TITUS
Flavius Iosephus, Antiquitates Iudaicae I-II
Part No. 149
Previous part

Section: 8  
Line: 28   თ. 8


Paragraph: 1  
Line: 29        1. ამას უკუე ჟამსა შინა ფილიპპოსცა, მაკედონელთა მეფე, ეგეათა შინა
Line: 30     პავსანიაჲს მიერ, ძისა კერასტისა, რომელი იყო ნათესავისაგან ორესტთაჲსა,
Line: 31     ზაკუვით მოკლული მოკუდა. ხოლო ყრმამან მისმან ალექსანდრე, მიმღებელ\მან
Line: 32     მეფობისამან და განსრულმან ელლისპონტოსა, სძლო ვიდრემე დარიოჲს
Line: 33     მჴედართმყვანებელთა, ღრანკოს ზედა განწყობილმან მათთჳს. ხოლო მისრუ\ლი
Line: 34     ლჳდიად და იონიაჲსა, დამმონებელი და კარიაჲსა ზედმიმსრბოლი პამ\ფჳლიაჲსა
Line: 35     ადგილთა შინა მიიწია, ვითარ სხუათაცა შინა უწყებულ არს.

Paragraph: 2  
Line: 36        2. და იეროსოლჳმელთა უკუე მოხუცებულნი, ბოროტადმვნებელნი ზია\რებისათჳს
Line: 37     მღდელთმთავრობისა ძმასა ოადდოჲს მღდელთმთავრისასა, უცხო
Line: 38     ნათესავისა თანამკჳდრსა, წინა-აღუდგებოდეს მას, რამეთუ შეერაცხა ქორ\წინებაჲ
Page: II-164   Line: 1     მისი წესქმნად მნებებელთათჳს უსჯულოებად შეუღლებათა მიმართ
Line: 2     დედაკაცთაჲსა და დასაბამყოფად ამას მათთჳს ზიარებისა მიმართ უცხო ნა\თესავთაჲსა.
Line: 3     იქმნა ვიდრემე მათთჳს პირველსაცა ტყუეობისა და ბოროტთა
Line: 4     მიზეზ ქორწინებათა შინა მცოდველობაჲ ვიეთმე და მიყვანებაჲ ცოლთაჲ
Line: 5     არა თჳსისა ქუეყანისაგან. უბრძანებდეს უკუე მანასის განყენებასა ცოლი\საგან,
Line: 6     გინა არა მიახლებასა სამსხუერპლოდ. ხოლო მღდელთმთავარი ვინაჲთ\გან
Line: 7     განრისხნებოდა ერისა თანა, და აყენებდა ძმასა ვომონისაგან, მი\წევნული
Line: 8     მანასსი სანავალლეტი სიმამრისა მიმართ Page of ms.: 200r  სიყუარულსა ვიდრემე
Line: 9     იტყოდა ასულისა მისისა ნიკასოჲსასა, გარნა რამეთუ მღდელთმთავრობისა
Line: 10     პატივი დიდი არს ნათესავსა შორის და ნათესავადმდე დადგრომად არა მნე\ბებელ
Line: 11     არს ამის ძლით დაკლებასა მისგან. ხოლო სანავალლეტი არა მხოლოდ
Line: 12     დაცვასა მისდა მღდელობისასა, არამედ და მღდელთმთავრობითსა ძალსა და
Line: 13     პატივისა მინიჭებად აღუთქუმიდა და ყოველთა ადგილთა ზედა, რომელთა
Line: 14     მთავრობდა იგი, მთავრად განჩინებად, მნებებელსა თანამკჳდრობად ასულსა
Line: 15     მისსა თანა. და ეტყოდა აღშენებასა ტაძრისასა, იეროსოლჳმათა შინაჲსა
Line: 16     მსგავსსა, მთასა ზედა ღარიზინსა, რომელი სხუათა უმაღლეს არს. და ამათ
Line: 17     ქმნად აღუთქუმიდა დარიოჲს მეფისა კითხვითა.

Line: 18        ხოლო მანასსი, აღზუავებული აღთქუმათა ზედა, დაადგრა სანავალლე\ტისა
Line: 19     თანა, მღდელმთავრობისა ქონებად მეჭუელი დარიოჲსგან მოცემითა და
Line: 20     რამეთუ შემთხუეულ იყო სანავალლეტისთჳს მოხუცებულად ყოფაჲ. ხოლო
Line: 21     ვინაჲთგან მრავალნი მღდელნი და ისრაილიტნი ესევითართა ქორწინებათა
Line: 22     შეთხზნილ იყვნეს, არა მცირედსა შფოთსა აქუნდეს იეროსოლჳმელნი, რამე\თუ
Line: 23     წარსრულ იყვნეს ყოველნი მანასსის მიმართ, ვინაჲთგან სანავალლეტი
Line: 24     მოართუმიდა მათ საჴმართა და ადგილსა სამუშაკოდ და სამკჳდრებელად გან\მყოფელი
Line: 25     და ყოვლითა სახითა თანა შეეწეოდა სიძესა.

Paragraph: 3  
Line: 26        3. ხოლო ამას ჟამსა შინა დარიოს, მსმენელი, ვითარმედ ელლისპონტოჲ\სა
Line: 27     განმწიაღებელი ალექსანდრე და სატრათა მისთა ღრანიკოსა ზედა ბრძო\ლასა
Line: 28     შინა მძლეველი წინა კერძო მიიმართებს, სიმრავლესა მჴედრებრივსა და
Line: 29     ქუეითსა შეჰკრებდა წინამიგებებად, მსჯელი მაკედონთაჲ უწინარეს, ვიდრე
Line: 30     ყოველსა ასიასა დამჴობად მათ მიერ. მოწევნულთა განმწიაღებელი უკუე ევ\ფრატისა
Line: 31     მდინარისაჲ და აღსრული კილიკიაჲსა მთასა ტავროსა ზედა, შინაგან
Line: 32     კილიკიაჲსა, ვითარ მუნ მბრძოლი მიელოდა მათ. ხოლო მხიარულქმნილი და\რიოჲს
Line: 33     შთასლვისათჳს სანავალლეტო მეყუსეულად აღთქუმათა აღსრულებასა
Line: 34     ეტყოდა მანასსის, რაჟამს დარიოს, მძლეველი მბრძოლთაჲ, უკუნ-იქცეს, რა\მეთუ
Line: 35     სასოებდა არა იგი მხოლოდ, არამედ და ყოველნი ასიაჲს შინანი არცა
Line: 36     ჴელთადმი სპარსთაჲსა მოსლვად მაკედონთა, სიმრავლისათჳს სპარსთაჲსა.
Line: 37     ხოლო იქმნა არა ვითარ ჰგონებდეს, რამეთუ, მბრძოლი მაკედონთაჲ, მეფე
Line: 38     იძლია და მრავალი რაჲ მჴედრობაჲ წარწყმიდა და ტყუედ მიყვანებული იქმ\ნნეს
Line: 39     დედაჲ მისი და ცოლი და შვილნი, ივლტოდა იგი სპარსეთს.

Line: 40        ხოლო ალექსანდრე, სჳრიად მიწევნულმან, დამასკო იპყრა და სიდონისა
Line: 41     მძლეველი აოჴრებდა ტჳროსა და თანად ევედრებოდა, წარმავლ\\ენელი Page of ms.: 200v  ნაწერ\თაჲ
Line: 42     მღდელთმთავრისა მიმართ იუდელთაჲსა, თანაშემწეობასა მივლინებად
Line: 43     მისა და სასყიდელსა მჴედრობისათჳს მინიჭებად და რაოდენთა დარიოსს პირ\ველად
Page: II-165   Line: 1     მიანიჭებდეს, ძღუენთა მიცემად მისთჳს და მაკედონელთა სიყუარულსა
Line: 2     წინასჯად, რამეთუ არა შეინანონ ამათ ზედა. ხოლო მღდელთმთავარი მიუგებ\და
Line: 3     წიგნის მომღებელთა, ვითარმედ ფიცთა მიმცემელ არს დარიოჲსა არა
Line: 4     აღღებად მის ზედა საჭურველთა და ეტყოდა, ვითარმედ ამათ, ვიდრემდის
Line: 5     ცოცხალთა შორის იყოს დარიოს, არა გარდაჰჴდეს. და მსმენელი ალექსანდრე
Line: 6     განრისხნა და ტჳროჲსა ვიდრემე არა საჯა დატევებაჲ, მალიად გულვებადისაჲ
Line: 7     დაპყრობად. გარემოდგომილი უკუე მისი იქადოდა აღმჴედრებასა იუდეაჲსა
Line: 8     მღდელთმთავრისა ზედა და ცნობებასა ყოველთასა მის მიერ, რომელთა მი\მართ
Line: 9     უჴმს მათ დაცვაჲ ფიცთაჲ, რომლისათჳს, ტკივილით მჴუმეველმან ოჴ\რებისაგან,
Line: 10     მიიღო ტჳროჲ. და დამადგინებელი მას შინა ღაზელთა ქალაქად
Line: 11     მიიწია და ღაზასა თანად და მას შინა მცველთმთავარსა, სახელით ვავიმისის,
Line: 12     აოჴრებდა.

Paragraph: 4  
Line: 13        4. ხოლო სანავალლეტი, ჟამსა მარჯუესა ქონებად მგონებელმან ჴელ\ყოფისათჳს,
Line: 14     დარიოჲსგან ვიდრემე უსასო-იქმნა, ხოლო მიმყვანებელი რვა
Line: 15     ათასთა მის ქუეშე მთავრებულთაჲ, ალექსანდრეს მიმართ მიიწია. და მპოვნე\ლი
Line: 16     მისი დაწყებად ოჴრებასა ტჳროჲსასა, ეტყოდა მიცემად მისდა ადგილთა
Line: 17     მათ, რომელთა ზედა მთავრობს იგი და მას ქონებად მეუფედ მხიარულებით,
Line: 18     ნაცვლად დარიოჲს მეფისა. ხოლო მხიარულებით რაჲ შეწყნარებულ-იქმნა,
Line: 19     მიერითგან მინდობით წინამდებარეთათჳს სანავალლეტი სიტყუათა მოართუ\მიდა
Line: 20     მას, მაუწყებელი, ვითარმედ სიძე ვიდრემე აქუს მანასსე, ძმაჲ იადდუჲს,
Line: 21     იუდელთა მღდელთმთავრისაჲ. ხოლო მრავალნი სხუანიცა არიან მის თანა
Line: 22     თანმონათესვენი და მნებებელ არიან სამღდელოჲსა მის ქუეშეთა ადგილთა
Line: 23     შინა შემზადებად. ხოლო ესე უმჯობეს მეფისათჳსცა ორად განყოფაჲ იუ\დელთა
Line: 24     ძალისაჲ, რამეთუ არა ერთგანზრახვად მყოფი ნათესავი, არცა ერთად
Line: 25     შეკრებილი, უკუეთუ განდგომილ იქმნენ ოდესმე, ბოროტ-იყოს მეფეთაჳს,
Line: 26     ვითარცა პირველ ასჳრისა მთავართა ეყო. ხოლო შენდობილქმნილმან ალექ\სანდრესგან
Line: 27     და ყოვლისა მოსწრაფებისა მომღებელმან აღაშენა ტაძარი სა\ნავალლეტი
Line: 28     და მღდლად დაადგინა მანასსი, დიდად პატივად შემრაცხელმან,
Line: 29     უკუეთუ ასულისაგან ქმნილთა ეყოს ესე პატივი. ხოლო შჳდნი რაჲ თუენი
Line: 30     წარჴდეს ტჳროჲსა ოჴრებასა შინა და ორნი ღაზისასა, სანავალლეტი ვიდრემე
Line: 31     მოკუდა, ხოლო ალექსანდრე, მიმღებელი ღაზაჲსაჲ, იეროსოლჳმელთა ქალა\ქისა
Line: 32     მიმართ აღსლვად მოსწრაფე იყო. და მღდელთ\\მთავარი Page of ms.: 201r  იადდუს, მსმენე\ლი
Line: 33     ამისი, ღუაწლსა შინა იყო და შიშსა, უღონოჲ, ვითარ შეემთხჳოს მაკედონ\თა,
Line: 34     განრისხებისათჳს მეფისა პირველსა ურწმუნოებასა ზედა. მამცნებელი
Line: 35     უკუე ერისაჲ ვედრებასა და მსხუერპლსა მის თანა შემწირველი ღმრთისაჲ,
Line: 36     ევედრებოდა შეწევნად ნათესავისა და ჴსნად მომავალთა ძჳრთგან. ხოლო
Line: 37     მიძინებულსა შემდგომად მსხუერპლისა აუწყა მას ძილთა შინა განმჴნობაჲ
Line: 38     და შემამკობელსა ქალაქისასა გაღებაჲ ბჭეთაჲ და სხუათაგან ვიდრემე სპე\ტაკითა
Line: 39     შესამოსლითა, ხოლო მისგან მღდელთა თანა სჯულიერთა შესამოსლი\თა
Line: 40     ქმნაჲ მიგებებისაჲ და არცა ერთისა ბოროტისა მოლოდებაჲ სავნებელად
Line: 41     ღმრთისა წინამოურნეობითა. ხოლო აღდგომილი ძილისაგან იხარებდა იგი
Line: 42     დიდად და უწყებულსა მისთჳს ყოველთა მიმთხრობელი და მოქმედი, რაო\დენნი
Line: 43     ძილთა შინა მცნებულ იყვნეს მისთჳს, მოელოდა მოსლვასა მეფისასა.
Page: II-166  
Paragraph: 5  
Line: 1        5. და ისწავა რაჲ არა შორს ქალაქისაგან ყოფაჲ მისი, განვიდა მღდელ\თა
Line: 2     თანა და სიმრავლესა ქალაქისასა, მღდელშუენიერსა და გარდამატებულსა
Line: 3     სხუათა ნათესავთაგან მოქმედი წინაშემთხუევასა, ადგილსა რომელსამე, საფიდ
Line: 4     სახელდებულსა. ხოლო ესე სახელი, გარდაღებული ელლინთა ენად, სიმაღლე\სა
Line: 5     მოასწავებს, რამეთუ იეროსოლჳმათა და ტაძარსა მიერ შეემთხუეოდა
Line: 6     აღ/ჩენაჲ.

Line: 7        ხოლო ფჳნიკელთა და ხალდეველთა შედგომილთა, რაოდენნი მეფისა
Line: 8     რისხვისა მიმართ შედგომად შესატყჳს იყვნეს მიტევებად მათ ზედა განფხუ\რად
Line: 9     ქალაქსა და მღდელთმთავრისა გუემით წარწყმედად გულისმსიტყუველთა,
Line: 10     წინააღმდგომნი ამათნი იყვენეს, რამეთუ ალექსანდრე შორით მხილველმან
Line: 11     სიმრავლისამან ვიდრემე სპეტაკთა შესამოსელთა შინა, ხოლო მღდელთამან
Line: 12     მდგომარედ ვჳსსინთა მათთა შინა და მღდელთმთავრისამან ვაკინთოჲსა და
Line: 13     ოქროანსა შესამოსელსა შინა და თავსა ზედა მქონებელად გჳრგჳნსა და ოქ\როჲსა
Line: 14     ფიცარსა მას ზედა, რომელსა ზედა სახელი ღმრთისაჲ წერილ იყო,
Line: 15     მხოლოდმისრულმან თაყუანის-სცა სახელსა და მღდელმთავარსა პირველად
Line: 16     ამბორს-უყო. ხოლო იუდელნი ყოველნი ერთბამად ერთითა ჴმითა ალექსანდ\რეს
Line: 17     შეიტკბობდეს, გარემოდგომილნი მისნი. ასჳრიაჲსა მეფენი ვიდრემე და
Line: 18     ნეშტნი სხუანი განცჳბრდეს ამისისა ქმნისათჳს და ჰგონებდეს განხრწნასა მე\ფისა
Line: 19     გონებისასა. ხოლო პარმენონ, მხოლოჲ მისრული მისა, ჰკითხვიდა, რაჲ\სათჳს,
Line: 20     ოდეს ყოველნი თაყუანის-სცემენ მას, იგი თაყუანის-სცემს იუდელთა
Line: 21     მღდელთმთავარსა, ხოლო მან: "არა ამას, ჰრქუა, თაყუანის-ვეც, გარნა ღმერთ\სა,
Line: 22     რომლისა მღდელთმთავარობითა პატივცემულ არს ესე, რამეთუ ესე და
Line: 23     ძილთაცა შინა, თქუა, ვიხილე ამას სახესა შინა, დიოს შინა მაკედონიაჲსასა
Line: 24     მყოფმან და თჳსაგან განვიზრახევდ რაჲ, ვითარ დავიპყრა ასიაჲ, მიბრძანა
Line: 25     არა დაყოვნებაჲ, არამედ მინდობით წია\\ღსლვაჲ, Page of ms.: 201  რამეთუ იგი წარუძღუეს
Line: 26     მჴედრობასა ჩემსა და მომცეს მთავრობაჲ სპარსთაჲ, რომლისათჳს სხჳსა არცა
Line: 27     ერთისა მხილველი ესევითარითა შესამოსლითა, ხოლო ამისი აწ მხილველი და
Line: 28     ძილითა შინაჲსა ხილვისა და ბრძანებისა მომჴსენებელი, ვჰგონებ საღმრთოჲთა
Line: 29     წამისყოფითა ქმნად მჴედრობასა და ძლევასა დარიოჲსსა და დაჴსნასა სპარს\თა
Line: 30     ძალისასა და ყოველნი, რაოდენნი გონებასა ჩემსა არიან, წარმართებად".

Line: 31        ამათი მეტყუელი პარმენიონის მიმართ და შემწყნარებელი მღდელთმთავ\რისაჲ,
Line: 32     წინამსრბოლობითა იუდელთაჲთა ქალაქად მიიწია. და აღსრუელმან
Line: 33     სამღდელოდ უმსხუერპლა ღმერთსა მითხრობისაებრ მღდელთმთავრისა,
Line: 34     ხოლო თჳთ მღდელთმთავარსა და მღდელთა ღირსშუენიერებით პატივ-სცა. და
Line: 35     ეჩუენა მას წიგნი დანიილოჲსი, რომელსა შინა რომელთამე ელლინთაგან დაჴს\ნაჲ
Line: 36     სპარსთა მთავრობისაჲ ცხად-იქმნებოდა და შემრაცხელმან, ვითარმედ იგი
Line: 37     არს მოსწავებული, მაშინ ვიდრემე მხიარულქმნილმან, განუტევა სიმრავლე,
Line: 38     ხოლო მომავალსა დღესა, მომწოდებელმან, უბრძანა მათ თხოვაჲ ნიჭთაჲ, რო\მელთაცა
Line: 39     მნებებელ არიან იგინი. ხოლო მღდელთმთავარმან ითხოვა ჴუმევაჲ
Line: 40     მამულთა სჯულთაჲ და მეშჳდესა წელსა მიუჴდელად-ყოფაჲ ხარკთაჲ და შე\უნდვნა
Line: 41     ყოველნი. და ევედრებოდეს რაჲ მას, რაჲთა ვავჳლონს შინა და მი\დიას
Line: 42     მყოფთა იუდელთა თჳსთა სჯულთა ჴუმევაჲ უბრძანოს, სიხარულით
Line: 43     მიითუალა ქმნაჲ მათი, რომელთაცა ევედრებიან. ხოლო ვინაჲთგან თქუა
Line: 44     სიმრავლისა მიმართ, ვითარმედ უკუეთუ ვიეთნიმე მნებებელ არიან აღმჴედ\რებად
Page: II-167   Line: 1     მის თანა, მამულთა წესთა ზედა დადგრომილნი და ამათ შინა ცხო\რებულნი,
Line: 2     მზადმქონებელ არს მიყვანებად, მრავალთა მის თანა მჴედრობაჲ
Line: 3     შეიყუარეს.

Paragraph: 6  
Line: 4        6. ალექსანდრე ვიდრემე უკუე, ამათმან განმგებელმან იეროსოლჳმათა
Line: 5     შინა, განიმჴედრა შემდგომთა ქალაქთა მიმართ და ყოველნი, რომელთა მი\მართ
Line: 6     მიიწეოდა იგი, მხიარულებით შეიწყნარებდეს. ხოლო სამარიტელთა,
Line: 7     დედაქალაქსა სიკიმასა მქონებელთა მაშინ, მდებარესა მთასა თანა ღარიზინსა
Line: 8     და დამკჳდრებულსა იუდელთა ნათესვისაგან განდგომილთაგან, მხილველთა,
Line: 9     რამეთუ იუდელთა ესრეთ ბრწყინვალედ პატივ-სცა ალექსანდრე, აგრძნეს
Line: 10     თავთა თჳსთა იუდელად აღსაარებაჲ, რამეთუ არიან სამარიტელნი ესევითარ\ნი
Line: 11     ბუნებით, ვითარ უწინარესცა ცხად-ვყავით, განსაცდელთა შინა ვიდრე
Line: 12     მყოფთა იუდელთასა უარ-ჰყოფენ ნათესავობასა, აღმსაარებელნი მაშინ ჭეშ\მარიტსა,
Line: 13     ხოლო რაჟამს იხილონ მათ თანა ბრწყინვალე რაჲმე ბედისაგან,
Line: 14     მოსწრაფე არიან ზიარებისა მიმართ მათისა, მეტყუელნი ნათესავად მათდა
Line: 15     თავთა თჳსთა და იოსიპოჳს ნაშობთაგან ნათესავთ მეტყუელნი მათნი, ეფრე\მოჲს
Line: 16     და მანასსისაგან. ბრწყინვალედ უკუე და მრავალსა მახუვნებელნი მისა
Line: 17     მიმართ გულსმოდგინებასა მიეგებნეს მეფესა მცი\\რედ Page of ms.: 202r  მახლობელად იერო\სოლჳმათა.
Line: 18     ხოლო ალექსანდრე ვინაჲთგან აქნა იგინი, მივიდეს მისა სიკიმელ\ნი,
Line: 19     მიმყვანებელნი მათ მჴედართანიცა, რომელნი სანავალლეტი წარავლინნა
Line: 20     მისა მიმართ და ევედრებოდეს, მიწევნულსა ქალაქად მათდა, პატივცემად მათ
Line: 21     შორისსა სამღდელოსა. ხოლო მან ესე ვიდრემე კუალად, უკუნქცეულმან, მი\ნიჭებად
Line: 22     აღუთქუა მათ. და ევედრებოდეს რაჲ მიტევებად მათდა ხარკსა მე\შჳდისა
Line: 23     წლისასა, რამეთუ არცა იგინი სთესვენ ამას შინა, ვინად მყოფნი ამათ
Line: 24     ევედრებიან, იკითხვიდა. ხოლო მათ მიუგეს: "ევრაელნი ვიდრემე ვართ,
Line: 25     ხოლო სახელ-ედების სიკიმის შინათა სიდონელად". და კუალად ჰკითხვიდა
Line: 26     მათ, უკუეთუ იუდელნი არიან. ხოლო მათ თქუეს რაჲ არა-ყოფაჲ, "არამედ
Line: 27     მე ესენი, თქუა, იუდელთა მივსცენ. შემოქცეულმან ვიდრემე და მსწავლელმან
Line: 28     თქუენგან გამოწულილვით, ვქმნნე თნებულნი".

Line: 29        სიკიმელთა ვიდრემე უკუე ესრეთ განუჯმნა. ხოლო სანავალლეტის
Line: 30     მჴედართა უბრძანა შედგომაჲ ეგჳპტედმი, რამეთუ მუნ მისცნეს მათ ნაწილნი
Line: 31     ქუეყანისანი, რომელიცა შემდგომად მცირედისა ქმნა თივაიდას შინა, მბრძა\ნებელმან
Line: 32     მათთჳს ცვად სოფლისაჲ.

Paragraph: 7  
Line: 33        7. ხოლო აღსრულდა რაჲ ალექსანდრე, მთავრობაჲ ვიდრემე მონაცვალე\თა
Line: 34     განეყო. ხოლო ღარიზინ მთასა ზედაჲ სამღდელოჲ დაადგრა და უკუეთუ
Line: 35     ვისმე მიზეზი აქუნდეს იეროსოლჳმელთა შორის შეგინებულის მჭამლობისაჲ,
Line: 36     გინა სავვატთა შინა უსჯულოებისაჲ ანუ სხჳსა რომლისაჲმე ესევითარისა
Line: 37     ცოდვისაჲ, სიკიმელთა მიმართ მიივლტოდის, მეტყუელი უსამართლოდ გან\დევნისაჲ.
Line: 38     ხოლო აღსრულდა მას ჟამსა შინა და მღდელთმთავარიცა იადდუს
Line: 39     და მღდელთმთავრობაჲ ონია, ყრმამან მისმან, მიიღო.

Line: 40        იეროსოლჳმელთანი ვიდრემე ამათ შინა მყოფ იყვნეს.

Line: 41        ფლავიოს იოსიპოჲსი იუდაებრივისა ძუელსიტყუაობისაჲ, მეათერთმეტე.



Page: II-168  
Next part


This text is part of the TITUS edition of Flavius Iosephus, Antiquitates Iudaicae I-II.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.