TITUS
Mxitar Heraci, Jermanc Mxitarowtiun
Part No. 11
Previous part

Book: 11  
Line: 10 
ԳԼՈՒԽ Ժ՜Ա
Line: 11 
ՎԱՍՆ ՄԻՕՐԵԱՅ ՋԵՐՄԱՆՆ ՈՐ ՊԱՏՃԱՌՆ Ի ՏՔՆՈՒԹԵՆԷ ԼԻՆԻ։


Line: 12    Այս ջերմս ի զգայական հոգւոյն հանդիպի լինել.

Line: 13    եւ իւր նշանն այն է , որ երեսացն գոյնն դեղին
Line: 14    լինի. եւ իւր դեղնութեան պատճառն այն է՝ որ տքնութիւնն
Line: 15    արգիլէ զբնութիւնն ի կերակրելոյն յեփելոյ. զի
Line: 16    բնութեամբն հալիլն կերակրոյն ընդ քունն լինի. եւ
Line: 17    աչքն խորնայ, զի այն գիճութիւնն՝ որ ի քնոյն ընծայի,
Line: 18    պակասեցաւ. եւ մաճասն փոքր եւ յոյլ լինի, զի
Line: 19    զօրութիւն վատուժել լինի, եւ արեանն ի դուրս սփռիլն։

Line: 20    Իսկ այս ջերմս ի զգայական հոգւոյն հանդիպի.

Line: 21    ապա վասն այդր պատճառանացդ ի յիւր բժշկութիւնքն
Line: 22    պարտ է ջանք դնել որ ի քուն լինի. զձեռսն
Line: 23    եւ զոտսն աղէկ աճռել տալ, որ շոգիքն ի վայր իջանին.

Line: 24    զկերակուրն պարկեշտ տուր եւ շուտահալ. եւ ի
Line: 25    մերձաւորութենէ պատրաստեցո բնիկ, մինչեւ իւր
Line: 26    առաջին բնութիւնն դառնայ։

Line: 27    Բագարատ ասէ ի նոյն պատճառքդ , եթէ միօրեայ
Line: 28    ջերմն որ ի տքնութենէ լինի, ի ստամոքացն
Line: 29    լինի՝ որ զկերակուրն պակաս եփէ. կամ ի կոծանաց
Line: 30    եւ ի հալածանաց, որ զմարմինն դատել լինի տքնութեամբ
Page: 21  
Line: 1    եւ կամ ի զգայական հոգին հասեալ լինի
Line: 2    դատումն։ Եւ իւր նշանն այս է, որ աչքն խորանայ,
Line: 3    եւ զերդ ի գուբն անկանի, եւ աչքն ծանրանան, եւ ի
Line: 4    յերեսն այտոց երեւնայ, եւ գոզն սպիտակ լինի, եւ
Line: 5    մաճասին երակն բարակ լինի։

Line: 6    Եւ իւր ստածումն այս է։ Առ դդմի կտի ձէթ,
Line: 7    որ ընդ մանուշակն սնուցած լինի, եւ հեղ մի քանի ի
Line: 8    քիթն կաթեցո։ Եւ այլ առ մանուշակ եւ նինոֆար,
Line: 9    եւ խաշխաշի կոնկոմ, եւ գարի փերճոկած. զայս
Line: 10    զամէնս անուշ եւ քաղցր ջրով եփէ, եւ ի վերայ գլխոյն
Line: 11    դիր. յառաջ իւր ջրովն ծեփէ զգլուխն. օգտակար է։

Line: 12    Եւ երբ ջերմն պակասի եւ վճար գայ, ի բաղանիս
Line: 13    մտո, եւ կիսատաք ջրով ծեփէ զմարմինն, եւ մանուշակի
Line: 14    ձիթով օծանէ. եւ երբ ի բաղանեացն ելանէ,
Line: 15    հետ պահու մի կերակուր տուր՝ գէր հաւ պարկեշտ
Line: 16    համեմնով եւ նշի ձիթով եփած։ Ի տաք եւ ի չորային
Line: 17    կերակրոց եւ ի մերձաւորութենէ պատրաստ կալ,
Line: 18    եւ շատ ի շուրջ գալոյ, եւ զմարմինն ի դատելոյ, եւ
Line: 19    յամենայն իրաց՝ որ չորութիւն ընծայեն՝ պատրաստ կենայ։

Line: 20    Մուսավային որդին ասէ, եթէ իւր օգտակար
Line: 21    ստածումն այն է, որ շատ ի քուն լինի։ Եւ առ պապունաճ
Line: 22    եւ մանուշակ, նոնոֆար եւ խաշխաշ. զայս
Line: 23    ամէնս ջրով եփէ աղէկ, եւ զգլուխն այդ ջրովդ ի յար
Line: 24    ծեփէ, զի օգտակար է եւ քուն բերէ, եւ զջերմն արձակէ։

Line: 25    Զձեռն եւ զոտն մանուշակի ձիթով օծանէ
Line: 26    մարձելով. եւ հաւու ձագ եւ տուռաճ եւ տէհուճի
Line: 27    միս ուտէ. եւ գինի տուր սակաւ սակաւ. ի հով եւ ի
Line: 28    գիճային կերակուրք յարեցո. եւ ամենայն բանէ որ
Line: 29    զմարմինն դատէ, պատրաստ կենայ, եւ ի մերձաւորութենէ
Line: 30    այլ. եւ ցերեկով ի քուն չի լինի. զի գիշերութեան
Line: 31    քունն հանգիստ բերէ, եւ զկերակուրն հալէ, եւ ի
Line: 32    մարմինն հովութիւն եւ գիճութիւն ընծայէ։ Ապա թէ
Line: 33    ջերմն զօրաւոր լինի, զհով եւ զգիճային ձիթերն յար
Line: 34    ընդ գլուխն օծէ. որպէս մանուշակի ձէթ, եւ դդմի
Line: 35    կտի ձէթ, եւ նոնոֆարի եւ կամ նշի, եւ այլ սոցին
Line: 36    նման. օգտակար են օգնութեամբն Աստուծոյ։



Next part


This text is part of the TITUS edition of Mxitar Heraci, Jermanc Mxitarowtiun.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.