TITUS
George the Athonite, Menaion of September
Part No. 78
Previous part

Date: 09-23  
Page of ed.: 442  
Line of ed.: 1   სეკდენბერსა კგ, მუცლადღებაჲ ელისაბედისი


Page of ed.: 442a  
Part: (1)  
Line of ed.: 1     ჴმაჲ ა.
Line of ed.: 2     მადლი საკჳრველებათაჲ.

Line of ed.: 3     [მოვ]ედით დღეს, მორწმუნეთა ერნო,
Line of ed.: 4     ედღესასწაულობდე[თ დღე]სასწაულსა
Line of ed.: 5     წმიდასა
Line of ed.: 6     ბრწყინვალედ
Line of ed.: 7     მუცლად ღებ[ასა წი]ნამორბედისასა,
Line of ed.: 8     რამეთუ ესე, ვითარცა მთიები, გამობრწინდა
Line of ed.: 9     [ჴმატკბილი]
Line of ed.: 10     გურიტი და იადონი,
Line of ed.: 11     რამეთუ ჴმაჲ მამისაჲ შეკრა,
Line of ed.: 12     ხოლო დედისა [ბერწობაჲ გან]ჰჴსნა.
Line of ed.: 13     ამისთჳსცა მისა მიმართ
Line of ed.: 14     ჴმა-ვყოთ, რამეთუ [კადნიერებაჲ] აქუს ღმრ\თისა
Line of ed.: 15     მიმართ,
Line of ed.: 16     იოვანე წინასწარმეტყუელო და ნათლის[მცე\მელო,
Line of ed.: 17     რომელნი] სარწმუნოებით
Line of ed.: 18     დღესასწაულობენ
Line of ed.: 19     მუცლად[ღებასა შენსა სა]ღმრთოსა,
Line of ed.: 20     განსაცდელთაგან იჴსნენ
Line of ed.: 21     მეოხებითა [შენითა
Line of ed.: 22     და წარუმართე ფერჴთა] ჩუენთა გზათა საღმ\რთოჲსა
Line of ed.: 23     [მშჳდობისათა].

Part: (2)  
Line of ed.: 24     ჴმაჲ ბ.
Line of ed.: 25     მდინარენი.

Line of ed.: 26     დღეს საშოჲსა ბერწისა [უნაყოფოჲსა
Line of ed.: 27     ნაყოფი კურთხევისაჲ
Line of ed.: 28     აღმოსცენდა
Line of ed.: 29     დიდი იოვანე წინამორბედი ქრისტეს ღმრ\თისაჲ.
Line of ed.: 30     იხარებდ, უდაბნოჲ,
Line of ed.: 31     და განსცხრებოდეთ
Line of ed.: 32     ძენი კაცთანი,
Line of ed.: 33     რამეთუ სინანულისა
Line of ed.: 34     მქადაგებელი დასაბამსა მიიღებს
Line of ed.: 35     აღორძინებისასა მუცელსა შინა დედისასა.
Line of ed.: 36     მოვედით
Line of ed.: 37     მხიარულებით,
Line of ed.: 38     დღესასწაულისმოყუარენო კრებულნო,
Line of ed.: 39     და ყოვლად დიდებულსა

Page of ed.: 442b  
Line of ed.: 1     მუცლადღებასა მისსა დღეს
Line of ed.: 2     ეიშეებდეთ და სიხარულით ვღაღადებდეთ,
Line of ed.: 3     ვიტყოდით: რომელი-ეგე უზეშთაეს ხარ
Line of ed.: 4     ყოველთა შორის ნაშობთა დედათაჲსა,
Line of ed.: 5     მეოხებასა
Line of ed.: 6     ნუ დააცადებ ჩუენთჳს, რომელნი წმიდასა
Line of ed.: 7     მუცლადღებასა შენსა სარწმუნოებით,
Line of ed.: 8     გალობით ვადიდებთ დღეს,
Line of ed.: 9     რაჲთა ვპოოთ ლხინებაჲ
Line of ed.: 10     და მოტევებაჲ
Line of ed.: 11     ცოდვათა ჩუენთა აურაცხელთაჲ ღირსო,
Line of ed.: 12     ქრისტეს ღმრთისა მიერ,
Line of ed.: 13     რომელსა კრთომით თაყუანის-ეც
Line of ed.: 14     და ადიდე პირითა დედისაჲთა,
Line of ed.: 15     რომელსა აქუს დიდი წყალობაჲ.

Part: (3)  
Line of ed.: 16     სხუაჲ ა გ̃ი
Line of ed.: 17     სიბრძნე ღმრთისაჲ მოვიდა] Manuscript page: D29r 

Line of ed.: 18     შე-რაჲ-ვიდა ტაძარსა უფლისა
Line of ed.: 19     წმიდასა შინა წმიდათასა
Line of ed.: 20     საკჳრველი მღდელთმოძღუარი ზაქარია,
Line of ed.: 21     მთავარანგელოზი გაბრიელ
Line of ed.: 22     ხარებად
Line of ed.: 23     მისსა ზეცით მოივლინა
Line of ed.: 24     შობისათჳს წინამორბედისა,
Line of ed.: 25     ვინაჲცა
Line of ed.: 26     ზაქარია
Line of ed.: 27     განკჳრდა და განიზრახვიდა:
Line of ed.: 28     ჟამთა შვილიერებისათა
Line of ed.: 29     გარდასრულ-ვარ
Line of ed.: 30     და სიღრმესა
Line of ed.: 31     სიბერისასა მიწევნულ,
Line of ed.: 32     ხოლო ელისაბედ ბერწ-არს
Line of ed.: 33     და ვითარმე იყოს ესე,
Line of ed.: 34     და ანგელოზმან
Line of ed.: 35     კუალად ჰრქუა მას:
Line of ed.: 36     სიტყუათა ჩემთაჲ არა გრწამს,
Line of ed.: 37     აჰა, იყო შენ დადუმებულ,
Line of ed.: 38     ვიდრე იშვას ქადაგი
Line of ed.: 39     სიტყჳსაჲ და წინამსრბოლი,
Line of ed.: 40     რომელმან უქადაგოს
Line of ed.: 41     ყოველთა მაცხოვარი
Line of ed.: 42     და მჴსნელი დაბადებულთაჲ.

Page of ed.: 443a  
Part: (4)  
Line of ed.: 1     [სხუანი] ჴ̃ჲ ბ გ̃ი
Line of ed.: 2     დღეს მჯდომარემან.

Line of ed.: 3     ელისაბედ მუცლად იღო
Line of ed.: 4     წინა
Line of ed.: 5     მორბედი დიდი მადლისაჲ
Line of ed.: 6     და ქალწულმან წმიდამან --
Line of ed.: 7     უფალი დიდრისაჲ
Line of ed.: 8     და მოიკითხნეს ურთიერთარს.
Line of ed.: 9     ხოლო ჩჩჳლმან მან აღიმღერნა საშოსა შინა
Line of ed.: 10     და ვითარცა მონაჲ აქებდა
Line of ed.: 11     მეუფესა მადლობით.
Line of ed.: 12     მაშინ ჴმა-ყო
Line of ed.: 13     დედამან წინამორბედისამან და თქუა:
Line of ed.: 14     ვინაჲ არს ესე ჩემდა, რაჲთამცა დედაჲ
Line of ed.: 15     ღმრთისაჲ
Line of ed.: 16     წმიდაჲ მოვიდა ჩემდა,
Line of ed.: 17     რომელმან იჴსნეს სოფელი
Line of ed.: 18     და აცხოვნნეს განწირულნი.

Part: (5)  
Line of ed.: 19     [სხუანი ჴ̃ჲ ბ გ̃ი]
Line of ed.: 20     ესე არს დღეჲ უფლისაჲ

Line of ed.: 21     ეტყოდა ელისაბედ
Line of ed.: 22     ქალწულსა ლმობიერებით:
Line of ed.: 23     რაჲსათჳს
Line of ed.: 24     მოხუედ, დიდებულო,
Line of ed.: 25     დედაჲ უფლისა ჩემისაჲ ჩემდა,
Line of ed.: 26     რამეთუ შენ
Line of ed.: 27     მეუფე მოგყავს,
Line of ed.: 28     ხოლო მე -- მჴედარი და წინამორბედი,
Line of ed.: 29     შენ -- შჯულისა მომცემელი, ხოლო მე --
Line of ed.: 30     შჯელისმდებელი, და
Line of ed.: 31     შენ -- სიტყუაჲ, ხოლო მე -- ჴმაჲ,
Line of ed.: 32     შენ -- სიძე და მე -- მეგობარი,
Line of ed.: 33     რომელმან უქადაგოს
Line of ed.: 34     სასუფეველი ადამეანთა.

Part: (6)  
Line of ed.: 35     [სხუანი ჴ̃ჲ ბ გ̃ი)
Line of ed.: 36     დაღაცათუ ღმრთისა.
Line of ed.: 37     ეჰა, საღმრთოჲ სასწაული:
Line of ed.: 38     ზაქარია
Line of ed.: 39     შე-რაჲ-ვიდა კუმევად,
Line of ed.: 40     ანგელოზი ახარებდა მას

Page of ed.: 443b  
Line of ed.: 1     იოვანესთჳს,
Line of ed.: 2     ხოლო იგი გულისზრახვად და სა...
Line of ed.: 3     ...ცოდვათა
Line of ed.: 4     შენდობისათჳს შემოვედ მე
Line of ed.: 5     და უცხოჲ შობაჲ
Line of ed.: 6     მეხარების,
Line of ed.: 7     შეუძლებელ არს ესე
Line of ed.: 8     და ზეშთა წესისა.
Line of ed.: 9     მაშინ ჰრქუა მას
Line of ed.: 10     ანგელოზმან: იყავ უჴმო
Line of ed.: 11     და ვერ უძლო განჴსნად,
Line of ed.: 12     ვიდრემდის განგჴსნას შობილმან შენმან,
Line of ed.: 13     რამეთუ ჴმრაჲ არს...
Line of ed.: 14     ღაღადებისაჲ და სიტყჳსა
Line of ed.: 15     წინამორბედი,
Line of ed.: 16     რომელმან მოსცეს
Line of ed.: 17     დიდი წყალობაჲ
Line of ed.: 18     მორწმუნეთა
Line of ed.: 19     და სოფელი
Line of ed.: 20     აცხოვნოს, ვითარცა მოწყალე არს.

Part: (7)  
Line of ed.: 21     [სსუანი] ჴ̃ჲ დ გ̃ი
Line of ed.: 22     არაჲ დააკლდი.

Line of ed.: 23     იხარებდ ბერწი, რომელი
Line of ed.: 24     არაჲ შობდ, რამეთუ
Line of ed.: 25     აჰა ესერა, მუცლად იღე სანთელი
Line of ed.: 26     ღმრთისაჲ ბრწყინვალე განმანათლებელი
Line of ed.: 27     ყოვლისა სოფლისაჲ.
Line of ed.: 28     რომელი ბნელ-იყო,
Line of ed.: 29     განსცხრებოდე, ზაქარია, და ღაღადებდ:
Line of ed.: 30     რომელსა ეგულების
Line of ed.: 31     შობაჲ წინაჲსწარმეტყუელი არს მაღლისაჲ.
Manuscript page: D30v 

Line of ed.: 32     ღმრთისა სიტყჳსა ქადაგო,
Line of ed.: 33     ბერწთა წმიდათა ნაყოფო,
Line of ed.: 34     შენ მიერ ნათელღებულსა ქრისტესა
Line of ed.: 35     ევედრე, რაჲთა პატივისმცემელნი
Line of ed.: 36     შენნი შეიწყალნეს
Line of ed.: 37     და შარავანდედსა
Line of ed.: 38     ჩუენსა მორწმუნესა მოსცეს მშჳდობაჲ
Line of ed.: 39     და წმიდაჲ ეკლესიაჲ.
Line of ed.: 40     მარადის შეუძრველად დაამტკიცოს.

Page of ed.: 444a  
Part: (8)  
Line of ed.: 1     იოვანე

Part: (9)  
Line of ed.: 2     [სხუანი] ჴ̃ჲ დ გ̃ი
Line of ed.: 3     თჳთი.

Line of ed.: 4     დაღაცათუ უშვილოებისა მის
Line of ed.: 5     ზრუნვითა შეპყრობილ-იყო ზაქარია,
Line of ed.: 6     არამედ ჟამსა მას მსახურებისასა
Line of ed.: 7     არაჲ დაჰჴსნდა შეწირვად საკუმეველისა,
Line of ed.: 8     ამისთჳსცა მწუხარებისა მის წილ მოიღოს
Line of ed.: 9     სიხარული,
Line of ed.: 10     რამეთუ სათნოებამან მღდელობისამან
Line of ed.: 11     უწყის ყოფაჲსა საკჳრველებათაჲ,
Line of ed.: 12     სასყიდლისმიმნიჭებელო უფალო, დიდებაჲ
Line of ed.: 13     შენდა.

Part: (10)  
Line of ed.: 14     სხუაჲ ჴ̃ჲ დ
Line of ed.: 15     დიდებული მღდელობითა
Line of ed.: 16     და პატივცემული მღდელთმთავრობითა
Line of ed.: 17     დიდი წინაჲსწარმეტყუელთა შორის ზაქარია,

Page of ed.: 444b  
Line of ed.: 1     რაჟამს-იგი იწურთიდა
Line of ed.: 2     იჭჳსა მისთჳს სიტყჳსგებასა,
Line of ed.: 3     მეყსეულად დადუმნა
Line of ed.: 4     მთავარანგელოზისა მიერ ენაჲ მისი
Line of ed.: 5     კუერთხისა მისთჳს ძლიერებისა,
Line of ed.: 6     რომელი ძედ ეხარა იოვანე
Line of ed.: 7     და ბერწმან შეიწყნარა
Line of ed.: 8     მთავარი იგი წინაჲსწამეტყუელთაჲ,
Line of ed.: 9     რომელი
Line of ed.: 10     ორთა ბუნებათა ქრისტესთა მქადაგებელად
Line of ed.: 11     მოივლინა
Line of ed.: 12     და ძუელისა შჯულისა დაცხრომად,
Line of ed.: 13     ხოლო ახლისა წარმოჩინებად,
Line of ed.: 14     ეჰა, დიდებულო წინაჲსწარმეტყუელო,
Line of ed.: 15     რომელი მადლმან მღდელობისამან
Line of ed.: 16     ძუელად და ახლად ნაყოფად გამოვიღო
Line of ed.: 17     საუნჯისაგან თჳსისა.
Line of ed.: 18     ერთბამად ევედრენით ქრისტესა,
Line of ed.: 19     რაჲთა აცხოვნოს
Line of ed.: 20     შეცოდებული ნათესავი კაცთაჲ.


Next part


This text is part of the TITUS edition of George the Athonite, Menaion of September.

Copyright TITUS Project, Frankfurt a/M, 1.2.2025. No parts of this document may be republished in any form without prior permission by the copyright holder.