TITUS
Antoni I. Bagrationi
Part No. 42
Previous part

Chapter: 3  
Page of ed.: 259  
Line of ed.: 17  თავი III

Line of ed.: 18  თჳს მამისა ილარიონ კახისა


Strophe: 685.  
Verse: a   Line of ed.: 19    685.   ილარიონ არს თარგმანთა შორის პირველ,
Verse: b   Line of ed.: 20       რაიცაღა ვსცანთ მომთხრობელთაგან ჩუენთა
Verse: c   Line of ed.: 21       სახელნი ღირსთა მამათა თარგმანთანი;
Verse: d   Line of ed.: 22       ვინცა განცხადნეს უწყებითა აქამდე,
Verse: e   Line of ed.: 23       პირველ ამისა არავინ სადა ისმა.

Strophe: 686.  
Verse: a   Line of ed.: 24    686.   იხარებს სული მსმენთა შენდა, მამაო;
Verse: b   Line of ed.: 25       იშუებს გონება, გარე-მიაქცევს ჭმუნვათ.
Verse: c   Line of ed.: 26       შენ მზე აღმოჰჴედ აზიაჲთ განათლებად,
Verse: d   Line of ed.: 27       განჰფინენ სხივნი ევროპის კიდურებად,
Verse: e   Line of ed.: 28       ახალს და ძუელს რომს ახარე შენდა მომართ.

Strophe: 687.  
Line of ed.: 29    687.   დაღათუ ესე ფინიკიას მძოვრებდა,
Line of ed.: 30       იორდანისა უდაბნოთა მყოვრებდა,
Page of ed.: 260   Line of ed.: 1       მჴეცთა ახლვიდა, შორად კაცთა შოვრებდა,
Line of ed.: 2       განჴმელ-გუალულთა ქუეყანათა ცხოვრებდა,
Line of ed.: 3       მაგრა მნათობი სოფლის კიდედ მთოვრებდა.

Strophe: 688.  
Verse: a   Line of ed.: 4    688.   სიბრძნის-მოყუარე, ყოვლად ბრძენ ილარიონ
Verse: b   Line of ed.: 5       გარესჯას შთასჭრის მღჳმეს საცხოვრებელად,
Verse: c   Line of ed.: 6       წმიდას ქალაქსა მისრული იორდანედ
Verse: d   Line of ed.: 7       მჴეცთა საყოფელს თჳსად-რე განიკუთნავს,
Verse: e   Line of ed.: 8       თესალონიკით ზენად აღისუფევებს.


Line of ed.: 9  თჳს მამისა იოანე ათონელისა,
Line of ed.: 10  მამისა ევთიმისა


Strophe: 689.  
Verse: a   Line of ed.: 11    689.   იოანესა -- სულისა ორღანოსა,
Verse: b   Line of ed.: 12       ფილოსოფოსსა საღმრთოსა, ღმრთის-მეტყუელსა,
Verse: c   Line of ed.: 13       ლამაზ-მუსიკსა, შუენიერსა რიტორსა,
Verse: d   Line of ed.: 14       კეთილ-შემწყობსა, ღირსად საჴსენებელსა
Verse: e   Line of ed.: 15       ეკლესიაი ქართველთა აქებს შესხმით.

Strophe: 690.  
Verse: a   Line of ed.: 16    690.   საგალობელ არს იოანე ბრძენთაგან,
Verse: b   Line of ed.: 17       რამეთუ სიბრძნე შეიყუარა მარადის,
Verse: c   Line of ed.: 18       ნიადაგ სტრფიდა, არ მოსწყენოდა მისდა,
Verse: d   Line of ed.: 19       მისდა იშუებდა, მისდა სთქმიდა შუენიერ;
Verse: e   Line of ed.: 20       სხუაფერ სცალოდა, მისდა უცალო იყო.

Strophe: 691.  
Verse: a   Line of ed.: 21    691.   წიგნნი ამრავლნა, ამცირა უმეცრება;
Verse: b   Line of ed.: 22       სიბრძნე განჰფინა, ნათესავნი მდიდარ ჰყვნა;
Verse: c   Line of ed.: 23       ტკბილ-მუსიკობდა, ქრისტესად ჟღერდა ჴშირად,
Verse: d   Line of ed.: 24       მზეობდა ჩუენდა; განგუანათლნა ცნობითა.
Verse: e   Line of ed.: 25       ათონს მზე დაჰჴდა, მივიდა მზისა ღმრთისად.


Line of ed.: 26  თჳს მამისა თორნიკიოს ათონელისა


Strophe: 692.  
Line of ed.: 27    692.   თორნიკ სიმჴნისა შარავანდედნი სოფლად
Line of ed.: 28       განფინნა მდიდრად, ჴმა განისმა ყოველგან;
Page of ed.: 261   Line of ed.: 1       იმპერიაი ბერძენთა დიდებული
Line of ed.: 2       იმპერატორით თავისუფალ ჰყო ბრძენმან,
Line of ed.: 3       ხოლო სახელი მიიღო არა-მცირე.

Strophe: 693.  
Verse: a   Line of ed.: 4    693.   მონაზონება სიბრძნით შეამკო თორნიკ _
Verse: b   Line of ed.: 5       წრფელ-მშჳდმან სულმან, სიწმიდის მოყუარემან,
Verse: c   Line of ed.: 6       სიყუარულისა ნაყოფნი განამრავლნა;
Verse: d   Line of ed.: 7       მორჩილი მარად ჰხარობდა ქრისტეს მიმართ;
Verse: e   Line of ed.: 8       სამყაროს აღჰჴდა, მისრული ზესთ სამეფოდ.


Line of ed.: 9  თჳს მამისა ევთიმი ათონელისა


Strophe: 694.  
Verse: a   Line of ed.: 10    694.   ოქრო-ტაკუკი, ოქრო-სასმელის მპყრობი,
Verse: b   Line of ed.: 11       ოქრო-ნაზავის მასმევი ჩუენდა მდიდრად,
Verse: c   Line of ed.: 12       ოქრო-ქანდაკი, ოქროჲსა ხუავთა კალო,
Verse: d   Line of ed.: 13       ოქრო-ფიწალი, განმქრევი ბზეთა ჴმელთა,
Verse: e   Line of ed.: 14       თან-მოსახელე კეთილ-სიხარულისა!

Strophe: 695.  
Verse: a   Line of ed.: 15    695.   წყარო არს ღაწუნი ევთიმისნი, მსმენელნო,
Verse: b   Line of ed.: 16       ცეცხლისა ცუართა, ალისა შხეფთა წჳმათ,
Verse: c   Line of ed.: 17       ვინაითგან ცეცხლი მწველი -- მანათი ნივთთა;
Verse: d   Line of ed.: 18       ამისი სიტყუა ნათლოის, სწვავსცა კუალად,
Verse: e   Line of ed.: 19       ბრძმედავს სულებთა დიდებად, უკუდავ-უნჯად.

Strophe: 696.  
Verse: a   Line of ed.: 20    696.   განბრწყინდა მთასა, წუერსა ათონისასა,
Verse: b   Line of ed.: 21       მღუდელ-მმოქმედები ევთიმი ექუსს აგჳსტოს,
Verse: c   Line of ed.: 22       ენა ახალი სთქუა თჳნიერ სწავლისა,
Verse: d   Line of ed.: 23       იუდიანი უტყუ-ჰყო, მგმობი ბოროტი;
Verse: e   Line of ed.: 24       წიგნნი გჳმრავლნა, ანგელოსთ თან-შეერთა.

Strophe: 697.  
Verse: a   Line of ed.: 25    697.   ათანასისბან ათონელისა ესე,
Verse: b   Line of ed.: 26       წინამძღურად მამად დადგინებული ძმათა
Verse: c   Line of ed.: 27       ათონისათა, ჰმწყსიდა ქრისტეს არვესა,
Verse: d   Line of ed.: 28       ღმრთის-მეტყუელებდა, სწერდა ეპისტოლეთა
Verse: e   Line of ed.: 29       სხუა ოქროპირი ჩუენდა ანუ სხუა პავლე.


Page of ed.: 262  
Line of ed.: 1  თჳს მამისა იოანე გრძელის ძისა


Strophe: 698.  
Verse: a   Line of ed.: 2    698.   გრძელის ძე ვინმე იოანე საქები _
Verse: b   Line of ed.: 3       წიგნთა თარგმანი, წმიდა ღრამატიკოსი,
Verse: c   Line of ed.: 4       კაცი რიტორი, ევთიმის თანასწორი,
Verse: d   Line of ed.: 5       ღმრთის-მმეტყუელები, საღმრთოდ ფილოსოფოსი,
Verse: e   Line of ed.: 6       უდაბნოს მნათი, მზე ქართველთა გუარისა.

Strophe: 699.  
Verse: a   Line of ed.: 7    699.   გჳთხრობენ ამას სიბრძნისა ქუემდებარედ,
Verse: b   Line of ed.: 8       კეთილ-რიტორად, შუენიერ-გამომთქმელად,
Verse: c   Line of ed.: 9       კაცად ბრძენ-საღმრთოდ, მეფეთ-ერთა დიდებად,
Verse: d   Line of ed.: 10       წინამძღურად სულთა, ცად მყვანად, კეთილ-მძღუანად,
Verse: e   Line of ed.: 11       მმარხუელობისა ხატ-მაგალით-იგავად.


Line of ed.: 12  თჳს მამისა იოანე ხახულელისა, ოქროპირისა


Strophe: 700.  
Verse: a   Line of ed.: 13    700.   ოქროპირ სახელ, ოქრო-ჴმა იოანე _
Verse: b   Line of ed.: 14       ხახულს აღმომზე, ქართველთ-აფხაზთ განმამზე,
Verse: c   Line of ed.: 15       სიბრძნის-მოყუარე ფრას-შუენიერ საქები,
Verse: d   Line of ed.: 16       ოქროჲსა სხივთა ოქროვნად გამომტევი,
Verse: e   Line of ed.: 17       ღმრთის-მეტყუელ საღმრთო იქების ესე მარად.

Strophe: 701.  
Verse: a   Line of ed.: 18    701.   ჰოჲ იოანე -- თუალო ოქრო-მადენო,
Verse: b   Line of ed.: 19       მესხთა მომრწყუელო, ქართველთა განმამდიდრო,
Verse: c   Line of ed.: 20       იმერთ დიდებავ, გურიულთა გჳრგჳნო,
Verse: d   Line of ed.: 21       მეგრელთ საუნჯევ, კახთ მადლისა მომფენო,
Verse: e   Line of ed.: 22       სვანთა, კავკასთა, აფხაზთა ნათლით მვსებო!


Line of ed.: 23  თჳს მამისა ზაქარია მირდატის ძისა


Strophe: 702.  
Verse: a   Line of ed.: 24    702.   ზაქარია, ძე მირდატ ჩინებულისა _
Verse: b   Line of ed.: 25       კაცი მაღალი, სიბრძნის-მოყუარ-რიტორი,
Verse: c   Line of ed.: 26       აღძრცჳლ ღმრთის-მეტყუელ, ზესთ-გამომთქმი საკჳრველ,
Verse: d   Line of ed.: 27       წიგნთ მეთარგმანე, ბერძენთა შორის -- დიდი,
Verse: e   Line of ed.: 28       ქართველთა შორის -- მზედ სათქმელ, ღირს-სამართალ.

Strophe: 703.  
Line of ed.: 29    703.   ამას ჰშუენოდა თქმულთაგან თჳსთა ქება,
Line of ed.: 30       ვინაჲთგან რიტორ ქებულ არს ყოველთაგან
Page of ed.: 263   Line of ed.: 1       და საქებელ არს სიტყჳსა მოქმედთადმი.
Line of ed.: 2       მაშასადამე თჳსთა თქმულთაგან ჰჴამდა
Line of ed.: 3       ამისი შესხმა და არა უცებთაგან.


Line of ed.: 4  თჳს მამისა გრიგორისა, ახალ აბრაჰამ
Line of ed.: 5  ზედწოდებულისა


Strophe: 704.  
Verse: a   Line of ed.: 6    704.   ახალ აბრაჰამს-მორწმუნეს ღმრთისად მარად,
Verse: b   Line of ed.: 7       ყოველთა თჳსთა და სოფლისა ნივთებთა,
Verse: c   Line of ed.: 8       დამაყენებთა უფლისა ღმრთისად მისლვად,
Verse: d   Line of ed.: 9       დამტევებელსა -- გრიგორის საკჳრველსა
Verse: e   Line of ed.: 10       ვაქებდეთ ღირსად ძალისაებრ მეთქუენი.

Strophe: 705.  
Verse: a   Line of ed.: 11    705.   ცხოვრება წმიდა მოიგო ამან სიყრმით,
Verse: b   Line of ed.: 12       გონება ამზო, იღმრთის-მეტყუელ-სახელა,
Verse: c   Line of ed.: 13       იანგელოსა, ისიბრძნის-მოყურა კმად-ღა;
Verse: d   Line of ed.: 14       ქართლი თჳსთაგან სწავლათა მისცა ღმერთსა;
Verse: e   Line of ed.: 15       ზე აღჰჴდა სულით, მიჰრთო მიწა მიწასა.


Next part


This text is part of the TITUS edition of Antoni I. Bagrationi.

Copyright TITUS Project, Frankfurt a/M, 19.1.2017. No parts of this document may be republished in any form without prior permission by the copyright holder.