TITUS
Johannes Chrysostomus, Commentary on St. John
Part No. 47
Previous part

Chapter: 47  
Line: 8  თავი მზ


Part: T  
Line: 9       სიტყუაჲ ესე: "ჰრქუა მათ იესუ: `ამენ, ამენ
Line: 10    გეტყჳ თქუენ, უკუეთუ არა შჭამოთ ჴორცი ძისა კაცისაჲ და
Line: 11    ჰსუათ სისხლი მისი, არა გაქუნდეს ცხორებაჲ თავისა თქუე\ნისაჲ.
Line: 12    ხოლო რომელი ჭამდეს ჴორცსა ჩემსა და სუმიდეს
Line: 13    სისხლსა ჩემსა, აქუნდეს ცხორებაჲ საუკუნოჲ'" (6,53-54) Link to adisnt Link to cinant Link to giornt .
Part: t  
Line: 14    თარგმანი: რაჟამს სულიერთა საქმეთათჳს ვიტყოდით,
Line: 15    ნუმცა რაჲ არს მას ჟამსა სოფლისა საქმეთაგანი სულთა შინა
Line: 16    ჩუენთა, ნუმცა რაჲ იპოვების მიწისაგანი და ქუეყანისაჲ,
Line: 17    არამედ ყოველივე ესევითარი მას ჟამსა წარვდევნოთ ჩუენ\გან
Line: 18    და მიუპყრნეთ ყურნი ჩუენნი და გულნი სიტყუათა მათ
Line: 19    საღმრთოთა სმენასა, რამეთუ უკუეთუ მეფჱ რაჲ მივალნ,
Line: 20    ყოველივე ამბოხებაჲ დაწყნარებულ იქმნის ადგილთა მათ\გან,
Line: 21    რომელთა მივალნ. არა უფროჲსად ვყოთა დაწყნარებაჲ,
Line: 22    რაჟამს სული წმიდაჲ გუეტყოდის ჩუენ, და მყუდროებით და
Line: 23    ძრწოლით ვისმენდეთ მისსა? რამეთუ ძრწოლისაცა დიდისა
Line: 24    ღირს არიან სიტყუანი ესე, რამეთუ იტყჳს:

Part: s  
Line: 25       სახარებაჲ: "ამენ, ამენ გეტყჳ თქუენ, უკუეთუ არა
Line: 26    შჭამოთ ჴორცი ჩემი და ჰსუათ სისხლი ჩემი, არა გაქუნდეს
Line: 27    ცხორებაჲ საუკუნოჲ" (6,53) Link to adisnt Link to cinant Link to giornt. Part: t   თარგმანი: რამეთუ, ვინა\ჲთგან
Line: 28    იგინი იტყოდეს, ვითარმედ: "შეუძლებელ არს ამისი
Line: 29    ქმნაჲ", იგი გამოაჩინებს, ვითარმედ არა თუ ოდენ არა შე\უძლებელ
Line: 30    არს, არამედ თანაწარუვალცა არს, რომელსა ენე\ბოს
Line: 31    ცხორებაჲ.

Part: s  
Line: 32       სახარებაჲ: "რომელი ჭამდეს ჴორცსა ჩემსა და სუ\მიდეს
Line: 33    სისხლსა ჩემსა, აქუნდეს ცხორებაჲ საუკუნოჲ და მე
Page: I-318   Line: 1    აღვადგინო იგი უკუანაჲსკნელსა მას დღესა" (6,54) Link to adisnt Link to cinant Link to giornt. Part: t   თარგ\მანი:
Line: 2    რამეთუ ვინაჲთგან თქუა რაჲ, თუ: "რომელი ჭამ\დეს
Line: 3    ამის პურისაგან, არა მოკუდეს უკუნისამდე", და იგინი
Line: 4    წინააღუდგებოდეს და იტყოდეს, ვითარმედ: "აბრაჰამ მო\კუდა
Line: 5    და წინაჲსწარმეტყუელნი, და ვითარ შენ იტყჳ, თუ:
Line: 6    "არა მოკუდეს?" ამისთჳს თქუა აქა აღდგომაჲ, რაჲთა
Line: 7    აღუჴსენოს საძიებელი იგი მათი და გულისხმა-უყოს, ვითარ\მედ,
Line: 8    დაღათუ მოკუდეს მცირედ ჟამ, არამედ არა უკუნისამ\დე.
Line: 9    ხოლო ზედაჲსზედა აქცევს სიტყუასა ამას ზიარებისასა
Line: 10    წმიდათა მათთჳს საიდუმლოთა, რაჲთა გულისხმა-უყოს და
Line: 11    გამოაჩინოს სიდიდჱ იგი საქმისაჲ მის, და ვითარმედ თჳნიერ
Line: 12    ყოვლისა მიზეზისა ქმნაჲ მისი ჯერ-არს. ხოლო რაჲ არს
Line: 13    სიტყუაჲ იგი, თუ "ჴორცი ჩემი ჭეშმარიტი საჭმელი არს და
Line: 14    სისხლი ჩემი ჭეშმარიტი სასუმელი არს"? რამეთუ ანუ
Line: 15    ამისთჳს თქუა, ვითარმედ: "ჭეშმარიტი საჭმელი და სასუმელი
Line: 16    არს", რამეთუ ზრდის იგი სულსა, ანუ ამისთჳს თქუა, რაჲთა
Line: 17    გულისხმა-უყოს და დაარწმუნოს, სიტყუაჲ თჳსი თუ არა
Line: 18    იგავით თქუმულ არს, რაჲთა არა ეძიებდენ სახესა და იგავსა,
Line: 19    არამედ გულისხმა-ყონ, ვითარმედ ჭეშმარიტებით ჭამაჲ ჯერ\არს
Line: 20    ჴორცისა მისისაჲ. მერმე უკუე იტყჳს, ვითარმედ:

Part: s  
Line: 21       სახარებაჲ: "რომელი ჭამდეს ჴორცსა ჩემსა, ჩემ
Line: 22    თანა დადგრომილ არს" (6,56) Link to adisnt Link to cinant Link to giornt. Part: t   თარგმანი: ხოლო ამას
Line: 23    იტყოდა, რაჲთა გულისხმა-გჳყოს, ვითარმედ, რომელი მას
Line: 24    მიიღებდეს, ღირსებით სრულიად უფალსა შეეერთების, რამე\თუ
Line: 25    "ჩემ თანა დადგრომილ არსო, და მე მის თანა". ხოლო
Line: 26    შემდგომი ამისი ესრეთ ჩანს, თუ შეუწყობელ არს პირველისა
Line: 27    სიტყჳსა მიმართ, უკუეთუ ძალი სიტყჳსაჲ არა გულისხმა\ვყოთ.
Line: 28    რამეთუ ვითარი შეწყობაჲ არს, ანუ რაჲ საქმჱ არსო,
Line: 29    რომელ ვინაჲთგან თქუა, თუ: "რომელი ჭამდეს ჴორცსა ჩემ\სა,
Line: 30    ჩემ თანა დადგრომილ არს, და მე მის თანა?" და მეყსეუ\ლად
Line: 31    შესძინა ამას ზედა:

Part: s  
Line: 32       სახარებაჲ: "ვითარცა მომავლინა მე ცხოველმან მა\მამან,
Line: 33    მეცა ცხოველ ვარ მამისათჳს" (6,57) Link to adisnt Link to cinant Link to giornt. Part: t   თარგმანი:
Page: I-319   Line: 1    გარნა ფრიადი შეწყობილებაჲ აქუს ამას სიტყუასა, რამეთუ
Line: 2    ვინაჲთგან ზემო და ქუემოცა იტყოდა ცხოვრებისათჳს საუ\კუნოჲსა,
Line: 3    და მერმე თქუა, ვითარმედ: "ჩემ თანა დადგრომილ
Line: 4    არს". ამისთჳსცა თქუა შემდგომიცა იგი, ვითარმცა იტყოდა,
Line: 5    ვითარმედ: "რომელი ჭამდეს ჴორცსა ჩემსა, ჩემ თანა დადგ\რომილ
Line: 6    არს, ხოლო მე ცხოველ ვარ" და საცნაურ არს უკუე,
Line: 7    ვითარმედ იგიცა ცხოველ იყოს. და მერმე იტყჳს:

Part: s  
Line: 8       სახარებაჲ: ვითარცა მომავლინა მე ცხოველმან მა\მამან
Line: 9    (6,57) Link to adisnt Link to cinant Link to giornt. Part: t   თარგმანი: ხოლო ესე სწორებისა და მსგავ\სებისაჲ
Line: 10    არს და სიტყუაჲ ესე ესევითარი არს, ვითარმედ:
Line: 11    "ცხოველ ვარ მე ესრეთ, ვითარცა მამაჲ". და რაჲთა არა
Line: 12    უშობელად ჰგონებდე მას, ამისთის თქუა, ვითარმედ: მამი\სათჳს
Line: 13    არა თუ ამას მოასწავებს, თუ ძალი რაჲმე უჴმს სხჳსა
Line: 14    მიერ ცხორებისათჳს, რამეთუ ესე პირველვე აღმოჰფხურა
Line: 15    ჩუენგან და თქუა, ვითარმედ; "ვითარცა მამასა აქუს ცხო\რებაჲ
Line: 16    საუკუნოჲ, ეგრეთვე მოსცა ძესა, რაჲთა აქუნდეს
Line: 17    ცხორებაჲ თავსა შორის თჳსსა ესრეთვე, ვითარცა მამასა".
Line: 18    ვინაჲთგან უკუე ესრეთ აქუს ცხორებაჲ, ვითარცა მამასავე,
Line: 19    ვერღარა სადამე საჴმარ არს მისდა სხუაჲ შემწჱ ცხორებისადა.
Line: 20    ხოლო რაჲ არს სიტყუაჲ იგი, რომელ თქუა, თუ: "ცხოველ
Line: 21    ვარ მამისათჳს", რამეთუ ამას ადგილსა მიზეზსა მას მოასწა\ვებს,
Line: 22    ხოლო სიტყუაჲ ესე ესევითარი არს, ვითარმედ: "ვი\თარცა
Line: 23    მამაჲ ცხოველ არს, ეგრეთვე მე ცხოველ ვარ, და
Line: 24    რომელი ჭამდეს ჩემგან, იგიცა ცხოველ არს ჩემთჳს". ხოლო
Line: 25    ცხორებასა აქა იტყჳს მაღალსა მას საღმრთოსა და არა ლი\ტონსა
Line: 26    ამას, რომელი ყოველთავე აქუს, რამეთუ ამის მიერ
Line: 27    საცნაურ არს, რომელ არა კაცობრივსა მას ცხორებასა იტყჳს,
Line: 28    არამედ საღმრთოსა და წმიდასა, რომელ ამით კაცობრივითა
Line: 29    ცხორებითა ყოველნივე ცხოველ არიან, ურწმუნონიცა და
Line: 30    რომელთა არა ეჭამოს ჴორცისა მისგან მისისა. ჰხედავა, ვი\თარ
Line: 31    არა ამის ცხორებისათჳს იტყოდა, არამედ საუკუნოჲსა
Line: 32    მის? რამეთუ ესევითარი არს სიტყუაჲ მისი, ვითარმედ: "რო\მელი
Line: 33    ჭამდეს ჴორცსა ჩემსა, გან-რაჲ-ვიდეს ამის სოფლისა\გან,
Line: 34    არა წარწყმდეს, არცა იტანჯოს "და კუალად, რომელ
Page: I-320   Line: 1    თქუა, თუ: "აღვადგინო იგი უკუნაჲსკნელსა მას დღესა", არა
Line: 2    ზოგადისა მის ყოველთა აღდგომისათჳს თქუა, რამეთუ ყო\ველნივე
Line: 3    აღდგებიან, არამედ რჩეულისა მის და კეთილისა
Line: 4    აღდგომისა, რომელსა აქუნდეს სასყიდელი განმრავლებულად.

Part: s  
Line: 5       სახარებაჲ: მამათა თქუენთა ჭამეს მანანაჲ და მოს\წყდეს,
Line: 6    ხოლო რომელი ჭამდეს პურსა ამას, ცხოვნდეს უკუ\ნისამდე
Line: 7    (6,58) Link to adisnt Link to cinant Link to giornt. Part: t   თარგმანი: აჰა, ესერა, მრავალგზის
Line: 8    იტყჳს სიტყუასა ამას, რაჲთამცა დაამტკიცა ესე გონებათა
Line: 9    შინა მათთა და დარწმუნებად აღდგომისათჳს და ცხორებისა
Line: 10    მის საუკუნოჲსა. ამისთჳსცა აღდგომასა აჴსენებს და ცხორე\ბასა
Line: 11    საუკუნესა აღუთქუამს, რაჲთა უჩუენოს, ვითარმედ არა
Line: 12    აწ არს ცხორებაჲ იგი, არამედ შემდგომად აღდგომისა ყო\ფად
Line: 13    არს. ხოლო უკუეთუ ვინ თქუას, თუ: "სადაჲთ საცნაურ
Line: 14    არს ესე?" ისმინენ ყოველთა წერილთაჲ, რამეთუ ყოველსავე
Line: 15    ადგილსა წერილისა მიმართ მიავლენდა მათ და უბრძანებდა
Line: 16    მათ მიერ ცნობად ჭეშმარიტებასა. ხოლო თქუა რაჲ, ვითარ\მედ,
Line: 17    "ესე პური ცხორებასა მოსცემს სოფელსა", ამით სიტ\ყჳთა
Line: 18    ენება, რაჲთამცა შურად მოიყვანნა იგინი, რაჲთა შეჰ\შურდეს
Line: 19    მათ სხუათა იგი შესლვაჲ ცხორებასა და არა დაშ\თენ
Line: 20    იგინი გარე, ხოლო ზედაჲსზედა მოაჴსენებს მათ მანა\ნაჲსათჳს,
Line: 21    რაჲთამცა უჩუენა, თუ რაოდენი განყოფილებაჲ
Line: 22    აქუს ნიჭსა ამას, მის მიერ მოცემულსა, მანანაჲსა მისგან და
Line: 23    რაჲთამცა მოიყვანნა იგინი სარწმუნოებად. რამეთუ უკუეთუ
Line: 24    შემძლებელ იქმნა ორმეოც წელ თჳნიერ მუშაკობისა და თეს\ვისა
Line: 25    ესრეთ გამოზრდად მათა, არა აწ უფროჲსად ქმნასა ესე\ვითარი,
Line: 26    ენებოს თუ, რომელი-იგი უმეტესითა მოწყალე\ბითა
Line: 27    კაცთაჲთა მოსრულ არს? რამეთუ უკუეთუ იგი ყოვე\ლი
Line: 28    სახჱ იყო და ესრეთ უჭირველად იქმნებოდა, არამცა აწ
Line: 29    უფროჲსად იქმნა საქმჱ იგი, სადა-იგი ფრიადი არს ჭეშ\მარიტებისა
Line: 30    ძალი არაოდეს აღსრულებისა და ყოფისაჲ ცხო\რებასა
Line: 31    მას შინა ჭეშმარიტსა? ხოლო ცხორებასა ყოველსავე
Line: 32    ადგილსა აჴსენებს, რამეთუ ცხორებაჲ სასურველ არს კაც\თა
Line: 33    მიერ და არარაჲ არს ესრეთ ტკბილ, ვითარ არა სიკუდილი.
Line: 34    რამეთუ ძუელსა მასცა შინა აღთქუმასა ესე იყო კეთილ: სიგ\რძჱ
Page: I-321   Line: 1    დღეთაჲ და ცხორებაჲ მრავალ ჟამ, არამედ აწ არა ოდენ
Line: 2    სიგრძჱ არს, გარნა ცხორებაჲ დაუსრულებელი და კუალად
Line: 3    ამას ყოველსა ზედა ენებაცა ჩუენებად, ვითარმედ საშჯელისა
Line: 4    მის ურჩებისაგან ჩუენისა მოწყევნულისა ჩუენ ზედა განქარ\ვებაჲ
Line: 5    ენება, და აწ განჩინებასა მას სიკუდილსა მიმყვანე\ბელსა,
Line: 6    დაჰჴსნის და მის წილ შემოიღებს ცხორებასა საუკუ\ნესა
Line: 7    წინააღმდგომად პირველისა მის.

Part: s  
Line: 8       სახარებაჲ: "ესე თქუა შესაკრებელსა შორის და ასწა\ვებდა
Line: 9    კაფარნაუმს" (6,59) Link to adisnt Link to cinant Link to giornt. Part: t   თარგმანი: ესე ყოველი თქუაო
Line: 10    კაფარნაუმს, სადა-იგი უმრავლესნი ძალნი იქმნნეს, და
Line: 11    ამისთჳს ჯერ-იყო რწმუნებაჲ მათი სიტყუათა მისთაჲ, ხოლო
Line: 12    ასწავლიდა შესაკრებელთა შორის და ტაძართა, ერთად,
Line: 13    ამისთჳს, რაჲთამცა სიმრავლჱ იგი ერისაჲ ისმენდა მისსა და
Line: 14    მოიქცეოდესმცა, და, კუალად ამისთჳს, რჲთამცა უჩუენა
Line: 15    ყოველთა, ვითარმედ არა წინააღმდგომი არს მამისაჲ.

Part: s  
Line: 16       სახარებაჲ: "მრავალთა, რომელთა ესმა ესე მოწაფეთა
Line: 17    მისთაგან, და იტყოდეს: `ფიცხელ არს სიტყუაჲ ესე'" (6,60) Link to adisnt Link to cinant Link to giornt .
Part: t  
Line: 18    თარგმანი: ვითარ ფიცხელ არს, საჭირო არსო და საშრო\მელ.
Line: 19    და ვითარ თქუეს ესე? და ვინაჲთგან იგი არას იტყოდა
Line: 20    ესევითარსა, რამეთუ არა თუ ჴორციელთა სათნოებათათჳს
Line: 21    ასწავებდა, არამედ სარწმუნოებისათჳს, რაჲსათჳს უკუე ფიც\ხელ
Line: 22    არს სიტყუაჲ ესე? ამისთჳს, რამეთუ ცხოვრებისა და
Line: 23    აღდგომისა აღთქუმასა იქმს, ანუ რომელ თქუა, თუ "ზეცით
Line: 24    გარდამოვჴედო". ანუ, ვითარმედ: "შეუძლებელ არს ცხორე\ბაჲ,
Line: 25    რომელმან არა ჭამოს ჴორცი მისი", და ესენი არიანა
Line: 26    ფიცხელ? და ვინ თქუას, თუ: "ესენი ფიცხელ არიან"? ხო\ლო
Line: 27    რად იტყოდეს, თუ: "ფიცხელ არს?" გარნა ამისთჳს,
Line: 28    ვითარმედ ძნიად შესაწყნარებელ არს და უზეშთაეს უძლურე\ბისა
Line: 29    მათისა და სავსე შიშითა და ჰგონებდეს მას, თუ უმეტეს
Line: 30    ღირსებისა თჳსისა ეტყჳს მათ და უზეშთაეს თავისა თჳსისა,
Line: 31    და იტყოდეს, ვითარმედ: "ვის ძალ-უც სმენად მისა?" რამე\თუ
Line: 32    თავთა თჳსთა განიმართლებდეს, რომელთა-იგი ენება
Line: 33    წარსლვაჲ მისგან. ხოლო იესუ ცნა რაჲ სულითა თჳსითა,
Line: 34    ვითარმედ დრტჳნვენ, რამეთუ ესეცა საქმჱ ღმრთეებისა
Line: 35    მისისაჲ იყო, რომელ დაფარულთა მათ გულისათა გამოაც\ხადებდა,
Line: 36    და ეტყოდა, ვითარმედ "ესე დაგაბრკოლებს
Page: I-322   Line: 1    თქუენ?" ესე უკუე ნათანაელს ზედაცა ქმნა, ვითარმედ:
Line: 2    "გარქუ შენ, თუ გიხილე ლეღუსა ქუეშე, გრწამს, ამისა უმე\ტესი
Line: 3    იხილო" და აქაცა აწ ეგრეთვე ეტყჳს, ვითარმედ:

Part: s  
Line: 4       სახარებაჲ: "ესე დაგაბრკოლებსა, უკუეთუ იხილოთ
Line: 5    ძჱ კაცისაჲ აღმავალი, სადაცა იყო პირველ?" (6,61-62) Link to adisnt Link to cinant Link to giornt .
Part: t  
Line: 6    თარგმანი: ესრეთ ნიკოდემოსსცა ეტყოდა, ვითარმედ:
Line: 7    "არა ვინ აღვიდა ზეცად, გარნა ზეცით მოსრული იგი ძჱ კა\ცისაჲ,
Line: 8    რომელი იყო ზეცას". რაჲ არს? ნუუკუე დაფარულე\ბასა
Line: 9    დაფარულთა ზედა დაჰრთავსა? გარნა არა, _ ნუ იყო\ფინ!
Line: 10    არამედ სიმაღლითა მით და სიმრავლითა სწავლათა მის\თაჲთა
Line: 11    ენება მოქცევაჲ მათი, რამეთუ, რომელმან თქუას ესე
Line: 12    ლიტონად, თუ: "გარდამოვჴედ ზეცით", და სხუაჲ არარაჲ
Line: 13    შესძინოს, უფროჲსად დააბრკოლებს. ხოლო მისნი იგი სიტ\ყუანი,
Line: 14    რომელ იტყოდა, თუ "ჴორცი ჩემი ჭეშმარიტი ცხო\რებაჲ
Line: 15    არს სოფლისაჲ", და ვითარმედ: "ვითარცა მოამვლინა
Line: 16    მე ცხოველმან მამამან, მეცა ცხოველ ვარ მამისათჳს", და
Line: 17    ვითარმედ: "ზეცით გარდამოვჴედ, _ ესე ყოველი დამჴსნელი
Line: 18    იყო ურწმუნოებისაჲ. რამეთუ რომელმან ერთგზის თქუას
Line: 19    რაჲმე, ნუუკუედა საეჭუელცა იქმნას, თუ არა ჭეშმარიტ არს,
Line: 20    ხოლო რომელი ესრეთ მრავალგზის და მრავალთა მოწამეთა
Line: 21    წამებითა და საქმითა ესეოდენითა გამოაჩინებდეს სიტყჳსა
Line: 22    თჳსისა ჭეშმარიტებასა, იგი ყოველსავე იჭუსა უჩინო-ჰყოფს.
Line: 23    ეგრეთ უკუე უფალი იქმოდა, ხოლო ყოველსავე იქმოდა და
Line: 24    იტყოდა, რაჲთამცა განარინნა იგინი გულისსიტყჳსა მისგან,
Line: 25    რომელ ძედ იოსებისა ჰგონებდეს მას. საცნაურ არს უკუე, ვი\თარმედ
Line: 26    არა განმრავლებად დაბრკოლებისა მის იტყოდა სიტ\ყუათა
Line: 27    მათ. არამედ უფროჲსად სრულიად დაჴსნად დაბრკო\ლებისა,
Line: 28    რამეთუ რომელი იოსების ძედმცა ჰგონებდა მას,
Line: 29    არა შეიწყნარებდა იგი სიტყუათა მათ, ხოლო რომელმანცა
Line: 30    ირწმუნა, თუ ზეცით გარდამოსრულ არს და მუნვე აღვალს
Line: 31    იგი, ადვილად ირწმუნებდა ყოველთავე სიტყუათა მისთა.
Line: 32    ხოლო შემდგომად ამათ სიტყუათა, აჰა, ესერა, იხილე, ვითარ
Line: 33    სხუასაცა დაბრკოლებისა დამჴსნელსა სიტყუასა ეტყჳს მათ:
Page: I-323  
Part: s  
Line: 1       სახარებაჲ: "სული არს განმაცხოველებელი, ხოლო
Line: 2    ჴორცნი არად სარგებელ არიან" (6,63) Link to adisnt Link to cinant Link to giornt. Part: t   თარგმანი: ხოლო
Line: 3    სიტყუაჲ ესე, რომელსა იტყჳს, ესევითარი არს, ვითარმედ
Line: 4    სულიერად ჯერ-არს ჩემთჳს თქუმულთა მათ სიტყუათა სმენაჲ,
Line: 5    რამეთუ, რომელი ჴორციელად ისმენდეს მათ, მან ვერაჲ შე\იძინოს,
Line: 6    არცა სარგებელი პოვოს. ხოლო ჴორციელი ესე იყო,
Line: 7    რომელ იჭუეულ იყვნეს იგინი, თუ ვითარ გარდამოჴდა ზეცით,
Line: 8    და რომელ ჰგონებდეს, თუ ძჱ არს იოსებისი, და რომელ იტ\ყოდეს,
Line: 9    თუ "ვითარ ძალ-უც მოცემად ჩუენდა ჴორცი თჳსი
Line: 10    ჭამად?" ესე ყოველი ჴორციელი იყო, ხოლო მათ საქმეთაჲ
Line: 11    სულიერად და საიდუმლოდ ჯერ-არს გულისხმის-ყოფაჲ და
Line: 12    თუ ვინმე თქუას, თუ: "ვითარმცა შეუძლეს მათ ცნობად და
Line: 13    გულისხმის-ყოფად, რაჲ არს ჭამაჲ ჴორცისა მისისაჲ?" გარნა
Line: 14    ჯერ-იყო მათა, რაჲთამცა ჰკითხვიდეს და მოელოდესმცა ჟამსა
Line: 15    გულისხმის-ყოფად და არამცა ესრეთ მეყსეულად დაბრკოლ\დებოდეს
Line: 16    და იტყოდეს, თუ: "შეუძლებელ არს ამის საქმისა
Line: 17    ქმნაჲ".

Part: s  
Line: 18       სახარებაჲ: "სიტყუანი, რომელ გარქუნ, სულ არიან
Line: 19    და ცხოვრება" (6,63) Link to adisnt Link to cinant Link to giornt. Part: t   თარგმანი: ხოლო რაჲ არს ესე,
Line: 20    თუ: "სულ არიან?" ესე იგიარს, ვითარმედ სულიერ არიან და
Line: 21    არარაჲ ჴორციელი ჰრთავს მათ შინა, არცა ბუნებისა ამის
Line: 22    უძლურისა საქმენი, არამედ განყენებულ არიან ყოვლისაგანვე
Line: 23    საქმისა ქუეყანისა და შჯულთა და წესთაგან ქუეყანისათა და
Line: 24    სხუაჲ ძალი აქუს განშოვრებული და ამაღლებული ამის ყოვ\ლისაგან.
Line: 25    ვითარცა უკუე აქა სული თქუა სულიერისა წილ,
Line: 26    ეგრეთვე ჴორცი რაჲ თქუა, არა ჴორცთათჳს თქუა, არამედ
Line: 27    ჴორციელად სმენისათჳს და მათცა უჩუენებდა, ვითარმედ
Line: 28    მარადის ჴორციელისათჳს ჰსურის მათ, არამედ ჯერ-იყო სუ\ლიერისათჳს
Line: 29    სურვილი, რამეთუ უკუეთუ ვინ სიტყუანი ესე
Line: 30    ჴორციელად გულისხმა-ყვნეს, არარაჲ ერგოს, რაჲ არს უკუე
Line: 31    ჴორცნი, არა ჴორც არიანა? ჰე, ჭეშმარიტად, ვითარ იტყჳს,
Line: 32    ვითარმედ: "ჴორცნი არად სარგებელ არიან". არა თჳსთა
Line: 33    ჴორცთათჳს იტყჳს, _ ნუ იყოფინ! _ არამედ მათთჳს, რო\მელნი
Line: 34    ჴორციელად გულისხმა-ჰყოფენ. ხოლო რაჲ არს
Line: 35    ჴორციელად გულისხმის-ყოფაჲ? გარნა ესე, რომელ კაცი
Line: 36    ესრეთ ლიტონად ჰხედვიდეს სიტყუათა ამათ და არად შეე\რაცხნენ
Page: I-324   Line: 1    დიდად საიდუმლოდ და მაღლად, რამეთუ ესე არს
Line: 2    ჴორციელი, ხოლო ჯერ-არს, არა ესრეთ გულისხმის-ყოფაჲ
Line: 3    გარეგანითა თუალითა, არამედ ყოველთა მათ საიდუმლოთა
Line: 4    შინაგანითა თუალითა უჴმს ხილვაჲ და განცდაჲ, რამეთუ ესე
Line: 5    არს სულიერი.

Part: s  
Line: 6       სახარებაჲ: "რომელი არა ჭამდეს ჴორცსა ჩემსა და
Line: 7    არა სუმიდეს სისხლსა ჩემსა, არა აქუს ცხორებაჲ თავისა
Line: 8    თჳსისაჲ" (6,54) Link to adisnt Link to cinant Link to giornt. Part: t   თარგმანი: ვითარ უკუე არა სარგე\ბელ
Line: 9    არიან ჴორცნი, რომელთა გარეშე ცხორებაჲ არა იქმნე\ბის?
Line: 10    ჰხედავა, ვითარმედ სიტყუაჲ ესე, თუ: "ჴორცნი არა
Line: 11    სარგებელ არიან", არა თჳსისა ჴორცისათჳს თქუმულ არს,
Line: 12    არამედ ჴორციელად სმენისათჳს?

Part: s  
Line: 13       სახარებაჲ: "არამედ არიან ვიეთნიმე თქუენგანნი, რო\მელთა
Line: 14    არა ჰრწამს" (6,64) Link to adisnt Link to cinant Link to giornt. Part: t   თარგმანი: კუალად ჩუე\ლებისაებრსა
Line: 15    მას პატივსა დასდებს სიტყუათა ზედა თჳსთა,
Line: 16    რამეთუ მომავალთა მათ დაფარულთა საქმეთა იტყჳს და უჩუ\ენებს,
Line: 17    ვითარმედ არა მათმიერი დიდებაჲ ეჴმარების, და
Line: 18    ამისთჳს იტყჳს ამას ყოველსა, არამედ რამეთუ ეწყალიან იგი\ნი.
Line: 19    ხოლო თქუა რაჲ, თუ "ვიეთნიმე", ამით სიტყჳთა
Line: 20    მოწაფენი თჳსნი განარჩინა მათგან, რამეთუ პირველითგან
Line: 21    ეტყოდა, ვითარმედ: "მიხილეთ მე და არა გრწამს", ხოლო
Line: 22    აქა იტყჳს:

Part: s  
Line: 23       სახარებაჲ: "`არიან ვიეთნიმე თქუენგანნი, რომელთა
Line: 24    არა ჰრწამს', რამეთუ იცოდა იესუ პირველითგან, თუ ვინ
Line: 25    არიან იგინი, რომელთა არა ჰრწამს, ანუ ვინ არს მიმცემელი
Line: 26    მისი, და ამისთჳს იტყოდა, ვითარმედ: `ვერვის ჴელ-ეწიფე\ბის
Line: 27    მოსლვად ჩემდა, უკუეთუ არა იყოს მიცემულ მისა მა\მისაგან
Line: 28    ჩემისა'" (6,64-65) Link to adisnt Link to cinant Link to giornt. Part: t   თარგმანი: ამას ადგილსა
Line: 29    მახარებელი ნებსითობასა მას მისისა განგებულებისასა აჩუე\ნებს
Line: 30    და ძჳრუჴსენებელობასა მას მისსა. და ესეცა უკუე
Line: 31    სიტყუაჲ, თუ: "პირველითგან იცოდა", არა ცუდად არს აქა,
Line: 32    არამედ რაჲთა გულისხმა-ჰყო მისი იგი პირველითგანი ცნო\ბაჲ
Line: 33    უწინარჱს მრავლისა ჟამისა. და ვითარმედ უწინარეს ამათ
Line: 34    სიტყუათა იცოდა ყოველივე და არა შემდგომად დაბრკოლე\ბისა
Page: I-325   Line: 1    და დრტჳნვისა ცნა მიმცემელი იგი, არამედ უწინარეს
Line: 2    ამის ყოვლისა, რომელი-იგი საქმჱ იყო ღმრთეებისა მისი\საჲ.
Line: 3    მერმე იტყჳს, ვითარმედ: "არა თუმცა მიცემულ იყო
Line: 4    მისა ზეცით მამისა მიერ ჩემისა", რაჲთამცა დაარწმუნა მათ
Line: 5    მამად მისა აღსარებად ღმრთისა და არა იოსებისა, და რაჲთა
Line: 6    უჩუენოს, ვითარმედ არამცირედი საქმჱ არს და ლიტონი მისა
Line: 7    მიმართ სარწმუნოებაჲ. ვითარმცა იტყოდა, თუ არა შევძრ\წუნდები,
Line: 8    არცა უცხო-მიჩნს მათი, რომელთა არა ჰრწმმნეს,
Line: 9    რამეთუ მე ესე პირველითგანვე ვიცი ყოველივე, თუ ვითარ
Line: 10    ყოფად არს, უწინარეს ყოფისა ვიცი ყოველი, თუ ვიეთდა
Line: 11    მიუცემიეს მამასა.

Line: 12       ხოლო რაჟამს გესმეს, თუ "მიუცემიეს", ნუ ესრეთ გუ\ლისხმა-ჰყოფ,
Line: 13    თუ რომელთადამე მიუცემიეს ესრეთ ცუდად,
Line: 14    და რომელთამე არა მისცემს, არამედ ესრეთ გულისხმა-ყავ
Line: 15    და ირწმუნე, ვითარმედ რომელმან ყოს თავი თჳსი ღირს მი\ცემისა,
Line: 16    მას მიეცემის.

Part: s  
Line: 17       სახარებაჲ: "ამის გამო მრავალნი მოწაფეთა მისთა\განნი
Line: 18    უკუნიქცეს და არღარაა ვიდოდეს მის თანა" (6,66) Link to adisnt Link to cinant Link to giornt .
Part: t  
Line: 19    თარგმანი: კუალად, რამეთუ არა თქუა მახარებელმან,
Line: 20    თუ "წარვიდეს", არამედ "უკუნიქცეს", ესე იგი არს, ვითარ\მედ
Line: 21    წარმართება იგი, რომელ მოეგო სათნოებათა მიმართ,
Line: 22    მიაქციეს ბოროტადვე და სარწმუნოებაჲ, რომელი აქუნდა,
Line: 23    წარწყმიდეს და განწვალნეს მისგან თავნი მათნი, გარნა არა
Line: 24    ათორმეტთა ქმნეს ესე, იხილეთ, უკუე, რასა ეტყჳს მათ:

Part: s  
Line: 25       სახარებაჲ: "ნუუკუე თქუენცა გნებავსა წარსლვის"
Line: 26    (6,67) Link to adisnt Link to cinant Link to giornt. Part: t   თარგმანი: რაჲთამცა უჩუენა კუალად, ვითარმედ
Line: 27    არა ეჴმარების მას მათგან მსახურებაჲ და არცა ამისთჳს შე\იწყნარნა
Line: 28    იგინი, რამეთუ ვითარმცა ამისთჳს შეეწყნარნეს,
Line: 29    რომელი მათცა ამასვე ეტყოდა, რამეთუ რაჲსათჳს არა აქნა
Line: 30    იგინი? რაჲსათჳს არა დაუკჳრდა მათთჳს? ერთად, რაჲთამცა
Line: 31    რაჲ-იგი მოძღუარსა ჰშუენის, აღასრულა და რაჲთამცა
Line: 32    უჩუენა, ვითარმედ ამით სახითა ჯერ-არს უფროჲსად დამ\ჭირვაჲ
Line: 33    მათი, და უკუეთუმცა ექნეს, ნუუკუე მოიგონესმცა,
Line: 34    თუ მომადლებისა ჩუენისათჳს იტყჳს და კაცობრივიმცა რაჲმე
Line: 35    შეემთხჳა. ხოლო ესე, რომელ უჩუენებდა, ვითარმედ არა
Line: 36    ეჴმარების მათი მის თანა ყოფაჲ, უფროჲსად დაიმჭირვიდა
Page: I-326   Line: 1    მათ. და იხილე, ვითარ სიბრძნით ჰრქუა მათ და არა ჰრქუა,
Line: 2    თუ: "წარვედით", რამეთუ ესე სახჱ არს განგდებისაჲ, არამედ
Line: 3    ჰკითხა, ვითარმედ: "ნუუკუე თქუენცა გნებავსა წარსლვის",
Line: 4    რომელი-ესე ყოველსავე ჭირსა და იძულებასა მოუღებდა,
Line: 5    რაჲთა უჩუენოს, ვითარმედ არა ჰნებავს, რაჲთა სირცხჳლი\სათჳს
Line: 6    მისისა და რიდობისა დადგნენ მის თანა, არამედ უკუ\ეთუ
Line: 7    უხარის და მადლიერ არიან; და არცა იგინი შეასმინნა
Line: 8    ცხადად, არამედ უჩუენა, თუ ვითარ ჯერ-არს მის თანა ყო\ფაჲ.
Line: 9    ხოლო ჩუენ ზედა ყოველივე წინააღმდგომი იქმნების
Line: 10    და სამართლად. ამისთის ნაკლულევანებად გჳჩნს შორს წარ\სლვაჲ
Line: 11    ჩუენ თანა მყოფთაჲ, ხოლო მან არა მომადლებად მა\თა
Line: 12    რაჲ თქუა, არცა განსხმით, არამედ ჰკითხა, არა თუ შეუ\რაცხ-ჰყოფდა
Line: 13    მათ, არამედ არა ინება იძულებით და ჭირით
Line: 14    დაყენებაჲ მათი, რამეთუ ესრეთ ყოფაჲ იძულებით სწორ
Line: 15    არს არაყოფისა. ისმინე, უკუე რაჲ თქუა პეტრე:

Part: s  
Line: 16       სახარებაჲ: უფალო, ვისა მივიდეთ? სიტყუანი ცხო\რებისა
Line: 17    საუკუნოჲსანი გქონან, და ჩუენ გურწმენა და ვცანთ,
Line: 18    რამეთუ შენ ხარ ქრისტე, ძჱ ღმრთისა ცხოველისაჲ
Line: 19    (6,68-69) Link to adisnt Link to cinant Link to giornt. Part: t   თარგმანი: ჰხედავა, რამეთუ არა სიტყუანი
Line: 20    იგი იყვნეს დამაბრკოლებელ, არამედ სიბრმჱ და უგულისხ\მოებაჲ
Line: 21    მსმენელთაჲ მათ. და უფროჲსად უკუეთუმცა არა
Line: 22    ეთქუა, ყოლადვე საზრდელსამცა ჴორციელსა მოელოდეს
Line: 23    მისგან, რამეთუ იხილეთ, ვითარ ესენიცა ათორმეტნი სხუათა
Line: 24    მათ ერთა თანა იყვნეს და ესმოდა სიტყუაჲ მისი. და უკუა\ნაჲსკნელ
Line: 25    უფიცხლჱსნიცა სიტყუანი ჰრქუნა, და მათ ამას
Line: 26    ყოველსა ზედა თქუეს, ვითარმედ: "ვისა მივიდეთ?" ხოლო
Line: 27    ფრიადსა სიყუარულსა მათსა აჩუენებს სიტყუაჲ ესე, რომელი
Line: 28    აქუნდა მისა მიმართ, და აჩუენებდეს, ვითარმედ უფროჲს
Line: 29    ყოვლისა ქრისტე არს მათა პატიოსან, უფროჲს მამათა და
Line: 30    დედათა და ყოველთავე დაბადებულთა და ვითარმედ, თუ
Line: 31    წარვიდენ მისგან, არღარა აქუს, თუ სადამცა მივიდეს, და
Line: 32    მერმე რაჲთა არა საგონებელ იყოს, თუ ამისთჳს თქუა, ვი\თარმედ:
Line: 33    "ვისა მივიდეთ?" რომელ არა ვინ იყო შემწყნარე\ბელ
Line: 34    მათა. ამისთჳს შესძინა და თქუა, ვითარმედ: "სიტყუანი
Line: 35    საუკუნოჲსა ცხორებისანი გქონან". რამეთუ სხუანი იგი
Line: 36    ჴორციელად და კაცობრივითა გულისსიტყჳთა ისმენდეს სიტ\ყუათა
Page: I-327   Line: 1    მისთა, ხოლო ესენი _ სულიერად შემკობილნი სარწ\მუნოებითა,
Line: 2    რომლისათჳს იტყოდა უფალი, ვითარმედ: "სულ
Line: 3    არიან სიტყუანი ესე და ცხოვრება", ესე იგი არს, ვითარმედ
Line: 4    ნუ კაცობრივთა საქმეთაებრ გულისხმა-ჰყოფ ჩემთა სიტყუა\თა,
Line: 5    რამეთუ არა ესევითარნი არიან სულიერნი სწავლანი, არა
Line: 6    ჰმონებენ იგინი შჯულთა ჴორციელთა, ვითარცა მოციქული
Line: 7    იტყჳს: "ნუ იტყჳ, თუ ვინ აღვიდეს ზეცად?" ესე იგი არს,
Line: 8    ქრისტესი გარდამოყვანება; ანუ "ვინ შთავიდესო უფსკრუ\ლად?"
Line: 9    ესე იგი არს, ქრისტესი მკუდრეთით აღმოყვანებაჲ.

Part: s  
Line: 10       სახარებაჲ: "სიტყუანი ცხორებისა საუკუნოჲსანი
Line: 11    გქონან" (6,68) Link to adisnt Link to cinant Link to giornt. Part: t   თარგმანი: აჰა, ესერა, ამათ აღდგომაჲ
Line: 12    შეეწყნარა და ყოველივე იგი განსუენებაჲ საუკუნოჲ, ხოლო
Line: 13    იხილე შენ ძმათმოყუარჱ იგი და კეთილი პეტრე, ვითარ
Line: 14    ყოვლისათჳსვე კრებულისა მიუგო და არა იტყჳს, თუ:
Line: 15    "მრწმენა", არამედ "გურწმენაო". გულისხმა-ყავ, ვითარ სიტ\ყუათა
Line: 16    მათებრ მოძღურისათა იტყჳს და არა ვითარცა ჰურიანი,
Line: 17    რამეთუ იგინი იტყოდეს, ვითარმედ: "ესე არს ძჱ იოსებისი".
Line: 18    ხოლო ამან თქუა, ვითარმედ: "შენ ხარ ქრისტე, ძჱ ღმრთისა
Line: 19    ცხოველისაჲ", და, ვითარმედ: "სიტყუანი ცხორებისა საუ\კუნოჲსანი
Line: 20    გქონან", რამეთუ ასმიოდეს მას კეთილად სიტყუა\ნი
Line: 21    იგი მოძღურისანი, რომელთა იტყოდა, ვითარმედ: "აღ\ვადგინო
Line: 22    იგი უკუანაჲსკნელსა მას დღესა და აქუნდეს ცხო\რებაჲ
Line: 23    საუკუნოჲ", რამეთუ აჩუენა, ვითარმედ ყოველნივე
Line: 24    სიტყუანი მისნი აჴსოვნან, რაჟამს თჳთ იგინი თქუნა. ხოლო
Line: 25    ქრისტემან, იხილეთ, რაჲ ყო, არა აქო, არცა დაუკჳრდა პეტ\რჱსთჳს,
Line: 26    არამედ მიუგო და ჰრქუა:

Part: s  
Line: 27       სახარებაჲ: "არა მე ათორმეტნი გამოგირჩიენა? და
Line: 28    ერთი თქუენთაგანი ეშმაკი არს" (6,70) Link to adisnt Link to cinant Link to giornt. Part: t   თარგმანი: ხოლო
Line: 29    ვინაჲთგან თქუა პეტრე, თუ: "ჩუენ გურწმენაო", მერმე
Line: 30    უფალმან კრებულისა მისგან განყო იუდა. რამეთუ სხუასა
Line: 31    მას ადგილსა არარაჲ თქუა მან მოწაფეთათჳს, არამედ ოდენ
Line: 32    ჰკითხა რაჲ იესუ, თუ: "თქუენ რასა იტყჳთ ჩემთჳს?" მან
Line: 33    ჰრქუა, ვითარმედ: "შენ ხარ ქრისტე, ძჱ ღმრთისა ცხოველი\საჲ",
Page: I-328   Line: 1    ხოლო აქა ვინაჲთგან თქუა, თუ: "ჩუენ გურწმენა",
Line: 2    ამისთჳს სამართლად არა უტევა იუდას კრებულსა შინა მათ\სა.
Line: 3    ხოლო ესე თქუა, რაჲთამცა პირველითგანვე თქუმითა მით
Line: 4    უკეთურებაჲ იგი მომცემელისა მისისაჲ მოაქცია, რამეთუ მან
Line: 5    იცოდა, ვითარმედ არარაჲ ერგების მას სიტყუათა მათგან; გარ\ნა
Line: 6    იგი თჳსსა იქმოდა, რაჲთამცა ყოვლით კერძო არარაჲ დაუ\ტევა,
Line: 7    რომელიმცა ჯერ-იყო მის მიერ ქმნად, და იხილე სიბ\რძნჱ
Line: 8    იგი! არცა სრულიად გამოაცხადა იგი, არცა დაფარა,
Line: 9    ერთი იგი, ამისთჳს, რაჲთა არა უმეტესსა კადნიერებასა და
Line: 10    ურცხჳნოებასა მოვიდეს. ხოლო, მეორჱ ესე, ამისთჳს, რაჲთა
Line: 11    არა ჰგონებდეს მიმცემელი, თუ დაფარულ არს და უცნაურ
Line: 12    არს მისგან მისი იგი განზრახვაჲ. ამისთჳსცა ქუემორე უმე\ტესთა
Line: 13    მოაწევს მის ზედა მხილებათა, რამეთუ პირველად
Line: 14    სხუათა თანაშეჰრაცხა იგი და თქუა ვითარმედ: "არიან ვინ\მე
Line: 15    თქუენგანნი, რომელთა არა ჰრწამს", და, რამეთუ მიმცე\მელისა
Line: 16    მისთჳს თქუა, ისმინე, რასა-იგი იტყჳს მახარებე\ლი:
Line: 17    იცოდა იესუ პირველითგან, თუ ვინ არიან, რომელთა
Line: 18    არა ჰრწამს, ანუ ვინ არს მიმცემელი მისი; ვინაჲთგან უკუე მას
Line: 19    ზედაცა ეგრეთვე დაადგრა. ისმინე, რასა იტყჳს უფიცხლჱ\სად,
Line: 20    ვითარმედ: "ერთი თქუენგანი ეშმაკი არს", და ყოველ\თა
Line: 21    ზედა მოაწევს შიშსა მას, რაჲთამცა მან უბადრუკმან გუ\ლისხმა-ყო.
Line: 22    ხოლო კეთილ არს აქა ძიებაჲ, თუ რაჲსათჳს არას
Line: 23    იტყჳან აქა მოციქულნი, ხოლო უკუანაჲსკნელსა მას თქუმასა
Line: 24    მისსა შეშინდეს და თჳთოეული ეტყოდა, "ნუუკუე მე ვარო",
Line: 25    და "პეტრე იოვანეს წამ-უყოფდა კითხვად მიმცემელისა
Line: 26    მისთჳს, თუ ვინ არს". რაჲ არს უკუე მიზეზი ამისი? რამეთუ
Line: 27    ვინაჲთგან არა ეთქუა პეტრესდა, თუ: "წარვედ ჩემგან
Line: 28    მართლუკუნ, ეშმაკო", ამისთჳსცა არცა ეშინოდა, ვინაჲთგან
Line: 29    უკუე შეჰრისხნა მას უფალმან, და მას ფრიადითა გულსმოდ\გინებითა
Line: 30    ეთქუა და არა სათნო ეყო უფალსა, არამედ სატანა
Line: 31    უწოდა. ამისა შემდგომად ესმა რაჲ, ვითარმედ: "ერთმან
Line: 32    თქუენგანმან მიმცეს მე", სამართლად შეძრწუნდა. და აწ
Page: I-329   Line: 1    უკუე არა იტყჳს, თუ: "ერთმან თქუენგანმან მიმცეს მე, არა\მედ:
Line: 2    "ერთი თქუენგანი ეშმაკი არსო". ხოლო თქუა ესე,
Line: 3    რაჲთა უჩუენოსცა, თუ ვითარ არარაჲ კაცობრივი იპოვების
Line: 4    მისსა სწავლასა შინა. რამეთუ ვინაჲთგან ყოველთა დაუტე\ვეს
Line: 5    და იგინი ოდენ დაადგრეს მის თანა, პეტრჱს მიერ ყო\ველნივე
Line: 6    აღიარებდეს მას ქრისტედ; რაჲთა არა ჰგონებდენ
Line: 7    მას, თუ: "ამისთჳს კაცობრივად გუეტყოდის ჩუენ", ამისთჳს
Line: 8    განაყენებს იგი სიტყუასა თჳსსა ყოვლისაგანვე კაცობრივისა.
Line: 9    ხოლო სიტყუაჲ მისი, რომელსა იტყჳს, ესევითარი არს, ვი\თარმედ:
Line: 10    "არარაჲ არს, რომელმანცა დამაყენა მე მხილებად
Line: 11    ბოროტთა. ნუ ჰგონებთ, თუ ვინაჲთგან ჩემ თანა დაადგე\რით,
Line: 12    ამისთჳსმცა კაცობრივ რაჲმე გეტყოდე თქუენ, ანუ,
Line: 13    რომელ შემომიდეგით მე, ამისთჳსმცა არა ვამხილე უკეთურ\თა.
Line: 14    რამეთუ რომელი ამათსაცა უზეშთაეს არს, ვერცა იგი
Line: 15    დამაყენებს ამისგან, რამეთუ, რომელი დაადგრეს, იგი სი\ყუარულსა
Line: 16    მოძღურისასა გამოაჩინებს. ხოლო რომელი გა\მორჩეულ
Line: 17    იყოს მის მიერ და მერმე განვარდეს, გულისსიტყუ\ასა
Line: 18    უგულისხმოებისასა მისცემს უგუნურთა, გარნა ვერცა ესე
Line: 19    დამაყენებს მხილებისაგან". და აწცა უკუე ამასვე შემოიღე\ბენ
Line: 20    წარმართნი ბრალობად ქრისტესა უგულისხმოებისა და
Line: 21    ბოროტებისა მათისაგან, რამეთუ არა უწყიან, ვითარმედ
Line: 22    ღმერთი იძულებით არავის ჰყოფს კეთილ და არცა გამორჩე\ვაჲ
Line: 23    მისი მაიძულებელ არს მომავალთათჳს ჟამთა, არამედ
Line: 24    ოდენ მწოდებელი არს კეთილისა მიმართ და მასწავლელი,
Line: 25    რამეთუ, რაჲთა სცნა, ვითარმედ წოდებაჲ მისი არა იძულებით
Line: 26    არს, ისმინე, რაჲ წერილ არს, ვითარმედ: მრავალნი წოდე\ბულთაგანნი
Line: 27    წარწყმდეს. ამისთჳსცა ცხად არს, ვითარმედ
Line: 28    ჩუენსა ნებასა ზედა არს ცხორებაჲცა და წარწყმედაჲცა.




Page: I-330  
Part: S47  
Line: 1  სწავლაჲ მზ

Line: 2  ვეცხლისმოყუარებისათჳს


Line: 3       ვინაჲთგან უკუე ესე ყოველი გუესმის, ვისწრაფოთ ჩუ\ენცა
Line: 4    განფრთხობად და მღჳძარებად მარადის, რამეთუ, რო\მელი-იგი
Line: 5    წმიდასა მას კრებულსა შინა იყოფვოდა და ესო\დენნი
Line: 6    ნიჭნი მიეხუნეს უფლისა მიერ, რომელსა ესეოდენნი
Line: 7    სასწაულნი ექმნნეს, რამეთუ ერთი იგი იყო სხუათა მათგანი,
Line: 8    რომელნი წარავლინნა იესუ მკუდართა აღდგინებად და კეთ\როვანთა
Line: 9    განწმედად, ვინაჲთგან უკუე ესევითარი იგი შეპყრო\ბილ
Line: 10    იქმნა სენითა მით ბოროტითა ვეცხლისმოყუარებისაჲთა
Line: 11    და მოძღუარი თჳსი განყიდა და არარას სარგებელ ეყვნეს
Line: 12    მას ქველისმოქმედებანი იგი და ნიჭნი უფლისანი, არცა მის
Line: 13    თანა ყოფაჲ მისი, არცა დაბანაჲ იგი ფერჴთაჲ, არცა ზია\რებაჲ
Line: 14    იგი ტაბლისა მისისაჲ, არცა ტჳრთვაჲ იგი გუადრუცი\საჲ,
Line: 15    არამედ უფროჲსად დასაშჯელ ექმნა მას ესე ყოველი,
Line: 16    ამისთჳს გევედრები, რაჲთა შევიშინოთ ჩუენცა, ნუუკუე მი\ვემსგავსნეთ
Line: 17    იუდას ვეცხლისმოყუარებითა, რამეთუ, დაღა\ცათუ
Line: 18    ქრისტესა არა განვჰყიდით, არამედ რაჟამს ვიხილოთ
Line: 19    გლახაკი სიყმილითა მომკუდარი, ანუ სიცივითა შეჭირვე\ბული
Line: 20    და სიკუდილად მიახლებული, და შეურაცხ-ვყოთ, მით\ვე
Line: 21    საშჯელითა დავისაჯებით და კუალად ოდეს უღირსებით
Line: 22    მოუჴდეთ ზიარებად წმიდათა საიდუმლოთა, ესრეთ წარვწყ\მდებით,
Line: 23    ვითარცა ქრისტეს მკლველნი და კუალად რაჟამს მო\ვიტაცებდეთ
Line: 24    და ვაშთობდეთ უდარჱსთა ჩუენთა, ფრიადსა
Line: 25    საშჯელსა მოვაწევთ თავთა ზედა ჩუენთა, და სამართლადცა.
Line: 26    ვიდრემდის შეუპყრიეთ ჩუენ ტრფიალებასა წარმავალთა ამათ
Line: 27    საქმეთასა, რომელთა შინა არცა ერთი არს სარგებელი? რა\მეთუ
Line: 28    სიმდიდრჱ უსარგებლოთა მათ საქმეთაჲ არა კეთილ
Line: 29    არს. ვიდრემდის შემშჭუალულ ვართ ამაოებისადა? ვიდრემ\დის
Line: 30    არა მივჰხედავთ საქმეთა მათ მიმართ ზეცისათა, არა
Line: 31    განვიფრთხობთ, არცა განვძღებით საქმეთა ამათგან ქუეყანი\სათა,
Line: 32    უნდოთა ამათ და უმალეს წყლისა მდინარეთა? არცა
Line: 33    ვისწაოთა უნდოებაჲ მათი თჳთ საქმეთა მათ გამოცდილები\საგან?
Line: 34    მოვიგონნეთ უწინარეს ჩუენსა განმდიდრებულნი იგი,
Page: I-331   Line: 1    არა ყოველივე დიდებაჲ მათი სიზმარ იქმნაა? არა აჩრდილ
Line: 2    და ყუავილ დაჭნობილ იქმნაა? არა ზღაპარ და ჰამბავ იქმნაა
Line: 3    ყოველივე იგი? ვინმე განმდიდრდაო, და აწ სადა არს სიმ\დიდრე
Line: 4    მისი? წარწყმდა და განიხრწნა. და ცოდვანი იგი, რო\მელნი
Line: 5    სიმდიდრისა მის მიერ ექმნნეს, ჰგიან და ცოდვათა მის\თათჳს
Line: 6    სატანჯველი იგი არს, და უფროჲსად, დაღაცათუმცა
Line: 7    არცა სატანჯველი, არცა სასუფეველი წინამდებარე იყო, ბუ\ნებისა
Line: 8    მისგან ნათესავისა ჩუენისა სირცხჳლი ჯერ-იყო, რო\მელ
Line: 9    არიან გლახაკნი. ხოლო აწ ჩუენგანნი მრავალნი ძაღლთა
Line: 10    და ქორებსა და ავაზათა და სხუათა თჳთოსახეთა მჴეცთა
Line: 11    ზრდიან, და კაცთა გლახაკთა შეურაცხჰყოფენ, ჭირვეულთა
Line: 12    შიმშილითა, და უპატიოსნეს არს წინაშე ჩუენსა უცხოჲ იგი
Line: 13    უფროჲს ჩუენისა ბუნებისა, და უპატიოსნეს არს ჩუენდა
Line: 14    თჳსი იგი უფროჲს მისა, რომელსა-იგი არცა ერთი თჳსებაჲ
Line: 15    აქუს ჩუენ თანა. ანუ ტაძართა შინა კეთილადგებულთა ყო\ფაჲ
Line: 16    და ოქრომოლესულთა სართულთა ხედვაჲ და ურიცხუთა
Line: 17    მონათა ქონებაჲ კეთილ და პატიოსან არსა? ნუ იყოფინ! არა\მედ,
Line: 18    უფროჲსად ბოროტ არს და უსარგებლო, რამეთუ არიან
Line: 19    სხუანი ტაძარნი და სართულნი ამათ უმჯობჱსნი და უპატიოს\ნესნი.
Line: 20    ესევითართა მათ ტაძართა ხედვითა კეთილ არს გან\მხიარულებაჲ
Line: 21    თუალთაჲ, რამეთუ არა ვინ არს დამაყენებელ.
Line: 22    გნებავსა უკუე კეთილისა სართულისა ხილვაჲ? მე გიჩუენო
Line: 23    შენ. მწუხრი მოიწიოს, მიჰხედენ ცასა, ვარსკულავითა შემ\კობილსა,
Line: 24    ანუ იტყჳა, თუ არა ჩემი არსო სართული იგი,
Line: 25    არამედ გულისხმა-ყავ, ვითარმედ იგი არს უფროჲსად შენი,
Line: 26    ვიდრეღა ესე, რამეთუ შენთჳს ქმნილ არს და ზიარად არს
Line: 27    შენი და ძმათა შენთაჲ, ხოლო ესე არა შენი არს, არამედ
Line: 28    მათი, რომელთა შემდგომად სიკუდილისა შენისა დაიმკჳდრონ
Line: 29    იგი; იგი ფრიად სარგებელ გეყოს შენ, რაჟამს შუენიერებითა
Line: 30    მისითა დამბადებელისა მიმართ გულისხმის-ყოფასა მოგცემ\დეს
Line: 31    შენ, ხოლო ამან ფრიად გავნოს, რაჟამს შემასმენელ
Line: 32    შენდა იქმნეს დღესა მას საშჯელისასა, რაჟამს შენ ოქროჲთა
Line: 33    შემოსილ იყო და გლახაკსა, რომელ არს ქრისტე, არცა მცირე
Line: 34    სამოსელი აქუნდეს. ნუ ძმანო, ნუ ესრეთ უგულისხმო ვართ,
Line: 35    ნუ ვსდევთ საქმეთა მათ, რომელნი გუევლტიან, ვსდევდეთ
Line: 36    მათ, რომელნი გუელიან, ნუცა განვსცემთ ცხორებასა ჩუ\ენსა,
Page: I-332   Line: 1    არამედ მოვეკიდნეთ სასოებასა მას მერმისა საუკუნო\ჲსასა.
Line: 2    ბერნი ვიგონებდეთ, ვითარმედ, აჰა, ესერა, მოახლე\ბულ
Line: 3    არს სიკუდილი, ჭაბუკნი კუალად ვიგონებდეთ, ვითარ\მედ,
Line: 4    უცნაურ არს ჟამი სიკუდილისაჲ და, ვითარცა მპარავი
Line: 5    ღამით, ესრეთ მოიწევის დღჱ იგი. ამისთჳს უკუე ვეკრძალ\ნეთ
Line: 6    ყოველნი და ვასწავებდეთ ურთიერთას შეურაცხ-ყოფად
Line: 7    წარმავალთა ამათ და წარუვალთა მათ ზრუნვად, რაჲთა ღირს
Line: 8    ვიქმნნეთ პოვად კეთილთა მათ საუკუნეთა მადლითა და
Line: 9    კაცთმოყუარებითა უფლისა ჩუენისა იესუ ქრისჱსითა,
Line: 10    რომლისა მიერ და რომლისა თანა მამასა ჰშუენის დიდებაჲ
Line: 11    სულით წმიდითურთ აწ და მარადის და უკუნითი უკუნი\სამდე,
Line: 12    ამენ.



Next part


This text is part of the TITUS edition of Johannes Chrysostomus, Commentary on St. John.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.