TITUS
Flavius Iosephus, Antiquitates Iudaicae I-II
Part No. 195
Previous part

Section: 3  
Line: 21   თ. 3


Paragraph: 1  
Line: 22        1. ხოლო მეფემან იროდი მეყუსეულად მიუღო მღდელთმთავრობაჲ ანა\ნილოსს,
Line: 23     რომელი იყო, ვითარ და წინაწარცა ვთქუთ, არა ადგილის შინაჲ,
Line: 24     არამედ ევფრატსა თანა დამკჳდრებულთა იუდელთაგანი, რამეთუ არა მცი\რედნი
Line: 25     ბევრნი ამის ერისაგან ვავჳლონს გარდაემკჳდრნეს. და ამიერ იყო ანა\ნილოს,
Line: 26     სამღდელთმთავრ\\ოჲსა Page of ms.: 284r  ნათესავისაგან და უწინარესცა სიყუარულსა
Line: 27     მქონებელი იროდის მიმართ. ამას ვიდრემე პატივ-სცა იროდი, რაჟამს მეფო\ბაჲ
Line: 28     მიიღო და ამანვე დაჰჴსნა, რაჲთა დააცხრვნეს შფოთნი თჳსთანი, უსჯუ\ლოებათა
Line: 29     მოქმედმან, რამეთუ არავის სხუასა მიჰღებოდა პატივი, ერთგზის
Line: 30     მიმღებელსა. არამედ პირველ ვიდრემე ანტიოხოს ეპიფანე დაჰჴსნა სჯული,
Line: 31     მიმღებელმან იისუჲსგან და ონიას, ძმისა მისისა, დამადგინებელმან;
Line: 32     ხოლო მეორედ -- არისტოვულოს ჳრკანოსს მიუღო, ძმასა თჳსსა და ირო\დი
Line: 33     -- მესამედ -- მისცა მთავრობაჲ ყრმასა არისტოვულოსს.

Paragraph: 2  
Line: 34        2. და მაშინღა ჰგონებდა დაწყნარებასა სახლისა შინათასა, გარნა არა
Line: 35     ვითარ ჯერ-იყო ზავთა შინა, უეჭუელად მყოფ იყო ალექსანდრაჲს მიმართ
Line: 36     ჴელთდებულთა საქმეთა შინა, არამედ ამცნებდა, ვითარმედ უკუეთუ ჟამი
Line: 37     პოვონ უჭაბუკესთა და მჴდომობითთა საქმეთაჲ, რაჲთა განუცხადონ მას.
Line: 38     თანად უკუე უბრძანებდა სამეფოთა შინა ქცევად და არცა ერთსა რომელსა\ვე
Line: 39     ჴელმწიფებით მოქმედებად. ხოლო მოურნე იყვნეს მცველნი, ფარულად
Line: 40     ვიდრეღა არცა ერთი დღითი-დღე მოქმედებულთაგანი დაიფარვოდა სახლსა
Line: 41     შინა. ესე ყოველნი მცირედ-მცირედ განაველურებდეს მას და სიძულილი
Line: 42     აღორძინდებოდა, რამეთუ დედაკაცობრივითა განზრახვითა აღსავსედ მყოფი
Page: II-325   Line: 1     ზედდამხედველობათათჳს იჭუნეულობისათა მწუხარე იყო, ყოველსავე მოთ\მენად
Line: 2     თავსმდებელი, ვიდრე ესევითარისა პატივისაგან დაკლებული მონები\სა
Line: 3     თანა და შიშთა ცხორებად.

Line: 4        წარავლინებდა უკუე კლეოპატრაჲს მიმართ, რომელთა შინა იყო მრავ\ლად
Line: 5     მგოდებელი და მვედრებელი შეწევნად მისა ძალისაებრ. ხოლო მან
Line: 6     უბრძანა, რაჲთა ფარულად ეგჳპტეს მივიდეს ყრმისა თანა მისისა მისა მი\მართ.
Line: 7     სთნდეს ესენი და მოიჴელოვნნა ესევითარნი: ორთა ლარნაკთა, ვითარ
Line: 8     განსაღებელად მკუდართა შემმზადებელი, ამათ შინა შთავიდა თჳთ და ძეცა
Line: 9     მისი. და ბრძანა მონათა, ამის საქმისა მეცნიერთა, ღამით განღებაჲ მათი.
Line: 10     ხოლო იყო. მათდა მიერითგან ზღუად მიმართ გზაჲ და ნავი შემზადებული,
Line: 11     რომლითა წარცურვებაჲ ეგულებოდა ეგჳპტეს. ესენი სავვონს, მოყუარესა
Line: 12     მისსა, ესოპოს, მონამან ალექსანდრაჲსმან მიუთხრნა, შევრდომილმან უწყებად
Line: 13     მისა, ვითარ მეცნიერისა.

Line: 14        ხოლო ამისმან მსწავლელმან სავვონ, და რამეთუ მტერი იყო იროდისი
Line: 15     სავვონ პირველად, ვინაჲთგან ერთად საგონებელ იყო ესე, რომელთა ზედ\განიზრახეს
Line: 16     მოწამლვაჲ ანტიპატროჲსა, სიძულილსა შეცვალებაჲ ჰგონა მო\თხრობისა
Line: 17     სიყუარულისათჳს და აუწყა მეფესა ალექსანდრაჲს განზრახვაჲ.
Line: 18     ხოლო მან, ვიდრე ჴელყოფადმდე წარსლვისა დამტევებელმან, განლტოლვასა
Line: 19     ზედა მპოვნელმან იპყრა იგი. და ნაცოდვები ვიდრემე შეუნდო, ხოლო ბო\როტისყოფაჲ
Line: 20     არცა ერთი იკადრა, დაღაცათუ ფრიად მნებებელ იყო, რამე\თუ
Line: 21     მოშიშ იყო კლეოპატრაჲსგან, უკუეთუ მიიღოს მიზეზი მისა მიმართისა
Line: 22     სიძულილისაჲ. და მაჩუენებელი დიდსულობისაჲ, ფრიად სიმშჳდით შემნდო\ბელ
Line: 23     ექმნა მათ, გარნა ყოვლითურთ Page of ms.: 284v  მნებებელ იყო, რაჲთა შორს-ქმნას
Line: 24     ყრმაჲ. არამედ არა მალიად სათნო-უჩნდა ამისი ქმნაჲ ქმნულთა ზედა, რაჲთა
Line: 25     დაფარულ იქმნეს ესევითართა მოქმედი.

Paragraph: 3  
Line: 26        3. და ვინაჲთგან წარმოდგა მეკარვეობაჲ, ხოლო ესე დღესასწაული არს
Line: 27     ჩუენ შორის ფრიად შეკრძალული, ამათ დღეთა შინა იჯმნა და მხიარულე\ბათა
Line: 28     შინა იყო თჳთ იგი იროდი და ნეშტი ნათესავი. ხოლო ეგრეთვე აღძრა
Line: 29     იგი ესევითართა მიერ მოსწრაფებად წინააღრჩევისა თჳსისა მიმართ ცხადად,
Line: 30     აღმაბორგებელმან მისმან შურმან, რამეთუ ყრმაჲ არისტოვულოს, ათშჳდმე\ტისა
Line: 31     წლისაჲ ქმნილი, ვინაჲთგან სჯულისაებრ აღვიდა ვომონსა ზედა შეწირ\ვად
Line: 32     მსხუერპლთა, სამკაულსა მქონებელი მღდელთმთავართასა და მსახურე\ბისათა
Line: 33     სრულმყოფელი, შუენიერებითა უშუენიერესი და სიდიდითა უმეტეს
Line: 34     აღსრული ჰასაკისაგან და ნათესვობითისა პატიეისათჳს უმეტეს საჩინოჲ სახე\სა
Line: 35     შინა, აღძრვაჲ სიყუარულისაჲ ექმნა მისა მიმართ სიმრავლესა და არის\ტოვულოჲს
Line: 36     მიერ, პაპპისა მისისა, მოქმედებულთა ჴსენებაჲ ცხადი წარმოდგა.
Line: 37     და ძლეულნი მცირედ-მცირედ იმხილებოდეს სიყუარულთაგან, მოხარულნი
Line: 38     ერთბამად და შემრღუეულნი და ჴმათა საქებელთა მისა მიმართ განუტევებ\დეს
Line: 39     ლოცვისა შეერთებულთა, ვიდრეღა საჩინო-იქმნა სიყუარული ერთაჲ
Line: 40     და უკადნიერესად აღსაარებაჲ, ვითარ სამეფოთა შინა თნებისაჲ კეთილთათჳს,
Line: 41     რომელნი შეემთხჳნეს მათ. ამათ მიერ აგრძნა იროდი ყოველსა წინააღრჩევა\სა
Line: 42     თჳსსა გამოცხადებაჲ, რომელი აქუნდა ყრმისა მიმართ. და ვინაჲთგან წარჴ\და
Line: 43     დღესასწაული, ისერებდეს იერიხუნტოს შინა, შეწყნარებულნი ალექსანდ\რაჲს
Page: II-326   Line: 1     მიერ. ხოლო პატივისმოყუარებასა მჩემებელი ყრმისა მიმართ და გან\მყვანებელი
Line: 2     უშიშსა ადგილსა, მზა იყო თანაგანცხრომად და მღერად მის თანა
Line: 3     მხიარულებით. და ვინაჲთგან დადებულებაჲ ადგილისაჲ ცხელ იყო, შეკრებულ\ნი
Line: 4     მალიად წარვიდეს ბანად. და საცურველთა ზედა წარდგომილნი, რომელნი
Line: 5     იყვნეს დიდნი ეზოსა შინა, ნუგეშინის-იცემდეს სიცხისაგან შუვადღისა. და
Line: 6     პირველად ვიდრემე ხედვიდეს მონათა და მოყუარეთა, რომელნი ცურვიდეს
Line: 7     მუნ. ამისა შემდგომად შთავიდა ყრმაჲცა. ხოლო იროდი აღძრნა მოყუარენი
Line: 8     მისნი ბოროტისა მიმართ, რომელთათჳს ბრძანებულ იყვნეს სიბნელისა მო\წევნულებასა.
Line: 9     და მარადის დაამძიმებდეს და შთაუღურჭუმებდეს მცურვალ\სა,
Line: 10     ვითარ განცხრომით, და არა უტევებდეს, ვიდრემდის არა მოაშთვეს სრუ\ლიად.
Line: 11     და ესრეთ ვიდრემე განიხრწნა არისტოვულოს, ათრვამეტთა წელთა
Line: 12     ცხორებული, ხოლო მღდელთმთავრობაჲ იპყრა წელიწადსა ერთსა, რომელი\ცა
Line: 13     ანანილოს მიიღო კუალად.

Paragraph: 4  
Line: 14        4. ხოლო ვინაჲთგან მიეთხრა ვნებაჲ ესე დედაკაცთა, მეყუსეულად
Line: 15     შეცვალებისათჳს გოდებაჲ იყო წინამდებარესა მკუდარსა ზედა და გლოვაჲ
Line: 16     დაუპყრობელი. და თანად განჴდა რაჲ სიტყუაჲ ესე, დიდად ტკივნეულობდა
Line: 17     ქალაქი და ყოველი სახლი განითჳსებდა განსაცდელსა, ვითარ არა უცხოჲსა
Line: 18     ზედა ქმნულსა. ხოლო Page of ms.: 285r  ალექსანდრა ფრიად ტკივნეულობდა მეცნიერები\სათჳს
Line: 19     წარწყმედისა და ლმობაჲ უმეტესი აქუნდა მეცნიერსა, თუ ვითარ
Line: 20     იქმნა, გარნა მოთმინებასა ჰყოფდა საჭიროებით, მომლოდეობისათჳს უდიდე\სისა
Line: 21     ბოროტისა. და მრავალგზის ვიდრემე ინება თჳთმოკუდინებითა თავი\საჲთა
Line: 22     შეურაცხ-ყოფაჲ ცხორებისაჲ, არამედ მოითმენდა, უკუეთუ შემძლე\ბელ
Line: 23     იყოს ცხორებად, რაჲთა შეეწიოს მზაკუვარებით და უსჯულოდ მოკუდი\ნებულსა.
Line: 24     და მაშინღა უმეტეს მოსწრაფე იყო ცხორებისათჳს და არცა ერთსა
Line: 25     იჭუსა მიცემად მნებებელ იყო განზრახვით მოკუდინებისათჳს ძისა თჳსისა,
Line: 26     მოცალესა ჟამსა შურისგებისათჳს მეძიებელი, რომლისათჳსცა ესე ვიდრემე
Line: 27     სიმტკიცით იპყრობდა იჭუნეულობასა. ხოლო იროდი ყოველთა მის გარეშე\თა
Line: 28     მტკიცედ აჩუენებდა არა განზრახვით ქმნასა ყრმისა სიკუდილისასა არა
Line: 29     მხოლოდ გლოვისა მომმარჯუებელი, არამედ და ცრემლთაცა მჴუმეველი და
Line: 30     შემრღუევასა სულისასა ჭეშმარიტსა მაჩუენებელი, ნუუკუე და ვნებისაგანცა
Line: 31     ძლეული სახესა ზედა შუენიერებისა და სიკეთისასა, დაღაცათუ უმჯობეს
Line: 32     შერაცხილ იყო მისთჳს სიკუდილი ყრმისაჲ. ხოლო საფლავად განღებისანი
Line: 33     ფრიად ბრწყინვალედ აჩუენნა და შემზადებულებაჲ ლარნაკთაჲ და სიმრავ\ლე
Line: 34     საკუმეველთაჲ მდიდრად იმოქმედა და მრავალი სამკაული შთაჰფლა მის
Line: 35     თანა, ვიდრეღა განაკრთო მწუხარებაჲ დედაკაცთა გოდებისაჲ და ამით კერ\ძოჲთა
Line: 36     ნუგეშინის-სცა.

Paragraph: 5  
Line: 37        5. ხოლო ალექსანდრას არცა ერთი ამათ ესევითართაგანი სძლევდა,
Line: 38     არამედ მარადის და უფროჲსღა ჴსენებაჲ ბოროტისაჲ ლმობასა მიმნიჭებელი
Line: 39     გოდებასა შეუქმოდა და მრისხანეობასა. და მიუწერა კლეოპატრას მზაკუვა\რებაჲ
Line: 40     იროდისი და წარწყმედაჲ ყრმისაჲ. ხოლო კლეოპატრა, და პირველცა
Line: 41     მოსწრაფე შეწევნად მოქენისა და უბედობათა ალექსანდრაჲსთა შემწყალებე\ლი,
Line: 42     ყოვლითურთ მოურნე იყო მისა და არა დასცხრებოდა, განმაზრახებელი
Page: II-327   Line: 1     ანტონიოჲსი შურისგებად სიკუდილისა ყრმისასა, რამეთუ არა ჯერ-არსო,
Line: 2     რაჲთამცა მის მიერ დადგინებული მეფედ იროდი და ყოვლითურთ უღირსი
Line: 3     მთავრობისაჲ ესევითართა უსჯულოებათა აჩუენებდა ნანდჳლ მეფეთა მიმართ.
Line: 4     ამათ მიერ რწმუნებულმან ანტონიოს, ვითარ ლაოდიკიად მიიწია, წარავლინა,
Line: 5     მბრძანებელმან იროდისმან მისლვად და არისტოვულოჲს მიმართ მოქმედე\ბულთათჳს
Line: 6     სიტყჳსგებად, რამეთუ არა მართლიად ქმნულ არს ზედგანზრახვაჲ,
Line: 7     უკუეთუ მის მიერ იქმნა. ხოლო მან, შეშინებულმან მიზეზისაგან და კლეო\პატრაჲს
Line: 8     სიძულილისაგან, რამეთუ არა უტევა ანტონიოსს, განმაზრახებელმან
Line: 9     სიბოროტესა ქონებად იროდის მიმართ, სთნდა ვიდრემე მორჩილებაჲ, რამე\თუ
Line: 10     არცა შემძლებელ იყო სხუასა რასამე მოქმედებად. და დამტევებელმან
Line: 11     დედისძმისა მისისა, იოსიპოჲსისა, განმგებელად მთავრობისა და მუნ შინათა
Line: 12     საქმეთა, ამცნო ფარულად, რაჲთა უკუეთუ რაჲ\\მე Page of ms.: 285v  ევნოს მას ანტონიოჲს
Line: 13     მიერ, მეყუსეულად მოაკუდინოს მან მარიამმი, რამეთუ იგი სიყუარულსა
Line: 14     მქონებელ არს ცოლისა მიმართ და მოშიშ არს გინებისაგან, ნუსადა, მო-რა\კუდეს
Line: 15     იროდი, შუენიერებისა ძლით სხჳსა ვისამე სასწრაფო იყოს მარიამმი
Line: 16     ჯეროვნად. ხოლო ყოვლითურთ ცხად-ჰყოფდა ამით სიტყუითა მიმართებასა
Line: 17     ანტონიოჲსსა დედაკაცისა მიმართ და რამეთუ პირველცა ასმიოდა შუენიერე\ბაჲ
Line: 18     მისი. იროდი ვიდრემე უკუე, ამათი მამცნებელი და სასოებათა არა
Line: 19     უშიშთა მქონებელი ყოველთა ძლით, წარვიდა ანტონიოჲს მიმართ.

Paragraph: 6  
Line: 20        6. ხოლო იოსიპოს, დადგინებული განგებასა ზედა სამეფოთა საქმეთასა
Line: 21     და ამისთჳს მრავლად მზრახველი მარიამმის მიმართ საქმისა ძლით და პატი\ვისა,
Line: 22     ვითარ ჯერ-იყო დედოფლისა მიმართ ქმნად მისგან, მრავალთა სიტყუ\ათა
Line: 23     მეტყუელებდა მისა მიმართ იროდის მოწლეობისა და სიყუარულისათჳს.
Line: 24     ხოლო ვინაჲთგან ლიქნიდეს დედაკაცებრ მიპარვად სიტყუათა და უფროჲს\და
Line: 25     ალექსანდრა, მნებებელი იოსიპოს ჩუენებად მათდა გონებასა მეფისასა,
Line: 26     იიძულა ნამცნებთაცა თქუმად, დასარწმუნებელად მოქმედი მათი, ვითარმედ
Line: 27     გარეშე მისსა არცა სიცოცხლედ შემძლებელ არს და უკუეთუ რაჲმე ბორო\ტი
Line: 28     შეემთხჳოს, არცა სიკუდილსა შინა ჯერ-უჩნს განშორებაჲ მისგან. ესენი
Line: 29     ვიდრემე იოსიპოს. ხოლო დედაკაცნი, ვითარ ჯერ-იყო არა მოწლეობად
Line: 30     შემრაცხელნი იროდის სიყუარულისანი, არამედ უფროჲსღა სიბოროტედ,
Line: 31     უკუეთუ არცა შემდგომად სიკუდილისა მისისა დაკლებულ იქმნენ წარწყმედი\სა
Line: 32     და სიკუდილისაგან, ბოროტსა გონებასა მქონებელ იყვნეს.

Paragraph: 7  
Line: 33        7. ხოლო ამას შინა სიტყუაჲ იქმნა იეროსოლჳმელთა ქალაქსა შინა მათ
Line: 34     მიერ, რომელთა სიძულილი აქუნდა იროდის მიმართ, ვითარმედ ანტონიოსს,
Line: 35     მტანჯველსა მისსა, მოუკუდინებიეს იგი. ამან სიტყუამან ყოველნი ვიდრემე,
Line: 36     ვითარ ჯერ-იყო, სამეფოსა შინა მყოფნი აღაშფოთნა, ხოლო უფროჲსღა დე\დაკაცნი.
Line: 37     ხოლო ალექსანდრა არწმუნა იოსიპოსსცა, რაჲთა სამეფოთაგან გა\მოსრული
Line: 38     მათ თანა მიივლტოდის რომაულთა მჴედრობათა ნიშისა მიმართ,
Line: 39     ოდეს გარემოჲს ქალაქისა დაცვისათჳს მეფობისა დაბანაკებულ იყო და მთა\ვარ
Line: 40     მათდა იყო იულიოს. რამეთუ ამის მიერ, პირველად ვიდრემე უკუეთუ
Line: 41     შფოთი რომელიმე შეემთხჳოს ეზოსა შინა, უშიშად დაადგრენ, სიყუარულსა
Line: 42     მქონებელნი რომთაგან, ამისა შემდგომად სასოებდა ყოველთა მიმთხუევასა,
Page: II-328   Line: 1     უკუეთუ მარიამმი იხილოს ანტონიოს, რომლისა ძლით და მთავრობაჲცა
Line: 2     მიიღონ და არცა ერთისაგან დაკლებულ იქმნენ, რომელთაჲ ჯერ-არს მიმთხუე\ვაჲ
Line: 3     კეთილნათესვობასა შინა მეფობრივსა ქმნულთაჲ.

Paragraph: 8  
Line: 4        8. ამათ გულისსიტყუათა შინა დამთხუეულობდეს რაჲ იგინი, ნაწერნი
Line: 5     იროდისნი მიიწინეს, მაუწყებელნი წინააღმდგომთა სმენილისათა უწინარეს.
Line: 6     რამეთუ ვინაჲთგან მიიწია ანტონიოჲს მიმართ, მალიად მოამშჳდა იგი ნიჭთა
Line: 7     მიერ, რომელთა მიმღებელი იეროსოლჳმაჲთ წარვიდა და მალიად სიტყუათა
Line: 8     მიერ არწმუნა არა სიძულილისა ქონებად მისა მიმართ, თანად კლეოპატრაჲს
Line: 9     სიტყუანი უდარეს შემძლებელ იყვნეს იროდის ძღუენთასა. რამეთუ, იტყოდა
Line: 10     ანტონიოს, ვითარმედ არა კეთილ არს პატიჟსა მიჴდაჲ მეფისაგან მთავრობასა
Line: 11     შინა ქმნულთა\\ძლით, Page of ms.: 286r  ვინაჲთგან ესრეთ არცა მეფე იყოს, არამედ მიმცემელ\თა
Line: 12     პატივისათა და ჴელმწიფებისასა მაღირსებელთა მას შინა იჴუმიონ სიმტ\კიცე.
Line: 13     და ესევე კლეოპატრასცა აუწყა, რაჲთა დასცხრეს მთავრობათა მოურ\ნეობისაგან.
Line: 14     ამათ ყოველთათჳს და სხუათაცა პატივთათჳს მიწერა იროდი,
Line: 15     რომელი აქუნდეს ანტონიოჲს მიერ აღთქუმათაგან ხილვისა მიერ და ვითარ\მედ
Line: 16     თანა-ისერებს თითოეულსა დღესა ანტონიოჲს თანა, დაღაცათუ ბოროტ
Line: 17     იყო შესმენათა მიმართ კლეოპატრა, რომელმანცა სიყუარულითა ქუეყანისა\თა
Line: 18     გამოითხოვა მეფობაჲ მიცემად მისა და ვითარმედ ყოვლითა სახითა ისწ\რაფა
Line: 19     შორს-ქმნაჲ მისი. მართლმსაჯელად მიმთხუეულმან ანტონიოჲსმან და
Line: 20     მიერითგან არღარას ბოროტსა იჭუეულ არს, არამედ მალე მიიწიოს, უმტკი\ცესს
Line: 21     სიყუარულსა მიმღებელი მეფობისათჳს და საქმეთა და კლეოპატრაჲსა
Line: 22     არღარა არს სასოებაჲ ანგაჰარებისაჲ, რამეთუ ანტონიოს მისცა ნაცვლად
Line: 23     მათსა, რომელთათჳს ევედრებოდა, ღელე სჳრიაჲსა და ამისთჳს ნუგეშინის\სცა
Line: 24     და თხოვათა მისთა ნაცვალ-აგო, რომელთა ჰყოფდა იუდეაჲსათჳს.

Paragraph: 9  
Line: 25        9. ესე ნაწერნი რაჲ მიიწინეს, დასცხრეს ვიდრემე ამის მიმართებისაგან,
Line: 26     რომლისა ძლით ლტოლვასა მნებებელ იყვნეს რომთა მიმართ, ვითარ სიკუ\დილსა
Line: 27     მსწავლულნი იროდისნი. არამედ არა დაფარულ იქმნა განზრახვაჲ
Line: 28     მათი, გარნა ვინაჲთგან პართთა მიმართ წარმავლენელი ანტონიოჲსი იუდეად
Line: 29     უკუნ-იქცა მეფე, მეყუსეულად დამან სალომი და დედამან განზრახვაჲ, რო\მელი
Line: 30     უწყოდეს ალექსანდრაჲს თანათათჳს, განუცხადეს მას, ხოლო სალომი
Line: 31     ქმრისა თჳსისა იოსიპოჲსთჳსცა სიტყუაჲ თქუა შესმენისაჲ და ვითარმედ მარ\იამმის
Line: 32     თანა-ეყოფვის. ხოლო ამათ იტყოდა მისა მიმართ სიძულილისათჳს
Line: 33     მისისა, რამეთუ ურთიერთას რაჲ იქმნიან უმეტესისა ბრძნობისა მჴუმეველი,
Line: 34     აყუედრებდის ჰავნათესვობასა მათსა. ხოლო იროდი, ფრიად მჴურვალესა
Line: 35     ტრფიალებასა მქონებელი მარიამმის მიმართ, მეყუსეულად ვიდრემე შეშ\ფოთნა
Line: 36     და შურსა ვერ მოითმენდა და შიშითა შეპყრობილ იყო, ნუსადა კად\ნიერი
Line: 37     რაჲმე იმოქმედოს ტრფიალებისათჳს, ვნებითა და შურითა რისხვად
Line: 38     აღძრულმან, რომლისათჳსცა თჳსაგან განიკითხვიდა მარიამმის იოსიპოჲს მი\მართთათჳს.
Line: 39     ხოლო იგი ფუცვიდა და ყოველთა წარმომთქუმელი პასუხად, რაო\დენნი
Line: 40     იყვნეს არამცოდველისად, მცირედ-მცირედ არწმუნებდა მეფესა და
Line: 41     გარდაიცვალებოდა რისხვისაგან, ძლეული დედაკაცისა მიერისა სიყუარული\საგან,
Line: 42     ვიდრეღა ირწმუნა მსმენელმან სიტყჳსგებისამან, რომელთათჳს იკითხვი\და
Line: 43     და სიყუარულისათჳს მადლსა აღუვარებდა მას ფრიადსა და თანად იგი
Line: 44     ვითარსა სიყუარულსა მქონებელ არს მისა მიმართ, განუცხადებდა მას. და
Page: II-329   Line: 1     დასასრულსა, ვითარ საყუარელ არს ტრფიალებულთა შორის, ცრემლთა შთა\ვარდეს,
Line: 2     მრავლითა მოწლეობითა შემტკბობელნი ურ\\თიერთას. Page of ms.: 286v  ხოლო ვინაჲთ\გან
Line: 3     დაუმტკიცებდა და უფროჲსღა მეფე და სიყუარულისა მისისა მიმართ
Line: 4     მიიზიდვიდა. "არა მოყუარისა არსო, თქუა მარიამმი, მცნებისაებრ, უკუ\ეთუ
Line: 5     რაჲმე ბოროტი გევნოს ანტონიოჲსგან, რაჲთამცა თანა-წარვწყმდე, არა
Line: 6     რომლისა მიზეზი". ესე სიტყუაჲ რაჲ შეეხო, ტკივნეულქმნილმან მეფემან მე\ყუსეულად
Line: 7     ვიდრემე განუტევა იგი ჴელთაგან, ხოლო თჳთ იგი ჴმობდა და
Line: 8     თმათა თჳსთა შთამოიფხურიდა ცხადსა პარვასა ქონებად მეტყუელი მისა მი\მართ
Line: 9     იოსიპოჲს ზიარებისასა, რამეთუ არამცა ეთქუა, რომელი თჳსაგან მო\ისმინა,
Line: 10     არათუმცა დიდი სარწმუნოებაჲ ქმნულ იყო მათ შორის. ხოლო ეს\რეთ
Line: 11     მქონებელი კნინღა მნებებელ იყო მოკუდინებასა დედაკაცისასა. არამედ
Line: 12     ძლეულმან მისა მიმართისა ტრფიალებისაგან ესე ვიდრემე მიმართებაჲ იპყრა
Line: 13     თავისა თჳსისა თანა, ძნიად ტკივნეულობით მომთმენელმან, ხოლო იოსიპოჲ\სი,
Line: 14     არცა სახედველად მისა მოწევნულისაჲ, მოკუდინებაჲ ბრძანა. და ალექსან\დრაჲს
Line: 15     შემკრველი სცვიდა მას, ვითარ ამათ ყოველთა მიზეზსა.




Next part


This text is part of the TITUS edition of Flavius Iosephus, Antiquitates Iudaicae I-II.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.