TITUS
Johannes Chrysostomus, Commentary on St. John
Part No. 17
Previous part

Chapter: 17  
Line: 14  თავი იზ


Part: T  
Line: 15       სიტყუაჲ: "ესე ბეთაბრას იყო წიაღ იორდანესა,
Line: 16    სადა-იგი იყო იოვანე ნათლისმცემელი. ხვალისაგან იხილა
Line: 17    იესუ მომავალი მისა და თქუა: `აჰა, ტარიგი ღმრთისაჲ, რო\მელმან
Line: 18    აღიხუნა ცოდვანი სოფლისანი'" (1,28) Link to adisnt Link to cinant Link to giornt. Part: t   თარგმანი:
Line: 19    დიდი სიქადული არს კადნიერებაჲ საღმთოჲ, უშიშობაჲ
Line: 20    კაცთაგან, და რაჲთა ყოველივე არად შეგუერაცხოს ქრისტეს
Line: 21    აღსარებისა თანა. და ესრეთ დიდ არს საქმე ესე, ვითარცა
Line: 22    ძჱ ღმრთისაჲ მხოლოდშობილი ბრძანებს, ვითარმედ: "რომელ\მან
Line: 23    აღმიაროს წინაშე კაცთა, აღვიარო იგი წინაშე მამისა
Line: 24    ჩემისა". და არა სწორ არს ნაცვალი ესე, რამეთუ შენ უკუ\ეთუ
Line: 25    აღიარო იგი, აღიარებ ქუეყანასა ზედა, ხოლო იგი ცათა
Line: 26    შინა და შენ _ წინაშე კაცთა, ხოლო იგი _ წინაშე მამისა
Line: 27    თჳსისა და ანგელოზთაცა. ხოლო ესევითარი იყო დიდი იოვა\ნე,
Line: 28    რამეთუ არად შეჰრაცხა ყოველივე, არამედ განცხადებუ\ლად
Line: 29    ქრისტესა ქადაგებდა, რამეთუ მისთჳს თქუა მახარებელ\მან
Line: 30    ადგილიცა, რაჲთა გამოაჩინოს დიდი იგი კადნიერებაჲ
Line: 31    მისი, ვითარმედ არა თუ სახლსა შინა, ანუ ადგილსა უჩინოსა
Page: I-119   Line: 1    ქადაგა, არამედ იორდანესა ზედა, ყოველსა მას შორის ერსა,
Line: 2    რომელნი ნათელს-იღებდეს, რამეთუ მუნ ქადაგა დიდი იგი
Line: 3    ქადაგებაჲ ქრისტესი, და ვითარმედ: "არა ვარო ღირს სა\ბელსა
Line: 4    ჴამლთა მისთასა განჴსნად". ამისთჳს იტყჳს მახარე\ბელი,
Line: 5    ვითარმედ: "ესე ბეთაბრას იყო, წიაღ იორდანესა".

Part: s  
Line: 6       სახარებაჲ: "ხვალისა დღე, იხილა იესუ მომავალი
Line: 7    მისა და თქუა: აჰა, ტარიგი ღმრთისაჲ, რომელმან აღიხუნა ცოდ\ვანი
Line: 8    სოფლისანი" (1,28) Link to adisnt Link to cinant Link to giornt. Part: t   თარგმანი: განიყვნეს ჟამნი
Line: 9    მახარებელთა; რამეთუ მათე პირველ იოვანეს შეპყრობისა
Line: 10    ქმნულნი საქმენი შეამოკლნა და შემდგომთა მათ იტყჳს, ხო\ლო
Line: 11    იოვანე უფროჲს პირველ შეპყრობისა მისისა ქმნილთა
Line: 12    შინა იქცევის. და მან კუალად დაიდუმნა შემდგომად იოვანეს
Line: 13    უდაბნოჲთ მოსლვისა ქმნულნი საქმენი და მეყსეულად თქუა
Line: 14    საპყრობილისათჳს: "ვითარცა ესმა რაჲ იესუს იოვანეს შეპყ\რობაჲ,
Line: 15    წარვიდა უდაბნოდ". ხოლო იოვანე შემდგომად
Line: 16    იოვანეს უდაბნოჲთ გარდამოსლვისა ქმნილთა მათ საქმეთა
Line: 17    იტყჳს და შემდგომად თქუმისა მათ საქმეთაჲსა თქუა, ვითარ\მედ:
Line: 18    "არღა იყო იოვანე საპყრობილედ შევრდომილ". ხოლო
Line: 19    რაჲსათჳს მოვიდა აწ იესუ მისა, არა ერთ ოდენ, არამედ ორ\გზისცა?
Line: 20    რამეთუ მათე თქუა მიზეზი მოსლვისა მისისაჲ _
Line: 21    ნათლის-ღებაჲ, ხოლო იოვანე შემდგომად ნათლის-ღებისაცა
Line: 22    იტყჳს მოსლვასა. რაჲსათჳს უკუე მოვიდა? გარნა ამისთჳს,
Line: 23    რამეთუ ვინაჲთგან მისგან ნათელს-იღო სხუათა მათ ერთა
Line: 24    თანა, რაჲთა არავინ მოიგონოს, ვითარმედ, ვითარცა ერთი
Line: 25    სხუათაგანი ნათელს-იღებს ცოდვათა აღსარებად. ამისთჳს
Line: 26    მეორედ მოვიდა მისა, რაჲთამცა მისცა მიზეზი საკჳრველსა
Line: 27    მას ქადაგსა ქადაგებად მისა, რომელმანცა ქადაგა, ვითარმედ:
Line: 28    "აჰა, ტარიგი ღმრთისაჲ, რომელმან აიხუნეს ცოდვანი სოფ\ლისანი".
Line: 29    რამეთუ, რომელი ცოდვათა სოფლისათა აღიხუამს,
Line: 30    თჳთმცა ვითარ აქუნდა ცოდვაჲ? ხოლო სიტყუაჲ იგი ვი\თარმედ:
Line: 31    "აჰა, ტარიგი ღმრთისაჲ", თქუა მრავალთა მათთჳს,
Line: 32    რომელნი ეძიებდეს მას მრავლით ჟამითგან, უჩუენა და ჰრქუა:
Line: 33    "აჰა, რომელსა ეძიებდით, ესე არს ტარიგი ღმრთისაჲ". ხო\ლო
Line: 34    ტარიგად უწოდა მას, რაჲთამცა მოაჴსენა ჰურიათა
Page: I-120   Line: 1    წინაჲსწარმეტყუელებაჲ იგი ესაიაჲსი და იგავი იგი მოსესი,
Line: 2    რაჲთა სახისა მისგან გულისხმა-უყოს ჭეშმარიტებაჲ. ხოლო
Line: 3    მან ტარიგმან არავისნი ცოდვანი აიხუნა, ხოლო ამან ყოველი
Line: 4    სოფელი წარწყმედისაგან და რისხვის ღმრთისა იჴსნა.

Part: s  
Line: 5       სახარებაჲ: "ესე არს, რომლისათჳს მე ვთქუ: `შემ\დგომად
Line: 6    ჩემსა მოვალს კაცი, რომელი პირველ ჩემსა იყო'"
Line: 7    (1,30) Link to adisnt Link to cinant Link to giornt. Part: t   თარგმანი: ჰხედავა, ვითარ თარგმნის პირველ
Line: 8    მისსა ყოფილსა? რამეთუ თქუა რაჲ, ვითარმედ: "რომელმან
Line: 9    აღიხუნა ცოდვანი სოფლისანი", მერმე შესძინა, ვითარმედ:
Line: 10    "პირველ ჩემსა იყო", რაჲთამცა უჩუენა, რამეთუ ესე არს
Line: 11    პირველობაჲ _ ახუმაჲ ცოდვათა სოფლისათაჲ, ნათლის\ცემაჲ
Line: 12    სულითა წმიდითა, რამეთუ მე სხუაჲ არარაჲ შემეძ\ლო,
Line: 13    გარნა ქადაგებაჲ მისი და განბანაჲ ესე წყლითა, ხოლო
Line: 14    მას ძალ-უც ყოველთა კაცთა განწმედაჲ და მადლსა მას ნუ\გეშინისმცემელისასა
Line: 15    მოცემად. "ესე იყო პირველ ჩემსა,
Line: 16    რამეთუ პირველ ჩემსა არს", ესე იგი არს, ფრიად უდიდებუ\ლეს
Line: 17    და უბრწყინვალეს. ჰრცხუენოდენ ყოველთა, რომელთა
Line: 18    პავლე სამოსატელისა წვალებაჲ შეიწყნარეს, რამეთუ ესევი\თარსა
Line: 19    ცხადსა ჭეშმარიტებასა წინააღუდგებიან.

Part: s  
Line: 20       სახარებაჲ: "მე არა ვიცოდე იგი" (1,31) Link to adisnt Link to cinant Link to giornt. Part: t   თარგ\მანი:
Line: 21    უეჭველ-ჰყოფს წამებასა თჳსსა, ვითარმედ არარაჲ
Line: 22    არს მას შინა კაცობრივისა სიყუარულისა საქმჱ, არამდე საღ\მრთოჲსა
Line: 23    გამოცხადებისაგან ქმნილ არს, რამეთუ, რომელი
Line: 24    არა იცოდა, ვითარმცა იტყოდა მისთჳს ტყუვილსა, რაჲთამცა
Line: 25    სათნო ეყო, ამისთჳს იტყჳს:

Part: s  
Line: 26       სახარებაჲ: "მე არა ვიცოდე იგი, არამედ, რაჲთა
Line: 27    გამოეცხადოს ისრაჱლსა, ამისთჳს მოვედ წყლითა ნათლის\ცემად!
Line: 28    (1,31) Link to adisnt Link to cinant Link to giornt. Part: t   თარგმანი: რამეთუ ამას არა უჴმდა
Line: 29    ნათლის-ცემაჲო, არცა სხჳსა რაჲსმე მიზეზისათჳს ნათელ-ვსცემ
Line: 30    ერსა, არამედ რაჲთამცა უქადაგე ქრისტჱ. რაჲ არს უკუე
Line: 31    თჳნიერ ნათლის-ცემისა ქადაგებაჲ არა იქმნებოდაა? არა იქმ\ნებოდა,
Line: 32    რამეთუ უკუეთუმცა ნათლის-ღებაჲ არა იყო, არა
Line: 33    შეკრბებოდეს ერნი სმენად ქადაგებისა მის. რამეთუ არა თუ
Line: 34    ამისთჳს განვიდოდეს, რაჲთამცა ქადაგებაჲ იგი ისმინეს,
Line: 35    არამედ განვიდოდეს ნათლის-ღებად და აღსაარებად და
Line: 36    მი-რაჲ-ვიდოდეს, ესმოდა ქრისტესთჳს ქადაგებაჲ მისი.
Page: I-121  
Part: s  
Line: 1       სახარებაჲ: "და წამა იოვანე და თქუა, რამეთუ: `ვი\ხილე
Line: 2    სული ღმრთისაჲ, გარდამომავალი ზეცით, ვითარცა
Line: 3    ტრედი, და დადგრომილი მას ზედა'" (1,32) Link to adisnt Link to cinant Link to giornt. Part: t   თარგმანი:
Line: 4    გამოაჩინებს, ვითარმედ სულისა წმიდისა მიერ იცნა იგი, ხო\ლო
Line: 5    კუალად რაჲთა არავინ მოიგონოს, ვითარმედ საჴმარ მი\სა
Line: 6    იყო გარდამოსლვაჲ სულისა წმიდისაჲ, ვითარცა-ესე
Line: 7    ჩუენდა საჴმარ არს. ისმინე, ვითარ ამასცა იჭუსა დაჰჴსნის
Line: 8    და გამოაჩინებს, ვითარმედ გარდამოსლვაჲ სულისაჲ ქრისტეს
Line: 9    ქადაგებისათჳს იქმნა, რამეთუ თქუა:

Part: s  
Line: 10       სახარებაჲ: "მე არა ვიცოდე იგი, არამედ, რომელ\მან
Line: 11    მომავლინა მე ნათლის-ცემად წყლითა, მან მარქუა მე:
Line: 12    "რომელსა ზედა იხილო სული გარდამომავალი და დადგრო\მილი
Line: 13    მის ზედა, იგი არს, რომელმან ნათელ-სცეს სულითა\წმიდითა"
Line: 14    (1,33) Link to adisnt Link to cinant Link to giornt. Part: t   თარგმანი: ჰხედავა, რამეთუ საქმე სულისა
Line: 15    წმიდისაჲ ესე იყო, რაჲთამცა ქრისტე გამოაჩინა, რამეთუ იყო
Line: 16    იოვანესიცა წამებაჲ უეჭუელ და ენება, რაჲთამცა უმეტესად
Line: 17    სარწმუნო-ყო იგი. ამისთჳს ღმრთისა და სულისა წმიდისა მი\მართ
Line: 18    აღიყვანა იგი, რამეთუ ვინაჲთგან წამა ესრეთ დიდი და
Line: 19    საკჳრველი საქმე, რომელი შემძლებელ იქმნა მრავალთა განკ\ჳრვებად,
Line: 20    ვითარმედ ყოვლისა სოფლისა ცოდვათა იგი მხო\ლოჲ
Line: 21    აღიხუამს და ესოდენისა სიმრავლისა საჴსრად კმა არს
Line: 22    ნიჭისა მის სიმაღლჱ. ამისთჳს ესევითარსა უეჭუელსა წამე\ბასა
Line: 23    მოიღებს, ხოლო საქმე მისი ესე არს, რაჲთამცა გამოა\ჩინა,
Line: 24    ვითარმედ ძჱ არს ღმრთისაჲ და არა ეჴმარების ნათლის\ღებაჲ,
Line: 25    და ვითარმედ საქმე სულისა წმიდისა გარდამოსლვი\საჲ
Line: 26    ამისთჳს იქმნა, რაჲთამცა ოდენ ქრისტე საცნაურ-ყო, რა\მეთუ
Line: 27    შეუძლებელ იყო იოვანეს მიერ მიცემაჲ სულისა წმი\დისაჲ,
Line: 28    და ამას გამოაჩინებენ მის მიერ ნათელღებულნი იგი,
Line: 29    რომელნი იტყოდეს, ვითარმედ: "არცა ღათუ არს სული წმი\და,
Line: 30    გუასმიეს". და საცნაურ არს, ვითარმედ: არა ეჴმარებო\და
Line: 31    ქრისტეს ნათლის-ღებაჲ, არამედ უფროჲს ნათლის-ღებასა
Line: 32    ეჴმარებოდა ძალი ქრისტესი, რამეთუ ესე ოდენ აკლდა _
Line: 33    თავი ყოველთა კეთილთაჲ _ რაჲთამცა სულსა წმიდასა ღირს
Line: 34    ექმნებოდა ნათელღებული იგი. და ესე სულისა წმიდისა მო\ღებაჲ
Line: 35    შესძინა ქრისტემან მოსლვითა თჳსითა.
Page: I-122  
Part: s  
Line: 1       სახარებაჲ: "და წამა იოვანე და თქუა, რამეთუ ვი\ხილე
Line: 2    სული ღმრთისაჲ, ვითარცა ტრედი, გარდამომავალი ზე\ცით,
Line: 3    და დაადგრა მას ზედა. მე არა ვიცოდე იგი, არამედ რო\მელმან
Line: 4    მომავლინა მე წყლითა ნათლის-ცემად, მან მრქუა მე:
Line: 5    `რომელსა ზედა იხილო სული გარდამომავალი და დადგრო\მილი
Line: 6    მის ზედა, იგი არს, რომელმან ნათელ-სცეს სულითა
Line: 7    წმიდითა'. და მე ვიხილე და ვწამე, რამეთუ ესე არს ძჱ
Line: 8    ღმრთისაჲ" (1,32-34) Link to adisnt Link to cinant Link to giornt. Part: t   თარგმანი: ზედაჲსზედა იტყჳს
Line: 9    ამას სიტყუასა, ვითარმედ: "მე არა ვიცოდე იგი". ხოლო რაჲ\სათჳს
Line: 10    იტყჳს ამას? გარნა ამისთჳს, რამეთუ ნათესავი იყო მი\სი
Line: 11    ჴორციელად, ვითარცა წერილ არს, ვითარმედ: "აჰა, ესერა,
Line: 12    ელისაბედცა, ნათესავი შენი, მიდგომილ არს ძესა". და რაჲთა
Line: 13    არავინ თქუას, ვითარმედ ნათესაობისა მისისათჳს ადიდებს
Line: 14    მას, ამისთჳს იტყჳს, ვითარმედ: "არა ვიცოდე იგი". რამეთუ
Line: 15    იყოცა მარადის უდაბნოთა შინა და გარეგან მამულისა სახ\ლისა
Line: 16    მისისა, და ესრეთ აღესრულებოდა სიტყუაჲ მისი. არა\მედ
Line: 17    უკუეთუ პირველ სულისა წმიდისა გარდამოსლვისა არა
Line: 18    იცოდა იგი, ვითარ პირველ ნათლის-ღებისა აყენებდა მას და
Line: 19    ეტყოდა, ვითარმედ: "მე შენგან მიჴმს ნათლის-ღებაჲ". რა\მეთუ
Line: 20    ესე სახე არს ფრიადისა მეცნიერებისაჲ, გარნა პირველ
Line: 21    მრავლისა ჟამისა არა იცოდა იგი, არამედ მას ჟამსა გამოუც\ხადა
Line: 22    მას ღმერთმან, რაჟამს მოავლინა ნათლის-ცემად იორ\დანესა.
Line: 23    ხოლო პირველ მისა არა იცოდა იგი, რამეთუ საკჳრ\ველებანი
Line: 24    იგი, რომელნი სიჩჩოსა ქრისტესა ექმნნეს, ვითარ\-იგი
Line: 25    მოგუთათჳს და სხუაჲ ესევითარი, პირველ მრავლისა
Line: 26    ჟამისა ყოფილ იყო, რაჟამს იოვანეცა ჩჩჳლ იყო, და ვიდრე
Line: 27    ჟამამდე ნათლის-ღებისა ფრიადი ჟამი გარდასრულ იყო, თუ
Line: 28    არა უკუეთუმცა იცოდა იგი, არამცა ეთქუა, ვითარმედ: "არა
Line: 29    ვიცოდე იგი". და ამისგან საცნაურ არს, ვითარმედ სასწაულ\ნი
Line: 30    იგი, რომელნი და-ვიეთმე-უწერიან და იტყჳან, ვი\თარმედ:
Line: 31    "სიყრმე ქრისტესიო", ზღაპარ არიან და ტყუვილ
Line: 32    ამაოთა ვიეთმე კაცთა თქუმულნი, რამეთუ უკუეთუმცა სიჩ\ჩოჲსაგანვე
Line: 33    სასწაულთა იქმოდა, არამცა იყო იოვანე მისა
Page: I-123   Line: 1    უმეცარ, არცამცა ერსა უჴმდა მისთჳს სხჳსა ქადაგებაჲ. ხო\ლო
Line: 2    აწ იტყჳს, ვითარმედ: "ამისთჳს მოვედო ნათლის-ცემად",
Line: 3    რაჲთამცა განეცხადა ისრაჱლსა, რამეთუ ჟამსა მას გამოუც\ხადა
Line: 4    მისთჳს ღმერთმან და მოავლინა იორდანედ ნათლის\ცემად
Line: 5    და ქადაგებად. ამისთჳსცა პირველ სულისა გარდა\მოსლვისა
Line: 6    ეტყოდა ერსა, ვითარმედ: "შემდგომად ჩემსა მო\ვალს
Line: 7    კაცი, რომელი პირველ ჩემსა იყო". და ამისთჳსცა და\სამტკიცებლად
Line: 8    მისისა წამებისა მამაჲცა ჴმითა ეწამა ძედ და
Line: 9    სული წმიდაჲ გარდამოჴდა, რაჲთამცა ჴმაჲ იგი ქრისტეს
Line: 10    ზედა დაამტკიცა, რამეთუ ვინაჲთგან იოვანე ნათელს-სცემდა
Line: 11    და ქრისტე ნათელს-იღებდა, რაჲთა არავინ თქუას მუნ მდგო\მარეთაგანმან,
Line: 12    ვითარმედ: "ჴმაჲ იგი იოვანესთჳს იყო", ამისთჳს
Line: 13    სული წმიდაჲ უფალსა ზედა მოვიდა, რაჲთამცა იჭჳ იგი
Line: 14    განჰმართა. და ესრეთ უკუე საცნაურ არს, რაჟამს იტყოდის,
Line: 15    თუ: "არა ვიცოდე იგი", პირველ ჟამთათჳს იტყჳს და არა
Line: 16    მახლობელად ნათლის-ღებისა, თუ არა, ვითარმცა ეტყოდა,
Line: 17    ვითარმედ: "მე შენგან მიჴმს ნათლის-ღებაჲ?" იტყჳან უკუე
Line: 18    ვიეთნიმე: "და ვითარ არა ჰრწმენა ჰურიათა, რამეთუ არა
Line: 19    იოვანე ოდენ იხილა სული წმიდაჲ, სახედ ტრედისა მოსრული
Line: 20    უფალსა ზედა, არამედ მათცა?" გულისხმა-ყავთ, რამეთუ
Line: 21    ესევითართა ხილვათა სულიერნი თუალნი ეჴმარებიან და არა
Line: 22    ჴორციელნი ოდენ, რაჲთა არა საუცრად შეჰრაცხონ საქმე
Line: 23    იგი. რამეთუ ჰხედვიდეს რაჲ სასწაულთა მათ, რომელთა იქ\მოდა
Line: 24    ქრისტე, და ვითარ შეახებდა ოდენ ბრმათა და მკელო\ბელთა
Line: 25    და სხუათა ყოველთა უძლურთა, და მეყსეულად განჰ\კურნებდა.
Line: 26    და მათ ესრეთ ეთრო შურითა, რომელ ამას ყო\ველსა
Line: 27    ისწრაფდეს განმტყუვნებად, ნუუკუე სულისა წმიდისა
Line: 28    მოსლვითა ოდენმცა განაგდესა ურწმუნოებაჲ? ხოლო ვიეთ\ნიმე
Line: 29    იტყჳან, ვითარმედ: "არცა უხილავს იგი ყოველთავე,
Line: 30    რამეთუ იოვანეს ოდენ და სხუათა, რომელნი სარწმუნოებით
Line: 31    იყვნეს". რამეთუ დაღაცათუ ჴორციელითა თუალითა შესაძ\ლებელ
Line: 32    იყო სახედ ტრედისა ხილვად გარდამოსლვაჲ იგი
Line: 33    სულისა წმიდისაჲ, არამედ არაჲვე ჭირ იყო ყოველთა მიერ
Line: 34    ხილვაჲ მისი, ვითარცა-იგი ზაქარიაცა წინაჲსწარმეტყუელ\მან
Line: 35    და დანიელ და ეზეკიელ და მოსე მრავალი იხილეს ხი\ლულითა
Line: 36    თუალითა, და სხუაჲ ვერვინ ჰხედვიდა და ფერის\-ცვალებაჲ
Page: I-124   Line: 1    უფლისაჲ არა ყოველთა მოწაფეთა იხილეს და არცა აღდგომაჲ.

Part: s  
Line: 2       სახარებაჲ: "და მე ვიხილე და ვწამე, ვითარმედ იგი
Line: 3    არს ძჱ ღმრთისა" (1,34) Link to adisnt Link to cinant Link to giornt. Part: t   თარგმანი: რამეთუ ხარებად
Line: 4    უწოდა მას და ვითარმედ სულითა წმიდითა ეგულების ნათ\ლის-ცემაჲ,
Line: 5    ხოლო ძედ ღმრთისა აწ ოდენ თქუა,
Line: 6    რამეთუ შემდგომად ნათლის-ღებისა არღარას იტყჳან სხუანი
Line: 7    მახარებელნი სიტყუასა იოვანესსა, არამედ სასწაულთა ქრის\ტჱსთა
Line: 8    იწყებენ, რომლისათჳს საცნაურ არს, ვითარმედ ესე
Line: 9    ყოველი და ამისა უმრავლესი დაიდუმეს და ამას მოასწავებს
Line: 10    ესევე მახარებელი აღსასრულსა შინა სიტყჳსა თჳსისასა, ვი\თარმედ
Line: 11    მრავალი რაჲმე დაუდუმებიეს, რამეთუ ესრეთ შორს
Line: 12    იყვნეს ტყუვილისაგან, რომელ რაოდენი-რაჲ არს საყუედ\რელი
Line: 13    და შეურაცხებაჲ, ყოველნივე ერთპირად იტყჳან მას,
Line: 14    ხოლო სასწაულთა და ქებათა რომელთამე თითოეული იტყჳს,
Line: 15    და რომელნიმე ოთხთავე დაიდუმნეს. ხოლო ესე არა ამაოდ
Line: 16    ვთქუ, არამედ უკეთურებისათჳს წარმართთაჲსა. რამეთუ ესე
Line: 17    კმა არს სახედ ჭეშმარიტებისა მისთჳს მოციქულთაჲსა, რო\მელ
Line: 18    არას იტყჳან თავით თჳსით მისთჳს საკჳრველსა, და ესე\ცა
Line: 19    სიტყუაჲ გაქუნდინ წინააღმდგომისათჳს ურწმუნოითაჲსა.




Part: S17  
Line: 20  სწავლაჲ იზ

Line: 21  ვითარმედ: ჯერ-არს, რაჲთა სიტყუანი
Line: 22  სარწმუნოებისანი კეთილად ვიცნოდით


Line: 23       არამედ ეკრძალენით, რამეთუ ბოროტ არს, რაჲთა მკურ\ნალი
Line: 24    იღუწიდეს თჳსისა ჴელოვნებისათჳს და ეგრეთვე ხუ\როჲ,
Line: 25    ანუ გალატოზი და ყოველი ჴელოვანი, და ქრისტეანე\მან
Line: 26    თჳსისა სარწმუნოებისა სიტყუანი არა იცნოდის. რამე\თუ
Line: 27    მათი უმეცრებაჲ საფასეთა დაჭირვებასა იქმს, ხოლო
Line: 28    ამათი უმეცრებაჲ _ სულიერსა დაჭირვებასა; არამედ ჩუენ
Line: 29    ესევითარსა უბადრუკებასა შინა ვართ, რამეთუ იგინი თჳსისა
Page: I-125   Line: 1    ჴელოვნებისათჳს ესრეთ მოსწრაფე არიან, ხოლო ჩუენ, რო\მელ-ესე
Line: 2    მიზეზი არს ჩუენისა ცხორებისაჲ, ვითარცა არარასა,
Line: 3    ესრეთ შეურაცხ-ვჰყოფთ მას.

Line: 4       ესე უკუე საქმე არა შეუნდობს წარმართთა თჳსისა მის
Line: 5    საცთურისა დატევებად, რამეთუ რაჟამს იგინი თჳსსა მას
Line: 6    საცთურსა და ტყუვილსა მრავლითა სიტყჳთა შეამკობდენ და
Line: 7    ქადაგებდენ, ხოლო ჩუენ, ჭეშმარიტებისა ესე მსახურნი, პირ\თაცა
Line: 8    ვერ აღვახუმიდეთ, ვითარ არა თქუან, ვითარმედ:
Line: 9    "ფრიად სამე უძლურ ას შჯული მათი", ვითარ არა ჰგმობ\დენ
Line: 10    ქრისტესა, და გმობისანი მის ჩუენ ვართ მიზეზნი, რო\მელთა
Line: 11    არა გუნებავს, რაჲთამცა სიტყუათა შინა ცხორებისათა
Line: 12    მღჳძარე ვიყვენით, არამედ ესევითარი ყოველივე გარეწარად
Line: 13    გუაქუს და ქუეყანისასა ვზრუნავთ. და უკუეთუ მომღერალთა
Line: 14    და ცხენთა ვინ სძაგებდეს, ბევრეულთა ქებიათა იტყჳან მათთჳს
Line: 15    მრავალნი,ხოლო უკუეთუ ქრისტეანობისათჳს შემოვიდეს
Line: 16    სიტყუაჲ, დადუმნებიან და იწყებენ ფხანად თავთა, და ესრეთ
Line: 17    წარვლენ მოკიცხულნი. და ვითარ არა ღირს არს საქმჱ ესე
Line: 18    მრავლისა რისხვისა, უკუეთუ ქებაჲ მგოსანთაჲ უმეტეს
Line: 19    გჳსწავიეს, ვიდრეღა ქრისტესი? და უკუეთუ საძაგელსა მას
Line: 20    საქმესა შეასხმიდეთ, ბევრეულთა სიტყუათა ჰპოვებთ, ხოლო
Line: 21    ქრისტეს სასწაულთა, რომელთა ყოველი სოფელი აცხოვნეს,
Line: 22    არა იცით ქებაჲ? რამეთუ გურწამს ჩუენ მამაჲ, ძჱ და სული
Line: 23    წმიდაჲ, აღდგომაჲ მკუდართაჲ და ცხორებაჲ საუკუნოჲ. აწ
Line: 24    უკუეთუ ვინმე წარმართთაგანმან გკითხოს, ვითარმედ: "ვინ
Line: 25    არს იგი მამაჲ? ანუ ვინ არს ძჱ? ანუ ვინ არს სული წმიდაჲ?
Line: 26    ვითარ სამთა ღმერთთა იტყჳ, და ჩუენ მრავალღმრთეებასა
Line: 27    მაბრალობთ?" რაჲ სთქუათ, ანუ რაჲ მიუგოთ და ვითარ გა\რემიაქციოთ
Line: 28    სიტყუაჲ მისი? და უკუეთუ სდუმნეთ და კუა\ლად
Line: 29    თქუას სიტყუაჲ საძიებელი, ვითარმედ: "რაჲ არს აღდ\გომაჲ
Line: 30    მკუდართაჲ? ანუ ამითვე ჴორცითა აღვდგეთა, ანუ
Line: 31    სხჳთა? და უკუეთუ ამითვე აღვდგეთ, რად საჴმარ არს დაჴსნაჲ
Line: 32    ამისი?" რაჲ სთქუათ ამის ყოვლისათჳს? და კუალად უკუეთუ
Line: 33    იტყოდის, ვითარმედ: "რად აწღა და არა პირველ მრავალთა
Line: 34    ჟამთა მოვიდა ქრისტე? ანუ აწღა ინება შეწყნარებაჲ კაცთა
Line: 35    და პირველთა მათ ესოდენ ჟამთა უგულებელს-ვეყვენითა?"
Line: 36    და სხუათა მრავალთა ძიებათა შემოიღებდეს. რამეთუ არცა
Page: I-126   Line: 1    კეთილ არს ერთბამად მრავალთა საძიებელთა თქუმაჲ და
Line: 2    აჴსნისა მათისა დადუმებაჲ, რაჲთა არა უმეტესად ევნოს უს\წავლელთა,
Line: 3    რამეთუ კმა არიან თქუმულნი ესე განფრთხობად
Line: 4    თქუენდა. რამეთუ უკუეთუ ესე გკითხონ, ხოლო თქუენ სიტ\ყუაჲცა
Line: 5    ერთი ვერ მიუგოთ, მცირედა საშჯელსა ღირს იქმნე\თა,
Line: 6    რაჟამს ესოდენისა საცთურისა მიზეზ ექმნებოდით ბნელ\სა
Line: 7    შინა მსხდომარეთა მათ? მენება, უკუეთუმცა ჟამი მაქუნ\და,
Line: 8    რაჲთამცა შორის შემოვიღე ყოველივე წიგნი ბოროტისა
Line: 9    ვისმე წარმართისა ფილოსოფოსისაჲ, რომელი ჩუენდა წინა\აღდგომად
Line: 10    დაუწერია, რაჲთამცა ესრეთ განვიფრთხვეთ. რა\მეთუ
Line: 11    მათ უკუეთუ ესრეთ ისწრაფეს ჩუენთჳს ბოროტისა
Line: 12    თქუმად, ჩუენ რასა ღირს ვართ, რაჟამს სიტყუათაცა მათთა ვერ
Line: 13    წინააღუდგებოდით? არა გესმისა მოციქულისაჲ, რასა იტყჳს,
Line: 14    ვითარმედ: "მზა იყვენით სიტყჳს-მიგებად ყოველთა, რო\მელნი
Line: 15    ეძიებდნენ თქუენგან სიტყუას სასოებისათჳს თქუე\ნისა?"
Line: 16    და კუალად იტყჳს, ვითარმედ: "სიტყუაჲ ქრისტესი
Line: 17    დამკჳდრებულ იყავნ მდიდრად თქუენ შორის". არამედ რასა
Line: 18    იტყჳან უგუნურნი, ვითარმედ: "წერილ არს, ვითარმედ: სული
Line: 19    წრფელი კურთხეულ არს" და "რომელი ვიდოდის სიწრფოე\ბით,
Line: 20    ვალს იგი სასოებით", რამეთუ ესე არს ყოველთა ბო\როტთა
Line: 21    მიზეზი, რომელ წამებასაცა წერილთასა არა კეთილსა
Line: 22    ზედა იჴმარებენ მრავალნი, რამეთუ არა თუ უსწავლელთა და
Line: 23    უგუნურთა აკურთხევს წერილი, არამედ მას, რომლისა თანა
Line: 24    უკეთურებაჲ არა იყოს. თუ არა, უკუეთუმცა ესრეთ იყო,
Line: 25    ვითარ იგინი იტყჳან, ამაო იყომცა სიტყუაჲ იგი, რომელი
Line: 26    იტყჳს: "იყვენით ბრძენ, ვითარცა გუელნი, და უმანკო, ვი\თარცა
Line: 27    ტრედნი". ხოლო ჩუენ, რომელთა არცა ერთი რაჲ
Line: 28    კეთილი წარგჳმართებია, ვითარ ვთქუათ ეს სიტყუაჲ, თუ:
Line: 29    "წრფელნი ვართ". რომელნი-ესე უუბადრუკეს ვართ ყო\ველთასა,
Line: 30    მაბრალობელ ურთიერთას და ბრალთა ჩუენთა არა
Line: 31    განმმართლებელ, არამედ აწ გევედრები, ნუმცა ოდენ თავთა
Line: 32    ჩუენთა ვაბრალობთ, არამედ საქმენიცა სათნოებათანი მო\ვიგნეთ,
Page: I-127   Line: 1    რაჲთა ცხორებაჲ ჩუენი სადიდებელად ღმრთისა იყოს
Line: 2    და საუკუნოჲ დიდებაჲ ვპოვოთ, რომელსა ღირსმცა ვართ
Line: 3    მიმთხუევად მადლითა და კაცთმოყუარებითა უფლისა ჩუენი\სა
Line: 4    იესუ ქრისტესითა, რომლისაჲ არს დიდებაჲ და სიმტკიცე
Line: 5    აწ და მარადის და უკუნითი უკუნისამდე, ამენ!



Next part


This text is part of the TITUS edition of Johannes Chrysostomus, Commentary on St. John.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.