TITUS
Apothegmata Patrum (syst.)
Part No. 20
Previous part

Text: 20  
Version: A  
Line of edition: 1        [ Page of primary ms.: A_191v   ] 20. ბერი ვინმე ჯდა სკიტეს. და მივიდა იგი ოდესმე ალექსან\დრიას
Line of edition: 2     სყიდად ხელთ-საქმრისა თჳსისა. და იხილა ვინმე ჭაბუკი მო\ნაზონი,
Line of edition: 3     რომელი შევიდოდა საკაპილესა, და [ Page of primary ms.: A_192r   ] ჰგებდა ბერი იგი
Line of edition: 4     კართა ზედა, რაჲთამცა ეუბნა მას. და ვითარცა გამოვიდა ძმაჲ იგი,
Line of edition: 5     უპყრა ბერმან ჴელი მისი და ჰრქუა მას თჳსისაგან: უფალო, ძმაო,
Line of edition: 6     არა უწყია, რამეთუ სახჱ ანგელოზებრივი გმოსია? არა უწყია, ვი\თარმედ
Line of edition: 7     ჭაბუკ ხარ და მრავალ არიან საბ[რ]ჴენი მტერისანი, რამე\თუ
Line of edition: 8     თუალთა მიერ და ყურთა მრავალნი მონაზონნი წარსწყმედენ
Line of edition: 9     შრომათა მათთა ქალაქთა შინა? და ვითარ შენ ესრეთ ურიდად იქ\ცევი
Line of edition: 10     და შეხუალ კაპილიათა და, რაჲ-იგი არა ჯერ-არს, გესმის, და,
Line of edition: 11     რაჲ-იგი არა ჯერ-არს, მას ჰხედავ და იქცევი დედათა თანა? გე\ვედრები
Line of edition: 12     შენ, შვილო ჩემო, ნუ ხარ აქა, არამედ ივლტოდე უდაბ\ნოს,
Line of edition: 13     რაჲთა შეწევ\\ნითა [ Page of primary ms.: A_192v   ] ქრისტესითა სცხონდე. მიუგო ძმამან მან
Line of edition: 14     და ჰრქუა: წარვედ, კეთილო ბერო, რამეთუ ღმერთი გულსა წმი\დასა
Line of edition: 15     ოდენ ეძიებს. მაშინ განიპყრნა ჴელნი თჳსნი ბერმან და თქუა:
Line of edition: 16     დიდებაჲ შენდა, ღმერთო, რამეთუ მაქუს მე სკიტეს შინა ორმეოც\და
Line of edition: 17     თხუთმეტი წელი და გული წმიდაჲ ვერ მოვიგე, ხოლო ვითარ
Line of edition: 18     ამას, რომელი იქცევის კაპილიათა შინა, მოუგია გული წმიდაჲ? და
Line of edition: 19     მოიქცა ძმისა მის მიმართ და ჰრქუა მას: შვილო, ღმერთმან შენ
Line of edition: 20     გაცხოვნენ და მე ნუ მარცხჳნოს.

Version: D  
Line of edition: 1        [ Page of primary ms.: D_45v   ] ბერი ვინმე მჯდომარე იყო სკიტეს. და წარვიდა იგი ოდესმე
Line of edition: 2     ალექსანდრიად განსყიდად ჴელთ-საქმრისა თჳსისა. და იხილა ვინმე ჭაბუკი მონაზო\ნი
Line of edition: 3     შემავალად კაპილონსა. შეუძნდა ესე ბერსა და შეწუხნა, და დადგა გარჱ და
Line of edition: 4     ელოდა მდგომარე, რაჲთა ოდეს გამოვიდეს გარე, ეზრახოს მას, რომელიცა ესე იქ\მნა.
Line of edition: 5     რამეთუ გამოვიდა რაჲ იგი, მიერ უპყრა ბერმან ჴელი, განიყვანა იგი თჳსაგან
Line of edition: 6     და ჰრქუა მას: უფალო, ჩემო ძმაო, არა უწყია, რომელ ანგელოზებრივი სახჱ გმო\სიეს?
Line of edition: 7     არა უწყია, რამეთუ ჭაბუკ ხარ? არა უწყია, რამეთუ მრავალ არიან და ფრიად
Line of edition: 8     საბრჴენი მტერისანი? არა უწყია, რამეთუ სახედვჱლთა მიერ და სასმენელთა და
Line of edition: 9     სახჱთა მიერ და სამოსჱლთა [დიდად] ევნების მონაზონთა ქალაქთა შინა და სოფჱლთა?
Line of edition: 10     ვითარ უკუჱ შენ, ძმაო, უშიშად შეხუალ კაპილონსა შინა და რომელი არა გინა გეს\მას,
Line of edition: 11     და რომელი არა გინა, ხჱდავ, და უწესოთა მამათა და დედათა თანა იქცევი?
Line of edition: 12     ნუ გევედრები შვილო, ნუ. ნუ ესრეთ ავნებ თავსა და სულსა შენსა, არამედ ივლ\ტოდჱ
Line of edition: 13     უდაბნოდ, სადაცა ძალ-გიც ცხოვნებად შეწევნითა ღმრთისაჲთა. მიუგო ჭა\ბუკმან
Line of edition: 14     მან ბერსა და ჰრქუა: წარვედ ბერო კჱთილო, წარვედ, რამეთუ ღმერთი
Line of edition: 15     არარას ეძიებს სხუასა თჳნიერ გულსა წმიდასა. მაშინ განიპყრნა ბერმან ჴელნი
Line of edition: 16     ზჱცად და თქუა: დიდებაჲ შენდა ღმერთო, რამეთუ მაქუს სკიტეს ორმეოცდაათი წელი
Line of edition: 17     და გული წმიდაჲ ვერ მოვიგე, ხოლო [ Page of primary ms.: D_46r   ] ესე კაპილონთა შინა იქცევის და გული
Page of edition: 12   Line of edition: 18     წმიდაჲ მოიგო. მერმე მიექცა ძმასა მას ჭაბუკსა და ჰრქუა: ღმერთმან, შვილო, და
Line of edition: 19     შენცა გაცხოვნოს და მე ნუ სირცხჳლეულ მყოს.


Next part


This text is part of the TITUS edition of Apothegmata Patrum (syst.).

Copyright TITUS Project, Frankfurt a/M, 18.8.2015. No parts of this document may be republished in any form without prior permission by the copyright holder.