TITUS
Hagiographica metaphrastica (Novembris)
Part No. 11
Previous part

Day: 7  
Saint: Hieron.  
Page of edition: 146  
Line of edition: 1     S 384 (A)
Ms. page: A_291v  


Line of edition: 2   თუესა ნოემბერსა ზ.


Line of edition: 3   წამებაჲ წმიდათა და დიდთა მოწამეთა ქრისტესთაჲ -- იერონისი და
Line of edition: 4   სხუათა მისთანათაჲ, რომელნი იწამნეს მელიტინის სომხითისასა


Line of edition: 5   გუაკურთხენ, უფალო!


Paragraph: 1 
Line of edition: 6        1. იერონის, მჴნისა და ახოვნისაჲ, მამული უკუე არს მეორე სამთავროჲ კაბადუკიისაჲ
Line of edition: 7     და ქალაქი ტჳანაჲ. ხოლო დედაჲ მისი იყო სტრატონიკი, დედაკაცი ღმრთისმსახური და
Line of edition: 8     მოშიში უფლისაჲ.

Line of edition: 9        და იყო იგი ჟამთა მათ, რომელთა შინა აქუნდა მპყრობელობაჲ ბერძენთა მთავ\რობისაჲ
Line of edition: 10     დიოკლიტიანეს და მაქსიმიანეს, კაცთა მრჩობლ ეშმაკეულთა და ფრიადითა
Line of edition: 11     რაჲთმე შურითა აღსავსეთა მსახურებისათჳს კერპთაჲსა. რომელთა ეუწყა რაჲ, ვი\თარმედ
Line of edition: 12     ყოველი სოფლები სომხითისა და კაბადუკიისაჲ შეურაცხ-ჰყოფს ბრძანებასა
Line of edition: 13     მათსა და განწესებასა მათსა წინააღუდგებიან, ყვეს მრავალჟამ განზრახვაჲ ფრიადითა
Line of edition: 14     მოსწრაფებითა და გამოირჩინეს ორნი ვინმე კაცნი ყოველთაგან საბრძანებელთა მათთა,
Line of edition: 15     ღრმანი განზრახვითა და მიმომქცევნი სიტყჳთა და ყოვლად აღსავსენი მანქანებითა და
Line of edition: 16     გულარძნილებითა და წარავლინნეს იგინი თითოეულისა მიმართ ნათესავისა; რამეთუ
Line of edition: 17     ერთსა მას ებრძანა მთავრობაჲ სომეხთა სოფლებისაჲ, Ms. page: A_292r   ესე იგი იყო აღრიკოლაოზ;
Line of edition: 18     ხოლო მეორე იგი განმგებელ-ყვეს კაბადუკიისა, რომელსა სახელი.ერქუა ლჳსია, და
Line of edition: 19     აქუნდა მათ ბრძანებაჲ არა ხოლო ტანჯვად ურჩთა მათ სამეუფოჲსა ბრძანებისათა და არა
Line of edition: 20     მორჩილთა კერპთა თაყუანისცემისათა, არამედ რაჲთა გამოარჩინენცა სიმრავლისაგან
Line of edition: 21     ერისა კაცნი ძლიერნი და აღწერნენ იგინი რიცხუსა თანა მჴედართასა.

Paragraph: 2 
Line of edition: 22        2. ხოლო ვითარცა ბრძანებულ იყო ლჳსია, მთავარი კაბადუკიელთაჲ, რაჲთა
Line of edition: 23     იძინეს კაცნი განთქუმულნი ძლიერებასა ზედა, ეუწყა მას იერონისთჳს კაცისა ჴელითა
Line of edition: 24     ძლიერისა და სულითა მჴნისა და მის თანა მყოფთა ყოველთა ზეშთა აღმატებულისა
Line of edition: 25     და მყის წარავლინნა მჴედარნი მოყვანებად მისსა. რომელნი-იგი მიიწინეს რაჲ სახიდ
Line of edition: 26     მისსა, ვერ პოვეს მათ საძიებელი იგი მათი, რამეთუ მოქმედებდა იგი ქუეყანასა თჳსსა,
Line of edition: 27     და ისწავეს რაჲ მისი, თუ სადა იყოფების, მყის ადგილსა მას მიიწინეს.

Page of edition: 147  
Line of edition: 1        ხოლო მან იხილა რაჲ ესოდენი იგი სიმრავლე, მიმავალი მის ზედა სრბითა დიდითა,
Line of edition: 2     შეეშინა მათგან. და ეუწყებოდა რაჲ განზრახვაჲ მათი, არა ენება კაცსა მას ღირსსა და
Line of edition: 3     ღმრთისმსახურსა თანაზიარყოფაჲ მჴედრობასა კაცთა უღმრთოთა და ბოროტთასა.
Line of edition: 4     ამისთჳსცა განველურებულ იქმნა მას ზედა და წარიქცია შეშაჲ იგი, რომელი იყო
Line of edition: 5     სათხროლსა მას და წერაქუსა მისსა, რომელი ჴელთა აქუნდა, და მით ზედა მიუჴდა
Line of edition: 6     მჴედართა მათ და არა დააცადა ცემაჲ მათი, ვიდრემდის ყოველნი იგი განაბნინა და
Line of edition: 7     მაქებელ-ყვნა სივლტოლისა, ვითარცა უმჯობესად ცხორებად და სიმრთელით დაცვად
Line of edition: 8     შემძლებელისა.

Line of edition: 9        ხოლო მჴედარნი იგი ლტოლვილნი კუალად შეკრბეს წყობად, რამეთუ ჰბრძოდეს
Line of edition: 10     პირველსაცა თჳსსა ძლეულებასა და ჰრცხუენოდაცა, უკუეთუ განითქუას მრავალთა
Line of edition: 11     მათ ძლეულებაჲ ერთისა მიერ და კუალად ეშინოდაცა მთავრისაგან, უკუეთუ განევლთას
Line of edition: 12     იგი ჴელთა მათთაგან. ამისთჳსცა შეკრიბნეს სხუანი მრავალნი თანამბრძოლად თჳსსა
Line of edition: 13     და წარვიდეს წმიდისა მის ზედა.

Line of edition: 14        ხოლო იგი პირველ მათსა შესრულ იყო ქუაბსა რასმე სხუათა თანა კაცთა
Line of edition: 15     ათრვამეტთა და ქმნილ იყო მსგავსად იგავისა მის არწივ, ღრუბელთა მფრინვალე და
Line of edition: 16     უქმად გამომაჩინებელ მდევართა თჳსთა, ვინაჲცა კაცნი იგი მიიწინეს რაჲ ქუაბსა მას
Line of edition: 17     სწრაფით და მრავალჟამ დგეს კართა ზედა, რაჲთა არა მიერცა განვიდეს და ივლტოდის.
Line of edition: 18     წარავლინეს მთავარსა თანა ქალაქისასა თხოვად სხუათაცა თანამბრძოლთა, რომელმან\იგი
Line of edition: 19     წარავლინნა სხუანიცა კაცნი არამცირედნი, ხოლო მათ ყოველთა თანა იყო
Line of edition: 20     კჳრიაკოზცა, ძმაჲ წმიდისა იერონისი.

Paragraph: 3 
Line of edition: 21        3. და ვითარცა შეკრბეს ყოველნი, არავინ იპოვა მათგანი, რომელსამცა ეკადრა
Line of edition: 22     შესლვად ქუაბად, რამეთუ ყოველთა ეშინოდა ჴელთაგან მჴნისა იერონისთა, ვინაჲცა
Line of edition: 23     ძმამან მისმან კჳრიაკოზ აზრახა კაცთა მათ მცირედრე განშორებაჲ მიერ დარწმუნებითა
Line of edition: 24     უფროჲს, ვიდრე არა იძულებითა ჴელყოფად გამოყვანებად Ms. page: A_292v   მისი მიერ, რომელი-ესე
Line of edition: 25     იქმნა რაჲ, არწმუნა ძმასა თჳსსა გამოსლვაჲ მიერ ქუაბით და წარიყვანა იგი და მივიდეს
Line of edition: 26     დედისა მათისა, რომელმან-იგი იხილა რაჲ ძე თჳსი, ვითარ იგი, ვითარცა დაშჯილი,
Line of edition: 27     მიიყვანებოდა მთავრისა, გარემოეხჳა მას და მჴურვალედ სტიროდა და მხოლოდ
Line of edition: 28     უწოდდა მას ნუგეშინისმცემელად ცხორებისა და კუერთხად სიბერისა და უბადრუკისა
Line of edition: 29     მის ქურიობისა მისისა, ძალად განმამტკიცებელად და თუ ვითარ დაშთებოდა მარტოჲ
Line of edition: 30     უნუგეშინისცემოდ დაბრმობილი თუალითა და დამძიმებული სიბერითა.

Line of edition: 31        ხოლო ყოვლად ქებულმა იერონ პატივით მოიკითხა დედაჲ თჳსი და ყოველივე
Line of edition: 32     საქმე თჳსი ჯეროვნად განაგო წინაშე ყოველთა მათ შემოკრებულთა. და წარემართა
Line of edition: 33     მელიტინიდ თანანათესავითურთ თჳსით, უიკტორით, და ორთა თანა ძმათა თჳსთა,
Line of edition: 34     ანტონის და მატრონიანეს, და მის თანა ჰყვებოდეს მჴედარნიცა იგი, წარმყვანებელნი
Line of edition: 35     მისნი.

Page of edition: 148  
Paragraph: 4 
Line of edition: 1        4. და ვითარცა მოიწია მწუხრი, დაივანეს ადგილსა რასმე და მოელოდეს განსუენებასა.
Line of edition: 2     და მას ღამესა ეჩუენა მას სპეტაკითა მოსილი ვინმე და ეტყოდა ჴმითა მშჳდითა და
Line of edition: 3     კაცთმოყუარითა და ჰრქუა: აჰა ესერა, გახარებ შენ ცხორებასა, ჵ იერონ, რამეთუ გზაჲ
Line of edition: 4     ესე, რომელსა წარმართებულ ხარ, წრფელ-იპოვოს წინაშე შენსა და არა ქუეყანისა
Line of edition: 5     მეუფისათჳს, არცა დიდებისა ადვილად დაჴსნადისათჳს მოღუაწე იქმნა, არამედ ზეცისა
Line of edition: 6     მეუფისათჳს ღუაწლნი თავს-ისხნე და შემდგომად მცირედისა მისსა მიმართ წარხჳდე და
Line of edition: 7     იდიდო.

Line of edition: 8        ესე რაჲ თქუა ჩუენებულმან მან და გამოუთქუმელი რაჲმე სიხარული მიჰფინა მის
Line of edition: 9     ზედა, მყის მიეფარა თუალთაგან მისთა. ხოლო იგი აღდგა განმხიარულებული და ეტყოდა
Line of edition: 10     მის თანა მყოფთა მათ მეგობართა და ნათესავთა: მეუწყა, ძმანო, საიდუმლოჲ ღმრთისა
Line of edition: 11     ჩემდა მომართ განგებულებისაჲ და ამიერითგან გულსმოდგინე ვარ გზისა მიმართ
Line of edition: 12     წინამდებარისა. ერთი არს უკუე საუნჯე ჩემი და სიმდიდრე ერთ და ერთ მოსაგებელიცა
Line of edition: 13     ზეცათა შინა მყოფი იგი, ხოლო აქანი ესე ვერარას შესძინებენ მომგებელთა მისთა,
Line of edition: 14     რამეთუ, "რაჲ სარგებელ არს კაცისა, უკუეთუ ყოველი სოფელი შეიძინოს და სული
Line of edition: 15     თჳსი დაიჭირეოს". არარაჲ არს ჩემდა უპატიოსნეს სულისა, არცა უმჯობეს. კმა
Line of edition: 16     არიან ჩემდა გარდასრულნიცა იგი ჟამნი, რომელნი-იგი ცუდად წარვლენ. ამიერითგან
Line of edition: 17     წარვალ მე ღმრთისა მიმართ. ერთი ხოლო ზრუნვაჲ განმლევს მე -- მარტოებაჲ დედისაჲ,
Line of edition: 18     რამეთუ ქურივ არს იგი და უცხოქმნილ მეუღლებისაგან, ამას თანა და დაკლებულცა
Line of edition: 19     ნათლისაგან და მიწევნული ჰასაკსა უკუანაჲსკნელისა სიბერისასა და აწ ჩემგანცა
Line of edition: 20     აფუებულ იქმნა, რომელი-ესე ვიყავ კუერთხი სიბერისა მისისაჲ. გარნა ვინაჲთგან
Line of edition: 21     ქრისტესთჳს სიკუდილად მივიყვანები, უეჭუელად მან იზრუნოს მისთჳს, "რომელი-იგი
Line of edition: 22     არს მამაჲ ობოლთაჲ და მსაჯული ქურივთაჲ".

Paragraph: 5 
Line of edition: 23        5. Ms. page: A_293r   ესე რაჲ თქუა ყოვლად მჴნემან მან იერონ და დასთხინა ცრემლნი ჴსენებითა
Line of edition: 24     მშობელისაჲთა და ეგრეთღა აღასრულა ნეშტი მგზავრობისა თჳსისაჲ და მიიწია
Line of edition: 25     მელიტინიდ და მუნ საპყრობილესა შინა შეყენებულ იქმნა სხუათა თანა კაცთა, რიცხჳთ
Line of edition: 26     ოცდაათცამეტთა, რომელთა მიმართ იტყოდა წმიდაჲ იგი და თქუა: ისმინეთ განზრახვისა
Line of edition: 27     ჩემისაჲ, ჵ მეგობარნო და ძმანო, რამეთუ უმჯობესსა გეტყჳ არა ამის ცხორებისასა,
Line of edition: 28     არამედ მერმისა მის საუკუნოჲსათჳს, რომლისა მიმართ არს ყოველი ზრუნვაჲ მოშიშთა
Line of edition: 29     უფლისათაჲ, ვინაჲთგან უკუე ქადაგებაჲ განსმენილ არს, ვითარმედ ხვალისა დღე
Line of edition: 30     ეგულების მთავარსა შეწირვაჲ მსხუერპლებისაჲ არაღმერთთა მათ მიმართ. ხოლო
Line of edition: 31     თქუენ უკუეთუ ირწმუნოთ ჩემი, შეურაცხ-ვყოთ ბრძანებაჲ იგი და კერპნი იგი არცა
Line of edition: 32     თაყუანისცემისა ღირს-ვყვნეთ, არცაღა ყოვლად მსხუერპლი რაჲმე შევწიროთ მათდა,
Line of edition: 33     არამედ უფროჲსღა ღმრთისა ჩუენისა, მხოლოჲსა და ჭეშმარიტისა, შევწიროთ მსხუერპლი
Line of edition: 34     ქებისაჲ. და მისსა აღვავლინნეთ ლოცვანი ჩუენნი, რაჲთა მოიხილოს ვედრებასა ზედა
Page of edition: 149   Line of edition: 1     სულთა ჩუენთასა და მომცეს ჩუენ ძალი სიმჴნით თავსდებად ჩუენ ზედა მომავალთა
Line of edition: 2     სატანჯველთა და ღირს-მყვნეს ჩუენ მიმთხუევად ნეტარსა აღსასრულსა.

Line of edition: 3        ამას რაჲ იტყოდა წმიდაჲ იგი, მიუგეს მისთანათა მათ და ჰრქუეს: სიტყუათა შენთა
Line of edition: 4     დაატკბეს სასაჲ ჩუენი უფროჲს თაფლისა გოლეულისა, რამეთუ აღრჩევასა ჭეშმარიტისა
Line of edition: 5     მის ცხორებისასა განმზრახ გუექმნნეს ჩუენ.

Line of edition: 6        ხოლო ამისსა შემდგომად ეუწყა მძლავრსა მას წმიდათათჳს სიმტკიცე შჯულისა
Line of edition: 7     მათისაჲ და შეურაცხისმყოფელობაჲ მეფეთა ბრძანებისაჲ და ყოველსავე შინა შეტკბობაჲ
Line of edition: 8     ქრისტეანეთა სარწმუნოებისაჲ. ვინაჲცა მძჳნვარედ განრისხნა და დაჯდა საყდართა
Line of edition: 9     ზედა მაღალთა და წარადგინნა წინაშე თჳსსა წმიდანი იგი და ჰრქუა: რომელმან ეშმაკთა
Line of edition: 10     უზომომან სივერაგემან ესოდენსა უმეცრებასა მიგიზიდნა, ვიდრემდის ესოდენისა მიმართ
Line of edition: 11     ძლიერებისა წინააღმდგომ-გყვნა და სამეუფოთა ბრძანებათა შეურაცხისმყოფელად
Line of edition: 12     განგმზადნა და ღმერთთა მათ, რომელნი დიდ არიან, თაყუანისცემისაგან განგაშორნა.

Line of edition: 13        ხოლო წმიდათა მიუგეს და ჰრქუეს: მაშინმცა ვიყვენით ცნობავნებულ და ჭეშმარიტად
Line of edition: 14     სამღერელ ეშმაკთა, უკუეთუმცა შეგუეცვალა მსახურებაჲ ღმრთისაჲ მსახურებად ძელთა
Line of edition: 15     და ქვათა, ჴელითქმნულთა კაცთაჲსა. ხოლო აწ ქონებითა ბრძნისა გულისსიტყჳსაჲთა
Line of edition: 16     ყოველთა ღმერთსა თაყუანის-ვსცემთ, რომელმან სიტყჳთა და სულითა პირისა მისისაჲთა
Line of edition: 17     ცაჲ და ქუეყანაჲ არაარსისაგან არსად მოიყვანა.

Paragraph: 6 
Line of edition: 18        6. ამისსა შემდგომად ერთმან ვინმე წინაშემდგომთაგანმან ჴელითა უჩუენა მთავარსა
Line of edition: 19     ნეტარი იერონ და ჰრქუა: ესე არს, რომელი წინაგანეწყო შენ მიერ წარვლინებულთა და
Line of edition: 20     ქმნა ყოველივე, რაჲცა-იგი გასმიეს.

Line of edition: 21        მაშინ დუქსი იგი მიიქცა მისსა მიმართ და ჰრქუა: ვინაჲ ხარ შენ?
Line of edition: 22        და ვითარცა მიუგო წმიდამან, ვითარმედ: კაბადუკიელთა მეორისა სამთავროჲსა
Line of edition: 23     და მამული ჩემი არსო ქალაქი ტჳანაჲ, -- კუალად დუქსმან ჰრქუა: შენ ხარა, რომელი
Line of edition: 24     სამეუფოთა ბრძანებათა წინააღუდგები და ძლიერებასა ზედა ჴელთასა Ms. page: A_293v   მოქადულ ხარ,
Line of edition: 25     რომლითა მძჳნვარე ექმენ ჩუენ მიერ წარმოვლინებულთა მათ მჴედართა?

Line of edition: 26        ხოლო მჴნესა მას იერონს არა შეეშინა ყოვლადვე, არამედ მასცა ესწავა დავითის
Line of edition: 27     თანა თქუმად: "მოძულენი შენნი, უფალო, მოვიძულენ და მტერთა შენთა ზედა
Line of edition: 28     განვკფდი". ამისთჳსცა აღიარა, ვითარმედ იგი არს მოქმედი საქმისაჲ მის.

Line of edition: 29        ხოლო მთავარმან არა აქო საქმე იგი, ვითარცა სიმჴნით და ახოვნებით ქმნული,
Line of edition: 30     არამედ განბოროტნა მისთჳს, კადნიერებით ურჩქმნილისა ბრძანებათა
Line of edition: 31     მისთაჲსა და საჯა იგი ღირსად ტანჯვისა და ჰრქუა: ვინაჲთგან ესოდენსა უგუნურებასა
Line of edition: 32     მიგაწია სილაღემან და უშიშოებამან შენმან, რაჲთა ჴელმწიფებაჲ მეფეთაჲ შეურაცხ\ჰყო
Line of edition: 33     და ბრძანებასა ჩუენსა ურჩ ექმნე და მსახურნი ჩუენნი არგნებითა დაჰბძარნე,|Ⴇნ16
Line of edition: 34     ამისთჳსცა ვბრძანებ უსწავლელისა ცნობისა მას ჴელთა იდაყჳთურთ დაკუეთად.

Page of edition: 150  
Line of edition: 1        და ესე რაც თქუა მთავარმან, მყის საქმით სრულ-ყვეს სიტყუაჲ მისი და დაჰკუეთნეს
Line of edition: 2     ჴელნი წმიდისანი. ხოლო სხუათა მათ წმიდათაჲ უბრძანა შეკრვაჲ და უწყალოდ გუემაჲ
Line of edition: 3     ძარღუებითა ზროხისაჲთა. გარნა სასტიკებაჲ იგი ტანჯვისაჲ ექმნებოდა წმიდათა
Line of edition: 4     მათ სიხარულისა მომატყუებელ უფროჲს, ვიდრე არა ტკივილისა. რამეთუ მრავალჟამ
Line of edition: 5     მოითმენდეს, ღმერთსა მადლობასა აღუვარებდეს, რომელმან ღირს-ყვნა იგინი
Line of edition: 6     სახელისა თჳსისათჳს ესევითართა თავსდებად სატანჯველთა.

Line of edition: 7        ხოლო მიერითგან რაჲღა სხუაჲ გარნა თუ ესე იქმნებოდა, რამეთუ ტანჯვათაგან
Line of edition: 8     საპყრობილემან მიითუალნა წმიდანი იგი და იქმნა მუნ საქმე, რომლისაჲ უწყი, ვითარმედ,
Line of edition: 9     ვინაჲთგან მეგულების აწ თქუმაჲ, გეყოს თქუენ იგი შემაწუხებელ, ვითარცა მაშინ
Line of edition: 10     წმიდათა ქმნითა საქმისაჲთა, ეგრეთვე აწ თქუენ თხრობითა ჰამბვისაჲთა.

Line of edition: 11        რამეთუ ერთმან თანამოღუაწეთა მათგანმან, რომელსა ეწოდებოდა უიკტორ,
Line of edition: 12     რომელი-იგი პირველცა ჴსენებულ იქმნა სიტყჳსა მიერ ნათესავად წმიდისა იერონისსა,
Line of edition: 13     იხილა რაჲ სიმძაფრე იგი შემთხუეულთა მისდა სატანჯველთაჲ, დაჴსნილ და მოშიშ იქმნა
Line of edition: 14     გარდასრულთა მათგან მოლოდებადთა მიმართ და იდუმალ მიუწოდა კომენტარისსა და
Line of edition: 15     ფრიადითა მოშიშებითა და სიჩუკნითა აღსავსედ შეწყალებად თჳსსა ევედრებოდა და
Line of edition: 16     რაჲთა აღჴოცოს სახელი მისი წიგნთა მათგან მოსაჴსენებელთა და განუტევოსცა იგი
Line of edition: 17     საპყრობილით და მიიღოს სასყიდელად საქმისა მის დაბაჲ მისი კორამიისაჲ.

Line of edition: 18        ხოლო მან ისმინა ვედრებაჲ მისი და განიხარა ფრიად, რამეთუ მახლობელ მისსა იყო
Line of edition: 19     ადგილი იგი, და ღამე განუტევა საპყრობილით უიკტორ, რომელი-იგი ღამით განივლტოდა
Line of edition: 20     და მოივაჭრა ცხორებაჲ, მომატყუებელი წარწყმედისაჲ, და დაშჭირდა მოშიშსა მას ორი
Line of edition: 21     ერთბამად: ქუეყანაჲცა თჳსისა აგარაკისაჲ და სულიცა, რამეთუ ერთი იგი მისცა მას,
Line of edition: 22     რომლისა მიმართ დაედვა სასოებაჲ ცხორებისაჲ, ხოლო სული მიჰყიდა ეშმაკსა. ვინაჲცა
Line of edition: 23     აღმობრწყინვებასა თანა დღისასა ეუწყა რაც ნეტარსა Ms. page: A_294r   იერონს საქმე იგი ბოროტად
Line of edition: 24     ქმნილი, მოუთმენელითა აღივსო მწუხარებითა და ცრემლითა მწარითა ჰგოდებდა
Line of edition: 25     თჳსისა მის მისისა წარწყმედასა და იტყოდა: ვაჲ ჩემდა, უიკტორ, რაჲმე შეგემთხჳა?
Line of edition: 26     ვითარ მოივაჭრე ბოროტი ეგე ვაჭრობაჲ? ვითარ სასყიდელ გექმნა შენ წარწყმედაჲ იგი
Line of edition: 27     სულისაჲ? რაჲსა განეც თავი შენი მტერთა შენთა? რაჲსა აღირჩიე გჳრგჳნსა დიდებისასა
Line of edition: 28     სირცხჳლი სივლტოლისაჲ? რაჲსა მცირედ ცხორებად განსცვალე საუკუნოჲ იგი? ვითარ
Line of edition: 29     მცირე განსუენებად განმც სიხარული დაუსრულებელი? რაოდენ მწარე გეგონნეს
Line of edition: 30     კაცთა მიერ შემთხუეულნი შენდა ძჳრნი, გინა ესოდენ ფიცხელ ტკივილნი რაოდენნი
Line of edition: 31     შეგემთხუევიან, რაჟამს შეჰვარდე ჴელთა ღმრთისათა და მიეცე ცეცხლსა გეჰენიისა
Line of edition: 32     საუკუნოჲსასა.

Paragraph: 7 
Line of edition: 33        7. ესევითარითა უკუე გოდებითა იგლოვა რაჲ მყუვარჟამ, მოუწოდა ნათესავთა
Line of edition: 34     თჳსთა, ანტონინეს და მატრონიანეს, და ჰრქუა: მოვედით, ძმანო, და ისმინეთ
Line of edition: 35     დასასრულისა ესე განზრახვაჲ ჩემი, რაჲთა, რაჟამს წარხჳდეთ ამიერ, აღასრულოთ
Page of edition: 151   Line of edition: 1     ყოველი იგი. მნებავს უკუე დისა ჩემისა თეოტომიაჲს მიცემად სოფელი ჩემი
Line of edition: 2     ემპედისიაჲ, რაჲთა მიერ მოირეწდეს საცხორებელსა თჳსსა და აღასრულებდეს იგი
Line of edition: 3     დღესა ჴსენებისა ჩემისასა, რომელსა შინა ვიწამე. ხოლო სხუაჲ ყოველი, რაოდენიცა
Line of edition: 4     რაჲ არს ჩემი, დაუტევებდე დასა ჩემსა ნუგეშინისცემად უნუგეშინისცემოჲსა მის და
Line of edition: 5     შეუწევნელისა ქურივობისა მისისა. ამას თანა სიბერისა[ცა] და თუალთა სიბრმისა და
Line of edition: 6     ჴელი ჩემი დაკუეთილი მიეცით მას... და არქუთ, რაჲთა მიწეროს დიდად დიდებულისა
Line of edition: 7     რუსტიკოჲსსა, რომელი-იგი არს მოქალაქე ანკჳრიისაჲ, და ითხოვოს მისგან მიმადლებად
Line of edition: 8     სახლი კადესანისაჲ, [რაჲთა] ჴელი ესე ჩემი დაიდვას მას შინაი
Line of edition: 9     ხოლო ესე რად ესრეთ განაწესა წმიდამან, შემდგომად ოთხისა დღისა კუალად
Line of edition: 10     დაჯდა მსაჯული საყდართა ზედა და მიწოდებულ იქმნა ნეტარი იერონ სხუათა თანა
Line of edition: 11     წმიდათა. ხოლო ვინაჲთგან ვერ შეუძლეს ფრიადითა მით ზედა მოსლვითა შეძრვად
Line of edition: 12     სიმტკიცესა მათსა, რამეთუ ყოვლით კერძო განცადნა იგინო მთავარმან მან ლიქნითაცა
Line of edition: 13     და შინებითა, შემდგომად ყოვლისა მის კუალად არგნებითა ძლიერად გუემნეს იგი[ნი]
Line of edition: 14     და ვითარ-იგი შეუძრველად და უცვალებელად იხილნა ყოველსავე ზედა, უბრძანა
Line of edition: 15     მახჳლითა წარკუეთაჲ თავთა მათთაჲ.

Paragraph: 8 
Line of edition: 16        8. და ვითარცა განიყვანებოდეს ქალაქით წმიდანი იგი, მგზავრ გალობდეს ესრეთ:
Line of edition: 17     "ნეტარ არიან უბიწონი გზასა, რომელნი ვლენან შჯულსა უფლისასა".

Line of edition: 18        და ესრეთ მიიწინეს ადგილსა მას განჩინებულსა და მოიდრიკნეს მუჴლნი [და]
Line of edition: 19     სიხარულით იტყოდეს, ვითარმედ: შეივედრენ სულნი ჩუენნი მშჳდობით, ქრისტე,
Line of edition: 20     ღმერთო ჩუენო!

Line of edition: 21        ესე თქუეს და სანატრელნი იგი თავნი მათნი წარეკუეთნეს, ხოლო ქრისტეანეთა
Line of edition: 22     ღამე წარიხუნეს გუამნი მათნი და დაჰფლნეს.

Line of edition: 23        ხოლო ანტონინე და მატრონოანე მოუჴდეს დუქსსა და მისცეს მას ოქროჲ Ms. page: A_294v   ფრიადი,
Line of edition: 24     რაჲთა მისცეს მათ თავი ნეტარისა იერონისი. და მან ჰრქუა, ვითარმედ უკუეთუ არა
Line of edition: 25     სწორი საწონი თავისა მისისაჲ მომიწონოთ ოქროჲ, ვერ მიიღოთ თქუენ იგი.

Line of edition: 26        და ამას პატივსა ჰყოფდა ბოროტი იგი ყოვლისა პატივისა ღირსისა მისთჳს თავისა
Line of edition: 27     არა თუ გულისსიტყჳთა ღმრთისმსახურებისაჲთა, არამედ სასოებითა უმეტესისა
Line of edition: 28     საჴმრისა მიღებისაჲთა. ხოლო მათ ვერ შეუძლეს მოსყიდაჲ მისი, რამეთუ უღონო იყვნეს
Line of edition: 29     ეგოდენისა ოქროჲსაგან. გარნა ამას კაცთა მიერ შეუძლებელსა ღმერთმან მოსცა ღონე
Line of edition: 30     შესაძლებელყოფად, რამეთუ სჳნკლიტოკოსმან ვინმე, რომლისა სახელი ხრჳსაფი, კაცმან
Line of edition: 31     მორწმუნემან და მარტჳლთმოყუარემან, მიუწონა ოქროჲ სწორად თავისა მის და მიიღო
Line of edition: 32     იგი მთავრისაგან. და აღაშენა ტაძარი შუენიერი ადგილსა მას, სადა-იგი მიითუალეს
Line of edition: 33     მოწამეთა ცხორებისა აღსასრული, და მუნ დადვა თავი იგო დიდებულისა მოწამისა
Line of edition: 34     იერონისი პატიოსნად და დიდად შუენიერად.

Page of edition: 152  
Paragraph: 9 
Line of edition: 1        9. მაშინ საჴმართმოყუარემან მან მსაჯულმან, იხილა რაჲ ესოდენი იგი შესაძინელი,
Line of edition: 2     რომელსა მიემთხჳა თავითა წმიდისაჲთა, ძიება-ყო ჴელისათჳსცა, რამეთუ ენება
Line of edition: 3     განსყიდაჲ მისი, არამედ მოსწრაფებით განემზადნეს მოსწრაფენი იგი ანტონინე და
Line of edition: 4     მატრონიანე, რამეთუ მეცნიერქმნილ იყვნეს განზრახვისა მის, რომელი აქუნდა მძლავრსა
Line of edition: 5     მას, და სიბნელესა შინა ღამისა უკუნისასა წარიპარეს იგი და სივლტოლით წარვიდეს
Line of edition: 6     ქალაქად თჳსსა და მისცეს დედასა ჴელი იგი საყუარელისა შვილისა მისისაჲ და
Line of edition: 7     ყოველივე თითოეულად მიუთხრეს საქმე წმიდისაჲ მის. ხოლო მან ჴელი იგი მოწამისაჲ
Line of edition: 8     ჴელთა თჳსთა მიიღო და ცრემლნი მწუხარებისანი სიხარულისა თანა შეზავნა და
Line of edition: 9     მრავალჟამ მიმოაქცევდა მას თუალთა თჳსთა ზედა და ამბორს-უყოფდა. და ვითარმცა
Line of edition: 10     თჳთ იგი სასურველი მისი ყოვლითურთ ჴელთა აქუნდა, ეგრეთ შეიტკბობდა მას და
Line of edition: 11     გარემოეხუეოდა და არღარაჲ უწყოდა, თუ-მცა-რაჲ ყო და ერთბამად ორთადა განეყო
Line of edition: 12     თავი თჳსი, სიხარულისადაცა და მწუხარებისადაცა, და ესრეთ იტყოდა: ჵმე, რაჲღა რაჲსა
Line of edition: 13     ნაცვალად მოვიღე, ჵ სასურველო, ცხოველი უკუე და მრთელი წარგავლინე შენ. ხოლო აწ
Line of edition: 14     ნაცვალად ყოვლისა და ცხოველისა წილ ჴელი ოდენ მომართუეს. ჵ ჩემდა მცირე რაჲმე
Line of edition: 15     და კერძოჲ ნაწილი, რაჲთა უფროჲსად ვგოდებდე და მაქუნდეს ესე საწერტელად ვნებისა,
Line of edition: 16     რაჟამს შენდა ჴსენებად აღმძრვიდეს, რომელი-ეგე სალმობით გშევ საწყალობელმან და
Line of edition: 17     ჭირით აღგზარდე. გესევდი შენ კუერთხად სიბერისა, ჴელისაღმპყრობელ სნეულებისა,
Line of edition: 18     განმაქარვებელად მწუხარებისა. გარნა რაჲ შემემთხჳა, რამეთუ ტირილად და გლოვად
Line of edition: 19     აღვიძარ, რომელსა-ესე მიჴმდა სიხარული და კრთომაჲ, რამეთუ მოწამისა ვიქმენ
Line of edition: 20     დედა, რამეთუ ღმრთისა Ms. page: A_295r   ნიჭად შეგწირე ნაყოფი მუცლისა ჩემისაჲ. რამეთუ შენ,
Line of edition: 21     საყუარელო, ესრეთ აღგზარდე და განგსწავლე და ღმრთისმსახურებით ცხორებულ\გყავ
Line of edition: 22     და არა გიხილე აღსრულებული ზოგადითა და უსარგებლოჲთა სიკუდილითა. და
Line of edition: 23     ფრიად აქუს სარგებელი და შესაძინელი სიკუდილსა მოწამებისასა, გარნა დაღაცათუ
Line of edition: 24     აღსრულებულ ხარ, ნუვე სრულიად დამიტევებ მე, არამედ მეოხებითა შენითა მისსა
Line of edition: 25     მიმართ, რომლისათჳს სისხლი შენი დასთხიე, მსწრაფლ განმიყვანე საჭიროჲსა ამის და
Line of edition: 26     სატკივარისა ცხორებისაგან და მიმიყვანე შენ თანა და ესე მომეც მოსაგებელად ზრდისა.

Page of edition: 153  
Line of edition: 1        ესე თქუა და ჴელი იგი მოწამისაჲ დადვა ადგილსა მას, სადა-იგი მას ებრძანა, და
Line of edition: 2     სრულ-ყო ყოველივე მის მიერ განწესებული და ადიდებდა ქრისტესა, ჭეშმარიტსა ღმერთსა
Line of edition: 3     ჩუენსა, რომელსა შუენის ყოველივე დიდებაჲ და დიდად შუენიერებაჲ და გალობაჲ
Line of edition: 4     თანა დაუსაბამოჲთ მამით მისით და ყოვლადწმიდით სახიერით და ცხოველსმყოფელით
Line of edition: 5     სულითურთ აწ და უკუნითი უკუნისამდე. ამინ!



Next part


This text is part of the TITUS edition of Hagiographica metaphrastica (Novembris).

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.