TITUS
John Chrysostom, The Pearl
Part No. 3
Previous part

Paragraph: 3  
Line of ed.: 14   3) თარგმანებისაგან კორინთელთა ებისტოლისა


Line of ed.: 15        რამეთუ არა თუ ქმნაჲ ოდენ კეთილისა -- მიცემად გლახაკთაჲ, შემოსაჲ
Line of ed.: 16     შიშუელთაჲ, განძღებაჲ მშიერთაჲ და სხუაჲ ყოველი ესევითარი ბრწყინ\ვალე-ჰყოფს
Line of ed.: 17     სულსა და სასყიდელსა მოატყუებს დიდსა, არამედ მოთმინე\ბაჲცა
Line of ed.: 18     ჭირთა და განსაცდელთაჲ და სიგლახაკისა უმეტესა\\დღა Page of ms.: A209 
Line of ed.: 19     განამრავლებს მადლთა. და მოწამე არს იობვე, რომელი მოთმინებითა მით
Page of ed.: 68   Line of ed.: 1     ჭირთაჲთა უმეტესად სახელოვან იქმნა, ვიდრე ქველისსაქმითა მით
Line of ed.: 2     და მოწყალებითა, რომელსა იქმოდა, იყო რაჲ იგი სიმდიდრესა შინა;
Line of ed.: 3     რამეთუ არა ეგრეთ ბრწყინვალედ ჩნდა, რაჟამს სიმდიდრე იგი აქუნდა
Line of ed.: 4     და სახლი მისი განღებულ იყო გლახაკთათჳს და ყოველსა განუყოფდა,
Line of ed.: 5     Page of ms.: B50v  ვითარ-იგი ოდეს ესმა, ვითარმედ სახლი დაეცა შვილთა მის\თა
Line of ed.: 6     ზედა და მადლობით შეიწყნარა; არა ესრეთ ბრწყინვალედ ჩანდა,
Line of ed.: 7     რაჟამს-იგი შეჰმოსდა შიშუელთა და განაძღებდა მშიერთა, ვითარ-იგი,
Line of ed.: 8     ესმა რაჲ წარწყმედაჲ ყოვლისა საცხოვარისა მისისაჲ, და ჰმადლობდა
Line of ed.: 9     ღმერთსა. არა თქუა, ვითარმედ: "რაჲ არს ესე, რაჲსათჳს წარწყმ\დეს
Line of ed.: 10     საცხოვარნი იგი, რომელთაგან გამოიზარდებოდეს ბევრეულნი
Line of ed.: 11     გლახაკნი?" არამედ იტყოდა: "ღმერთი ყოველსავე უმჯობესად იქმს".
Line of ed.: 12     Page of ms.: A210  მაშინ იყო კაცთმოყუარე, ხოლო აწ იქმნა ღმრთივგონიერ; მაშინ
Line of ed.: 13     სწყალობდა გლახაკთა, ხოლო აწ ჰმადლობს მეუფესა. და რაჲთა სცნა,
Line of ed.: 14     ვითარმედ უმეტესად მოიწყლა ეშმაკი, რაჟამს წარწყმედაჲ მონაგებთა
Line of ed.: 15     მისთაჲ მადლობით შეიწყნარა, ვიდრე რაჟამს სიმდიდრესა შინა იყო
Line of ed.: 16     და იქმოდა მოწყალებასა, ისმინე: ვიდრე ოდეს-იგი სიმდიდრე აქუნდა,
Line of ed.: 17     იჭუეულ იყო მისთჳს ეშმაკი და ჰგონებდა, თუმცა სძლო მას, უკუეთუმცა
Line of ed.: 18     მოეცა ჴელმწიფებაჲ მონაგებთა მისთა განბნევად, ხოლო რაჟამს-იგი
Page of ed.: 69   Line of ed.: 1     ყოველივე მოუღო და მისი ღმრთისა მიმართ სიყუარული ვერ შეცვ\ალა,
Line of ed.: 2     მაშინღა დაიყო ურცხჳნოჲ იგი პირი მისი, რამეთუ ფრიად უაღრეს
Line of ed.: 3     არს, ოდეს ყოველი მოიწიოს კაცსა ზედა და იგი Page of ms.: D4  ჰმადლობდეს
Line of ed.: 4     ღმერთსა, ვიდრე რაჟამს სიმდიდრესა შინა იქმოდის მოწყალებასა, რა\მეთუ
Line of ed.: 5     კაცი ოდეს შუებასა და განსუენებასა შინა იყოს, რაჲ საკჳრველ
Line of ed.: 6     არს მადლობაჲ ღმრთისაჲ? არამედ რაჟამს განსაცდელთა დღ\\ენი Page of ms.: A211 
Line of ed.: 7     აღდგენ მის ზედა, მაშინ გამოჩნდების მოთმინებაჲ და ღმრთისა მიმართ
Line of ed.: 8     მადლობაჲ მისი; ხოლო რაჟამს იხილო კაცი, სათნოებითა შემკული
Line of ed.: 9     და ჭირსა შინა მყოფი და განსაცდელთა, ნუ გიკჳრნ, უფროჲსად ესე
Line of ed.: 10     არს საკჳრველ, თუმცა იყო ვინმე Page of ms.: B51r  მართალი არა ჭირსა შინა
Line of ed.: 11     რაჟამს იხილის ეშმაკმან კაცი, რომელი ებრძვინ, მანცა იწყის ბრძოლად
Line of ed.: 12     მისსა. ამისთჳს გეტყჳ: რაჟამს იხილოთ კაცი მოწყალე და შემწყნ\არებელი
Line of ed.: 13     გლახაკთაჲ და მერმე მოიწივნენ მის ზედა განსაცდელნი,
Line of ed.: 14     ნუ შეშფოთნები, არამედ ცან, ვითარმედ ამისთჳს მოიწია მის ზედა
Line of ed.: 15     განსაცდელი იგი, რამეთუ ფრიად მართალი და წმიდაჲ იყო და შეშურდა
Line of ed.: 16     ესე ეშმაკსა და მოაწია მის ზედა ესევითარი საქმე. ხოლო უკუეთუ
Line of ed.: 17     სთქუა, თუ რად შეუნდო ღმერთმან ეშმაკსა, გულისჴმა-ყავ, ვითარმედ
Page of ed.: 70   Line of ed.: 1     ამისთჳს, რათა მართალი იგი უმეტესად გჳრგჳნოსან იქმნეს და ეშმაკი
Line of ed.: 2     უფროჲსად მოიწყლას,რამეთუ Page of ms.: B51v  დიდ არს ესეცა, ოდეს კაცი ჟამსა
Line of ed.: 3     მკჳდრობისა და დაწყნარებისასა სათნოებათა იქმ\\ოდის, Page of ms.: A212  ხოლო
Line of ed.: 4     უფროჲს და ფრიად უზეშთაეს არს, უკუეთუ განსაცდელთა შინა
Line of ed.: 5     შთავარდეს და აღდგენ მის ზედა ღელვანი და ნიავქარნი და იგი არავე
Line of ed.: 6     შეირყიოს სათნოებისაგან და ღმრთისა მიმართ სურვილისა.



Next part


This text is part of the TITUS edition of John Chrysostom, The Pearl.

Copyright TITUS Project, Frankfurt a/M, 5.3.2021. No parts of this document may be republished in any form without prior permission by the copyright holder.