TITUS
Flavius Iosephus, Antiquitates Iudaicae I-II
Part No. 141
Previous part

Section: 11  
Line: 1   თ. 11


Paragraph: 1  
Line: 2        1. ხოლო მეფემან ნავუხოდონოსოროს, წელთა სამთა და ორმეოცთა
Line: 3     მმეფობმან, დაასრულა ცხორებაჲ, კაცმან გონიერმან და უპირველესთა ყო\ველთა
Line: 4     მეფეთაგან უკეთილბედნიერესად ქმნილმან. ხოლო მოიჴსენებს საქ\მეთა
Line: 5     მისთა ვიროსოჲსცა მესამესა შინა ხალდაურთა მოთხრობათასა, მეტყუ\ელი
Line: 6     ესრეთ: "ხოლო მსმენელმან მამამან მისმან ნავუხოდონოსოროს, ვითარ\მედ
Line: 7     განწესებული სატრაპი ეგჳპტეს შინა და ღელესა შინა სჳრიაჲსა და
Line: 8     ფჳნიკისა ადგილთასა განდგომილ-იქმნა მისგან, არა შემძლებელმან თჳთ და\შრომად,
Line: 9     მერმეცა მიმცემელმან ძისა თჳსისა ნავუხოდონოსოროჲსა, რომელ
Line: 10     იყო ჰასაკსა შინა, კერძოთა რომელთამე ძალისაგან, განავლინა მისა მიმართ.
Line: 11     და განწყობილმან ნავუხოდონოსოროს განდგომილისამან და მბრძოლმან,
Line: 12     სძლოს მას და სოფელი ამის მთავრობისაგან Page of ms.: 182r  მეფობისა თჳსისა ქუეშე ქმნა.
Line: 13     და თანად მამასა მისსა ნავუხოდონოსოროსს შეემთხჳა ამასვე ჟამსა, უძ\ლურქმნილსა
Line: 14     ვავჳლონელთა ქალაქსა შინა, გარდაცვალებაჲ ცხორებისაგან,
Line: 15     მმეფობსა ოცთა და ერთსა წელსა. ხოლო ესმა რაჲ შემდგომად არა მრავლი\სა
Line: 16     ჟამისა ნავუხოდონოსოროს აღსრულებაჲ მამისაჲ, განმმართებელმან ეგჳპ\ტის
Line: 17     შინათა საქმეთამან და ნეშტისა სოფლისამან და ტყუეთა იუდელთა და
Line: 18     ფჳნიკთა და სჳრთამან და ეგჳპტის შინათა ნათესავთა განმაწესებელმან რო\მელთამე
Line: 19     მოყუარეთა თანა დიდისა მიერ თანა ძალისა და ნეშტისა სარგე\ბელისა
Line: 20     წარყვანებად ვავჳლონად, თჳთ მიიმართა მცირედისა თანა უდაბნოჲთ
Line: 21     კერძო და მიიწია ვავჳლონად. ხოლო მიმღებელმან საქმეთა, განგებულთამან
Line: 22     ხალდეველთა მიერ და უმჯობესისა მათისა მიერ დაცვულისა მეფობისა,
Line: 23     უფლებულმან ყოვლითურთ მამეულსა მთავრობასა ზედა, ტყუეთა ვიდრემე
Line: 24     მიწევნულთაჲ, და განაწესა დამკჳდრებასა განჩენაჲ მარჯუეთა ადგილთა თანა ში\ნა
Line: 25     ვავჳლონისათა. ხოლო მან, მბრძოლისა ნატყუენავთა თანად სამღდელოსა ვი\ლოჲსასა
Line: 26     და ნეშტთა შემამკობელმან, პატივისმოყუარებით დასაბამითგან
Line: 27     მყოფსაცა ქალაქსა და სხუათაცა განმაძლიერებელმან და აღმაშენებელმან,
Line: 28     რაჲთა არღარა შემძლებელ იყვნენ მერმეცა, მაოჴრებელნი, მდინარისა
Line: 29     უკუნმაქცეველნი მიფენად ქალაქსა ზედა, აღჰმართნა სამნი ვიდრემე გო\დოლნი
Line: 30     შინაგან ქალაქისა, ხოლო სამნი გარემან ამათსა მცხვრისა ალიზისა\გან.
Line: 31     და შემზღუდველმან კეთილად ქალაქისამან და ბჭეთა შემამკობელმან
Line: 32     შუენიერებით, შეჰმზადნა მამულთა სამეფოთა შინა სხუანიცა სამეფონი,
Line: 33     მქონებელნი მათნი, რომელთა აღმართებულებასა და ნეშტსა შემკობილებასა
Line: 34     ნამეტნავ არს თქუმაჲ, გარნა რაოდენ დიდნი და საჩინონი, აღესრულნეს
Line: 35     დღეთა შინა ხუთთა და ათთა. ხოლო სამეფოთა ამათ შინა სიმაღლენი ქვა\თაგან
Line: 36     აღაშენნა, მიმცემელმან სახესა მსგავსსა მთათასა და ყოველსახეთა
Line: 37     ხეთა დამნერგველმან, ქმნა და შეჰმზადა შთამოკიდებულად წოდებული სა\მოთხე,
Line: 38     რამეთუ გულისმთქუმელ იყო ცოლი მისი წადიერებისა თჳსისა, ვი\თარ
Line: 39     აღზრდილი მიდიაჲსა ადგილთა შინა.

Line: 40        და მეღასთენის უკუე მეოთხესა შინა ინდოთა ძლითსა მოთხრობასა მო\იჴსენებს
Line: 41     მათსა, რომლისა მიერ მეცადინ არს აღმოჩენად ამას მეფესა სიმჴ\ნითა
Line: 42     და სიდიდითა საქმეთაჲთა. ზესთაღსრულად ირაკლეოჲსასა, რამეთუ
Page: II-124   Line: 1     იტყჳს მის მიერ დამჴობასა ლივჳისა ქალაქისასა და ქართლისასა. ხოლო
Line: 2     დიოკლის მცირესა შინა სპარსთა მოთხრობისასა მოიჴსენებს მეფისასა; და
Line: 3     ფილოსტრატოს ინდოურთა და ფჳნიკურთა მოთხრობათა შინა, ვითარმედ
Line: 4     ამან მეფემან მოაოჴრა ტჳროსი წელთა შინა სამ და ათთა. ხოლო მეფე იყო
Line: 5     მას ჟამსა იოთოვალოს ტჳროჲსა.

Line: 6        და ყოველთა მიერ ვიდრემე მოთხრობილნი ამის მეფისათჳს ესევითარ\ნი
Line: 7     იყვნეს.

Paragraph: 2  
Line: 8        2. ხოლო შემდგომად ნავუხოდონოსოროჲს აღსრულებისა ავილარა\მატახოს,
Line: 9     ყრმამან მისმან, მიითუალა მეფობაჲ, რომელმანცა მეყუსეულად
Line: 10     იეროსოლჳმათა მეფე იეხონია საკრველთაგან განუტევა და საკუთართა მო\ყუარეთა
Line: 11     თანა აქუნდა და მრავალნი ნიჭნი მისცნა მას და ქმნა იგი უზეშთაეს
Line: 12     ვავჳლონის შინათა მეფეთასა, რამეთუ მამამან მისმან არა დაიმარხა სარწ\მუნოებაჲ
Line: 13     იეხონიაჲს მიმართ, რომელმან მისცა თავი თჳსი ცოლთა თანა და
Line: 14     შვილთა და ყოვლის ნათესვისა მამულისათჳს, რაჲთა არა აღმოიფხურას
Line: 15     პყრობილი მოოჴრებისა მიერ, ვითარ წინაწარ-ვთქუთ. ხოლო აღსრულდა
Line: 16     რაჲ ავილარამატახოს შემდგომად წელთა რვა და ათთა მეფობისა მისისათა,
Line: 17     ნიღლისაროს, ყრმამან მისმან, მიითუალა მეფობაჲ და, მპყრობელმან მისმან
Line: 18     წელთა ორმეოცთა, Page of ms.: 182v  დააქცია ცხორებაჲ. და შემდგომად მისსა ძისა მისისა
Line: 19     ლავოსორდახოჲსა მიიწია მონაცვალეობაჲ მეფობისაჲ და თუეთა ყოველთა
Line: 20     ცხრათა მოქმედი მის თანა, შემდგომად აღსრულებისა მისისა, გარდავიდა
Line: 21     ვალტასარის მიმართ, აოანდილოდ წოდებულისა ვავჳლონელთა მიმართ. ამას
Line: 22     ზედა აღიმჴედრებენ კჳროს, სპარსთა მეფე, და დარიოს მიდთაჲ.

Line: 23        და იბრძოლებოდეს რაჲ ვავჳლონის შინანი, საკჳრველისა და უცხოჲსა
Line: 24     სახილველისა ქმნაჲ შეემთხჳა: მდებარე იყო მსერებელი სახლსა შინა დიდსა,
Line: 25     ქმნილსა მომრგულებით, სერობათა მიმართ სამეფოთა ხარჭთა თანა და
Line: 26     მოყუარეთა. ხოლო მნებებელმან ბრძანა მოღებაჲ მისდა თჳსისა ტაძრისაგან
Line: 27     ჭურჭელთა ღმრთისათაჲ, რომელთაცა წარმტყუენველი ნავუხოდონოსოროს
Line: 28     იეროსოლჳმათაგან არა იჴუმევდა ვიდრემე, არამედ ტაძარსა შინა მისსა
Line: 29     დასხნა. ხოლო ამან, სილაღისა მიერ იძულებულმან ჴუმევისა მათისათჳს,
Line: 30     საშუვალ მსუმელმან და მგმობელმან ღმრთისა მიმართ, იხილა ზღუდისაგან
Line: 31     ჴელი გამოღებული და რომელთამე ასოთა მწერალი. ხოლო შეშინებულმან
Line: 32     სახილავისაგან, მოუწოდა მოგუთა და ხალდეველთა და ყოველსა ამას ნათე\სავსა,
Line: 33     რაოდენი იყო ვარვაროზთა შორის სასწაულთა და ჩუენებათა აღჴსნად
Line: 34     შემძლებელსა, რაჲთა განუცხადნენ მას წერილნი. ხოლო მოგუნი, ვინაჲთგან
Line: 35     იტყოდეს არცა ერთისა პოვნასა და გულისჴმის-ყოფასა, და მეფემან უკუე,
Line: 36     შიშისა მიმართ და მწუხარებისა საკჳრველისა ზედაჲსა, ქადაგა ყოველსა
Line: 37     სოფელსა შინა, აღმთქუმელმან, ვითარმედ ცხადმყოფელსა წერილთასა და
Line: 38     მათ მიერისა გონებასა მოსწავებისასა მისცეს მომრგულებული ყელის ზე\დაჲ
Line: 39     ოქროჲსაჲ და მეწამული მათი შესამოსელი შემოსად, ვითარ და ხალდე\ველთაცა
Line: 40     მეფეთა ჰმოსიეს, და მესამე კერძოჲ სამეფოჲსა სამთავროჲსაჲ.

Page: II-125  
Line: 1        ესე რაჲ ქადაგებაჲ იქმნა, მერმეცა უფროჲსღა მოგუნი მორბიოდეს და
Line: 2     პატივისმოყუარენი პოვნასა წერილთასა არა მცირედ უღონო იქმნნეს. ხოლო
Line: 3     ამისთჳს მწუხარედ მხილველმან მეფისამან, აღმზრდელმან მისმან იწყო
Line: 4     განმჴნობად და სიტყუად, ვითარმედ არს ვინმე იუდეაჲთ ტყუე, მიერ მქონე\ბელი
Line: 5     ნათესვისაჲ, რაჟამს განფხურნა იეროსოლჳმანი ნავუხოდონოსოროს,
Line: 6     დანიილოს სახელით, ბრძენი მამაკაცი და ჴელოვანი პოვნად უღონოთა და
Line: 7     მხოლოდ ღმრთისა მიერ საცნაურთა, რომელმანცა ნავუხოდონოსოროჲს
Line: 8     მეფისა, ვინაჲთგან არავინ სხუაჲ შემძლებელ იქმნა თქუმად, რომელთათჳს
Line: 9     მოქენე იყო, ნათლად განიყვანნა ძიებულნი. განაზრახებდა უკუე მოწოდება\სა
Line: 10     მისსა და მის მიერ სწავლასა წერილთათჳს და უსწავლელობასა არა მპოვ\ნელთა
Line: 11     მათთასა დასჯად, დაღაცათუ მჭმუნვარე იყოს ღმრთისა მიერ
Line: 12     მოს/წავებული.
Paragraph: 3  
Line: 13        3. ამათმან მსმენელმან ვალტასარის მოუწოდა დანიილოსს და სიტყუაჲ\უყო,
Line: 14     ვითარმედ უსწავებიეს მისთჳს და სიბრძნისა მისისათჳს, ვითარ საღმრ\თოჲ
Line: 15     სული არს მის თანა და მხოლოჲ შემძლებელ არს პოვნად მათ, რომელ\ნი
Line: 16     სხუათა გონებად არა მოვლენ. თქუმად უკუე მისდა წერილთა და რასა
Line: 17     მოასწავებდა, უწყებად ევედრებოდა, რამეთუ ამისსა მოქმედსა მეწამული
Line: 18     მისცეს შემოსად და ოქროჲსა მომრგულებული ყელის ზედაჲ და მესამე
Line: 19     კერძოჲ მთავრობისა მისისაჲ პატივად და დიდებად სიბრძნისა, რაჲთა ამათ
Line: 20     მიერ საჩინო- იქმნეს, მხილველთა და გამომეძიებელთა მიზეზთასა, რომლისა
Line: 21     მიერ მიემთხჳა ამათ. ხოლო დანიილოს ნიჭთა ვიდრემე მისთა ქონებად
Line: 22     ეტყოდა, რამეთუ სიბრძნე და საღმრთოჲ არა მიმხუეჭელ არს და უსასყიდ\ლოდ
Line: 23     მისცემს მოქენეთა. ხოლო აუწყებენ მას დაწერილნი მომასწავებელნი
Line: 24     დაქცევასა ცხორებისა, რამეთუ არცა რომელთაგან მშობელი მისი იტანჯა
Line: 25     ღმრთისა მიმართთა გინებათათჳს, Page of ms.: 183r  არცა ამათ მიერ ისწავა კეთილმსახურე\ბაჲ
Line: 26     და არა რომელსა მოვერაგებაჲ უზეშთაესისა კაცობრივისა ბუნებისასა,
Line: 27     არამედ და ნავუხოდონოსოროსცა, გარდაცვალებულმან მოქცევობისა მიმართ
Line: 28     მჴეცთაჲსა, რომელთათჳს იუსჯულოა, და მრავალთა ვედრებათა და მოქენეო\ბათა
Line: 29     მიერ შეწყალებულმან აღმოსლვად კაცობრივისა ცხორებისა მიმართ
Line: 30     და მეფობისა, ამათ მაქებელ იყო ღმრთისა, ვითარ ყოველსა ძალსა მქონე\ბელსა
Line: 31     და კაცთა წინამოურნისა ვიდრე აღსრულებადმდე. ხოლო შენ მოვი\წყეობაჲ
Line: 32     მიიღე მათი და მრავლად მგმობელ იქმენ საღმრთოჲსა და ჭურჭელ\თა
Line: 33     მიერ მისთა იმსახურები ხარჭთა თანა. ამათი უკუე მხილველი ღმერთი
Line: 34     განრისხნა მისთჳს და წერილთა მიერ წინაწარ-აუწყებს, რომლითა დასასრუ\ლითა
Line: 35     ჯერ-არს დაქცევაჲ ცხორებისა მისისაჲ. ხოლო მოასწავებდეს წერილ\ნი
Line: 36     ამათ: "მანი, ამას უკუე იტყოდა ელლინურითა ენითა, ხოლო მოასწავებს
Line: 37     რიცხუსა, ვითარცა ცხორებისა შენისა ჟამი ეგრეთვე და მთავრობისაჲცა აღ\რიცხუა
Line: 38     ღმერთმან და გაკლს მერმეცა მცირედი ჟამი; თეკელ-ესე მოასწავებს
Line: 39     საწონსა, აღმწონელი მეფობისა შენისაჲ. ღმერთი ცხად-ჰყოფს აწღა დამჴო\ბასა;
Line: 40     ფარეზ -- და ესეცა განტეხასა მოასწავებს ელლინთა ენისაებრ. განტეხოს
Line: 41     უკუე მეფობაჲ შენი და მიდთა და სპარსთა განუყოს იგი".
Page: II-126  
Paragraph: 4  
Line: 1        4. და დანიილოს უკუე ვინაჲთგან ამათი მოსწავებაჲ მიუთხრა მეფესა
Line: 2     კედელსა ზედა წერილთაგან, ვალტასარის ვიდრემე, ვითარ ჯერ-იყო ესევი\თართა
Line: 3     ბოროტთა ზედა, მითხრობილთა მისდა, მწუხარებაჲ და განსაცდელი
Line: 4     ეწია. გარნა არა, ვითარ წინაწარმეტყუელ ბოროტთა ქმნილსა, ნიჭნი, რო\მელნი
Line: 5     აღუთქუნა მიცემად, არა მისცნა, არამედ ყოველნი მიანიჭნა თჳსად
Line: 6     და წინამდებარისად, გულისმსიტყუველმან ყოფად, რომელნი მიეცემიან და
Line: 7     არა წინაწარმეტყუელისად, ხოლო უწყებულნი საჯნა მამაკაცისა კეთილისა
Line: 8     და მართლისად, დაღაცათუ ბოროტ იყვნეს გულვებადნი შემთხუევად და
Line: 9     ესრეთ საჯნა.

Line: 10        ხოლო შემდგომად არა მრავლისა ჟამისა პყრობილ იქმნა იგი და ქალა\ქიცა,
Line: 11     ვინაჲთგან კჳროს, სპარსთა მეფემან, აღიმჴედრა მის ზედა. რამეთუ ვალ\ტასარის
Line: 12     იყო, რომლისა ზე შეემთხჳა დაპყრობაჲ ვავჳლონსა, რომელი მე\ფობდა
Line: 13     წელთა ათშჳდმეტთა. და ნავუხოდონოსოროჲს ვიდრემე მეფისა
Line: 14     შვილთაჲ ესევითარი მივიღეთ დასასრული. ხოლო დარიოჲს, ვავჳლონელთა
Line: 15     მთავრობასა დამჴსნელისაჲ კჳროჲს თანა, ნათესვისა, წელიწადი იყო სამე\ოცდამეორე,
Line: 16     რაჟამს ვავჳლონი იპყრა, რომელი იყო ასტჳახოჲს ძე, ხოლო
Line: 17     სხუაჲ სახელი ეწოდებოდა ელლინთა მიერ, რომელმანცა, დანიილოჲს წინა\წარმეტყუელისა
Line: 18     მიმყვანებელმან, წარიყვანა მიდიას მისა მიმართ და ყოვ\ლისა
Line: 19     პატივისა მიმცემელსა მისდა აქუნდა მის თანა, რამეთუ სამთა სატ\რაპთაჲ
Line: 20     იყო, რომელნი სამეოცთა და სამასთა სასატრაპოთა ზედა დაადგინნა,
Line: 21     რამეთუ ესოდენნი დაადგინნა დარიოს ამას შინა.

Paragraph: 5  
Line: 22        5. დანიილოს უკუე ესრეთ ბრწყინვალესა მოსწრაფებასა შინა მყოფი
Line: 23     დარიოჲს მიერ და ყოველთა შინა მხოლოჲ შეწყნარებული მის მიერ, შეი\შურვა,
Line: 24     რამეთუ მოშურნე ექმნებიან მოყუარეთა, რომელნი უფროჲსღა უმ\რავლესსა
Line: 25     პატივსა შინა ხედვიდენ მას მეფეთა წინაშე. ხოლო ეძიებდეს რაჲ
Line: 26     მიზეზსა ცილისწამებისა და შესმენისასა მოშურნენი მისნი, რამეთუ სათნო
Line: 27     იყო დარიოჲსა, არცა მიანიჭებდა მათ, რამეთუ უზეშთაეს იყო საჴმართა და
Line: 28     შეურაცხისმყოფელ ყოველსა მოხუეჭასა, ხენეშად შემრაცხელი მიხუეჭისაჲ
Line: 29     კეთილთათჳს, რომელნი მიეცნეს მას, არა რომელსა უკუე პოვნასა შესმენა\თასა
Line: 30     მიანიჭებდა მოშურნეთა მისთა. ხოლო იგინი, ვინაჲთგან არა მქონებელ
Line: 31     იყვნეს, რომლისა მიერ შემასმენელთა მისთა დააკლონ იგი მეფისა მიერისა
Line: 32     პატივისაგან კდემულებითა Page of ms.: 183v  და შესმენითა, სხუასა სახესა ეძიებდეს, რომ\ლისა
Line: 33     მიერ ჴუებულ-ყონ იგი. მხილველნი უკუე დანიილოჲსნი სამგზის დღე\სა
Line: 34     შინა მლოცველად ღმრთისა მიმართ, მიზეზსა პოვნად მგონებელ იყვნეს,
Line: 35     რომლითა წარწყმიდონ იგი. და დარიოჲს მიმართ მისრულთა მიუთხრეს მას,
Line: 36     ვითარმედ სატრაპთა მისთა და მთავართა სათნო-უჩნდა ოცდაათთა დღეთა
Line: 37     შინა განსუენებასა მიცემაჲ სიმრავლისა, რაჲთა არცა ერთი ვინ მათგანი მო\ქენე
Line: 38     იყოს მისა და არცა მლოცველ ღმერთთა მიმართ. და მათგანისაჲ ვიდ\რემე
Line: 39     ამას განზრახვასა გარდასრულისაჲ მღჳმესა ლომთასა საჯეს შთაგდებაჲ
Line: 40     წარწყმედად.
Page: II-127  
Paragraph: 6  
Line: 1        6. ხოლო მეფემან, არა გულისჴმისმყოფელმან სიბოროტისა მათისამან
Line: 2     და არცა დანიილოჲსთჳს ამათისა შემზადებისა მეჭუელმან, ჯერჩინებაჲ თქუა
Line: 3     მათ მიერ განწესებულთაჲ და დამტკიცებად წინააღრჩევისა მათისა აღმთქუ\მელმან
Line: 4     დადვა წერილი, მაუწყებელი სიმრავლისაჲ, რომელნი სათნო-უჩნდეს
Line: 5     სატრაპთა. და სხუანი ვიდრემე ყოველნი, დამცველნი არა გარდასლვად
Line: 6     ბრძანებათა, დაწყნარებულ იყვნეს, ხოლო დანიილოჲს არა რომელი ზრუნვაჲ
Line: 7     ყო ამათთჳს, არამედ ვითარ აქუნდა ჩვეულებად, მდგომარე ილოცვიდა
Line: 8     ღმრთისა მიმართ სახედველად ყოველთა. და სატრაპთა, ვინაჲთგან აღუჩნდა
Line: 9     მათ მიზეზი, რომლისა მიღებასა მოსწრაფე იყვნეს დანიილოჲს ზედა, მეყუ\სეულად
Line: 10     მივიდეს მიმართ და შეასმენდეს დანიილოს, ვითარ მხოლოდ გარ\დამავალსა
Line: 11     განწესებულთასა, რამეთუ არცა ერთი ვინ სხუათაგანი მკადრე
Line: 12     იყო ლოცვად ღმერთთა მიმართ. და ამას არა უსჯულოებისათჳს იქმოდეს,
Line: 13     არამედ დაცვისათჳს და კრძალულებისა... შურისა მიერისა. ხოლო დიდისა
Line: 14     სიყუარულისა მიერ ჰგონებდის ამას ქმნად დარიოჲს მიერ, მეჭუელნი, ვი\თარმედ
Line: 15     და შეურაცხისმყოფელსაცა ბრძანებათა მისთასა შენდობაჲ მალიად
Line: 16     მიანიჭოს. და ამის ძლით მოშურნენი დანიილოჲსნი არა გარდაიცვალებო\დის
Line: 17     სიმშჳდისა მიმართ, არამედ შთაგდებასა მისსა განაზრახებდეს სჯული\საებრ
Line: 18     მღჳმესა შინა ლომთასა. ხოლო დარიოს, მსასოებელმან, ვითარმედ
Line: 19     იჴსნეს იგი ღმერთმან და არა რომელი ბოროტი ევნოს მჴეცთა მიერ, უბრძა\ნა
Line: 20     მას მეყუსეულად მოთმენაჲ შემთხუეულთაჲ. და შთაიგდო რაჲ მღჳმედ,
Line: 21     დამბეჭდველი ლოდისაჲ, რომელი მდებარე იყო პირსა ზედა ნაცვლად კარი\სა,
Line: 22     წარვიდა. და ღამე ყოველ უსაზრდელოდ და უძილად დაადგრა, შეურ\ვებული
Line: 23     დანიილოჲსთჳს. ხოლო ვინაჲთგან დღე იქმნა, აღდგომილი მივიდა
Line: 24     მღჳმესა ზედა და დაცვულად მპოვნელმან ბეჭდისამან, რომლითა დამკრძალ\ველმან
Line: 25     დაუტევა ლოდი, განმღებელმან ჴმა-ყო, მწოდებელმან დანიილოჲს\მან
Line: 26     და მკითხველმან, უკუეთუ ცოცხალ არს. ხოლო მან, მსმენელმან, არცა
Line: 27     ერთისა ვნებაჲ აუწყა მეფესა. და მეყუსეულად ბრძანა აღმოყვანებაჲ მისი
Line: 28     მღჳმისაგან მჴეცთაჲსა. ხოლო მტერნი, მხილველნი დანიილოჲსნი არა რო\მელსა
Line: 29     ბოროტსა მვნებელად, საღმრთოჲსა წინაგანგებისა მიერ არა მნებებელ
Line: 30     იყვნეს ცხორებასა მისსა, არამედ მეჭუელნი ლომთანი აღვსებასა საზრდე\ლისა
Line: 31     მიერ, ამისთჳს არა შეეხნეს, არცა მივიდეს დანიილოჲსა, იტყოდეს მე\ფისა
Line: 32     მიმართ. ხოლო მან, მომძაგებელმან მათმან სიბოროტისათჳს, შთაყრაჲ
Line: 33     უბრძანა მრავალთა ჴორცთაჲ ლომთა მიმართ და განძღეს რაჲ იგინი, ბრძანა
Line: 34     დანიილოჲს მტერთა შთაგდებაჲ მღჳმესა შინა, რაჲთა ისწავოს, უკუეთუ
Line: 35     სიმაძღრისა ძლით არა შეეხნენ მათ ლომნი. ხოლო ცხად-იქმნა დარიოჲსა,
Line: 36     შთაიყარნეს რაჲ მჴეცთა მიმართ სატრაპნი, ვითარმედ საღმრთომან აცხოვნა
Line: 37     დანიილოს, რამეთუ არცა ერთსა მათგანსა ჰრიდეს ლომთა, არამედ ყოველნი
Line: 38     განიბრძარნეს, ვითარ ფრიად მომყმართა და საზრდელისაგან უღონოთა. ხოლო
Line: 39     აღსძრვი\\და Page of ms.: 184r  მათ არა სიყმილი, ვჰგონებ, მცირედ უწინარეს ფრიადთა
Line: 40     ჴორცთა მიერ აღვსებულთა, არამედ კაცთა სიბოროტე, რამეთუ ცხად-იყო
Line: 41     ესე და უსიტყუთაცა ცხოველთა, რომელი იქმნა შურის საგებელად განზ\რახვისაებრ
Line: 42     ღმრთისა.
Page: II-128  
Paragraph: 7  
Line: 1        7. ხოლო განიხრწნნეს რაჲ მტერნი დანიილოჲსნი ესევითარითა სახითა,
Line: 2     მეფემან დარიოს წარავლინნა ყოველსა სოფელსა, მაქებელმან ღმრთისამან,
Line: 3     რომელსა დანიილოს თაყუანის-სცემდა, მის მხოლოჲსა მეტყუელმან ჭეშმა\რიტად
Line: 4     ღმერთად და ყოველსა ძლიერებასა მქონებელად. ხოლო აქუნდა და\ნიილოსცა
Line: 5     გარდამატებულსა პატივსა შინა, განმაჩენელსა მისსა პირველად
Line: 6     მოყუარეთა. ხოლო იყო რაჲ ესრეთ საჩინოდ და ბრწყინვალედ დიდებისა
Line: 7     მიერ ღმრთისა მოყუარედ ყოფითა, დანიილოს აღაშენა ეკვატანთა შინა მი\დიაჲსათა
Line: 8     ვარი, შუენიერად რაჲმე აღშენებული და საკჳრველებით ქმნილი,
Line: 9     რომელი ვიდრე აქამომდე არს და ცხონდების, ხოლო საგონებელ არს მხე\დველთა
Line: 10     მიერ ახლად შემზადებული და მას დღესა შინა, რომელსა შინა
Line: 11     მომთხრობელ არს თითოეული, ქმნილობასა მისსა ესრეთ ახალყოფისათჳს
Line: 12     მისისა და მტკიცისა შუენიერებისა და არასადა ძუელქმნისა ესოდენისა ჟამისა
Line: 13     მიერ, რამეთუ ევნების ნაშენებთაცა მსგავსად კაცთა და ძუელდებიან ძალი\თა
Line: 14     მოუძლურებულნი წელთა მიერ და შუენიერებაჲ მათი დაჭნების. ხოლო
Line: 15     დაჰფლვენ ვარის შინა მეფეთა მიდთა და სპარსთა და პართთასა ვთიდრე აქა\მომდე
Line: 16     და ამისი მარწმუნებელი არს მღდელი იუდელი. ესე იქმნების ვიდრე
Line: 17     დღენდიელად-დღედმდე. ხოლო ჯერ-არს მითხრობაჲ ამის მამაკაცისათჳს, რომ\ლისა
Line: 18     მსმენელი უფროჲსღა ვინმე განკჳრდეს, რამეთუ ყოველნივე მოგებულ
Line: 19     იქმნნეს მის მიერ საკჳრველებით, ვითარცა ერთისა რომლისამე დიდთა წი\ნაწარმეტყუელთაგანისა
Line: 20     მიერ და ჟამსაცა ცხორებისასა პატივი და დიდებაჲ
Line: 21     მეფისა მიერ აქუნდა და სიმრავლისა, ხოლო აღსრულებულსა საჴსენებელი
Line: 22     საუკუნოჲ აქუს, რამეთუ წიგნნი, რაოდენნი დამწერელმან დაუტევნა, იკითხ\ვიან
Line: 23     ჩუენ მიერ ვიდრე აქამომდე და გურწამს მათ მიერ, ვითარმედ დანიილოს
Line: 24     ჰზრახვდა ღმერთსა, რამეთუ არა გულვებადთა მხოლოდ წინაწარმეტყუე\ლებდა,
Line: 25     ვითარ და სხუანიცა წინაწარმეტყუელნი, არამედ და ჟამსაცა განა\საზღვრებდა,
Line: 26     რომელსა შინა სრულ-იქმნენ ესენი. და სხუანი ვიდრემე უკუე
Line: 27     წინაწარმეტყუელნი, ვითარ ძჳრთა წინაწარმიმთხრობელნი, ამისთჳს მოძაგე\ბულ
Line: 28     იქმნნეს მეფეთა მიერ და სიმრავლისა, ხოლო დანიილოს ექმნა მათ წი\ნაწარმეტყუელ
Line: 29     კეთილთა, ვიდრეღა ქებულებისაგან წინაწართქუმულთაჲსა
Line: 30     სიყუარული მიიხუეჭა ყოველთა მიერ. ხოლო დასასრულისაგან ჭეშმარიტება\თა
Line: 31     მათთაჲსა დიდებაჲ და სიწრფოებაჲ ერთბამად ქებასა თანა მიიღო უმეტეს
Line: 32     სხუათა. ხოლო დაუტევნა დამწერელმან, სადაჲთ ჩუენდა ჭეშმარიტებაჲ წი\ნაწარმეტყუელებისა
Line: 33     მისისაჲ და უცვალებელობაჲ ცხად-ყო.

Line: 34        რამეთუ იტყჳან მისსა, ვითარმედ იქმნა ოდესმე სუსათა შინა, დედაქა\ლაქსა
Line: 35     პერსიდისასა, და ვითარ განვიდა ველად მოყუარეთა თანა მისთა, ძრვაჲ
Line: 36     და ძრწოლაჲ ქუყანისაჲ იქმნა მეყუსეულად. და დაშთა მხოლოჲ ლტოლვითა
Line: 37     მოყუარეთა მისთაჲთა და დავარდა პირსა ზედა, დაცემული ორთავე ჴელთა
Line: 38     ზედა. და ვინმე, შემხებელი მისი, უბრძანებდა საშუვალ აღდგომასა და ხილ\ვასა
Line: 39     გულვებადთასა შემთხუევად მოქალაქეთა შემდგომად მრავალთა ნათე\სავთა.
Line: 40     ხოლო აღდგომილსა აუწყებდა მას ვერძისა დიდისა ხილვასა, მრავალ\თა
Line: 41     ვიდრემე რქათა გამომღებელსა, ხოლო დასასრულსა უმაღლესად მათგან
Line: 42     მქონებელსა; ამისდა შემდგომად -- მიხილვად დასავალით კერძო და ხილვად
Page: II-129   Line: 1     ვაცსა, ჰაერსა შინა მოღებულსა მის მიერ, დაცემულსა ვერძისათჳს და რქი\თა
Line: 2     განმბძარველსა ორგზის და დაცემად ქუეყანასა ზედა და Page of ms.: 184v  დათრგუნვად
Line: 3     მას; ამისა შემდგომად -- ხილვად ვაცისა, შუბლისაგან დიდსა რქასა აღმო\ცენებულად,
Line: 4     რომელი შეიმუსრა, რაჲთა აღმოსცენდეს ოთხნი, თითოეულისა
Line: 5     ქარისა მიმართ მხედველნი.

Line: 6        ხოლო მათმან აღმოცენებაჲ სხჳსაცა უმცირესისაჲ დაწერა, რომლისაცა
Line: 7     აღორძინებულისაგან, ეტყოდა მას ამათი მაჩუენებელი ღმერთი, ბრძოლასა
Line: 8     ნათესვისა მისისა და დაპყრობასა ქალაქისასა ძლევით და შემრღუევასა ტაძ\რისა
Line: 9     თჳსთასა და დაყენებასა მსხუერპლთასა დღეთა შინა ათას ორას ოთხ\მეოცდაათექუსმეტთა.
Line: 10     ამათი ვიდრემე ხილვაჲ ველსა შინა სურათსა დაწერა
Line: 11     დანიილოს, ხოლო აღჴსნასა მისდა ჩუენებისასა ცხად-ჰყოფდა ღმრთისა მიერ
Line: 12     ესრეთ: ვერძისა ვიდრემე მიერ მეფობათა სპარსთა და მიდთასა მოსწავებად
Line: 13     იტყოდა, ხოლო რქათა მიერ -- მეფე-ქმნად გულვებადთა. დასასრულისა
Line: 14     უკუე რქისაგან -მოსწავებასა უკუანაჲსკნელისა მეფისასა, რამეთუ ესე აღე\მატოს
Line: 15     ყოველთა სიმდიდრითა და დიდებითა. ხოლო ვაცისა მიერ -- მოსწა\ვებასა,
Line: 16     ვითარმედ ელლინთაგან მეფე იქმნნეს ვინმე, რომელმანცა, მბრძოლმან
Line: 17     სპარსისამან ორგზის და მძლეველმან ბრძოლასა, მიიღოს მთავრობაჲ ყოვე\ლი.
Line: 18     ხოლო დიდისა რქისაგან, რომელი იყო შუბლსა ზედა ვაცისასა, ცხად\ყოფასა
Line: 19     პირველისა მეფისასა და ოთხთა აღმოცენებასა, დაეცეს რაჲ იგი. და
Line: 20     ოთხთა კერძოთა მიმართ ქუეყანისათა მიქცევასა -- თითოეულისა მათისასა
Line: 21     მონაცვალეთა პირველისა მეფისათა შემდგომად სიკუდილისა აღჩენილთა და
Line: 22     განყოფასა მათდა მიმართ მეფობისასა. და ვითარმედ არცა ყრმად მისდა
Line: 23     მყოფთა, არცა ნათესვად, მრავალთა წელთა ჰმთავრონ ქუეყანასა. და ვითარ\მედ
Line: 24     იქმნეს ვინმე ამათგან მეფე, მბრძოლი ნათესვისა და სჯულთა მათთაჲ
Line: 25     და მეფობისა მათისა მიმღებელი და განმფხურელი ტაძრისაჲ და დამაყენე\ბელი
Line: 26     მსხუერპლთა აღსრულებისაჲ წელთა შინა სამთა.

Line: 27        და ამათი უკუე ვნებაჲ ჩუენსა შეემთხჳა ნათესავსა ანტიოხოჲს მიერ
Line: 28     ეპიფანესა, ვითარცა იხილა დანიილოს და უწინარეს მრავალთა წელთასა აღ\წერნა
Line: 29     ქმნადნი.

Line: 30        ხოლო ამასვე ჟამსა დანიილოს რომთა მთავრობისათჳსცა აღწერა და
Line: 31     ვითარმედ მათ მიერ პყრობილ იქმნეს, ესე ყოველნი დაწერნა მან ღმრთისა
Line: 32     მიერ ჩუენებითა მისდა და დაუტევნა, ვიდრეღა წარმკითხველთა მიერ და
Line: 33     შემთხუევასა გულვებადთასა განმხილველთა განსაკჳრვებელ არს ღმრთისა
Line: 34     მიერისა პატივისათჳს დანიილოს. და ამათ მიერ საპოვნებელ არიან ეპიკო\რელნი
Line: 35     შეცთომილად, რომელნი წინმოურნეობასა განჰჴადიან ცხორებისა\გან
Line: 36     და ღმერთსა არა აღირსებენ ზედმოურნეობად საქმეთა, არცა სანატრე\ლისა
Line: 37     მიერ და უხრწნელისა არსებისა მდგომობისა მიმართ ყოველთაჲსა მარ\თებად
Line: 38     ყოველთა, არამედ ოჴრად აღჳრთმპყრობელისაგან და მოურნისა
Line: 39     იტყჳან ქუეყანისა და თჳთ მართებულად, რომელი, უკუეთუმცა ამით სახითა
Line: 40     განუგებელ იყო, ვითარ და მმართებელთაგანცა ოჴერთა ნავთა დანთქუმუ\ლად
Line: 41     ვხედავთ ქართა მიერ, გინათუ ეტლთა დამჴობილთა, ვითარ არა მქონე\ბელთა
Page: II-130   Line: 1     აღჳრმპყრობელთასა, რამეთუ შეიმუსრნესმცა წინგანუგებელისა მი\მართებისაგან,
Line: 2     წარწყმედილ იყომცა და განხრწნილ.

Line: 3        პირველთქუმულთაგან უკუე დანიილოჲს მიერ საგონებელ არიან ჩემდა
Line: 4     ფრიად განჴუებად ჭეშმარიტისა თნებისაგან, რომელნი განა Page of ms.: 185r  ჩინებენ არცა
Line: 5     ერთსა წინმოურნეობასა ყოფად ღმრთისა მიერ კაცობრივთათჳს, რამეთუ
Line: 6     არამცა წინაწარმეტყუელებისა მისისაებრ სრულქმნილად ვხედევდით ყოველ\თა,
Line: 7     უკუეთუმცა თჳთ მართებულებითა რომლითამე ყოფაჲ შეემთხუეოდა
Line: 8     ქუეყანასა.

Line: 9        მე ვიდრემე უკუე ამათთჳს, ვითარ ვპოვე და გულისჴმა-ვყავ, ესრეთ და\ვწერე.
Line: 10     ხოლო უკუეთუ ვინმე სხუად თნებად მნებებელ იყოს მათთჳს, უბრა\ლოდ
Line: 11     მქონებელ იყავნ სხუაგონებაობასა.

Line: 12        დასასრული მეათისა სიტჳსაჲ იოსიპოჲს სიტყუადასაბამობისასა.



Page: II-131  
Next part


This text is part of the TITUS edition of Flavius Iosephus, Antiquitates Iudaicae I-II.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.