TITUS
Flavius Iosephus, Antiquitates Iudaicae I-II
Part No. 197
Previous part

Section: 5  
Line: 17   თ. 5


Paragraph: 1  
Line: 18        1. ხოლო იროდი, ესევითარად რაჲ უგონებოდ ხედვიდა და დასასრულსა
Line: 19     არცა ერთისა რომლისამე ქმნასა მნებებელად, აქუნდა განზრახვაჲ მათ ზედა
Line: 20     განსლვისათჳს, გარნა იჴუმევდა მოცდასა რომაულისა ბრძოლისასა, რამეთუ
Line: 21     ბრძოლაჲ საგონებელ იყო მეშჳდესა და მეოთხმეოცესა ასთა თანა ოლჳმპიადი\სათა,
Line: 22     ვინაჲთგან კესარსა ეგულებოდა ანტონიოჲს მიმართ ღუწაჲ ყოველ\თათჳს
Line: 23     საქმეთა ზღჳსპირს. ხოლო იროდი, ვინაჲთგან და ქუეყანაჲცა ნაყო\ფიერ
Line: 24     იყო მისა მრავალჟამ და მოსავალთა და ძალისაგანცა ღოვნიერ იყო,
Line: 25     თანაშეწევნასა აღუთქუმიდა ანტონიოსს, გულსმოდგინებით შემზადებულებასა
Line: 26     მჴუმეველი. ხოლო ანტონიოს მისისა ვიდრემე თანაშემწეობისჲ არა მოქე\ნეობაჲ
Line: 27     თქუა, არამედ არავსა ზედა წარსლვაჲ უბრძანა და რამეთუ ესმოდა
Line: 28     მისგანცა და კლეოპატრაჲსგან ურწმუნოებაჲ მისი, რამეთუ ჰგონებდა კლეო\პატრა,
Line: 29     ვითარმედ უმჯობეს იყოს მისთჳს, უკუეთუ ერთსა მეორისა მიერ
Line: 30     ბოროტად ევნებოდის. ესენი რაჲ ემცნნეს მას ანტონიოჲს მიერ, უკუნქცეუ\ლი
Line: 31     იროდი მჴედრობასა შეჰკრებდა მეყუსეულად არავიად წარსლვისათჳს. და
Line: 32     განმზადებულ იქმნნეს რაჲ \\ცხენოსანნი Page of ms.: 288r  და ქუეითი ძალი, დიოს ქალაქად
Line: 33     მიიწია. და მუნ მოეგებნეს მას არავნი, რამეთუ არა დაეფარნეს მათ ბრძოლი\სა
Line: 34     ძლითნი. და ბრძოლაჲ რაჲ იქმნა ძლიერი, მძლე ექმნნეს იუდელნი. ხოლო
Line: 35     შემდგომად ამათსა მრავალი მჴედრობაჲჲ არავთაჲ კანიად მიიწია, და ესე სო\ფელნი
Line: 36     არიან ღელისა სჳრიაჲსანი. ხოლო იროდი, უწინარესვე მსწავლელი,
Line: 37     მიიწია მათ ზედა, მიმყვანებელი უმრავლესსა ძალისასა. და მიეახლა რაჲ კა\ნას,
Line: 38     სთნდა დაბანაკებაჲ და ხანდაკი გარემოავლო სიმრჯჳთ, ბრძოლათა მი\მართ
Page: II-332   Line: 1     ჴელყოფად მნებებელმან. ამათ რაჲ განაწესებდა იგი, ჴმობდა სიმრავ\ლე
Line: 2     იუდელთაჲ, უმჯობეს შემრაცხელი დაყოვნებისაგან არავთა ზედა განსლვა\სა.
Line: 3     და მჴნობილ იყო, მინდობილი კეთილად განწესებისაჲ და გულსმოდგინე\ბაჲ
Line: 4     უმჯობესი აქუნდა, რომელნი პირველსა ბრძოლასა შინა მძლე ექმნნეს,
Line: 5     არცა ჴელთადმდე მოწევნასა მბრძოლთასა შემნდობელნი.

Line: 6        ხოლო შფოთებდეს რაჲ და ყოველსა მოსწრაფებასა აჩუენებდეს, სთნდა
Line: 7     მეფესა გულსმოდგინებასა სიმრავლისასა ჴუმევაჲ და მეტყუელმან, ვითარმედ
Line: 8     არცა იგი დააკლდეს სიმჴნისა მათისაგან, პირველ თჳთ იგი წარუძღუა მათ,
Line: 9     აღჭურვილი, და ყოველნივე თჳსთა განწესებულებათა თანა შეუდგებოდეს
Line: 10     მას. ხოლო მეყუსეულად შიში დაეცა არავთა, რამეთუ მცირედ წინააღდგო\მილნი
Line: 11     ვითარ ხედვიდეს უბრძოლელად მყოფთა და აღსავსედ სიმჴნითა, ივლ\ტოდეს
Line: 12     უმრავლესნი, ძლეულნი, და განიხრწნნეს, რამეთუ ათინიონ არა ბო\როტისმყოფელ
Line: 13     ეყო იროდის და იუდელთა. ვინაჲთგან ესე მჴედართმთავარი
Line: 14     იყო მუნ შინათაჲ კლეოპატრაჲსი, ხოლო იროდისთჳს გულვებადსა არა შე\უმზადებელად
Line: 15     განიხილავდა, რამეთუ გულისმსიტყუველ იყო, ვითარმედ უკუე\თუ
Line: 16     ბრწყინვალე რაჲმე იმოქმედონ არავთა, რაჲთა დუმილი აქუნდეს, ხოლო
Line: 17     უკუეთუ იძლივნენ, რომელი შემთხუეულ იქმნაცა, რაჲთა ადგილთა თჳსთა\გან
Line: 18     მიწევნულთა მისა შემმზადებელი ზედა-დაესხას იუდელთა. და მაშინცა
Line: 19     დამაშურალთა და ძლეულებად საეჭუელთა და უცნაურად მიტევებული მათ
Line: 20     ზედა მრავალსა კლვასა იქმოდა, რამეთუ გულსმოდგინებათა მათთა ჭეშმა\რიტთა
Line: 21     მტერთა მიმართ აღმლეველნი იუდელნი და მძლეობასა უშიშოებით
Line: 22     მჴუმეველნი, მალიად იძლეოდეს მბრძოლთა მიერ და მრავალთა წყლულება\თა
Line: 23     მიიღებდეს ადგილთა შინა უცხენოსნოთა და კლდოვანთა, რომელთაცა
Line: 24     მეცნიერებაჲ უმეტესი აქუნდა ზედდადებულებისა მოქმედთა. ხოლო ბორო\ტად
Line: 25     რაჲ ევნებოდა, თანად არავნი მიიყვანებდეს მათ და, კუალად უკუნქცე\ულნი,
Line: 26     მოსრვიდეს აწღა ძლეულთა.

Line: 27        და იქმნებოდეს ყოვლითურთნი წარწყმედანი მოკუდინებულთანი და
Line: 28     ძლეულთაგანნი მრავალნი მიივლტოდეს ბანაკად. ხოლო მეფე იროდი, უსა\სოქმნილი
Line: 29     ბრძოლისათა შინა, აღმჴედრებული წარვიდა შეწევნისა მოყვანე\ბად.
Line: 30     გარნა ვერ ასწრო მრავლად მოსწრაფემან შეწევნისათჳს, რამეთუ და\პყრობილ
Line: 31     იქმნა ბანაკი იუდელთაჲ, ხოლო არავნი არა მცირედ ბე\\დნიერობ\დეს [ Page of ms.: 288v  ]
Line: 32     გარეგან სასოებისა ძლევისა მიმღებელნი, რომლისა უმეტესი წარეწყმიდა
Line: 33     და მრავალსა წინააღმდგომთა ძალსა მიმყვანებელნი. ამიერ უკუე იროდი
Line: 34     ავაზაკობათა იჴუმევდა და მრავლად მარბეველი არავთა სოფლებისაჲ, ბო\როტსა-უყოფდა
Line: 35     ზედამისლვათა მიერ, დაბანაკებული მთათა ზედა და ყოვლი\თურთ
Line: 36     მოშიშ იყო საჩინოდ ჴელთადმი ბრძოლად მისლვისა. ხოლო არა
Line: 37     ზღვეულ იქმნებოდა შრომისმოყუარებისაგან ზედაჲს-ზედაჲს და თანად
Line: 38     თჳსთა მჴედართა მოურნე ექმნებოდა, ყოვლითა სახითა წარმმართებელი
Line: 39     ნაცოდავთაჲ.

Paragraph: 2  
Line: 40        2. ამას შინა ბრძოლისა შედგომილობასა ზღჳსპირს კესარისასა ანტო\ნიოჲს
Line: 41     მიმართ მეშჳდესა წელსა იროდის მეფობისასა, შეიძრა ქუეყანაჲ იუ\დელთაჲ,
Line: 42     ვითარ არაოდეს საგონებელ იყო სხუასა ჟამსა და მრავალი სოფ\ლისა
Page: II-333   Line: 1     შინათა პირუტყუთა სიკუდილი იმოქმედა. ხოლო განიხრწნნეს კაცნიცა
Line: 2     ქუეშე კერძო დაცემულთა სახითა ვითარ სამნი ბევრნი. და მჴედრობაჲ უკუე,
Line: 3     ველსა შინა მქცევი, არარას შენებელ იქმნა ვნებისა მიერ. ესენი რაჲ ისწავ\ნეს
Line: 4     არავთა და უფროჲსღა ჭეშმარიტად მიმთხრობელთაგან მათდა, რომელნი
Line: 5     იხარებდეს ქმნულთათჳს სიძულილისა ძლით მათისა, უფროჲსღა განმჴნდებო\დეს,
Line: 6     ვითარ დამჴობისათჳს მბრძოლთა სოფლებისა და განხრწნისათჳს კაცთა\ჲსა
Line: 7     და ჰგონებდეს არღა მერმეცა დაშთომასა წინააღდგომისა მათისასა. და
Line: 8     თანად მოხუცებულნი იუდელთანი, რამეთუ მივიდეს ქმნულთა უწყებად,
Line: 9     შემპყრობელთა, მოაკუდინნეს იგინი და ყოვლითა წადიერებითა მიიმართებ\დეს
Line: 10     მჴედრობასა მათსა ზედა. ხოლო იუდელნი არცა მოსლვასა მათსა მოე\ლოდეს
Line: 11     და განსაცდელთა მიმართ მოშიშებით მდებარენი დაუტევებდეს მო\ნაგებთა,
Line: 12     მრავლად უსასოებისა მვნებელნი ამათთჳს, რამეთუ არცა სწორპა\ტივობისაჲ
Line: 13     იყო სასოებაჲ მათთჳს, პირველ ძლეულთაჲ ბრძოლათა შინა, არცა
Line: 14     შეწევნისაჲ, ვინაჲთგან ძჳრხილულობდეს სახლისა შინანი მონაგებნი მათნი.
Line: 15     ესრეთ რაჲ მქონებელ იყენეს, განამჴნობდა მეფე, სიტყჳთ მარწმუნებელი
Line: 16     მთავართაჲ, მოსწრაფე აღმართებად დაცემულთა სასოებათა მათთა. ხოლო
Line: 17     აღმძრველი და განმამჴნობელი ვიეთიმე უძლიერესთაჲ, მიერითგან კადნიერ
Line: 18     იქმნა მეტყუელებად სიმრავლისაცა მიმართ, უწინარეს მცონარე ამისთჳს, ნუ\სადა
Line: 19     ბოროტად იჴუმიონ იგი ძნელბედობათათჳს. ხოლო ევედრებოდა, ესე\ვითართა
Line: 20     სიტყუათა მოქმედი სიმრავლისა მიმართ:

Paragraph: 3  
Line: 21        3. "არა უმეცარ ვარ ვიდრემე, ოჲ მამაკაცნო, ვითარ ამას ჟამსა შინა
Line: 22     მრავალნი წინააღმდგომნი ქმნულ არიან საქმეთა ჩუენთანი და მინდობაჲ
Line: 23     ვიდრემე ესევითართა შინა არცა მრავლად სიმჴნითა გარდამეტებულთაჲ ჯერ\არს.
Line: 24     არამედ ვინაჲთგან გუასწრაფებს ჩუენ ბრძოლაჲ და ქმნულთაგანი არა
Line: 25     რომელი არს ესევითარი, რომელიმცა არა განემართებოდა ერთითა საქმითა,
Line: 26     კეთილად Page of ms.: 289r  მოქმედებულითა, რომლისათჳსცა ვედრებაჲ აღვირჩიე თქუენი
Line: 27     ერთბამად და უწყებაჲ, რაჲთა დაადგრეთ სიმჴნეთა თქუენთა ზედა. ხოლო
Line: 28     მნებავს პირველად ბრძოლისათჳს აღმოჩენად, ვითარმედ სამართლად ვიქმთ
Line: 29     ამას, წინააღმდგომთა გინებისგან იძულებულნი. რამეთუ უკუეთუ ესე ისწა\ვოთ,
Line: 30     დიდი მიზეზი გულსმოდგინებისაჲ გექმნეს თქუენ. ხოლო შემდგომად
Line: 31     აღმოჩენისა, ვითარმედ არა რომელი არს ჩუენთა ბოროტთა მიერ ქმნული
Line: 32     მიზეზი, მრავალნი სასოებანი გუაქუნდენ ძლევისა მიმართ.

Line: 33        ვიწყო უკუე პირველისაგან, მოწამემყოფელმან თქუენმან, რომელთათჳს
Line: 34     ვიტყჳ. რამეთუ არავთა უსჯულოებაჲ უწყით ვიდრემე და სხუათაცა მიმართ
Line: 35     ყოველთა ესრეთ ურწმუნოდ მდებარე, ვითარ ჯერ-არს ვარვაროზისაგან ქო\ნებაჲ
Line: 36     და ღმრთისა უმეცრისაგან. მრავლად ვიდრემე გუბრძვეს ჩუენ ანგაჰრე\ბით
Line: 37     და შურით და შფოთთა შინა გჳმზირდეს მსწრაფლიად. და მრავალთა
Line: 38     ვიდრემე რად საჴმარ არს თქუმაჲ? არამედ და ძჳრხილულნი თჳსისა მთავრო\ბისაგან
Line: 39     განვრდომად და კლეოპატრაჲს მონებად, ვიეთ სხუათა იჴსნნეს იგინი
Line: 40     შიშისაგან? რამეთუ ჩემი ანტონიოჲს მიმართი სიყუარული და მისი თქუენდა
Line: 41     მომართი მოწლეობაჲ მიზეზ იქმნა, რაჲთა არცა ესენი რასმე მვნებელ იქმ\ნენ
Line: 42     უკურნებელსა, რამეთუ განეკრძალებოდა მამაკაცი არა რომელსა ქმნად,
Line: 43     რომელი შემძლებელ იყოს ვნებად ჩუენდა. ხოლო ვინაჲთგან მნებებელ იყო
Line: 44     კლეოპატრაჲს მინიჭებასა რომელთამე კერძოთასა ორისავე სამთავროჲსაგან,
Line: 45     ესეცა მევე განვაგე და მრავალთა ნიჭთა მიმცემელმან ჩემთჳსთაგან, ორთავე
Page: II-334   Line: 1     სარგებელი ვიზრუნვე. ხოლო წარსაგებელნი მე მივიხუენ, ორასთა ვიდრემე
Line: 2     ტალანტთა მიმცემელმან და ორასთათჳს თავსმდებელქმნულმან, რომელნი
Line: 3     ქუეყანისაგან მისაჴდელ იყვნეს, ხოლო ჩუენ ამათგან განჴუებულ ვართ. და
Line: 4     თანად ჯერ-იყო, რაჲთა არცა ერთსა ვის მისცემდენ ხარკსა იუდელნი, გინა
Line: 5     ნაწილსა ქუეყანისაგან, ხოლო უკუეთუ არა ამათთჳს, რომელნი ჩუენ ვაცხოვ\ნენით.
Line: 6     არცა უკუეთუ არავთა არა აღიარონ მრავლისა თანა შეწყნარებისა და
Line: 7     მადლიერებისა, არამედ რამეთუ მთავრობისა უსამართლოებასა მნებებელ
Line: 8     იყვნეს დამაკლებელნი ჩუენგან და ამათ, არა მბრძოლად მყოფთაგან, არამედ
Line: 9     მოყუარედ. და ვითარ ადგილსა მქონებელ არს სარწმუნოებაჲ უმბრძოლეს\თაცა
Line: 10     მიმართ, ხოლო მოყუარეთა მიმართ მტკიცედ დაცვაჲ ჯერ-არს ამისი.
Line: 11     არამედ ამათ თანა არარაჲ ესევითარი იპოვების, რომელნი შეძინებასა ვიდრე\მე
Line: 12     ყოვლითა სახითა უმჯობესად შეჰრაცხენ, ხოლო უსამართლოებასა არა
Line: 13     ზღვეულებად შემძლე, უკუეთუ მხოლოდ შეძინებად შემძლებელ იყენენ. არს
Line: 14     უკუე სხჳსაცა ძიებაჲ თქუენ მიერ, უკუეთუ ჯერ-არს შურსა ძიებაჲ მეუსა\მართლოეთაგან,
Line: 15     ვინაჲთგან ღმერთსაცა ესევე ჰნებავს, რომელი გუამცნებს,
Line: 16     რაჲთა მარადის საძაგელ იყოს გინებაჲ და უსამართლოებაჲ. და ესე არა მხო\ლოდ
Line: 17     ჯეროვან, არამედ და საჭიროცა ბრძოლისა მიმართ გან\\სლვაჲ Page of ms.: 289v  ჩუენი:
Line: 18     რომელნი აღსაარებულ არიან უსჯულოებასა მქონებელად ელლინთა შორის
Line: 19     და ვარვაროსთა, ესენი იმოქმედნეს ამათ ჩუენთა მოხუცებულთა მიმართ,
Line: 20     მომაკუდინებელთა მათთა, რამეთუ ელლინნი სამღდელოდ და წარუტყუენ\ველად-ყოფასა
Line: 21     ქადაგთასა იტყჳან, ხოლო ჩუენ უმჯობესთა ბრძანებასა და
Line: 22     უღირსესთა სჯულთასა მომთხრობელთა მიერ ვისწავებთ ღმრთისაგან, რამეთუ
Line: 23     ესე სახელი ღმერთსაცა კაცთა სახილველად მოიყვანებს და მბრძოლთა და\გებასა
Line: 24     შემძლებელ არს მბრძოლთა მიმართ. რომელი უკუე უსახურებაჲ
Line: 25     უზესთაეს იქმნეს, გარნა თუ მოხუცებულთა მოკუდინებაჲ, სამართლისათჳს
Line: 26     მეტყუელთაჲ! ვითარ უკუე შემძლებელ იქმნენ ანუ ცხორებასა შინა კეთი\ლად
Line: 27     დგომასა, გარნა ბრძოლასა შინა განმარჯუებასა, ესევითართა მოქმედნი,
Line: 28     ჩემდა ვიდრემე არად საგონებელ არიან. ნუუკუე და თქუასცა ვინმე, ვითარ\მედ
Line: 29     ჩუენ თანა ვიდრემე სიმართლე და მსჯავრი არს, ხოლო იგინი უმჴნეს და
Line: 30     უმრავლეს არიან. არამედ პირველად ვიდრემე უჯერო არს თქუენ მიერ ამათი
Line: 31     მეტყუელებაჲ, რამეთუ რომელთა თანა სამართალი არს, მათ თანა და ღმერ\თიცა,
Line: 32     ხოლო ღმერთი რაჲ მახლობელ იყოს, და სიმრავლე და სიმჴნეცა მახ\ლობელ
Line: 33     იყოს. და რაჲთა თავთაცა შორის თჳსთა განვიხილოთ, ვსძლეთ პირ\ველსა
Line: 34     ბრძოლასა შინა განწყობილთა, ხოლო მეორედ არცა თუ წინაშე ჩუენ\სა
Line: 35     შეუძლეს დაგმობაჲ, არამედ ივლტოდეს მეყუსეულად, არა მომთმენელნი
Line: 36     ზედმისლვისა ჩუენისა და სიმჴნეთანი. ხოლო ჩუენ, მძლეველთა, ათინიონ
Line: 37     ზედ-დაგუესხა, ბრძოლასა უცნაურსა მიმღებელი. ნუ სიმჴნითა მათითა გუძ\ლესა,
Line: 38     ანუ უსჯულოებითა და მომზირალობითა ზაკუვით? რაჲსათჳს უდარეს
Line: 39     მჴნე ვართ, რომელთა ძლით უდიდესთა სასოებათა ჯერ იყო ქონებაჲ? ვითარ
Line: 40     უკუე მოშიშ ვიყვნეთ მათგან, რომელნი რაჟამს ჭეშმარიტებით გუბრძოდენ,
Line: 41     მარადის იძლევიან, ხოლო ოდეს იძლეოდიან, მზაკუვარებით მოქმედებენ
Line: 42     ძლევასა. და ვითარ უკუეთუ ვისმე მჴნედ შეურაცხიან იგინი, არა ამისთჳს
Line: 43     უფროჲსღა განმჴნობილ იქმნეს იგიცა, რამეთუ სიმჴნე არა უძლურთა მიმართ
Page: II-335   Line: 1     საჴმარ არს, არამედ შეძლებასა უძლიერესთა დაპყრობად. ხოლო უკუეთუ
Line: 2     თჳსთა ვნებათაგან შეშინებულ ხართ და ძრვისა მიერ შემთხუეულთათჳს, პირ\ველად
Line: 3     ვიდრემე გულისჴმა-ყავთ, ვითარმედ ესე არავთაცა შეაცთუნებს, უდი\დეს
Line: 4     შემრაცხელთა ჭეშმარიტისგან ქმნილთასა. ამისა შემდგომად, ვითარ\მედ
Line: 5     არა კეთილ არს, რაჲთამცა მათ კადნიერებაჲ, ხოლო ჩუენ მოშიშებაჲ
Line: 6     ერთისა და მისვე მიზეზისაგან შეგუემთხუეოდა, რამეთუ იგინი ვიდრემე არა
Line: 7     თჳსისა რომლისამე კეთილისა მიერ მქონებელ არიან სიმჴნესა, არამედ ჩუენ\თა
Line: 8     ძნელბედობათაგან ბოროტთა შინა სასოებენ.

Line: 9        ხოლო ჩუენ, მიმართებულთა მათ ზედა, დაუტეოთ უდიდეს ბრძნობაჲ
Line: 10     მათი და ჩუენ მივიღოთ სიმჴნე და ვჰბრძოდით უმჴნოქმნულთა. და რამეთუ
Line: 11     არცა ესოდენ ძჳრხილულ ვართ, არცა ვითარ ჰგონებენ ვიეთნიმე, რისხვაჲ
Line: 12     მოუვლენიეს ღმერთსა ნათესავსა ჩუენსა ზედა, არამედ ესენი შე\\მთხუეულე\ბანი [ Page of ms.: 290r  ]
Line: 13     იქმნებიან და ვნებანი რომელნიმე. და უკუეთუ ღმრთისა მიერ ქმნულ
Line: 14     არიან, ცხად არს, ვითარმედ და დაცხრომილ არიანცა მისითავე განზრახვითა,
Line: 15     ვითარ კმამყოფელობითა ქმნულთაჲთა. რამეთუ უკუეთუმცა ენება მერმეცა
Line: 16     უფროჲსღა ვნებაჲ, არამცა დაცხრომილ იყო. ხოლო ვითარმედ გულვებად
Line: 17     იყო ბრძოლისა ქმნაჲ, სამართლისა მეცნიერმან, განაცხადა მან ესე: რამეთუ
Line: 18     ვინაჲთგან ძრვაჲ იქმნა ქუეყანასა შინა და წარწყმდეს ვიეთნიმე, არცა ერთსა
Line: 19     ვის რაჲ ევნო საჭურველთა შინა მყოფთაგანსა, არამედ ყოველნი ვცხონდით.
Line: 20     და ცხად-გიყო ღმერთმან, ვითარმედ უკუეთუმცა ყოველ ნათესავითურთ,
Line: 21     ცოლთა თანა და შვილთა აღმჴედრებულ იყვენით, არცამცა რაჲ ესრეთ შეგმ\თხუეოდა
Line: 22     თქუენ სავნებელი. ამათნი მომჴსენებელნი და უფროისღა რამეთუ
Line: 23     ყოველსა ჟამსა წინამდგომელად გაქუს ღმერთი, განვედით მართლიადითა
Line: 24     სიმჴნითა უსამართლოთა ზედა სიყუარულისა მიმართ და დაუგებელთა ბრძო\ლასა
Line: 25     შინა და უსახურთა მოხუცებულებისა მიმართ და მარადის თქუენისა
Line: 26     სიმჴნისაგან ძლეულთა".

Paragraph: 4  
Line: 27        4. ამათნი მსმენელნი იუდელნი მრავლად განმჴნობილ იქმნეს სულითა
Line: 28     ბრძოლისა მიმართ. ხოლო იროდი, მსხუერპლთა მოქმედი განწესებულება\თაებრ
Line: 29     და მრავლითა მოსწრაფებითა მიმყვანებელი მათი, წარვიდა არავთა
Line: 30     ზედა, განმწიაღებელი იორდანისაჲ. და მახლობელად მბრძოლთა დაიბანაკა,
Line: 31     ხოლო სათნო-უჩნდა სამცველოჲსა რომლისამე, შუეულ მდებარისა, გამოღე\ბაჲ,
Line: 32     რამეთუ ესრეთ სარგებელ ეყოს ესე მას და მალიად ბრძოლისა განწყო\ბაჲ
Line: 33     და უკუეთუ ჯერ-იყოს განსლვაჲ ბრძოლისა მიმართ, რაჲთა სიმაგრედ
Line: 34     აქუნდეს იგი მჴედრობასა. ხოლო ამას არავნიცა განიზრახვიდეს მათთჳს,
Line: 35     რომლისათჳსცა ძლევისმოყუარებაჲ იქმნა ადგილისათჳს. და დასაბამი ურთი\ერთას
Line: 36     ტყორცებისაჲ ისართა მიერ, ამისა შემდგომად, მიერითგან ჴელთამდე\ცა
Line: 37     მიწევნულნი, უმრავლესნი ორკერძოვე დაეცემოდეს, ვიდრემდის ძლეულ\ნი
Line: 38     არავნი განეშორნეს.

Line: 39        ესე მეყუსეულად არა მცირე სასოებაჲ ექმნა იუდელთა და ძალისა მა\თისა
Line: 40     მომჴსენებელნი უფროჲსღა ბრძოლისა მიმართ განსლვად მნებებელ
Line: 41     იყვნეს და უმჴნესად ჴელ-ყვეს განღებაჲ ხანდაკისა მათისაჲ და ბრძოლასა შე\ხებაჲ
Line: 42     ბანაკისაჲ. ამათ მიერ იძულებულნი არავნი გამოვიდეს უწესოდ და
Line: 43     არარაჲ აქუნდა გულსმოდგინებისა გინა სასოებისაჲ ძლევისა მიმართ, გარნა
Page: II-336   Line: 1     ეგრეთცა ჴელთა მიმართ მიიწინეს უმრავლესმყოფნი და რამეთუ ასწრაფებ\დაცა
Line: 2     მკადრეობაჲ იუდაელთა იძულებისა მიერ მჴედართყვანებულნი. და
Line: 3     ბრძოლაჲ რაჲ იქმნა ძლიერი, არა მცირენი დაეცემოდეს მრჩობლთავე კერძო\თაგან,
Line: 4     ხოლო უკუანაჲსკნელ ძლეულნი არავნი ივლტოდეს. და იყო ესოდენი
Line: 5     კლვაჲ ლტოლვილთაჲ, ვიდრეღა არა მხოლოდ მბრძოლთაგან იკუდინებოდეს,
Line: 6     არამედ თჳთ თავთა თჳსთა მიზეზ ბოროტთა ექმ\\ნებოდეს, Page of ms.: 290v  სიმრავლისა მიერ
Line: 7     და უწესოდ სლვისა დათრგუნვილნი და თჳსთა საჭურველთა მიერ მოკუდინე\ბულნი,
Line: 8     რამეთუ ხუთასნი მათგანნი მკუდარ იქმნნეს, ხოლო სხუაჲ სიმრავლე
Line: 9     ხანდაკად შეივლტოდა, გარნა სასოებაჲ ცხორებისაჲ არა სიმტკიცით აქუნდა
Line: 10     უღონოებისათჳს საზრდელისაჲსა და უფროჲსღა წყალისა ნაკლულევანებისა\თჳს.
Line: 11     თანად მდევნელთა იუდელთა ვერ შეუძლეს მიწევნაჲ მათი, არამედ
Line: 12     მჯდომარენი გარემოჲს ხანდაკისა სცვიდეს შესავალთა და არა უტევებდეს
Line: 13     შეღებად საჭიროთა და თანად გამოსლვისაგან აყენებდეს ლტოლვად
Line: 14     მნებე/ბელთა.

Paragraph: 5  
Line: 15        5. ესევითართა შინა მყოფნი არავნი ევედრებოდეს იროდის პირველად
Line: 16     ვიდრემე, რაჲთა დაიჴსნას ბრძოლაჲ. ამისა შემდგომად, რამეთუ წყურილი
Line: 17     ასწრაფებდა მათ, ყოველსავე მოთმენად ევედრებოდეს, რაჲთა მიემთხჳნენ
Line: 18     მაშინ მოცალებასა. ხოლო იროდი არა შეიწყნარებდა არცა მოხუცებულთა,
Line: 19     არცა საჴსართა ტყუეთასა, არცა სხუასა რომელსავე, რამეთუ ძლევისმოყუა\რეობდა
Line: 20     შურისგებად მათ მიერ ქმნულთა უსჯულოებათათჳს მისა მიმართ.
Line: 21     იძულებულნი უკუე სხუათაცა მიერ და წყურილისაგანცა, გამოსრულნი ჴელთ\უღებდეს
Line: 22     მათ თავთა თჳსთა მიყვანებად. და ხუთთა დღეთა შინა ოთხ ათასი
Line: 23     სიმრავლე ესრეთ დაპყრობილ იქმნა, ხოლო მეექუსესა დღესა სთნდა ყოველ\თა
Line: 24     დანეშტებულთა გამოსლვაჲ სჯულითა ბრძოლისაჲთა და მიმართებაჲ წი\ნააღმდგომთა
Line: 25     ზედა ბრძოლად, რაჲთა უკუეთუ საჴმარ იყოს რომელსამე ვნე\ბაჲ,
Line: 26     არა განიხრწნნენ უდიდებონი მცირედ-მცირედ. ამათნი მთნებელნი გამო\ვიდეს
Line: 27     ვიდრემე ხანდაკისაგან, გარნა არასადა კმა-ეყვნეს ბრძოლასა ბრწყინ\ვალედ.
Line: 28     ბროლისა მიმართ მოუძლურებულნი და სულთა და სხეულისა ად\გილსა
Line: 29     არა მქონებელნი, ხოლო სიცოცხლესა შეძინებად შემრაცხელნი,
Line: 30     უკუეთუ მოკუდენ განსაცდელსა შინა და დაეცნეს მათგანნი პირველსა ბრძო\ლასა
Line: 31     შინა ვითარ შჳდ ათასნი. და ესოდენნი რაჲ წყლულებაჲ იჴუმიეს, განე\ყენა
Line: 32     მათ სიმჴნე, რომელი იყო მათდა უპირველეს. ხოლო განკჳრვებულთა
Line: 33     განსაცდელსა შინა თჳსთა იროდის გონიერებისათა, მიერითგან დაემორჩილ\ნეს
Line: 34     და წინამდგომელად ნათესავისა განაჩინეს. ხოლო იროდი, მრავლად კე\თილბედნიერობათა
Line: 35     ზედა განმჴნობილი, უკუნ-იქცა სახიდ თჳსად, დიდსა პა\ტივსა
Line: 36     მიმღებელი ამის მჴნეკეთილობისათჳსცა.




Next part


This text is part of the TITUS edition of Flavius Iosephus, Antiquitates Iudaicae I-II.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.