TITUS
Johannes Chrysostomus, Commentary on St. John
Part No. 14
Previous part

Chapter: 13  
Line: 1  თავი იგ


Part: T  
Line: 2       სიტყუაჲ ესე: "იოვანე წამა მისთჳს, ღაღად-ყო და
Line: 3    თქუა: `ესე არს, რომლისათჳს ვთქუ: რომელი შემდგომად
Line: 4    ჩემსა მოვალს, უწინარეს ჩემსა იყო, რამეთუ პირველ ჩემსა
Line: 5    არს'" (1,15) Link to adisnt Link to cinant Link to giornt. Part: t   თარგმანი: ნუუკუე ამაოდ ვშურებითა,
Line: 6    ნუუკუე ქვათა ზედა ვსთესავთა, ანუ გზასა ზედა, ანუ ეკალთა
Line: 7    შინა? რამეთუ მეშინის ფრიად, ნუუკუე უჴმარ იქმნეს და
Line: 8    უნაყოფო მუშაკობაჲ ჩუენი და ამას რაჲ ვიტყჳ, არა თუ მე
Line: 9    რაჲ მევნების უნაყოფოებისა მისგან, არამედ თქუენისა სიყ\უარულისათჳს,
Line: 10    რამეთუ არა ესრეთ არს ჩუენი სამუშაკოჲ,
Line: 11    ვითარ-იგი ქუეყანისა მუშაკთაჲ, რომელ უკუეთუ არა
Line: 12    გამოიღონ ნაყოფი თესლთა მათთა, არა აქუს, სადაჲთმცა გა\მოიზარდნეს.
Line: 13    ხოლო ჩუენ არა ესრეთ ვართ, არამედ გინა თუ
Line: 14    ნაყოფიერ იყოს ქუეყანაჲ, გინა თუ უნაყოფო, ჩუენ ვინა\ჲთგან
Line: 15    დავსთესოთ, სასყიდელსა შრომისასა მოვიღებთ უფ\ლისა
Line: 16    მიერ, რამეთუ თითეულმან თჳსი სასყიდელი მიიღოს
Line: 17    თჳსისა შრომისაებრ, ვითარცა წერილ არს, ვითარმედ: "შენ,
Line: 18    ძეო კაცისაო, ეწამე ერსა ამას, უკუეთუ ისმინონ და უკუეთუ
Line: 19    გულისხმა-ყონ", გარნა დაღაცათუ ესრეთ არს, დაშრომაჲ
Line: 20    ჩუენი არა უსასყიდლო არს, არამედ ჩუენ რაჟამს ვიხილოთ,
Line: 21    ვითარმედ საქმე თქუენი არა წარემართების, სულთ-ვითქუამთ,
Line: 22    ვითარცა იგინივე მუშაკნი, რამეთუ ესე არს მოწყალებაჲ
Line: 23    მოძღურისა და მამისაჲ, რამეთუ მოსესცა ჰრქუა ღმერთმან,
Line: 24    ვითარმედ: "აღვჰჴოცო ერი ესე და გყო შენ ნათესავად დი\დად."
Line: 25    ხოლო მან ნეტარმან არა თავს-იდვა, არამედ აღირჩია
Line: 26    წარწყმედაჲ მათ თანა, ანუ ცხორებაჲ მათ თანა, რომელნი
Line: 27    ერთგზის მიეცნეს მას. ესევითარი ჯერ-არს, რაჲთა იყოს წი\ნამძღუარი
Line: 28    სულთაჲ, ხოლო ამას ვიტყჳ ყოველსა, რაჲთა გან\ვეკრძალნეთ
Line: 29    კეთილისა საქმესა ქმნად, რაჲთა ესრედ შეუძ\ლოთ
Line: 30    სიღრმესა მასცა გულისხმის-ყოფისასა მიწუდომად, რა\მეთუ
Line: 31    ვნებანი დააბნელებენ თუალთა სულისათა და გონე\ბასა
Line: 32    შეაშფოთებენ, ხოლო ისმინეთ, რაჲ-ესე დღეს
Line: 33    აღ/მოვიკითხეთ:
Page: I-91  
Part: s  
Line: 1       სახარებაჲ: "იოვანე წამა მისთჳს, ღაღად-ყო და
Line: 2    თქუა: `ესე არს, რომელი შემდგომად ჩემსა მოვალს, ჩემსა
Line: 3    უწინარეს იყო, რამეთუ პირველ ჩემსა არს'" (1,15) Link to adisnt Link to cinant Link to giornt. Part: t   თარ\გმანი:
Line: 4    მრავალგზის აჴსენებს ესე მახარებელი იოვა\ნეს
Line: 5    და მისსა მას წამებასა, ხოლო ამას არა ცუ\დად
Line: 6    იქმს, არამედ ფრიადითა სიბრძნითა, რამეთუ ვინაჲთგან
Line: 7    დიდად აქუნდა საკჳრველებაჲ მისი ყოველთა ჰურიათა და
Line: 8    იოსიპოსცა იტყჳს, ვითარმედ: "მისსა აღსასრულსა ზედა
Line: 9    იქმნა ბრძოლაჲ იგი" და დიდთა შესხმათა წარმოიტყჳს
Line: 10    მისთჳს, ვინაჲთგან ყოველთა მიერ დიდად შერაცხილ იყო
Line: 11    იგი, აჴსენებს მისსა წამებასა, რამეთუ სხუანი მახარებელნი
Line: 12    ძუელთა მათ წინაჲსწარმეტყუელთა მოიყვანებენ. ვითარცა
Line: 13    მოიყვანა მათე შობისათჳს მისისა ესაია და იერემია და ოსე,
Line: 14    ხოლო ამან ახალი იგი და დიდი წამებაჲ მოიღო ნათლისმცე\მელისაჲ,
Line: 15    რომელსა-იგი ნათელ-ეცაცა მისდა და ექადაგა.
Line: 16    ხოლო არა თუ ამისთჳს მოიყვანებს მოწამედ, რაჲთამცა მეუფე
Line: 17    მონათა მიერ სარწმუნო-ყო, არამედ უძლურებასა კაცთასა
Line: 18    თანა დამდაბლდების, ვითარცა, უკუეთუმცა არა შეემოსა ხატი
Line: 19    მონისაჲ, არამცა შეწყნარებულ იყო ქადაგებაჲ ესე. ეგრეთვე,
Line: 20    უკუეთუმცა არა მონათა მიერ ეთქუა კაცთადა, არამცა ერწ\მუნა
Line: 21    მრავალთა ჰურიათა, რამეთუ ზეცით წამებაჲ იქმნა
Line: 22    ერთგზის და ორგზის, არამედ მისი სმენაჲ ღირსთა ოდენ ძალ\ედვა,
Line: 23    ხოლო იოვანეს წამებაჲ მრავალგზის იქმნა და, რო\მელნი-იგი
Line: 24    ზეცისასა ვერ ისმენდეს, მათ ისმინეს იოვანეს
Line: 25    წამებაჲ.

Line: 26       და ამისთჳს იტყჲს: "იოვანე წამა მისთჳს, ღაღად-ყო" და
Line: 27    თქუა კადნიერებით და უშიშად ქადაგა მან მოსლვაჲ მისი",
Line: 28    და ისმინეთ ქადაგებაჲცა:

Part: s  
Line: 29       სახარებაჲ: "ესე არს, რომლისათჳს ვთქუ: `რომელი
Line: 30    ჩემსა შემდგომად მოვალს, ჩემსა უწინარეს იყო, რამეთუ
Line: 31    პირველ ჩემსა არს'" (1,15) Link to adisnt Link to cinant Link to giornt. Part: t   თარგმანი: დაფარულ არს
Line: 32    წამებაჲ ესე და სიმდაბლისა სიტყუანი ჰქონან, რამეთუ არა
Line: 33    თქუა, ვითარმედ: "ესე არს მხოლოდშობილი და საყუარელი
Line: 34    ძე ღმრთისაჲ", არამედ ესე არს, რომლისათჳს ვთქუ: "რომელი
Line: 35    შემდგომად ჩემსა მოვალს, ჩემსა უწინარეს იყო". რამეთუ
Line: 36    ვითარცა მფრინველნი მართუეთა თჳსთა არა მეყსა შინა ას\წავლიან
Page: I-92   Line: 1    ფრინვასა, არამედ მცირედ-მცირედ აფრინვებენ და
Line: 2    კუალად მოაქცევენ ბუდედვე, ვიდრემდის ისწავლონ სრუ\ლიად
Line: 3    ფრინვაჲ და მერმე განიყვანებენ სრულიად ბუდისაგან,
Line: 4    ეგრეთვე ნეტარი იოვანე არა მეყსა შინა აღიყვანებს ჰურია\თა
Line: 5    სიმაღლედ გულისხმის-ყოფისა, არამედ ჯერეთ ოდენ აღა\მაღლებს
Line: 6    ქუეყანით და ასწავებს, ვითარმედ ქრისტე მისა
Line: 7    უაღრეს და უზეშთაეს არს. რამეთუ ესეცა არა მცირე იყო,
Line: 8    რაჲთამცა არწმუნა, ვითარმედ უზეშთაეს იყო მისა, საკჳრველი\სა
Line: 9    მის კაცისა, და რომლისა მიმართ ყოველნი მირბიოდეს,
Line: 10    არა გამოჩინებული იგი, რომელსა ჯერეთ არცა ერთი ექმნა
Line: 11    სასწაული.

Line: 12       და ჯერეთ ამისი ოდენ ენება რწმუნებაჲ, ვითარმედ უზეშ\თაეს
Line: 13    არს მოწამისა მის წამებული იგი და პირველ მოსრუ\ლისა
Line: 14    მის უკუანაჲსკნელ მოსრული იგი. და იხილე, ვითარ
Line: 15    სიბრძნით იქმს ყოველსავე, რამეთუ არა გამოჩინებულსა
Line: 16    ოდენ უჩუენებს, არამედ პირველ გამოჩინებისაცა, ვითარცა
Line: 17    მათე იტყჳს, ვითარმედ: "ეტყოდა მომავალთა მისა: "მე ნა\თელ-გცემ
Line: 18    წყლითა, ხოლო შემდგომად ჩემსა მოვალს უძლი\ერესი
Line: 19    ჩემსა, რომლისა არა ღირს ვარ საბელსა ჴამლთა მის\თასა
Line: 20    განჴსნად". ხოლო ამისთჳს უწინარეს მოსლვისა ქმნა
Line: 21    ესე, რაჲთა რაჟამს მოვიდეს, ადვილად ჰრწმენეს მისი, ვი\ნაჲთგან
Line: 22    პირველვე განმზადებულ იყოს გონებაჲ მათი, რამე\თუ
Line: 23    უკუეთუმცა ყოლადვე არა ასმიოდა უფლისათჳს, და მეყსა
Line: 24    შინა იხილესმცა და მაშინღა ესმოდამცა მისთჳს, არა ირწ\მუნებდეს
Line: 25    უნდოებისა მისთჳს სახისა მისისა და სიმდაბლისა
Line: 26    მისთჳს ფრიადისა, რამეთუ ესევითარი სიმდაბლე აქუნდა
Line: 27    ქრისტესა, რომელ სამარიტელნი და მეზუერენი და მეძავნი
Line: 28    კადნიერებით მიეახლებოდეს მას. და ვითარცა ვთქუ, უკუე\თუმცა
Line: 29    მაშინ ოდენ იტყოდა მისთჳს იოვანე, ოდეს მოვიდა,
Line: 30    არამცა ჰრწმენა მისი.

Line: 31       ხოლო ვინაჲთგან წინაჲთვე განჰმზადნა გონებანი მათნი
Line: 32    წინამორბედმან, რაჲთამცა, მო-რაჲ-ვიდა, ჰრწმენა მისი. ხო\ლო
Line: 33    რაჲ არ სიტყუაჲ ესე, ვითარმედ: "პირველ ჩემსა იყო?"
Line: 34    ესე იგი არს, ვითარმედ ბრწყინვალე იყო და პატიოსან. და ნუ
Page: I-93   Line: 1    ჰგონებთო, ვინაჲთგან მე პირველ მოვედ ქადაგებად, უზეშთა\ესმცა
Line: 2    ვიყავ, რამეთუ ფრიად უდარეს ვარ მე და ესეოდენ
Line: 3    უდარეს, რომელ არცა თუ მონად მისა შერაცხად ღირს ვარ.
Line: 4    ხოლო არა თუ უკუანა ჩემსა იყო, და წარმართებითა რაჲთმე
Line: 5    პირველ ჩემსა იქმნა, არამედ მარადის პირველ ჩემსა იყო და
Line: 6    უზეშთაეს. და დიდებასა მასცა მოასწავებდა, რომელი აწ გან\თქუმულ
Line: 7    არს ქრისტესთჳს სოფელსა შინა. ვითარმედ დაღა\ცათუ
Line: 8    შემდგომად ჩემსა მოვიდა, არამედ პირველ ჩემსა იყო
Line: 9    მარადის და დიდებულ, და ქუეყანას ზედაცა დიდებაჲ მისი
Line: 10    დიდ იქმნა შემდგომად მცირედისა. ხოლო უკუეთუ ვინ იტ\ყოდის,
Line: 11    ვითარმედ: "უკუეთუ დიდებასა მას მისსა მოასწა\ვებდა,
Line: 12    რომელი სოფელსა შინა განთქუმად იყო, ვითარ
Line: 13    იტყჳს, ვითარცა გარდასრულსა?" გარნა ესრეთ გულისხმა\ყავთ,
Line: 14    ვითარმედ ესე ჩუეულებაჲ არს წინაჲსწარმეტყუელთაჲ:
Line: 15    რამეთუ ესაიაცა, რაჟამს ვნებისა მისისათჳს იტყოდა, არა\ქმნილსა
Line: 16    მას, ვითარცა ქმნილსა, ღაღადებდა: "ვითარცა ცხო\ვარი,
Line: 17    კლვად მიიგუარაო" და არა თქუა, თუ: "მიი\გუაროსო".
Line: 18    და დავით არა თქუა, ვითარმედ: "განჴუ\რიტნენ
Line: 19    ჴელნი ჩემნი და ფერჴნი ჩემნი", არამედ "განჴუ\რიტნესო,
Line: 20    ვითარცა ქმნული. და მიმცემლისათჳს არღა
Line: 21    ქმნულისა, ვითარცა ქმნულსა, იტყოდა, ვითარმედ: "რომელი
Line: 22    ჭამდა პურსა ჩემ თანა, აღიღო ჩემ ზედა ბრჭალი მისი", და
Line: 23    კუალად იტყჳს: "მცეს მე საჭმლად ჩემდა ნავღელი და
Line: 24    წყურვილსა ჩემსა მასუეს მე ძმარი". და ესევითარი მრა\ვალი
Line: 25    ჰპოო, რომელ არღა ქმნილსა, ვითარცა ქმნილსა, იტ\ყოდის
Line: 26    წერილსა შინა.



Page: I-94  
Part: S13  
Line: 1  სწავლაჲ იგ

Line: 2  მოწყალებისათჳს


Line: 3       გნებავს, რაჲთა სხუანიცა სახენი შემოვიხუნეთ, არამედ
Line: 4    კმა არიან თქუმულნი ესე, რაჲთა არა მოწყინე იქმნნეთ სმე\ნად.
Line: 5    ამისთჳს აღსრულებაჲ ვყოთ სიტყჳსა ჩუენისაჲ. ხოლო
Line: 6    აღსასრული ჯერ-არს, რაჲთა მადლობითა ვყოთ ღმრთისაჲთა,
Line: 7    და მადლობაჲ არა სიტყჳთ ოდენ უყუარს ღმერთსა, არამედ
Line: 8    უფროჲსად საქმით, რამეთუ იტყჳს: ვითარმედ: "ბრწყინევ\დინ
Line: 9    ნათელი თქუენი წინაშე კაცთა, რაჲთა იხილნენ კეთილნი
Line: 10    საქმენი თქუენნი და ადიდებდენ მამასა თქუენსა ზეცათასა".
Line: 11    რამეთუ არარაჲ არს უბრწყინვალეს კეთილთა საქმეთასა, ვი\თარცა
Line: 12    წერილ არს, ვითარმედ: "გზანი მართალთანი მსგავსად
Line: 13    ნათლისა ბრწყინვენ", ხოლო ნათობენ არა თავთა თჳსთა
Line: 14    ოდენ, არამედ სხუათაცა განათლებად. ამისთჳს გევედრები,
Line: 15    რაჲთა არა დავაკლოთ ზეთი სანთელთა ჩუენთა, რაჲთა განძ\ლიერდეს
Line: 16    ნათელი მათი, რამეთუ ესე ზეთი მარადის კეთილ
Line: 17    არს, რამეთუ იტყჳს: "წყალობაჲ მნებავს და არა მსხუერპლი".
Line: 18    რამეთუ მსხუერპლი ქებისაჲ ესე არს, რომელ არა განილე\ვის,
Line: 19    არცა განიხრწნების, არამედ მარადის ბრწყინავს სადი\დებელად
Line: 20    ღმრთისა. ამისთჳს უკუე გევედრები, საყუარელნო,
Line: 21    შევწიროთ ესევითარი ესე მსხუერპლი საკურთხეველთა ამას
Line: 22    ზედა, რომელი-ესე უპატიოსნეს არს მარხვისა და ლოც\ვისა
Line: 23    და სხუათა მრავალთა სათნოებათაჲსა, რამეთუ ესევითა\რი
Line: 24    უყუარს მსხუერპლი ღმერთსა, არამედ ნუმცა არს ესე ან\გაჰრებისაგან
Line: 25    ქმნილი, ნუცა მოტაცებულთა საფასეთაგანი,
Line: 26    რამეთუ ესევითარი სძულს ღმერთსა და გარემიაქცევს პირსა
Line: 27    თჳსსა მისგან. ამისთჳს ვისწრაფოთ, რაჲთა არა დატკბობის
Line: 28    წილ განვარისხოთ იგი. და უკუეთუ კაენ, ვინაჲთგან უდარესი
Line: 29    შეწირა ღმრთისა, დაისაჯა, რაჲ ვყოთ ჩუენ, უკუეთუ ანგაჰ\რებისაგან
Line: 30    ვიქმოდით წყალობასა?

Line: 31       ამისთჳს გევედრები, რაჲთა არა მოხუეჭითა მონაგებთაგან
Page: I-95   Line: 1    ვიქმოდით ქველის-საქმესა, უკუეთუ ერთი გულოცვიდეს
Line: 2    და ერთი გუწყევდეს, რაჲ სარგებელ არს, გარნა ცუდი შრო\მაჲ?
Line: 3    ხოლო უკუეთუ ვეკრძალებოდით, ყოველსა ზედა ნებისა,
Line: 4    ღმრთისა აღსრულებად ვისწრაფდეთ, შეუძლოთ მიმთხუე\ვად
Line: 5    საუკუნეთა მათ კეთილთა მადლითა უფლისა ჩუენისა
Line: 6    იესუ ქრისტესითა, რომლისა თანა მამასა ჰშუენის დიდებაჲ
Line: 7    სულით წმიდითურთ აწ და მარადის და უკუნითი უკუნისამდე,
Line: 8    ამენ.



Next part


This text is part of the TITUS edition of Johannes Chrysostomus, Commentary on St. John.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.