TITUS
Flavius Iosephus, Antiquitates Iudaicae I-II
Part No. 128
Previous part

Section: 12  
Line: 29   თ. 12


Paragraph: 1  
Line: 30        1) ხოლო იოათამოს გარდაიცვალა, ცხორებული წელთა ერთსა და ორ\მეოცთა,
Line: 31     ხოლო მმეფობი ექუსთა და ათთა, და დაეფლა სამეფოთა ლარნაკთა
Line: 32     შინა. და მეფობაჲ უკუე მივიდა ძისა მისისა ახაზისა, რომელი უსჯულო იქმნა
Line: 33     ღმრთისა მიმართ და მამულთა სჯულთა გარდასრული ისრაილიტისა მეფეთა მიემსგავსა:
Line: 34     ვომონთა აღმადგინებელმან იეროსოლჳმათა შინა და მმსხუერპლ\ველმან
Line: 35     მათ ზედა კერპთა მიმართ, რომელთა შორის და თჳსიცა ყოვლად-და\საწუველ
Line: 36     ყო ყრმაჲ ხანანელთა წესისაებრ და ამათნი მსგავსნი სხუანიცა იმოქ\მედნა.
Line: 37     ხოლო ვინაჲთგან ესრეთ აღბორგებულად მქონებელ იყო, აიმჴედრა მის
Line: 38     ზედა სჳრთა და დამასკინილთა მეფემან, არასის და ფაკეა, ისრაჲლიტთამან, რა\მეთუ
Line: 39     მოყუარენი იყვნეს. და შემაყენებელნი მისნი იეროსოლჳმად, მრავალსა
Line: 40     ჟამსა ჰბრძოდეს სიმტკიცისათჳს ზღუდეთაჲსა, არცა ერთსა შემძლებელნი.
Page: II-90   Line: 1     ხოლო სჳრთა მეფემან, მიმღებელმან ქალაქსა ილათოჲსასა, რომელი იყო მე\წამულით
Line: 2     ზღჳთ კერძო და მას შინა მკჳდრთა მომაკუდინებელმან, დაამკჳდრნა
Line: 3     სჳრნი მუნ. და სამცველოთა შინა მყოფნი და გარემოჲს იუდეანნი განხრწნნა
Line: 4     და ნატყუენავისა ფრიადისა მიმღებელი დამასკოდ წარვიდა მჴედრობისა თანა.
Line: 5     ხოლო იეროსოლჳმათა მეფემან, აგრძნა რაჲ სჳრთა წარსლვაჲ სახლთა მიმართ
Line: 6     თჳსთა და მეჭუელმან, ვითარმედ შემძლებელ არს ბრძოლად ისრაილიტთა მე\ფისა
Line: 7     მიმართ, განიყვანა მის ზედა ძალი თჳსი და მბრძოლი იძლია განრისხე\ბისაგან
Line: 8     ღმრთისა, რომელი აქუნდა უსახურებათა მისთათჳს, მრავალთა ერთბა\მად
Line: 9     და დიდთა, რამეთუ ათორმეტნი ბევრეულნი მას დღესა შინა ისრაჲლიტთა\გან
Line: 10     მოჲსრნეს მისნი, რომელთაცა მჴედართმთავარმან, ზახარის, მოაკუდინა ძე
Line: 11     მეფისა ახაზისი ბრძოლასა შინა, ვასიამოს სახელით, და ზედმოურნე მეფობი\სა
Line: 12     ყოვლისაჲ, ერიკამ, და მჴედართმთავარი იუდაჲს ნათესვისა ყოვლისა, ელი\კამ,
Line: 13     ტყუედ მიიყვანა. და ვენიამიტიდოჲს ნათესვისაგან დედაკაცნი და ყრმანი
Line: 14     მიიყვანნეს და ფრიადსა ნატყუენავისა მიმტაცებელნი წარვიდეს სამარიად.

Paragraph: 2  
Line: 15        2) ხოლო ოდიდას ვინმე სახელით, რომელი მას ჟამსა წინაწარმეტყუელი
Line: 16     იყო სამარიას შინა, შემთხუეულმან მჴედრობისამან წინაშე ზღუდეთა, დიდითა
Line: 17     ჴმობითა აუწყა მათ ძლევაჲ არა თჳსისა ძალისათჳს, არამედ გულისწყრომი\სათჳს
Line: 18     ღმრთისა, რომული აქუნდა ახაზოჲს ზედა მეფისა. და აბრალებდა, არა
Line: 19     კმამყოფელთა კეთილმიმთხუეულობისათა მისა მიმართ, არამედ მკადრებელთა
Line: 20     იუდაჲს და ვენიამიტიდოჲს ნათესვისაგან, თანმონათესვედ მყოფთაცა, ტყუე\ქმნასა.
Line: 21     და თანად განაზრახებდა მათ უვნებელად განტევებასა მათსა თჳსთა
Line: 22     მიმართ, რამეთუ ურწმუნოქმნილთა სასჯელი მისცენ ღმერთსა. ხოლო ისრაი\ლიტთა
Line: 23     ერი, შესაკრებელად მისრული, განიხილვი Page of ms.: 168r  და ამათთჳს. და აღდგომილი
Line: 24     ვინმე, ვარაქია სახელით, რჩეულთაგანი ქალაქისათაჲ და სხუანი შემდგომად
Line: 25     მისსა სამნი, იტყოდეს, ვითარმედ არა ჯერ-არს აღჭურვილთაჲ შეყვანებაჲ ქა\ლაქად,
Line: 26     "რაჲთა არა ყოველნი წარვწყმდეთ ღმრთისა მიერ, რამეთუ მხოლოდ
Line: 27     კმა-არს მისა მიმართ მცოდველობაჲ ჩუენი, ვითარცა წინაწარმეტყუელნი
Line: 28     იტყჳან და არა უახლესთა ამისთა უსჯულოებათა მოქმედებაჲ".

Line: 29        ამათსა უკუე ყურადმღებელთა მჴედართა მიუტევნეს მათ ქმნად, რომე\ლიცა
Line: 30     უმჯობესად საგონებელ იყო. მიიყვანეს რაჲ უკუე პირველთქუმულთა მა\მაკაცთა,
Line: 31     ტყუენი განბანნეს და მოურნეობასა აღირსნეს და მცემელთა წარსა\გებელთასა
Line: 32     თჳსთა მიმართ განუტევნეს. ხოლო არა უადრეს და ოთხნიცა წარ\ვიდეს
Line: 33     მათ თანა და, ვიდრე იერიხუნტოდმდე წარმავლენლნი, უკუნ-იქცეს სა\მარიაჲსა
Line: 34     ქუეყანად.

Paragraph: 3  
Line: 35        3) ხოლო ახავოზ, მეფე ამათი, მვნებელი ისრაილიტთაგან, წარმავლინე\ბელი
Line: 36     ასჳრთა მეფისა მიმართ, თაღლაფალასსაროჲსა, ევედრებოდა შეწევნასა
Line: 37     მისგან მინიჭებად მისდა ბრძოლისა მიმართ ისრაჲლიტთაჲსა და სჳრთა და დამასკინელთაჲსა,
Line: 38     საკმართა მრავალთა მიცემად აღმთქუმელი და წარუვლინნა
Line: 39     მას ბრწყინვალენიცა ძღუენნი. ხოლო მივიდეს რაჲ მვედრებელნი მისა მიმართ,
Line: 40     წარმოვიდა შეწევნად ახავოჲსსა და აღმჴედრებულმან სჳრთა ზედა განფხურა
Line: 41     ქუეყანაჲ მათი და დამასკოჲ ძლიერებით იპყრა და მეფე არასინ მოაკუდინა
Page: II-91   Line: 1     და დამასკინელნი გარდაამკჳდრნა ზენასა მიდიასა შინა და ასჳრთა ნათესავისა\გან
Line: 2     რომელთამე გარდამცვალებელმან დაამკჳდრნა დამასკინელთა ქუეყანასა
Line: 3     შინა და ბოროტისმყოფელმან ისრაილიტთა სოფლისაგან მრავალნი ტყუედ მი\იყვანნა.
Line: 4     ესოდენნი რაჲ. იმოქმედნა მან სჳრთა მიმართ, მეფე, მიმღებელი ოქ\როჲსა
Line: 5     და ვეცხლისაჲ, რაოდენი იყო სამეფოთა საუნჯეთა შინა და ტაძარსა
Line: 6     ღმრთისასა და რომელი რაჲ იყო უმჯობესი შესაწირავი, ამისი მტჳრთველი და
Line: 7     მქონებელი, მივიდა დამასკოდ და მისცა ასსჳრთა მეფესა აღთქუმათაებრ და
Line: 8     ყოველთათჳს მადლსა ქონებად აღმსაარებელი უკუნ-იქცა იეროსლჳმად.
Line: 9     ხოლო იყო ესრეთ უგუნურ და უმჯობესისათჳს უგულისჴმო ესე ვიდრემე
Line: 10     მეფე, ვიდრეღა არცა ბრძოლისა სჳრთა მიერ დასცხრა თაყუანისცემად ღმერთ\თა
Line: 11     მათთა, არამედ დადგრომილ იყო, პატივისმცემელი მათი, ვითარ მიმნიჭე\ბელთაჲ
Line: 12     მისთა ძლევისა. ხოლო ძლეულმან კუალად იწყო მსახურებად ასსჳრა\ისა
Line: 13     ღმერთთა და ყოველთა პატივისმცემელ იყო უფროჲს, ვიდრე მამეულისა
Line: 14     და ჭეშმარიტისა ღმრთისა, რომელიცა მიზეზ იყო მისდა ძლეულებისა, განრის\ხებული.
Line: 15     ხოლო ესოდენ უგულებელს-ყოფისა და შეურაცხებისა მიიწია, ვიდრე\ღა
Line: 16     და სრულიად დაჰჴშა ტაძარი და განწესებულთა მსხუერპლთა შეწირვაჲ
Line: 17     დააყენა და განძარცუა იგი აღნადებთა. ამათი მაგინებელი ღმრთისა მიმართ
Line: 18     აღსრულდა წელთა ვიდრემე ცხორებული ექუსთა და ოცდაათთა, ამათგან
Line: 19     მმეფობი ექუსთა და ათთა, ძისა ეზეკიაჲსი მონაცვალედ დამტევებელი.




Next part


This text is part of the TITUS edition of Flavius Iosephus, Antiquitates Iudaicae I-II.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.