TITUS
Antoni I. Bagrationi
Part No. 9
Previous part

Part: 3  
Page of ed.: 169  
Line of ed.: 1  ნაწილი მესამე

Line of ed.: 2  თჳს ცხოველს-მყოფელისა ჯუარისა

Chapter: 1  
Page of ed.: 169  
Line of ed.: 3  თავი I

Line of ed.: 4  თჳს წინა-მოსწავებათა ცხოველს-მყოფელისა ჯუარისათა


Strophe: 202.  
Verse: a   Line of ed.: 5    202.   რათა ბაგენი უწმიდონი ვახენი,
Verse: b   Line of ed.: 6       ხოლო ნათელნი დაუვალნი ვნახენი;
Verse: c   Line of ed.: 7       მნებავს, წერილით დავსხნე მისნი სახენი _
Verse: d   Line of ed.: 8       კეთილ-მსახურთა საამონი, ვა, ხენი!
Verse: e   Line of ed.: 9       ვისგან დაიჴსნნეს მტერთა ბოროტ-მახენი.

Strophe: 203.  
Verse: a   Line of ed.: 10    203.   "შექმნათა" შინა დიდმან მოსე სულითა
Verse: b   Line of ed.: 11       წინაჲთ თქუა ქრისტეს დიდება -- ძელი წმიდა
Verse: c   Line of ed.: 12       ხედ ცხოვრებისად საშუალ სამოთხისა,
Verse: d   Line of ed.: 13       რომლისაგანც მაცხოვარ თქუა ნაყოფი,
Verse: e   Line of ed.: 14       რათა თჳნიერ დროსა ვერ სჭამოს ადამ.

Strophe: 204.  
Verse: a   Line of ed.: 15    204.   ოთხ მდინარისა მაწყაროე ედემი
Verse: b   Line of ed.: 16       ჯუარსა ემსგავსა, სადაით დის ოთხ-თუალად
Verse: c   Line of ed.: 17       სისხლი საუფლო, განმღრთობი ადამისი,
Verse: d   Line of ed.: 18       ჴელით და ფერჴით ქრისტესთაჲთ მორწყვად სოფლის.
Verse: e   Line of ed.: 19       დიდება შენთა წყალობათა უფსკრულსა!

Strophe: 205.  
Verse: a   Line of ed.: 20    205.   ოთხ კედელ-ყოფა მელთაგან კიდობნისა,
Verse: b   Line of ed.: 21       სადა ცხოვრება არსებისა კაცთაჲსა
Verse: c   Line of ed.: 22       განერა ძნელსა მომსრველსა აღსპობასა,
Verse: d   Line of ed.: 23       ჯუარსა საღმრთოსა მოასწავებდა იგი,
Verse: e   Line of ed.: 24       რომლით არსება ჴსნილ-იქმნა კაცობრივი.

Page of ed.: 170  
Strophe: 206.  
Verse: a   Line of ed.: 1    206.   ირისე ჭრელი მრავალ-ფერ-გამომცემი,
Verse: b   Line of ed.: 2       მშვლდი მშჳდობის შორის ღმრთისა და ჩუენსა,
Verse: c   Line of ed.: 3       რათა არღარა წარმრღუნას მყის მოწევნულმან
Verse: d   Line of ed.: 4       ცოდვათა ძლითმან რისხუამან ზეგარდამო,
Verse: e   Line of ed.: 5       გამოჰსახვიდა ჯუარისა თჳსებათა.

Strophe: 207.  
Verse: a   Line of ed.: 6    207.   ესე არს ესე, ვითარმედ: ძელი საღმრთო
Verse: b   Line of ed.: 7       სხუა და სხუა-გუართა ჰყოფს მაცხოვარებათა,
Verse: c   Line of ed.: 8       თჳთო-თჳთოთა ვნებათა ჩუენ შორისთა
Verse: d   Line of ed.: 9       აყენებს ესე ზეგარდამოთა ჩუენდა
Verse: e   Line of ed.: 10       ღირსად მოსლვადთა რისხუათა ღმრთივ-განსჯილთა.

Strophe: 208.  
Verse: a   Line of ed.: 11    208.   მუხა მამბრესი, სადა აბრაჰამ დიდი,
Verse: b   Line of ed.: 12       აღმმართი კარვის, განისუენებდა ქუეშე,
Verse: c   Line of ed.: 13       სადა სტუმრობის ღმერთთ-მთავრისა სამობის
Verse: d   Line of ed.: 14       ღირს-ქმნილი ძისა აღთქმითა მამა იქმნა,
Verse: e   Line of ed.: 15       გამოსახვიდა დიდებასა ქრისტესსა,

Strophe: 209.  
Verse: a   Line of ed.: 16    209.   ვითარმედ: ქუეშე აჩრდილსა ჯუარისასა
Verse: b   Line of ed.: 17       სამება ღმერთი არსებასა კაცთასა
Verse: c   Line of ed.: 18       ოდეს ესტუმრა, შვილობილ-ყოფა აღთქმის
Verse: d   Line of ed.: 19       განმრავლებითი მოიღო საუკუნოდ _
Verse: e   Line of ed.: 20       ძისა მჴევლითურთ განგდებისა მოქმედი.

Strophe: 210.  
Verse: a   Line of ed.: 21    210.   შეშა რომელი დასდვა მამამან ისაკს,
Verse: b   Line of ed.: 22       წარმყვანებელმან მსხუერპლად ბრძანებისაებრ,
Verse: c   Line of ed.: 23       ჯუარი მდებარე უფლისა ბეჭთა ზედა,
Verse: d   Line of ed.: 24       ადგილად თხემის განსრულისა აღჯუარვად
Verse: e   Line of ed.: 25       დაისახვოდა წინაჲთ-მოსწავებითა.

Strophe: 211.  
Verse: a   Line of ed.: 26    211.   კიბე, ხილული ქუეყანით ზეცად მიმართ
Verse: b   Line of ed.: 27       იაკობისგან მამათ-მთავრის ძუელად,
Verse: c   Line of ed.: 28       სადა აღსლვაი და გარდამოსლვა მის ზედ
Verse: d   Line of ed.: 29       ანგელოსთაი იხილა იაკობმან,
Verse: e   Line of ed.: 30       გზა ქუეყანით ცად დაისახვოდა ჯუარი.

Strophe: 212.  
Verse: a   Line of ed.: 31    212.   კუერთხი ბრაწისა, ნიგუზისა და ძელ-ქვისა
Verse: b   Line of ed.: 32       იაკობისი, საცხოვართა მამრავლე
Verse: c   Line of ed.: 33       ნიშითა რათმე, განქურთნილი გარსისგან,
Verse: d   Line of ed.: 34       სმასა წყლისასა წინდადებით ცხოვართა
Verse: e   Line of ed.: 35       ფერადობასა მისცემდა ნაყოფთასა.

Page of ed.: 171  
Strophe: 213.  
Verse: a   Line of ed.: 1    213.   ბელეკონისა ხე სიკიმათა შინა,
Verse: b   Line of ed.: 2       სადა საყურნი და ღმერთნი საძაგელნი
Verse: c   Line of ed.: 3       დაჰფლნა ისრაელ ყოვლად წარსაწყმედელად,
Verse: d   Line of ed.: 4       ჯუარისა ძლითი წარწყმედა საძაგელთა
Verse: e   Line of ed.: 5       გამოისახა საღმრთოდ-რე საიდუმლოდ.

Strophe: 214.  
Verse: a   Line of ed.: 6    214.   სამ-ნაწილედი ჯუარი, მპყრობელი ღმრთისა,
Verse: b   Line of ed.: 7       რომელი განქურთნა სიტყუამან კუერთხად თჳსად
Verse: c   Line of ed.: 8       განმრავლებისა ცხოვართაჲსა მენიშედ
Verse: d   Line of ed.: 9       მათდა, რომელთა ისმინიან ჴმა მისი,
Verse: e   Line of ed.: 10       გამოისახა. წინაჲთვე საიდუმლოდ.

Strophe: 215.  
Verse: a   Line of ed.: 11    215.   კუერთხი სამთავრო იოსებისი კუალად,
Verse: b   Line of ed.: 12       რომლისა წუერსა თაყუანის-სცა იაკობ,
Verse: c   Line of ed.: 13       შემდგომად ფიცის მისდა იოსებისგან,
Verse: d   Line of ed.: 14       ჯუარსა ქრისტესსა გამოსახვიდა ამით,
Verse: e   Line of ed.: 15       სათაყუანოსა პირველთაგანცა მამათ.

Strophe: 216.  
Verse: a   Line of ed.: 16    216.   ყრმათა ძის წულთა -- ეფრემის და მანასეს
Verse: b   Line of ed.: 17       კურთხევის ყოფა იაკობისგან კუალად
Verse: c   Line of ed.: 18       ჴელთა შეცვალვით დასხმულთა თავთა ზედა,
Verse: d   Line of ed.: 19       ჯუარისა ძლითსა კურთხევასა ჰსახვიდა
Verse: e   Line of ed.: 20       და ცვალებასა ერთასა ურთიერთ-არს.

Strophe: 217.  
Verse: a   Line of ed.: 21    217.   მოსეს მპყრობელი კიდობანი ძელისა,
Verse: b   Line of ed.: 22       განსარინები მკლველისაგან ბრძანების,
Verse: c   Line of ed.: 23       მპყრობელსა ღმრთისას, ჩუენსა განსარინებსა,
Verse: d   Line of ed.: 24       მოასწავებდა სიტყჳსა დიდებასა _
Verse: e   Line of ed.: 25       წინათ-მსახველი ესეგუარ საიდუმლოდ.

Page of ed.: 172  
Strophe: 218.  
Verse: a   Line of ed.: 1    218.   კუერთხი მოსესი სინას საღმრთოჲს ხილვისა.
Verse: b   Line of ed.: 2       ცეცხლ-მოსილისა მაყულისა შეუწველად,
Verse: c   Line of ed.: 3       ნიშად საკჳრველ მიგდებითა გუელ-ქმნილი,
Verse: d   Line of ed.: 4       განკაცებისა საღმრთოისა წინაშე
Verse: e   Line of ed.: 5       ჯუარსა საღმრთოსა ჰსახვიდა მდებარესა.

Strophe: 219.  
Verse: a   Line of ed.: 6    219.   აჰრონის კუერთხი, შრამნთქი მოგუთა კუერთხებთა,
Verse: b   Line of ed.: 7       მესასწაულე წყალთა სისხლად ცვალვისა,
Verse: c   Line of ed.: 8       კუალად მყუარითა დამფარავი ეგჳპტის
Verse: d   Line of ed.: 9       და კუალად მუმლის მამრავლე საგუემელად
Verse: e   Line of ed.: 10       ჯუარსა ჰსახვიდა, ეშმაკთა საგუემელსა.

Strophe: 220.  
Verse: a   Line of ed.: 11    220.   კონვილი სისხლსა უსუპი დასაწებლად
Verse: b   Line of ed.: 12       დაკლულისასა პასექად საიდუმლოდ,
Verse: c   Line of ed.: 13       საცხებლად წყრთილთა კარისათა ნიშებად,
Verse: d   Line of ed.: 14       რათა მომსრველსა პირმშოთასა განერეს,
Verse: e   Line of ed.: 15       მოასწავებდა ცხოველს-მყოფელსა ჯუარსა.

Strophe: 221.  
Verse: a   Line of ed.: 16    221.   რაჟამს ჰუნეთა ფარაოსთა ეტლები,
Verse: b   Line of ed.: 17       წარმტაცებელთა ღერძებ-შეკრული რისხვით.
Verse: c   Line of ed.: 18       აქათ და იქით კერძოდ განწვალებულსა
Verse: d   Line of ed.: 19       ზღუასა შესთხიეს ერითრუსა საზარელ,
Verse: e   Line of ed.: 20       გამოსახვამან ჯუარისასა ჰყო ესე.

Strophe: 222.  
Verse: a   Line of ed.: 21    222.   ესრეთ ჰსახვიდა ზემო-გარდმოცემული
Verse: b   Line of ed.: 22       საიდუმლოი ჯუარსა ცხოველს-მყოფელსა,
Verse: c   Line of ed.: 23       რამეთუ კუერთხი მოსესი განაპობდა,
Verse: d   Line of ed.: 24       განპყრობა ჴელთა, კუალად ღმრთის-მზრახველისა,
Verse: e   Line of ed.: 25       ვითა ვისწავეთ საღმრთოთა მოძღუართაგან.

Strophe: 223.  
Verse: a   Line of ed.: 26    223.   სუეტი ღრუბლისა და ცეცხლისა ოდესმე,
Verse: b   Line of ed.: 27       ისრაელიტთა ერისა წინა-მძღომი,
Verse: c   Line of ed.: 28       სასწაულ-ქმნილი შემდგომად მეგზაურთა,
Verse: d   Line of ed.: 29       ქუეყანად მიმართ აღთქმულად განგებული,
Verse: e   Line of ed.: 30       ჰსახვიდა ძელსა ღმრთისად მიმყვანსა ჩუენსა.

Page of ed.: 173  
Strophe: 224.  
Verse: a   Line of ed.: 1    224.   ულპოლველისა ხისა საკურთხეველი
Verse: b   Line of ed.: 2       და კიდობანი მისივე ოქროვილი,
Verse: c   Line of ed.: 3       კულა მისვე ხისა კიდობნის აღსაღებნი
Verse: d   Line of ed.: 4       კეტნი, გარემო ოქროითა მოსილნი,
Verse: e   Line of ed.: 5       ჯუარსა საღმრთოსა ჰსახვიდა საიდუმლოდ.

Strophe: 225.  
Verse: a   Line of ed.: 6    225.   ოდეს სურისა უდაბნოით მერრანად
Verse: b   Line of ed.: 7       იაკობისმან დაიბანაკა სახლმან,
Verse: c   Line of ed.: 8       სადა სიმწარე წყლისა განჰკურნა მოსე
Verse: d   Line of ed.: 9       ჩუენებულითა ძელითა უფლისაგან,
Verse: e   Line of ed.: 10       ძელი ჯუარისა დაიხატვოდა საღმრთოდ.

Strophe: 226.  
Verse: a   Line of ed.: 11    226.   განმპობი კუერთხი, რაფიდინს წყლის მალენი
Verse: b   Line of ed.: 12       მაცილობელად აღძრულთა ებრაელთა,
Verse: c   Line of ed.: 13       ყოვლად ურჩ-ქმნილთა, რომელთაცა სწყუროდათ
Verse: d   Line of ed.: 14       წარწყმედა თჳსი, ღირსთა წარწყმედისათა, _
Verse: e   Line of ed.: 15       ჯუარისა იყო დახატვა იგავითი.

Strophe: 227.  
Verse: a   Line of ed.: 16    227.   განპყრობა ჴელთა მოსესთა მთასა ზედა,
Verse: b   Line of ed.: 17       ოდეს აჰრონს და ორს ეპყრნეს ჴელნი მისნი
Verse: c   Line of ed.: 18       დაცემასა მას ამალეკიელთასა,
Verse: d   Line of ed.: 19       ჯუარისა იყო დახატვა საიდუმლოდ,
Verse: e   Line of ed.: 20       სადაცა სიტყუა განირთხა ღმერთთ-მთავარი.

Strophe: 228.  
Verse: a   Line of ed.: 21    228.   მოხუმა კუერთხებთა თჳთოთა ტომადისა
Verse: b   Line of ed.: 22       კარავს წინაშე წამებისასა ძუელად,
Verse: c   Line of ed.: 23       რომელთა შორის ლევიტელთ წილ -- აჰრონის,
Verse: d   Line of ed.: 24       რათა ცხად-იქმნეს აღრჩეულება საღმრთო _
Verse: e   Line of ed.: 25       მღუდელ აჰრონ ოდენ მკმეველ შვილითი-შვილად.

Strophe: 229.  
Verse: a   Line of ed.: 26    229.   ათორთა შორის კუერთხთა მხოლოდ აჰრონის
Verse: b   Line of ed.: 27       აღყუავნა კუერთხი, განედლდა საკჳრველად,
Verse: c   Line of ed.: 28       გამომღე ფურცლის, ყუავილის ნაყოფითურთ,
Verse: d   Line of ed.: 29       რომლითა ჯუარი საღმრთო გამოისახა,
Verse: e   Line of ed.: 30       და ნაყოფ მისა არს სისხლი საღმრთო ჩუენდა.

Page of ed.: 174  
Strophe: 230.  
Verse: a   Line of ed.: 1    230.   გარე-მოდგომით ძუელ ოდესმე ოთხ-კერძო
Verse: b   Line of ed.: 2       წამებითისა საღმრთოისა კარავის,
Verse: c   Line of ed.: 3       ლევიტელთ ტომთა მებრ საღმრთოჲსა ბრძანების
Verse: d   Line of ed.: 4       და მებრ ათორთა ნათესავთაცა დგომით
Verse: e   Line of ed.: 5       დაიხატვოდა ჯუარი -- სიტყჳს დიდება!

Strophe: 231.  
Verse: a   Line of ed.: 6    231.   ძჳრის-მსიტყუელთა უფლისა და მოსესთჳს,
Verse: b   Line of ed.: 7       უდაბნოსა რაჲ მოსრვიდა გუელი მწარედ,
Verse: c   Line of ed.: 8       საზღუარსა ზედა დადება გუელის სახის,
Verse: d   Line of ed.: 9       რომლისა მხედნი მყის განმრთელდებოდიან,
Verse: e   Line of ed.: 10       დაიხატვოდა ქრისტეთურთ ჯუარი საღმრთო.

Strophe: 232.  
Verse: a   Line of ed.: 11    232.   ქუეშე ფინიკის, სადა სჯიდა დებორა
Verse: b   Line of ed.: 12       ისრაელიტთა ტომებთა საზოგადოდ,
Verse: c   Line of ed.: 13       ჯუარსა ზედაი მსჯავრი ქრისტე უფლისა
Verse: d   Line of ed.: 14       ესე არს ესე -- სოფლით განვრდომა მთავრის _
Verse: e   Line of ed.: 15       დაიხატვოდა საღმრთოჲთა განგებითა.

Strophe: 233.  
Verse: a   Line of ed.: 16    233.   სისარას ყურსა განცმული მანა იგი
Verse: b   Line of ed.: 17       იაილისგან ცოლისა ქაბერისა,
Verse: c   Line of ed.: 18       რომლითა ცხონვა იქმნა ისრაელისა.
Verse: d   Line of ed.: 19       საიდუმლოი რაიმე იგავ იყო _
Verse: e   Line of ed.: 20       კუდომვა გუელისა და ცხონვა ადამისი.

Strophe: 234.  
Verse: a   Line of ed.: 21    234.   განჴმელი ძუალი, რომლითა მოსრნა სამფსონ
Verse: b   Line of ed.: 22       ფილისტიმელთა ათასეულებანი
Verse: c   Line of ed.: 23       და წარმო მისგან წყალი კურნვად წყურილის,
Verse: d   Line of ed.: 24       ეშმაკთ მომსრველსა ჯუარსა ჰსახვიდა საღმრთოდ
Verse: e   Line of ed.: 25       და გუერდით საღმრთოჲთ ცხორებისა სასმელსა.

Strophe: 235.  
Verse: a   Line of ed.: 26    235.   გედეონ ოდეს ჴორცნი უცომოითურთ
Verse: b   Line of ed.: 27       დააგნა კლდესა თქმისაებრ ანგელოსის
Verse: c   Line of ed.: 28       და ჴორცთა მსხუერპლთა დაასხა წუენი კუალად,
Verse: d   Line of ed.: 29       ხოლო წუერითა კუერთხისა ანგელოსის
Verse: e   Line of ed.: 30       შეხებით აღსწბეს ესენი ცეცხლისაგან.

Page of ed.: 175  
Strophe: 236.  
Verse: a   Line of ed.: 1    236.   განზრახვისა რაჲ დიდისა ანგელოსმან
Verse: b   Line of ed.: 2       კორცთა, რომელნი მიიღო საკჳრველად,
Verse: c   Line of ed.: 3       ოდეს შეახო ჯუარი -- დიდება ოჳსი,
Verse: d   Line of ed.: 4       აღანთნა მსხუერპლად მამისა ღმრთისა მიმართ
Verse: e   Line of ed.: 5       და დაწუნა ამით ცოდვათა მუჰარაკნი.

Strophe: 237.  
Verse: a   Line of ed.: 6    237.   დავით, განსრულმან წყობად ჰასაკ-გრძელისა,
Verse: b   Line of ed.: 7       ჴელთ-მპყრობმან კუერთხის, შურდულით მდაბიოჲთურთ
Verse: c   Line of ed.: 8       ხუთთაგან ქვათა, ტავარჯუხს მდებარეთა,
Verse: d   Line of ed.: 9       განტჳნა გმირი, რომლითა საიდუმლო
Verse: e   Line of ed.: 10       ხუთ-წყლულებითურთ ჯუარისა გამოსახა.

Strophe: 238.  
Verse: a   Line of ed.: 11    238.   კიპაროსისა ხენი, მოოქროვილნი
Verse: b   Line of ed.: 12       შინაგან ტაძრის, ქმნილნი სოლომონისგან,
Verse: c   Line of ed.: 13       საღმრთომან პირველ მაღალმან განგებამან
Verse: d   Line of ed.: 14       მოსწავებითა დასახა ძელი საღმრთო,
Verse: e   Line of ed.: 15       მოოქროვილი სისხლითა სიტყჳსაჲთა.

Strophe: 239.  
Verse: a   Line of ed.: 16    239.   კუერთხი განგების საღმრთოის -- ჯუარი წმიდა
Verse: b   Line of ed.: 17       და კუერთხ სუფევის სიბრძნისა გუამოვანის
Verse: c   Line of ed.: 18       ზესთა ღმერთთ-მთავრის ჩუენდა გამოჩნდა ესე,
Verse: d   Line of ed.: 19       რომლით განიგო ცხოვრება ადამისი,
Verse: e   Line of ed.: 20       რომლით იმეფა სიკუდილსა ზედა კაცმან.

Strophe: 240.  
Verse: a   Line of ed.: 21    240.   კუერთხ ძლიერების სიონით გამო ქრისტჱს
Verse: b   Line of ed.: 22       რათა უფლებდეს კიროსს ქრისტე უფალი,
Verse: c   Line of ed.: 23       წარმართნი ერჩდეს, განსქდეს ძალი მეფეთა,
Verse: d   Line of ed.: 24       კარნი განეხუნენ და მთანი ვაკე იქმნენ,
Verse: e   Line of ed.: 25       მოქლონნი, ბჭენი უმტკიცესნი შეიფქუნენ.

Strophe: 241.  
Line of ed.: 26    241.   ესე მთავრობა ქრისტჱსი ჩუენდა დიდი
Line of ed.: 27       და მაღალთაცა შინა ყოვლად უდიდეს,
Line of ed.: 28       ძლიერებისა დღესა ჯუარით პოვნილი
Line of ed.: 29       ოდეს განბრწყინდეს, წმიდანიცა ქრისტჱსნი
Line of ed.: 30       საჩინო იქმნეს ყოველთა თუალთა მიმართ.
Page of ed.: 176  
Strophe: 242.  
Verse: a   Line of ed.: 1    242.   ქნარი, რომელსა ზედა განჭიმულ იყვნეს
Verse: b   Line of ed.: 2       ძალნი ჟღერებად, ტკბილ ჴმათა გამომცემელ,
Verse: c   Line of ed.: 3       რომელსა სძნობდის დავით -- ღმრთისა მამაი
Verse: d   Line of ed.: 4       განჴდად სულისა ბოროტის საულისგან,
Verse: e   Line of ed.: 5       ჯუარით ჴმა-ყოფას დაჰხატვიდა სიტყჳსას

Strophe: 243.  
Verse: a   Line of ed.: 6    243.   ესრეთ, ვითარმედ: ჯუარს ზედა განჭიმულმან
Verse: b   Line of ed.: 7       სიტყუამან ტკბილნი განუტევნა ჟღერანი,
Verse: c   Line of ed.: 8       განჰჴადნა სოფლით სულნი არა-წმიდანი,
Verse: d   Line of ed.: 9       ოდეს თქუა: "მწყურის" და "რად დამიტევებ მე"
Verse: e   Line of ed.: 10       და "ჴელთა შენთა, მამაო, მივსცემ სულსა".

Strophe: 244.  
Verse: a   Line of ed.: 11    244.   კუერთხად რკინისა ურწმუნრთა სამწყსელად
Verse: b   Line of ed.: 12       წინაჲთ თქუა დავით საღმრთო ნაკუეთი ესე,
Verse: c   Line of ed.: 13       მმუსრველ მათდამი, ვითა ჭურჭელთა კეცის,
Verse: d   Line of ed.: 14       რათა მეფენი და მსჯელნი სოფლისანი
Verse: e   Line of ed.: 15       განისწავლნენმცა ამით მონებად ღმრთისა.

Strophe: 245.  
Verse: a   Line of ed.: 16    245.   ლიბანისათა ძელთაგან გავალაკი
Verse: b   Line of ed.: 17       სოლომონისი, ხოლო მისაწოლელი
Verse: c   Line of ed.: 18       ძლიერებითა შეცვული იგურდივ ყოვლად
Verse: d   Line of ed.: 19       ცხოველს-მყოფელსა ჯუარსა გამოსახვიდეს _
Verse: e   Line of ed.: 20       ზესთა ღმერთთასა სიბრძნისა დიდებასა.

Strophe: 246.  
Verse: a   Line of ed.: 21    246.   ვეელამონსა ვენაჴი სოლომონის,
Verse: b   Line of ed.: 22       ათასის ვეცხლის სასყიდლის მენაყოფე,
Verse: c   Line of ed.: 23       იგავად ითქუნეს და ხატად საიდუმლოდ
Verse: d   Line of ed.: 24       ქრისტეს ჯუარისა და ქრისტეს დიდებისა,
Verse: e   Line of ed.: 25       რომლისა ნაყოფ არს სიმდიდრე უკუდავი.

Strophe: 247.  
Verse: a   Line of ed.: 26    247.   ყრმისა ნაშვისა ძედ ჩუენდა მონაცემის
Verse: b   Line of ed.: 27       მთავრობა ზედა მჴართა თქუა ესაია,
Verse: c   Line of ed.: 28       ვითარმედ: ოდეს ზედ გამობრწყინდა ღმერთი,
Verse: d   Line of ed.: 29       ამაღლება ჰყო ისრაელიტთა ნაშთთა
Verse: e   Line of ed.: 30       ეკლესიობა ერთ-შეგუამებად საღმრთოდ.

Page of ed.: 177  
Strophe: 248.  
Verse: a   Line of ed.: 1    248.   ესე არს: ოდეს აღანთნა ჯუარსა ჴორცნი,
Verse: b   Line of ed.: 2       მოციქულ-მწყემსნი, მოძღუარნი, წინა-მეთქუნი,
Verse: c   Line of ed.: 3       მახარებელნი სიტყუამან ჭეშმარიტმან,
Verse: d   Line of ed.: 4       ერთ-მრწმუნებლობით მამაკაც სრულად საზომ
Verse: e   Line of ed.: 5       ჰყო სავსებისა ჰასაკისა თჳსისა.

Strophe: 249.  
Verse: a   Line of ed.: 6    249.   კლიტე, რომელი მოცემად იყო პირველ
Verse: b   Line of ed.: 7       უფლისა მიერ სახლისადმი დავითის
Verse: c   Line of ed.: 8       მიღებად მჴარსა, დაკლეტად და განღებად
Verse: d   Line of ed.: 9       თავისუფლებრივ, არვისგან დაყენებით,
Verse: e   Line of ed.: 10       დიდებად დიდად, უცილობელ მთავრობად,

Strophe: 250.  
Verse: a   Line of ed.: 11    250.   ამან განადნა დაჴშულნი, ვერვინ დაჴშნეს
Verse: b   Line of ed.: 12       და, დაკლიტნა რაჲ, ვერ საკადრ არს განღებად.
Verse: c   Line of ed.: 13       სიტყჳს დიდება არს სახლისა დავითის,
Verse: d   Line of ed.: 14       ამისთჳს რომელ სიტყუა ძე არს დავითის.
Verse: e   Line of ed.: 15       იგულჴმე, ბრძენო, ძალი აქა წყუდეული!

Strophe: 251.  
Verse: a   Line of ed.: 16    251.   ნაკრები შეშა სერეფთეს ქურივისაგან
Verse: b   Line of ed.: 17       შესაცხობელად ყუერბეულის, გამოზრდად
Verse: c   Line of ed.: 18       ბჭეთა ქალაქის დროსა სიყმილისასა
Verse: d   Line of ed.: 19       შვილთა მისთა და ილია საკჳრველის,
Verse: e   Line of ed.: 20       სახენი იყვნენ ჯუარისა უფლისანი.

Strophe: 252.  
Verse: a   Line of ed.: 21    252.   გარეშე ბჭეთა იერუსალიმისთა
Verse: b   Line of ed.: 22       შეჰკრიბნა ერთად სხუა და სხუანი შეშანი
Verse: c   Line of ed.: 23       ღმერთმან განგებით და პური ცხოვრებისა _
Verse: d   Line of ed.: 24       მხოლოდ-შობილი ცხოვრებისაგან სიკუდიდ,
Verse: e   Line of ed.: 25       შეაცხო შვილთა უკუდავ-საზრდელად თჳსთა.

Strophe: 253.  
Verse: a   Line of ed.: 26    253.   ოდეს მოსჭრიდეს ძენი წინა-მეტყუთანი
Verse: b   Line of ed.: 27       შეშასა, რათა ჰქმნან საყოფელნი თჳსად,
Verse: c   Line of ed.: 28       იორდანესა შთანაგდი იგი ცული,
Verse: d   Line of ed.: 29       ხით აღმონაღი ელისესგან დიდისა _
Verse: e   Line of ed.: 30       ამისი იყო საიდუმლო სახითი.

Page of ed.: 178  
Strophe: 254.  
Verse: a   Line of ed.: 1    254.   დანთქმული კაცი -- ხატი მექმისა თჳსის,
Verse: b   Line of ed.: 2       ამან შეშამა6 მიიღო რაჲ მისგანი,
Verse: c   Line of ed.: 3       დაღათუ არა ქუემდებარე დანთქმისა,
Verse: d   Line of ed.: 4       თან-აღმოცმული აღმოიქვა დანთქმული _
Verse: e   Line of ed.: 5       ცნობილ არს ესე საიდუმლო სარწმუნოდ.

Strophe: 255.  
Verse: a   Line of ed.: 6    255.   ორ-განხეული ილიასი ხალენი,
Verse: b   Line of ed.: 7       ორ-ცემული რაჲ ელისე დიდისაგან,
Verse: c   Line of ed.: 8       იორდანესა განაპებდა ოდესმე, _
Verse: d   Line of ed.: 9       ჯუარისა იყო საიდუმლო დასახვით,
Verse: e   Line of ed.: 10       წიაღ-მვლი ჩუენი ხრწნილებით უხრწნელებად.

Strophe: 256.  
Verse: a   Line of ed.: 11    256.   ბეთილისა რაჲ ქალაქისა წინაშე
Verse: b   Line of ed.: 12       წამებისათჳს მართლისა ხესა ზედა
Verse: c   Line of ed.: 13       ამონიეთი ახიორ განისხირპა,
Verse: d   Line of ed.: 14       გამოისახა სარწმუნოი მოწამე
Verse: e   Line of ed.: 15       ჯუარსა ზედაი -- პირმშო შესუენებულთა.

Strophe: 257.  
Verse: a   Line of ed.: 16    257.   დავითის მიერ ნათქჳ შორის ქუეყანის
Verse: b   Line of ed.: 17       ცხოვრება, ქმნილი მეუფისაგან ღმრთისა,
Verse: c   Line of ed.: 18       კუალად თხოვილი სასწაული კეთილი,
Verse: d   Line of ed.: 19       რათა ჰრცხუენოდის მოძულეთა მხილველთა,
Verse: e   Line of ed.: 20       დასახვა იყო იგავითი ჯუარისა.

Strophe: 258.  
Verse: a   Line of ed.: 21    258.   სკიპტრა ოქროის არტაქსერქსის მეფისა,
Verse: b   Line of ed.: 22       შეხება მისდად -- ნიშანი შეწყალების,
Verse: c   Line of ed.: 23       ცნობილი ჩუენგან, წერილი "ესთერს" შინა _
Verse: d   Line of ed.: 24       საიდუმლოი იყო ესე ჯუარისა _
Verse: e   Line of ed.: 25       ქრისტეს შეხება და ჩუენი ცხოველ-ყოფა.

Strophe: 259.  
Verse: a   Line of ed.: 26    259.   კუერთხად შუენიერ და კუერთხად წლის საზომად,
Verse: b   Line of ed.: 27       განგებულად-რე განქარვებად აღთქმისა,
Verse: c   Line of ed.: 28       ზაქარიასგან იწინამეთქუა ჯუარით,
Verse: d   Line of ed.: 29       რამეთუ ესე საიდუმლოი ნათქჳ
Verse: e   Line of ed.: 30       იუდიანთად ითქუა იგავითობით,

Page of ed.: 179  
Strophe: 260.  
Verse: a   Line of ed.: 1    260.   ვითარმედ: მწყემსმან ისრაელთამან ღმერთმან
Verse: b   Line of ed.: 2       კუერთხით სამწყსოით დამცველითა მჴეცთაგან
Verse: c   Line of ed.: 3       განაგდო სამწყსო, განაქარვნა აღთქმანი,
Verse: d   Line of ed.: 4       ამისთჳს რომელ ღირს იყვნეს განგდებისა
Verse: e   Line of ed.: 5       და მით ხადილ-ჰყვნა სხუანი ცხოვარად თჳსა.

Strophe: 261.  
Verse: a   Line of ed.: 6    261.   მოსწავებანი საღმრთოჲსა ძელისანი
Verse: b   Line of ed.: 7       ითქუნეს, ვინაჲთგან დავშუერით აწ ნაშთთათჳს _
Verse: c   Line of ed.: 8       ესე არს ესე საცხოვრებელთა ნიშთა _
Verse: d   Line of ed.: 9       და განკარგულ-ვჰყვნეთ წყობილ-სიტყუაობითა
Verse: e   Line of ed.: 10       სადიდებელად ჯუარისა დიდებულის.



Next part


This text is part of the TITUS edition of Antoni I. Bagrationi.

Copyright TITUS Project, Frankfurt a/M, 19.1.2017. No parts of this document may be republished in any form without prior permission by the copyright holder.