TITUS
Hagiographica metaphrastica (Novembris)
Part No. 33
Previous part

Day: 22  
Saint: Mercur._F  
Page of edition: 647  
Line of edition: 1     A 128 (F)
Ms. page: F_199v  


Line of edition: 2   ნოენბერსა კ̂ბ


Line of edition: 3   წამებაჲ დიდისა მოწამისა მერკჳრისი


Line of edition: 4   გუაკურთხენ, მამაო!


Paragraph: 1 
Line of edition: 5        1. დეკიოს ოდეს და ვალერიანე -- ერთი იგი შარავანდედსა ჰრომისასა და მეორე
Line of edition: 6     საყდარსა ასიაჲსასა განაგებდეს, ვითარცა შეუძლებელქმნილი, დეკეოზ მარტოჲ გა\ნაგებდა
Line of edition: 7     საურავთა საეროთა, განბჭო, რაჲთა სხუაჲცა ვინმე აქუნდეს ამისი თანაშემწე
Line of edition: 8     და ქრისტეანობაჲ იქადაგებოდა. ხოლო მათ უძნდა და რისხვად აღეგზნებოდეს და იგო\ნებდეს,
Line of edition: 9     რაჲთა, ვითარ უმეტეს აღაორძინონ მათთა მათ პატივი და ყოვლითა ღონითა
Line of edition: 10     ისწრაფდეს მოკლებად მსახურთა სამებისათა, ვინაჲცა პირველად გულთა შინა მათთა,
Line of edition: 11     სიტყჳსაებრ მეფსალმუნისა, იწუართეს უკეთურებაჲ. მერმე შემდგომად არამრავლისა
Line of edition: 12     ჟამისა ბაგეთა მიერ მზაკვართა გამოთქუეს ამაოებაჲ, რაჲთა ყოველივე, რომელიცა
Line of edition: 13     თავსა თჳსსა სახელ-სდებდეს ქრისტეანედ, სიკუდილი აქუნდეს მას პატიჟად. ხოლო
Line of edition: 14     რომელნი გამოჩნდეს შედგომილად მათსა მას ბოროტად მადიდებლობასა, იგინი
Line of edition: 15     ოდენ იყუნენ წარჩინებულ. და ამას განზრახვასა თანა დაირთნეს მთავარნიცა. ხოლო
Line of edition: 16     ვინაჲთგან პოვნეს იგინიცა მათსავე მას ჯერმჩინებელ და უფროჲსღა ჰნატრიდესცა მათ,
Line of edition: 17     რეცა კეთილისა გაგონებისათჳს, მაშინ განეწყვნეს ქრისტეანეთა ზედა უმძჳნვარესითა
Line of edition: 18     გულისწყრომითა და მიწერეს ყოველსა საბრძანებელსა მათსა, რაჲ-იგი ჯერ-უჩნდა მათ,
Line of edition: 19     ხოლო სახე ესევითარი აქუნდა განწესებასა მათსა:

Paragraph: 2 
Line of edition: 20        2. მეფენი თჳთმპყრობელნი, ძლევაშემოსილნი, მძლენი, კეთილად მსახურნი, მარა\დის
Line of edition: 21     \\სევასტნი, Ms. page: F_200r   დიდნი დეკიოს და ვალერიანოს, ჴელმწიფებასა ჩუენსა ქუეშე მყოფთა,
Line of edition: 22     ვინაჲთგან მრავალი ქველისმოქმედებაჲ გამოჩნდა ჩუენ ზედა უკუდავთა ღმერთთაჲ და
Line of edition: 23     ვითარცა წყაროჲსაგან დის ჩემდამო, ოდესმე ძლევითა მტერთაჲთა გჳრგჳნოსან ვიქმნებით
Line of edition: 24     და ოდესმე მორჩილთა უშურველად მოსლვითა განვისუენებთ. და ნაყოფიერებასა
Line of edition: 25     თანა ქუეყანისასა მოხარულად გუყვანან ჩუენს ქუეშე მყოფნი მის მადლისათჳს თჳთ
Line of edition: 26     თავადთა ღმერთთა ჩუენთა მცირედსა რასმე და რომელნიცა დაწყნარებულებაჲ იგონებს
Line of edition: 27     მინიჭებად, სუბუქსა ამას და უჭირველსა განაწესებს განჩინებასა, რაჲთა ყოველივე
Line of edition: 28     ჰასაკი და ყოველივე სიმრავლე და განყოფილებაჲ ბედისა და ბუნებისაჲ ნაცვალად
Line of edition: 29     პატივ-სცემდეს მათ მსხუერპლებითა და საკუმეველითა და მემღერთა ჰამოვნებითა
Line of edition: 30     ჴმათაჲთა. ხოლო უკუეთუ ვინმე გამოჩნდეს ურჩად, ვითარცა გუესმის, და სასჯელსა მას
Page of edition: 648   Line of edition: 1     აწღა შემოხრწნილსა სახელსა ქრისტეანობისასა მიაწერდეს თავსა თჳსსა, კეთილ იყო,
Line of edition: 2     რაჲთამცა არა კნინოდენ ვიღუწოდით მათთჳს, არამედ პარეხნიმცა და ჯუარი და რკინაჲ
Line of edition: 3     ჴელ-ჴელ მიითუალვიდეს მათ. გარნა ვინაჲთგან უკუდავთა ღმერთთა გარდამატებაჲ
Line of edition: 4     იციან კაცთმოყუარებისაჲ, ღირს იქმნენ და ესენიცა და სიტყჳასა და სწავლასა, რაჲთა,
Line of edition: 5     რომელნიცა მათგანნი უცნობილეს იყვნენ და უგონიერეს მოეკიდნენ უმჯობესსა და
Line of edition: 6     ცნან, თუ ვითარსა მთხრებლსა შთაცჳვეს წარწყმედისასა და ჩუენ \\მიერცა Ms. page: F_200v   მიიღონ
Line of edition: 7     სიმრავლე ნიჭთაჲ და სიდიდე პატივთაჲ და მებრვე თჳთ ესე რაბამი პატივი არს,
Line of edition: 8     რაჲთა არავინ ყოვლად წარწყმდეს. ხოლო უკუეთუ ვინმე დახუდეს მათგანი დრკუჲ და
Line of edition: 9     ძნიად მოსადრეკელი, რომელსა ენებოს დადგრომად საჭიროსა მას ზედა კადნიერებასა
Line of edition: 10     და გამოცდილებად მოვიდეს, სატანჯველთა ნუღარა ესრეთ განეყენებით არამედ
Line of edition: 11     აღსასრულამდენ იხარკეთ ახლისა მის და ცუდისა საზრახავისაგან განყენებად. და
Line of edition: 12     ყოველივე სახე სატანჯველთაჲ განცხადებულად მათ ზედა აღესრულებოდის და, რაჲთა
Line of edition: 13     მოკლედ ვთქუათ, ყოველივე, რომელიცა ქრისტეანე იქმნეს და განდგეს მოწყალებისაგან
Line of edition: 14     ღმერთთაჲსა, საქმე და ღუაწლ ყოველთა იყავნ ბოროტთა ბოროტად წარწყმედაჲ.

Paragraph: 3 
Line of edition: 15        3. ესე განწესებანი დაისხნეს პირველად უბანთა ჰრომისათა და მერმე ყოველგან
Line of edition: 16     მიერთუა მთავართა ქუეყანისათა და ოდესმე გაჰგზავნის თჳთ დეკიოს და ოდესმე
Line of edition: 17     ასწრაფებდეს ურთიერთარს მთავარნი მისნი. და რამეთუ, რომელნი დამკჳდრებულ
Line of edition: 18     იყვნეს ქალაქთა შინა ეშმაკნი და ვითარცა მჭმუნვარენი და უბედურნი შეუჴდებოდეს
Line of edition: 19     მთავართა ყოვლითა ძალითა მათითა და აღაზრზენდეს მათ ქრისტეანეთა ზედა, რამეთუ,
Line of edition: 20     რომელთა მამულად აქუნდა შედგომად კერპთაჲ, მოსწრაფებითა ყოვლითა მას იქმოდეს,
Line of edition: 21     რამეთუ აღაორძინებდა კერპთმსახურებასა. ხოლო უკუეთუ ვისმე ქრისტეანობაჲ
Line of edition: 22     ანუ მშობელთაგან ვითარცა რაჲმე ნაწილი მკჳდრობისაჲ მიეღო, ანუ თუ თჳთ მათ
Line of edition: 23     კერპთაგან განეცადა უძლურებაჲ მათი და ს[ა]მსახურისაგან ვი[ეთ]თაჲსა გამოეჴუა
Line of edition: 24     თავი და კეთილად მსახუ\\რებასა Ms. page: F_201r   დაეწესა, ამათგანი რომელიმე შეისმინებოდა, რომელიმე
Line of edition: 25     საპყრობილესა შეიწყუდეოდა და სხუაჲ მიზეზი არად საჴმარ იყო შესმენისათჳს. და
Line of edition: 26     რამეთუ თჳთ ი[ჭუ]ეულობაჲ ოდენ კმარ იყო ამისთჳს, ვინაჲთგან ადგილ-ადგილ იყვნეს
Line of edition: 27     მთავარნი ბოროტნი და მანქანანი და ფერად-ფერადთა სატანჯველთა მოგონებად
Line of edition: 28     მზანი და ბოროტისათჳს იყუნეს წინადაუდგრომელ და იგი იყო წინაშე მეფეთა საჩინო
Line of edition: 29     და საპატიო, რომელი სხუათა უმძჳნვარეს და უუწყალოეს იყო ქრისტეანეთათჳს,
Line of edition: 30     ესევითარი რაჲ შფოთი და დაუწყნარებლობაჲ ჰრომთა და ბერძენთაჲ ცნეს ბარ\ბაროზთა,
Line of edition: 31     აღადგინეს ბრძოლისყოფად მათ ზედა. ამისთჳსცა განცჳბრდეს მეფენი მოუ\ლოდებელისათჳს
Line of edition: 32     საქმისა მის და შეყარეს სიმრავლე მჴედრობისაჲ და ძლიერებაჲ მათი
Line of edition: 33     განაწყვეს და წინამძღუართა მჴედრობისათა უბრძანებდეს მოსწრაფებითა დიდითა
Line of edition: 34     შეკრებად მათდა და რაჲთა იყუნენ განმზადებულ წყობისათჳს და ბრძოლისა. მრავალნი
Line of edition: 35     უკუე სხუანი თითოსახეთაგან შეკრბეს ქალაქთა და მერმე, რომელსა-იგი ეწოდების
Line of edition: 36     გუნდი მარტისიონთაჲ, სომხითით უკანაჲსკნელ შემოკრბა, უმჴნეს იყო სხუათა და
Line of edition: 37     უსაკუთრესთა თანა მეფისათა იყო დაწესებულ და იყო იგი კუმსსა ქუეშე, რომლისა
Line of edition: 38     სახელი სატორნინოს.

Page of edition: 649  
Paragraph: 4 
Line of edition: 1        4. განილაშქრა უკუე დეკეოზ სპითა მისითა, ხოლო ვალერიანე ძალთა ქალაქისათა
Line of edition: 2     გამოსცდიდა და წყობათა შინა გამოუცდილესთა Ms. page: F_201v   გამოარჩევდა და ჴელსა ძლიერსა
Line of edition: 3     შეჰყრიდა მარადის და დეკეოზის თანა წარავლინებდა. არამრავლისა ჟამისა შემდგომად
Line of edition: 4     შესთქრა წყობაჲ და პირისპირ შეკრბა ბრძოლაჲ იგი და რომაელი აჩუენებდეს სათ\ნოებასა
Line of edition: 5     მისსა და იცილობვოდეს სრულიად დაპყრობად და ძლევად მტერთა. ხოლო
Line of edition: 6     ბარბაროზნი გულისწყრომითა აღიჭურვოდეს უფროჲს, ვიდრეღა წესიერად განწყობითა
Line of edition: 7     და ჯუმლად მიჰმართებდეს და მჴნედ განეწყობვოდეს და იცილობვოდეს ძლევასა
Line of edition: 8     მათკერძო შემოსად. და რამეთუ ბერძენთა საჭურველი ტურფად შემზადებულ იყო,
Line of edition: 9     ამისთჳსცა გულსმოდგინებითა და მკლავთა ახოვნებასა აჩუენებდეს. ხოლო ბარბაროზთა
Line of edition: 10     მათ ვითარცა დახუდის და აქუნდის და რამეთუ შესაძინელსა ჰყუარობენ სკუთნი, ვიდ\რეღა
Line of edition: 11     ჰსურის სიტურფისათჳს, გარნა ყოველსავე ზედა განეწყვებოდეს, ჰბრძოდეს და
Line of edition: 12     ზედამიმავალთა გარე უკუნ[ა]ქცევდეს, ვიდრემდის გამოჩნდა კაცი ვინმე რომეონ,
Line of edition: 13     განწყობილისა მისგან მარტისიონთაჲსა, რომელსა აქუნდა ნათესაობაჲ სკჳთთაჲ და იყო
Line of edition: 14     იგი მამისა არა უსახელოჲსაჲ, რომლისა სახელი გორდიანოს, ხოლო მას თჳთ ეწოდებოდა
Line of edition: 15     ფილოპატორ და მერკჳროს -- მეორედ სახელად, რომლისაგან უმეტესადღა იცნობებოდა.
Line of edition: 16     ესე არცა სიმრავლისაგან, არცა სიმჴნისაგან შეშინდა მბრძოლთაჲსა, არამედ ახოვნებით
Line of edition: 17     განაპო ყოველი იგი განწყობილებაჲ და ლომებრი აჩუენა მათ ზედა მიმართებაჲ.

Line of edition: 18        ხოლო დახუდომით მიდრკა იგი მარჯუენასა კერძ\\სა Ms. page: F_202r   და სპეტაკითა მოსილი ვინ\მე
Line of edition: 19     და ჴელთა მისთა აქუნდა მახჳლი წუდილი და სახედ მეგობრისა ეუბნებოდა და
Line of edition: 20     განამჴნობდა სულსა მისსა და ეტყოდა გამოჩინებული იგი: მოყუასო მერკჳრე, შენდა
Line of edition: 21     მომავლინა უფალმან უფალთამან და ძალსა ჩემ მიერ მოგანიჭებს შენ დაძლევასა
Line of edition: 22     წინაგანწყობილთა ზედა უბრძოლველსა. მიიღე უკუე ესე მახჳლი და შევედ მათ ზე\და
Line of edition: 23     და ძალითა ქრისტესითა და მარჯუენითა იოტნე და უკუნაქცივნე განწყობილნი
Line of edition: 24     მბრძოლთანი. ხოლო მე და მომავალთათჳსცა გითხრავე შენ და თუ რომელსა აღ\სასრულსა
Line of edition: 25     მივიდეს საქმე შენი, რამეთუ იქმნე შენ სიქველისათჳს სახლ განთქუმულ და
Line of edition: 26     შენ თანამოლაშქრეთა გამოსჩნდე უდიდებულეს და მოგეცეს შენ მეფისაგან სიმდიდრე არა
Line of edition: 27     ადვილად აღსარიცხუავი მოსაგებელად შენდა. თჳნიერ ჴსენებაჲ ქველისმოქმედებისაჲ
Line of edition: 28     ამის და, რომელმან შენ ესრეთ განგაძლიერა, ღმრთისაჲ სამარადისოდ დანერგულ იყავნ
Line of edition: 29     გულსა შენსა და უფალსა ღმერთსა შენსა ნუოდეს დაივიწყებ და რამეთუ ჯერ-არს შენ\და,
Line of edition: 30     რაჲთა იღუაწო მისთჳს და მოწამებისა შემოსად გჳრგჳნსა.

Line of edition: 31        ამას ზედა, ვითარცა ჯერ-იყო, განცჳბრდა მერკჳრიოს და მოწინ იქმნა ახალ დი\დებულისა
Line of edition: 32     მისთჳს სახილავისა, და გულისწყრომისა კერძი შეცვალა და სახე მბრძოლთაჲ
Line of edition: 33     შეაქცია და მახჳლი არღარა ჴელთა იპყრა, არამედ მეყსეულად წელთა მოირტყა და,
Line of edition: 34     ვითარცა ყრმაჲ, იხილვებოდა შიშით განწურთილი. ხოლო კუალად კადნიერებითა და
Line of edition: 35     გულსმოდგი\\ნებითა Ms. page: F_202v   აღავსო მადლისა მიერ და მრავალი მცირედჟამსა შინა მრავალი
Line of edition: 36     ბარბაროზთა მათ ზედა აღაგზნა გულისწყრომაჲ, განკუეთა უკუე უჴშირესი რაზმი
Line of edition: 37     სპათაჲ მათ და უმრავლეს რიცხჳსა, რომელნი დაემთხუეოდეს, მოსრვიდა მათ და უში\შითა
Line of edition: 38     სულითა და სიქველითა ახოვნითა მეყსა შინა ზედამოუჴდა წინამძღუარსა მას
Page of edition: 650   Line of edition: 1     ბარბაროზთასა, რომლისა წესი არს რღიად სახელისდებაჲ. რომელნიცა უკუე ჴელად
Line of edition: 2     მისსა მოვიდოდეს, რომელნიმე შთამოცუოდეს, ხოლო უმრავლესნი დაჭრილთაჲსა შო\რითვე
Line of edition: 3     ივლტოდეს, რამეთუ ვერ დაუთმენდეს სამქველისა მის ხილვასა, ზარსა და მი\მართებასა.
Line of edition: 4     და უკუეთუ ვინმე წარეხრისის ისარსა ანუ ლახუარსა მისსა, მეყსა შინა
Line of edition: 5     სიკუდილი შეემთხუეოდა. ხოლო ვინაჲთგან უთავადესთაგან უმჴნესთა და უძლიერესთა
Line of edition: 6     მცველთა შემწეთა და მეაბჯრეთა განშიშვლდა მთავარი იგი ბარბაროზთაჲ და ქველისა
Line of edition: 7     მის ძალი ჴორცთაჲ უმეტეს და უმეტეს განძლიერდებოდა და რაჲთურთით ყოვლად
Line of edition: 8     წინადაუდგრომელ იყო ახოვნად ქცევითა და მიმომართებითა და, აჰა ესერა, მიჰმართა
Line of edition: 9     რღიას, სცა მას და მოწყლა ძლიერად და დაამჴუა იგი. და სხუათა მათ სრვიდა ნებისაებრ
Line of edition: 10     და არავინ სხუაჲ იყო თანამდგომ მისსა, ვინაჲცა სკჳთთა უმჴნესნი მათნი და უძლიერესნი
Line of edition: 11     წყობათა შინა რომელნიმე იხილნეს დაცემულნი, სხუანი მეტად ხენეშად ლტოლვილნი,
Line of edition: 12     მათცა სიცოცხლე მათი ფერჴთა მიანდვეს და, რაოდენ ძალ-ედვა, ივლტოდეს
Line of edition: 13     პირშეუქ/\\ცეველად. Ms. page: F_203r  

Paragraph: 5 
Line of edition: 14        5. დეკეოს უკუე მეფესა სთნდა ფრიად ახოვნებაჲ მისი, რამეთუ მიეთხრა მას
Line of edition: 15     ყოველი, რაოდენი ყო მბრძოლთა ზედა მერკჳრიოს და თუ ვითარ ბევრეული იგი
Line of edition: 16     სპათაჲ ერთისასა მოუდრკა სიქველესა და ახოვნებასა. და მასვე ჟამსა მოუწოდა მას და
Line of edition: 17     ვინაჲთგან ყოვლად მრავალთა კეთილთა სასოებაჲ ექმნა რომეონთა, სტრატილატობითა
Line of edition: 18     პატივ-სცა მას და ყოვლისავე სპისა ლაშქართაჲსა განაჩინა იგი მთავრად. და ამცნო
Line of edition: 19     მას, რაჲთა იქმოდის ყოველსა, ვითარცა ენებოს, რამეთუ ყოვლითურთ შეამსჭუალა
Line of edition: 20     გონებაჲ თჳსი მერკჳრიოსს. და აქებდა ფრიად განმარჯუებისა მისთჳს და უყუარდა
Line of edition: 21     სახე და აგებულებაჲ მისი, ვიდრეღა მრავალგზის ფუცავნ რაჲ ღმერთთა თჳსთა
Line of edition: 22     მძლავრი დასამტკიცებელად ფიცისა და ცხორებაჲცა მერკჳრისი, რაჲთგან აწღა ახლად
Line of edition: 23     ძლიერი და დიდი მისცა სიმჴნისა გამოცდილებაჲ, მის ქუეშე უკუე მყოფი სპაჲ და
Line of edition: 24     რაზმი მჴედრობისაჲ პატივისმოყუარებითა ანუკვა დეკიოს და განუტევა კაცად-კაცადი
Line of edition: 25     წარსლვად სახიდ თჳსსა. ხოლო თჳთ ჰრომედ უკუნიქცა და სტრატილატი აქუნდა
Line of edition: 26     მიმდგომად მისსა და ყოველგანვე დღე ყოველ მის თანა იქცევინ, მის თანა იშუებნ და
Line of edition: 27     მის თანა განისუენებნ.

Line of edition: 28        ესრეთ რაჲ განაგებდა საქმეთა მერკჳრიოს, ერთსა ღამეთაგანსა, რომელი-იგი
Line of edition: 29     პირველ ეჩუენა მას და კუალად გამოუჩნდა, ხოლო მას განეღჳძა და მყის აღდგა,
Line of edition: 30     ჴელნი მოიჭდვნა და მონებრივითა სახითა წინაშე წარმოუდგა გამოჩინებულსა მას,
Line of edition: 31     რომელი-იგი ეჩუენა მერკჳრიოსს, რეცა ჰკდემდა მას და აყუედრებდა Ms. page: F_203v   დავიწყებასა
Line of edition: 32     და ვითარმედ არა იგი შეიყუარა უფროჲს, რომელი ჭირთა შინა საჴმარ ექმნა, არამედ
Line of edition: 33     დეკეოზ. ანუ არა გაჴსოვსა, -- ჰრქუა ანგელოზმან, ვითარმედ, ოდეს ჴელთ-გიდებდ
Line of edition: 34     შენ მახჳლსა და ძლიერებით აღგავსებდ, ესრეთ გარქუ შენ: უფალსა ღმერთსა შენსა
Line of edition: 35     ნუოდეს დაივიწყებ. და ვითარმედ ვიღირს შენ მისთჳს ღუაწლი და წამებისასა შემოსად
Line of edition: 36     ვჳრგჳნსა, არა მისითა თანაბრძოლითა სძლეა ბევრეულთა? არა მისითა თანადგომითა
Line of edition: 37     მძლე ექმენ ესეოდენთა სპათა? არა უფროჲსღა გიღირს პატივი მისი, ვიდრე ტაძართა
Line of edition: 38     მათ სამეუფოთა, რომელმან გარდაართხნა ცანი ესე ხილულნი და დღე შეამკო ნათლითა
Page of edition: 651   Line of edition: 1     მზისაჲთა და ღამე განაშუენა მთუარისა ბრწყინვალებითა და შეამკო თითოსახეთა
Line of edition: 2     ვარსკულავთა ყუავილოვნებითა.

Line of edition: 3        ამას ზედა, რომელი-იგი ეჩუენა, განეყო, ხოლო მერკჳრიოს შემოკრიბა გონებაჲ
Line of edition: 4     თჳს[ი] და იგონებდა თქუმულთა მათ გამოჩინებულისათა და კუალად აღიჴსენებდა
Line of edition: 5     სიტყუათა მამისა მისისათა. და რამეთუ იყო იგიცა დაფარულთა ქრისტეს მოწაფეთაგანი
Line of edition: 6     და იყო იგი მაშინ პირმიკერი მარტისიონთა გუნდისაჲ, რამეთუ მრავალგზის ასწავებნ
Line of edition: 7     შვილსა და წინადაუდებნ, ვითარმედ მეუფე არს ქრისტე საუკუნეთაჲ და ყოველთა ამათ
Line of edition: 8     ხილულთა მფლობელი და უფალი, რომელმან ცანი სიტყჳთ წარმოაჩინნა და ზღჳსა
Line of edition: 9     სადგური განჰმარტა, ქუეყანასა საძირკუელად წყალი მისცა და ყოველივე უტჳრთავს
Line of edition: 10     თჳთპყრობით და მოვალს სჯად ცხოველთა და მკუდართა.

Line of edition: 11        ესე ყოველი გონებად მო\\იღო Ms. page: F_204r   მერკჳრიოს და მუჴლთა ზედა ცნობამბრძოლი მჯდო\მარე
Line of edition: 12     იყო. ხოლო დასასრულსა მდინარითა ცრემლთაითა აგრძნა პირობაჲ სინანულისაჲ
Line of edition: 13     და იჴსენებდა ბოროტად განწესებულთა თჳსთა და მამისა მიერ კეთილად სჯულდებულთა
Line of edition: 14     და გოდებისა მიერ და გლოვისა განიკუეთებოდა.

Paragraph: 6 
Line of edition: 15        6. ესრეთ რაჲ იყო მერკჳრიოს, მიუმცნო მას დეკიოს, რამეთუ ენება ჩუეულებისაებრ
Line of edition: 16     და იყოს იგი ერთი თანამოსაყდრეთაგანი, ხოლო იგი სდროებდა და უქადაგებდა ხვალისა
Line of edition: 17     დღე მისლვასა. მეყსეულად განყარა მეფემან კრებაჲ იგი მთავართაჲ, რამეთუ არა მივიდა
Line of edition: 18     მერკჳრიოს, რომელი განაშუენებდა სამსჯავროსა მას. ხოლო იგი მოცალე იყო და ჰგებდა
Line of edition: 19     ღმრთისა მიერ ცნობად უმჯობესსა და ამას ილოცვიდა და ამისთჳს ევედრებოდა.

Line of edition: 20        ხოლო ვითარცა ერთი თანამზრახვალთაგანი მიემთხჳა, აღთქუმისაებრ, ტაძარსა
Line of edition: 21     არტემისსა: წარვიდეთო, -- იტყოდა დეკეოს, -- და მსხუერპლებისა მიერ წაღმართთათჳს
Line of edition: 22     მლხინებელ-ვყოთ. და რამეთუ მან გუაპკურა სისხლი და რომელნი-იგი კლვად აღდგომილ
Line of edition: 23     იყონეს ჩუენ ზედა, საკჳრველად მარჯუენაჲ შენი მათ ზედა განაძლიერა.

Line of edition: 24        სტრატილატი უკუე კუალადცა ჟამსა განაგრძობდა და დასაჯეროდ საგონებელ
Line of edition: 25     იყო ჯერთცა და იჭჳსაგან წინააღმდგომისა უცხო, ვინაჲცა კუალად წარვიდა და მეუფე
Line of edition: 26     სამეუფოდ, ხოლო სტრატილატი -- მისთჳს განჩინებულთა სახლთა, რომელნი შეჰგვანდეს
Line of edition: 27     ესევითარისა დიდებისა აღსასრულსა. კაცი ვინმე Ms. page: F_204v   ახლად იპატოსობისაგან ჩამოჭრილი
Line of edition: 28     მანქანაჲ იყო და მზაკვარი და ქუეგახედვიდა წმიდასა, ვითარ ჰგავს, მოლოდებისათჳს
Line of edition: 29     პატივისა. ამან შეასმინა იგი დეკეოზისსა და თქუა: მოსრულ ვარ შენდა, დიდო მეფეო,
Line of edition: 30     არა ჩემსა რასმე უწყებად, არამედ, რომელი ზოგად დიდად საჴმარ არს, მე შენსა
Line of edition: 31     ბჭობასა. დადგა რაჲ მერკჳრიოს სპასალარად და ერისმთავრად მჴედრობისა, ფრიად
Line of edition: 32     პატივ-სცემ და ზე აღუდგები, წარმო-რაჲ-ჰვლიდის, და დიდად საპატიოდ დამედვა
Line of edition: 33     კაცი იგი, რამეთუ, ვითარცა ქველისმოქმედსა, ვხედევდ მას და უდიდესსა პატივსა
Line of edition: 34     აღსრულად შემერაცხა. ხოლო ვინაჲთგან აწ განგებითა რაჲთმე წინააღმდგომსა
Line of edition: 35     ღმერთთასა მოქმედად განვიხილე და არა ოდენ ესე, არამედ და ბომონთაცა დარღუევისა
Line of edition: 36     აღმრჩეველად, ამისთჳს აწ სიტყუანი ესე წინა გიყვენ და გაცნობე შენ საქმე კაცისაჲ
Line of edition: 37     მის ხოლო შენ, ჵ მშჳდო, ნუ რისხვად, ვითარცა ვიცით, ნუცა მწუხარებითა იძლევი,
Line of edition: 38     ვითარცა ჩუენ, არამედ ღრმად განიცადე საქმე ესე და გონიერად გულისჴმა-ყავ და
Page of edition: 652   Line of edition: 1     განიგულე რჩეულად, თუ რაჲ შეჰგავს მას შემთხუევად, რომელსა ესრეთ პატივ-ეც
Line of edition: 2     მპყრობელობისაგან შენისა. და მან ესრეთ ესევითარსა ბედსა აგინა და შეურაცხ\ყო
Line of edition: 3     და ღმერთნი არად შეჰრაცხნა, ვითარმცა არა კმაყოფად ჰგონა ღმერთთა მიმართ
Line of edition: 4     შეურაცხებაჲ თჳსი, არამედ საქმედ აღუღიეს სასწრაფოდ, რაჲთა სხუანიცა მსგავსსავე
Line of edition: 5     ზედა თჳსსა მოიყვანნეს სჯულისდებასა.

Line of edition: 6        ესე ესმა რაჲ დეკიოსს, არცა სრულიად განიშორა კაცი იგი, რამეთუ იგონებდა,
Line of edition: 7     ვითარმედ არცა ცუდისათჳს საქმისა არი\\ან Ms. page: F_205r   თქუმულნი, არცა კუალად სრულიად
Line of edition: 8     დასაჯეროდ შეჰრაცხნა, რამეთუ ჰგონა, თუ შურითა შეუწმასნეს მას იგი. მიუგო და
Line of edition: 9     ჰრქუა მას: ნუ ჰგონებ, ჵ მჭმუნაო, თუ ესრეთ პირველითა ოდენ შესმენითა აღმძარ
Line of edition: 10     მე მერკჳრის ზედა განბჭობად ძჳრსა და რამეთუ ყრმებრივი არს ესე და ნანდულვე
Line of edition: 11     უსამართლოჲ, არამედ დამიყოვნო გამოძიებასა შინა. და უკუეთუ გპოო შენ შურითა
Line of edition: 12     მეტყუელად ამას და რამეთუ მიზეზ ექმნა დიდებასა პირველ მცირედისა მარტოჲსა
Line of edition: 13     მერკჳრისგან აღსრულებული ძლევაჲ იგი საკჳრველი და შენ მოშურნე ექმენ დიდებასა
Line of edition: 14     მისსა და დასწამე ესე, არაკეთილი გელოდის მისაგებელი. ხოლო უკუეთუ მართალი
Line of edition: 15     გეთქუას, გაქუთ შენ და მოვიჴსენოთ თქუმულთა ამათ შენთაჲ და შესამსგავსი მოგეცეს
Line of edition: 16     მოსაგებელი.

Paragraph: 7 
Line of edition: 17        7. და მეყსეულად მიუმცნო პატივით სტრატილატსა და ჰრქუა: არა-მე პატივ-გეცა
Line of edition: 18     საჩინოჲთა ამით პატივითა და მთავრად მთავართა ნებითა ღმერთთაჲთა დაგადგინე და
Line of edition: 19     დიდებულთა ზედაჲთ მოგაქციე? რომლისათჳს არა დავფარო სამართალი საკჳრველმან
Line of edition: 20     მან სიქველემან შენმან და სკჳთთა ახოვნად წყობამან მოგანიჭეს. სადაჲთ უკუე შეგემთხჳა
Line of edition: 21     შენ ეგოდენ ცნობავნებულებაჲ? რამეთუ სადაჲთ გიღირდა შენ პატივი ღმერთთაჲ და,
Line of edition: 22     ვითარცა ქველისმოქმედთა, შერაცხვაჲ მათი, უფროჲსღა აგინებ მათ და საბასრავად
Line of edition: 23     და საკიცხელად დაგისხმან იგი და რამეთუ მარადის სიდიდე კეთილთაჲ შეურაცხებად
Line of edition: 24     აღაზრზენს მრავალთა. სადა არს უკუე ჴელმწიფებისა ჩუენისა კეთილად მორჩილებაჲ,
Line of edition: 25     ჵ მერკჳრე, და მცნება\\თა Ms. page: F_205v   ჩუენთა ფიცხლად მოქმედებაჲ, რომელი-იგი გეჩემა შენ და
Line of edition: 26     სახით უფროჲს, ვიდრე საქმით იცნობებოდე?

Line of edition: 27        და ესე მეფემან ხოლო შორის მეტყუელებისა ენება სიტყჳსა მოკუეთაჲ მოწამესა,
Line of edition: 28     ვითარმცა სძაგდა უჟამოებასა. და ვითარ დაასრულა მეტყუელებაჲ ყოვლითურთ
Line of edition: 29     მოწამემან, სიტყუსაებრ სამოციქულოჲსა, ძუელი იგი კაცი აღიძუარცა და ახალი შეიმოსა
Line of edition: 30     და არარაჲ ყოვლად დაიფარა, არამედ თავი თჳსი განცხადებულად თქუა კადნიერად:
Line of edition: 31     არა არს ჩემი და პატივთა შენთაჲ, მეფეო, შენდავე იყვნედ ეგე და მათდა, რომელნი
Line of edition: 32     მისდევდედ, ხოლო მე ვეძიებ პატივსა ფრიად უფროჲსოსა უუფროესსა. რამეთუ,
Line of edition: 33     ვითარცა წყობასა შინა ძალითა ღმრთისა ჩემისაჲთა მძლედ ვიპოვე და რამეთუ მუნით
Line of edition: 34     იყო განცხადებულად შეწევნაჲ და შენ მიერ პირველსა პატივსა მივემთხჳე, ესრეთვე
Line of edition: 35     ჴელ-ვყო მისთჳს და შენსაცა ძლევასა, რაჲთა და პატივსაცა, რომლისა მსურის, მის
Line of edition: 36     მიერ მივემთხჳო. და რამეთუ ყოველივე მსოფლიოჲ დამიტევებიეს, დაღათუ მრავალ იყო
Page of edition: 653   Line of edition: 1     მცნებისათჳს უფლისა და სწორად კუამლისა და მტუერისა შევრაცხე იგი. და რამეთუ
Line of edition: 2     არცა თუ ვიკადრებ სწორებად ამიერთა ამათ მერმეთა მათ თანა, ვინაჲთგან, ესე
Line of edition: 3     ვითარცა ითქუმის აყუავნებისა და დაჭნობისა, ხოლო სამოთხისა იგი, რომელსა შინა,
Line of edition: 4     მეფე, ნებსით დააკლებ თავსა შენსა, აღბრწყინდების და აღყუავნების და სამარადისოდ
Line of edition: 5     დაადგრების და ფრიადსა შუებასა და მხიერულებასა მისცემს მიმღებელთა მისთა.

Line of edition: 6        ამას ზედა ახოვანმან მან თავი თჳსი ქრისტეანედ ქადაგა და Ms. page: F_206r   ყოველსა, რასა
Line of edition: 7     ვნებად განაჩინებდა, გულსმოდგინედ ჴელსა მტარვალთასა უწოდდა, მსაჯულსა გუ\ლისწყრომად
Line of edition: 8     აღაზრზენდა და აღაგზებდა. განიჴსნა მეყსეულად სარტყელი და აღი\ძუარცა
Line of edition: 9     ქლამინდი მთავრობისაჲ და ეტყოდა: შიშველი გამოვედ მუცლით დედისაჲთ,
Line of edition: 10     შიშველი მუნ და ცხოველისა ღმრთისა წარვიდე. ქლამინდი სარტყელი -- ნიშნნი
Line of edition: 11     პატივთა შენთანი, ჵ დეკეოზ, შენდავე მიმიცემიან და ნებსით დაუტეობ მათ, რამეთუ
Line of edition: 12     რაჲ არს ჩემი ზიარი და მათი, რომელსა სხჳსა დიდებისა მსურის და არა ამიერისა.

Line of edition: 13        შემდგომად უკუე განჴსნისა სარტყლისა და ქლამინდისა აღძუარცისა და წინაშე
Line of edition: 14     საყდართა სამეუფოთა მიგდებისა მოწამისა მიერ, მაშინ უფროჲსღა განუმზადებელი და
Line of edition: 15     კნინღა სრულიად შიშველი საკჳრველად იხილვა ხატითა, ვიდრეღა სასმენელთა მიერ
Line of edition: 16     სიტყუანი მისნი განიკითხვოდეს გამოძიებითა. რამეთუ მეყსეულად იხილა რაჲ სახე და
Line of edition: 17     ქმნულკეთილობაჲ მისი, განცუბრდა დეკეოს, და რამეთუ იყოცა შუენიერ დაღათუ
Line of edition: 18     სხუაჲ ვინმე ჴორცითა და კეთილად შეწყობილებითა შემკულ მერკჳრიოს და რამეთუ
Line of edition: 19     არცაღა აქუნდა თუალთა მოწყუედაჲ ხედნისაგან, დაღათუ მრავალნი მრავალგნით
Line of edition: 20     მოზიდვიდეს სხუაჲ, არღარა მეფემან, არამედ შემდგომად მყუარჟამისა თავი დახარა
Line of edition: 21     და ბრძანა წმიდისა წარყვანებაჲ საპყრობილედ. და ფარულად ამცნო წარმყვანებელთა,
Line of edition: 22     რაჲთა თქუმით განაცჳბრონ იგი, რაჲთა მრავლისა მის წინააღმდგომისა მოკლებად
Line of edition: 23     გამოაჩინონ Ms. page: 2_06ვ]იგი.   იხილვებოდა მცველთაგან ნეტარი იგი, უჰაეროვნეს ხატითა და
Line of edition: 24     უმხიერულეს ფერითა, ვიდრეღა ცხადად განეცხადა ყოველთა, ვითარმედ დღე იგი
Line of edition: 25     დღედ შეურაცხიეს სიხარულისად, რომელსა შინა წარდგა წინაშე საყდართა მეუფისათა
Line of edition: 26     და თავი თჳსი ქრისტეანედ ქადაგა.

Line of edition: 27        საპყრობილედ რაჲ შევიდა მოწამე და ჴელნი ზეცად აღიპყრნა, ერთად, ჰმადლობდა,
Line of edition: 28     რომელმან აღავსო სული მისი კადნიერებითა და, მეორედ, მსგავსსავე ითხოვდა
Line of edition: 29     ქრისტესგან და წაღმართცა და რაჲთა მოსცეს მას ახოვნებაჲ. ამას რაჲ ილოცვიდა და
Line of edition: 30     ევედრებოდა გრძელად, გარდაჴდა ღამე. ხოლო შუა ოდენ მისსა, რომელი-იგი ეჩუენა
Line of edition: 31     მას, კუალად გარდამოფრინდა ანგელოზი და მცნებულსა მას ზედა დადგრომად
Page of edition: 654   Line of edition: 1     განამტკიცებდა. და რაჲთა რომელი-იგი სულსა შინა მისსა დანერგულ არს სურვილი
Line of edition: 2     ქრისტესი ძალისაებრ აღყუავილებად და რაჲთა კუალადცა ქადაგოს წარმართთა
Line of edition: 3     წინაშე ქრისტე ღმერთი ჭეშმარიტად, რომელმან ყოველთაგან განსაცდელთა და ჭირთა
Line of edition: 4     განარინოს იგი. და ოდეს აქაჲთ განვიდეს ყოველნი რაჲ, ანგელოზნი მდგომარე იყუნენ
Line of edition: 5     წინაშე მისსა, გვრგჳნითა მოწამებისაჲთა შეუმკოს თავი მისი და ნაცვალად ჟამიერისა
Line of edition: 6     ამის და მცირედ ლმობისა მრავალი და სამარადისო სიხარული მოანიჭოს.

Paragraph: 8 
Line of edition: 7        8. ყოვლითურთ რაჲ მოწამე მცნებათა შემსჭუალულ იყო გამოჩინებულისათა, დღე
Line of edition: 8     გამოჩნდა და დეკეოს იხილვებოდა საყდართა ზედა მაღალთა მჯდომარედ და წმიდაჲ
Line of edition: 9     იგი წარიდგინებოდა წინაშე მისსა მანქანებითა. მძლავრმან თავი თჳსი შეცვალა
Line of edition: 10     ტკბილად, რაჲთა მსგავსითა ზაკვითა მსგავსებად მოიზიდოს და ჰრქუა Ms. page: F_207r   ესრეთ: ჴამსა
Line of edition: 11     სტრატილატისა პატივი ჩუენგან. ჯერთცა ჴსენებად მოიყვანებდა პატივისა.

Line of edition: 12        და რამეთუ აზმნობდა პატივცემით შერყევად და ესრეთ ზაკვით გარემიაქცევდა
Line of edition: 13     ქრისტეს სურვილსა მოწამისაგან, ხოლო მან მიუგო: და ფრიადცა მსურის ამის
Line of edition: 14     ესევითარისა დგომისათჳს, რამეთუ იცის ამან საჯდომსა და დიდებასა საუკუნესა
Line of edition: 15     მოტყუებად ჩემდა.

Line of edition: 16        ამას ზედა ენება-რე განგრძობაჲ უბნობისაჲ მეფესა, რაჲთა არა მძიმე საგონებელ
Line of edition: 17     იქმნეს, არცა მალე, თუ ვინ არს მრისხანებისათჳს, კითხვად იწყო მოწამისა, თუ რაჲ იყო
Line of edition: 18     პირველითგან სახელი მისი, ხოლო წმიდამან: ფილოპატრე მეწოდებოდა მშობელთაგან,
Line of edition: 19     ხოლო შემდგომად ამისსა ტრიონისაგან -- მერკჳრიოს.

Line of edition: 20        რაჲ უკუე უმაღლესნი და უმჴეცესრე ჴმა-ყო მძლავრმან, ვითარმცა განაშიშვლებდა
Line of edition: 21     დაფარულსა მას გონებასა: მიიღება პირველსა მას პატივსა შენსა, რომელი გაქუნდა, ჵ
Line of edition: 22     მერკჳრე, და უზორავ ღმერთთა ბომონსა და შემსგავსებულსა მისცემ მოსაობასა მათსა,
Line of edition: 23     ანუ ჯერთ ჰგიე მასვე ზედა და იშუებ ჩუენითა დაწყნარებულებითა და მაცხუარებისა
Line of edition: 24     მიმართ ღმერთთაჲსა, უსჯულო ხარ და თჳთმპყრობელისა მიმართ ჩუენისა უმადლო.

Line of edition: 25        ამას ზედა არა ზარცემულ იქმნა მერკჳრიოს, არცა გულისწყრომისაგან მისისა
Line of edition: 26     შეშინებულ, არამედ მრავლითა კადნიერებითა მისცემდა პასუხსა, ვითარმედ: ჵ მე,
Line of edition: 27     მეფეო, პირველითგანვე ვხედევდ გონებასა შენსა და ვიცოდე, თუ რაბამ არს სული შენი
Line of edition: 28     და ვსცევდ საგონებელსა ამას მეგობრობასა შენსა და კაცთ\\მოყუარებასა Ms. page: F_207v   თუ ვითარ
Line of edition: 29     მარადის მიზეზ მექმნების შენ ჩუენდამო განწყობისა ვინაჲ და ვერ შემაძრწუნვოს მე.
Line of edition: 30     უწყოდე, რაჲსათჳს უკუე წარჰჴდი ჟამსა და სდროებ განზრახვასა და არა მოაწყე ჩემ ზედა,
Line of edition: 31     რომელთა ჰგონებ, უდიდესთა სატანჯველთა, რამეთუ მაქუს მე ჩაფხუტი და საჭურველი
Line of edition: 32     და ფარი, რომლითა განგეწყო შენ, მეფე, და მრავალფერთა ვსძლო ზრახვათა შენთა და
Page of edition: 655   Line of edition: 1     ჴელთა მეძიებელთასა განვევლტოდე. განეწყვე უკუე ფარულთაგან უცხადესთა მიმართ
Line of edition: 2     განსაცდელთა და რამეთუ არაოდეს თავს-იდვას მერკჳრიოს ქმნად რასმე მტერთა
Line of edition: 3     ქრისტესთა სასურველსა, დაღათუ განშიშვლდენ ნაწლევნი მისნი წყლულებითა, დაღათუ
Line of edition: 4     ყოველი ძალი მისი ტანჯვითა განილიოს, დაღათუ თჳთ ყელად ჩემდა და ხასად განვიდეს
Line of edition: 5     მახჳლი, ანუ თუ სხუაი რაჲმე ოდესმე ქმნილთა სატანჯველთაგანი ახლად დაბადებულ
Line of edition: 6     იქმნეს ჩემთჳს, ვერ მცვალოს ქრისტეს სიყუარულისაგან.

Paragraph: 9 
Line of edition: 7        9. მაშინ დეკეოს, ვითარცა ყოველივე უქმად წარაგო სიტყუათა მიერ დარწმუნებაჲ,
Line of edition: 8     ყოველივე მისცა გულისწყრომასა და ესრეთ ვითარმე იწყო ბასრობად მოწამისა
Line of edition: 9     ყოვლად განრისხებულმან, უბრძანებდა წინაშემდგომარეთა და ეტყოდა: ვინაჲთგან
Line of edition: 10     ახუანმან ამან არცა ერთისა რაჲს მიერ მიზეზისა ინება მოვაჭრებაჲ უმჯობესისაჲ,
Line of edition: 11     არამედ, ვითარცა ხედავთ, ესევითარსა შთავარდა სილაღისაგან უცნობობასა, ვიდრეღა
Line of edition: 12     შიშველი ღირსებისაებრ დგას წინაშე საყდართა და ვიცი, თუ რომლითა Ms. page: F_208r   სასოებითა
Line of edition: 13     აღზუავებულ არს, საჭურველთა იტყჳს მოკრძალულად დაფარითა და სულსა ქონებად
Line of edition: 14     ზედაჲთ ყოველთა საძნაურთა იქადის და ესევითართა დიდროვანთა თქუმათა მოუწოდს:
Line of edition: 15     საბლითა შეიკარნ ოთხითავე და ზე ჰაერთა განისხირპენ დაკიდებით, წუერი ოთხთავე
Line of edition: 16     მათ საბელთაჲ მანათა ზედა დაიბინ, რაჲთა ესრეთ ფიცხლად განსხირპულმან აგრძნეს,
Line of edition: 17     თუ ვითართა საშუებელთა მიღებად გული უთქუამს.

Line of edition: 18        ვინაჲთგან უკუე მჴედარნი ბრძანებულსა მას მალე იქმოდეს: სადა არს საჭურველი
Line of edition: 19     შენი? -- დეკიოს ჰბასრობდა წმიდასა. ხოლო იგი ქუეყანასა ზედა დამსჭუალულთა
Line of edition: 20     მათგან მანათა ძლიერად განსხირპულ იყო და ესრეთ ახოვნად ითმენდა. ზე ახედნა ცად
Line of edition: 21     მიმართ და ბრწყინვალე აღმოუტევა და სანატრელი ჴმაჲ: უფალო იესუ ქრისტე, შემწე\მეყავ
Line of edition: 22     მონასა შენსა!

Line of edition: 23        მძლავრმან უკუე გინებად შეჰრაცხა დუმილი მოწამისაჲ და პირველსა ზედა ორი
Line of edition: 24     სხუაჲ დაჰრთო სატანჯველი ფრიად ძნელი და ბოროტი, რომელი მერკჳრიოს ოდენ
Line of edition: 25     გამოაჩინა მოსათმენელად. და უბრძანა მტარვალთა მახჳლებითა დაქრად ჴორცთა
Line of edition: 26     მისთა და ქუეშეთ ნელიად წუვაჲ მათი, რაჲთა ჭრითა მით დასქდენ ჴორცნი მისნი
Line of edition: 27     და კუამლითა და ალითა უძლურითა შეიშთოს და შეიწუას იგი. ამათ ესევითართა
Line of edition: 28     უწყალოთა პატიჟთა თავს-ისხმიდა მოწამე და უფროჲს და უმეტეს გან\\მჴნდებოდა Ms. page: F_208v   და
Line of edition: 29     ჴელნი მჴედართანი შურებოდის და დაჰჴსნდებოდეს. ხოლო იგი მრავალჟამ დაითმენდა,
Line of edition: 30     ქრისტეს სახელისდებითა განძლიერდებოდა, რამეთუ ცეცხლი სისხლითა დაშრტებოდა,
Line of edition: 31     ხოლო მიწისა გონებაჲ უფროჲს აღეგზებოდა გულსმოდგინებითა. მაშინ უკუე დეკეოზ
Line of edition: 32     უღონო იქმნა საკჳრველისა მისთჳს საქმისა და რამეთუ იმხილა, ვითარმედ უძლეველსა
Line of edition: 33     ჰბრძავს, უბრძანა დაცადებაჲ სატანჯველთაჲ და სახლსა ბნელსა შეწყუდევაჲ მისი.
Line of edition: 34     ხოლო მტანჯველთა მათ წმიდისათა რაჲთგან ვერ ძალ-ედვა სლვაჲ ფერჴითა ტჳრთვით,
Line of edition: 35     წარიღეს იგი და შეაწყუდიეს ბნელსა მას შინა სულისა აღმოსლვად მიახლებული, და
Line of edition: 36     ესრეთ ხენეშთა მათ დაუტევეს იგი და წარვიდეს.

Page of edition: 656  
Line of edition: 1        ხოლო მოწამე საპყრობილესა იდვა დაჭრილი ჴორცითა, ხოლო სულითა მრთელად
Line of edition: 2     დაცვული და აქუნდა ქრისტეს მიმართ ლოცვაჲ და გონებითა ოდენ ეუბნებოდა ღმერთსა.
Line of edition: 3     წარმოუდგა კუალადცა ჩუეულებისაებრ შემწედ ანგელოზი, მოიკითხა და ჰრქუა მას:
Line of edition: 4     მშჳდობაჲ შენდა, ახოვანო მოღუაწეო!

Line of edition: 5        და სიტყჳსავე თანა განჰკურნა იგი, ვითარ იყო პირველ.
Line of edition: 6        10. ხოლო ღამე ყოველ ჰბრძოდა ძილსა ზრუნვითა და მანკითა აღსავსე მეფე და
Line of edition: 7     ვერ ითმენდა ძლევასა მას, რომელი წინაშე მრავალთა მხედვართა სძლო მერკჳრიოს
Line of edition: 8     და კუალად აქუნდა სასმენელთა მისთა მზრახვალად ეშმაკი, რომელი-იგი თმათაჲთგან
Line of edition: 9     პირველთა უყუარდა იგი. ამის\\თჳსცა Ms. page: F_209r   ეკიდა რაჲ ჯერთ ღამე, მიითუალა მძლავრი
Line of edition: 10     საყდარმან ხოლო მჴედრობამან მან წარმოადგინა წმიდაჲ. წარმოდგა რაჲ მერკჳრიოს
Line of edition: 11     ყოვლად სრული, ყოვლითურთ მრთელი მეყსა შინა მებრ ხილვითა ოდენ, განსვჳრდა
Line of edition: 12     დეკეოს, ხედვიდა რაჲ ესრეთ სრულიად მრთელსა, რომელი თჳნიერ ყოვლისა რაჲსა
Line of edition: 13     იჭჳსა მკუდრად საგონებელ იყო. ხოლო ვინაჲთგან დაჯერებისა ზეშთა ჰგონა საქმე
Line of edition: 14     იგი, უბრძანა წინაშემდგომელთა და დიდებულთა თჳსთა მახლობელად მისლვად
Line of edition: 15     მოწამისა და განცდად ჴორცთა მისთა და თითოეულსა ასოსა განხილვად, რომელი \ესე
Line of edition: 16     ვითარცა იქმნა და იგი ვითარცა მარგალიტი ბრწყინვიდა და წყლულებისა არცა თუ
Line of edition: 17     ბრძჳლი საცნობელ იყო ჴორცთა მისთა მოწამისა მიმართ დეკიოს: ეგე, რომელ დანითა
Line of edition: 18     დაჭრილნი ჴორცნი განგებითა ჩუენითა განიკურნნეს, არა ეგების, თუ ქრისტესა შენსა
Line of edition: 19     მიაწერო ქველისმოქმედებაჲ შენ ეგე და კუალად დიდრუვანსა გამოსჩნდე მეტყუელად
Line of edition: 20     და მრავალსა მომდინარე ჩემდამო და ღმერთთათჳს ზრახვიდე უგუნურებით.

Line of edition: 21        ამას ზედა ფარულად კბილთა ქუეშე ჰრქუა წინაშემდგომელთა: ნუთუ ვინ იდუმალ
Line of edition: 22     შეიყვანეთ თქუენ და განჰკურნნა დაჭრილნი ჴორცნი მისნი და მათ სიკუდილი იყავნ
Line of edition: 23     ჩუენდა საპატიჟო, უკუეთუ ესევითარსა რას მოქმედად გამოჩნდეთ.

Line of edition: 24        ძნელად განძჳნდა ამას ზედა მძლავრი, რამეთუ ძალსა ჭეშმარიტებისასა თჳთ
Line of edition: 25     მათვე მტერთაგან წამებულსა ვერ თავს-იდებდა ხილვად, ამ\\სთჳს Ms. page: F_209v   სასტიკად მიხედნა მოწამესა და ჰრქუა: განგჳცხადე ჩუენ ბარე აწ, თუ ვინ არს, რომელმან განგკურნა
Line of edition: 26     შენ, რამეთუ ჩუენ გულსავსე ვართ, ვითარმედ გრძნებითა რაჲთმე და არა უაღრესითა
Line of edition: 27     ძალითა განიკურნე.

Line of edition: 28        ხოლო მან: არცა თუ უბნებულ ვარ, სადა ოდესცა გრძნეულისადა ნუ იყოფინ, ნუმცა
Line of edition: 29     ყოვლად დადებულ არს ნაწილი ჩემი მათ თანა, რამეთუ ცეცხლი უშრეტი შენთანავე
Line of edition: 30     განმზადებულ არს ეგევითართათჳს.

Line of edition: 31        ესე სიტყუაჲ რაჲ ეცა საძაგელსა მეფესა, თქუა: არს ჩემდა სიმრავლე მტარვალთაჲ და
Line of edition: 32     სატანჯველნი, რომელთა მიერ ჴელ-ვყო გამოცდად კუალად სიმჴნესა შენსა და ვიხილო,
Line of edition: 33     უკუეთუ შენი ქრისტე მოვიდეს შეწევნად შენდა, რომელსაცა მიაწერ განკურნებასა შენსა.

Page of edition: 657  
Line of edition: 1        ამას ზედა მიუგო მოწამემან: ისრად ჩჩჳლთა მიჩნან მე წყლულებანი შენნი, რამეთუ
Line of edition: 2     იგი ქრისტე, რომელი შენ სთქუ, იგი თავადი არს შემწე ჩემდა. და უკუეთუმცა იცოდე, თუ
Line of edition: 3     რაოდენთა კეთილთა მომატყუებ მე წყლულებითა ამით, შენცამცა ინებე დასჯილყოფაჲ
Line of edition: 4     ჩემ თანა უფროჲს, ვიდრე მსაჯულობაჲ უსამართლოდ, ვითარცა აწ.

Paragraph: 11 
Line of edition: 5        11. ამას ზედა ვეღარა დაუთმო უუსჯულოესმან მეფემან ახოვნებაჲ და კადნიერებაჲ
Line of edition: 6     მოწამისაჲ და უბრძანა ასოთა მათ სამოწმოთა მახჳლთა მიერ საწერტელთა წერტაჲ,
Line of edition: 7     სხუათა განჴურვებულთა მიერ შანფურთა გურემაჲ, სხუათა ღუაწთა ცემაჲ და სხუათა
Line of edition: 8     რცხაჲ გინებითა, და რაჲთა ზედა ჴმობდენ: გეშინოდენ ღმერთთა და შემსგავსებული
Line of edition: 9     მიუპყარ პატივი.

Line of edition: 10        ხოლო ვინაჲ\\თგან Ms. page: F_210r   იხილნა უფროჲსღა მტანჯველნი იგი მოუძლურებულად, ვიდ\რე
Line of edition: 11     ქრისტეს მოწამე მომედგრებულად ტანჯვათაგან, უმეტესად აღეგზნა მძლავრი
Line of edition: 12     გულისწყრომითა და უბრძანა თავდაქცევით დაკიდებაჲ წმიდისაჲ და ქედსა მისსა
Line of edition: 13     დიდსა რასმე და მძიმესა ლოდსა მობმად. ხოლო ამას ესევითარსაცა სატანჯველსა
Line of edition: 14     ახოვნად მოთმინე იყო ნეტარი არა კაცობრივითა ძალითა, არამედ საღმრთოჲთა ძალისა
Line of edition: 15     შეწევნითა, წინაშემდგომელნი იგი ეტყოდეს მეფესა დაცადებად რისხვისა და არღარა
Line of edition: 16     შრომად და ბრძოლად ესრეთ განწირულისა კაცისა და რამეთუ ესრეთ სახელ-სდებდეს
Line of edition: 17     უგუნურნი იგი მოღუაწისა მის მოთმინებასა. ხოლო მძლავრმან არცაღა მიხედნა
Line of edition: 18     სიტყუათა მათთა, არამედ მასვე შეუდგა, რომელსა წადიერ იყო, რაჲთა მერკჳრიოს
Line of edition: 19     განგრძობითა სატკივართაჲთა მოამედგროს წინამდებარისაგან და რამეთუ: ბოროტ
Line of edition: 20     არსო, -- იტყოდა ესრეთ, -- განცხადებულსა უგულებელსყოფად მისგან ღმერთთა
Line of edition: 21     შეურაცხებასა უფროჲსღა, რომელნი მახლობელობითა მათითა მისცემდენ ძალსა
Line of edition: 22     მეფეთა და ამისთჳს საქმით შეუდგა მძჳნვარებასა და უკანაჲსკნელსა ჭირსა იგონებდა
Line of edition: 23     მისთჳს, რომლისათჳს ესევითარისა მსახურთა მათ აღებაჲ ქედისაგან ამცნო ლოდისაჲ
Line of edition: 24     და ოთხფარგელითა მით სატანჯველითა და მითცა რვალშემოსილითა უბრძანა გუემაჲ
Line of edition: 25     მისი ძლიერად, ვიდრემდის ფიცხელთა წყლულებათა დასხმითა ძნიად გამომრჩ\\ეველი Ms. page: F_210v  
Line of edition: 26     წარჰჴდეს სული მისი ჴორცთაგან.

Paragraph: 12 
Line of edition: 27        12. გარნა ესრეთ შორს განვარდა წადიერებისაგან თჳსისა, ვინაჲთგან წმიდამან
Line of edition: 28     ახოვნად დაუთმო და ამათვე საგუემელთა ოდესღა სადმე დაჯერებულ იქმნა,
Line of edition: 29     ვითარმედ ნუთუ მან პირველ მიითუალოს აღსასრული ცხორებისაჲ, ვიდრე შეუძლოს
Line of edition: 30     შეცვალებაჲ მერკჳრიოჲსი და განყენებაჲ მისი ქრისტეს აღსარებისაგან. ამისთჳს
Line of edition: 31     ესევითარი მისცა მისთჳს განჩინებაჲ: მერკჳრიოს, რომელმან შეურაცხ-ყვნა დიდნი
Line of edition: 32     ღმერთნი და ურჩ ექმნა ბრძანებასა ჩუენსა, კაბადუკიასვე ვბრძანებთ წარყვანებასა
Line of edition: 33     და მუნ თავისა წარკუეთასა.

Page of edition: 658  
Line of edition: 1        იგი უკუე შეუდგა გზასა, ჰრომს მიმყვანებელსა. ხოლო მჴედართა წარიყვანეს
Line of edition: 2     მოწამე და ვინაჲთგან ვერ ძალ-ედვა სლვაჲ ტჳრთვით, საჴედრითა წარიღეს იგი და
Line of edition: 3     კაბადუკიად წარემართნეს. და ვითარცა კესარიად მიიწივნეს, განიზრახეს განსუენებაჲ
Line of edition: 4     გრძელისა მისგან მგზავრობისა, სადა ქრისტე გამოუჩნდა თჳსსა მოწამესა და უბრძანა
Line of edition: 5     მას სიხარული და ვითარმედ: აჰა ესერა, აღგისრულებიეს კეთილი მოღუაწებაჲ და
Line of edition: 6     გჳრგჳნთადა მიახლებულ ხარ.

Line of edition: 7        და გამოუცხადა მას აღსასრულიცა მისი და ვითარმედ კეთილ ექმნეს იგი კესა\რიელთაცა
Line of edition: 8     და ყოველთავე მწოდებელთა მისთა, ესრეთ ნუგეშინისცემულ იქმნა
Line of edition: 9     სულითა და ულოცა ბოროტისმყოფელთა მისთა არამოჴსენებად. და რომელნი დღესა
Line of edition: 10     აღსასრულისა მისისასა პატივ სცემდენ შემ\\დგომთა, Ms. page: F_211r   ევედრებოდა მათთჳს მეუფესა
Line of edition: 11     და სასწაულითა ჯუარისაჲთა შეიბეჭდა თავი თჳსი და აწუევდა მტარვალთა, რაჲთა
Line of edition: 12     ბრძანებული მათდა მის ზედა აღასრულონ, რომელთაცა აღსასრულისა ესე მახჳლითა
Line of edition: 13     წყლულებაჲ მის ზედა მოაწიეს და წარჰკუეთეს პატიოსანი იგი თავი მისი ხუთ ოცად
Line of edition: 14     აღმავალსა მაშინ ნოენბერისა თჳსასა.

Paragraph: 13 
Line of edition: 15        13. და ესრეთ, რომელთან მოწამებისა იგი დაკლვაჲ მისი იხილეს, განეშორნეს და
Line of edition: 16     მრავალსა მას მძჳნვარებასა დეკეოზისსა სძაგებდეს, ხოლო ქუეყანაჲ და ადგილი, სადა
Line of edition: 17     დაედინა სამოწმოჲ იგი სისხლი მისი, წმიდა იქმნა და ჴორცნი მოწამისანი ჩნდეს, ვითარცა
Line of edition: 18     თოვლნი. და სურნელებაჲ მუნ მყოფთა მიჰრონთა და საკუმეველთაჲ ეყნოსებოდა,
Line of edition: 19     მრავალთა თითოსახეთაგან სენთა შეპყრობილთა სიმრთელე და კურნებაჲ მიენიჭებოდა
Line of edition: 20     და აქებდეს ყოველთა ღმერთსა და ადიდებდეს და მისსა მოწამესა მერკჳრიოსს პატივ\სცემდეს,
Line of edition: 21     რამეთუ ქრისტეს ჰშუენის პატივი და სიმტკიცე, დიდებულებაჲ და დიდად
Line of edition: 22     შუენიერებაჲ აწ და მარადის და უკუნითი უკუნისამდე. ამინ!



Next part


This text is part of the TITUS edition of Hagiographica metaphrastica (Novembris).

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.