TITUS
Flavius Iosephus, Antiquitates Iudaicae I-II
Part No. 143
Previous part

Section: 2  
Line: 29   თ. 2


Paragraph: 1  
Line: 30        1. ხოლო შთასხნეს რაჲ საფუძველნი ტაძრისანი და აღშენებისა მის
Line: 31     მიმართ ტაძრისა ფრიად მოსწრაფე იყენეს, გარემოჲსნი ნათესავნი და უფ\როჲსღა
Line: 32     ხუთელნი, რომელნი პერსიდაჲსა და მიდიაჲსაგან მიმყვანებელმან
Line: 33     სალმანასარის, ასჳრელთა მეფემან, დაამკჳდრა სამარიას შინა, რაჲთა ისრაი\ლიტთა
Line: 34     ერი უმკჳდრო-ყო, ევედრებოდეს სატრაპთა და ზედმოურნეთა და\ყენებად
Line: 35     იუდელთა თანად ქალაქისა აღმართებისა მიმართ და ტაძრისა შემ\ზადებისა.
Line: 36     ხოლო იგინი, საჴმართა მიერ განხწნილნი მათ მიერ, მიმსყიდელ
Line: 37     ექმნეს ხუთეულთა იუდელთა მიმართსა უდებებასა და მცონარებასა შენებისა
Page: II-134   Line: 1     მიმართ. ხოლო კჳროჲსა, სხუათაგან უცალოჲსა ბრძოლათა, უმეცრებაჲ იყო
Line: 2     ამათი. და აღმჴედრებულსა თანად მასსაგეტთა ზედა მეყუსეულად შეემთხჳა
Line: 3     აღსრულებაჲ ცხორებისაგან. ხოლო კამვჳსი, კჳროჲს ყრმამან, მიიღო რაჲ
Line: 4     მეფობაჲ, სჳრიაჲსა შინათაჲ და ფჳნიკისა და ამმანიტიდისა და მოავიტიდისა
Line: 5     და სამარიაჲსათა მიუწერეს ეპისტოლე კამვჳსის, მაუწყებელი ესევითართაჲ:
Line: 6     "მეუფეო! მონანი შენნი -- რათჳმოს, ყოველთა მოქმედებულთა მწერალი,
Line: 7     და სემელიოს მწიგნობარი და განზრახვისა სჳრიაჲს შინაჲსა და ფჳნიკისა
Line: 8     მბჭობნი -- უწყებად შენდა ჯერ-არს, მეფეო, რამეთუ იუდელნი, ვავჳლონად
Line: 9     აღყვანებულნი, მოვიდეს ჩუენდა და თანად ქალაქსა განდგომილსა და ბო\როტსა
Line: 10     აღაშენებენ და აგარაკთა მისთა შეჰმზადებენ და ზღუდეთა და ტა\ძარსა
Line: 11     აღჰმართებენ. უწყოდე უკუე, ესენი თუ იქმნენ, არცა ხარკთა სრულ\ყოფასა
Line: 12     მოთმინე იქმნნენ იგინი, არცა მორჩილებად მნებებელ იყვნენ, არა\მედ
Line: 13     და მეფეთაცა წინა-აღუდგენ და მთავრობად უფროჲსღა, ვიდრე მორჩი\ლებად,
Line: 14     მნებებელ-იქმნენ. შურებოდეს რაჲ უკუე ტაძრისათჳს და მოსწრაფე
Line: 15     იყვნეს კეთილად ქონებასა, გუთნდა ჩუენ მოწერაჲ შენდა, მეფე, და არა
Line: 16     უგულებელს-ყოფაჲ, რაჲთა გამოიკულინე მამათა შენთა წიგნნი, რამეთუ
Line: 17     ჰპოვნე მას შინა განდგომილად და მტერად მეფეთა იუდელნი და ქალაქი
Line: 18     მათი, რომელი ამისთჳს და აწცა ოჴერ-იქმნა. ხოლო გუთნდა ჩუენ და ამასცა
Line: 19     უწყებაჲ, შენდა უცნაურად სამე, რამეთუ ქალაქი თუ აღეშენოს ესრეთ და
Line: 20     მომრგულებაჲ ზღუდეთაჲ მიიღოს, დაგეჴშას შენ გზაჲ ღელისა მიმართ
Line: 21     სჳრიაჲსა და ფჳნიკისა".

Paragraph: 2  
Line: 22        2. ხოლო კამვჳსი, წარმკითხველი ეპისტოლისაჲ და ბუნებითაცა ბო\როტად
Line: 23     მყოფი, აღიძრა უწყებულთა მიერ და დაწერა, ესრეთ მეტყუელმან:
Line: 24     "მეფე კამვჳსოს რათჳმოსს, მწერალთა შემთხუეულთათჳს, და ველზემოსს
Line: 25     და სემელიოსს მწიგნობარსა და ნეშტთა თანდაწესებულთა და მკჳდრთა სა\მარიას
Line: 26     და ფჳნიკის შინა ამათ ეტყვს: "წარმკითხველმან წარმოვლინე\\ბულთა [ Page of ms.: 186v  ]
Line: 27     ჩემდა თქუენთა მიმართა წერილთამან ვბრძანე გამოძიებაჲ წიგნებსა მამათა
Line: 28     ჩემთასა და იპოვა ქალაქი, მტერ მეფეთა ქმნილი მარადის და ჴდომათა და
Line: 29     ბრძოლათა თანათა შინაგან მკჳდრნი მომვერაგებელნი და მეფენი მათნი
Line: 30     ვისწავენით ძლიერნი და მაიძულებელნი ხარკის მიმჴდელნი ღელისა სჳრიაჲსა
Line: 31     და ფჳნიკისანი. მე უკუე ვბრძანე არა შენდობაჲ იუდელთა აღშენებად ქა\ლაქისა,
Line: 32     ნუსადა უმეტეს აღორძნდეს სიბოროტისა მათისანი, რომლისა
Line: 33     მჴუმეველნი წინააღდგომად არიან მეფეთა".

Line: 34        წარიკითხნეს რაჲ წერილნი ესე, რათჳმოს და სემელიოს მწიგნობარი
Line: 35     და თანდაწესებულნი მათნი, მეყუსეულად აღვლდომილნი ცხენთა ზედა, მი\ისწრაფებდეს
Line: 36     იეროსოლჳმად, სიმრავლესა მიმყვანებელნი მრავალსა და დაა\ყენებდეს
Line: 37     შენებად იუდელნი ქალაქსა და ტაძარსა. და ესენი ვიდრემე იყვნეს
Line: 38     საქმეთაგან ვიდრე მეორედ წლამდე დარიოჲს მეფობისასა სპარსთა ზედა,
Line: 39     ხოლო სხუათა თანა წელთა ცხრათა. კამვჳსის, ექუსთა წელთა მმეფობი და
Line: 40     დამამჴობელი ამათ თანა ეგჳპტისაჲ, უკუნქცეული აღსრულდა დამასკოს
Line: 41     შინა.




Page: II-135  
Next part


This text is part of the TITUS edition of Flavius Iosephus, Antiquitates Iudaicae I-II.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.