TITUS
Ioane Bolneli / Chrysostomus, Sermones
Part No. 6
Previous part

Text: A_23  
Page of ed.: 266  
Line of ed.: 15   თქუმული იოვანე ოქროპირისაჲ
Line of ed.: 16   ბზობისათჳს, შესხმისათჳს უფლისა ყრმათა მიერ,
Line of ed.: 17   რაჟამს შევიდა იესუ იერუსალჱმდ.
Line of ed.: 18   კრებაჲ ძეთა სიონისათაჲ და დღესასწაულებაჲ ყრმათა
Line of ed.: 19   იერუსალჱმისათაჲ და გალობაჲ ჩჩჳლთაჲ, რომელნი
Line of ed.: 20   უბრძნეს იყვნეს მოხუცებულთა მათ სიცრუისათა


Line of ed.: 21        დღეს მოუწესს ენასა ჩუენსა, ძმანო, ქებით მადლობად გარდა\რეულსა
Line of ed.: 22     მას კაცთმოყუარებასა მჴსნელისა ჩუენისასა და აიძულეთ
Line of ed.: 23     თუალითა გონებისა თქუენისაჲთა განცდად განსაკჳრვებელი სიმდაბ\ლჱ
Line of ed.: 24     მეუფისა მის მეუფეთაჲსაჲ. აწ მოვედით კრებული ეგე მადლისაჲ,
Line of ed.: 25     რაჲთა გულად ვიხუნეთ მრავალფერნი ესე შემკულებანი ძეთა მათ
Line of ed.: 26     სიონისათანი, და მოისწრაფეთ შვილთა მათ ეკლესიათა სმენად გა\ლობაჲ
Line of ed.: 27     შვილთა ებრაელთაჲ და ყრმანი იზარდებოდეთ შესხმითა
Line of ed.: 28     სულიერითა მობაძავად ჩჩჳლთა მათ -- ნეტარებისა ყუავილთა,
Line of ed.: 29     პირთა მათ უტყუელთა, ენათა უძმაცუველთა, რომელთა ეწოდების.
Line of ed.: 30     და განამტკიცებს მაქებელთა მოძღურებაჲ იგი, პირი შემსხმელი,
Line of ed.: 31     სული წმიდაჲ, ენაჲ იგი საგალობელი შენთჳს და იტყჳს: "პირითა
Line of ed.: 32     ყრმათა ჩჩჳლთა მწოვართაჲთა დაემტკიცოს ქებაჲ".

Line of ed.: 33        მოვედით და განვიცდიდეთ კაცთმოყუარებისა მისისა მადლსა და
Page of ed.: 267   Line of ed.: 1     განვიკჳრვოთ გამოუთქუმელი მისი სიმდაბლჱ, რომელი თავს-იდვა
Line of ed.: 2     აურაცხელითა მისითა მოწყალებითა, რამეთუ არავინ აიძულა მას
Line of ed.: 3     ჴსნაჲ ჩუენი, არავინ აწჳა მას განკრძალულებაჲ ჩუენი, არცა ვინ
Line of ed.: 4     ძლით წარიქცია იგი დამდაბლებად განუზომელისაგან სიმაღლისა და
Line of ed.: 5     გარდამოსლვად წიაღთაგან მამისათა, რომელსა-იგი არასადა განეშო\რა;
Line of ed.: 6     არამედ მოწყალებითა თჳსითა დამდაბლდების იგი და სივრცემან
Line of ed.: 7     კაცთმოყუარებისა მისისამან ასწავა მას ესე ყოველი, და შემძლებელ
Line of ed.: 8     იყო ყოვლით კერძო ჴსნაჲ ჩუენი სიკუდილისაგან და ადვილ უჩნდა
Line of ed.: 9     თჳნიერ მისა განთავისუფლებაჲ ჴელთაგან ჯოჯოხეთისათა, რამეთუ
Line of ed.: 10     ჴელმწიფებასა მისსა ჰმონებს ყოველი დაბადებული, რამეთუ მან
Line of ed.: 11     დაჰბადა ხილული და არახილული.

Line of ed.: 12        წმიდაჲ მოციქული დასწერს და იტყჳს, ვითარმედ: "იგი არს ხატი
Line of ed.: 13     ღმრთისა უხილავისაჲ", რამეთუ მის მიერ დაებადა ყოველი დაბადებუ\ლი
Line of ed.: 14     ცათაჲ და ქუეყანისაჲ -- ხილული და უხილავი; ანუ თუ საყდარ\ნი,
Line of ed.: 15     ანუ თუ უფლებანი, გინა თუ მთავრობანი და ჴელმწიფებანი -
Line of ed.: 16     ყოველივე მის მიერ და მისა მიმართ. და იგი თავადი არს ყოველთა
Line of ed.: 17     წინა და ყოველი მის მიერ დამტკიცნების და იგი არს ყოვლისა მთა\ვარ.
Line of ed.: 18     და ჩუენ უწყით, რამეთუ ყოველივე ძალ-უც და შემძლებელ იყო
Line of ed.: 19     განკურნებად წყლულებათა სოფლისათა. ხოლო არათუმცა განკაცნა
Line of ed.: 20     და ყოველივე დაითმინა ვიდრე სიკუდილადმდე ჯუარითა, ვინ-მე-მცა
Line of ed.: 21     გულისჴმა-ყო ესოდენი ესე მიუწდომელი და განსაკჳრვებელი მისი კაცთ\მოყუარებაჲ;
Line of ed.: 22     ანუ ვინ-მე-მცა შემძლებელ იყო ცნობად განუზომელსა
Line of ed.: 23     სიბრძნესა მოწყალებათა მისთასა? არამედ მებრვე არავინ. ამისთჳსცა
Line of ed.: 24     დაიმდაბლა თავი თჳსი, არამედ არავე განიშორა სიმდაბლჱ თჳსი და
Line of ed.: 25     განკაცნა ჭეშმარიტად უქცეველად ღმრთეებითა. ხოლო მან არა წარწყმიდა
Line of ed.: 26     ღმრთეებაჲ თჳსი. მოვიდა სოფლად, იჴსნიდა და განჰჴსნიდა კრულთა,
Line of ed.: 27     განჰკურნებდა უძლურთა, ეშმაკსა არცხუენდა, სასწაულთა იქმოდა და
Line of ed.: 28     ძალთა ჴელითა თჳსითა, და ეგრეცა მსგავსად მიანიჭა ძალი კურნებათაჲ
Line of ed.: 29     რჩეულთა მისთა და განჰფინნა სოფელსა მას ჰურიასტანისასა მოძღურე\ბანი
Line of ed.: 30     ყურთა მიმართ ერისათა წმიდანი მოციქულნი მისნი, დასდვა
Line of ed.: 31     სნეულებასა ჩუენსა წამალი მისი და გუასწავა ჩუენ საცხორებელად
Line of ed.: 32     ჩუენდა ნებანი მისნი. უნდა განთავისუფლებაჲ ისრაჱლისაჲ და იხი\ლეს
Line of ed.: 33     რაჲ ნათელი, დაიწუხნეს თუალნი მათნი, რაჲთა არა ხედვიდენ,
Line of ed.: 34     გინა თუ მოიქცენ და განიკურნენ. იყო ნათელი იგი ჭეშმარიტი, რომე\ლი
Line of ed.: 35     განანათლებს ყოველსა კაცსა მომავალსა სოფლად. ხოლო მათ
Line of ed.: 36     შეიყუარეს ბნელი იგი ვიდრე ნათელი. თჳსთა მოვიდა და თჳსთა იგი
Page of ed.: 268   Line of ed.: 1     არა შეიწყნარეს. იტყოდა: "არა ვიდრე მოვლინებულ ვარ, გარნა ცხო\ვართა
Line of ed.: 2     მათ წარწყმედულთა სახლისა ისრაჱლისათა". ესე ესმა არა
Line of ed.: 3     ინებეს და თჳსნი იგი მგელ ექმნეს.

Line of ed.: 4        ხოლო მერმე იტყჳს: "სხუანიცა ცხოვარნი მიდგან, რომელნი არა
Line of ed.: 5     ამას ეზოჲსაგანნი არიან. იგინიცა ჯერ-არიან მოყვანებად ჩემდა".
Line of ed.: 6     ამიერითგან არა ერთსა ხოლო ნათესავსა მივანიჭო სარგებელი მოსლვისა
Line of ed.: 7     ჩემისაჲ, არამედ ყოველთათჳს დაბადებულთა ვიღუაწო და მივსცე
Line of ed.: 8     თავი ჩემი.

Line of ed.: 9        და ვითარცა ყოველივე აღესრულა, მოვიდა სიკუდილისათჳს ჯუა\რითა.
Line of ed.: 10     შევიდა იგი მკლველთა წყეულთასა, შევიდა შვილთა თანა
Line of ed.: 11     უშჯულოებისათა, შევიდა იერუსალჱმდ, რომელმან მოწყჳდნა წინაჲს\წარმეტყუელნი
Line of ed.: 12     და ქვაჲ დაჰკრიბა მის მოვლინებულთა მის ზედა. ხოლო
Line of ed.: 13     შევიდა არა თუ ჴელმწიფებითა ძლიერებისა მისისაჲთა, არცაღა თუ
Line of ed.: 14     შეძრნა ქერობინნი, არცაღა გარდამოიყვანნა ნათელნი ელვის სახედ
Line of ed.: 15     შექმნულნი, ცეცხლისფერნი იგი მთავრობანი ჴმითა ქუხილისაჲთა და
Line of ed.: 16     საყდართა წილ ქერობინთა კარაულსა ზედა დაჯდომილ დღეს შევი\და
Line of ed.: 17     უფალი იგი უფლებათაჲ, რომლისათჳს ღაღადებს წინაჲს\წარმეტყუელი:
Line of ed.: 18     "ეტლნი ღმრთისანი ბევრ-წილ არიან და ათასეულნი
Line of ed.: 19     წარუმართებიან მას".

Line of ed.: 20        ესე დღეს სიმდაბლით, გლახაკებისა ხატითა შევალს, რაჲთა ვერ
Line of ed.: 21     იცნას ჯოჯოხეთმან მიმავალი იგი მისა შემუსრვად და ვერ ცნას
Line of ed.: 22     ეშმაკმან, რომლისაჲ ეგულების განქარვებაჲ ჴელმწიფებისა მისისაჲ,
Line of ed.: 23     რამეთუ მან სიმდაბლითა თჳსითა განაქიქა ზაკულებაჲ მისი, რამეთუ
Line of ed.: 24     ჩუენთჳს დაგლახაკნა მდიდარი იგი, რაჲთა ჩუენ სიგლახაკითა მისი\თა
Line of ed.: 25     განვმდიდრდეთ. დაგლახაკნა ნეფსით, ხოლო არა იტყუენა სიმ\დიდრჱ
Line of ed.: 26     მისი. შესლვასა მას მისსა შეიძრა ქალაქი იგი. ვითარმე არა
Line of ed.: 27     შეიძრას ქალაქი იგი მისთჳს, რომელმან მიხედის ქუეყანასა და
Line of ed.: 28     შეაძრწუნის იგი; შეახის მთათა და კუმოდიან! რომელმან შეძრის
Line of ed.: 29     ცასა ქუეშე საფუძველითურთ მისით და სუეტნი მისნი შეირყინიან.
Line of ed.: 30     ესე იხილეს და შეძრწუნდეს, -- ვინ არს ესეო? ჵ შესულებაჲ იგი
Line of ed.: 31     ბოროტი; ჵ მტერობაჲ გარდარეული!

Line of ed.: 32        ჵ უგუნურნო და მედგარნო და მძიმენო გულითა, სარწმუნოები\სათჳს
Line of ed.: 33     არა უკუე იცოდეთ-მცა, ვინ არს ესე? ეგე არს, რომელმან
Line of ed.: 34     მკელობელნი თქუენნი ავლინნა, ღრეკილნი თქუენნი განჰმართნა,
Line of ed.: 35     ბრმათა თქუენთა თუალნი აღუხილნა, განრღუეულნი სიტყჳთა განკურნ\ნა,
Line of ed.: 36     კეთროვანი განწმიდა, დედაკაცსა მას სისხლისა იგი დინებაჲ

Page of ed.: 269   Line of ed.: 1     დაუცხრვო შეხებითა სამოსლისაჲთა, ეშმაკნი ლეგეონნი ბრძანებით
Line of ed.: 2     განდევნნა, უტყუთა ატყუებდა, ყრუთა ასმენდა, გლახაკთა ახარებდა,
Line of ed.: 3     მკუდარნი თქუენნი აღადგინნა და მათ გაუწყონ, ვითარმედ ესე არს,
Line of ed.: 4     რომელი მოვიდა განთავისუფლებად ბნელსა შინა მსხდომარეთა.

Line of ed.: 5        და რომელნიმე იტყოდეს, ვითარმედ: "ესე არს წინაჲსწარმეტყუელი
Line of ed.: 6     იესუ ნაზარეველ გალილეაჲსაჲთ". ჵ უბადრუკებისა შვილნო, ჵ
Line of ed.: 7     თესლო ქანაანისო და არა იუდაჲსო, ჵ ცოფნო და ბრმანო, უკუეთუ
Line of ed.: 8     ესოდენ უმეცარ იქმნენით, ვინ არს ესეო, ჰკითხეთ ყრმათა თქუენთა
Line of ed.: 9     ჩჩჳლთა და მათ გითხრან, თუ ვინაჲ მოვლინებულ არს ეგე. ხოლო
Line of ed.: 10     იგინი არა შეიწყნარებენ ნაზარეთით, არამედ განცხადებულად მიეგე\ბვიან
Line of ed.: 11     მეუფესა დიდებისასა, ღაღადებენ და იყტჳან: "ჵსანა მაღალთა
Line of ed.: 12     შინა, კურთხეულ არს მომავალი სახელითა უფლისაჲთა, მაცხოვარი
Line of ed.: 13     ჩუენ ყოველთაჲ, რომელი არს მაღალთა შინა".

Line of ed.: 14        და მის წინაჲსწარმეტყუელისა სულითა ძენი თქუენნი იტყჳან.
Line of ed.: 15     მაღლად ჰხადიან ჩჩვლნი სიონისანი, არა შეიწყნარებენ მას გა\ლილეაჲთ
Line of ed.: 16     დაძუელებულნი დღეთა ბოროტთანი, უვარ-ჰყოფენ სიმაღ\ლესა
Line of ed.: 17     მისსა და შვილთაცა თჳსთა ჰრისხვენ გალობისა მისთჳს
Line of ed.: 18     წმიდისა და ეტყჳან იესუს: "არა გესმისა, რასა ესენი გეტყჳან შენ?"

Line of ed.: 19        ჵ უგუნური იგი გონებაჲ! არა აღმოგიკითხავსა, ვითარმედ "პირი\თა
Line of ed.: 20     ყრმათა ჩჩჳლთა მწოვართაჲთა დაემტკიცოს ქებაჲ"? და მტერთა
Line of ed.: 21     შენთათჳს: "რაჲთამცა განირყუნა მტერი იგი და შურსმგებელი" -
Line of ed.: 22     ბნელისმოყუარჱ კრებული იგი ფარისეველთაჲ. ხოლო გეტყჳ თქუენ,
Line of ed.: 23     დაღათუ ეგენი დადუმნენ, ქვანიცა ღაღადებენ ჭეშმარიტად საკჳრველებათა
Line of ed.: 24     მისთა, მდინარენი და ყოველნი ხენი მაღნარისანი; და თქუედ წარ\მართთა
Line of ed.: 25     შორის, რამეთუ უფალი სუფევს და დაამყარა სოფელი,
Line of ed.: 26     რაჲთა არა შეიძრას; აღიძარნ ზღუაჲ სავსებითა თჳსითა, იხარებდედ
Line of ed.: 27     ველნი და ყოველი რაჲ არს მას შინა, ამისთჳს რამეთუ მოვალს
Line of ed.: 28     მახარებელი იგი გლახაკთაჲ და განმანათლებელი იგი ადამისი. და
Line of ed.: 29     ოდეს-მე? ანუ რაჲ სასწაული მის ჟამისაჲ? აჰა წინაჲსწარმეტყუელო,
Line of ed.: 30     გჳთხარ ჩუენ. და იგი იტყჳს: "მაშინ იხარებდენ ყოველნი ხენი
Line of ed.: 31     მაღნარისანი პირისაგან უფლისა, რამეთუ მოვალს". და მახარებელი
Line of ed.: 32     გუაწყებს, ვითარმედ: მოიღეს რტოები დანაკისკუდისაჲ, განვიდეს
Line of ed.: 33     მიგებებად მისა, ღაღადებდეს და იტყოდეს: "ჵსანა, კურთხეულ არს
Line of ed.: 34     მომავალი სახელითა უფლისაჲ". და კურთხეულად იტყჳს; რომელნიმე
Line of ed.: 35     გზასა ზედა სამოსელსა მათსა დაუფენდეს. ამას უკუე მიჰხედავს
Line of ed.: 36     წინაჲსწარმეტყუელი და იტყჳს: "და ყოველთა ხეთა მაღნარისათა
Page of ed.: 270   Line of ed.: 1     იტყუელნენ რტოებითა მათითა". ხოლო ჩუენ, საყუარელნო, უმეტეს
Line of ed.: 2     განვმხიარულდეთ დღესა ამას სიხარულსა ანგელოზთა და კაცთასა,
Line of ed.: 3     რამეთუ იდიდების მეუფჱ ჩუენი ქუეყანასა ზედა, უხარის ხეთა,
Line of ed.: 4     რამეთუ ჰმსახურეს მას რტოებითა, რომელმან თქუა: "აღმოაცენენ
Line of ed.: 5     ქუეყანამან ყოველი ხჱ შუენიერი ხილვად და კეთილი საჭმელად".

Line of ed.: 6        უხარის პირუტყუთაცა წესსა, რამეთუ ღირს-იქმნა ტჳრთვად
Line of ed.: 7     დამბადებელისა. უფროჲს ხოლო უხაროდენ ბუნებასა კაცთასა,
Line of ed.: 8     რომელმან მოსცა ყოველთა დაბადებულთა, რამეთუ ყრმანი სერაბინ\თა
Line of ed.: 9     ეზიარნეს და ჩუენცა მათ თანავე ვიტყოდით: ჵსანა მაღალთა
Line of ed.: 10     შინა, კურთხეულ არს მომავალი მეუფჱ დიდებისაჲ, რომელი ყოველ\თა
Line of ed.: 11     დაბადებულთა და ჩუენთჳს ვნებად განემზადა, რაჲთა მიჴსნეს
Line of ed.: 12     ჩუენ ვნებათაგან. და აღვიპყრნეთ ჴელნი ჩუენნი რტოებითურთ და
Line of ed.: 13     გალობით, და სამოსლისა წილ -- გულნი ჩუენნი წინაშე საყდარსა
Line of ed.: 14     სათნოებათა მისთასა, და მან თავადმან წმიდა-მყვნეს ჩუენ სარწმუ\ნოებისაებრ
Line of ed.: 15     ჩუენისა ყოველთა დღეთა ცხორებისა ჩუენისათა, რომ\ლისაჲ
Line of ed.: 16     არს ჴელმწიფებაჲ, პატივი და ძალი, აწ და მარადის და
Line of ed.: 17     უკუნითი უკუნისამდე. ამენ.



Next part


This text is part of the TITUS edition of Ioane Bolneli / Chrysostomus, Sermones.

Copyright TITUS Project, Frankfurt a/M, 1.12.2024. No parts of this document may be republished in any form without prior permission by the copyright holder.