TITUS
Tbeti and Parkhali Polycephalia
Part No. 12
Previous part

Text: XII  
Text label: T15/A5 
Page of edition: 293_(83)  
Line of edition: 10     :თ: საკითხავი


Line of edition: 11   თქუმული წმიდისა გრიგოლო ანძიანძორეველისა ეპისკოპოსისაჲ

Line of edition: 12   შობისათჳს უფლისა ჩუენისა იესუ ქრისტჱსა


Line of edition: 13        ქრისტე იშვების, უგალობდეთ; ქრისტე ზეცით გარდამოვალს, მივეგებვო\დით;
Line of edition: 14     ქრისტე ქუეყანასა ზედა, ამაღლდებოდეთ! "უგალობდით უფალსა ყოვე\ლი
Line of edition: 15     ქუეყანაჲ"! და რაჲთა ორივე შემოკლებულად ვთქუათ, "იხარებდინ ცანი
Line of edition: 16     და გალობდინ ქუეყანაჲ" ზეცისაჲსა მისთჳს და მერმე ქუეყანისაჲსა! ქრისტე
Line of edition: 17     ჴორციელად, _ შიშით და სიხარულით უგალობდეთ! შიშით, _ ცოდვისათჳს, და
Line of edition: 18     სიხარულით, _ სასოებისათჳს. ქრისტე ქალწულისაგან, ჵ დედანო, ქალწულ იქ\მნენით,
Line of edition: 19     რაჲთა იქმნეთ დედა ქრისტჱსა!

Line of edition: 20        ვინ არა თაყუანის სცემდეს დაუსაბამოსა მას? ვინ არა უგალობდეს უკუა\ნაჲსკნელსა
Line of edition: 21     მას?! კუალად ბნელი დაჰჴსნდების, კუალად ნათელი მოიქცევის, კუა\ლად
Line of edition: 22     ეგჳპტე იგუემების ბნელითა მით, კუალად ისრაჱლი სუეტითა მით გა\ნათლდების.
Line of edition: 23     "ერი რომელი სხდა ბნელსა უგუნურებისასა იხილეს ნათელი მე\ცნიერებისა
Line of edition: 24     დიდისაჲ. პირველი იგი წარჴდა და აჰა ესერა იქმნა ახალი", სახჱ
Line of edition: 25     იგი წარვალს და სული აღორძნდების; ჩრდილნი იგი განქარდებიან და ჭეშმა\რიტებაჲ
Line of edition: 26     მოიწევის. მელქიზედეკ შეკრბების, რომელსა არა ესუა დედაჲ, იყო
Line of edition: 27     იგი უმამო; უდედო პირველად და უმამო მეორედ. შჯული იგი ბუნებათაჲ გან\ქარდების
Line of edition: 28     და ჯერ არს განსრულებაჲ; ზეცისა იგი სასუფეველი, ქრისტე, გუა\მცნებს
Line of edition: 29     არა დაბრკოლებად. "ყოველმან თესლებმან აღიტყუელენით ჴელნი თქუენ\ნი",
Line of edition: 30     "რამეთუ ყრმაჲ იშვა ჩუენდა და ძედ მოგუეცა ჩუენ, რომლისა მთავრო\ბაჲ
Line of edition: 31     ზედა მჴართა მისთა, რამეთუ ჯუარსა ზედა აღმაღლდების და ჰრქჳან მას
Line of edition: 32     სახელი დიდისა ზრახვისა მამისა ანგელოზ". იოვანე ღაღადებს: "განმზადენით
Page of edition: 294_(84)   Line of edition: 1     გზანი უფლისანი". და მე ვღაღადებ ძალსა დიდსა მისსა: უჴორცოჲ იგი ჴორ\ციელ
Line of edition: 2     იქმნების, ძჱ ღმრთისაჲ ძჱ კაცის იქმნების, "იესუ ქრისტე გუშინ და
Line of edition: 3     დღეს და იგი თავადი უკუნისამდე".

Line of edition: 4        ჰურიანი დაბრკოლდებოდედ, წარმართნი გუეკიცხევედ და მწვალებელნი
Line of edition: 5     მრავლის-მეტყუელებედ! მაშინ ჰრწმენეს, რაჟამს იხილონ იგი ზეცად აღმაღ\ლებული;
Line of edition: 6     და უკუეთუ აწ არა ჰრწმენეს, მაშინ სამე ჰრწმენეს, რაჟამს მოვიდეს
Line of edition: 7     ზეცით და დაჯდეს განშჯად. ხოლო ესე უკუანაჲსკნელ, და აწ კრებაჲ ესე არს
Line of edition: 8     ღმრთისა გამოჩინებისა, _ შობაჲ. და ორნივე ესე ითქუმიან ორითა სიტყჳთა,
Line of edition: 9     ორნი ერთსა ხოლო მოასწავებენ, რამეთუ გამოუჩნდა კაცთა შობითა. ხოლო
Line of edition: 10     შობაჲ მისი პირველად არს და მარადის არს, რომლისაგან იგი მარადის არსი\სა
Line of edition: 11     მისგან უზეშთაეს მიზეზთა და სიტყჳსა, რამეთუ არა იყო სიტყუაჲ უფროჲს
Line of edition: 12     სიტყჳსა. ხოლო მეორჱ ესე შობაჲ ჩუენთჳს უკუანაჲსკნელ, რაჲთა მომცემელმან
Line of edition: 13     არსებისამან მოგუანიჭოს ჩუენ კეთილი არსებაჲ, და უფროჲსღა ვთქუათ, თუ
Line of edition: 14     ვინაჲთგან მივიცვალენით ბოროტის საქმითა კეთილისა მისგან არსებისა, და
Line of edition: 15     კუალად მოგუაქცინეს ჴორც-შესხმითა მისითა. და მისსა გამოჩინებასა ეწოდა
Line of edition: 16     გამოჩინებაჲ ღმრთისაჲ, და შობასა _ შობაჲ.

Line of edition: 17        ესე არს კრებაჲ ჩუენი, ამით ვდღესასწაულობთ დღეს, _ მოსლვაჲ ღმრთი\საჲ
Line of edition: 18     კაცთა შორის, რაჲთა ჩუენცა მივეახლნეთ ღმერთსა, ანუ თუ მოვიქცეთ მი\სა.
Line of edition: 19     და უფროჲსღა ჯერ არს თქუმად, ვითარმედ "განვიძარცოთ ძუელი იგი კა\ცი
Line of edition: 20     და შევიმოსოთ ახალი, ვითარცა იგი ადამის მიერ მოვკუედით, ეგრეცა
Line of edition: 21     ქრისტჱს მიერ ვცხონდეთ"! ქრისტჱს თანა შობილნი და ჯუარცუმულნი, და და\ფლულნი
Line of edition: 22     და ცხოველნი, და ჯერ არს ჩუენდა მიცვალებად კეთილისა. და ვი\თარცა
Line of edition: 23     იგი კეთილისაგან მივიცვალენით მწუხარებად, ეგრევე წუხარებისაგან
Line of edition: 24     უმჯობჱსი, "რამეთუ სადა იგი განმრავლდა ცოდვაჲ, მუნ უფროჲს გარდაემატა
Line of edition: 25     მადლი". და უკუეთუ გემოჲს-ხილვამან მან დასაჯა, და უფროჲ(ს)ღა განამართ\ლოს
Line of edition: 26     ვნებამან ქრისტჱსმან!

Line of edition: 27        ამისთჳს ვდღესასწაულობდეთ არა თუ სიმღერითა, არამედ ღმრთისა მი\ერ,
Line of edition: 28     არა თუ ქუეყანისაჲთა ამით, არამედ უფროჲსღა უფლისა ჩუენისაჲთა, არა
Line of edition: 29     თუ უძლურებით, არამედ კურნებითა, არა თუ დაბადებულობით, არამედ განახ\ლებითა
Line of edition: 30     დაბადებულისაჲთა. და ვითარ იყო(ს) ესე? არა თუ შემკობითა ბჭეთაჲთა
Line of edition: 31     და არცა განწყობითა მემღერთაჲთა, და არცა ურაკპარაკთა განშუენებითა, არ\ცა
Line of edition: 32     შუებითა თუალთაჲთა და არცა განცხრომითა სასმენელთაჲთა და არცა სა\ყნოსელთაჲთა.
Line of edition: 33     არცა ვისიძვიდეთ გემოჲს-ხილვითა, არა მივერჩდეთ ჴელის-შე\ხებასა
Line of edition: 34     მწრაფლ მიმყვანებელსა სიბოროტესა დღისასა. არა შევიმოსნეთ სამოს\ლითა
Line of edition: 35     ჩჩჳლითა, რომლისაჲ შუენიერებაჲ მისი განქარვებად არს, არა თუ გან\ბრწყინვებითა
Line of edition: 36     ქვათა პატიოსანთაჲთა, არცა ელვითა ოქროჲსათა და არცა სი\მრავლითა
Line of edition: 37     ფერთაჲთა, რომლისაჲ შუენიერებაჲ ტყუვილ არს და მოპოვნებაჲ
Line of edition: 38     მისი დამჴობა არს კაცისა, რომელ იგი არს ხატი ღმრთისაჲ. არა სიმდიდრი\თა,
Line of edition: 39     არცა სიმთრვალითა, რომლისაგან არს მრუშებაჲ და სიბილწჱ, რამეთუ
Line of edition: 40     სწავლაჲ ბოროტი არნ ბოროტთა მოძღუართა მოძღურებაჲმ და უფროჲსღა
Line of edition: 41     ვთქუათ, ვითარმედ თესლისაგან ბოროტისა ბოროტი მკაჲ. არა განვიმზადნეთ
Line of edition: 42     ტაბლანი მაღალნი განსასუენებელად მუცლისა, რომელ არს ჭურჭელი დაჴსნი\ლებისაჲ;
Page of edition: 295_(85)   Line of edition: 1     არა პატივ ვსცემდეთ სასუმელთა შემზადებულთა, არცა სიჴელოვნესა
Line of edition: 2     მზარაულთასა, არცა მრავალფერთა სულნელთა. ნუმცა მოგჳძღუანებს ჩუენ ზღუაჲ
Line of edition: 3     და ჴმელი სკორესა პატიოსანსა, _ რამეთუ ესრჱთ პატივ ვსცემ მე შუებასა! არა
Line of edition: 4     ვისწრაფდეთ ჯობნად უერთიერთას უძღებებითა, რამეთუ უძღებებაჲ არს ყოვე\ლი,
Line of edition: 5     რომელი უფროჲს საჴმრისა არს; და სხუანი მშიერ და უპოვარ არიან, რო\მელნი
Line of edition: 6     ერთისაგან თიჴისა და ერთისაგან შეზავებისა არიან, არამედ ესევითარ\ნი
Line of edition: 7     ესე საქმენი მიუტევნეთ წარმართთა და ამპარტავანებისა მათი(სა) კრებულ\სა,
Line of edition: 8     რომელნი ხადიან ღმერთთა, რომელნი იხარებენ კუამლითა ნაზორევთაჲთა
Line of edition: 9     და ჰმონებენ იგინი ღმერთთა მათთა მუცლითა მოძღუარნი, ბოროტნი დამგე\ბელნი,
Line of edition: 10     ბოროტნი ეშმაკთანი.

Line of edition: 11        ხოლო ჩუენ, რომელნი ესე ვჰმონებთ სიტყუასა, უკუეთუ გჳნდეს შუების,
Line of edition: 12     ვიშუებდეთ სიტყჳთა და შჯულითა და მითხრობითა ღმრთისაჲთა, და სიტყჳთა,
Line of edition: 13     სათნოებითა, რომელ არს კრებაჲ ესე, რაჲთა იყოს მადლი მახლობელ და არა
Line of edition: 14     შორს მისსა, რომელმან იგი შეგუკრიბნა. და უკუეთუ ინებოთ, მე განგიმზადო
Line of edition: 15     თქუენ დღეს საზრდელი და წარმოგიდგინო თქუენ სიტყუაჲ ამისთჳს, ჵ სტუ\მარნო
Line of edition: 16     კეთილნო, ვითარ იგი ჯერ არს ფართოებით და შუებით, რაჲთა სცნათ,
Line of edition: 17     თუ ვითარ გამოზარდნის უცხომან მკჳდრნი ქუეყანისანი და მსოფლიომან _ მო\ქალაქენი,
Line of edition: 18     და უშუებელმან _ შუებულნი, და ბრწყინვალენი სიმდიდრითა _ გლა\ხაკმან
Line of edition: 19     და უპო(ვ)არმან.

Line of edition: 20        ამიერითგან ვიწყო, განმზადენით გონებანი თქუენნი და სასმენელნი და
Line of edition: 21     საცნობელნი, რომელთა გინებს ჩუენების, რამეთუ სიტყუაჲ საღმრთოჲ არს და
Line of edition: 22     ღმრთისათჳს, რამეთუ წარხჳდეთ შუებულნი წარუვალითა. და იყოს თქუმული
Line of edition: 23     ესე შემოკლებულ, რაჲთა არა იყოს შემაწუხებელ ნაკლულევანებითა და არცა
Line of edition: 24     ნამეტავ განგრძობითა.

Line of edition: 25        ღმერთი იყო მარადის და არს და იყოს, და უფროჲსღა არს მარადის,
Line of edition: 26     რამეთუ "არს და იყოს". განყოფაჲ არს ჟამისა ამის ჩუენისაჲ და ბუნებისა
Line of edition: 27     მდინარისაჲ, არამედ იგი არსი არს მარადის; და ამით სახელ ედვა, რაჟამს იგი
Line of edition: 28     ეჩუენა მოსეს მთასა ზედა, რამეთუ მიეღო ყოველი არსებაჲ დაუსაბამოჲ დაუ\სრულებელი.
Line of edition: 29     ვითარცა უფსკრული არსებისა მიუწდომელი, დაუსრულებელი,
Line of edition: 30     რომელი უზეშთაეს არს ყოვლისა ბუნებისა ჟამიერსა და ბუნებითსა გამოსახუ\ლი
Line of edition: 31     გონებითა, ხოლო და ესეცა ფრიად მცირედ, და არა თუ ბუნებითსა გამოსახუ\ლი
Line of edition: 32     გონებითა, ხოლო და ესეცა ფრიად მცირედ, და არა თუ ბუნებაი მისი,
Line of edition: 33     არამედ საქმეთაგან შეკრებითა აჩრდილი აჩრდილსა თანა ხატითა ჭეშმარი\ტად,
Line of edition: 34     რომელი შეპყრობადმდე წარვიდის და მოგონებადმდევე განგუეშორის.
Line of edition: 35     და სინათლჱ მისი გონებითა ჩუენითა რაჟამს განვწმიდნეთ, ვითარცა ელვაჲ
Line of edition: 36     რაჲ მწრაფლ წარვიდის სახილველთაგან. მე ესრე ვჰგონებ, ვითარმედ მისა\წდომელითა
Line of edition: 37     მით მიიზიდავს მისა, რამეთუ მიუწდომელი იგი უსასო არნ და არა
Line of edition: 38     საძიებელ, და რომელთა იგი მიუწდომელ არს და საკჳრველითა მით საწადელ
Line of edition: 39     არს ფრიად და მისა მიმართ წადიერებითა განსწმედს. და განწმედითა მით
Line of edition: 40     მსგავსსა გუყოფს; და რაჟამს ესრჱთ ვიპოვნეთ, ვითარცა თჳსთა გუეტყოდის.
Line of edition: 41     და სიტყუაჲ ესე ჩემი კადნიერად იტყჳს: "ღმერთი ღმერთთა შორის აღრეულ
Page of edition: 296_(86)   Line of edition: 1     და საცნაურ არს, და იცნის საცნაურნი იგი, ვითარ მათ იცნეს იგი, რამეთუ
Line of edition: 2     ღმერთი დაუსრულებელ არს, და როემლი რაჲ მისგან მისაწდომელ არს, დაუ\სრულებელ
Line of edition: 3     არს". და უკუეთუ ვისმე ეგონოს, ვითარმედ ბუნებაჲ განმარტებულ
Line of edition: 4     არს იგი, ანუ თუ ყოველთავე მიუწდომელ არს იგი, გინა თუ ყოვლითავე მისა\წდომელ,
Line of edition: 5     არამედ ვეძიებდეთ რაჲ იგი არს განმარტებულებით, რამეთუ არა გან\მარტებულებაჲ
Line of edition: 6     არს ხოლო ბუნებაჲ ღმერთი, ვითარცა იგი შეერთებულთაგან
Line of edition: 7     არს, ბუნებაჲ არს; შეერთებაჲ არს რომელ იგი დაუსრულებელ არს. ორ სახედ
Line of edition: 8     საცნაურ არს, რაჟამს მიუტევნის გონებამან სიღრმესა მას ზეცისასა, და არა
Line of edition: 9     პოოს სადამცა დაადგრა ანუ მიეყრდნა აჩრდილსა ღმრთისასა.

Line of edition: 10        და აწ რომელ დაუსრულებელ არს აქა და გარეწარუვალი, უწოდა მას
Line of edition: 11     დაუსაბამოჲ; და რაჟამს მიხედნეს ქუესკნელსა, უწოდის უკუდავ, და წარუვალ
Line of edition: 12     არს; ორივე შეკრბის, უწოდის უკუდავ საუკუნო, რამეთუ საუკუნოჲ არა თუ
Line of edition: 13     ჟამი არს, არცა კერძოჲ ჟამისაჲ და არცა განზომილ, არამედ ვითარცა იგი
Line of edition: 14     ჟამი ჩუენი არს ძრვაჲ მზისაჲ და განზომილი და საუკუნოჲ დაუსაბამოჲსაჲ და\უსრულებელი
Line of edition: 15     არსებითა ვითარცა ძრვაჲ და სივრცჱ ჟამისაჲ.

Line of edition: 16        და აწ ესე არს სიბრძნჱ ჩემი ღმრთისათჳს, რამეთუ არა არს აწ ჟამი სი\ტყუად
Line of edition: 17     უფროჲს ამისა, და თქუმული ესე არს ღმრთისათჳს, არამედ განგე\ბულებისათჳს
Line of edition: 18     ჴორც-შესხმისა. და რაჟამს ვთქუა ღმერთი, ვიტყჳ მამასა და ძე\სა
Line of edition: 19     და სულსა წმიდასა, და არა განეფინების ღმრთეებაჲ უფროჲს ამისა, რაჲ\თა
Line of edition: 20     არა შემოვიხუნეთ ღმერთნი მრავალნი, და არცა უფროჲს ამისა განისაზღვ\რების;
Line of edition: 21     არა სიგლახაკჱ ღმრთეებისაჲ ვთქუათ და ვიქმნეთ ჰურია ერთისა ხო\ლო
Line of edition: 22     თქუმითა და წარმართ _ მრავალ-ღმრთეებითა, რამეთუ ბოროტი ორთაჲ\ვე
Line of edition: 23     მათ სწორ არს, დაღაცათუ თჳს-თჳს იხილვების. ესრჱთ არს წმიდაჲ წმიდა\თაჲ,
Line of edition: 24     რომლისაგან იფარვენ სერაბინნი და უგალობენ სამწმიდაარობითა ერთ\ღმრთეებასა
Line of edition: 25     და ერთსა უფლებასა, ვითარცა იგი სიბრძნის-მეტყუელთა ერთ\მან,
Line of edition: 26     რომელი უწინარჱს ჩუენსა, კეთილად და პატიოსნად.

Line of edition: 27        და რამეთუ არა კმა ეყო კეთილის-მყოფელსა მას აღძრვაჲ კეთილთა მათ
Line of edition: 28     თჳსთაჲ, არამედ ჯერ იჩინა განფენაჲ მადლთაჲ, რაჲთა მრავალთა მიჰმადლოს
Line of edition: 29     (და ესე არს უმეტჱსი კეთილი), და რამეთუ პირველად იზრახა ძალთა მათთჳს
Line of edition: 30     ანგელოზებრთა ზეცისათა. და ზრახვაჲ იგი მისი იყო საქმჱ განსრულებული სი\ტყჳთა
Line of edition: 31     და სულითა წმიდითა. მაშინ დაემტკიცნეს ნათელნი იგი მეორენი, მსა\ხურნი
Line of edition: 32     იგი პირველისა მის ნათლისანი; სულნი ცნობიერნი, გინა თუ ცეცხლნი
Line of edition: 33     შეუხებელნი და უსხეულონი, გინა თუ სხუანი ბუნებანი მსგავსნი ამათნი. მნე\ბავს
Line of edition: 34     სიტყუად, ვითარმედ აღუძრველ არიან იგინი ბოროტისა, და ყოველი აღ\ძრვაჲ
Line of edition: 35     მათი არს კეთილისა მიმართ, რამეთუ მახლობელ არიან დღესა და გა\ნათლებულ
Line of edition: 36     პირველად ღმრთისა მიერ, და ესენი არიან ნათელნი მეორენი,
Line of edition: 37     არამედ მაბრკოლებს მე თქუმად, ვითარმედ აღუძრავ არიან იგი ბოროტისა
Line of edition: 38     მიმართ, რომელი იგი იყო მთიები განთიადისაჲ, ბრწყინვალე იქმნა ბნელ ამ\პარტავანებითა,
Line of edition: 39     და ძალნი იგი ბოროტნი, მის თანა მოქმედნი ბოროტისანი.
Line of edition: 40     სივლტოლითა მათითა კეთილისაგან და მიზეზ გუექმნეს ჩუენ ბოროტისა.

Page of edition: 297_(87)  
Line of edition: 1        ესრჱთ ამასცა აქუნდა დაბადებულებაჲ გონიერი, ვითარ ვჰგონებ მე აღ\ვჰწონ
Line of edition: 2     დიდ-დიდთა საქმეთა მცირითა სიტყჳთა. და რაჟამს განემზადა კეთილად
Line of edition: 3     მის მიერ საქმჱ იგი პირველი, იზრახა მეორისა ამისთჳს სოფლისა, ნივთიერისა
Line of edition: 4     და სახილავისა, რომელ არს დამტკიცებაჲ ესე, შეზავებული ცათაგან და ქუე\ყანისა,
Line of edition: 5     რომელ არს დამტკიცებაჲ ესე, შეზავებული ცათაგან და ქუე\ყანისა,
Line of edition: 6     და რომელ რაჲ არს შორის მათსა, კეთილად განმზადებული ყოვლი\თავე,
Line of edition: 7     და უფროჲსღა ქებული განსრულებად ერთისა ამისგან სოფლისა, რაჲთა
Line of edition: 8     აჩუენოს, ვითარმედ შემძლებელ არს დაბადებად ბუნებასა არა თუ მახლობელსა
Line of edition: 9     თჳსსა, არამედ ფრიად შორიელისა მისგან, რამეთუ მახლობელ ღმრთეებისა
Line of edition: 10     არიან ბუნებანი იგი გონიერნი და შორს მისგან ფრიად _ ყოველი, რომელი
Line of edition: 11     არს საცნობელთა ამათ ქუეშე, და უშუერღა მათსა _ უსულონი და უძრავნი.

Line of edition: 12        და უკუეთუ ვინმე თქუას დღესასწაულის-მოყუარემან, ვითარმედ უგუმირე
Line of edition: 13     კიცუსა დეზითა, და გუეტყოდე ჩუენ დღესასწაულისა ამისთჳს, რომლისათჳს
Line of edition: 14     არს კრებაჲ ესე ჩუენი დღეს, და მე ვყო ეგრჱთ, დაღაცათუ ვიწყე მაღლით
Line of edition: 15     პირველად, არამედ ნებამან და სიტყუამან მაიძულა.

Line of edition: 16        (გონებაჲ) და გრძნობაჲ ესრჱთ განიყვნეს, და თითოეული თჳსსა საზღვარ\სა
Line of edition: 17     დაადგრა და უპყრიეს პატივი შემოქმედისა თჳსისაჲ, და აქებენ დამბადე\ბელსა
Line of edition: 18     თჳსსა დუმილით და ქადაგებენ მას ჴმა-მაღლად. და ვიდრე აქამომდე
Line of edition: 19     არღარა ქმნულ არს შეზავებაჲ მათგან, და არცა შერევაჲ შეუზავებელთაჲ, რო\მელ
Line of edition: 20     არს მეცნიერებაჲ სიბრძნისა დიდისაჲ და სიდიდრჱ ბუნებათაჲ. და არღა
Line of edition: 21     ყოფილ არს ყოველი სიმდიდრჱ კეთილის-ყოფისა მისისაჲ საცნაურ. და სიტყუა\მან
Line of edition: 22     დამბადებელისამან რაჟამს ინება, მან ესე ცხოველი ერთი ორთავე ბუნე\ბათაგანი,
Line of edition: 23     ხილულისა და უხილავისა, დაჰბადა კაცი. ხოლო ჴორცნი მისნი მო\იხუნა
Line of edition: 24     სიჴშოჲსაგან, რომელ იგი პირველ დაბადებულ იყო, და თჳთ ყო ცხო\რებაჲ
Line of edition: 25     მის თანა, რომელსა თქუმული უწესს სულად გონიერად მსგავსად ღმრთი\სა.
Line of edition: 26     დაამტკიცა ქუეყანასა ზედა მეორე სოფელი, დიდი მცირესა შინა, სხუაჲ
Line of edition: 27     ანგელოზი თაყუანის-მცემელი, შეზავებული, მხედვარი დაბადებულთა ხილულ\თაჲ
Line of edition: 28     და გულისხის-მყოფელი უხილავთაჲ, მეუფჱ მეუფეთაჲ ქუეყანისათაჲ მეუ\ფედ
Line of edition: 29     განჩინებული ზეცით, ქუეყანისაჲ და ზეცისაჲ, ჟამიერი და უკუდავი, ხი\ლული
Line of edition: 30     და ცნობილი შორის სიმდიდრესა და სიმცირესა. და იგი არს სულ და
Line of edition: 31     ჴორც, სულ _ სიმდაბლითა და ჴორც _ ამპარტავანებისათჳს; ერთი იგი, რაჲთა
Line of edition: 32     ეგოს და ადიდებდეს კეთილის-მყოფელსა მას, და მეორესა მას, რაჲთა ივნოს.
Line of edition: 33     და რაჟამს ივნოს, მოეჴსენოს და განისწავლოს პატვივცემული დიდებითა, ცხო\ველი
Line of edition: 34     აქა და განგებული და სხუად მიცვალებული. დასრულებაჲ საიდუმლოჲ\საჲ
Line of edition: 35     ესე არს, ვითარმედ წადიერებითა მისითა ღმრთისა მიმართ განღმრთნეს
Line of edition: 36     იგი[ნი].

Line of edition: 37        და მას მიმიყვანებს მე ნათელი ჭეშმარიტებისაჲ მაცხოვარი, რაჲთა ვიხი\ლოთ
Line of edition: 38     და მივსწუდეთ ნათელსა ღმრთეებისასა ღირსსა, რომელმან იგი შეაუღ\ლა,
Line of edition: 39     და მერმე დაჰჴსნის და კუალად უდიდებულჱსად შეაყოს. ესე დაადგინა სა\მოთხესა
Line of edition: 40     მას შინა და პატივ სცა მას აზნაურებითა, რაჲთა იყოს პატივი კეთი\ლის-მოქმედისაჲ
Page of edition: 298_(88)   Line of edition: 1     მის არა უმცირჱს მიზეზის-მომცემელისაჲ მის, ქუეყანის-მოქმედ
Line of edition: 2     ნერგთაჲ მათ უკუდავთაჲ, რომელ არიან ზრახვანი საღმრთონი, წრფელნი და სრულ\ნი,
Line of edition: 3     შიშუელნი სიწრფოებითა ცხორებასა შინა უზაკუველსა, თჳნიერ საფარვე\ლისა
Line of edition: 4     და სამოსლისა. და ესრჱთ ჯერ იყო ყოფაჲ პირველისაჲ. და მისცა შჯუ\ლი
Line of edition: 5     აზნაურებისაჲ, რაჲთა რომლისა სახისაგან მოიღოს, და რომლისაგან არა.
Line of edition: 6     ესე იყო ხჱ მეცნიერებისაჲ, რომელი პირველად არა ბოროტად დაჰნერგა, არ\ცა
Line of edition: 7     შორით დაეყენა მისგან. ნუ მიავლინებ მონათა მისთა ღმრთის-მბრძოლნი,
Line of edition: 8     ნუცა ემსგავსებიედ გუელსა მას! არამედ კეთილ არს, რაჟამს მოიღოს ჟამსა
Line of edition: 9     თჳსსა, რამეთუ, ვითარ ვჰგონებ, ხჱ იგი იყო ზრახვაჲ, რომელი შეჰგავს სულთა
Line of edition: 10     მათთჳს და კეთილისა, და კეთილთა მათთჳს, რომელნი ჯერეთ უსრულ არიან.
Line of edition: 11     და ნებაჲ მათი უძღებ არს, ვითარცა იგი არა კეთილ არს საზრდელი სრული
Line of edition: 12     ჩჩჳლთა მათთჳს, რომელთა იგი უჴმნ სძჱ.

Line of edition: 13        და შურითა ეშმაკისაჲთა და ვნებითა დედაკაცისაჲთა, რომელი იგი შე\ემთხჳა
Line of edition: 14     მას დაჴსნილობითა, და მან დაარწმუნა (ჵ უძლურებაჲ ჩემი! რამეთუ
Line of edition: 15     რომელი იგი პირველისა მამისაჲ იყო, იგი ჩემი არს), დაავიწყდა მცნებაჲ იგი,
Line of edition: 16     რომელი მოეცა და დაემორჩილა მწარესა მას გემოჲს-ხილვასა, და განძებულ
Line of edition: 17     იქმნა იგი ხისა მისგან ცხორებისაჲსა და სამოთხისა და ღმრთისაგან ბოროტი\სა
Line of edition: 18     მისგან. და შეიმოსა სამოსელი ესე ტყავისაჲ, ჴორცნი ესე ზრქელნი არიან,
Line of edition: 19     და პირველად ცნა სირცხჳლი თჳსი და დაემალა ღმერთსა. არამედ ამით შეი\ძინა
Line of edition: 20     სიკუდილი და განკუეთაჲ ცოდვისაჲ, რაჲთა არა იყოს ბოროტი უკუდავი.
Line of edition: 21     და იქმნა შურის-გებაჲ იგი წყალობა. და მე დამიჯერებიეს, ვითარმედ ესრე
Line of edition: 22     სწავლის ღმერთმან.

Line of edition: 23        და პირველად განისწავლა იგი მრავალთა ცოდვილთათჳს, რომელი აღმო\აცენა
Line of edition: 24     ძირმან ბოროტმან მრავლითა მიზეზითა მრავალთა ჟამთ, სიტყჳთა და
Line of edition: 25     შჯულითა წინაჲსწარმეტყუელთა კეთილი-ყოფითა, თქუმითა და გუემითა, წყლვი\თა
Line of edition: 26     და დაწყევითა, ბრძოლითა, ძლევითა, სივლტოლითა, ნიშებითა ჰაერთაჲთა,
Line of edition: 27     ქუეყანისაჲთა, და ზღუათაჲთა, კაცთაჲთა, ქალაქთაჲთა, ნათესავთაჲთა, შეცვა\ლებითა
Line of edition: 28     არა მოსალოდებელითა, და ამით ყოვლითა უნდა განქარვებაჲ ბორო\ტისაჲ.
Line of edition: 29     და უკუანაჲსკნელ საჴმარ იყო წამალი ძლიერი სალმობათათჳს ბოროტ\თა,
Line of edition: 30     სიძვაჲ, მრუშებაჲ, ცრუ-ფიცებაჲ, მამათ-მავლობაჲ, და უკუანაჲსკნელ ყოვ\ლისა
Line of edition: 31     ბოროტისაჲ და პირველ არს კერპთ-მსახურებაჲ, მიცვალებაჲ მონებისაგან
Line of edition: 32     დამბადებელისა მონებად დაბადებულთა. რამეთუ უჴმდა წამალი დიდი და იპო\ვა.
Line of edition: 33     და ესე თჳთ იყო სიტყუაჲ იგი ღმრთისაჲ დაუსაბამოჲ, უხილავი, მიუწდო\მელი,
Line of edition: 34     უჴორცოჲ, პირველი პირველისაგან, ნათელი ნათლისაგან, აღმომაცენე\ბელი
Line of edition: 35     ცხორებისაჲ, ბეჭედი შეუძ(რ)ველი, მსგავსებაჲ ჭეშმარიტი, საზღვარი მა\მისაჲ
Line of edition: 36     და სიტყუაჲ მისი; მოვიდა ხატისა თჳსისა და შეიმოსნა ჴორნი ჴორ\ციელთათჳს,
Line of edition: 37     და შეიზავა სულითა გონიერითა სულისა ჩუენისათჳს, რაჲთა გა\წმიდოს
Line of edition: 38     მსგავსი მსგავსითა. და კაც იქმნა ყოვლითავე, თჳნიერ ხოლო ცოდვი\სა.
Line of edition: 39     იშვა ქალწულისაგან განწმედისათჳს ჴორცთა და სულისა მიერ წმიდისა, და
Line of edition: 40     ჯერ იყო პატივის-ცემად შობაჲ. და გამოვიდა ღმერთი მოღებულითა მით, ერ\თი
Page of edition: 299_(89)   Line of edition: 1     ორთაგანი, შემსგავსებულთა სულისაგან წმიდისა; ერთმან ორთა ამათგანმან
Line of edition: 2     განაღმრთო და მეორე იგი განიღმრთო.

Line of edition: 3        ჵ შეზავებაჲ საკჳრველი, ჵ შეზავებაჲ დიდებული! არსი იგი არს იქმნე\ბის
Line of edition: 4     და დაუბადებელი დაებადების, დაუტევნელი დაეტევის შუვამდგომელობი\თა
Line of edition: 5     სულისა გონიერისაჲთა. განმამდიდრებელი იგი დაგლახაკნების ჴორცითა
Line of edition: 6     ამით ჩუენითა, რაჲთა მე განვმდიდრნე ღმრთეებითა, და სავსჱ დაცალიერდე\ბის
Line of edition: 7     მცირედ დიდებისაგან თჳსისა, რაჲთა მოვიღო მე სავსებისაგან მისისა. რაჲ
Line of edition: 8     არს სიმდიდრე ესე კეთილისაჲ! რაჲ არს საიდუმლოჲ ესე კეთილისაჲ, რომელი
Line of edition: 9     ჩემთჳს იყოფის?! მოვიღე ხატებაჲ და არა დავიმარხე. მიიხუნა ჴორცნი, რაჲ\თა
Line of edition: 10     დაიცვეს ხატი, და ჴორცნი უკუდავ იყვნეს, გჳზიარნა ნეირედ უსაკჳრველჱ\სად
Line of edition: 11     პირველისა მის ფრიად, რამეთუ მაშინ მოგუცა კეთილი, აწ თავს იდვა
Line of edition: 12     ნაკლულევანებაჲ; და ესე უფროჲსღა შუენის პირველისა მის!

Line of edition: 13        ამისთჳს რაჲ მრქუან ჩუენ მაცილობელთა ღმრთის-მბრძოლთა, განმწარე\ბულთა
Line of edition: 14     ძჳრის-მეტყუელ, სულნი ქებულთანი დაბნელებულ ნათელსა თანა, რო\მელსა
Line of edition: 15     არა აქუს სწავლაჲ სიბრძნესა შინა, რომელთათჳს ქრისტე ცუდად მო\კუდა,
Line of edition: 16     დაბადებულნი უმადლონი, სახენი ბოროტისანი? კეთილისათჳს აბრალება
Line of edition: 17     ღმერთსა? რავდენ შენთჳს დაწუნებულ იქმნა. რამეთუ "მწყემსი კეთილი მოვიდა
Line of edition: 18     წარმწყმედულისა, თავი თჳსი დადვა ცხოვართათჳს", რომელთა მთათა ზედა შე\სწირვედ,
Line of edition: 19     და პოვა იგი წარწყმედული და აღიკიდა იგი მჴართა თჳსთა ზედა,
Line of edition: 20     რომლითა აღიკიდა ჯუარი, და კუალად ეგო იგი ცხორებასა ზეცისასა და შე\ერთო
Line of edition: 21     იგი სამარადისოთა მათ თანა, რამეთუ აღანთნა სანთლად ჴორცნი თჳს\ნი
Line of edition: 22     და მოჰმართა სახლი, განწმიდა სოფელი ცოდვათაგან და ეძიებდა დრაქმა\სა,
Line of edition: 23     ხატსა სამეუფოსა, დაფლულსა შორის ვნებათა. და მოუწოდა მეგობართა
Line of edition: 24     თჳსთა ძალთა ანგელოზებრთა პოვნასა დრაქმაჲსასა და იზიარნა სიხარულსა,
Line of edition: 25     რომელნი იგი იყვნეს მხიარულებით განგებულებასა მისსა. რამეთუ ნათელი იგი
Line of edition: 26     დიდი შეუდგეს ნათელსა წინამორბედისასა, და სიტყუაჲ ჴმასა, და სიძჱ შემამ\კობელსა
Line of edition: 27     სძლისასა, რომელი განუმზადებს უფალსა ერსა თჳსსა, და განსწმედს
Line of edition: 28     წყლითა და სულითა. ამისთჳს აბრალება ღმერთსა?! ამისთჳს იზრახეა ბორო\ტი,
Line of edition: 29     რამეთუ "მოირტყა არდაგი" და დაჰბანნა ფერჴნი მოწაფეთანი, და აჩუენა
Line of edition: 30     გზაჲ მაღალი მდაბალთა? რამეთუ სულისათჳს დაღონებულისა დამდაბლდა, რაჲ\თა
Line of edition: 31     აღადგინოს დაცემული ქუეყანით ცოდვისაგან? და ვითარ არა აყუედრებდე,
Line of edition: 32     რამეთუ მეზუერეთა თანა ჭამდა და მოიმოწაფნა იგინი, რაჲთა შე-რაჲმე-იძი\ნოს
Line of edition: 33     და რაჲ იგი? _ ცოდვილთა ჴსნაჲ. ნუ უკუე აბრალებდეს ვინმე მას მკურ\ნალსა,
Line of edition: 34     რამეთუ მიხედის წყლულსა და თავს იდვის სულმყრალობაჲ მისი, რაჲ\თა
Line of edition: 35     მოსცეს ცოდვილთა კურნებაჲ, და აღმოიყვანოს ცხოვარი ჯურღმულისაგან,
Line of edition: 36     ვითარცა წერილ არს შჯულსა.

Line of edition: 37        მოივლინა, არამედ ვითარცა კაცი, რამეთუ ორთაგანი იყო; და დაშურა,
Line of edition: 38     მოემშია და მოეწყურა, და შეძრწუნდა და ცრემლოოდა შჯულითა ჴორცთაჲ\თა.
Line of edition: 39     და უკუეთუ ვითარცა ღმერთსა შეემთხჳნეს ესევითარნი ესე, არამედ
Line of edition: 40     ნებაჲ მამისაჲ შეჰრაცხე მოვლინებად, რომელსა იგი აჩემებს თავსა თჳსსა საქ\მედ.
Page of edition: 300_(90)   Line of edition: 1     რამეთუ პატივ სცემს ვითარცა დასაბამსა დაუსაბამოსა, რაჲთა არა სა\გონებელ
Line of edition: 2     იყოს, ვითარმედ შეუმსგავსებელ არს იგი ღმრთისა. და ითქუმის, ვი\თარმედ
Line of edition: 3     მიეცა, და თჳთ მისცა თავი თჳსი. და ითქუმის, ვითარმედ "აღადგი\ნა
Line of edition: 4     იგი მამამან და აღამა[ღ]ლა". წერილ არს, ვითარმედ აღადგინა თავი თჳ\სი
Line of edition: 5     და აღამაღლა ნებითა და ჴელმწიფებითა. ხოლო შენ მცირეთა მათ საქ\მეთა
Line of edition: 6     იტყჳ და დიდ-დიდთა მათ თანა წარჰვალ, და ვნებასა მისსა განიზრახავ
Line of edition: 7     და არა აღიარებ, ვითარმედ თავით თჳსით იყო. ვითარცა აწ შეემთხუევის თქუ\მულთა
Line of edition: 8     რომელთაგანმე, ვითარცა ჴორცნი იგი ჰნებავნ და განიყოფიან. აწ რომელთა\თჳს
Line of edition: 9     უფროჲს განრისხნეს ღმერთი და, უფროჲსღა ვთქუათ, რომელთა უფროჲს
Line of edition: 10     მიეტეოს, რომელთა უფროჲს შეარწყუვენ, ანუ რომელნი უგუნურად განჰყოფენ,
Line of edition: 11     რამეთუ იგინი შეარწყუვიდეს და ესენი განჰყოფდეს. რომელნიმე რიცხჳთ და
Line of edition: 12     რომელნიმე ღმრთეებით დაჰბრკოლდებიან ჴორცთაგან, ეგრევე ჰურიანი და
Line of edition: 13     სამარიტელნი უწოდი შენ. ხოლო შემდგომისა მისთჳს დავდუმნე. უვარ ჰყოფა
Line of edition: 14     ღმრთეებასა? არცაღა ეშმაკნი ესრჱთ, შენ უფროჲს ჰურიათასა უვარის-მყო\ფელ
Line of edition: 15     ხარ და ეშმაკთა უძჳრჱს! რამეთუ მათ სახელი ძეობისაჲ ბუნებისა შეერ\თებასა
Line of edition: 16     აჩემეს. და ეშმაკთა აღიარეს, ვითარმედ ღმერთი არს, რომელი განა\სხმიდა
Line of edition: 17     მათ, რამეთუ იცოდეს მის გამო, რომელი შეემთხუეოდა მათ, და შენ
Line of edition: 18     არა შეწყნარებ სწორებასა. უმჯობჱს იყო შენდა, თუმცა წინადაგეცჳთა ანუ
Line of edition: 19     განცოფებულ იყავ (რაჲთა ვთქუა რაჲმე სიცილით), ვიდრე დადგრომასა წინა\დაუცუეთელად
Line of edition: 20     და უვარის-მყოფელსა ბოროტად.

Line of edition: 21        მცირედღა და იხილო იესუ იორდანეს განწმედილი განწმედითა ჩემითა,
Line of edition: 22     და უფროჲსღა ითქუმის, ვითარმედ განსწმედს წყალთა განწმედითა თჳსითა, რა\მეთუ
Line of edition: 23     მას არა უჴმდა განწმედაჲ, რომელი "აიხუამს ცოდვათა სოფლისათა"; და
Line of edition: 24     "ცათა განხუმულთა", წამებულსა სულისაგან წმიდისა მსგავსისა თჳსისა. და გა\მოიცადოს
Line of edition: 25     და სძლოს, და იმსახუროს ანგელოზთაგან. "განკურნნეს ყოველნი
Line of edition: 26     სნეულებანი" და აღადგინნეს მკუდარნი (და ნეტარ თუმცაღა აღგადგინა შენ, _ მკუ\დარი
Line of edition: 27     წვალებისაგან!). და განასხნეს ეშმაკნი, რომელნიმე თავით თჳსით და რო\მელნიმე
Line of edition: 28     მოწაფეთა მისთა, და პურითა მცირითა გამოზარდნეს ბევრეულნი, და
Line of edition: 29     ვიდოდეს ზედა სიღრმესა, და მიეცეს მავნებელთა და ჯუარს ეცუას, და ჯუარს
Line of edition: 30     აცუას ცოდვაჲ ჩუენი; ვითარცა ტარიგი შეიწირვის და ვითარცა მღდელმან
Line of edition: 31     შეწიროს; ვითარცა კაცი დაეფლა და ვითარცა ღმერთი აღდგა. ამისა შემდგო\მად
Line of edition: 32     აღვიდეს ზეცად და მოვიდეს დიდებითა თჳსითა, რავდენ მრავალ არიან
Line of edition: 33     დღესასწაულნი საიდუმლოთა ქრისტჱსთანი! და თავ ყოველთა ერთი არს, _
Line of edition: 34     განსრულებაჲ და განახლებაჲ ჩემი, და მიქცევაჲ ჩემი პირველსავე ადამსა.

Line of edition: 35        და აწ შეიწყნარე შობაჲ და იმღერდ, დაღაცათუ არა ვითარცა იოვანე
Line of edition: 36     მუცლით გამო, არამედ ვითარცა დავით წინაშე კიდობნისა. და პატივ ეც აღ\წერასა
Line of edition: 37     და ადიდე შობაჲ, რომლითა განიჴსენ საკრველთაგან შობისათა. და პა\ტივ
Line of edition: 38     ეც მცირესა ბეთლემსა, რომელმან მოგაქცია სამოთხედვე, და თაყუანის
Line of edition: 39     ეც ბაგასა, რომლისაგან გამოიზარდე სიტყჳთა, რაჟამს იგი იყავ უსიტყუელ.
Line of edition: 40     "იცან ჴარმან მომგებელი თჳსი _ გიბრძანებს შენ ესაია _ და ვითარცა ვირმან
Line of edition: 41     ბაგაჲ უფლისა თჳსისაჲ".

Page of edition: 301_(91)  
Line of edition: 1        და უკუეთუ წმიდათაგანი ხარ, ვითარცა შჯულსა წერილ არს, და აღმო\იცოხნი
Line of edition: 2     სიტყუასა, და ღირს ხარ შეწირვად. და უკუეთუ არა წმიდათაგანი ხარ,
Line of edition: 3     რომელი არა ჯერ არს, არცა დაკლვად ნაწილი წარმართებრი. ვარსკულავისა
Line of edition: 4     თანა რბიოდე, მოგუთა თანა ძღუენსა შესწირევდ, ოქროსა, გუნდრუკსა და
Line of edition: 5     მურსა, ვითარცა მეუფისა და ღმრთისა, ვითარცა მკუდრისა შენთჳს მოკლულ\სა.
Line of edition: 6     მწყემსთა თანა ადიდებდ, ანგელოზთა თანა უგალობდ, მთავარ-ანგელოზთა
Line of edition: 7     თანა იხარებდ. იყავნ კრებაჲ ზოგადი ძალთა ზეცისათა და ქუეყანისათაჲ.
Line of edition: 8     მრწამს, რამეთუ დღესასწაულობენ დღეს, ვინაჲთგან მწყალობენ არია(ნ) იგი\ნი
Line of edition: 9     და ღმრთის-მოყუარჱ, ვითარცა იგი მოაჴენებს დავით შემდგომად ვნებისა,
Line of edition: 10     ვითარმედ აღვიდეს ქრისტჱს თანა, შემთხუევით უბრძანებს განხუმათაჲ. ერთ
Line of edition: 11     ხოლო მოიძულე შობისა ქრისტჱსი მოწყუედაჲ და ჰეროდჱს მიერ ჩჩჳლთაჲ;
Line of edition: 12     და უფროჲსღა ითქუმის, პატივ სცა მას შესაწირავსა მობაძავ ქრისტჱსა უწი\ნარჱს
Line of edition: 13     საკჳრველისა შესაწირავისა. უკუეთუ ივლტოდა იგი ეგჳპტედ, მის თანა
Line of edition: 14     ივლტოდე გულსმოდგინედ. რაჲზომ კეთილ არს სივლტოლაჲ ქრისტჱს თანა,
Line of edition: 15     რაჟამს იდევნოს იგი! უკუეთუ იდევნოს ეგჳპტედ, მოუწოდე მას ეგჳპტით, და
Line of edition: 16     იგი მუნ კეთილად იმსახურების. ვიდოდე ყოველსა ჰასაკსა ქრისტჱსსა და ძა\ლითა
Line of edition: 17     მისითა უბიწოდ დაიცევ. ვითარცა მოწაფჱ ქრისტჱსი განწმიდენ, წინა\დაიცჳთე,
Line of edition: 18     განიძარცუე საბურველი შობისაჲ და ამისსა შემდგომად ასწავებდ
Line of edition: 19     ტაძარსა შინა. და ნახენ ღმრთის-მოფარდულნი, და უკუეთუ შეგემთხჳოს შენ ქვი\სა
Line of edition: 20     დაკრებაჲ, მიითუალე. მე უწყი, რამეთუ განერე შენ მოისართაგან ფარუ\ლად
Line of edition: 21     და ხჳდოდი შორის მათსა ვითარცა ღმერთი, რამეთუ სიტყუაჲ არა ეცე\მის.
Line of edition: 22     უკუეთუ წარგადგინონ შენ წინაშე ჰეროდესა, ნუ უფროჲს-მეტყუელისა. ეძიებდ
Line of edition: 23     დარჩომილსა მას, მიიღე ნავღელი ნავღლისა მისთჳს, სუ ძმარი, ეძიებდ ნერ\წყუასა
Line of edition: 24     მისსა, თავს იდევ ყურიმლის-ცემაჲ მისთჳს, დაიდგ გჳრგჳნი ეკლისაჲ,
Line of edition: 25     ფიცხლად ცხორებითა ღმრთისათჳს. შეიმოსე სამოსელი ძოწეული კიცხევისაჲ,
Line of edition: 26     შეიწყნარე ლერწამი, თაყუანის იცემე მოკიცხალთაგან ჭეშმარიტთა. უკუანაჲს\კნელ, _
Line of edition: 27     მის თანა ჯუარს ეცუ, მის თანა მოჰკუედ, მის თანა დაეფალ, რაჲთა
Line of edition: 28     მის თანა ასდგე და მის თანა იდიდო, და მის თანა ჰსუფევდე და ჰხედვიდე,
Line of edition: 29     ვითარ იგი შესაძლებელ იყოს. და იხილვებოდი ღმრთისაგან თაყუანის საცემე\ლისა
Line of edition: 30     სამებისა დიდებულისა, რომელსა ვევედრებით, რაჲთა გამოგჳბრწყინდეს
Line of edition: 31     ჩუენ, ვითარ იგი შესაძლებელ იყოს კრულებასა მას ჴორცთასა ქრისტე იესუჲს
Line of edition: 32     მიერ, უფლის ჩუენისა, რომლისაჲ არს დიდებაჲ უკუნითი უკუნისამდე, ამენ.



Next part


This text is part of the TITUS edition of Tbeti and Parkhali Polycephalia.

Copyright TITUS Project, Frankfurt a/M, 5.3.2021. No parts of this document may be republished in any form without prior permission by the copyright holder.