TITUS
Martyrium Hadriani et Anatoliae
Part No. 17
Previous part

Section: (17)  
Line of ed.: 3        უფროჲს განივსო გულის\წყრომითა
Line of ed.: 4     და განრისხნა მეფე
Line of ed.: 5     იგი და უბრძანა ოთხთა მტარ\ვალთა
Line of ed.: 6     და ჰგუემდეს მას წათი\თა.
Line of ed.: 7     ანდრიანე ჰრქუა: "რავდენ
Line of ed.: 8     განამრავლებ ტანჯვათა მაგათ,
Line of ed.: 9     უფროჲს შეამკობ შუენიერებასა
Line of ed.: 10     მას გჳრგჳნისასა", ხოლო ნეტარ\სა
Line of ed.: 11     მას ანატოლეს ვითარცა ესმ\ნეს
Line of ed.: 12     სიტყუანი ესე მეფისანი მის
Line of ed.: 13     და მიგებაჲ ანდრიანესი, მირბი\ოდა
Line of ed.: 14     და უთხრობდა წმიდათა
Line of ed.: 15     მათ. ჰრქუა მას მძლავრმან: "შე\იწყალე
Line of ed.: 16     სიყრმე იგი შენი, რაჲსა
Line of ed.: 17     ცუდად წარსწყმდები? დიდთა
Line of ed.: 18     მათ ღმერთთა გეფუცები, რამე\თუ
Line of ed.: 19     გხედავ შეუენიერებასა მაგას
Line of ed.: 20     შენსა და მეწყალი". ანდრიანე
Line of ed.: 21     ჰრქუა: " მე მეწყალის თავი ჩემი,
Line of ed.: 22     ნუუკუე სრულიად წარვწყმდე".
Line of ed.: 23     ჰრქუა მძლავრმანმან: "აღიარენ
Line of ed.: 24     ღმერთნი ესე, და შეგინდონ შენ;
Line of ed.: 25     და მეცა გადიდო შენ, და წი\ნანდელსავე
Line of ed.: 26     წესსა მას დაგამტ\კიცო
Line of ed.: 27     შენ, [Page of ms. A: 328]  რამეთუ შენ
Line of ed.: 28     არა მათებრ ხარ, არამედ აზნა\ურ
Line of ed.: 29     ხარ და მდიდრისა შვილი
Line of ed.: 30     ხარ, დაღათუ ყრმაჲ ხარ, ხოლო
Line of ed.: 31     პატივსა დიდსა ზედა ხარ. იგი\ნი
Page of ed.: 218_(190)   Line of ed.: 1     მდაბიონი არიან, შვილნი
Line of ed.: 2     უგუნურთა და უპოვართანი".
Line of ed.: 3     ანდრიანე ჰრქუა: "უწყი, რამე\თუ
Line of ed.: 4     იცი დაბაჲ იგი ჩემი და მეც\ნიერ
Line of ed.: 5     ხარ ნათესავ-ტომისა ჩემი\სა
Line of ed.: 6     წინანდელისა, ხოლო უწყო\დე-ღამცა
Line of ed.: 7     მათი იგი აზნაურებაჲ
Line of ed.: 8     და მათი იგი სიმდიდრე და სო\ფელი
Line of ed.: 9     იგი, რომელ მათდა განმ\ზადებულ
Line of ed.: 10     არს, შე-მცა-უვარდი
Line of ed.: 11     ფერჴთა მათთა და ევედრე მათ,
Line of ed.: 12     გილოცეს ხოლო თუმცა მათ, და
Line of ed.: 13     შენითამცა ჴელითა დაჰმუსრენ
Line of ed.: 14     ქმნულნი ეგე კერპნი შენნი". გან\რისხნა
Line of ed.: 15     მეფე იგი და უბრძანა,
Line of ed.: 16     და მუცელ-აქცევით განსხირპეს.
Line of ed.: 17     და დაადგინნა ოთხნი კაცნი და
Line of ed.: 18     ჰგუემდეს. და ვითარ იხილა გა\მოჩინებული
Line of ed.: 19     ნაწლევი მისი,
Line of ed.: 20     უბრძანა და დააცადეს გუემაჲ
Line of ed.: 21     იგი, რამეთუ იყო იგი ფუფუნე\ულ
Line of ed.: 22     ფრიად და ყრმა-ღა იყო,
Line of ed.: 23     ოც და რვა წლის ოდენ. ჰრქუა
Line of ed.: 24     მას მთავარმან მან: "იხილე-ღა,
Line of ed.: 25     რავდენ მეწყალი აწ, არამედ
Line of ed.: 26     სიტყჳთ ხოლომცა აღიარენ
Line of ed.: 27     ღმერთნი ესე, ვითარმედ ღმერთ
Line of ed.: 28     არიან, აწ ესერა უბრძანემცა
Page of ed.: 219_(191)   Line of ed.: 1     მკურნალთა და გან[გ]კურნეს
Line of ed.: 2     შენ, და ჩემ თანამცა იყოფოდე
Line of ed.: 3     საყოფელთა სამეუფოთა". ანდ\რიანე
Line of ed.: 4     ჰრქუა: "ვინაჲთგან აღ\მითქუ
Line of ed.: 5     მე, [Page of ms. A: 329]  ვითარმედ გან\მკურნო
Line of ed.: 6     და პატივსა მიმაწიო და
Line of ed.: 7     საყოფელთა სამეუფოთა მყოფ
Line of ed.: 8     მყო, მითხრედ მე ღმერთთა მა\გათ
Line of ed.: 9     შენთა, ვითარმედ რაჲ ჰნე\ბავს
Line of ed.: 10     ჩემთჳს, ანუ თუ მივედრონ
Line of ed.: 11     მე, და მე თაყუანის-ვსცე მათ
Line of ed.: 12     და ვჰმსახურო, ვითარცა შენ
Line of ed.: 13     გინდეს". ჰრქუა მეფემან: "იგი\ნი
Line of ed.: 14     არა იტყჳან". ანდრიანე
Line of ed.: 15     ჰრქუა: "ჵ უშჯულოო და განდ\გომილო!
Line of ed.: 16     და რაჲსა ჰმსახურებ
Line of ed.: 17     პირმეტყუელი ეგე პირუტყუთა?"
Line of ed.: 18     მას ჟამსა განრისხნა მეფე იგი
Line of ed.: 19     და უბრძანა შეკრჳაჲ მათ ყო\ველთაჲ
Line of ed.: 20     და წარყვანებაჲ მათი
Line of ed.: 21     საპყრობილედ, და თქუა: "იყოს
Line of ed.: 22     ჟამი, ოდეს ყოველნი ერთბამად
Line of ed.: 23     განვიკითხნეთ და აღვასრულ\ნეთ".
Line of ed.: 24     და წარიყვანნეს იგინი იძულებით ერისაგანთა მათ. და მიჰ\ყვანდეს
Line of ed.: 25     იძულებით და თრევით, რამეთუ დაჴსნილ იყვნეს იგინი
Line of ed.: 26     დიდძალთა მათ ტანჯვათაგან.

Next part


This text is part of the TITUS edition of Martyrium Hadriani et Anatoliae.

Copyright TITUS Project, Frankfurt a/M, 26.9.2017. No parts of this document may be republished in any form without prior permission by the copyright holder.