულდა და დაეფ\ლი
Line: 23     სამარიას შინა, ხოლო მიითუალა მეფობაჲ მისი ძემან ზახარია. და ამითვე
Line: 24     სახითაცა ოზიაცა, ამასიაჲსი ძე, აწღა მეფობასა მეოთხესა წელსა ათთა თანა
Line: 25     იეროვოამოჲს მეფობისათა მეფე იქმნა იეროსოლჳმათა შინა ორთა ნათესავ\თა
Line: 26     ზედა, დედისა ვიდრემე სახელით აქიალაჲსგან მყოფი და ნათესავით ასტი\სა.
Line: 27     ხოლო სახიერ იყო და კეთილი ბუნებით, დიდ-გონებად და მოურნეობად საქმეთათჳს
Line: 28     შრომისმოყუარე. და აღმჴედრებულმან პალესტინელთა ზედა
Line: 29     და მძლეველმან ქალაქსა შინა, ქალაქნი მათნი მიიხუნა ძლიერებით, გიტტაჲ
Line: 30     და იამნიაჲ, და დაამჴუნა ზღუდენი მათნი. ხოლო შემდგომად ამის მჴედრო\ბისა
Line: 31     მიიწია მახლობელთა ზედა ეგჳპტისათა არავთა და ქალაქსა აღმაშენებელ\მან
Line: 32     მეწამულსა ზღუასა ზედა, დაადგინნა მას შინა მცველნი. და ამისსა შემდგო\მად,
Line: 33     ამმანიტელთა დამამჴობელმან და ხარკთა აღსრულებად განმასაზღვრე\ბელმან
Line: 34     მათდა და ყოველთა ვიდრე ეგჳპტისა საზღვართამდე მპყრობელმან,
Line: 35     მიერითგან ეროსოლჳმათა ზედმოურნეობასა იწყო ქმნად, რამეთუ რაოდენნი ზღუდეთაგან
Line: 36     ჟამისა მიერ დაცემულ იყვნეს, გინათუ უგულებელს-ყოფისაგან
Line: 37     პირველ მისსა მყოფთა მეფეთაჲსა, ესენი აღაშენნა და შეჰმზადნა. და თანად
Line: 38     რაოდენნი იყვნეს დამჴობილნი მეფისა მიერ ისრაჲლიტთაჲსა, ესენი აღაშენნა
Line: 39     და შეჰმზადნა, რაჟამს მამისა მისისა ამასიაჲ ტყუემიმყვანებელი შევიდი ქა\ლაქად.
Line: 40     ხოლო ამას თანა აღაშენნა გოდოლნიცა მრავალნი, ორმეოცდაათთა
Page: II-87   Line: 1     წყრთათა და ათასნი, და სამცველონი აღაშენნა უდაბურთა ადგილთა შინა და
Line: 2     მრავალნი ჯურღუმულნი აღმოჰკაფნა წყალთანი. ხოლო იყო ამისა და კარაულ\თაცა
Line: 3     სხუათა პირუტყუთა აურაცხელი სიმრავლე, რამეთუ კეთილაღმომაცე\ნებელ
Line: 4     იყო ადგილი იგი საზრდელთა.

Line: 5        და მუშაკებრივად მყოფი ფრიად მოურნე იყო ქუეყანისა, ნერგთა მიერ
Line: 6     და მრავალსახეთა თესლთა Page of ms.: 166v  შემამკობელი მისი. ხოლო მჴედრობაჲ რჩეული
Line: 7     აქუნდა გარემოჲს მისსა ბევრთა შჳდთა და ოცდაათთაჲ, რომლისა იყვნეს მთა\ვარნი
Line: 8     წესთმთავარნი და ათასთმთამარნი, მჴნენი და ძალითა მოუთმენელნი,
Line: 9     რიცხჳთ ორ ათასნი. ხოლო განაწესა მწყობრად ყოველი მჴედრობაჲ და აღ\ჭურა,
Line: 10     მახჳლსა მიმცემელმან თითოეულისა და ფართა და ჯაჭუთა რვალისა\თა
Line: 11     და მშჳლდთა და შურდულთა. და ამათ თანა მანქანებანი მრავალნი მოოჴ\რებისა
Line: 12     მიმართ შეჰმზადნა, ქვათსასროლნი და ჰოროლნი და ჰოროლთსატყორ\ცნი
Line: 13     და აღსატაცებელნი და რაოდენნი მსგავსნი ამათნი.

Paragraph: 4  
Line: 14        4) ხოლო იქმნა რაჲ ამას განწესებასა და შემზადებასა შინა, განიხრწნა
Line: 15     გონებითა ზუაობისა მიერ და მომდოვრებულმან სიმდიდრისა მიერ უკუდავი
Line: 16     და ყოვლისა ჟამისა მიმართ კმასაყოფელი ძალი შეურაცხ-ყო, ხოლო ესე არს
Line: 17     ღმრთის მიმართ კეთილმსახურებაჲ და დაცვაჲ სჯულიერთაჲ. დაეცა უკუე კეთილბედნიერობისა
Line: 18     მიერ და შთავარდა მამისა ცოდვათა მიმართ, რომელთა
Line: 19     მიმართ მიიყვანა იგიცა ბრწყინვალებამან კეთილთამან, არა შემძლებელი კეთი\ლად
Line: 20     წინადადგომისა მითისაჲ. ხოლო ვინაჲთგან წარმოდგა დღე საჩინოჲ და
Line: 21     ყოველი საეროჲსა დღესასწაულისა მქონებელი, შემმოსელი სამღდელოჲსა შესამოსლისაჲ
Line: 22     შევიდა ტაძრად ღმრთისა, ოქროჲსა ვომონსა ზედა. ხოლო აზა\რია,
Line: 23     მღდელთმთავრად მყოფმან, "არა შესაძლებელ არს ზედ მსხუერპლვაჲ,
Line: 24     თქუა, არამედ ესე მხოლოდ მიტევებულ არს ქმნად აარონის ნათესვისაგან
Line: 25     მყოფთათჳს". ხოლო ჴმობდეს რაჲ გამოსლვად და არა უსჯულოებასა ქმნად
Line: 26     ღმრთისა მიმართ, განრისხებულმან სიკუდილი აქადა მათ, უკუეთუ არა დუ\მილით
Line: 27     მიიღონ. ამისა უკუე შემდგომად ძრვამან შეარყია ქუეყანაჲ და შეიძრა
Line: 28     დიდად და განიყო ტაძარი და ნათელი მზისაჲ ბრწყინვლე გამობრწყინდა და
Line: 29     სახედველსა მეფისასა შეეხო, ვიდრეღა მას ვიდრე მეყუსეულად კეთრი გარდა\ესახა,
Line: 30     ხოლო ქალაქისა მახლობელად, ერროგიდ წოდებულისა, გამოსთქდა ნა\ხევარი
Line: 31     მთისაჲ დასავლეთით კერძოჲთ და, დანგორებული ოთხთა სტადიონთა,
Line: 32     აღმოსავლეთით კერძოჲთ მთისაჲთ დადგა, ვიდრეღა დაყვნა წარსავალნი და სამოთხენი
Line: 33     სამეფონი. ხოლო ვინაჲთგან იხილეს სახედველი მეფისაჲ მღდელთა პყრობილად
Line: 34     კეთრისაგან, ეტყოდეს მას განსაცდელსა და უბრძანებდეს გან\სლვასა
Line: 35     ქალაქისაგან, ვითარ შეგინებულსა. ხოლო იგი, სირცხჳლისა მიერ ბო\როტისა
Line: 36     შემთხუეულისა და არღა მერმეცა კადნიერებასა ყოფისათჳს, მისდა
Line: 37     ბრძანებულსა იქმოდა უზეშთაესისათჳს ქმნისა კაცობრივისა გონებისა და
Line: 38     ამის ძლით ღმრთსა მიმართთა უსახურებათათჳს, ესრეთ უბადრუკსა და სა-წყალობელსა
Line: 39     მომთმენელი სასჯელსა. და ჟამსა რაოდენსამე იქცეოდა გარეგან
Line: 40     ქალაქისა, მსოფლიოსა მცხორებელი ცხორებასა. და ყრმამან მისმან იოთამოს
Line: 41     მიითუალა მთავრობაჲ. ამისა შემდგომად, მწუხარებისა მიერ და სულმოკლე\ბისა
Page: II-88   Line: 1     ქმნილთაჲსა, მოკუდა, წელთა ცხორებული რვათა და სამეოცთა ამათ\გან
Line: 2     მმეფობი ორმოცდაათორმეტთა. ხოლო დაეფლა მხოლოჲ შინაგან მტილ\თა
Line: 3     მისთა.




Next part


This text is part of the TITUS edition of Flavius Iosephus, Antiquitates Iudaicae I-II.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.