TITUS
Flavius Iosephus, Antiquitates Iudaicae I-II
Part No. 163
Previous part

Section: 3  
Line: 1   თ. 3


Paragraph: 1  
Line: 2        1. ხოლო ონიაჲს, მღდელთმთავრისა ძესა, თანმოსახელედ მამისა მყოფ\სა,
Line: 3     
რომელიცა ალექსანდრიას შინა იქცეოდა, ლტოლვილი პტოლემეოჲს მი\მართ,
Line: 4     
დედისმოყუარედ წოდებულისა, ვითარ და უწინარესცა ვთქუთ, მხილ\ველსა
Line: 5     
იუდეაჲსა ბოროტისყოფისასა მაკედონთა მიერ და მეფეთა მათთა,
Line: 6     
მნებებელსა საჴსენებელსა და დიდებასა საუკუნესა შემზადებად მისდა, სთნდა
Line: 7     
წარვლინებაჲ პტოლემეოჲს მიმართ მეფისა და დედოფლისა კლეოპატრაჲსა
Line: 8     
და თხოვაჲ მათგან ჴელმწიფებასა, რაჲთა აღაშენოს ტაძარი ეგჳპტეს შინა,
Line: 9     
მსგავსი იეროსოლჳმაჲს შინათაჲ და ლევიტელნი და მღდელნი თჳსისა ნათე\სავისაგან
Line: 10     
დაადგინნეს. Page of ms.: 230v  ხოლო ამას მნებებელ იყო უფროჲსღა მინდობილი
Line: 11     
წინაწარმეტყუელისი ისაიაჲსი, რომელმანცა, უწინარეს უმეტეს წელთა ექუს\ასთა
Line: 12     
ქმნულმან, წინაწარ-თქუა, ვითარმედ ჯერ-არს ნანდჳლ ეგვპტეს შინა
Line: 13     
აღშენებაჲ ტაძრისაჲ დიდისა ღმრთისათჳს მამაკაცისა მიერ იუდელისა. ამათ
Line: 14     
მიერ უკუე აღზუავებულმან ონია მიუწერა პტოლემეოსს და კლეოპატრას
Line: 15     
ესევითარი ეპისტოლე: "მრავალთა და დიდთა საჴმარებათა აღმასრულებელი
Line: 16     
თქუენდა ბრძოლისა საქმეთა შინა ღმრთისა შეწევნისა თანა და მიწევნული
Line: 17     
ღელესა შინა სჳრიაჲსა და ფჳნიკისასა და ლეონტო ქალაქად, მზის ქალაქისა
Line: 18     
იუდელთა თანა, და სხუათა ადგილთა მიწევნული ნათესავისათა და მრავალთა
Line: 19     
მპოვნელი გარეგან ჯეროვნისა ტაძრებსა მქონებელთაჲ და ამისთჳს. უსიყუა\რულოდ
Line: 20     
მყოფთაჲ ურთიერთას, რომელი და ეგვპტელთათჳსცა შემთხუეულ
Line: 21     
არს სიმრავლისათჳს სამღდელოთაჲსა და მსახურებათა შინა არა ერთმადიდე\ბლობისათჳს,
Line: 22     
მარჯუესა მპოვნელი ადგილსა, სახელდებულსა უდაბურისა ვუ\მასტისა,
Line: 23     
სიმაგრესა შინა, აღმომაცენებელსა მრავალსა ხისა ნერგისასა და აღ\სავსესა
Line: 24     
ბოროტთა ცხოველთა მიერ, გევედრები, რაჲთა შემინდო უმეუფოჲ\სა
Line: 25     
სამღდელოჲსა და დაცემულისა განმწმედელსა აღშენებაჲ ტაძრისა დიდისა
Line: 26     
ღმრთისასა, მსგავსებისაებრ იეროსოლჳმათა შინაჲსა ტაძრისა, მათვე საზომ\თა
Line: 27     
ზედა შენთჳს და შენისა ცოლისა და შვილთათჳს, რაჲთა აქუნდეს ეგჳპტეს
Line: 28     
შინა დამკვდრებულთა იუდელთა, მას შინა შემავალთა, ერთგონებაობით ურ\თიერთარსისა
Line: 29     
მიმართ მსახურებაჲ საჴმარებათა შენთაჲ. და რამეთუ ისაია
Line: 30     
წინაწარმეტყუელმან ესე წინაწარ-თქუა: "იყოს სამსხუერპლოჲ ეგჳპტეს შინა
Line: 31     
უფლისა ღმრთისა". და მრავალნი წინაწარმეტყუელნა სხუანიცა ესევითარნი
Line: 32     
ადგილისათჳს.

Paragraph: 2  
Line: 33        
2. და ესენი ვიდრემე ონია მეფესა პტოლემეოსს მიუწერნა. ხოლო გუ\ლისჴმა-ყოს
Line: 34     
ვინმე კეთილმსახურებაჲ მისი და კლეოპატრაჲსი, დისა მისისა და
Line: 35     
ცოლისაჲ, ეპისტოლისაგან, რომელი ნაცვალ-უწერეს, რამეთუ ცოდვაჲ და
Line: 36     
სჯულისა გარდასლვაჲ ონიას თავსა ზედა დადვეს, რამეთუ მიწერეს ესრეთ:
Line: 37     
"მეფე პტოლემეოს და დედოფალი კლეოპატრა ონიას, გიხაროდენ! წარვი\კითხეთ
Line: 38     
ეპისტოლე შენ, მვედრებელისაჲ, შენდობად შენდა ლეონტი ქალაქსა
Line: 39     
შინა მზის ქალაქისასა, დაცემულისა განწმედაჲ სახელდებულისაჲ უდაბური\სა
Line: 40     
ვუმასტეოჲსად, რომლისათჳსცა განკჳრვებულ ვართ, უკუეთუ იყოს სახარ\ულევან
Line: 41     
ღმრთისა აღშენებადი სამღდელოჲ საძაგელსა ადგილსა შინა და აღ\სავსესა
Page: II-223   Line: 1     
ბოროტთა ცხოველთა მიერ. ხოლო ვინაჲთგან შენ იტყჳ ისაიას წი\ნაწარმეტყუელისა
Line: 2     
უწინარეს მრავლისა ჟამისა ამათ თქუმად, შეგინდობთ
Line: 3     
შენ, უკუეთუ ჯერ-არს ამისი ქმნაჲ სჯულისაებრ, რაჲთა ჩუენ უეჭუელ-ვიყვ\ნეთ
Line: 4     
ცოდვად ღმრთისაჲ მიმართ".

Paragraph: 3  
Line: 5        
3. მიმღებელმან უკუე ადგილისამან, ონია აღაშენა ტაძარი და ეგჳპტისა
Line: 6     
შინაჲსა სამღდელოჲსათჳს ბომონი დიდისა ღმრთისაჲ, მსგავსი იეროსოლჳმა\თა
Line: 7     
შინათაჲ, არამედ უმცირესი და უდარესი. ხოლო საზომთა მისთა და\\ჭურ\ჭელთაჲ [ Page of ms.: 231r  ]
Line: 8     
აწ არა მთნდა მე მოთხრობაჲ, რამეთუ მეშჳდესა წიგნსა ჩემსა იუდა\ებრივთა
Line: 9     
ბრძოლათასა აღწერილ არს. ხოლო პოვნა ონია იუდელნიცა ვიეთ\ნიმე,
Line: 10     
მსგავსნი მისნი, და მღდელნი და ლევიტნი, მუნ მსახურნი. არამედ სა\მღდელოჲსა
Line: 11     
ამისთჳს კმასაყოფელად უწყებულ არს ჩუენ მიერ.

Paragraph: 4  
Line: 12        
4. ხოლო ალექსანდრიას შინა მყოფთა მღდელთა და სამარიტელთა, რო\მელნი
Line: 13     
ღარიზინ მთასა შინა მყოფსა სამღდელოსა თაყუანის-სცემდეს. ალექ\სანდროჲს
Line: 14     
ჟამთა შინა აღშენებულსა, შეემთხჳა ჴდომაჲ ურთიერთას და სამღ\დელოთათჳს
Line: 15     
პტოლემეოჲს ზე განისაჯნეს, რამეთუ იუდელნი იტყოდეს მოჳს\ის
Line: 16     
სჯულთაებრ აღშენებასა იეროსოლჳმათა ტაძრისასა, ხოლო სამარიტელნი --
Line: 17     
ღარიზინს შინა მყოფისასა. და თანად ევედრნეს მეფესა, რაჲთა დაჯდომილმან
Line: 18     
მოყუარეთა თანა ისმინნეს მათ ძლითნი სიტყუანი და ძლეულნი სიკუდილსა
Line: 19     
ზღვეულ იქმნნენ. სამარნტელთა ვიდრემე სიტყუაჲ სავვეოს ქმნა და თეო\დოსიოს,
Line: 20     
ხოლო იეროსოლჳმელთა და იუდელთაჲ -- ანდრონიკოს მესსალამა\ოჲსმან.
Line: 21     
და ფუცეს ღმრთისა მიმართ და მეფისა, რაჲთა აღმოჩენანი სჯულთა\გან
Line: 22     
იქმნნენ, თანად ევედრნეს პტოლემეოსს, რაჲთა რომელიცა პოვოს გარდა\მავალი
Line: 23     
ფიცთაჲ, მოაკუდინოს. მეფე ვიდრემე უკუე, მრავალთა მოყუარეთა
Line: 24     
თანგანმზრახად მიმყვანებელი, დაჯდა სმენად სიტყუათა. ხოლო ალექსანდრიას
Line: 25     
შინა მყოფნი იუდელნი მრავლად მოშიშებდეს მამაკაცთათჳს, რომელთა განც\დილებაჲ
Line: 26     
იეროსოლჳმათა შინაჲსა სამღდელოჲსათჳს შეემთხუეოდა, რამეთუ
Line: 27     
მძჳნვარედ მოითმენდეს, უკუეთუ ვიეთმე დაჰჴსნან ესე, ესრეთ ძუელი და სა\ჩინოდ
Line: 28     
ქუეყანასა შინა მყოფი. ხოლო სავეეოს და თეოდოსიოს მიუტევეს
Line: 29     
ანდრონიკოსს პირველად-ქმნაჲ სიტყუათაჲ. და იწყო აღმოჩენათაგან სჯული\საგან
Line: 30     
და მონაცვალეთა მღდელთმთავართა და ვითარმედ თითოეული, მამი\საგან
Line: 31     
პატივსა მიმთუალველი, მთავრობდა ტაძრისა და ვითარმედ ყოველთა
Line: 32     
ასიაჲსა მეფეთა პატივ-სცეს ტაძარსა შესაწირავთა მიერ და ბრწყინვალეთა
Line: 33     
ნიჭთა. ხოლო ღარიზინის შინაჲსაჲ, ვითარ არად მყოფისაჲ, არავინ სიტყუაჲ,
Line: 34     
არცა ზრუნვაჲ ქმნა. ამათმან მეტყუელმან ანდრონიკოს და სხუათა მსგავსთა
Line: 35     
ამათთამან, არწმუნა მეფესა სჯაჲ მოჳსის სჯულთაებრ იეროსოლჳმათა ტაძრისა
Line: 36     
აღშენებისაჲ, ხოლო მოკუდინებაჲ სავვეოჲს და თეოდოსიოჲს თანათაჲ. და
Line: 37     
შემთხუეულნი ვიდრემე იუდელთათჳს ალექსანდრიას შინა პტოლემეოჲს ზე,
Line: 38     
დედისმოყუარისა, ესენი იყვნეს.



Page: II-224  
Next part



This text is part of the TITUS edition of Flavius Iosephus, Antiquitates Iudaicae I-II.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.