TITUS
Antoni I. Bagrationi
Part No. 8
Previous part

Chapter: 2  
Page of ed.: 160  
Line of ed.: 21  თავი II

Line of ed.: 22  თჳს დიდებისა უფროჲსად წმიდისა ღმრთის-მშობელისა


Strophe: 151.  
Verse: a   Line of ed.: 23    151.   "გიხაროდენი" სახარულევანისად
Verse: b   Line of ed.: 24       ჰშუენის ბაგითა და გონებითა სმლისად
Verse: c   Line of ed.: 25       ამაღლებითა მისგან შობილისაჲთა.
Verse: d   Line of ed.: 26       მიერთმოდედმცა ამას თაყუანის-ცემა
Verse: e   Line of ed.: 27       მთასა წმიდასა, ვითა გუასწავა დავით.

Page of ed.: 161  
Strophe: 152.  
Verse: a   Line of ed.: 1    152.   დიდება მისი არს მზისა დასარკება,
Verse: b   Line of ed.: 2       რამეთუ ესე საღმრთო კათედრა სიბრძნის,
Verse: c   Line of ed.: 3       ვითა მზე, ბრწყინავს ჩუენდა მეშარავანდე,
Verse: d   Line of ed.: 4       აღმოსავალით მეფეთა შთამოებით
Verse: e   Line of ed.: 5       აღმონაბრწყინი სოფლისა განათლებად.

Strophe: 153.  
Verse: a   Line of ed.: 6    153.   წმიდა წმიდათა განესაკუთრა ამას,
Verse: b   Line of ed.: 7       ღმრთისა მიგურილსა დიაკეულსა წმიდას,
Verse: c   Line of ed.: 8       რომელსა შინა აღზრდა შესაბამ იყო,
Verse: d   Line of ed.: 9       სადა მარტოდენ ერთ წელიწადსა ერთგზის,
Verse: e   Line of ed.: 10       ლხინებისათჳს შევიდის მღუდელ-მთავარი.

Strophe: 154.  
Verse: a   Line of ed.: 11    154.   საკჳრველ იყო თჳნიერ მღუდელ-მთავრისა
Verse: b   Line of ed.: 12       ვისიმე შესლვა მღუდლისა წმიდა-წმიდათად
Verse: c   Line of ed.: 13       და მისიც მხოლოდ ერთგზის სიმგრგულესა შინა,
Verse: d   Line of ed.: 14       ხოლო მდედრისა ყოვლად შეუძლო იყო,
Verse: e   Line of ed.: 15       გარნა მარიამ შევიდა შორის აღზრდად.

Strophe: 155.  
Verse: a   Line of ed.: 16    155.   ჭეშმარიტება აიძულებდა მაშინ
Verse: b   Line of ed.: 17       ზაქარიასა, საღმრთოსა დიდსა მღუდელსა,
Verse: c   Line of ed.: 18       შეყვანებად მუნ ეზოსა შინაგანსა
Verse: d   Line of ed.: 19       ყრმაასა სძლისა, სადა თჳთ ერთგზის ოდენ
Verse: e   Line of ed.: 20       ერთს წელიწადსა შევიდოდის ლხინებად.

Strophe: 156.  
Verse: a   Line of ed.: 21    156.   ეჰა, განგება საღმრთოი საიდუმლოდ,
Verse: b   Line of ed.: 22       რამეთუ აქა აღმოიჩინა საქმე,
Verse: c   Line of ed.: 23       უფროჲს სიტყჳსა ყოვლად დაზევებული,
Verse: d   Line of ed.: 24       ვინაჲთგან ყრმაა სამ წლისა უაღრეს არს
Verse: e   Line of ed.: 25       მღუდელ-მთავართაგან ცხებულთა უფლისათა.

Strophe: 157.  
Verse: a   Line of ed.: 26    157.   მაშასადამე, უწმიდეს არს ყოველთა,
Verse: b   Line of ed.: 27       რამეთუ მოსეს მუნ არა ეძლო შესლვად,
Verse: c   Line of ed.: 28       რომელმან ზურგით უძლო მიხედვად ღმრთისა
Verse: d   Line of ed.: 29       და პირის-პირად ზრახვიდის ღმერთსა მარად,
Verse: e   Line of ed.: 30       რომლისა მსგავსი არავინ იპოვა სხუა.

Strophe: 158.  
Verse: a   Line of ed.: 31    158.   მოსესა უფროჲს უაღრეს არს სადამე,
Verse: b   Line of ed.: 32       ვინაჲთგან ესე მუნ აღიზარდა, ვუწყით,
Verse: c   Line of ed.: 33       სადაც მოსე ვერ იკადრებდა შესლვად,
Verse: d   Line of ed.: 34       ვერცა სამოელ -- ნიადაგ შორს ყოფასა,
Verse: e   Line of ed.: 35       ვერცაღა -- იობ, ვერცა -- დანიელ დიდი.

Page of ed.: 162  
Strophe: 159.  
Verse: a   Line of ed.: 1    159.   ზემონი ჩუენგან წინადადებაებნი
Verse: b   Line of ed.: 2       აღმოაჩენენ, ვითარმედ: უწმიდეს არს,
Verse: c   Line of ed.: 3       ყოვლად უაღრეს ყოველთა წმიდათაგან
Verse: d   Line of ed.: 4       საღმრთო მარიამ საქმეთაგან ცნობითა,
Verse: e   Line of ed.: 5       უგანწმედილეს თჳთ წმიდის წმიდათაჲსაც.

Strophe: 160.  
Verse: a   Line of ed.: 6    160.   დამაკლებს დროი და უფროის საიდუმლო
Verse: b   Line of ed.: 7       თქმად აქა დიდთა დიდებათათჳს მისთა,
Verse: c   Line of ed.: 8       რამეთუ ესე ყოვლად გამოუთქმელ არს,
Verse: d   Line of ed.: 9       რომელი მხოლოდ საუკუნითგან ღმერთმან
Verse: e   Line of ed.: 10       განზომა ოდენ არვისდა განცხადებით.

Strophe: 161.  
Verse: a   Line of ed.: 11    161.   მთასა სინასა, თქმულ არს სარწმუნოდ ესე,
Verse: b   Line of ed.: 12       გარდამოვიდა ღმერთი საშინელებით,
Verse: c   Line of ed.: 13       წყუდიადით, კუამლით, ალმურით განსაკრთომელ,
Verse: d   Line of ed.: 14       ჴმით საყჳრისაჲთ და დიდებულ ჰყო ამით,
Verse: e   Line of ed.: 15       რომელ შემხები მოკუდის ისრით, ქვის სეტყჳთ.

Strophe: 162.  
Verse: a   Line of ed.: 16    162.   მარიამ უფროჲს უაღრეს არს სინაის,
Verse: b   Line of ed.: 17       ამისთჳს რომელ ხატი არს შემოქმედის,
Verse: c   Line of ed.: 18       არა უცხოველ, არცა ცხოველ უსიტყუო,
Verse: d   Line of ed.: 19       მუნ არარაი მიიღო ღმერთმან მთისგან,
Verse: e   Line of ed.: 20       გარნა ამისგან არსება რომელიმე.

Strophe: 163.  
Verse: a   Line of ed.: 21    163.   ანგელოსთაცა უდიდეს არს ქალწული,
Verse: b   Line of ed.: 22       ყოვლად უდიდეს, ვითა ვიცით პავლესგან,
Verse: c   Line of ed.: 23       არა სადამე იწყო ანგელოსთაგან,
Verse: d   Line of ed.: 24       უფროჲსღა სძლისა აბრაამიანისგან,
Verse: e   Line of ed.: 25       ესე იგი არს, იწყო აბრაჰამისით.

Strophe: 164.  
Verse: a   Line of ed.: 26    164.   მრავალნი ვუწყით შობანი მშობელთანი,
Verse: b   Line of ed.: 27       უწყებულ-ქმნილნი ღმრთისა მიერ წყალობით,
Verse: c   Line of ed.: 28       ვისთჳსცა ჭვირან თქმანი ბრწყინვალედ წიგნთა,
Verse: d   Line of ed.: 29       რომელთაგანნი მოვიჴსენნეთ ქუემორე,
Verse: e   Line of ed.: 30       ვერ-შესაბამნი ქალწულის სახარების.

Strophe: 165.  
Verse: a   Line of ed.: 31    165.   პირველ ნაუწყნი ვიდრე მუცლად-ღებადმდე,
Verse: b   Line of ed.: 32       აბრაჰამისად, ანა მანოეთისად,
Verse: c   Line of ed.: 33       კუალად ანაჲსგან ცოლისა ელკანაჲსა,
Verse: d   Line of ed.: 34       ზაქარიაჲსა მღუდელ-მთავრისა დილისა,
Verse: e   Line of ed.: 35       გარნა სხუაგუარნი იყვნეს სახარებანი:

Page of ed.: 163  
Strophe: 166.  
Verse: a   Line of ed.: 1    166.   მოივლინების გაბრიელ ნაზარეთად,
Verse: b   Line of ed.: 2       გალილეაჲსად ქალწულისა ყრმაასად,
Verse: c   Line of ed.: 3       და ანგელოსად მისად ზედწოდებულებს,
Verse: d   Line of ed.: 4       სახელსა დიდსა, დანიშნულსა ცნობითა
Verse: e   Line of ed.: 5       მხოლოდ ღმრთისაჲთა, დაჰნიშნავს ესე ჴმითა.

Strophe: 167.  
Verse: a   Line of ed.: 6    167.   კუალად სხუასაცა ცნობითავე ღმრთისაჲთა
Verse: b   Line of ed.: 7       კურთხეულ-ყოფას დედათა შორის სძლისას
Verse: c   Line of ed.: 8       დაჰნიშნავს ჴმითა საქმეთა ამათ დიდთა;
Verse: d   Line of ed.: 9       მისსა სახელ-სდებს შიშით მეწიწუნეულე,
Verse: e   Line of ed.: 10       რომელსა ლუკა დანიშნულ ჰყოფს წიგნითა.

Strophe: 168.  
Verse: a   Line of ed.: 11    168.   "გიხაროდენი" და "მიმადლებულება",
Verse: b   Line of ed.: 12       ხოლო "უფლისა მის თანა" თქმაცა ყოვლად,
Verse: c   Line of ed.: 13       "კურთხეულება" მდედრთა გუამებთა შორის,
Verse: d   Line of ed.: 14       ყოვლად სადამე დიდ არს მიწისაგანის,
Verse: e   Line of ed.: 15       ქმნილისა მიმართ "გიხაროდენად" ესე.

Strophe: 169.  
Verse: a   Line of ed.: 16    169.   მერმე სულისა ღმერთ-მთავრის გარდამოსლვა,
Verse: b   Line of ed.: 17       ხოლო ძალისა მაღლის მაგრილებლობა
Verse: c   Line of ed.: 18       და შობილისა წმიდა ძე მაღლის ყოფა
Verse: d   Line of ed.: 19       და სუფევისა არ-დასასრული ყოვლად.
Verse: e   Line of ed.: 20       ეჰა, დიდება ყოვლად გამოუთქმელი!

Strophe: 170.  
Verse: a   Line of ed.: 21    170.   აღმსარებელთა ვუწყით სარწმუნოებით,
Verse: b   Line of ed.: 22       ვითარმედ: ოდეს სანატრელმან ქალწულმან
Verse: c   Line of ed.: 23       "აჰა, მჴევალი" თქუა მებრ თქმისა შენისა,
Verse: d   Line of ed.: 24       სიტყუა ღმერთთ-მთავრი ჴორც-იქმნა და განზრქელდა
Verse: e   Line of ed.: 25       მისთა სისხლთაგან უბიწოთა ყრმა-ქმნილი.

Page of ed.: 164  
Strophe: 171.  
Verse: a   Line of ed.: 1    171.   სისხლი უბიწო ყრმაასა მარიამის
Verse: b   Line of ed.: 2       იცვალა უცხოდ უაღრეს მოგონების,
Verse: c   Line of ed.: 3       მარტივი სიტყუა შეიორკეცა ამით,
Verse: d   Line of ed.: 4       რამეთუ ჴორცად სიტყჳერად სიტყჳსა
Verse: e   Line of ed.: 5       იქმნნეს მიუწთოდ თარგმანებისა გუართა.

Strophe: 172.  
Verse: a   Line of ed.: 6    172.   ესე, საშოსა ქალწულისასა ქმნილი,
Verse: b   Line of ed.: 7       შეზავებაი მარტივისა სიტყჳსა,
Verse: c   Line of ed.: 8       აგენიტონის გენიტონ-ქმნა ჩუენებრი,
Verse: d   Line of ed.: 9       უმწუერვალესი ბუნების შეერთება
Verse: e   Line of ed.: 10       ერთისად ოდენ ქუემდებარისა მიმართ.

Strophe: 173.  
Verse: a   Line of ed.: 11    173.   გუამისა სიტყჳს შინაი ბუნებაი
Verse: b   Line of ed.: 12       ზესთა ღმერთთ-მმთავრი ეგო, ვითარცა იყო
Verse: c   Line of ed.: 13       გუამის შინაი ბუნება კაცობრივი;
Verse: d   Line of ed.: 14       კიდე დანთქმისა მიიღო თჳსად შინად
Verse: e   Line of ed.: 15       თჳთ გუამოვანმან სიტყუამან მამისამან.

Strophe: 174.  
Verse: a   Line of ed.: 16    174.   ორნი შემოკრბეს ერთის ქუემდებარისად _
Verse: b   Line of ed.: 17       ღმრთისა და მონის არსებანი უუთქუად,
Verse: c   Line of ed.: 18       იქუემდებარეს გუამი აუგებელი,
Verse: d   Line of ed.: 19       და შესმენილნი ორნი ერთისა მიმართ
Verse: e   Line of ed.: 20       არს შეერთება ესე უმწუერვალესი.

Strophe: 175.  
Verse: a   Line of ed.: 21    175.   წარმოდგა სიტყუა ღმერთთ-მთავარი ცხებულად,
Verse: b   Line of ed.: 22       ორთაგან ერთი, ორთავე შინა იგი,
Verse: c   Line of ed.: 23       ვითარცა მამა და სული -- ღმერთთ-მთავარი,
Verse: d   Line of ed.: 24       ვითარცა ადამ -- კაცი მიწისაგანი,
Verse: e   Line of ed.: 25       შუამდგომელად ღმრთისა და კაცთა ქმნილი.

Strophe: 176.  
Verse: a   Line of ed.: 26    176.   ესე ყოველი იქმნა ქალწულსა შორის,
Verse: b   Line of ed.: 27       მისგან ქმნად ვუწყით სულითა ყოვლად წმიდით.
Verse: c   Line of ed.: 28       ესე თჳნიერ საოცრებისა რაჲსმე
Verse: d   Line of ed.: 29       დაიტია მან და ეგო განულევნელ,
Verse: e   Line of ed.: 30       ღმერთი ჴორცითა გარეშეიცვა ამან.

Strophe: 177.  
Verse: a   Line of ed.: 31    177.   ეჰა, დიდება დიდი მარიამისი,
Verse: b   Line of ed.: 32       რომლისა თჳთვე თქუა ყოვლად წმიდამან მან
Verse: c   Line of ed.: 33       ყოფა მის თანა დიდებულისა დიდის
Verse: d   Line of ed.: 34       ძლიერისაგან მდაბალთა ამაღლებად,
Verse: e   Line of ed.: 35       ძლიერთ დამჴობად საყდართაგან და სხუანი!

Page of ed.: 165  
Strophe: 178.  
Verse: a   Line of ed.: 1    178.   ქალწულისაგან ელისაბედის მიმართ
Verse: b   Line of ed.: 2       მისლვა მოკითხვად, რომლისა შეხებამან
Verse: c   Line of ed.: 3       აღავსო მდედრი ელისაბედ სულითა,
Verse: d   Line of ed.: 4       ყრმამან საშოსა იწყო კრთომით თაყუანი,
Verse: e   Line of ed.: 5       ყრმაასა შორის ყრმისა ზესთა ღმერთთ-მთავრის.

Strophe: 179.  
Verse: a   Line of ed.: 6    179.   ქალწულებითა განმდიდრებამან სძალსა
Verse: b   Line of ed.: 7       მოსცა დიდება არვისგან ქონებული,
Verse: c   Line of ed.: 8       რამეთუ ამან ქალწულმან მუცლად-იღო
Verse: d   Line of ed.: 9       სიტყუა მამისა გამოუთქმელად ნამდვილ
Verse: e   Line of ed.: 10       და ქალწულმან შვა ზესთა თარგმანებისა.

Strophe: 180.  
Verse: a   Line of ed.: 11    180.   ვითა ღრუბელსა შარავანდედი მზისა
Verse: b   Line of ed.: 12       განსრული გუწუთების განუპებლად ღრუბლისა,
Verse: c   Line of ed.: 13       ეგრეთვე სიტყუა მოვიდა ჩუენდა ღრუბლით
Verse: d   Line of ed.: 14       ქალწულებრისა საშოსა უვნებელად.
Verse: e   Line of ed.: 15       ეჰა, ბრძენთა მათ განგებათა უფსკრულსა!

Strophe: 181.  
Verse: a   Line of ed.: 16    181.   ხურუვიმთაგან საყდართა სერაფიმთა
Verse: b   Line of ed.: 17       დაუტევნელი ხატი მამისა სიტყუა
Verse: c   Line of ed.: 18       გარეშეწერით მკლავთა ქალწულისაჲთა
Verse: d   Line of ed.: 19       მჯდომარე შესძრავს ეგჳპტისა კერპებთა;
Verse: e   Line of ed.: 20       ყოველთა მზრდელი სძესა მიიღებს ყრმებრად.

Strophe: 182.  
Verse: a   Line of ed.: 21    182.   ემორჩილების დედასა სიტყუა-ღმერთი,
Verse: b   Line of ed.: 22       რომელსა ლუკა მოუთხრობს სახარებით.
Verse: c   Line of ed.: 23       კუალად მორჩილი კანას გალილეასა
Verse: d   Line of ed.: 24       ქორწილსა შინა წყალსა ღჳნოდ გარდაიქმს.
Verse: e   Line of ed.: 25       ეჰა, დიდება დიდი მარიამისი!

Strophe: 183.  
Verse: a   Line of ed.: 26    183.   ჯუარით ზრუნვიდა დედისათჳს მოკუდავი,
Verse: b   Line of ed.: 27       უკუდავი იგი, ჩუენთჳს ვნებული ღმერთი,
Verse: c   Line of ed.: 28       ჴორცნი ვისგანცა ვნებულნი განითჳსნა
Verse: d   Line of ed.: 29       და შემთხუევანი ჴორცთანი განიკუთნა
Verse: e   Line of ed.: 30       შეუხებელად თჳსისა ღმრთაებისა.

Page of ed.: 166  
Strophe: 184.  
Verse: a   Line of ed.: 1    184.   ქალწულსა გუამსა თჳსსა შეყუარებულსა
Verse: b   Line of ed.: 2       მსახურად მისცემს დედასა "ძედ" წოდებით
Verse: c   Line of ed.: 3       შესაბამისა საქმისა განმგებელი,
Verse: d   Line of ed.: 4       ესე იგი არს, ქალწული. ჰშუენოდა მას
Verse: e   Line of ed.: 5       ძმობილ-ყოფით მსახურად იოანე.

Strophe: 185.  
Verse: a   Line of ed.: 6    185.   პირმშოი მკუდართა აღმოშობასა მკუდრეთით,
Verse: b   Line of ed.: 7       ოდეს ცხოველად კაც-შემოსილი სიტყუა
Verse: c   Line of ed.: 8       აღდგა ღმერთთ-მმთავრი ჴელმწიფე სიკუდილისა,
Verse: d   Line of ed.: 9       მმუსრი ქუესკნელის ბჭეებთა ბნელოვანთა,
Verse: e   Line of ed.: 10       დიდება დედასა მოსცა ამით მაღალი.

Strophe: 186.  
Verse: a   Line of ed.: 11    186.   ამაღლებულმან დიდებითა უფალმან
Verse: b   Line of ed.: 12       როს მოუვლინა აღთქმული მოწაფეთა _
Verse: c   Line of ed.: 13       სული ღმერთთ-მმთავრი მხოლოჲსა მამისაგან
Verse: d   Line of ed.: 14       მეოხებითა დედისა თჳსისაჲთა,
Verse: e   Line of ed.: 15       აღთქმული სრულ-ჰყო, ვითარცა იტყჳს ლუკა.

Strophe: 187.  
Verse: a   Line of ed.: 16    187.   ქუეყანა რაჟამს მდიდარ იყო თჳს შორის
Verse: b   Line of ed.: 17       მცხოვრებელ-ყოფით დედისა უფლისაჲთა,
Verse: c   Line of ed.: 18       ეკლესიისა მოციქულთაგან ამას
Verse: d   Line of ed.: 19       დიდებათაგან ქრისტესთა შესაბამად
Verse: e   Line of ed.: 20       პატივი უფლებრ მიერთმოდეს ჯეროვნად.

Strophe: 188.  
Verse: a   Line of ed.: 21    188.   მათგან დიდება დიდება არს ნამდვილი,
Verse: b   Line of ed.: 22       მათგან პატივი უაღრეს არს ყოველთა,
Verse: c   Line of ed.: 23       მათგან ქებისა გალობა დიდებულ არს,
Verse: d   Line of ed.: 24       მათგან დადება შესხმისა სჯულთა დიდ არს,
Verse: e   Line of ed.: 25       რომელი-ესე დადვეს დედოფლისათჳს.

Strophe: 189.  
Verse: a   Line of ed.: 26    189.   დედოფლად, კუალად უფალად ყოველთავე
Verse: b   Line of ed.: 27       და ცხოვრებისა დასაბამად კაცთათჳს,
Verse: c   Line of ed.: 28       აღმატებულად ზეცისა მჴედრობათა
Verse: d   Line of ed.: 29       მრავალ-სახელად წინა-მეტყუთა თქმულთაებრ _
Verse: e   Line of ed.: 30       ესე გუასწავეს კრავისა მოციქულთა.

Page of ed.: 167  
Strophe: 190.  
Verse: a   Line of ed.: 1    190.   ოდეს განგება წინა-განმზადებული
Verse: b   Line of ed.: 2       დედასა ზედა სიტყჳსასა სრულ იქმნა,
Verse: c   Line of ed.: 3       რათა განვიდეს სასძლოით ქუეყნიერით
Verse: d   Line of ed.: 4       აღსლვად ზეცისა სასძლოსა შესაბამსა,
Verse: e   Line of ed.: 5       გიხაროდენებს კუალად გაბრიელ მისდა.

Strophe: 191.  
Verse: a   Line of ed.: 6    191.   რათა განიღონ კიდობანი საღმრთოი
Verse: b   Line of ed.: 7       დავითის სახლით დაკრძალვად ქუეყანასა,
Verse: c   Line of ed.: 8       ამის საღმრთოჲსა საიდუმლოჲსა მსახურ
Verse: d   Line of ed.: 9       კიდურებთაგან ქუეყანისაჲთ ღრუბლითა
Verse: e   Line of ed.: 10       სიონს შემოკრბეს კრავისა მოციქულნი.

Strophe: 192.  
Verse: a   Line of ed.: 11    192.   სხუანიცა მოსლვად გუასმიეს სიონს მაშინ,
Verse: b   Line of ed.: 12       ვითარცა დასწერს საღმრთო დიონჳსიოს
Verse: c   Line of ed.: 13       იეროთეოსს მუნ ღმრთის-მმეტყუელებელსა,
Verse: d   Line of ed.: 14       რათა სწავლულთა ხილულითაცა ცნობით
Verse: e   Line of ed.: 15       უგალობონმცა დედასა სიბრძნისასა.

Strophe: 193.  
Verse: a   Line of ed.: 16    193.   თჳთოეულმან მოციქულთამან გუამმან
Verse: b   Line of ed.: 17       მისცნეს შესხმანი შესაბამნი ქალწულსა
Verse: c   Line of ed.: 18       აღძრცჳლითა-რე ღმრთის-მეტყუელ-გალობითა,
Verse: d   Line of ed.: 19       ხოლო ყოველთა ზოგად ერთითა ჴ3ითა
Verse: e   Line of ed.: 20       აქეს მარიამ -- დედა სიბრძნისა ღმრთისა.

Strophe: 194.  
Verse: a   Line of ed.: 21    194.   იოანემან ქალწულმან, ძემან მისმან
Verse: b   Line of ed.: 22       და პეტრე დიდმან პავლჱთ -- ჭურით რჩეულით,
Verse: c   Line of ed.: 23       ძმად ზედწოდებით ღმრთისად ბრძენმან იაკობ
Verse: d   Line of ed.: 24       და ყოველთავე მოძღუართა სოფლისათა
Verse: e   Line of ed.: 25       დედოფლად თჳსად თაყუანის-სცეს მარიამს.

Strophe: 195.  
Verse: a   Line of ed.: 26    195.   მიიღო სული სხეულისაგან წმიდა,
Verse: b   Line of ed.: 27       ვინ ორნი ერთად შეაზავნა არსებად,
Verse: c   Line of ed.: 28       ვინცა მის შორის ჴორცთა საღმრთო პორფირი
Verse: d   Line of ed.: 29       სისხლთა მისთაგან შეიმოსა განგებით
Verse: e   Line of ed.: 30       დაბადებისა მეორედ შემოქმედმან.

Page of ed.: 168  
Strophe: 196.  
Verse: a   Line of ed.: 1    196.   ნელსაცხებელნი შემურვისა წესთაებრ
Verse: b   Line of ed.: 2       სცხეს ჴორცსა იმას, რომელმანცა მირონი
Verse: c   Line of ed.: 3       ზედ წარმოასხა, რათა განვცოცხლდეთ მკუდარნი;
Verse: d   Line of ed.: 4       შემოსეს, ვინცა შეჰმოსნა ჴორცნი სიტყუას,
Verse: e   Line of ed.: 5       მოციქულთ-მწყობრმან შესაბამ-გალობითა.

Strophe: 197.  
Verse: a   Line of ed.: 6    197.   დაფლული აღდგა მეშვი შობილისაგან,
Verse: b   Line of ed.: 7       რომელსა სწამებს მოციქულთა კრებული,
Verse: c   Line of ed.: 8       ვერა მპოვნელი ღმერთთაჲსა სხეულისა,
Verse: d   Line of ed.: 9       დაღათუ არა ნამდვილ ღმერთ-აუგებლის,
Verse: e   Line of ed.: 10       არამედ ქმნილის ღმერთ სადამე თქმულთაებრ.

Strophe: 198.  
Verse: a   Line of ed.: 11    198.   სულით და ჴორცით წარმოდგომილი სძალი
Verse: b   Line of ed.: 12       ყოვლად უხრწნელად უგიობელთაგანცა,
Verse: c   Line of ed.: 13       ვინ უხრწნელების წყარო არს ჩუენდა მდიდრად,
Verse: d   Line of ed.: 14       სასუფეველსა უდიდეს სერაფიმთა
Verse: e   Line of ed.: 15       დედოფლად მათდა დადგა მარჯუენით ძისა.

Strophe: 199.  
Verse: a   Line of ed.: 16    199.   ეკლესიამან შეჰქმნა გალობა ესე,
Verse: b   Line of ed.: 17       უპატიოსნეს ხერუვიმთა ყოველთა
Verse: c   Line of ed.: 18       შეუსწორებელ და სერაფიმებთაცა,
Verse: d   Line of ed.: 19       განუხრწნელ მშობელ სიტყჳსა ღმერთთ-მთავრისა.
Verse: e   Line of ed.: 20       მხოლოდ ღმრთის-მშობლად მარიამ დიდებული.

Strophe: 200.  
Verse: a   Line of ed.: 21    200.   ესე კრებამან პირველად ეფესოჲსმან
Verse: b   Line of ed.: 22       ესრეთ ადიდა, ვითა აღმოიჩინა,
Verse: c   Line of ed.: 23       რაიცა ჰნებავს, ყოველივე ძალ-უძს მას,
Verse: d   Line of ed.: 24       მისდა მთხოველთა მაცხოვარებრ მსმენელსა.
Verse: e   Line of ed.: 25       ესე დიდება გამოუთქმელი აქუს მას.

Strophe: 201.  
Verse: a   Line of ed.: 26    201.   ანტონის მიერ უნდო ეპისკოპოსის
Verse: b   Line of ed.: 27       ნათქუნი სურვილით მირთმად შენდა, ქალწულო,
Verse: c   Line of ed.: 28       ტრფიალებითნი წყობილ-სიტყუაობანი,
Verse: d   Line of ed.: 29       ოდენ უღირსნი, ბიწიერ-გონებისგან
Verse: e   Line of ed.: 30       ნათხზნი, მიიღენ და მაგენ წყალობანი.



Next part


This text is part of the TITUS edition of Antoni I. Bagrationi.

Copyright TITUS Project, Frankfurt a/M, 19.1.2017. No parts of this document may be republished in any form without prior permission by the copyright holder.