TITUS
Cyril of Alexandria, Commentary on the Apostolicum
Part No. 5
Previous part

Text: 1.Kor.  
Page of ed.: 150  
Section: Intr.  
Line of ed.: 1   პირი კორინთელთა მიმართ
Line of ed.: 2   პირველისა ებისტოლისაჲ


Line of ed.: 3        ესე ებისტოლე მიუწერა ეფესოჲთ, რამეთუ ეხილნეს პირველ კორინ\თელნი
Line of ed.: 4     და ესწავა მათდა, ხოლო მოაჴსენებს მათ ამის ებისტოლისა
Line of ed.: 5     მიერცა სწავლათა თჳსთა. ხოლო მიზეზი ებისტოლისა მის ესე იყო,
Line of ed.: 6     რამეთუ კორინთელნი შეკრებასა შინა მათსა ცილობათა იქმოდეს და
Line of ed.: 7     რომელიმე სხუასა იტყოდა და რომელიმე სხუასა, და არა აქუნდა
Line of ed.: 8     ერთობაჲ, და ამისთჳს უგულებელს-ყო ყოველივე წესიერებაჲ და
Line of ed.: 9     აქუნდა ფრიადი განწვალებაჲ. და ერთსა ვისმე მათგანსა მამის
Line of ed.: 10     ცოლი ცოლად შეერთო და სხუათა ენება ცოლთა მათთა დაგდებაჲ
Line of ed.: 11     მიზეზითა ტყუვილით მოღუაწებისაჲთა, და სხუანი საკერპოთა შინა
Line of ed.: 12     ჭამდეს, ვითარმცა არას ავნებდა ნაკერპავი, და სხუანი სხუათა
Line of ed.: 13     მადლთა ღმრთისათა შეურაცხ-ჰყოფდეს. ხოლო რომელნი ენათა იტყო\დიან,
Line of ed.: 14     მათ შეიწყნარებდეს, და მერმე ამას ყოველსა ზედა სცთებოდეს
Line of ed.: 15     აღდგომისათჳსცა, და იტყოდეს ვიეთნიმე მათგანნი, ვითარმედ არა
Line of ed.: 16     აღდგებიან ჴორცნი ესე. ესე ყოველნი საქმენი რაჲ აღძრულ იყვნეს
Line of ed.: 17     კორინთეს შინა, მიუწერეს წინამძღუართა მათ ერისათა მოციქულსა,
Line of ed.: 18     ხოლო მან მიავლინნა მუნ ტიმოთე და მიუწერა ებისტოლე ესე. და
Line of ed.: 19     პირველად აქებს სიბრძნესა და მეცნიერებასა მათსა, ხოლო აბრალებს
Line of ed.: 20     განწვალებათა მათთჳს, რომელთა იქმოდეს, და ასწავლის, რაჲთა არა
Line of ed.: 21     სიტყჳთ აქუნდეს სათნოებაჲ, არამედ ძალითა და საქმითა. და მერმე
Line of ed.: 22     აბრალებს მისთჳს, რომელმან შეირთო მამის ცოლი ცოლად და
Line of ed.: 23     დასდებს მისთჳს კანონსა, და ამცნებს, რაჲთა არა აქუნდენ ურთიერ\თას
Line of ed.: 24     სარჩელნი, და ამისა შემდგომად მიუგებს მათ მიერ მიწერილთა\თჳს,
Page of ed.: 151   Line of ed.: 1     და ქორწინებისათჳს მიუწერს, ვითარმედ არაჲ არს ბრალი მას
Line of ed.: 2     შინა და არცა ცოდვაჲ, გარნა ჟამსა შინა ოდენ უბრძანებს კრძალ\ვასა
Line of ed.: 3     ლოცვისათჳს, ხოლო რომელთა მოღუაწებაჲ უყუარს, მათ
Line of ed.: 4     ეტყჳს ქალწულებისათჳს, და ვითარმედ არა იძულებით, არამედ
Line of ed.: 5     სწავლით ეტყჳს ამას. და მერმე ნაკერპავთათჳს ეტყჳს, რაჲთა არა
Line of ed.: 6     ჭამდენ, არამედ სიწმიდით ვიდოდინ, და აყენებს საკერპოთაცა შინა
Line of ed.: 7     ჭამასა, რაჲთა არა დაბრკოლდებოდინ მცირენი იგი. და მერმე
Line of ed.: 8     სულიერთა მათ მადლთათჳს იტყჳს, რაჲთა არა განიწვალებოდინ მათ
Line of ed.: 9     ზედა, არცა პატივ-სცემდენ ერთისა რაჲსმე მადლისა აღმასრულებელსა
Line of ed.: 10     უფროჲს სხუათაჲსა, რამეთუ ყოველნივე ერთისა მის სულისანი
Line of ed.: 11     არიან. და მერმე აღდგომისათჳს იწყებს სიტყუად, ვითარმედ ჴორცნი
Line of ed.: 12     ესე აღდგებიან, რომელნი-ესე მოკუდებიან ხრწნილებით, ხოლო აღდ\გენ
Line of ed.: 13     უხრწნელად, მადლითა ქრისტესითა, და დაამტკიცებს აღდგომასა
Line of ed.: 14     მკუდართასა ქრისტეს აღდგომისა მიერ, და მერმე იწყებს სწავლად
Line of ed.: 15     სათნოდ ცხორებისათჳს, და ამცნებს მსახურებისათჳს წმიდათაჲსა, და
Line of ed.: 16     ესრეთ სრულ ჰყოფს ებისტოლესა თჳსსა.



Next part


This text is part of the TITUS edition of Cyril of Alexandria, Commentary on the Apostolicum.

Copyright TITUS Project, Frankfurt a/M, 5.3.2021. No parts of this document may be republished in any form without prior permission by the copyright holder.