TITUS
Johannes Chrysostomus, Commentary on St. John
Part No. 10
Previous part

Chapter: 9  
Line: 19  თავი თ


Part: T  
Line: 20       სიტყუაჲ ესე: თჳსთა მოვიდა და თჳსთა იგი არა
Line: 21    შეიწყნარეს (1,11) Link to adisnt Link to cinant Link to giornt. Part: t   თარგმანი: უკუეთუ პირველნი იგი
Line: 22    სიტყუანი გაჴსოვდენ, გულისმოდგინებით აღვაშენოთ ნაკლუ\ლევანიცა
Line: 23    იგი, ვითარცა წარმართებულნი და განმარჯუებულ\ნი,
Line: 24    რამეთუ უკუეთუ პირველთქუმულნი იგი გაჴსოვდენ,
Line: 25    თქუენცა კეთილად ისწაოთ ყოველივე, და ჩუენ არა ფრიადი
Line: 26    შრომაჲ შემამთხჳოთ, რამეთუ რომელი პირველსწავლულსა
Line: 27    წარსწყმედდეს, მას მარადის ეჴმარების მასწავლელი და ვერ
Line: 28    ოდეს იქმნას სწავლულ. ხოლო რომელი სწავლულსა დაი\მარხვიდეს
Line: 29    და ესრეთ სიტყუასა მიიღებდეს, ადრე იქმნას იგი
Line: 30    მოსწავლისა წილ მოძღუარ და არა თავსა თჳსსა ოდენ, არა\მედ
Line: 31    სხუათაცა არგოს, ვითარცა აწ არს კრებული ესე სწავ\ლისმოყუარე
Line: 32    და კეთილადდამმარხველი სწავლისა მის.

Line: 33       ხოლო მოვედით აწ და დავდვათ საუნჯეთა შინა სულთა
Line: 34    თქუენთასა ვეცხლი იგი საღმრთოჲ და გამოვიძინეთ დღეს
Page: I-66   Line: 1    აღმოკითხულნი ესე სიტყუანი, ვითარცა მადლმან სულისა
Line: 2    წმიდისამან მოგუცეს, რამეთუ თქუა მახარებელმან პირველთა
Line: 3    მათთჳს ჟამთა, ვითარმედ: "სოფელმან იგი ვერ იცნა" და
Line: 4    მერმე მოვიდა სიტყჳთა თჳსითა ჟამთა მათ თანა ქადაგები\სათა
Line: 5    და იტყჳს:

Part: s  
Line: 6       სახარებაჲ: "თჳსთა მოვიდა და თჳსთა იგი არა შე\იწყნარეს"
Part: t  
Line: 7    (1,11) Link to adisnt Link to cinant Link to giornt. თარგმანი: თჳსად ამას ადგილსა ჰურია\თა
Line: 8    იტყჳს, ვითარცა ერსა რჩეულსა, და კუალად ყოველთაცა
Line: 9    კაცთა იტყჳს, ვითარცა მის მიერ დაბადებულთა და ვითარცა
Line: 10    ზემო განკჳრვებით იტყოდა, ვითარმედ: სოფელი იგი, რომელი
Line: 11    მის მიერ იქმნა, ვერ იცნა მან დამბადებელი, ეგრეთვე აქა
Line: 12    ჰურიათაცა და სხუათა მათ მრავალთა უგულისხმოებასა ზედა
Line: 13    იტყოდა განკჳრვებული, ვითარმედ თჳსთა თანა მოვიდა და
Line: 14    "თჳსთა იგი არა შეიწყნარეს". და არა ესე ოდენ, არამედ ყო\ველთაცა
Line: 15    წინაჲსწარმეტყუელთა უკჳრდა ამის საქმისათჳს და
Line: 16    იტყოდეს ესრეთვე და კუალად პავლეცა მოციქული ამასვე
Line: 17    იტყჳს განკჳრვებით. რამეთუ წინაჲსწარმეტყუელნი იტყო\დეს,
Line: 18    ვითარმედ: "ერი, რომელი არა ვიცოდე, მემონა მორჩი\ლებითა
Line: 19    ყურისაჲთა, ისმინა ჩემი; შვილნი უცხოთანი მეცრუვ\ნეს
Line: 20    მე, შვილნი უცხოთესლთანი განჰკრთეს და კელობდეს
Line: 21    ალაგთა მათთაგან", და კუალად: "რომელთა არა მიეთხრა
Line: 22    მისთჳს, იხილონ იგი და რომელთა არა ასმიოდა იგი, გუ\ლისხმა-ყონ".
Line: 23    ხოლო მოციქული პავლე იტყჳს, ვითარმედ:
Line: 24    "რაჲ ვთქუათ, რამეთუ წარმართნი, რომელნი არა სდევდეს
Line: 25    სიმართლესა, პოვეს სიმართლჱ. და ისრაჱლი სდევდა სიმარ\თლესა,
Line: 26    და შჯულსა სიმართლისასა ვერ მიიწია". და არცა
Line: 27    საკჳრველ, თუ ვითარ, რომელნი-იგი წინაჲსწარმეტყუელთა
Line: 28    წიგნებსა შინა აღზრდილ იყვნეს და მარადღე მოსჱსგან ეს\მოდა
Line: 29    ქრისტჱსთჳს და სხუათა წინაჲსწარმეტყეულთაგან და
Line: 30    თავადსაცა ქრისტეს ჰხედვიდეს მარადღე მოქმედად სასწაულ\თა
Line: 31    მათ, და მათ ოდენ ასწავებდა და არა შეუნდობდა მოწა\ფეთა
Line: 32    წარმართთა მიმართ წარსლვად და არცა ქალაქად სამა\რიტელთა
Line: 33    შესლვად და არცა თავადი იქმოდა ამას, არამედ
Page: I-67   Line: 1    მარადის იტყოდა, ვითარმედ: "ცხოვართათჳს წარწყმედულთა
Line: 2    სახლისა ისრაჱლისათა მოვლინებულ ვარ". და ამას ყოველსა
Line: 3    ზედა ესრეთ დაიბრმნეს თუალნი მათნი და დაიყვნეს ყურნი
Line: 4    მათნი და არა მოვიდეს ყოვლადვე ქრისტეს სარწმუნოებისა
Line: 5    მიმართ.

Line: 6       ხოლო წარმართთა არარაჲ აქუნდა ესევითარი, არცა ოდეს
Line: 7    სიტყუანი საღმრთონი ასმიოდეს, არცა თუ სიზმრივ ეხილვნეს
Line: 8    ესევითარნი საქმენი, არამედ მარადის ზღაპართა და უკეთუ\რებათა
Line: 9    შექცეულ იყვნეს მსახურებასა ღმერთთა მტყუართა\სა,
Line: 10    ძელთა და ქვათასა, რომელნი უშჯულოებითა თაყუანის\იცემებოდეს,
Line: 11    და ესევითარნი-იგი მეყსა შინა, ვითარცა ზე\ცით
Line: 12    გამოსრულნი, ესრეთ ბრწყინვალედ გამოჩნდეს. ხოლო
Line: 13    სადაჲთ იქმნა ესე და ვითარ, ისმინე პავლესი, რამეთუ მან ნე\ტარმან
Line: 14    ფრიად გამოიძია საქმე ესე და პოვა მიზეზი მისი და
Line: 15    გუასწავა. ისმინე უკუე მისი, რომელი იტყჳს მიზეზსა ესევი\თარისა
Line: 16    მის სიბრმისა მათისასა და ღაღადებს, ვითარმედ:
Line: 17    "უმეცარ იყვნეს იგინი სიმართლესა ღმრთისასა და თჳსსა
Line: 18    ნებასა ეძიებდეს დამტკიცებად და სიმართლესა ღმრთისასა
Line: 19    არა დაემორჩილნეს და ამისთჳს შეემთხჳა მათ ესე ყო\ველი".
Line: 20    და კუალად იგივე სხუასა ადგილსა სიტყუასა ამას
Line: 21    გამოსთარგმანებს და იტყჳს: "აწ უკუე რაჲმე ვთქუათ? წარ\მართნი,
Line: 22    რომელნი არა ეძიებდეს სიმართლესა, ეწინეს სიმარ\თლესა,
Line: 23    ხოლო სიმართლესა სარწმუნოებისაგან. და ისრაჱლი
Line: 24    სდევდა შჯულსა მას სიმართლისასა და შჯულსა მას სიმართ\ლისასა
Line: 25    ვერ მისწუთა. რაჲსათჳსმე? რამეთუ არა სარწმუნოე\ბისაგან,
Line: 26    რამეთუ შებრკოლდეს ლოდსა მას შებრკოლებისასა",
Line: 27    ხოლო სიტყუაჲ ესე, რომელსა იტყჳს, ესევითარი არს, ვი\თარმედ:
Line: 28    ურწმუნოებაჲ ექმნა მათ მიზეზი ესოდენთა მათ ბო\როტთა,
Line: 29    ხოლო ურწმუნოებაჲ შვა ამპარტავანებამან, რამეთუ
Line: 30    ვინაჲთგან პირველ უპატიოსნეს იყვნეს წარმართთასა, ვინა\ჲთგან
Line: 31    ღმერთი იცოდეს, და სხუათა მათთჳს საქმეთა, რომელ\თა
Line: 32    იტყჳს მოციქული. ხოლო შემდგომად ქრისტეს მოსლვისა
Line: 33    იხილეს, რამეთუ სწორითა პატივით იყვნეს ორნივე, ჰურია\ნიცა
Line: 34    და წარმართნი, და არარაჲ აქუნდა მეტად წიანდაცუეთი\ლებისა,
Page: I-68   Line: 1    ამისთჳს იწყლნეს ამპარტავნებისა მიერ და მეუფისა
Line: 2    იგი კაცთმოყუარებაჲ და მიუწდომელი სახიერებაჲ ვერ
Line: 3    თავს-იდვეს. ხოლო ესე არა სადაჲთ შეემთხჳა, გარნა
Line: 4    კაცთმოძულებისა და ამპარტავანებისაგან, რაჲ გევნების
Line: 5    თქუენ, ჵ უფროჲს ყოველთა კაცთა უგუნურნო? რაჲ გევ\ნების
Line: 6    სხუათა კეთილისაგან, ანუ თქუენნი კეთილნი მოგაკლ\დესა
Line: 7    სხუათა კეთილის-ყოფისაგან? ჭეშმარიტად ბრმა არს
Line: 8    უკეთურებაჲ და ვერარას შემძლებელ არს კეთილისა გუ\ლისხმის-ყოფად,
Line: 9    რამეთუ იწყლა გული მათი. რამეთუ სხუა\ნიცა
Line: 10    იყვნეს ზიარ კეთილთა მათთა და ამისთჳს თავნი თჳსნი
Line: 11    განიგუმირნეს მახჳლითა და უცხო იქმნნეს კაცთმოყუარები\საგან
Line: 12    ღმრთისა. ვითარცა იტყჳს უფალი: "მოყუასო, არა
Line: 13    გავნებ შენ. ხოლო მნებავს ამისიცა მიცემაჲ, ვითარცა\-იგი
Line: 14    შენ", და უფროჲსად არცა ამათ სიტყუათა ღირს არიან
Line: 15    იგინი, რამეთუ მუშაკი იგი დაღაცათუ დრტჳნვიდა, არამედ
Line: 16    აქუნდა სიტყუაჲ შრომისა მისთჳს ყოვლისა მის დღისა და
Line: 17    ჭირისა და ოფლისათჳს. ხოლო ამათ არარაჲ აქუნდა ესევითა\რი,
Line: 18    არამედ უდბებაჲ და უკეთურებაჲ და ბევრეულნი ცოდ\ვანი,
Line: 19    რომლითა შეეცოდა მათცა ღმრთისა და მსგავსად წარ\მართთასა
Line: 20    და ამისთჳს მოციქული იტყჳს: "არა არს განყოფი\ლებაჲ
Line: 21    ჰურიისა და წარმართისა, რამეთუ ყოველთა ცოდეს და
Line: 22    დააკლდებიან დიდებასა ღმრთისასა, ხოლო განმართლდებიან
Line: 23    ცუდად მადლითა მისითა". და კუალად იტყჳს: "რომელთა
Line: 24    შჯულსა შინა ცოდეს, შჯულითა ისაჯნენ", ესე იგი არს,
Line: 25    ვითარმედ უძჳრესი მიიღონ საშჯელი, რაჟამს ამხილებდეს
Line: 26    გონებაჲცა და შჯულიცა, და არა ამისთჳს ოდენ, არამედ ამის\თჳსცა,
Line: 27    რომელ მათ მიერ სახელი ღმრთისაჲ იგმობოდა წარ\მართთა
Line: 28    შორის, ვითარცა წინაჲსწარმეტყუელი იტყჳს. ამისთჳ\სცა
Line: 29    იტყოდა რაჲ საქმეთათჳს საწარმართოთა მოციქული, მეყ\სეულად
Line: 30    იწყო მათისა მისთჳსცა უშჯულოებისა სიტყუად, ვი\თარმედ
Line: 31    სარწმუნოებისაგანცა გარდაიქცეს და საქმეთა ბოროტ\თა
Line: 32    იქმნნეს მოქმედ, ვითარცა ყოველნი წიანსწარმეტყუელნი
Line: 33    იტყოდეს მათისა უკეთურებისათჳს. და მერმე იტყჳს: "ვიცით,
Page: I-69   Line: 1    რამეთუ შჯული რაოდენსაცა იტყჳს, შჯულისათა მათ ეტყჳს,
Line: 2    რამეთუ ყოველი პირი დაიყოს, რამეთუ ყოველთა ცოდეს".
Line: 3    აწ უკუე რაჲსათჳსღა აღიმაღლებ თავსა შენს, ჰურიაო?
Line: 4    რამეთუ დაყოფილ არს შენიცა ეგე უგულისხმოჲ პირი და კად\ნიერებაჲ
Line: 5    ეგე შენი და საშჯელისა თანამდებ ხარ, რამეთუ
Line: 6    დაღაცათუმცა კეთილი გექმნა და არამცა შეცთომილ იყავ,
Line: 7    მაშინცა არა თანაგედვა წუხილი სხუათა ცხოვრებისათჳს,
Line: 8    და ესე უკეთურისა გონებისა საქჱ არს, და უფროჲსად, რა\ჟამს
Line: 9    არა შენითა დაჭირვებითა იყო მათი წყალობაჲ, რამეთუ
Line: 10    უკუეთუმცა სხუათა ცხოვრებაჲ შენთა კეთილთა ავნებდა,
Line: 11    მაშინმცა სიტყუაჲ გაქუნდა, დაღაცათუ უგულისხმოჲ არს
Line: 12    იგიცა. უკუეთუ კულა არცა ტანჯვითა მით სხუათაჲთა მოგე\ცემის
Line: 13    უმეტესი კეთილი, არცა ცხორებითა მათითა გევნების
Line: 14    შენ, რაჲსათჳს ესრეთ ბოროტსა აღადგენ თავსა ზედა შენსა
Line: 15    ამისათჳს, რომელ სხუანი უსასყიდლოდ მიიღებენ? და ვი\თარცა
Line: 16    ვთქუ, დაღაცათუმცა კეთილისმოქმედ იყავ, არავე
Line: 17    გიჴმდა სხჳსა კეთილსა ზედა წუხილი, ვინაჲთგან უკუე შენცა
Line: 18    გიცოდავს და გიქმნიეს ბოროტი, და ჯერეთ სდრტჳნავვე
Line: 19    სხუათა კეთილისათჳს და ჰგონებ, ვითარმედ შენ ოდენ ღირს
Line: 20    ხარ მადლსა ყოველსავე. ესე არას ოდენ შურისა საქმჱ არს,
Line: 21    არამედ ძირი იგი ყოველთა ბოროტთაჲ გაქუს _ ამპარტავა\ნებაჲ,
Line: 22    რომლისათჳს ბრძენი იგი იტყჳს, ვითარმედ: "დასა\ბამი
Line: 23    ცოდვისაჲ არს ამპარტავანებაჲ" და დედაჲ და წყაროჲ
Line: 24    და ძირი.



Page: I-70  
Part: S9  
Line: 1  სწავლაჲ თ

Line: 2  ამპარტავანებისათჳს


Line: 3       ეგრეთ დაეცა პირველქმნული იგი ნეტარისა მისგან ცხო\რებისა.
Line: 4    და კუალად ეშმაკიცა, რომელმან-იგი აცთუნა, ამით\ვე
Line: 5    სახითა დაეცა სიმაღლისგან მისგან დიდისა. ამისთჳსცა იცო\და
Line: 6    უკეთურმან მან ცოდვისა მის ძალი, ვითარმედ ზეცით
Line: 7    გარდამოგდებადცა შემძლებელ არს. ამისთჳს ადამს მითვე
Line: 8    სახითა ებრძოლა და დასცა, რამეთუ აღაზუავა იგი თქუმითა
Line: 9    მით სწორ ღმრთისა ყოფისაჲთა, და ესრეთ დასცა და შთაჴა\და
Line: 10    ქუესკნელთა ჯოჯოხეთისათა. რამეთუ არარაჲ ესრეთ
Line: 11    უცხო-ჰყოფს კაცსა ღმრთისაგან და მისცემს გეჰენიასა ცეცხ\ლისასა,
Line: 12    ვითარ ამპარტავანებისა მძლავრებაჲ, რამეთუ რაჟამს
Line: 13    იგი ჩუენ თანა იყოს, ყოველივე ცხორებაჲ ჩუენი არაწმიდა
Line: 14    არს, გინა თუ ქალწულებასა ვიქმოდით, ანუ თუ მარხვასა, ანუ
Line: 15    ლოცვასა, ანუ მოწყალებასა, ანუ სხუასა რას, რამეთუ "არა\წმიდა
Line: 16    არს და საძაგელ წინაშე უფლისა ყოველი მაღალი
Line: 17    გულითა". დავაცხროთ უკუე ამპარტავანებაჲ ჩუენი, უკუე\თუ
Line: 18    გუნებავს, რაჲთა ვიყვნეთ წმიდა და განვთავისუფლდეთ
Line: 19    საშჯელისა მისგან, რომელი მიელის ეშმაკსა, ვითარცა პავლე
Line: 20    იტყჳს, ვითარმედ: "ნუ ახალნერგ, რაჲთა არა აღჰზუავნე და
Line: 21    საშჯელსა და საფრჴესა ეშმაკისასა არა მიეცე", არამედ განე\რე
Line: 22    ამას უშჯულოებისა საქმესა. უკუეთუ გულისხმა-ვყოთ
Line: 23    ბუნებაჲ ჩუენი და ცოდვათა ჩუენთა სიმრავლჱ მოვიჴსენოთ
Line: 24    და მერმეთა მათ სატანჯველთა სიმწარე და სოფლისა ამის
Line: 25    საქმეთა ამაოებაჲ, რამეთუ არარაჲთ უმჯობჱს არს თივისა და
Line: 26    ყუავილთა მათ არისათა, უადვილჱსად დაჭნების. უკუეთუ
Line: 27    ამას ყოველსა ვიგონებდეთ და სათნოებათა მათ წმიდათასა
Line: 28    ვჰბაძვიდეთ, ვეროდეს დაგუცნეს ეშმაკმან ამპარტავანებითა.
Line: 29    ხოლო ღმერთმან მდაბალთამან, სახიერმან და ტკბილმან მო\გუანიჭოს
Line: 30    ჩუენცა და თქუენცა გული შემუსრვილი და მდა\ბალი,
Line: 31    რაჲთა ესრეთ შეუძლოთ სხუათაცა სათნოებათა წარ\მართებად
Page: I-71   Line: 1    და დიდებად უფლისა ჩუენისა იესუ ქრისტჱსა,
Line: 2    რომლისა მიერ და რომლისა თანა მამასა ჰშუენის დიდებაჲ
Line: 3    სულით წმიდითურთ აწ და მარადის და უკუნითი უკუნისამდე,
Line: 4    ამენ.



Next part


This text is part of the TITUS edition of Johannes Chrysostomus, Commentary on St. John.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.