TITUS
Johannes Chrysostomus, Commentary on St. John
Part No. 24
Previous part

Chapter: 24  
Line: 1  თავი კდ


Part: T  
Line: 2       სიტყუაჲ ესე: და ვითარცა იყო იერუსალჱმს, პა\სექსა
Line: 3    მას დღესასწაულისასა, მრავალთა ჰრწმენა მისი (2,23) Link to adisnt Link to cinant Link to giornt .
Part: t  
Line: 4    თარგმანი: მაშინდელნი იგი კაცნი რომელნიმე საცთურ\სა
Line: 5    მიქცეულ იყვნეს, და რომელნიმე ჭეშმარიტებასა უსმენ\დეს,
Line: 6    და მათგანნი რომელნიმე მოიქცეოდეს და კუალად დაე\ცემოდეს,
Line: 7    რომელნიცა ქრისტემან თჳთოსახესა ქუეყანასა მი\ამსგავსნა:
Line: 8    რომელნიმე _ კლდოვანსა, და რომელნიმე _ ეკ\ლოვანსა
Line: 9    და რომელნიმე _ კეთილსა ქუეყანასა. და ამას მო\ასწავებს
Line: 10    მახარებელი და იტყჳს, ვითარმედ: "რაჟამს იყო
Line: 11    იერუსალჱმს, მრავალთა ჰრწმენა მისი, ჰხედვიდეს რაჲ სას\წაულთა
Line: 12    მისთა, რომელთა იქმოდა". ხოლო თჳთ იესუ არა
Line: 13    არწმუნებდა მათ თავსა თჳსსა, რამეთუ მოწაფენი ჭეშმარიტნი
Line: 14    იგინი იყვნეს, რომელნი არა სასწაულთაგან, არამედ სწავლისა
Line: 15    მიერ მოიქცეოდეს და შეუდგეს მას, ხოლო ზრქელთარე სას\წაული
Line: 16    მოაქცევენ და გულისხმისმყოფელთარე _ სწავლანი,
Line: 17    და რომელნიცა სწავლისა მიერ მოიქცეს, იგინი სასწაულთა
Line: 18    მიერ უმეტესად განმტკიცნებოდეს, რომელთაცა ჰნატრიდა
Line: 19    ქრისტე, ვითარმედ: "ნეტარ არიან, რომელთა არა უხილავ და
Line: 20    ვჰრწმენე". ხოლო იგინი, რომელთა აწ ჰრწმენა, არა ფრიად
Line: 21    ჭეშმარიტნი იყვნეს. ამისთჳსცა უფალმან, რომელმანცა ყოვე\ლივე
Line: 22    იცოდა, არა არწმუნა მათ თავი თჳსი, რამეთუ არა უჴმდა
Line: 23    მას წამებაჲ კაცისაგან, არამედ ყოველივე თჳთ იცოდა და
Line: 24    გულთა მათთა ჰხედვიდა. ამისთჳსცა არა ჰრწმენნეს სიტყუანი
Line: 25    მათნი, და ამისთჳს არა მიანდობდა თავსა თჳსსა, ვითარცა
Line: 26    მტკიცეთა ვიეთმე, რამეთუ რწმუნებაჲ სიტყუათაჲ კაცისაჲ
Line: 27    არს, ხოლო ხედვაჲ გულთაჲ მხოლოჲსა ღმრთისაჲ არს, რო\მელმან
Line: 28    დაჰბადნა გულნი, რამეთუ იტყჳს წინაჲსწარმეტყუე\ლი:
Line: 29    "შენ უწყნი გულნი მხოლომან". არა უჴმდეს უკუე მას
Line: 30    მოწამენი, რაჲთამცა ცნნა გულნი მის მიერ დაბადებულთანი,
Line: 31    რომელმან-იგი იცნის ყოველნი მომავალნი და უხილავნი, და
Line: 32    მათცა ადვილად შეცვალებაჲ ბოროტისა მიმართ იცოდა და
Line: 33    ამისთჳს არა არწმუნებდა მათ თავსა თჳსსა.

Part: s  
Line: 34       სახარებაჲ: იყო ვინმე კაცი ფარისეველთაგანი, ნი\კოდემოს
Page: I-160   Line: 1    სახელი მისი, მთავარი ჰურიათაჲ ესე მოვიდა მისა
Line: 2    ღამე (3,1-2) Link to adisnt Link to cinant Link to giornt. Part: t   თარგმანი: ესე შორისცა სახარებასა ჩანს,
Line: 3    ვითარმედ იღუწიდა ქრისტესათჳის, რამეთუ ეტყოდა მათ, ვი\თარმედ:
Line: 4    "შჯული ჩუენი არავის შჯის, უკუეთუ არა პირველად
Line: 5    ისმინოს მისგან". და კუალად ჟამსა ვნებისასა ფრიადი მო\ღუაწებაჲ
Line: 6    აჩუენა, რამეთუ მოვიდა ღამით ნიკოდემოსცა და
Line: 7    მოიღო მური და ალოჲ ასი ლიტრაჲ. და აწცა ქრისტეს მიმართ
Line: 8    აქუნდა სარწმუნოებაჲ, არამედ არა ვითარცა ჯერ-არს, ამისთჳ\სცა
Line: 9    ღამით მოვიდა მისა, რამეთუ დღისი ეშინოდა, არამედ
Line: 10    კაცთმოყუარემან უფალმან არავე გარემიაქცია, არცა გა\მოაჴუა
Line: 11    თჳსისა სწავლისაგან, არამედ ასწავნა სწავლანი მა\ღალნი
Line: 12    და დიდნი. ხოლო ისმინე, რასა იტყჳს ნიკოდემოს:

Part: s  
Line: 13       სახარებაჲ: "რაბი, ვიცი, რამეთუ ღმრთისა მიერ
Line: 14    მოსრულ ხარ შენ მოძღურად, რამეთუ ვერვის ჴელ-ეწიფების
Line: 15    სასწაულთა ამათ საქმედ, რომელთა შენ იქმ, უკუეთუ არა
Line: 16    ღმერთი იყოს მის თანა" (3,2) Link to adisnt Link to cinant Link to giornt. Part: t   თარგმანი: ჯერეთ კა\ცობრივი
Line: 17    გულისსიტყუაჲ აქუნდა ნიკოდემოსს და, ვითარცა
Line: 18    წინაჲსწარმეტყუელსა ვისმე, ესრეთ ეტყოდა: "ვიცი, რამეთუ
Line: 19    ღმრთისა მიერ მოვლინებული ხარ მოძღუარად". არამედ
Line: 20    ქრისტემან არარაჲ ამხილა, თუ რად კაცობრივი გულის\სიტყუაჲ
Line: 21    გაქუს ჩემთჳს? რამეთუ თჳთ უფალი იტყჳს, ვითარ\მედ:
Line: 22    "არა მოვედ, რაჲთა დავსაჯო სოფელი, არამედ რაჲთა
Line: 23    ვაცხონო სოფელი". და ვითარცა მრავალგზის მითქუამს,
Line: 24    ღმრთისა მიერ მოვლინებული ხარ მოძღურად". არამედ
Line: 25    რაჲთამცა მრავალნი აცხოვნნა და დაარწმუნა ყოველთა, ვი\თარმედ
Line: 26    არარას იქმს წინააღმდგომსა მამისასა. ამისთჳსცა
Line: 27    მრავალგზის სიმდაბლით იტყჳს უფალი, ხოლო საქმით, რა\ჟამს
Line: 28    იქმნ სასწაულთა, გამოაჩინებნ მუნ თჳსსა ჴელმწიფებასა,
Line: 29    ვითარცა-იგი რაჟამს ჰრქუა კეთროვანსა: "მნებავს, განწმ\დი!"
Line: 30    და: "ჭაბუკო, აღდეგ!" და "მიგიტევნენ შენ ცოდვანი
Line: 31    შენნი!" და "აღიღე ცხედარი შენი და ვიდოდე!" და "შენ
Page: I-161   Line: 1    გეტყჳ, ეშმაკო, განვედ!" და ვითარმედ: "იყავნ შენდა, ვი\თარცა
Line: 2    გნებავს!" და: "დღეს ჩემ თანა იყო სამოთხესა". და
Line: 3    ყოვლისაგანვე ვხედავთ ჴელმწიფებასა მისსა, რამეთუ საქ\მეთათჳს
Line: 4    არვის აქუნდა სიტყუაჲ, ხოლო სიტყუათათჳს მრა\ვალნი
Line: 5    დაჰბრკოლდიან, უგუნურნი იგი, და იტყოდიან, ვი\თარმედ:
Line: 6    "ზუაობით იტყჳს". ამისთჳსცა ნიკოდემოსს ცხადად
Line: 7    მაღალსა სიტყუასა არა ეტყჳს, არამედ იგავით ასწავებს
Line: 8    თჳსსა ძალსა, ვითარმედ შემძლებელ არს თავით თჳსით ქმნად
Line: 9    სასწაულთა თჳნიერ ყოვლისა შემწისა, რამეთუ მამამან სრული
Line: 10    შვა იგი და არარაჲთ ნაკლულევანი. და იხილეთ, ვითარ ეტყჳს
Line: 11    მას, რამეთუ ვინაჲთგან ნიკოდემოს თქუა, ვითარმედ: "რაბი,
Line: 12    ვიცი, რამეთუ ღმრთისა მიერ მოსრულ ხარ მოძღურად, რა\მეთუ
Line: 13    ვერვის ჴელ-ეწიფების სასწაულთა ამათ საქმედ, რო\მელთა
Line: 14    შენ იქმ, უკუეთუ არა ღმერთი იყოს მის თანა", და
Line: 15    ჰგონებდა, ვითარმედ დიდად მიქიეს და მიდიდებიეს ქრისტჱ
Line: 16    ამათ სიტყუათა მიერ, ხოლო უფალსა ენება, რაჲთამცა უჩუ\ენა,
Line: 17    ვითარმედ ჯერეთ კარსაცა არა შესრულ არს მისისა
Line: 18    გულისხმა-ყოფისასა და ვითარმედ შორს არს სასუფეველისა\გან
Line: 19    ყოველი, რომელი მისთჳს ესევითართა სიტყუათა იგო\ნებდეს,
Line: 20    ამისთჳსცა ჰრქუა მას:

Part: s  
Line: 21       სახარებაჲ: "ამენ გეტყჳ შენ: `უკუეთუ ვინმე არა
Line: 22    იშვეს მეორედ, ვერ ჴელ-ეწიფების ხილვად სასუფეველი
Line: 23    ღმრთისაჲ'" (3,3) Link to adisnt Link to cinant Link to giornt. Part: t   თარგმანი: ესე იგი არს: უკუეთუ შენ
Line: 24    არა მოიღო შობაჲ იგი სულიერი და ზეცისა გულისხმის\ყოფაჲ,
Line: 25    და ზეცით მოიღო სწავლაჲ სარწმუნოებისაჲ, გარე
Line: 26    ხარ სასუფეველსა ცათასა. გარნა ესრეთ ცხადად არა ჰრქუა,
Line: 27    არამედ, რაჲთა უტკივარ-ყოს სიტყუაჲ იგი, ამისთჳს თქუა,
Line: 28    ვითარმედ: "უკუეთუ ვინმე, _ ესე იგი არს, ვითარ\მედ
Line: 29    გინა თუ შენ, გინა თუ სხუაჲ ვინ იყოს, _ და ჩემთჳს
Line: 30    ესევითარი უძლური და კაცობრივი სიტყუაჲ აქუნდეს და
Line: 31    იტყოდის, ვითარმედ: "უკუეთუ ღმერთი არამცა იყო შენ
Line: 32    თანა, ვერ იქმ სასწაულთა", დაარა უწყოდის, ვითარმედ მე
Line: 33    ვარ თჳთ ღმერთი და არავის მიერ მიჴმს შეწევნაჲ, ესევითარი
Page: I-162   Line: 1    იგი ვერ ღირს იქმნეს სასუფეველსა ცათასა, არამედ ჰურიათა,
Line: 2    უკუეთუმცა ასმიოდა სიტყუაჲ იგი, განეცინნესმცა. გარნა ამან
Line: 3    გამოაჩინა თჳსი სწავლისმოყუარებაჲ. ამისთჳსცა ქრისტემან
Line: 4    უწყოდა მისი სწავლისმოყუარებაჲ და იგავით ჰრქუა, რაჲთა
Line: 5    აღძრას იგი კითხვად და ძიებად სიტყჳსა მის, რამეთუ ყოვე\ლი
Line: 6    დაფარული მოსწრაფეთა გამოძიებად მოიყვანებს. ხოლო
Line: 7    სიტყუაჲ ესე, რომელსა იტყჳს, ესევითარი არს, ვითარმედ:
Line: 8    უკუეთუ არა იშვე მეორედ შობითა მით ზეცისაჲთა და მიიღო
Line: 9    სული იგი მეორედ შობისაჲ, ვერ ძალ-გიც ჩემთჳს რაჲსმე
Line: 10    ღირსად გულისხმის-ყოფად, რამეთუ, რომელსა აწ იტყჳ, ეგე
Line: 11    გულისსიტყუაჲ არა სულიერი არს, არამედ მშუმინვიერი, და,
Line: 12    რომელი არა ესრეთ შობილ იყოს, ვერ იხილოს მან სასუფე\ველი
Line: 13    ღმრთისაჲ; ხოლო სასუფეველად თჳსსაცა თავსა მოას\წავებდა,
Line: 14    ვითარმედ: "უკუეთუ ესრეთ არა იყო, ვერ მიხილო,
Line: 15    ვითარცა ჯერ-არს". ესე რაჲ ესმა ნიკოდემოსს, ჰრქუა მას:

Part: s  
Line: 16       სახარებაჲ: "ვითარ ჴელ-ეწიფების კაცსა ბერსა შო\ბად?
Part: t  
Line: 17    თარგმანი: რაბით უწოდ მას და ღმრთისა
Line: 18    მიერ მოსრულად და არა გრწამსა სიტყუაჲ მისი?
Line: 19    არამედ ურწმუნოებისა ამას სახესა და სიტყუასა შემოიღებ
Line: 20    შორის, რამეთუ სიტყუა ესე, თუ: "ვითარ?" ურწმუნო\თაჲ
Line: 21    არს. იხილე ნიკოდემოს ვითარ შეშფოთნა, რამეთუ გუ\ლისხმა-ყო,
Line: 22    ვითარმედ მისა მიმართ იყო სიტყუაჲ იგი და
Line: 23    დაუკჳრდა და შეძრწუნდა, რამეთუ მისრულ იყო, ვითარცა
Line: 24    კაცისა მიმართ, და ესმოდა ყოველივე უზეშთაესი კაცთაჲსაჲ
Line: 25    და ვერ ძალ-ედვა გულისხმის-ყოფად სიტყუათა მათ. ამისთჳს
Line: 26    იტყჳს, ვითარმედ: "შეუძლებელ არს", რაჲთამცა მოიყვანა
Line: 27    იესუ სწავლად მისა უსრულესადრე და იტყჳს:

Part: s  
Line: 28       სახარებაჲ: "ნუუკუე შესაძლებელ არს მუცელსა დე\დისასა
Line: 29    შესლვად და მეორედ შობად?" (3,4) Link to adisnt Link to cinant Link to giornt. Part: t   თარგმანი:
Line: 30    ჰხედავა, ვითარ, რაჟამს სულიერთა ვინ სიტყუათა ჴორციე\ლად
Line: 31    და კაცობრივთა საქმეთაებრ გულისხმა-ჰყოფდეს, სა\კიცხელ
Line: 32    და ტყუვილ-უჩნს, რაჟამს თჳსთა საქმეთა გამოიწუ\ლილვიდეს,
Line: 33    და არა სარწმუნოებით შეიწყნარებდეს გამოუ\წულილველად,
Line: 34    რამეთუ ესმა ნიკოდემოსს შობაჲ და ვერ
Line: 35    გულისხმა-ყო, თუ სულიერსა შობასა იტყჳს, არამედ დიდი
Line: 36    იგი და მაღალი სიტყუაჲ ჴორციელსა სიმდაბლესა შინა შთა\მოიყვანა
Page: I-163   Line: 1    და ამისთჳს საკიცხელ-უჩნდა სიტყუაჲ იგი. ამისთჳს
Line: 2    იტყჳს პავლე, ვითარმედ: "მშუმინვიერი კაცი ვერას შეიწყ\ნარებს
Line: 3    სულიერსა", გარნა ამან ამასცა ზედა დაიცვა პატივი
Line: 4    ქრისტესი და არა განაგდო სიტყუაჲ იგი, არამედ თქუა, ვი\თარმედ:
Line: 5    "ვითარ შესაძლებელ არს?" და დაიდუმა, რამეთუ
Line: 6    ორი იყო წინააღმდგომი: ერთად, შობაჲ ესევითარი, და კუა\ლად,
Line: 7    სასუფეველი, რამეთუ არცაღა სასუფეველი იცოდეს
Line: 8    ჰურიათა და ამისთჳს უკჳრდა მას საქმჱ იგი.



Part: S24  
Line: 9  სწავლაჲ კდ

Line: 10  რაჲთა არა გამოვიწულილვიდეთ საქმეთა ღმრთისათა,
Line: 11  არამედ ოდენ გურწმენეს, და სათნოდ ცხორებისათჳს


Line: 12       ხოლო ჩუენ ნუმცა კაცობრივთა გულისსიტყუათა გამოვე\ძიებთ
Line: 13    საქმეთა ღმრთისათა, არამედ ყოველსავე შევიწყნარებ\დეთ
Line: 14    შეუორგულებელად, რამეთუ გამომწულილველი ირგებს
Line: 15    ვერარას, არამედ ოდენ სულსა ზედა თჳსსა საშჯელსა მოაწევს,
Line: 16    და საძიებელსა მას ვერ ჰპოებს; რამეთუ გესმეს შენ "შობაჲ".
Line: 17    ნუ იტყჳ, თუ: "ვითარ იშვა?" ნუცა ურწმუნო იქმნები, არა\მედ
Line: 18    შეიწყნარე სარწმუნოებით, რამეთუ უკუეთუ ნიკოდემოს,
Line: 19    რომელ შობაჲ იგი სულიერი ვერ გულისხმა-ყო, იბრალა,
Line: 20    უკუე რომელნი საშინელსა მას და დაუსაბამოსა ძისა შობასა
Line: 21    უარ-ჰყოფენ, ვითარიმე საშჯელი მიიღონ? რამეთუ გონებაჲ
Line: 22    კაცთა ამპარტავანთაჲ ბნელ არს, არამედ ჩუენ ზეცით ვით\ხოვოთ
Line: 23    გულისხმის-ყოფაჲ, რაჲთა ესრეთ განათლებულ ვიყ\ვნეთ;
Line: 24    ხოლო ესე მაშინ მოგუეცეს, რაჟამს საქმენი კეთილნი
Line: 25    ვაჩუენნეთ, რამეთუ ბოროტნი საქმენიცა დააბნელებენ გო\ნებასა
Line: 26    და სული ვნებული ვერარას შემძლებელ არს კეთილსა
Line: 27    გულისხმის-ყოფად, არამედ მარადის მრღჳე და ბნელ არს,
Line: 28    ხოლო ჩუენ განვიწმიდნეთ თავნი ჩუენნი, განვანათლნეთ გო\ნებანი
Line: 29    ჩუენნი, ნუმცა ვთესავთ ეკალთა ზედა, რომელ არიან
Line: 30    ზრუნვანი და საცთურნი ამის სოფლისანი, რამეთუ, ვითარცა
Page: I-164   Line: 1    ეკალნი მუშაკისა საძულელ არიან და ცეცხლისა მიერ ადვი\ლად
Line: 2    დასაწუეველ, ეგრეთვე ამის სოფლისა საქმენი; და ვი\თარცა
Line: 3    ეკალთა შინა გუელნი და იქედნენი და ყოველნი ქუე\წარმავალნი
Line: 4    დაემკჳდრებიან, ეგრეთვე საცთურსა შინა სოფ\ლისასა.
Line: 5    არამედ მოვიყვანოთ ცეცხლი იგი სულისა წმიდისაჲ,
Line: 6    რაჲთა ეკალნიცა იგი მოიწუნენ და მჴეცნი ვლტოლვილ იქმ\ნნენ
Line: 7    და ქუეყანაჲ ჩუენი წმიდა იქმნეს და შემწყნარებელ
Line: 8    საღმრთოთა თესლთა. დავჰნერგოთ ნაყოფიერი იგი ზეთისხი\ლი,
Line: 9    შინაური იგი ნერგი მარადის შუებული განმანათლებელი,
Line: 10    სიმართლისა მოქმედი, რომელ არს მოწყალებაჲ, რომელი მა\რადის
Line: 11    განანათლებს სულსა და გონებასა. უკუეთუ იგი გუა\ქუნდეს,
Line: 12    შეუძლოთ კადნიერებით სასძლოსა მასცა შესლვად
Line: 13    და სიძისა მის ხილვად მადლითა და კაცთმოყუარებითა უფ\ლისა
Line: 14    ჩუენისა იესუ ქრისტჱსითა, რომლისა თანა მამასა
Line: 15    ჰშუენის დიდებაჲ სულით წმიდითურთ აწ და მარადის და
Line: 16    უკუნითი უკუნისამდე, ამენ.



Next part


This text is part of the TITUS edition of Johannes Chrysostomus, Commentary on St. John.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.