TITUS
Johannes Chrysostomus, Commentary on St. John
Part No. 44
Previous part

Chapter: 44  
Line: 4  თავი მდ


Part: T  
Line: 5       სიტყუაჲ ესე: მიუგო იესუ და ჰრქუა მათ: "ამენ,
Line: 6    ამენ, გეტყჳ თქუენ, რამეთუ მეძიებთ მე არა თუ, რამეთუ
Line: 7    იხილენით სასწაულნი, არამედ რამეთუ შჭამეთ პურთა მათ\გან,
Line: 8    და განსძეღით. იქმოდეთ ნუ საზრდელსა წარსაწყმედელ\სა,
Line: 9    არამედ საზრდელსა, რომელი ჰგიეს ცხორებად საუკუ\ნოდ"
Line: 10    (6,26-27) Link to adisnt Link to cinant Link to giornt. Part: t   თარგმანი: სიტკბოებაჲ და არამხი\ლებაჲ
Line: 11    არა მარადის კეთილ არს, არამედ რომელსამე ადგილ\სა
Line: 12    სიფიცხლჱცა ჰშუენის მოძღუარსა, რამეთუ, რაჟამს
Line: 13    მოწაფჱ უდები და დაჴსნილი იყოს, მაშინ საწერტელი უჴმს,
Line: 14    რაჲთა მისი უდბებაჲ მცირედ აღემართოს. და ეგრეთვე ძე\მან
Line: 15    ღმრთისამან ქმნა სხუათა მრავალთა ადგილთა, არამედ
Line: 16    აქაცა. რამეთუ მო-რაჲ-ვიდა ერი იგი და ეტყოდეს მას: "რაბი,
Line: 17    ოდეს მოხუედ აქა"? უნდა უფალსა, რაჲთამცა გამოაჩინა, ვი\თარმედ
Line: 18    არა ეძიებს კაცთა დიდებასა, არამედ ცხორებასა
Line: 19    ოდენ სულისა მათისასა ეძიებს. ამისთჳს მხილებით ჰრქუა,
Line: 20    რაჲთამცა ცნობაჲცა მათი განჰმართა, დაფარული გონებისა
Line: 21    მათისაჲ განაცხადა, რამეთუ ჰრქუა მათ: "ამენ, ამენ გეტყჳ
Line: 22    თქუენ: არა თუ სასწაულთათჳს მეძიებთ, არამედ რამეთუ
Line: 23    შჭამეთ და განსძეღით". ამხილა, არამედ სიტკბოებითვე და
Line: 24    არა ფიცხლად, და უჩუენა, ვითარმედ არა თუ სასწაულისა
Line: 25    მისთჳს გიკჳრსო, არამედ განძღომისათჳს. და ამისთჳს შემდ\გომად
Line: 26    მცირედისა გამოჩნდა გონებაჲ მათი, რამეთუ ჰრქუეს,
Line: 27    ვითარმედ: "სასწაულსა რასა მიჩუენებ? მამათა ჩუენთა ჭა\მეს
Line: 28    მანანაჲ უდაბნოსა, რამეთუ საზრდელსავე ეძიებდეს
Line: 29    ჴორციელსა". ხოლო უფალი არა დაადგრა მხილებასა ზედა
Line: 30    ოდენ, არამედ სწავლადცა იწყო მათა და ჰრქუა:

Part: s  
Line: 31       სახარებაჲ: "იქმოდეთ ნუ საზრდელსა წარსაწყმე\დელსა,
Line: 32    არამედ საზრდელსა, რომელი ჰგიეს ცხორებად საუ\კუნოდ,
Page: I-289   Line: 1    რომელი ძემან კაცისამან მოგცეს თქუენ, რამეთუ
Line: 2    ამას მამამან დაჰბეჭდა ღმერთმან" (6,27) Link to adisnt Link to cinant Link to giornt. Part: t   თარგმანი:
Line: 3    სიტყუაჲ ესე, რომელსა იტყჳს, ესევითარი არს, ვითარმედ:
Line: 4    ნუ ამის საზრდელისა ხართ მეძიებელ, არამდე მის სულიერი\სა,
Line: 5    ხოლო რომელნი განსუენებისა და უქმობისა მოყუარე
Line: 6    არიან, ამას სიტყუასა შემოიღებენ მიზეზად. და კეთილ არს
Line: 7    მათა მიმართცა სიტყუაჲ, რამეთუ სიტყუასა მასცა მოიღებენ,
Line: 8    რომელი თქუა უფალმან, ვითარმედ: "მართა, ზრუნავ და
Line: 9    შფოთ ხარ მრავალთა მათ საქმეთა შინა,ხოლო მარიამ კე\თილი
Line: 10    ნაწილი გამოირჩია", და კუალად რომელ იტყჳს, ვი\თარმედ:
Line: 11    "ნუ ჰზრუნავთ ხვალისა". ხოლო კეთილ არს, რაჲ\თა
Line: 12    ამის ყოვლისათჳს ვთქუა, რაჲთა იგინიცა დასცხრენ, რო\მელნი
Line: 13    ამას იტყჳან და არა შფოთი შემოვიღოთ შორის საღმ\რთოთა
Line: 14    სიტყუათა, რამეთუ იტყჳს მოციქული პავლე, ვითარ\მედ:
Line: 15    "გევედრები, რაჲთა არა უქმ იყვნეთ, არამედ მოქმედე\ბით
Line: 16    შუენიერად ხჳდოდით. და მპარავი იგი ნუღარა იპარავნ.
Line: 17    არამედ შურებოდენ ჴელითა თჳსითა, რაჲთა აქუნდეს სხუათა\ცა
Line: 18    მიცემად, რომელთა უჴმდეს". რამეთუ, აჰა, ესერა, არა
Line: 19    ოდენ საქმჱ ბრძანა პავლე, არამედ შრომითცა და ოფლით.
Line: 20    და კუალად იგივე იტყჳს, ვითარმედ: "საჴმართა ჩემთა და,
Line: 21    რომელნი იყვნეს ჩემ თანა, ჰმსახურეს ჴელთა ამათ", და კუ\ალად
Line: 22    თქუმულ არს მისთჳს, ვითარმედ: "დაადგრა აკჳლას
Line: 23    თანა და პრისკილას, და შურებოდა". და ჯერ-არს უკუე, რაჲ\თა
Line: 24    თარგმანიცა ვთქუათ ამის სიტყჳსაჲ და არა ოდენ წინააღ\მდგომსა
Line: 25    ვიტყოდით. ამას უკუე ვიტყჳ, ვითარმედ არაზრუნ\ვაჲ
Line: 26    არა თუ არაშრომაჲ არს, არამედ რაჲთა არა შევჰმშჭუა\ლოთ
Line: 27    გონებაჲ ჩუენი სოფლისა საქმეთა, და გარეწარად გუა\ქუნდეს
Line: 28    საქმჱ ჴორცთაჲ, და არა ვიუნჯებდეთ ხვალისა, რა\მეთუ
Line: 29    არა თუ არა ეგების შრომაჲ და არა უნჯებაჲ ხვალი\სათჳს,
Line: 30    რამეთუ არა ერთი არს შრომაჲ და ზრუნვაჲ, არამედ
Line: 31    იქმნების შრომაჲ და არა ზრუნვაჲ და, რომელ-იგი მართას
Page: I-290   Line: 1    ჰრქუა, არა თუ საქმესა აყენებდა, არამედ რაჲთა არა სწავ\ლისა
Line: 2    ჟამსა და ლოცვისასა წარაგებდეს ჴორცთა ზრუნვასა
Line: 3    შინა, არამედ თჳსსა ჟამსა იქმოდის ყოველსავე, და არა თუ
Line: 4    უქმობასა ასწავლიდა, არამედ სწავლისა კეთილად სმენასა,
Line: 5    ვითარცა ეტყოდა, ვითარმედ: "მოვედ თქუენდა უმჯობჱსისა
Line: 6    სწავლად და შენ ტაბლასა ჰზრუნავა? რამეთუ მე ესე ტაბ\ლაჲ
Line: 7    მნებავს, რაჲთა კეთილად ისმენდე სიტყუათა ჩემთა, ვი\თარცა,
Line: 8    ესერა, დაჲ შენი იქმს. არა თუ უცხოთმოყუარეობასა
Line: 9    აყენებდა, _ ნუ იყოფინ! _ არამედ რაჲთა ჟამსა სწავლი\სასა
Line: 10    არარას სხუასა შეექცეოდის, ხოლო სიტყუაჲ ესე, თუ:
Line: 11    "იქმოდის ნუ საზრდელსა წარსაწყმედელსა", არა თუ ამას
Line: 12    მოასწავებს, თუ უქმობაჲ ჯერ-არს, რამეთუ ესე არს უფროჲ\სად
Line: 13    საზრდელი წარსაწყმედელი უქმობაჲ, "რომელმან ყო\ველნი
Line: 14    ბოროტნი ასწავნა კაცთა", არამედ ამას მოასწავებს,
Line: 15    რაჲთა ვიქმოდით და სხუათა მივსცემდეთ. რამეთუ ესე არს
Line: 16    არაწარსაწყმედელი საზრდელი, ხოლო უკუეთუ ვინ უქმად
Line: 17    იყოს, ოდენ იშუებდეს და აღმოივსებდეს მუცელსა, იგი იქმს
Line: 18    საზრდელსა წარსაწყმედელსა. უკუეთუ კულა შურებოდის
Line: 19    ვინ და ქრისტესა შეჰმოსდეს და ზრდიდეს, რომელ არიან
Line: 20    გლახაკნი, ვინმცა იყო ესრეთ გაცოფებული, რომელმანცა
Line: 21    თქუა მისთჳს, ვითარმედ: "წარსაწყმედელსა საზრდელსა
Line: 22    იქმს"? რომლისათჳს აღთქუმული არიან საუკუნენი კეთილნი,
Line: 23    ხოლო მათ ერთა ვინაჲთგან სულიერისათჳს არცა ერთი
Line: 24    ზრუნვაჲ აქუნდა, არცა ეძიებდეს, თუ რომლითა ძალითა იქმს
Line: 25    უფალი საქმეთა მათ, არამედ ოდენ მუცლისა აღმოვსებასა
Line: 26    ეძიებდეს. ამისთჳს სამართლად ესევითარსა მას საზრდელსა
Line: 27    საზრდელად წარსაწყმედელად სახელ-სდვა უფალმან, ვი\თარმცა
Line: 28    იტყოდა, ვითარმედ: "გამოვზარდენ მე ჴორცნი
Line: 29    თქუენნი", რაჲთამცა სულიერისა საზრდელისა ძიებად მო\ხუედით
Line: 30    და თქუენ ჯერეთ ქუეყანისასა ეძიებთა? ამისთჳს
Line: 31    გეტყჳ, რაჲთა არა ამას უნდოსა ეძიებდეთ, არამედ მას, რო\მელი
Line: 32    არა საწუთროჲ არს, არამედ საუკუნოჲ, რომელი არა
Line: 33    ჴორცთა ზრდის, არამედ სულთა".

Line: 34       ხოლო ვინაჲთგან დიდი სიტყუაჲ თქუა თავისა თჳსისათჳს,
Page: I-291   Line: 1    ვითარმედ: "ესე ძემან კაცისამან მოგცეს თქუენ", რაჲთა არა
Line: 2    ევნოს მათ სიტყჳსა მისგან, ამისთჳს შესძინა და თქუა მამი\სათჳს,
Line: 3    რამეთუ ჰრქუა რაჲ, ვითარმედ: "ძემან კაცისამან
Line: 4    მოგცეს თქუენ", მეყსეულად შესძინა და თქუა, რამეთუ:
Line: 5    "ამას მამამან დაჰბეჭდა ღმერთმან, ესე იგი არს, ვითარმედ
Line: 6    ამისთჳს მოავლინა, რაჲთა ესევითარი საზრდელი მოგართუას
Line: 7    თქუენ". ხოლო მოასწავებს სიტყუაჲ ესე სხუასაცა ძალსა,
Line: 8    რამეთუ იტყჳს სხუასა ადგილსა ქრისტე, ვითარმედ: "რომელ\მან
Line: 9    ისმინნეს სიტყუანნი ჩემნი", დაჰბეჭდა მან, ვითარმედ
Line: 10    ღმერთი ჭეშმარიტ არს, ესე იგი არს, ვითარმედ გამოაჩინა და
Line: 11    დაამტკიცა თჳსითა წამებითა, რამეთუ უფალიცა თჳთ გამო\აჩინებდა
Line: 12    თავსა თჳსსა, არამედ ოდეს ჰურიათა ეტყჳნ, მამისა
Line: 13    წამებაჲ შორის შემოიღის.




Part: S44  
Line: 14  სწავლაჲ მდ

Line: 15  ვითარმედ არარაჲ არიან კეთილნი ამის სოფლისანი


Line: 16       ვისწრაფოთ უკუე ჩუენცა, საყუარელნო, რაჲთა ესევი\თართა
Line: 17    საქმეთა ვითხოვდეთ ღმრთისაგან, ვითარი ჯერ-არს
Line: 18    მის მიერ თხოვად, რამეთუ საწუთროჲსა საქმენი, დაღაცათუ
Line: 19    ჭირითა მოგუეცემოდიან, არას გუევნების, არამედ მცირედ
Line: 20    ჟამ თუ განვმდიდრდეთ, მცირედ ჟამ ყოფად ვართ მათ შინა,
Line: 21    გინა თუ დავგლახაკნეთ, არარაჲ გუევნების სიგლახაკისა მის\გან,
Line: 22    რამეთუ არცა კეთილნი ამის საწუთროჲსანი არიან სიხა\რულ,
Line: 23    არცა ჭირნი საგლოველ, არამედ ორივე შეურაცხ არს
Line: 24    და ადრე წარმავალ, ამისთჳსცა "გზად" წოდებულ არს ცხო\რებაჲ
Line: 25    ესე ღმრთისა მიერ, ერთი იგი ფართოდ და მეორჱ
Line: 26    იწროდ და საჭიროდ. საუკუნოჲ საქმჱ სულისაჲ ყოველივე
Line: 27    უკუდავად ჰგიეს _ ტანჯვაჲცა და სუფევაჲცა. ამისთჳს
Line: 28    უკუე ვიღუაწოთ, რაჲთა სატანჯველთაგან განვერნეთ
Page: I-292   Line: 1    და განსუენებაჲ ვპოვოთ. რამეთუ რაჲ არს სარგებე\ლი
Line: 2    შუებისა ამის საწუთროჲსა? დღეს არს და ხვალე
Line: 3    არა არს, დღეს არს ყუავილ ბრწყინვალე და ხვალე მტუერ
Line: 4    წარწყმედულ; დღეს არს ცეცხლ მოტყინარე და ხვალე ნაცარ
Line: 5    დამშრტალ, არამედ სულიერი არარაჲ არს ესრეთ, გარნა
Line: 6    მარადის ჰგიეს იგი ბრწყინვალედ და ყუავის იგი შუენიერად
Line: 7    და მარადღე უბრწყინვალე იქმნების, სიმდიდრჱ იგი არაოდეს
Line: 8    დასცხრების, არას სხუასა მიეცემის, არცა დაილევის, არცა
Line: 9    მოაწევს ოდეს ზრუნვასა და შურსა და შესმენასა, არცა ჴორ\ცთა
Line: 10    წარსწყმედს, არცა სულსა განხრწნის, რამეთუ ესე ყო\ველი
Line: 11    სოფლისა სიმდიდრესა შინა იპოვების. ხოლო იგი დი\დებაჲ
Line: 12    არა ზუაობად მიიყვანებს, არცა ჴურვებასა შეუქმს,
Line: 13    არცა ოდეს განილევის და განსუენებაჲ იგი ზეცისაჲ ეგრეთ\ვე
Line: 14    უკუე ჰგიეს უცვალებელად და უკუდავად, არა არს უკუ\ნისამდე
Line: 15    აღსასრული მისი. იგი უკუე ცხორებაჲ მოვიძიოთ,
Line: 16    რამეთუ, უკუეთუ მას ვეძიებდეთ, სოფლისაჲ ამის არარად
Line: 17    შევჰრაცხოთ, არამედ შეურაცხ-ვყოთ და ვეცინოდით მას, და\ღაცათუ
Line: 18    მეფობასა ვინ ქუეყანისასა მოგუცემდეს, არა შევიწ\ყნაროთ,
Line: 19    უკუეთუ ესე სასოებაჲ გუაქონდეს, რამეთუ სო\ფელსა
Line: 20    ამას მეფობისა უმჯობესი არაჲ იპოვების, გარნა, რო\მელთა
Line: 21    სურვილი ზეცისაჲ აქუნდეს, იგიცა საკიცხელად და
Line: 22    არარად უჩნს მათ და არარაჲსა ღირსად, რამეთუ ყოველი
Line: 23    საქმჱ ადრე დალევნადი არასაწადელ არს და ყოველი საქმჱ,
Line: 24    რომელი დღეს არს და ხვალე არა არს, დაღაცათუ ფრიად დიდ
Line: 25    იყოს, ფრიდ მცირე და არარაჲ არს. ნუმცა უკუე ვიმჭირავთ
Line: 26    ვლტოლვადთა მათ საქმეთა და მსგავსად მდინარისა წარმა\ვალთა,
Line: 27    არამედ მტკიცენი და შეურყეველნი კეთილნი მოვიგ\ნეთ,
Line: 28    რომელთა რისმცა ვართ ჩუენ, ყოველნი, მიმთხუევად
Line: 29    მადლითა და კაცთმოყუარებითა უფლისა ჩუენისა იესუ ქრის\ტესითა,
Line: 30    რომლისა მიერ და რომლისა თანა მამასა ჰშუენის
Line: 31    დიდებაჲ სულით წმიდითურთ აწ და მარადის და უკუნითი
Line: 32    უკუნისამდე, ამენ.



Page: I-293  
Next part


This text is part of the TITUS edition of Johannes Chrysostomus, Commentary on St. John.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.