TITUS
Johannes Chrysostomus, Commentary on St. John
Part No. 39
Previous part

Chapter: 39  
Line: 22  თავი ლთ


Part: T  
Line: 23       სიტყუაჲ ესე: მამაჲ არავის შჯის, და ყოველი
Line: 24    საშჯელი მოსცა ძესა, რაჲთა ყოველნი პატივ-სცემდენ ძესა,
Line: 25    ვითარცა-იგი პატივს-სცემენ მამასა (5,22-23) Link to adisnt Link to cinant Link to giornt. Part: t   თარგ\მანი:
Line: 26    ფრიადი მოსწრაფებაჲ გჳჴმს ჩუენ ყოველსავე ზედა,
Line: 27    საყუარელნო, რამეთუ სიტყუაჲ თანა-გუაც მიცემად სიტ\ყუათათჳსცა
Line: 28    და საქმეთა ცხორებასა მას, რომელსა მისლვად
Line: 29    ვართ, და საყდარსა, რომლისა წინაშე წარდგომად ვართ მო\გებად
Line: 30    საქმეთა ჩუენთაებრ, გინა თუ კეთილი გუექმნას, გინა
Line: 31    თუ ბოროტი. მას უკუე სამშჯავროსა ვიჴსენებდეთ მარადის
Line: 32    და ესრეთ შეუძლოთ ყოფად სათნოებასა შინა, რამეთუ ვი\თარცა
Line: 33    რომელმან დღჱ იგი სულისაგან თჳსისა აღმოიგდოს,
Line: 34    ვითარცა უაღჳროჲ, კლდეთა შინა და კაპანთა შთავარდების,
Page: I-252   Line: 1    რამეთუ წერილ არს, ვითარმედ: "ბილწ არიან გზანი მისნი ყო\ველსა
Line: 2    ჟამსა", და მერე მიზეზიცა თქუა მის საქმისაჲ, ვითარ\მედ:
Line: 3    "მიღებულ არიან სამართალნი შენნი პირისაგან მისისა".
Line: 4    ეგრეთვე, რომელსა მარადის შიში აქუნდეს, კეთილითა მოქა\ლაქობითა
Line: 5    იყოფვის, ვითარცა წერილ არს, ვითარმედ: "იჴ\სენებდი
Line: 6    აღსასრულსა შენსაო და უკუნისამდე არა სცოდო",
Line: 7    რამეთუ, რომელნი-იგი აწ ცოდვათა ჩუენთა შეგჳნდობს,
Line: 8    მას ეგულების შჯაჲ ჩუენი. რომელი ჩუენთჳს მოკუდა, იგი
Line: 9    არს, რომელმან განიკითხოს ბუნებაჲ ჩუენი. ამისთჳსცა
Line: 10    იტყოდა:

Part: s  
Line: 11       სახარებაჲ: "მამაჲ არავის შჯის, არამედ ყოველი საშ\ჯელი
Line: 12    მოსცა ძესა, რაჲთა ყოველნი პატივ-სცემდენ ძესა, ვი\თარცა-იგი
Line: 13    პატივ-სცემენ მამასა" (5,22-23) Link to adisnt Link to cinant Link to giornt. Part: t   თარგ\მანი:
Line: 14    რაჟამს თქუას, ვითარმედ: "ყოველი საშჯელი მოსცა
Line: 15    ძესა", ყოველსა იტყჳს, ვითარმედ უფალი არს პატივის\ცემისა
Line: 16    და ტანჯვისაჲ, რამეთუ იხილა ბუნებაჲ კაცთაჲ
Line: 17    უგულისხმო, და ვითარმედ არა ესრეთ მოდრკებიან კეთილისა
Line: 18    ქადებითა, ვითარ შიშითა ტანჯვისაჲთა. ამისთჳს მიუთხრა ესე,
Line: 19    რაჲთა ნუუკუე შიშმან მოიყვანნეს პატივად მისა. ხოლო
Line: 20    სიტყუაჲ ესე, ვითარმედ: "მოსცა", თქუმულ არს, რაჲთა არა
Line: 21    უშობელად შეჰრაცხო იგი, არცა ორნი მამანი მოიგონნე,
Line: 22    რამეთუ ყოველივე, რაჲცა არს მამაჲ, იგივე არს ძჱ, შობილი
Line: 23    და დადგრომილი ღმრთეებასა სინა ძედ. და რაჲთა სცნა, ვი\თარმედ
Line: 24    სიტყუაჲ ესე, თუ: "მოსცა", ამას მოასწავებს, ვი\თარმედ:
Line: 25    შვა. ისმინე სხუაჲ სიტყუაჲ, რაჲთა მისგან ესეცა
Line: 26    სცნა, რამეთუ იტყჳს, ვითარმედ: "ვითარცა იგი მამასა აქუს
Line: 27    ცხორებაჲ თავისა თჳსისა თანა, ეგრეთვე ძესა მოსცა, რაჲთა
Line: 28    ცხორებაჲ აქუნდეს თავის თჳსისა თანა". რაჲ არს უკუე
Part: T  
Line: 29    სიტყუაჲ ესე: პირველად შვა და მერმეღა მისცაა ცხორებაჲ?
Line: 30    რამეთუ რომელი მისცემდეს არსსა ვისმე, მისცემს; და რაჲ
Line: 31    არს, შობილ იყოა იგი ოდესმე თჳნიერ ცხორებისა? არამედ
Line: 32    ამას არცა თუ ეშმაკნი მოიგონებენ, რამეთუ უშჯულოებასა
Line: 33    თანა უგულისხმოებაჲცა ფრიადი აქუს, არამედ ვითარცა
Page: I-253   Line: 1    სიტყუაჲ იგი, თუ: "მოსცა ცხორებაჲ", ესე არს, ვითარმედ:
Line: 2    "შვა იგი". ეგრეთვე სიტყუაჲ ესე, თუ "მოსცა საშჯელი",
Line: 3    ესე არს, ვითარმედ მსაჯულად შვა იგი, რამეთუ იგი მოვალს
Line: 4    შჯად, რაჲთა სცნა, ვითარმედ ყოვლითურთ სწორ მამისა არს,
Line: 5    რამეთუ, რომელა ჴელმწიფებაჲ აქუს ტანჯვად და პატივის\ცემად,
Line: 6    რომელთაჲცა ენებოს, მას სწორადვე მამისა ძალ-უც,
Line: 7    თუ არა, ვითარ იტყჳთ, ვითარმედ არა ესრეთ არს, ვითარ\-ესე
Line: 8    მე ვიტყჳ, არმედ პირველ იშვა და მერმე მიეცაო ჴელ\მწიფებაჲ
Line: 9    ესე? ანუ რომლისა საქმისათჳს მიეცა მას შემდგო\მად
Line: 10    შობისა საქმჱ ესე? რომლითა წარმართებითა მოვიდა
Line: 11    ამას პატივსა? არა გრცხუენისა ამათ კაცობრივთა ზრახვათა
Line: 12    უნდოთა შემოღებად უხრწნელსა მას ბუნებასა ზედა, რომ\ლისა
Line: 13    თანა არარაჲ არს უკუანაჲსკნელ შემოსრული? ხოლო
Line: 14    უკუეთუ იტყჳ, ვითარმედ: "რად იტყჳს ესრეთ?" გულისხმა\ყავ,
Line: 15    რამეთუ ამისთჳს იტყჳს ესრეთ, რაჲთა შესაწყნარებელ
Line: 16    იქმნეს სიტყუაჲ მისი და გზა-უყოს მაღალთა მათ სიტყუათა.
Line: 17    ამისთჳს შეჰრთავს მდაბალთა მაღალთა თანა და მაღალთა
Line: 18    მდაბალთა თანა და ისმინე პირველითგან, რამეთუ თქუა, ვი\თარმედ:
Line: 19    "მამაჲ ჩემი მოაქამდე იქმს და მეცა ვიქმ", და
Line: 20    აჩუენა ამის მიერ სწორებაჲ თჳსი, არამედ მათ ინებეს მისი
Line: 21    მოკლვაჲ. იხილე უკუე, კუალად რაჲ ქმნა, რამეთუ სიტყუაჲ
Line: 22    სიმდაბლისაჲ თქუა, ხოლო ძალი იგივე, ვითარმედ არა
Line: 23    ძალ-უც ძესა თავით თჳსით საქმედ არცა ერთი რაჲ და მერ\მე
Line: 24    კუალად აღიყვანა სიმაღლედ სიტყუაჲ თჳსი, ვითარმედ:
Line: 25    "რაოდენსა-იგი მამაჲ იქმს, მისა მსგავსად ძჱცა იქმს", და
Line: 26    კუალად სიმდაბლედ მოიყვანა, ვითარმედ: "მამასა უყუარს ძჱ
Line: 27    და ყოველივე უჩუენა მას, რაოდენსაცა-იგი იქმს და უფ\როჲს
Line: 28    ამისა უჩუენოს მას საქმჱ". და კუალად სიმაღლედ
Line: 29    აღიყვანა სიტყუაჲ თჳსი, ვითარმედ: "ვითარცა მამაჲ აღად\გინებს
Line: 30    მკუდართა და აცხოვნებს, ეგრეთვე ძჱ, რომელთაჲ
Line: 31    ჰნებავს, აცხოვნებს". და ამისა შემდგომად კუალად თქუა
Line: 32    სიტყუაჲ, ერთბამად სიმდაბლისაცა მომასწავებელი და სი\მაღლისაჲცა,
Line: 33    ვითარმედ: "მამაჲ არავის შჯის, არამედ ყოველი
Line: 34    საშჯელი მოსცა ძესა", და კუალად აღიყვანა სიმაღლედ, ვი\თარმედ:
Line: 35    "რაჲთა ყოველნი პატივ-სცემდენ ძესა, ვითარცა\-იგი
Line: 36    ყოველნი პატივს-სცემენ მამასა". ჰხედავა, ვითარ თჳთო\ფერ-ჰყოფს
Page: I-254   Line: 1    სიტყუასა თჳსსა და მაღლითა და მდაბლითა
Line: 2    სიტყჳთა და სახელითა ქსოვს მას, რაჲთა მაშინდელთა მიერცა
Line: 3    შესაწყნარებელ იქმნეს და შემდგომთაცა ნათესავთა არარაჲ
Line: 4    ევნოს. რამეთუ ჩუენ გულისხმა-ვჰყოფთ, ვითარმედ მიზეზი
Line: 5    მდაბალთა სიტყუათა მისთაჲ ყოველივე ღმრთივშუენიერ არს
Line: 6    და მაღალ, რამეთუ ჩუენთჳს იქმოდა,რაჲთა ვისწაოთ სიმ\დაბლჱ,
Line: 7    და რაჲთა გჳჩუენოს ცხორებაჲ, რამეთუ მის მიერ
Line: 8    იქმნების, რომელსაცა თავადი მოასწავებდა სხუასა ადგილსა
Line: 9    და იტყოდა, ვითარმედ: "ამას ვიტყჳ, რაჲთა თქუენ სცხოვ\ნდეთ",
Line: 10    რამეთუ ვინაჲთგან იოვანეს წამებაჲ შორის შემოი\ღო
Line: 11    და თჳსი დაუტევა, რამეთუ ესე არა ღირს იყო მისისა დი\დებულებისა.
Line: 12    ამისთჳს მიზეზსა იტყჳს ესოდენისა მის სიმ\დაბლისა
Line: 13    სიტყუათაჲსა, ვითარმედ: "ამას ვიტყჳ, რაჲთა თქუენ
Line: 14    სცხოვნდეთ". ხოლო ისმინეთ კუალად სიტყუაჲ სწორებისაჲ
Line: 15    მამისა თანა:

Part: s  
Line: 16       სახარებაჲ: "რომელმან არა პატივ-სცეს ძესა, არა
Line: 17    პატივ-სცემს მამასა, რომელმან მოავლინა იგი" (5,23) Link to adisnt Link to cinant Link to giornt. Part: t   თარ\გმანი:
Line: 18    ჰხედავა, ვითარ შეთხზულ არს პატივი ძისაჲ პა\ტივსა
Line: 19    თანა მამისასა, რამეთუ არა თქუა, თუ: "უკუეთუ არა
Line: 20    პატივ-სცემდენ" ოდენ, არამედ, "რომელი არა პატივ-სცემ\დეს
Line: 21    ესრეთო, ვითარცა მამასა, იგი არა პატივ-სცემს მამასა".
Line: 22    რამეთუ იტყჳს სიბრძნით სიტყუათა თჳსთა, რაჲთა მიზეზიცა
Line: 23    გულისხმა-ვყოთ და საბელიოზის წვალებასა არა შთავვარდეთ
Line: 24    და ჰურიათაცა უძლურებაჲ განიკურნოს ამით სახითა, რაჲთა
Line: 25    არ შერაცხილ იყოს იგი მათ მიერ ღმრთისა წინააღმდგომად,
Line: 26    რამეთუ იტყოდეს, ვითარმედ: "ესე არა ღმრთისაგან მოსრულ
Line: 27    არს", და ამის იჭჳსა დაჴსნად ვერ ესრეთ შემძლებელ იყვნეს
Line: 28    მაღალნი სიტყუანი, ვითარ მდაბალნი. ამისთჳს ზედაჲსზედა
Line: 29    იტყოდა მოვლინებასა თჳსსა, არა თუ რაჲთამცა უდარჱ\სობაჲ
Line: 30    მისი რაჲმე გულისხმა-ვყავთ სიტყჳსა მისგან, არამედ
Line: 31    რაჲთა მათნი პირნი დაუყვნეს. ამისთჳს ზედაჲსზედა მამისა
Line: 32    მიმართ მიიყვანებს სიტყუასა თჳსსა და თანა თჳსსაცა პატივსა
Line: 33    გამოაჩინებს, რამეთუ უკუეთუმცა მარადის თჳსისა ბუნებისა
Line: 34    და პატივისაებრ იტყოდა, არამცა შეიწყნარნეს მათ სიტყუანი
Line: 35    იგი, ვინაჲთგან მცირენიცა თუ ესევითარნი სიტყუანი ესმ\ნიან,
Line: 36    სდევნიდიან მსა. და კუალად უკუეთუმცა მათთჳს ყო\ველთავე
Page: I-255   Line: 1    სიმდაბლისა სიტყუათა იტყოდა, შემდგომად მისა
Line: 2    მრავალთამცა ევნო. ამისთჳსცა შეზავა სიტყუაჲ თჳსი სიმაღ\ლითა
Line: 3    და სიმდაბლითა. ამისთჳსცა შემდგომიცა ესე თქუა:

Part: s  
Line: 4       სახარებაჲ: "ამენ გეტყჳ თქუენ: რამეთუ რომელ\მან
Line: 5    სიტყუანი ჩემნი ისმინნეს და ჰრწმენეს მომავლინებელი
Line: 6    ჩემი, აქუნდეს მას ცხორებაჲ საუკუნოჲ" (5,24) Link to adisnt Link to cinant Link to giornt. Part: t   თარგ\მანი:
Line: 7    ჰხედავა, ვითარ ისწრაფის განქარვებად იჭჳსა მის,
Line: 8    რომელი აქუნდა მათ, თუ წინააღმდგომი არს ღმრთისაჲ, და
Line: 9    შეშინებითაცა და კეთილისა ქადებითა წინააღდგომასა მისსა
Line: 10    აყენებს, და აქაცა დაამდაბლებს სიტყუასა თჳსსა, რამეთუ
Line: 11    არა თქუა, ვითარმედ: "რომელმან სიტყუანი ჩემნი ისმინნეს
Line: 12    და ჰრწმენეს ჩემი", თუ არა კუალადმცა ზუაობაჲ დაე\წამა
Line: 13    მისდა, რამეთუ უკუეთუ შემდგომად მრავლისა ჟამისა
Line: 14    და მრავალთა სასწაულთა ესე ვერ გულისხმა-ყვეს და ჰრქუეს
Line: 15    მას: "აბრაჰამ მოკუდა და წინაჲსწარმეტყუელნი მოსწყდეს,
Line: 16    და შენ ვითარ იტყჳ, თუ: "რომელმან ისმინოს სიტყუაჲ
Line: 17    ჩემი, და ჰრწმენეს, არა იხილოს გემოჲ სიკუდილისაჲ?" და
Line: 18    ამისთჳს, რაჲთამცა არა აწცა განმჴეცდეს, თქუა ესრეთ, ვი\თარმედ:
Line: 19    "რომელმან სიტყუანი ჩემნი ისმინნეს და ჰრწმენეს
Line: 20    მომავლინებელი ჩემი, აქუნდეს მას ცხორებაჲ საუკუნოჲ",
Line: 21    რამეთუ ესე არა მცირედ შესაწყნარებელ-ჰყოფდა სიტყუასა
Line: 22    მისსა, რაჲთამცა ცნეს, ვითარმედ მამისა სარწმუნოებასა ქა\დაგებს
Line: 23    და უკუეთუმცა ესე გულსმოდგინედ შეიწყნარეს,
Line: 24    სხუაჲცამცა უადვილჱსად ჰრწმენა. და ესრეთ საცნაურ არს,
Line: 25    ვითარმედ მდაბალნიცა სიტყუანი მაღალთავე შეეწეოდეს,
Line: 26    რამეთუ თქუა:

Part: s  
Line: 27       სახარებაჲ: "აქუნდეს მას ცხორებაჲ საუკუნოჲ, და
Line: 28    საშჯელსა იგი არა შევიდეს, არამედ გარდაიცვალოს სიკუ\დილისაგან
Line: 29    ცხორებად საუკუნოდ" (5,24) Link to adisnt Link to cinant Link to giornt. Part: t   თარგმანი:
Line: 30    ორითა სახითა სარწმუნო-ჰყოფს სიტყუასა თჳსსა: ერთად,
Line: 31    რამეთუ მამასა სარწმუნო-ჰყოფს, და მეორედ, რამეთუ მრა\ვალთა
Line: 32    კეთილთა მიანიჭებს, რომელთაცა ჰრწმენეს. ხოლო თუ
Line: 33    "საშჯელსა არა შევიდეს", ესე არს, ვითარმედ არა იტანჯოს,
Line: 34    რამეთუ სიკუდილად არა თუ ამას იტყჳს საწუთროჲსასა, არა\მედ
Page: I-256   Line: 1    საუკუნესა, ვითარცა-იგი ცხორებასა მას უკუდავსა
Line: 2    იტყჳს:

Part: s  
Line: 3       სახარებაჲ: "ამენ, ამენ, გეტყჳ თქუენ, რამეთუ მო\ვალს
Line: 4    ჟამი, და აწვე არს, ოდეს მკუდართა ისმინნენ სიტყუანი
Line: 5    ძისა ღმრთისანი, და რომელთა ისმინნენ, ცხოვნდენ" (5,25) Link to adisnt Link to cinant Link to giornt .
Part: t  
Line: 6    თარგმანი: ვინაჲთგან იტყოდა: ვითარმედ: "ვითარცა
Line: 7    მამაჲ აღადგინებს მკუდართა და აცხოვნებს, ეგრეთვე ძჱ,
Line: 8    რომელთაჲ ჰნებავს, აცხოვნებს", და რაჲთა არა სიტყუაჲ
Line: 9    ოდენ იყოს და ტყუვილად შეჰრაცხონ მათ, ამისთჳსცა საქ\მისაცა
Line: 10    ჭეშმარიტებასა გამოაჩინებს, ვითარმედ: "მოვალს ჟა\მი",
Line: 11    და რაჲთა არა შორს მოელოდიან, ამისთჳ იტყჳს, ვი\თარმედ:
Line: 12    აწვე არსო, ოდეს მკუდართა ისმინნენ სიტყუანი
Line: 13    ძისა ღმრთისანი და ცხოვნდენ. იხილე აქაცა ჴელმწიფებაჲ
Line: 14    მიუთხრობელი, რამეთუ ვითარცა მერმესა აღადგომასა, ეგ\რეთვე
Line: 15    აწ იყოსო, რამეთუ მაშინ ბრძანებითა ღმრთისაჲთა
Line: 16    აღვდგეთ და აწცაო, ვიდრე მე თქუენ თანა ვიყო, იქმნეს
Line: 17    ესე საქმჱ და მერმე შემოიღებს სიტყუასა დამამტკიცებელსა
Line: 18    ამის პირისასა და იტყჳს:

Part: s  
Line: 19       სახარებაჲ: "ვითარცა-იგი მამასა აქუს ცხორებაჲ
Line: 20    თავისა თჳსისა თანა, ეგრეთვე მოსცა ძესა, რაჲთა აქუნდეს
Line: 21    ცხორებაჲ თავისა თჳსისა თანა" (5,26) Link to adisnt Link to cinant Link to giornt. Part: t   თარგმანი: ჰხე\დავა
Line: 22    შეუცვალებელობასა და ვითარმედ ერთი ოდენ არს გან\ყოფილებაჲ
Line: 23    თჳთებისაჲ? რამეთუ იგი მამაჲ არს და იგი _ ძჱ.
Line: 24    ხოლო სხუაჲ ყოველივე სწორ და შეუცვალებელ არს და ამით
Line: 25    საცნაურ არს, ვითარმედ ესევითარითა ძალითა და ჴელმწი\ფებითა
Line: 26    იქმს ყოველსავე, ვითარ-იგი მამაჲ და არა სხუებრ
Line: 27    რაჲმე, რამეთუ ესრეთ აქუს ცხორებაჲ, ვითარცა მამასა.
Line: 28    ამისთჳსცა შემდგომიცა იგი სიტყუაჲ არს, რაჲთა მისგან ესე
Line: 29    გულისხმა-ვყოთ, რამეთუ იტყჳს:

Part: s  
Line: 30       სახარებაჲ: "და ჴელმწიფებაჲ მოსცა მას საშჯე\ლისაცა
Line: 31    ყოფად" (5,27) Link to adisnt Link to cinant Link to giornt. Part: t   თარგმანი: "რაჲსათჳს, რომელ
Line: 32    აღდგომასა და საშჯელსა ამას ადგილსა ზე და ქუე აქცევს?
Line: 33    ამისთჳს, რომელ ესე სიტყუანი უფროჲს ყოვლისა მოაქცევენ
Line: 34    გონებასა, რამეთუ რომელსა ესე ჰრწმენეს, შეშინდების და
Line: 35    ისწრაფის, რაჲთა დაიმშჳდოს მსაჯული იგი.

Part: s  
Line: 36       სახარებაჲ: "რამეთუ ძჱ კაცისაჲ არს, ნუ გიკჳრს ესე"
Page: I-257   Line: 1    (5,27-28) Link to adisnt Link to cinant Link to giornt. Part: t   თარგმანი: რამეთუ ვინაჲთგან ურწმუნოდ
Line: 2    უჩნდა მსმენელთა მათ სიტყუაჲ იგი და შეერაცხა ქრისტე
Line: 3    კაცად ლიტონად, ხოლო სიტყუანი იგი უზეშთაეს კაცთა და
Line: 4    ანგელოზთაცა იყვნეს მხოლოჲსა ღმრთისანი, ამისთჳს თქუა,
Line: 5    ვითარმედ: "ნუ გიკჳრს ესე, რამეთუ ძჱ კაცისაჲ არს", და ვი\თარმცა
Line: 6    იქმნა ესეო, რამეთუ მოვალს ჟამი, რომელსა ყოველ\ნი,
Line: 7    რომელნი ისხნენ საფლავებსა, ისმინო ჴმისა მისისაჲ და
Line: 8    გამოვიდოდიან კეთილისმოქმედნი აღდგომასა ცხორებისასა,
Line: 9    ხოლო ბოროტისმოქმედნი აღდგომასა მას საშჯელისასა". და
Line: 10    რაჲსათჳს არა თქუა, თუ: ნუ გიკჳრს, ვითარმედ ძჱ კაცისაჲ
Line: 11    არს, რამეთუ ძჱ ღმრთისაჲცა არს, არამედ აღდგომაჲ
Line: 12    ხოლო აჴსენა? ამისთჳს, რამეთუ ზემო თქუა, ვითარმედ: "ის\მინონ
Line: 13    ჴმაჲ ძისა ღმრთისაჲ", ხოლო აქა თქუა: "საქმჱ, რო\მელი
Line: 14    ღმრთისაჲ ოდენ არს", რაჲთა მის მიერ მოიგონონ,
Line: 15    ვითარმედ ღმერთი სამე არს და ძჱ ღმრთისაჲ, რომელი ამას
Line: 16    იქმს. რამეთუ უკუეთუმცა თჳთ იტყოდა ამას ზედაჲსზედა, და
Line: 17    ნუუკუე წინააღმდგომმცა იპოვა საქმჱ იგი, არამედ სასწაულ\თა
Line: 18    მიერ უფროჲს უვნებელ-ჰყოფდა სწავლასა მას. და პირ\ველ,
Line: 19    რაჟამს ლაზარეს აღდგომასა აჴსენებდა, ესრეთ თქუა,
Line: 20    ვითარმედ: "მოვალს ჟამი და აწვე არს, ოდეს მკუდართა ის\მინნენ
Line: 21    სიტყუანი ძისა ღმრთისანი", და საშჯელი მუნ დაიდუ\მა,
Line: 22    ხოლო აქა ყოველთა აღდგომისათჳს რაჲ იტყოდა, საშჯე\ლიცა
Line: 23    აჴსენა, ვითარმედ: "გამოვიდოდიან კეთილისმოქმედნი
Line: 24    აღდგომასა ცხორებისასა და ბოროტისმოქმედნი აღდგომასა
Line: 25    საშჯელისასა", რამეთუ ვინაჲთგან ზემო თქუა, ვითარმედ:
Line: 26    "რომელმან სიტყუანი ჩემი ისმინნეს და ჰრწმენეს მომავლი\ნებელი
Line: 27    ჩემი, საშჯელსა არა შევიდეს". რაჲთა არავინ ჰგო\ნებდეს,
Line: 28    ვითარმედ ესე ოდენ კმა არს ცხორებად, ამისთჳს
Line: 29    საქმეთათჳსცა თქუა, ვითარმედ: "კეთილისმოქმედნი აღდგო\მასა
Line: 30    ცხორებისასა და ბოროტისმოქმედნი აღდგომასა საშჯე\ლისასა".
Line: 31    ვინაჲთგან უკუე თქუა, ვითარმედ: "ყოველსა სო\ფელსა
Line: 32    სიტყჳს-მიცემაჲ მისდა თანა-აც, ვითარმედ ყოველნი
Line: 33    ჴმითა მ[ისი]თა აღდგენ". საქმჱ ახალი, რამეთუ აწცა მრავალ\თა
Line: 34    მიერ ურწმუნო არს, და მაშინცა ჰურიათა ვითარ არა ურ\წმუნო
Line: 35    უჩნდა? ამისთჳს ისმინე, ვითარ სარწმუნო-ჰყოფს
Page: I-258   Line: 1    სიტყუასა მას და უძლურებასა მათსა თან დამდაბლდების
Line: 2    და იტყჳს:

Part: s  
Line: 3       სახარებაჲ: "არა ძალ-მიც საქმედ თავით ჩემით არა\რაჲ,
Line: 4    არამედ ვითარცა მესმის, ვშჯი და საშჯელი ჩემი მარ\თალ
Line: 5    არს, რამეთუ არა ვეძიებ ნებასა ჩემსა, არამედ ნებასა
Line: 6    მომავლინებელისა ჩემისასა" (5,30) Link to adisnt Link to cinant Link to giornt. Part: t   თარგმანი: რამეთუ
Line: 7    ვინაჲთგან ესრეთ უჩნდა მათ, თუ უცხოთა რათმე სიტყუათა
Line: 8    იტყჳს უფროჲს წინაჲსწარმეტყუელთასა, რამეთუ იგინი იტ\ყოდეს,
Line: 9    ვითარმედ: "ღმერთი არს, რომელმან განსაჯოს ქუეყა\ნაჲ".
Line: 10    ხოლო ქრისტე იტყოდა, ვითარმედ: "მამაჲ არავის
Line: 11    შჯის, არამედ ყოველთავე მე ვშჯი", და სიტყუაჲ ესე აღაშ\ფოთებდა
Line: 12    ჰურიათა და დაარწმუნებდა, რაჲთა წინააღმდგომად
Line: 13    ღმრთისა თქუან იგი. ამისთჳს ფრიადისა სიმდაბლისა სიტყუაჲ
Line: 14    თქუა აქა, რაჲთამცა მათი უძლურებაჲ განკურნა და ბოროტი
Line: 15    იგი იჭჳ ძირითურთ აღმოფხურა. ამისთჳს თქუა, ვითარმედ:
Line: 16    "არა ძალ-მიც საქმედ თავით ჩემით არარაჲ", ესე იგი არს,
Line: 17    ვითარმედ: "შეუძლებელ არს, თუმცა იხილეთ, ანუ გესმა
Line: 18    ჩემგან საქმჱ, ანუ სიტყუაჲ წინააღმდგომი მამისაჲ". და ვი\თარცა
Line: 19    ზემო იტყოდა, ვითარმედ: "რომელი გუესმა, ვიტყჳთ
Line: 20    და, რომელი ვიხილეთ, ვწამებთ", ორსავე ჭეშმარიტისა ცნო\ბისათჳს
Line: 21    იტყოდა, და არა თუ ხილვისა და ცნობისათჳს, ეგ\რეთვე
Line: 22    აქა სმენაჲ რაჲ თქუა, არარას სხუასა მოასწავებს, გარ\ნა
Line: 23    ამას, ვითარმედ: "შეუძლებელ არს, თუმცა სხუაჲ რაჲ
Line: 24    ვინებე მე, გარნა რაჲიგი მამასა ჰნებავს", არამედ არა
Line: 25    თქუა ესე ესრეთ: "ვითარ მე ვიტყჳ", თუ არა არამცა შეეწყ\ნარა,
Line: 26    არამედ სიმდაბლით თქუა და კაცობრივ, ვითარმედ:
Line: 27    "ვითარცა მესმის, ვშჯიო". არა თქუა, თუ: "ვითარცა ვისწა\ვებ",
Line: 28    არამედ: "ვითარცა მესმის", არამედ, არა თუ ვითარცა
Line: 29    სმენაჲ უჴმდა, ესრეთ იტყჳ ამას, რამეთუ არა თუ სწავლაჲ
Line: 30    ოდენ არა საჴმარ იყო მისა, არამედ არცა სმენაჲ, გარნა ერ\თობასა
Line: 31    მოასწავებდა და შეუცვალებელობასა საშჯელისასა,
Line: 32    ვითარმცა იტყოდა, ვითარმედ: "ესრეთ ვშჯი, ვითარცა თჳთ
Line: 33    მამაჲ, უკუეთუმცა შჯიდა". და მერმე იტყჳს, ვითარმედ: "საშ\ჯელი
Line: 34    ჩემი მართალ არს, რამეთუ არა ვეძიებ ნებასა ჩემსა,
Page: I-259   Line: 1    არამედ ნებასა მომავლინებელისა ჩემისასა". რასა იტყჳ, გა\ქუსა
Line: 2    შენ სხუაჲ ნებაჲ მამისაგან კიდე? და ვითარ სხუასა ად\გილსა
Line: 3    იტყჳ, ვითარმედ: "ვითარცა მე და შენ, მამაო, ერთ
Line: 4    ვართ", და ნებისათჳს და ერთობისათჳს იტყოდა, არამედ
Line: 5    გულისხმა-ყავთ, ძმანო, რამეთუ სიტყუაჲ ესე ესევითარი არს,
Line: 6    ვითარმედ: "არა თუ სხუაჲ არს ნებაჲ ჩემი და სხუაჲ არს
Line: 7    ნებაჲ მამისაჲ, არამედ ვითარცა ერთისა ბუნებისა ერთი ნე\ბაჲ
Line: 8    არს, ეგრეთვე ჩემი და მამისაჲ. და არარაჲ არს ჩემი
Line: 9    სხუაჲ ნებაჲ, მამისაგან განყოფილი, არამედ რაჲ-იგი მას
Line: 10    ჰნებავს, მეცა იგივე მნებავს, და რაჲ მე მნებავს, მასაცა იგივე
Line: 11    ჰნებავს, და ვითარი მამისაჲ არს საშჯელი, ეგევითარივე ჩემი
Line: 12    არს". და რამეთუ ერთისაგან გონებისა გამოვალს ორთავე
Line: 13    ბრძანებაჲ"? ხოლო რომელ ესრეთ კაცობრივ იტყჳს სიტყუა\სა
Line: 14    ამას, ნუ გიკჳრს, რამეთუ ჯერეთ ლიტონად კაცად შეერაცხა
Line: 15    იგი. და ამისთჳს ჯერ-არს, რაჲთა ესევითართა ადგილთა არა
Line: 16    თუ თქუმულთა მათ ოდენ გამოვეძიებდეთ, არამედ თუ ვითა\რი
Line: 17    გონებაჲ აქუნდა მსმენელთა მათ და ესრეთ ვისმენდეთ, ვი\თარცა
Line: 18    მათისა გონებისა მიმართ თქუმულსა, რამეთუ უკუე\თუ
Line: 19    ვინ სიტყუათა წერილისათა ვითარცა ჰპოებდეს და ესრეთ
Line: 20    გულისხმა-ჰყოფდეს, მრავალსა ბოროტსა შთავარდეს. და
Line: 21    ვითარმცა იყო ესე? თუმცა უფალი იტყოდა, თუ: "სხვაჲ არს
Line: 22    ნებაჲ ჩემი და სხუაჲ არს მამისაჲ", რომელ-ესე კაცნიცა ჭეშ\მარიტად
Line: 23    ღმრთისმსახურნი არავე იტყჳან ამას. რამეთუ უკუ\ეთუ
Line: 24    პავლე ესრეთ შეზავა ნებაჲ თჳსი ნებასა ღმრთისასა,
Line: 25    ვიდრეღა იტყოდა, ვითარმედ: "არღა მე ცხოველ ვარ, არამედ
Line: 26    ცხოველ არს ჩემ შორის ქრისტე". ვითარ უკუე მეუფემანცა
Line: 27    ყოველთამან თქუა, თუ "სხუაჲ არს ნებაჲ ჩემი და მას არა
Line: 28    ვეძიებ, არამედ მამისა ჩემისა ნებასა ვეძიებ?" გარნა გონება\თაებრ
Line: 29    მსმენელთაჲსა და იჭჳსაებრ მათისა, რომელთა მიმართ
Line: 30    მაშინ იტყოდა, თქუა ესე, რამეთუ ვინაჲთგან ზემოჲთვე იტ\ყოდა
Line: 31    სიტყუათა მათ, რომელთამე _ ღმრთივშუენიერად და
Line: 32    რომელთამე _ კაცობრივ და აქაცა კუალად, ვითარცა კაცი,
Line: 33    იტყჳს, ვითარმედ: "საშჯელი ჩემი მართალ არს", ამისთჳს,
Line: 34    "რამეთუ არა ვეძიებ ნებასა ჩემსა, არამედ ნებასა მომავლი\ნებელისა
Line: 35    ჩემისასა", რამეთუ ვითარცა კაცთა შორის, რომე\ლი
Line: 36    ნებისა თჳსისა აღსრულებისაგან შორს იყოს და სიყუარუ\ლისაგან
Page: I-260   Line: 1    თავისა თჳსისა, უჯერო არს მისთჳს თქუმაჲ, თუ
Line: 2    უსამართლოდ შჯის. ეგრეთვე ვერცა ჩემდა აწ ძალ-გიც მხი\ლებად,
Line: 3    რამეთუ რომელი ეძიებდეს თჳსისა ნებისა დამტკიცე\ბად,
Line: 4    ნუუკუედა იჭუეულ იქმნეს მრავალთაგან, ვითარმედ
Line: 5    გარდააქცევს სამართალსა. ხოლო რომელი თჳსსა ნებასა არა
Line: 6    ეძიებდეს, რაჲღა მიზეზი არს, რომელმცა არა სამართალსა
Line: 7    შჯიდა? და ესე გულის-სიტყუაჲ მოიპოვეთ ჩემთჳსცა, რამე\თუ
Line: 8    უკუეთუმცა ვიტყოდე, თუ: არა მამისა მიერ მოვლინებულ
Line: 9    ვარ, და არამცა მისსა მივიღებდი დიდებასა ამათ საქმეთასა,
Line: 10    ნუუკუედა იჭუეულმცა ვინმე იქმნა თქუენგანი, თუ თავისა
Line: 11    ჩემისა დიდებაჲ მნებავს და ამისთჳს არა ვიტყჳ ჭეშმარიტსა,
Line: 12    ვინაჲთგან უკუე მას ვადიდებ, რაჲღა მიზეზი გაქუს შესმე\ნად
Line: 13    ჩემდა? ჰხედავა, სადა მოიყვანა სიტყუაჲ თჳსი? ჰხედა\ვა,
Line: 14    რამეთუ, ვითარცა მრავალგზის ვთქუ, გარდამატებაჲ სიმ\დაბლისა
Line: 15    სიტყუათა მისთაჲ უფროჲსად ასწავლის გონიერთა,
Line: 16    რაჲთა არა ვითარცა ესმეს და ესრეთ გულისხმა-ჰყოფდენ
Line: 17    სიტყუათა მისთა და დაეცემოდიან, არამედ ასწავებს, რაჲთა
Line: 18    სიმაღლესა მას ძალისა მათისასა აღვიდოდიან და არა
Line: 19    ევნე/ბოდის.




Part: S39  
Line: 20  სწავლაჲ ლთ

Line: 21  ძჳრისჴსენებისათჳს და მოწყალებისა


Line: 22       ხოლო ჩუენ, ძმანო, რაჟამს ესე ყოველი გუესმოდის, ნუმ\ცა
Line: 23    ამაოდ თანაწარვჰჴდებით სიტყუათა ამათ, არამედ კეთი\ლად
Line: 24    გამოვეძიებდეთ და მიზეზსა თქუმულთა ამათ გამოვი\წულილვიდეთ,
Line: 25    და ნუმცა ვჰგონებთ, თუ კმა არს ჩუენდა
Line: 26    სიტყჳს-გებად ღმრთისა უგულისხმოებაჲ და უსწავლელობაჲ,
Line: 27    რამეთუ არა თუ უმანკოებაჲ ოდენ გჳბრძანა უფალმან, არა\მედ
Line: 28    სიბრძნეცა. მოვიგოთ უკუე სიწრფოებასა თანა სიბრძნჱცა
Line: 29    და განვიკითხვიდეთ აქავე თავთა ჩუენთა, რაჲთა არა სოფელ\სა
Line: 30    თანა დავისაჯნეთ. და ესევითარნი ვიყვნეთ მოყუასთა მი\მართ,
Line: 31    ვითარ გუნებავს, რაჲთა იყოს ღმერთი ჩუენდა მო\მართ,
Page: I-261   Line: 1    რამეთუ ვიტყჳთ: "მოგჳტევენ თანანადებნი ჩუენნი, ვი\თარცა
Line: 2    ჩუენ მიუტევებთ თანამდებთა მათ ჩუენთა". და
Line: 3    ვიცი, ვითარმედ რაჟამს სული შეიწუხოს მეორისა მიერ, არა
Line: 4    თავს-იდებს მას შეუწუხებელად და უტკივარად, არამედ უკუ\ეთუ
Line: 5    გულისხმა-ვყოთ, ვითარმედ არა შემაწუხებელსა მას,
Line: 6    არამედ თავთა ჩუენთა უყოფთ კეთილსა. უკუეთუ არა გან\ვრისხნეთ,
Line: 7    ესრეთ შეუძლოთ გესლსა მას გულისწყრომისასა
Line: 8    აღმოგდებად, რამეთუ რომელმან-იგი ასისა მის დრაჰკა\ნისათჳს
Line: 9    ტანჯვა მოყუასი იგი თჳსი, არა თუ მას ავნო, არამედ
Line: 10    თავი თჳსი ბევრეულისა მის ტალანტისა თანამდებ-ყო, რო\მელთაჲ
Line: 11    პირველად შენდობაჲ მიეღო. რაჟამს უკუე სხუათა
Line: 12    არა შეუნდოთ, თავთა ჩუენთა არა შეუნდობთ.

Line: 13       ნუმცა უკუე ღმერთსა ოდენ ვეტყჳთ მარადის, თუ: ნუ
Line: 14    მოიჴსენებთ ცოდვათა ჩუენთა, არამედ ჩუენთაცა თავთა
Line: 15    ვჰრქუათ, ვითარმედ: ნუ მოიჴსენებ ცოდვათა მოყუსისათა,
Line: 16    რომელნი ჩუენდა მომართ ქმნნეს, რამეთუ პირველად შენ
Line: 17    დასწერ შჯულსა შენდობისასა და ეგრეთ ღმერთი აღასრუ\ლებს
Line: 18    მას, ესე იგი არს, ვითარმედ: უკუეთუ შენ სხუათა შე\უნდო,
Line: 19    იგი შენ შეგინდობს. აწ უკუე სხუანი მღჳძარებითა და
Line: 20    ჴმელსა წოლითა და ბევრეულითა ტანჯვითა და უბადრუკე\ბითა
Line: 21    აღჰჴოცენ ცოდვათა თჳსთა, ხოლო შენ შემძლებელ ხარ
Line: 22    ადვილითა ამით გზითა, რომელ არს ძჳრუჴსენებელობაჲ,
Line: 23    ყოველთა ცოდვათა შენთა აჴოცად. რაჲსათის უკუე ჰლესავ
Line: 24    მახჳლსა და მოიწყლავ თავსა შენსა, ვითარცა ცოფი, და საუ\კუნოჲსა
Line: 25    ცხორებისაგან თავსა შენსა გამოაჴუებ? ჯერ-არს
Line: 26    ყოვლისა მოსწრაფებისა ქმნად, რაჲთამცა მას მიემთხჳე
Line: 27    ცხორებასა. რამეთუ უკუეთუ საწურთროჲსა ამის ცხორებაჲ
Line: 28    ესრეთ საწადელ არს, რაჲ ვინ თქუას მისთის, სადა-იგი არა
Line: 29    არს სალმობაჲ, არცა მწუხარებაჲ. არცა სულ-თქუმაჲ? მუნ
Line: 30    შიში სიკუდილისაჲ არა არს, არცა იჭჳ არს მათ კეთილთა აღ\სრულებისაჲ.
Line: 31    ნეტარ არიან და სამგზის სანატრელ და ბევრე\ულგზისცა,
Line: 32    რომელნი ნეტარსა მას ცხორებასა ღირს იქმნნენ,
Line: 33    ვითარცა-იგი უბადრუკ არიან და ბევრეულგზის საწყალო\ბელ,
Line: 34    რომელნი მას ნეტარებასა დააკლდენ. და უკუეთუ იტყჳ,
Page: I-262   Line: 1    ვითარმედ: "და რომელი საქმჱ არს, რომელი მას ცხორებასა
Line: 2    ღირს-მყოფს ჩუენ?" ისმინე თავადისაჲ მის, რასა ეტყჳს
Line: 3    ჭაბუკსა ვისმე, რომელმან თქუა, ვითარმედ: "რაჲ ვყო, რაჲ\თა
Line: 4    ცხორებაჲ საუკუნოჲ დავიმკჳდრო?" და უფალმან ჰრქუა
Line: 5    მას სხუათა მათ მცნებათათჳს და უკუანაჲსკნელ მოვიდა სი\ყუარულსა
Line: 6    მოყუსისასა, ვითარცა ბეჭედსა მას ყოვლისასა, და
Line: 7    უკუეთუ ვინ თქუას აწცა, ვითარმედ: "არა მიმრუშავს, არა
Line: 8    მიპარავს, არა კაც მიკლავს", გარნა ესემემცა იპოა მანცა წარ\მართებაჲ,
Line: 9    რაჲთამცა შეიყუარა მოყუასი, ვითარცა თავი თჳსი,
Line: 10    რამეთუ უკუეთუ ვის ეშურა, ანუ ძჳრი უზრახა, ანუ ბორო\ტისა
Line: 11    წილ ბოროტი მიაგო, ანუ არა ამისცა, რაჲ მას უჴმდა,
Line: 12    არა შეუყუარებიეს, ვითაცა თავი თჳსი. და არა ესე ოდენ
Line: 13    ბრძანა ქრისტემან, არამედ სხუაჲცა, ვითარმედ: "განყიდე
Line: 14    მონაგები შენი, მიეც გლახაკთა და მოვედ, და შემომიდეგ მე",
Line: 15    რამეთუ საქმეთა მიერ მსგავსებასა უწოდა შედგომად. რასა
Line: 16    უკუე ვისწავლით ამისგან? ერთად, ვითარმედ, რომელსა ესე
Line: 17    ყოველი არა აქუნდეს, ვერ მიემთხუევის სრულებასა მას ცხო\რებასა
Line: 18    შინა, რამეთუ, ვითარმცა სისრულისა მომატყუებელი,
Line: 19    თქუა, ვითარმედ: "უკუეთუ გნებავს სრულ-ყოფაჲ, განყიდე
Line: 20    მონაგები შენი, და მიეც გლახაკთა". და კუალად ამასცა გუ\ლისხმა-ვჰყოფთ,
Line: 21    ვითარმედ თჳთ მასცა ამხილა, ვითარმედ
Line: 22    ამაოდ ზუაობს, რამეთუ რომელი ესევითარსა სიმდიდრესა
Line: 23    შინა იყო და სხუათა შეურაცხ-ჰყოფდა სიგლახაკესა შინა,
Line: 24    ვითარმცა შეიყუარა მან მოყუასი, ვითარცა თავი თჳსი, და
Line: 25    არცა სადამე მას იტყოდა ჭეშმარიტებით, არამედ ჩუენ ვისწ\რაფოთ
Line: 26    ყოვლითა ძალითა ყოვლისა მონაგებისა ჩუენისა მი\ცემად
Line: 27    და მოსყიდად სასუფეველსა ცათასა, რამეთუ უკუეთუ
Line: 28    კაცნი სოფლისა პატივისათჳს ყოველსა მონაგებსა მისცემენ
Line: 29    პატივისა აქავე დაშთომადისა, და მრავალგზის აქაცა არავე
Line: 30    დაადგრის მათ თანა მრავალ ჟამ, უკუე ჩუენ რაჲ ვთქუათ,
Line: 31    რომელნი საუკუნოჲსა მის პატივისათჳს არცა თუ მცირედსა
Line: 32    რას წარვაგებთ, არა უკუ ფრიადი სიცოფჱ არსა, რომელ აქა
Line: 33    დაშთომადი ესე არა გუნებავს ჩუენ თანა წარღებად? რაჲ
Line: 34    უკუე სიტყუაჲ გუაქუს, რომელ ადვილი ცხორებაჲ წინა-გჳც,
Page: I-263   Line: 1    და ჩუენ კლდეთა შთავიჭრებით და უგზოთა ვალთ? არამედ
Line: 2    განვიფრთხოთ და გონებათა ჩუენთა მოვიდეთ და ცხორებაჲ
Line: 3    ჩუენი კეთილად განვაგოთ, რაჲთა საუკუნოჲ ცხორებაჲ მო\ვიგოთ
Line: 4    მადლითა და კაცთმოყუარებითა უფლისა ჩუენისა იესუ
Line: 5    ქრისტესითა, რომლისაჲ არს დიდებაჲ უკუნითი უკუნისამდე,
Line: 6    ამენ.



Next part


This text is part of the TITUS edition of Johannes Chrysostomus, Commentary on St. John.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.