TITUS
Johannes Chrysostomus, Commentary on St. John
Part No. 23
Previous part

Chapter: 23  
Line: 6  თავი კგ


Part: T  
Line: 7       სიტყუაჲ ესე: ესე ქმნა დასაბამად სასწაულთა იესუ
Line: 8    კანას გალილეჲსასა (2,11) Link to adisnt Link to cinant Link to giornt. Part: t   თარგმანი: ფრიად ისწრაფის
Line: 9    ეშმაკ მარადის წარწყმედად ჩუენდა. ამისთჳს ფრიადი მოს\წრაფებაჲ
Line: 10    გჳჴამს, რაჲთა არა პოვოს ჩუენ თანა ყოვლადვე
Line: 11    ადგილი, რაჲთა არა მცირედ-მცირედ ყოველივე ძალი თჳსი
Line: 12    ჩუენ შორის დაამკჳდროს, რამეთუ ბოროტ არს და უგუნუ\რება,
Line: 13    უკუეთუ იგი ესრეთ ისწრაფდეს წარწყმედად ჩუენდა
Line: 14    და ჩუენ არა ვიღუწიდეთ ცხორებისათჳს სულთა ჩუენთაჲსა.
Line: 15    ხოლო ესე სიტყუანი ამისთჳს ვთქუენი, რამეთუ მეშინის,
Line: 16    ნუუკუე შორის სამწყსოსა აღიტაცოს მგელმან ცხოვარი და
Line: 17    წარიღოს უდბებითა ჩუენითა, რამეთუ უხილავ არს წყლულე\ბაჲ
Line: 18    სულისაჲ და არავინ იცის კაცისაჲ, გარნა სულმან მისმან.
Line: 19    და ამისთჳს სიტყუაჲ ჩემი ყოველთა მიმართ არს, ხოლო თი\თოეულმან,
Line: 20    ვითარცა ენებოს, მიიღენ. რამეთუ მე არა უწყი,
Line: 21    რომელი არს სნეულ, ანუ რომელი არს მრთელ, ამისთჳს
Line: 22    ვიტყჳ მრავალსახეთა სიტყუათა, ოდესმე ანგაჰრებისათჳს, და
Line: 23    კუალად ნაყროვანებისათჳს და მერმე სიძვისათჳს, და კუა\ლად
Line: 24    მოწყალებისათჳს, რაჲთა ესრეთ თითოეულმან, რო\მელიცა
Line: 25    ენებოს, წამალი მიიღოს, რამეთუ მეშინის,
Line: 26    ნუუკუე ერთისა რაჲსმე ვნებისა კურნებასა ვიქმოდი
Line: 27    მარადის და უცნაურად სხუამან ვნებამან მოაკუდი\ნოს
Line: 28    ვინმე. ამისთჳს თჳთოსახეთა სიტყუათა ვიტყჳ, რაჲთა
Line: 29    განსწმიდნეთ თავნი თქუენნი ყოვლისაგან ვნებისა და ესრეთ
Line: 30    ისმინნეთ სიტყუანი საღმრთონი, რომელნი-ესე დღესაცა
Line: 31    აღმოვიკითხენით.

Part: s  
Line: 32       სახარებაჲ: "ესე ქმნა დასაბამად სასწაულთა იესუ
Line: 33    კანას გალილეაჲსასა" (2,11) Link to adisnt Link to cinant Link to giornt. Part: t   თარგმანი: ვიეთნიმე იტყჳან,
Page: I-154   Line: 1    ვითარმედ: არა იგი იყო დასაბამი სასწაულთა მისთაჲო, არა\მედ
Line: 2    კანას ოდენ გალილეაჲსასა იყო დასაბამ სასწაულთა, ვი\თარცა
Line: 3    იტყჳს, ვითარმედ: "ესე იყო დასაბამი კანას გალილეაჲ\სასა".
Line: 4    ხოლო ამისთჳს არცა ვიცილობი, არამედ ამას დავამტ\კიცებ,
Line: 5    ვითარმედ პირველ ნათლის-ღებისა სასწაული არა
Line: 6    უქმნიეს, არამედ შემდგომად ნათლის-ღებისა იწყო ქმნად
Line: 7    სასწაულთა.

Part: s  
Line: 8       სახარებაჲ: "და გამოაცხადა დიდებაჲ თჳსი" (2,11) Link to adisnt Link to cinant Link to giornt .
Part: t  
Line: 9    თარგმანი: გამოაცხადა დიდებაჲ თჳსი, რაოდენ-იგი
Line: 10    მისგან ჯერ-იყო, უკუეთუ კულა ჰურიათა არა ჰრწმენა, ესე
Line: 11    მათისა უკეთურებისა სახჱ არს, გარნა მოწაფეთა მისთა
Line: 12    ჰრწმენა, რამეთუ მუნ ჯერ-იყო ქმნაჲ სასწაულისაჲ, სადა
Line: 13    სარწმუნოებად მოვიდოდეს მოწაფენი, გინა სხუანი ვინმე.

Part: s  
Line: 14       სახარებაჲ: "ამისა შემდგომად შთავიდეს კაფარნაუმდ
Line: 15    იგი და დედაჲ მისი და ძმანი მისნი, და მოწაფენი მის თანა,
Line: 16    და მუნ დაადგრა არა მრავალ დღე. და მოახლებულ იყო
Line: 17    პასექი ჰურიათაჲ. და აღვიდა იერუსალჱმდ და პოვა ტაძარსა
Line: 18    მას შინა მოფარდული ზროხათა და ცხოვართა და ტრედთაჲ,
Line: 19    და მეკერმენი მსხდომარენი, და შექმნა შოლტი საბლისაჲ და
Line: 20    ყოველი გამოასხა ტაძრისაგან" (2,12-15) Link to adisnt Link to cinant Link to giornt. Part: t   თარგმანი:
Line: 21    შთავიდა დედისა თჳსისა თანა კაფარნაუმდ და დაადგრა მუნ
Line: 22    მცირედ ჟამ პატივისათჳს მისისა და ესრეთ აღვიდა იერუ\სალჱმდ
Line: 23    და ქმნა მუნ საქმჱ იგი საკჳრველი და სავსე ფრია\დითა
Line: 24    ჴელმწიფებითა, რამეთუ მოფარდულნი იგი ზროხათა
Line: 25    და ცხოვართანი და მეკერმენი ყოველნი განასხნა და ჰრქუა
Line: 26    მათ: "ნუ ჰყოფთ სახლსა მამისა ჩემისასა სახლ სავაჭრო".
Line: 27    ხოლო სხუაჲ მახარებელი იტყჳს, ვითარმედ: "განასხმიდა
Line: 28    და ეტყოდა: "ნუ ჰყოფთ სახლსა მამისა ჩემისასა ქუაბ ავა\ზაკთა";
Line: 29    ხოლო არა თუ ურთიერთას წინააღუდგებიან მახა\რებელნი,
Line: 30    _ ნუ იყოფინ! _ არამედ გამოაჩინებენ, ვითარ\მედ
Line: 31    ორგზის ქმნა საქმჱ იგი და არა ერთსა ჟამსა, არამედ ესე
Line: 32    შემდგომად ნათლის-ღებისა იყო მცირედითა ჟამითა, ხოლო
Line: 33    იგი ჟამსა ვნებისასა მიახლებულად. ხოლო რაჲსათჳს ქმნა
Page: I-155   Line: 1    ესე ქრისტემან, რომელი ესრეთ რისხვით მოუჴდა მათ
Line: 2    და შოლტითა განასხნა, რომელ-ესე არაოდეს უქმნიეს, რა\ჟამს-იგი
Line: 3    აგინებდიან და ჰგმობდიან? გარნა ვინაჲთგან შა\ბათსა
Line: 4    შინა ეგულებოდა სასწაულისა ქმნაჲ და სხუათა მრა\ვალთა
Line: 5    ესევითართა აღსრულებაჲ, რომელნი მათ მიერ შჯუ\ლისა
Line: 6    გარდასლვად შერაცხილ იყვნეს, და რაჲთა არავის
Line: 7    აქუნდეს სიტყუაჲ, ვითარმედ წინააღმდგომ არს მამისა და
Line: 8    შჯულისა დამჴსნელ; ამისთჳს ქმნა ესე, რამეთუ ვითარმცა
Line: 9    ეგებოდა, თუმცა რომელმან-იგი ტაძრისათჳს ესეოდენი
Line: 10    შური აჩუენა და თაძრისა მის მეუფისამცა, რომელი მას შინა
Line: 11    იმსახურებოდა, მისამცა წინააღმდგომ იყო? რამეთუ პირველ\ნიცა
Line: 12    იგი ჟამნი, რომელნი შჯულიერად დაყვნა, კმა იყვნეს
Line: 13    გამოჩინებად, ვითარმედ არა წინააღმდგომი არს და დამჴსნე\ლი
Line: 14    შჯულისაჲ, არამედ, ვინაჲთგან იგი ყოველთა დავიწყებად
Line: 15    იყო, ამისთჳს ქმნა ესეცა წინაშე ყოვლისა მის სიმრავლისა,
Line: 16    რომელი შემოკრებულ იყო დღესასწაულსა, რაჲთა იხილონ
Line: 17    ყოველთა, ვითარმედ მეძიებელი არს პატივისა ღმრთისაჲ, და
Line: 18    რამეთუ ყოველსავე აღირჩევდა მოწევნად მის ზედა პატი\ვისათჳს
Line: 19    სახლისა მის, ხოლო არა თუ საქმით ოდენ, არამედ
Line: 20    სიტყჳთაცა გამოაჩინა ერთობაჲ მისი ღმრთისა თანა. და რამე\თუ
Line: 21    არა თქუა, თუ: "სახლსა წმიდასა", არამედ "სახლსა მა\მისა
Line: 22    ჩემისასა". აჰა, ესერა, მამადცა უწოდა, და არა
Line: 23    განრისხნეს, რამეთუ ჰგონებდეს, ვითარმედ ესრეთ ლიტო\ნად
Line: 24    იტყჳს, ხოლო ვინაითგან იწყო დამტკიცებად სიტყუასა
Line: 25    მას, მერმე შეუჴდა მათ შური, ხოლო აწ ჰრქუეს მას, ვითარ\მედ:
Line: 26    "რასა სასწაულსა გჳჩუენებ?" ჵ უგულისხმოებაჲ! რა\მეთუ
Line: 27    სასწაულსა ეძიებდეს დაცხრომად ბოროტისა მის საქ\მისა
Line: 28    და ფრიადი იგი შური კეთილისაჲ არა აქუნდა სახედ
Line: 29    მისისა დიდებულებისა და სათნოებისა, ხოლო მოწაფეთა
Line: 30    მისთა, რომელნი სულისა სიკეთით და სიწრფოებითა სავსე
Line: 31    იყვნეს, მათ მოიჴსენეს წერილისაჲ, რომელი იტყჳს, ვითარ\მედ:
Line: 32    "შურმან სახლისა შენისამან შემჭამა მე", არამედ მათ
Line: 33    არა მოიჴსენეს წინაჲსწარმეტყუელებაჲ იგი და ეტყოდეს:
Line: 34    "რასა სასწაულსა მიჩუენებ ჩუენ?" რამეთუ მწუხარე
Page: I-156   Line: 1    იქმნნეს, რომელ ანგაჰრებისა მათისა მიზეზი დაჴსნად ენება,
Line: 2    რაჲთამცა სიტყუათა მათთა მიერ დააყენნეს იგინი. ამისთჳსცა
Line: 3    უფალმან არა მისცა მათ სასწაული, ვითარცა-იგი პირველ,
Line: 4    რაჟამს ითხოვდეს სასწაულსა. და უფალმან ჰრქუა მათ, ვი\თარმედ:
Line: 5    "ნათესავი ბოროტი და მემრუშჱ სასწაულსა ეძიებს,
Line: 6    და სასწაული არა ეცეს მას, გარნა სასწაული იონა წინაჲს\წარმეტყუელისაჲ".
Line: 7    და მაშინ ცხადად ჰრქუა მათ სიტყუაჲ
Line: 8    იგი, ხოლო აქა იგავითრე. და ამას იქმს მათისა მის უკუანა\ჲსკნელისა
Line: 9    უგულისხმოებისათჳს, რამეთუ ხედვიდა სიბო\როტესა
Line: 10    გონებისა მათისასა, თუ არა, უკუეთუმცა არა ესრეთ
Line: 11    იყო, არცამცა დააყენა ჩუენებად სასწაული, რომელი-იგი
Line: 12    თჳნიერ მათისა თხოვისა მრავალგზის იქმნ სასწაულთა; ხოლო
Line: 13    აქა, ვინაჲთგან იხილა უკეთურებაჲ მათი, ამისთჳს ჰრქუა
Line: 14    მხედველმან მან გონებათამან:

Part: s  
Line: 15       სახარებაჲ: "დაჰჴსენით ტაძარი ესე და მესამესა
Line: 16    დღესა აღვადგინო" (2,19) Link to adisnt Link to cinant Link to giornt. Part: t   თარგმანი: მრავალსა იტყჳს
Line: 17    ესევითარსა, რომელი მაშინდელთა მათ არა საცნაურ იყო,
Line: 18    ხოლო შემდგომთა მათ გამოეცხადა. და რაჲსათჳს უკუე ჰყოფ\სა
Line: 19    ამას? რაჲთა გამოჩნდეს, ვითარმედ პირველითგანვე იცოდა
Line: 20    ყოველი ყოფადი, ვითარცა-ესე ამას წინაჲსწარმეტყუელე\ბასა
Line: 21    ზედა იქმნა, და შემდგომად აღდგომისა მისისა მოეჴსენა
Line: 22    მოწაფეთა სიტყუაჲ იგი, რომელი ჰრქუა მათ იესუ, ხოლო
Line: 23    რომელნიმე მაშინ განკჳრვებულ იყვნეს სიტყუასა მას ზედა,
Line: 24    და რომელნიმე აცილობდეს, და იტყოდეს:

Part: s  
Line: 25       სახარებაჲ: "ორმოცდაექუსსა წელ აღეშენა ტაძარი
Line: 26    ესე და შენ სამსა დღესა შინა აღაშენთა ეგე?" (2,20) Link to adisnt Link to cinant Link to giornt. Part: t   თარ\გმანი:
Line: 27    ორმოცდაექუსსა წელსა უკანაჲსკნელისა მის აღშე\ნებისათჳს
Line: 28    იტყოდეს, რამეთუ პირველ ოც წელ სრულ იქმნა.
Line: 29    ხოლო უფალმან რაჲსათჳს არა აჴსენა იგავი იგი და თქუა,
Line: 30    ვითარმედ: "ჴორცთა ჩემთათჳს ვიტყჳ და არა ტაძრისათჳს",
Line: 31    არამედ დაიდუმა? რამეთუ იცოდა, ვითარმედ არა შეიწყნა\რებდეს
Line: 32    სიტყუასა მას ურწმუნოებისა მათისაგან, რამეთუ,
Line: 33    ერთად, აღდგომაჲ ურწმუნოდ აქუნდა, და მერმე, ესეცა არავე
Line: 34    ჰრწმენა, თუ ღმერთ არს იგი, რომელ-ესე ორივე მოასწავა
Page: I-157   Line: 1    უფალმან ერთითა მით სიტყჳთა, რომელ თქუა, ვითარმედ:
Line: 2    "დაჰჴსენით ტაძარი ესე, და მესამესა დღესა აღვაშენო ესე".
Line: 3    რამეთუ ითხოვეს რაჲ მათ სასწაული, ესე ჰრქუა მათ უფალ\მან
Line: 4    ამისთჳს, რამეთუ არარაჲ იყო სხუაჲ ესრეთ გამომაჩინე\ბელ,
Line: 5    ვითარმედ არა ლიტონი კაცი არს, ვითარ ესე, რომელ
Line: 6    სიკუდილსა ესრეთ მძლე ექმნა და მძლავრებაჲ მისი და მძიმე
Line: 7    ბრძოლაჲ მისი ესრეთ კეთილად დაჰჴსნა. ამისთჳს იტყჳს,
Line: 8    ვითარმედ: რაჟამს აღამაღლოთ ძჱ კაცისაჲ, მაშინ სცნათ, ვი\თარმედ
Line: 9    მე ვარ, რაჟამს-იგი აღვდგე და ყოველი სოფელი
Line: 10    ჩემდა მოვიზიდო, მაშინ სცნათ, ვითარმედ ამას ყოველსა,
Line: 11    ვითარცა ღმერთი და ძჱ ღმრთისაჲ მხოლოდშობილი ვიქმოდე,
Line: 12    ხოლო იგინი სავსე იყვნენ უკეთურებითა, ამისთჳსცა რო\მელთამე
Line: 13    სიტყუათა უფლისათა ყოვლადვე არა ისმენდეს, და
Line: 14    რომელთამე ისმენდეს უკეთურითა გონებითა. ხოლო ესე სა\ძიებელ
Line: 15    არს, თუ ვითარ არა უწყოდეს მოწაფეთა, ვითარმედ
Line: 16    მკუდრეთით აღდგომაჲ ეგულებოდა, გარნა ჯერეთ მადლსა
Line: 17    სულისა წმიდისასა არღა ღირსქმნულ იქმნნეს. ამისთჳსცა ზედა\ჲსზედა
Line: 18    ესმოდეს სიტყუანი აღდგომისანი და ვერ გულისხმა\ჰყოფდეს
Line: 19    სიტყუათა მათ, არამედ იგონებდეს, თუ რაჲ არიან
Line: 20    სიტყუანი იგი; რამეთუ ფრიად საკჳრველ არს და უცხო სიტ\ყუად
Line: 21    აღდგინებაჲ თავისა თჳსისაჲ მკუდრეთით. ამისთჳსცა
Line: 22    პეტრესცა შეჰრისხნა, რამეთუ არღა იცოდა მან აღდგომისათჳს,
Line: 23    და ეტყოდა, ვითარმედ: "შენდობა იყავნ შენდა, უფალო".
Line: 24    ხოლო ქრისტემან არა გამოუცხადა პირველ აღდგომისა ძალი
Line: 25    სიტყჳსაჲ მის, რაჲთა არა ურწმუნო იქმნნენ ამისთჳს რამეთუ
Line: 26    საქმჱცა იგი ფრიად საკჳრველ იყო, და უფალსაცა ჯერეთ ვერ
Line: 27    ფრიად კეთილად იცნობდეს, თუ ვინ არს. ამისთჳს არა გამო\უცხადა,
Line: 28    ვიდრემდის საქმით აღესრულა სიტყუაჲ მისი, რამე\თუ
Line: 29    საქმით აღსრულებულსა სიტყუასა არავინ ურწმუნო იქმ\ნების,
Line: 30    ხოლო სიტყუასა ოდენ მრავალნი ურწმუნო იქმნებიან;
Line: 31    ამისთჳსცა, ვინაჲთგან სიტყუაჲ მისი საქმით აღესრულა, მაშინ
Line: 32    მისცა მათ გულისხმის-ყოფაჲ პირველთქმულთაჲ მათ სუ\ლისა
Line: 33    მიერ წმიდისა, ვითარცა იტყოდა, ვითარმედ: "მან გას\წაოს
Line: 34    და მოგაჴსენოს თქუენ ყოველი, რომელსაცა გეტყოდე
Page: I-158   Line: 1    თქუენ". რამეთუ რომელთა-იგი ღამესა მას შეპყრობისა
Line: 2    მისისასა დაუტევეს და ივლტოდეს, ვითარმცა მოიჴსენნეს ყო\ველთა
Line: 3    მათ ჟამთა ქმნულნი და თქუმულნი, უკუეთუმცა არა
Line: 4    სული წმიდაჲ მოაჴსენებდა მათ, რომელ-იგი მოსცა მათ
Line: 5    ღმერთმან, და მათ შეიწყნარეს თჳსისა სათნოებისა სიკეთითა?
Line: 6    რამეთუ პირველად მადლისა მიერ ღმრთისა იქმნა მათ ზედა
Line: 7    მოსლვაჲ სულისა წმიდისაჲ ესრეთ მდიდრად და დიდებულად,
Line: 8    ხოლო დამჭირვაჲ მადლისაჲ მის მათისა სათნოებისა მიერ
Line: 9    იქმნა, რამეთუ მოქალაქობაჲ აჩუენეს ბრწყინვალჱ და შრო\მანი
Line: 10    დიდნი, და შეურაცხ-ყვეს ცხორებაჲ ესე წარმავალი და
Line: 11    კაცობრივსა არარას მიჰხედნეს, არამედ უზეშთაეს იქმნეს მის
Line: 12    ყოვლისა და, ვითარცა ფრთოსანი, ზეცად აღფრინდეს,
Line: 13    ამისთჳსცა მიუწუდომელად აქუნდა მადლი სულისა წმიდისაჲ.



Part: S23  
Line: 14  სწავლაჲ კგ

Line: 15  მოწყალებისათჳს


Line: 16       მათ უკუე ვჰბაძვიდეთ ჩუენცა და ნუმცა დავჰშრეტთ ლამ\პართა
Line: 17    ჩუენთა, არამედ დავიცვნეთ იგინი ბრწყინვალედ მოწ\ყალებისა
Line: 18    მიერ, რამეთუ ამის ცეცხლისა ნათელი უშრეტ არს.
Line: 19    შევკრიბოთ ჭურჭელთა ჩუენთა ზეთი, ვიდრეღა აქა ვართ,
Line: 20    რამეთუ მუნ არა არს სავაჭროჲ, არცა ვინ მიიღოს სხჳსა ვის\გან,
Line: 21    გარნა ჴელთაგან გლახაკთაჲსა. შევკრიბოთ უკუე აქავე
Line: 22    მდიდრად, უკუეთუ გუნებავს სიძისა მის თანა შესლვაჲ და
Line: 23    არა გარე დაშთომაჲ, რამეთუ დაღაცათუ ბევრეული სათნო\ებაჲ
Line: 24    წარვჰმართოთ, თჳნიერ მოწყალებისა ვერ შევიდეთ სა\სუფეველსა,
Line: 25    არამედ მოვიგოთ იგი მოსწრაფედ, რაჲთა საუ\კუნეთა
Line: 26    კეთილთა ღირს ვიქმნნეთ მადლითა და კაცთმოყუა\რებითა
Line: 27    უფლისა ჩუენისა იესუ ქრისტესითა, რომლისა თანა
Line: 28    მამასა ჰშუენის დიდებაჲ სულით წმიდითურთ აწ და მარადის
Line: 29    და უკუნითი უკუნისამდე, ამენ.



Page: I-159  
Next part


This text is part of the TITUS edition of Johannes Chrysostomus, Commentary on St. John.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.