TITUS
Apothegmata Patrum (syst.)
Part No. 26
Previous part

Text: 4  
Version: A  
Line of edition: 1        [ Page of primary ms.: A_194r   ] 4. მივიდა ოდესმე ნეტარი თეოფილე მთავარებისკოპოსი მა\მისა
Line of edition: 2     არსენისა მთავრისა ვისთანამე, და ჰკითხვიდა ბერსა, რაჲთა\მცა
Line of edition: 3     ესმა მისგან სიტყუაჲ. ხოლო ბერი მცირედ დუმნა და მერმე
Line of edition: 4     ჰრქუა მათ: უკუეთუ გრქუა რაჲმე, დაიცვათა? ხოლო მათ ჰრქუეს,
Line of edition: 5     ვითარმედ: დავიცვათ. მაშინ ჰრქუა მათ ბერმან: სადაცა გესმას სა\ხელი
Line of edition: 6     ჩემი არსენისი, მუნ ნუ მიეახლებით. [ Page of primary ms.: A_194v   ] კუალად სხუასა ჟამ\სა
Line of edition: 7     ინება მთავარებისკოპოსმან მისლვად მისსა და წარავლინა პირ\ველად,
Line of edition: 8     თუ გა-ძი-უღებსა კარსა ბერი. ხოლო ბერმან მიუმცნო და.
Line of edition: 9     ჰრქუა მას: უკუეთუ მოხჳდე, განგიღებ, და უკუეთუ შენ განგიღებ,
Line of edition: 10     ყოველთა განუღებ, და მიერითგან არღარა ვჯდე აქა.

Line of edition: 11        ხოლო ესე რაჲ ესმა მთ[ა]ვ[ა]რეპისკოპოსსა, თქუა: უკუეთუ
Line of edition: 12     განძებად ბერისა მის მივალ, მაშა არღარა მივიდე.

Version: D  
Line of edition: 1        [ Page of primary ms.: D_68r   ] წარვიდა ოდესმე ნეტარი თეოფილე მთავარეპისკოპოსი მთავარსა
Line of edition: 2     ვისმე თანა მამისა არსენისა და ჰლოცვიდა ბერსა, რაჲთა ესმას მათ მისგან სიტყუაჲ.
Line of edition: 3     ხოლო ბერი დუმნა მცირედ. მერმე ჰრქუა მათ: და უკუეთუ გრქუა თქუენ, დაჲმარხო\თა?
Line of edition: 4     ხოლო მათ აღუთქუჱს დამარხვად. ჰრქუა მათ ბერმან: სადაცა გესმეს ყოფაჲ
Line of edition: 5     არსენისი, ნუ და[ე]ახლებით მუნ. კუალად სხუასა ჟამსა ინება ოდესმე მთავარეპისკო\პოსმან
Line of edition: 6     მისლვაჲ მისა. მიუმცნო პირველად უკუეთუ განუღებს ბერი. ხოლო ბერმან
Line of edition: 7     მიუმცნო და თქუა: უკუეთუ მოხჳდე, განგიღო, და უკუეთუ შენ განგიღო, ყოველთა
Line of edition: 8     განუღო კარი და მერმე არღარა ვჯდე, და ესმა რაჲ ესე მთაეარეპისკოპოსსა, თქუა:
Line of edition: 9     უკუეთუ ოტებად წმიდისა მის მივალ, არღარა მივალ მის თანა.


Page of edition: 15  
Next part


This text is part of the TITUS edition of Apothegmata Patrum (syst.).

Copyright TITUS Project, Frankfurt a/M, 18.8.2015. No parts of this document may be republished in any form without prior permission by the copyright holder.